بســــــــرعة ..مراكز تعليم سواقة؟؟

[سعيدة ويا الجامعة]

السلام عليكم ..

إن شاء الله هالصيف بتعلم سواقة ..

بس حابة أعرف ويا ليت بســــــــــــــــــــــــــرعة اللي يعرف يرد

قبل لا تسكر المراكز ,,

أبغى أسامي مراكز لتعليم السواقة خاصـــــــة للنســـــــــاء .. تكون في الدوحة .. ما أبغيها تكون بعيدة عن الدوحة

واللي يعرف منو أحسن مركز من أي ناحية كانت ... فأتمنى ما يقصر ويخبرنا .. سواء من ناحية الشهادة أوالأسعار أو غيـــــــرها



ومشكوووورين مقـــــــــــــدماً

[ندى الورد]

وعليكم السلام

هلا أختي

ما أعرف غير مدرسة الخليج للسواقة

هي في منطقة الروضة في المطار (مقابل مطار الدوحة الدولي)

اممم كأنج رايحة مدرسة الوفاء (قبل إشارات الباراشوت)

اممم فيه لفة على يمين طريقج وانتي طالعة من إشارات الباراشوت ورايحة الوكرة

(ما أدل بالضبط إلا إذا رحت هناك )


بالنسبة للسعر .. الدورة الكاملة (40 حصة) أظن أظن بـ 2500 أو 2700 ريال

لحقي قبل لا يصير ضغط وما تقدرين تحصلين لج مدربة ^.^

واحتمال كبير يخلّونج تتدربين بعد رمضان


أتمنى أني قدرت أساعدج باللي أعرفه

الله يوفقج وإن شاءالله تحصلين الليسن

[ندى الورد]

بالنسبة للطريق الأول والأسهل:

قبل إشارات الباراشوت فيه لفة عاليمين (لفة مدرسة الوفاء وهي آخر لفة قبل الإشارات)

روحي سييييده لين توصلين مفترق طرق

خذي اللفة اليسرى وامشي لين تلقين على يمينج المدرسة

[جامعية طموحة]

هلا والله

أنا تدربت في مدرسة الراية للسواقة وهذه مدرسة معروفة وهي مش بعيدة تقدري تلاقيها عند مدرسة امنه المستقلة وفي واحد هناك مسؤول اسمه الاستاذ/ حسن نصار اطلبيه بالتلفون بحولوكي عليه كتير محترم وبيجاوبك على كل أسئلتك وتقدري تطلبي انه اللي تدربك تكون وحدة (امرأة) مش رجل وهو بيحط اسمك عندها واسأليه عن الاسعار لانه ممكن تكون اتغيرت انا تدربت السنة الماضية (2000 ريال)

بالتوفيق

[يالله بالستر]

أنا تدربت في مدرسه الرايه .. بس أنا في الاساس اعرف اسوق . في البر طبعا. اما الشارع العام كان بالنسبه لي رعب
بس الحمد لله تعودت .
ع العموم انصحج اختي لاتاأخذين قير عادي اخذي اوتومتيك لاني اول مره خذيت قير عادي ورسبت في الشارع من الخوف , طفت على السياره في الدوار. طبعا هذا أكبر غلط عشان كذا رسبت لانه كان صعب على أني اتحكم بالقير . مع اني نجحت في الاختبار الداخلى بس برا من الربكه والزحمه والخوف رسبت

بس ثاني مره يوم عدت الاختبار خذيت قير اوتومتيك والحمد لله نجحت
انصحج بوحده باكستانيه اسمها(( ام حمد )) انا كنت ابي عندها بس كان في زحمه عليها . عشان كذا خذيت عند وحده سوريه كبيره شوي في السن بس مااذكر اسمها بالضبط . لاني خذيت عندها بس اسبوع بعد مارسبت خذيت عندها بصراحه ممتازه .

بالنسبه للرسوم مااعرف صراحه لان ابوي هو الى سجلني

وبالتوفيق وترا السواقه سهلللللله بس يبي لها قلب قوي .

[alzean-kela]

هلا حبيبتي

انا تدربت فالخليج بس الخبره قير اوتوماتيك <<فكو العالم ترى عليهم ضغط حجزي من الحين

بالتوفيق

[سعيدة ويا الجامعة]

مشكوووووورين من قلب ..

ندى الورد

جامعية طموحة

يالله بالستر

alzean-kela

معلوماتكم وااايد أفادتنـــي .. ربي يجــــزاكــــــم الجــنة

[خاطري بلكزس]

أنا تعلمت في الخليج

21 حصة قير عادي



هيييييه .. ذكرتيني .. صج كانت أيااااام

[نوارة الكون...]

ادخلي في اقرب مدرسة لبيتكم

وكلهم نفس المستوى وفيهم مدربات للحريم

بس انتي لازم تطلبين مدربه + سيارة قير اتوماتيك

والله يوفقج وتاخذين الليسن بسرررعه

[سعيدة ويا الجامعة]

مشكوووورين وايد ..

خاطري بلكزس

نوارة الكون

ربي يحقق أمانيكم .. ويجزيكم الخير


سؤال صغير ..
خاطري بلكزس .. بالنسبة للحصص .. أنا اللي أعرفه إنه 40 حصة
صح ولا ؟؟
والله بيكون حلو إذا كان مثل ما قلتِ إنه 21 حصة