صليت صلاة الاستخارة ولحين محتارة بين امرين ساعدووني ضروووري

[اميرة الاحساس]

هلا والله

حبيت اقول لكم ان انا امس كان عندنا البروفه حق حفله تخرج الثانوية

العامه وكان موعد البروفه الساعه 7 صباحا وانا كنت محتاره اروح ولا

ما اروح الحفله انا ابي اروح الحفله لان اخاف اذا ما رحت اتحسف

وما ابي اروح لان نسبتي مضايقتني خصوصا اني جبت في الثمانينات

قبل موعد البروفه كنت سهرانه لين 5 الفجر فقلت احسن لي اصلي

صلاة الاستخاره والحمد الله صليت وتركت امري لله...وبعدين رقدت

تدرون متى قمت انا قمت الساعه 10 الصبح

قمت متصرقعه راحت عني البروفه رحت المدرسه اخذ الشهادة

الا شافتني رفيجتي قالتلي ليش ما يتي البروفه؟؟؟ خلاص خلصت

قالتلي روحي عند الابله وسجلي اسمج انج بتحضرين الحفله وبعد ما

خذت شهادتي من المديره رحت عند الابله وسجلت اسمي بعدين يوم

رديت البيت قلت يمكن الله كاتب لي ان ارووح وبعدين هم طالبين منا

نسوي زي خاص للتخرج وانتوا طبعا تعرفون الزي تخرج عباره عن بالطو

وقبعه التخرج وانا لحين ما سويت شي لاني ما كنت حاطه في بالي

اني ارووح الحفله لان باقي على الحفله يومين فامي قالتلي ان يوم

حفلتج بيون عمال ما اقدر ايي وياج ويوم صار فالليل رحت المعهد

وامي قالتلي عطيني عبايتج عشان اروح الخياط يفصلج نفس القياس

بس بالطو الا يوم راحت قالها الخياط انا ما اعرف شكل القبعه فامي

فامي خذت العبايه وما فصلتلي فانا قلت يمكن الله مو كاتب اني ارووح

لكن اليوم امي قالت خلاص بروح افصل لج البالطو والقبعه... فانامحتاره

ساعات يطلعلي شي حلو وساعات لا خصوصا اني حلمت ان بيغمى

علي بالحفله فانا بكرر صلاة الاستخارة مره2 وبشوووف......

فانصحوني شسوي او فسروااا كلامي....؟؟؟ ارجوكم لا تقروون

الرساله بدووون رد

[)(.آلنظآم.آلعآم.)(]

هذي حلم ولا حقيقة اختي؟!

ممكن تهدين اعصابج شوي، وحبة حبة تشرحين لنا عشان نساعدج..

شكراً.

[<بوتركي>]

انتي منزله موضوعين بالغلط

السلام عليكم

اختي انتي فاهمة مسألة " الاستخارة " غلط.

الإستخارة أنج تحددين شي مثلا تختارين الذهاب للحفلة وتصلين ركعتين " إذا أمكن أنج تصلين واذا ماقدرتي قولي الدعاء بس " تصلين ركعتين وتقولين :

الحمدلله والصلاة والسلام على رسول الله وعلى آله ، اللهم إني أستخيرك بعلمك وأستقدرك بقدرتك وأسألك من فضلك العظيم إنك تعلم ولا أعلم وتقدر ولا أقدر وأنت علام الغيوب اللهم إن كان ذهابي للحفلة خير لي في ديني ومعاشي وعاقبة أمري وعاجله وآجله فاقدره لي ويسره لي ثم بارك لي فيه وإن كان ذهابي للحفلة شر لي في ديني ومعاشي وعاقبة أمري وعاجله وآجله فاصرفه عني واصرفني عنه ثم هيئ لي الخير حيث كان ورضني به.

واذا حابه اختاري الخيار الثاني ( قولي : إن كان عدم ذهابي للحفلة .. )

بعد ما اخترتي واستخرتي ، أقدمي على الشي اللي استخرتي فيه بدون تردد .. واذا الله ما اختاره لج بتحصلين أمور تعسر عليج الشي هذا ، واذا اختاره بتحصلين تيسير للأمر.

