كشخة العيد ... شاركونا بنات

[NewCandle]

السلام عليكم ورحمة الله وبركاته ..







شلونكم بنات ؟؟ شخباركم ؟؟

ها شريتوا أغراض العيد !!! ترى مابقى شي عالعيد كل عاام وأنت بألف خير وإن شالله السنة الجاية كلنا في الحج قولوا آمين


تدرون والله ماشريت شي مالي خلق أروح السوق !! كلسنة أقول بتجهز من قبل الزحمة بس بوطبيع مايوز عن طبعه


المهم أنتوا شنو شريتوا ياريت كل وحده تقول لنا من وين راح تشتري أغراض العيد كلشي الفستان الجوتي وانتوا بكرامه العبايه حتى الصالون ويت راح تتحنون وين راح تتمكيجون يعني احب نتشارك في استعداداتنا للعيد وشلون راح نكشخ ...



ولو تشاركونا بالصور يكون أحلى وأحلى ..


::

يلا أنتظر أول المشاركات


أختكم
NewCandle

[جامعيه كلاسيكيه]

طق طق

احم ممكن ادرعم <<ابوك يالدفااشه

عليج السلام ورحمه الله وبركاته

الله الله حركااااااااااااات شهالموضوع ونااسه اخيرا بنتناقش مع احد عن العيد<<الله يعينج على قرقرتي

المهم الله يسلمج انا ماشتريت ولا شي لهالعيد <<ليش بتلبسين خيشه مثلا

اولا لان عيد الفطر شاريه ملابس شكثر وحرام مالبست منهم الا بدله وحده بس والباقي تسمع صوتي بالكبت هههه فقررت البسهم لهالعيد وبحكم ان كل اهلنا راح يكونون مسافرين يعني بقضي هالعيد بيتوتي (بيتنا بس) اممم يعني عيزاانه اكشخ واايد حتى رفيقاتي اسحبو علي محد منهم بيجي

الزبده كشختي شريت نصهم من zara والنص الباقي من max والمتبقي اللي هي الاكسسوارات وخرابيط الشعر خذتهم ايام المعرض

الكشخه كالتالي:
dress(بنفسجي +الاوف وايت) معاه صندل (الله يعزج) لونه ابيض واكسسوارات بيضا وبنفسجي غامق وناويه اسوي شعري كشه<<هاي الله يسلمج امي لما تعصب علينا وتشوفنا مرولين او مفيرين شعرنا

وباقي الايام ماراح اكشخ لانا بنقضيها برع فالله يسلم العباه اللي تستر كل العيوب

واي قبل لا انسى العبايات فصلتهم قبل اسبوعين مستعجل وبعد طلعت الروح بستلمها يوم الخميس فصلتهم عند تويلب موديلات هاديه وتصلح شتا <<مايسوى عليه الشتا خرعناه وشرد

واممم شنو بعد اي صح الحنا نوو ماراح اتحنى لان حنتي لعرس عمي للحين مطبعه وشكلها يضحك فقلت خلني استفيد منها واحللها هالنقشه

وووبس الميك اب والشعر طبعا راح اسويه بصالون بيتنا <<اللي هو السطح <<عاد شنسوي الجو حلو خلونا نستمتع فيه

وعيدددددددددددددددددددددكم مباااااااااااااااااارك وعساكم من عوااااده ويالعايدوو يالعايدوو عيديين عيدكم مع كلاسيكوو عيدين <<ونااسه تحمست متى يجي العيد كله منج يانيو كاندل خليتيني اطلع فضايحي المكبووته

[اثير الدوحه]

آآآووف آتصدقوون للحين ما شريت شي حق العيد على نهااية الاسبووع ان شاءالله << كل شي فنهاية الاسبووع..

