الفيس بوك facebook ... موقع ينتشر بين شباب وبنات الجامعة بشكل مرعب ....

[م. عبدالله]

اقتباس: في الآونة الأخيرة، نال الموقع الشهير face book شهرة عالمية غير متوقعة، ما تفكر بأحد إلا وتلاقيه على الفيس بوك. انتشار رهيب. وطبعاً مثل أغلب المواقع فيه الجيد وفيه السيء. اليوم نزف لكم خبر أن شركة اتصالات الإماراتية قامت بحجب الموقع (على حسب ماقالوا) لأن أمس نحاول نفتح الموقع لكن لايتم التحميل بشكل كامل، الصور ماتطلع و ترتيب الصفحة يطلع ملخبط اتصلنا عليهم وقالوا أن هذا الموقع تم حجبه

اقتباس: حجم المشتركين فيه, والذي يناهز 24 مليونا حيث يشهد زيادة في عددهم بمعدل 150 ألفا يوميا, وكذلك على فرادته من الناحية التكنولوجية

اقتباس: فيس بوك طريق الباحثين عن "العلاقات القديمة" بسرعة الصاروخ تنطلق تطبيقات فيس بوك Face Book على شبكة الانترنت لتصير أحدث انقلاب في موازين عالم الشباب في الآونة الأخيرة، وفكرة هذا التطبيق بسيطة جدا، وخلاقة جداً، وهو ما يميز هذا الجيل الثاني من الإنترنت الذي اتجه أكثر ليصبح شبكة اجتماعية فهو عبارة عن شبكة من العلاقات الاجتماعية التي تربط طلاب الجامعات في المقام الأول بعضهم ببعض، وتتيح لهم مشاركة زملائهم وأصدقائهم صورهم، وأخبارهم، ونشاطاتهم، وتبقيهم على اتصال حتى بعد أن يتخرجوا .

اقتباس: موقع "فيس بوك" يضع معلومات عن اعضائه على محركات البحث على الانترنت نيويورك (ا ف ب) - بدأ موقع "فيس بوك" للتعارف الاجتماعي والذي ينضم اليه اكثر من مليون عضو شهريا في طرح المعلومات المتعلقة باعضائه علنا على محركات البحث على الانترنت مثل "غوغل" و"ياهو".

اقتباس: استيقظ آلاف السوريين علي قرار مفاجيء للسلطات الأمنية في سوريا يقضي بحجب موقع Facebook الشهير مما أحبط عشرات آلاف الشباب واليافعين في سوريا الذين اعتادوا على استخدام الموقع.

الفيس بوك





يا جماعة الخيــــــــــــــــــر

رأيكم في هذا الموقع الدخيل على حياة شبابنا وبناتنا ...؟؟؟

هل له إيجابيات .... أم له سلبيات ....؟؟؟

هل أنت مع أو ضد هذا الموقع ....؟؟

هل لديك تجربة تود سردها مع هذا الموقع ....؟؟

موقع يحتاج إلى وقفة .... ما هو موقفك من هذا الموقع ...؟؟

عشرات بل مئات الطلبة في الجامعة بنين وبنات أصبح الفيس بوووووك ... الملتقى والمقصد .... ؟؟

الموضوع هنا مطروووووح للنقاش .... وليس أخبار عن الفيس بووووك

أقرأ المزيد ....
الفيس بوك


الفيس بوك


الفيس بوك

[شيبة الجامعة]

والله أنا ماعرفت هالموقع إلا عن طريق هذا الموضوع

باشوفه وبعدين اقولك رأيي فيه

[ورد البنفسج]

انا اول مرة اسمع عنه الصراحة
!!!!!!!!!

[هنده]

كل شي له سلبياته وايجابياته .. على حسب شخصية المستخدم !! وعلى حسب طريقه الاستعمال والهدف!!
بالنسبه لي انا ماقدراستغني عن الفيس بوك لان شي مهم ...يوصلني بربعي وبالناس اللي اعرفهم
مشكله اغلب الناس على طول يروح تفكيرهم للشيء السيء بس صدقوني انا اجوف له ايجابيات
مثلا في قروبات في الفيس بوك تهتم بقضايا اجتماعيه مهمه نتناقش فيها مع ناس من مختلف الدول ومن مختلف العقائد والديانات ..انا وحده استفدت الصراحه واطلعت على اشياء مفيده ما كنت اعرفها ..تعرفت على ناس من مختلف الدول ..افيدهم ويفيدوني ..
وفي مثلا قروب للمتحجبات ..شي حلو تتعرفين على بنات من مختلف الدول ..بنات يبون يتعلمون عن الاسلام وتقدرين تساعدينهم
وبعد في قروبات اتشاركني نفس اهتماماتي مثلا من ناحيه العلم وغيره واشاركهم الراي واساعدهم اذا اقدر ...
ونفس الوقت الحلو ان عن طريق الفيس بوك الواحد يقدر يحصل ربعه اللي فقد الاتصال معاهم مع الزمن
يعني اقصد كان عندي ربع من بلد ثاني ..ماعرف شي عنهم من سنين وبالصدفه لقيت اكثر من وحده على الفيس بوك ..يعني شي حلو الصراحه
بس اكيد في ناس يستخدمونه لاسباب غلط وبهالشكل نقدر نقول ان في سلبيات وايجابيات لكن الشخص العاقل يعرف يستفيد من كل شي ..
واسمحولي على الاطاله
وشكرا