اللي يقول لج انطري تشوفين حلم وانتي نايمة ، واللي يقول لج شوفي عندج انشراح في الصدر ولا انقباض ، يقص عليج لأن هالأمور مافيها دليل في السنة ... هذي من عند الناس نفسهم.

اللي يستخير خلاص يقدم على الشي اللي استخار فيه ويسويه مايتردد ويحتار مثل ما انتي قاعده تسوين الحين ، الله سبحانه شرع لنا الاستخارة علشان راحة البال مب الحيرة والقلق شالفايدة عيل..

توكلي على الله واستخيري صح وأقدمي وتوكلي والله يكتب لج اللي فيه الخير اللهم آمين.

[الجوري_66]

أول شي اعتقد انتي معطه الموضوووع اكبر من حجمه!!



وإذا قصدج على فااائدة صلاة الاستخاااره

ففي حديث جابر رضي الله عنه قال" كان النبي يعلمنا الإستخارة في الأمور كلها ، كالسورة من القرآن، ............. " البخاري

واعتقد انتي فااهمه موضوع الاستخااره غلط!!

وبو تركي ماشالله عليه ماقصر

[)(.آلنظآم.آلعآم.)(]

جزاك الله خير يا بو تركي..

ياليت فيه موضوع مثبت بهذا الكلام، لأن هذي المرحلة من العمر أشبه بمفترقات الطرق..

وفيها الحاجة ماسة لصلاة الاستخارة..

أثابكم الله على تفانيكم..

شكراً.

[<بوتركي>]

اختي الجوري الأخت صاحبة الموضوع محتارة

وكلنا يمر في مواقف مثلها يكون فيها محتار وفي قلق

البعض منا فاهم الاستخارة غلط فيتم محتار وقلق

المهم أنا نتعلم ونستفيد من بعض



واياك النظام العام

صدقت والرسول صلى الله عليه وآله وسلم كان يعلم الصحابة دعاء الاستخارة كما يعلمهم السور من القرآن لأهميتها .. مثل مانقلت الجوري

إن شاءالله أنزل موضوع في الإسلامي

[الهجـر]

عاد امس وحده تنصحني باتخاذ الاستخاره في كل امر ..

حبيبتي ا..
.خل نتناقش اسبابج ونخلي موضوع الاستخاره على جنب . انتي ليش متحسسه من هالسالفه .؟؟ هل مثلا الحفل يحتوي اشياء ضد مبادئج ؟؟ولا موضوع انج مب راضيه بنسبتج ؟؟يااختي مب كل يوم تتخرجين من الثانويه ..افرحي بعمرج ..والله يوفقج ..



والناجح يرفع ايدو ...<<مغبره

[engineereena]

السلام عليكم ورحمة الله وبركاته

اذا بتستانسين في الحفلة روحي, صح شكل الموضوع موهقك من البداية بسبة العباة والقبعة, بس ماتبين تتحسفين تقولين ياليتني رحت

مادري بس من غير تردد بروح لو مكانك, بحاول اسجل هالذكرى الحلوة في مخي

وبالنسبة للاستخارة, اللي بيصير لك عقب هو الخير, يعني لو مثلا ما قدرتي تروحين ترا فيها خيرة واذا تيسرت الامور بعد خيرة =)

[فوضويه حدي..!!]

هلا اميرة الاحساس ...
انتي بأي مدرسة ؟؟البيان ؟؟
بعد استحارتج ...اقولج ان حفلة التخرج ذكرى جميييييييله جدا...وخصوصا اذا كانت للمدرسة العلمية
فيه من ربعي ماراحوا الحفلة وتحسفوا بعدين ...يعني الحفلة مافيها شي يخوف او يوتر ... بالعكس وقمة الوناااسه فمالة داعي الخوف

وعلى اللبس اذا لي الحين ما فصلتي ...انا عندي ..بس مادري اذا بيقد عليج او لا ...اللون عنابي وذهبي

والله يوفقج يارب

[مصوره مستقبلا]

الله يوفقلج