PDA

عرض الاصدار بالكامل : الدقله ... { كشخة الشباب في الافراح }


بوعيد
22-01-2009, 05:41 AM
مرحبا بالشباب والله :s21:

ياهلا والله فيهم ... أمووووت أنا في شباب المنتدى :wub:

جبت لكم اليوم موضوع عن الدقله :cus5:

شاسوي تعبت مب عارف وش احط لكم :(

طبعا مافي مقارنة بين قسم الرجل وعالم المرآه :s27:

مواضيعنا كلها سنوية بينما هم يومية <_<

الدقله ( لباس ) : معطف طويل ,موضة قديمة تعود للستينات والتغييرات التي طرأت عليها بسيطة

تلبس في الافراح والمناسبات الوطنية للرجال


http://www.qatarp.com/files/125/D2.jpg


روووووو ياراعي السيف :wub:


http://www.qatarp.com/files/125/D1.JPG


وعادة ما تكون من قماش القطن أو الصوف وأحيانا الجلد أوالفرو وتلبس من فوق الثوب

بعض الصور اللي التقطها قبل فترة

نشوف اللون الاحمر ... ماعجبني ^_^

http://www.qatarp.com/files/125/DSC02181.JPG

نوعية القماش اللي عنده حلو بس مبالغ في سعره :sweatdrop

http://www.qatarp.com/files/125/DSC02176.JPG

http://www.qatarp.com/files/125/DSC02186.JPG

فتحه من الامام ... وتقدر تخليه مصكر

بس الافضل مفتوح ينفع حق العرضه :good2:

http://www.qatarp.com/files/125/DSC02185.JPG

تطريز اليد

http://www.qatarp.com/files/125/DSC02184.JPG

اللون الاسود الموجود عنده هو الافضل

http://www.qatarp.com/files/125/DSC02183.JPG

http://www.qatarp.com/files/125/DSC02180.JPG

طبعا ً في بعضه يجيك قماش عادي ...

وفي بعضه تحت القماش يحطون شي مثل الطربال يكون ثقيل :sweatdrop

النوع الثاني هو الاغلى وهو اللي ينفع حق الشتا :good2:

http://www.qatarp.com/files/125/DSC02178.JPG

http://www.qatarp.com/files/125/DSC02177.JPG

وفي الوان ثانية جايبينها من البحرين والرياض :good2:

طبعا عندي الاسود وعندي البيج والابيض ...

http://www.qatarp.com/files/125/DSC02263.JPG

http://www.qatarp.com/files/125/DSC02262.JPG

كراكيش :cus5: تفصيل جديد لي :good2:

http://www.qatarp.com/files/125/C02260.jpg


فصلت لي واحد لان الفترة الجايه ماشاءالله عندنا أعراس الربع :wub:

http://www.qatarp.com/files/125/DSC02190.JPG


أجرب الترمبه :s5:

http://www.qatarp.com/files/125/DSC02193.JPG

http://www.qatarp.com/files/125/DSC02192.JPG

حتى الملوك والامراء يلبسون الدقله :wub:

http://www.qatarp.com/files/125/untitled200222.JPG

ان شاءالله يالشباب نجيب لكم موضوع ثاني في السنة القادمه



الجديد ايضا ان الدقلة لم تعد حكرا على الرجل، فقد أغرت بجمالها وعمليتها المرأة، خصوصا المحجبة، التي وجدت فيها مخرجا أنيقا لها عندما تسافر إلى الخارج، «كانت المحجبة في الخليج ترتدي العباءة السوداء، لكنها كانت تقع في حيرة عندما تسافر إلى الخارج، ومن هنا بدأت تستبدل العباءة السوداء بالدقلة التي يمكنها ان تلبسها فوق اي زي، حتى لو كان بنطلون الجينز، لكن لا بد من الإشارة إلى انها تختلف عن دقلة الرجل، بكونها واسعة من أسفل كما ان تطريزاتها تكون خفيفة وألوانها هادئة».


آآآخ منكم يالبنات :s25:

مشــاعل
22-01-2009, 05:56 AM
حركااااااات والله
دقله حق البنات
أول مرة اسمع
تسلم أخوي بوعيد ع الموضوع الحلو

معْــــذور
22-01-2009, 07:19 AM
شدعوه يالذيب!! دلنا ع المحل نبغي نفصل

كنت مستعد اروح الرياض عشان افصل دقله

وهناك شي قوي..اهل نجد معروفين بالدقل



لاهنت يابوعيد..:flower:

النـوري
22-01-2009, 08:21 AM
حركآت .. انا وايد احب اشوف الدقل عليكمـ يالشباب .. كشخه كشخه ..

تعجبني دقلات سراج سند اللي بالخط العربي .. ترتييــب .. :good2:

يعطيكـ العافيه بو عيد ..

:flower:

)(.آلنظآم.آلعآم.)(
22-01-2009, 08:56 AM
يبي لي وحده حق الشتى.. الشتى الجاي طبعاً..

الحين خلاص راح البرد.. اقدر اطلع بوزار وفانيلة بو علاق.. :s23:

يعطيك العافيه بوعيد.. وماتقصر يالذيب..

شكراً.

××عازفه الأحزان××
22-01-2009, 08:59 AM
احب هالاخترآع :cat: ..

لوووووولـ .. كشووووووووووووخي حق الاعراااس ^_^ ..

اما عن اخر اقتباس

ههههههه اعتقد قصدك الجلبآب :cat: ..