وبعدين صج آهلنا كلهم مسافرين الحج .. آكشخ حق منووو

[كن واثقا]

يه يه يه ايش هذا الموضوع الزين

اتصدقين وناسة تشترين حق العيد بس أللى يبط الجبد اذا ما حصلتي شئ عدل

انا من كم اسبوع رحت الحسا وطبعا ما شبعت ولا شريت أللى في خاطري لأن رجعنا في نفس اليوم أللى شرد فيه النمر اتقولين كأن النمر لاحقنا كل بسرعة بسرعة ويلا و يلا وعصبت قلت انا ما شبعت اذا رجعت الدوحة بروح الستى انشالله بروح بكرة

و شريت من الحسا كم بدي وفصلت لي تنورتين عند خياط أسمة مشغل ام جى سى وخااااطري اخذ لي فستان استرج مرصص حق العيد بناااات بليز أللى راحت مانجو نزلوا اشياء جديدة و فساتين؟؟؟وايش المحلات أللى امنزلة فساتين نااااعمة تصلح حق العيدأختى راحت الاندمارك واتقول كل شماطيط و أسألت أللى في محل أورجيم قالت لها متى بتنزلون حق العيد قالت يوم الجمعة

[جامعيه كلاسيكيه]

اي مانجو نزلو شغلات حلوه وفساتين نعوومه والونها تجنن

اختي خذت لها من مانجو درس عالزيتي الغامق وشكله عجيب توهم كانو منزلين هالكولكشن واختي الثانيه خذت لها فستان موديل صدره دفش شوي وهو كله واسع وكلوش من تحت لون الشك اسود ولونه كامل فسفوري<<اللون صاير غريب على المانيكان بس عاللبس طالع عجيب

[ضاق الصدر]

تبووني اسدح لكم صور كشختي حق العيد

بس انا ودي بناس معينه هي اول من يشوف

بشوف بعد العيد عشان محد يزعل

.. بس ليش متكيسله تروحين السوق عادي اروح بدالج مستعده بخخخ

[alJo0o0o0ohra]

تـوني من سـآعه آقول حق آمي
صاير العيد بالنسبة لي منـآسبة مكرره
تقول آيه قبل كـآن الكل يكشخ بهـآاليوم
آحين كل يوم الواحد يكشخ
وصارت الكشخه مكرره يعني مـآدري شلون
آقصد بهذا آني نهـآئياً مو مستعده
ولا شي شريت
يمدحون البجاييمـ

[جامعيه كلاسيكيه]

^

ايه والله هالعيد موب نفس قبل كل شي تغير الله يعين

انتو نفسي ماحس ان الاسبوع الجاي عيد بس يله غصب طيب بستنانس<<من ماسكج انتي

يله كلكم من ألحين اللي ماتجهزت تجهز واللي ماعندها تبطل الخزانه وتلبس اللي عندها واللي مالها بارض تستأذن من بارضها يو م واحد بس

والعييييييييييييييييييد فرحه هيه هيه هيه

والجوهره يله قدامي بطلي الكبت والبسي ماعندي بيجامات الكل يكشخ يعني يكشخ<<ليش مع جويل احلى مثلا

[آهات]

عليكم السـلام والرحمه ..

صراحه عندي تجهيزات خفيفه بس مب عاجبتني ^^"

خـاطري في شي غير واتمنى تقدرون تساعدوني ..

تعرفون وين احصل جلابيه مغربيه جاهزه؟؟ ويكون سعـرها مناسب يعني لاتحطون لي بو 2000 وماشابه

لأن بتكون حق الصبح بعدين تبتدي فقره البيجامه اليديده

[كن واثقا]

اقتباس: المشاركة الاصلية بواسطة جامعيه كلاسيكيه    اي مانجو نزلو شغلات حلوه وفساتين نعوومه والونها تجنن اختي خذت لها من مانجو درس عالزيتي الغامق وشكله عجيب توهم كانو منزلين هالكولكشن واختي الثانيه خذت لها فستان موديل صدره دفش شوي وهو كله واسع وكلوش من تحت لون الشك اسود ولونه كامل فسفوري<<اللون صاير غريب على المانيكان بس عاللبس طالع عجيب

مشكوورة أختى عيل انشالله بروح