درس تعليم المقالب للرجال 0

((مغروره )) · #1 01-02-2009, 10:14 PM

اخوي اذا تبي تطفش واحد وترفع ضغطه: خليه الين ينام وبعز الظهر (القايله) قم وطف
المكيف عليه وراقبه بعد خمس دقايق ...... وشوف وش رايح يصير وضحك
حييييييييييييييييييييييييييل (( هاذي شغلي انا ))

شوف الثانية

اذا كان هناك عزيمة يعني عشاء.....بعد ماتغسل افتح الماي الحار الين تشوفها تولع وسكر
المغسلة وشوف الي بعدك وش يصير بحاله بس اضحك من قلللللللللللب

اذا جاك واحد ماتبيه وسويت له شاي.....لا تجيب كاسة ام عروه عليك بكاسات الجبن وصب
له بها....واملها حيل للأخر على شان مايقدر يمسك الكاسه واذا كانت الخدامه ما تعرف
تسوي شاي خلها هي اللي تسويه

واذا كان عندك ضيف دمه ثقيل وتبغاه يمشي خل واحد من هلك ولا ربعك يدق عليك جوالك كل شويه

وكل مره كلمه على انه واحد ثاني وقول " لالا والله مقدر الحين عندي ضيف يمكن بعد
عشر دقايق "........ولا تنسى شي مهم لاتلبس ساعة عشان كل شويه تسأله كم
الساعة ...ولما يكلمك لاترد عليه على طول من أول مره سو نفسك ما سمعته

واذا اتصل بك واحد دمه ثقيل وثرثار رد باختصارات الحمدلله ايه لا مادري يمكن الظاهر
احاول واذا طوّل اوهمه انك تكلم واحد بجنبك اذا شفته بعده يثرثر ومش ناوي يخلص استخدم
حيلة الخط المقطوع وقول " ألو ألووووووووو وينك .....ألوووووووووووو يابو الشباب
الظاهر ان الخط انقطع " بعد كذا سكر السماعة ... بس وتفتك منه ...الا اذا اتصل ثانيه ساعتها
عاد الباقي عليك

واذا بغيت تجنن الخدامه ادخل المطبخ واشرب نص كاس عصير وكأنك مش متعمد كب الباقي (( يننت خداماتنا بها الحركه ))

ع البلاط واذا كان المطبخ مفروش يكون احسن ........... وافتح الثلاجه وطلع سلة فاكه اخذ
منها شي بسيط واتركها ع النمليه وخذ السكرية وانت طالع من المطبخ ارميها ع الباب
واذا نامت وهي بعز النوم صحيها وقولها تسويلك عشا هههههه (( هاذي تسير ايام المدرسة )) ........ساعتها بيكون الضغط عند ألف
الا شرطه

بس الخوف انها تحط لك سم فيران ...!!!!!!!

واذا حبيت ترفع ضغط اهلك الحريم لما يطلبوا منك توديهم السوق بعد ما يجهزوا ويطلعوا
اركب السيارة وخليك طبيعي وفجأه قلهم أففففففف السيارة موراضيه تشتغل طبعاً انت ماخذ
احتياطك وفاصل اصبع البتري و شوف شبيسوون فيك ساعتها .........الله يعينك عليهم أقصد
عليهن .... (( اخوي الحبيب توبه ما اطلع وياه ))

والطريقه الثانيه عشان يحرمون يطلبوا منك توديهم السوق ....لاتشغل مكيف السياره بس
التهويه المراوح وقلهم التكييف خربان خلهم ينطبخون واذا قالوا نبغى نفتح النوافذ قلهم خربانات
واذا فتحتوهم ما راح يتسكروا بعدين هههههههه

ملاحظة : جربها أكثر من مره على التوالي واضمن لك نجاحها بعد جذي راح يحرمون صدقني

واذا كلمك صاحبك ع الجوال وحسيت انه مستعجل بس يبغى منك شي مهم أرفع صوتك وقله
" ترى ماسمعك الصوت مشوش ويقطع ألو ايه ايه معاك الو وووو وينك " ورد على كلمه
وحده وطنش بالباقي وشوف شيصيرله.

00000000000000000000000
THE END يلا انطر ردودكم الحلوه

عرباوي قطر · #2 01-02-2009, 10:44 PM

اقتباس:

واذا حبيت ترفع ضغط اهلك الحريم لما يطلبوا منك توديهم السوق بعد ما يجهزوا ويطلعوا
اركب السيارة وخليك طبيعي وفجأه قلهم أففففففف السيارة موراضيه تشتغل طبعاً انت ماخذ
احتياطك وفاصل اصبع البتري

احلى مافي الموضوع ..

احمد و جريء · #3 01-02-2009, 11:22 PM

مقلب الميه السخنه دايما بسوييه

ولا ماشالله في افكار كتير
شكرا

Saoud Al-Haddad · #4 02-02-2009, 02:49 AM

تفكيرج شيطاني ..

شكراً .

((مغروره )) · #5 02-02-2009, 03:40 AM

اقتباس:

المشاركة الاصلية بواسطة عرباوي قطر


		احلى مافي الموضوع ..

مشكور خيو اتمنى اطبقها

((مغروره )) · #6 02-02-2009, 03:41 AM

اقتباس:

المشاركة الاصلية بواسطة احمد و جريء


		مقلب الميه السخنه دايما بسوييه ولا ماشالله في افكار كتير شكرا

شاطر اتمنى تتعلم المقالب الاخرى وتستقيد

((مغروره )) · #7 02-02-2009, 03:42 AM

اقتباس:

المشاركة الاصلية بواسطة Saoud Al-Haddad


		تفكيرج شيطاني .. شكراً .

لا لا الله يبعد الشياطين عني بس انا احب العوز الناس

طالب الشريعه · #8 02-02-2009, 08:04 AM

مع ان الموضوع مكانه جامعة المرحه .. بس كأني ما شفت شي ..

اهات بتذبحني ..

عجيبه المقالب .. اهمها مالت الحريم ..

تقبلي مروري ...

((مغروره )) · #9 03-02-2009, 04:39 AM

اقتباس:

المشاركة الاصلية بواسطة طالب الشريعه


		مع ان الموضوع مكانه جامعة المرحه .. بس كأني ما شفت شي .. اهات بتذبحني .. عجيبه المقالب .. اهمها مالت الحريم .. تقبلي مروري ...