[صـقـر]

اقتباس: المشاركة الاصلية بواسطة هنده    كل شي له سلبياته وايجابياته .. على حسب شخصية المستخدم !! وعلى حسب طريقه الاستعمال والهدف!! بالنسبه لي انا ماقدراستغني عن الفيس بوك لان شي مهم ...يوصلني بربعي وبالناس اللي اعرفهم مشكله اغلب الناس على طول يروح تفكيرهم للشيء السيء بس صدقوني انا اجوف له ايجابيات مثلا في قروبات في الفيس بوك تهتم بقضايا اجتماعيه مهمه نتناقش فيها مع ناس من مختلف الدول ومن مختلف العقائد والديانات ..انا وحده استفدت الصراحه واطلعت على اشياء مفيده ما كنت اعرفها ..تعرفت على ناس من مختلف الدول ..افيدهم ويفيدوني .. وفي مثلا قروب للمتحجبات ..شي حلو تتعرفين على بنات من مختلف الدول ..بنات يبون يتعلمون عن الاسلام وتقدرين تساعدينهم وبعد في قروبات اتشاركني نفس اهتماماتي مثلا من ناحيه العلم وغيره واشاركهم الراي واساعدهم اذا اقدر ... ونفس الوقت الحلو ان عن طريق الفيس بوك الواحد يقدر يحصل ربعه اللي فقد الاتصال معاهم مع الزمن يعني اقصد كان عندي ربع من بلد ثاني ..ماعرف شي عنهم من سنين وبالصدفه لقيت اكثر من وحده على الفيس بوك ..يعني شي حلو الصراحه بس اكيد في ناس يستخدمونه لاسباب غلط وبهالشكل نقدر نقول ان في سلبيات وايجابيات لكن الشخص العاقل يعرف يستفيد من كل شي .. واسمحولي على الاطاله وشكرا

اشكرج على هذا الرد القيم ،،


كل موقع فيه ايجابيات وسلبيات ،،

و المستخدم هو إلي يختار إلي يبغيه ،،


ونفس الكلام ينطبق على موقع فلكر ،،

فيه البومات قليل فيها كلمة ابداع ،،

والعكس تماما ً


شكرا ً لك مره ثانيه يا هند

[هنده]

العفو ..وصح كلامك ..هالكلام ينطبق على كثير مواقع
ونسيت اشكركم على طرح هالموضوع الحلو ..
يعطيكم العافيه

[طمبحله]

سمعت عن هالموقع من حوالي 3 شهور
بس مادري شسالفته
ماحاولت ادخل عليه
وما اقدر احكم عليه من خلال كلام حد

[spider_2006]

على حسب المستخدم

اذا استخدمه في عمل الخير فله ذلك

أنا واحد من مستخدمي هذا الموقع وماأشوف فيه أي ضرر على الشباب أو البنات

لكن مع الأسف بعض الشباب يستخدمونه لنشر الرذيله

[عين الغزال]

في ناس تستخدم هالمواقع بطريقه صحيحه مثل انها تسوي قروب لمحاربة السرطان أو قروب للانتفاضه

الفلسطينيه أو قروب لمحبي شخصيه معينه ... الخ ويتناقشون بين بعض ..

وفيه ناس ما همها انها تستفيد كل إللي تبيه انها تعرض صور خادشه للحياء وتكتب كلام كله قلة ادب

هذا من غير اقامة علاقات غير شرعيه ..

وانا اعرف بنات قطريات وبنات قبايل بعد مشتركين في هالموقع نص هالبنات مصورين جسمهم وشعرهم و،،،

الخ.. ليش عشان بس يشووفن ردود الشباب والنص الثاني يستخدمونه في اشيا مفيده..

وانا مشتركه في هالموقع وطبعا عرفته من وحده من الاهل وماعرف شلون استخدمه حطيت كم صوره

وعقب سفهت له.. وطبعا لازم تسجل باسمك الحقيقي في الموقع ..!! ..

يا ليت اصحاب هالموقع يسوون رقابه مثل ما تسوي شركة الهوتميل على موقعها "ماي سبيس"

[بريق الشوق]

اول مرة اعرف عنه!!