فارسـة
22-01-2009, 09:18 AM
اللهم صلي على محمد

في غايه الروعه

الله يعطيك العافيه للموضوع الطيب من طيب

احسنت

أحسنت

بنت المعلومات
22-01-2009, 09:23 AM
ماشاء الله حلوين..
ذكرتني بدقلة عبود أخوي فصلتها له أمي حق عرس خالي كاااان صغيييير هههههه<<لايسمعج بيكفخج:s23:
كانت بيج ومفصلينها في البحرين ولي الحين عندنا الاهل يفصلون بس من البحرين

عليك بالعافية يابوعيد ^_^

سداوي قطر
22-01-2009, 11:54 AM
عجيبة خاصة على الصغار ومع العرضة بعد

تسلم بو عيد

نـويـّـر
22-01-2009, 09:10 PM
من أول ماشفت العنوان قبل لا اقرى من الي كاتبه ,, قلت هاذي سوالف بوعيد ,, من بعد وصلة المسابيح ,,:s23:
الدقلة من أجمل الأشياء اللي يلبسها الرجال في مجتمعاتنا ,, أحس تعطي الرجال هيبة ورزه ,,,
رزه ملكيه <---- تعبير حلو lo0ol
وعلى طاري البنات ,, خبرك عتيج ,,, دام دخلوا الغتر والعقال في عبيهم ,, عادي بيجيك زمن العبايه بتصير بيضه بقطعه الثوب ,, والشيله بتصير بقطعه الغتره او الشال ايام الشتاء :cat: لاتستبعد .,,

يعطيك العافيه بوعيد ,,, :flower:

اثير الدوحه
22-01-2009, 09:28 PM
موووضوووع روووعه والله:s21: .. وبووعييد ما يطررح الا كل جديد هههه:s1:

بخصووص الدقل روووعه والله عليكم يالشبااب خااصة في الأعرااس يووم يدشون القااعه وكااشخين ويرزفون وحركاات خوووش فلله هههه:8888:
عااد اللون البيج مب عااجبني كلللش مادخل مزااجي :a43:

أما بخصوووص الاقتبااس وهالرد:cat: آآآخ منكم يالبنات

هههههههههههههههههههههههههههههههههههههههه
هههههههههههههههههههههههههههههههههههههههههه
:cat::cat::cat:

تعجبوووني يالبناات حلالكم البسوا دقل غتر قحفيات اللي تبوونه حلال عليكم ههههههههه :169:

على فكررة بووعيد عشاان أقهركم شووية يالشبااب:kkk: .. ترى اطلعت موضـــة عندنا فالعبي اسمها العباية البشت ههههههههه:8888:
حتى البشت ولبسناااه هههههههههه:cat::cat::cat::cat::cat:

}{مادةقانونية}{
22-01-2009, 09:50 PM
شكلها شي بوعيد ..
بس انا محب البسها ,, مادري ليش :sweatdrop .. بس اللون الي طلبته حلو ليش ما خليته فضي يبين اللون جنه ذهبي .. مع الاسود
يعطيك العافية .. ما قصرت على المعلومات ...

رهينة حب
22-01-2009, 10:59 PM
موووضووووع خطيـــــر ،، حركآآآت بوعيد :kkk:

أحب الدقله ع الشباب ،، رزه :good2:


يعطيكـ العافيه :flower:

الرياضي
22-01-2009, 11:52 PM
يعطيك العافية بوعيد عالموضوع الكشخه

واهم شي خياط البحرين

:sweatdrop

Saoud Al-Haddad
23-01-2009, 12:48 AM
ما شاء الله .. شغل عدل

يعطيك العافية بوعيد

:flower:

بنت إدارة
23-01-2009, 01:05 AM
كشخة الدقلة على اليهاال ..

:s21:

يعطيك الف عافية اخوي بوعيد ..

:flower:

زادني غروري
23-01-2009, 07:54 AM
Nice !
well, keep it up

:good2:

عيـــ الغزال ــون
23-01-2009, 11:51 AM
الدقله((يبيلهها دق أرقبه)):cat:

بوعيد
23-01-2009, 01:50 PM
أهم شي عجبكم الموضوع

بارد عليكم ان شاءالله :flower:

بوعيد
23-01-2009, 05:37 PM
حركااااااات والله
دقله حق البنات
أول مرة اسمع
تسلم أخوي بوعيد ع الموضوع الحلو


الله ايسلمج

وبخصوص دقلة البنات ... مثل ماقريتي في الاقتباس ^_^

بوعيد
23-01-2009, 05:41 PM
شدعوه يالذيب!! دلنا ع المحل نبغي نفصل

كنت مستعد اروح الرياض عشان افصل دقله

وهناك شي قوي..اهل نجد معروفين بالدقل



لاهنت يابوعيد..:flower:

المحل ( خياط البحرين ) شارع السد يالذيب :s5:

وحياك الله أخوي :flower:

بوعيد
23-01-2009, 06:39 PM
حركآت .. انا وايد احب اشوف الدقل عليكمـ يالشباب .. كشخه كشخه ..

تعجبني دقلات سراج سند اللي بالخط العربي .. ترتييــب .. :good2:

:flower:


ماشاءالله عليج صايره ذويقه بعد :good2:

يعطيكـ العافيه بو عيد ..
:flower:

الله ايعافيج :flower:

الهم المتكدر
23-01-2009, 06:39 PM
مع إنه بسيط لكنه حلو وكشخة

فرق بين كشخة الشباب والبنات

الله يعطيك العافية أخوي على الموضوع المميز

بوعيد
23-01-2009, 06:43 PM
يبي لي وحده حق الشتى.. الشتى الجاي طبعاً..

الحين خلاص راح البرد.. اقدر اطلع بوزار وفانيلة بو علاق.. :s23:
.

حلوة بو علاق :cat:

لا تقدر اتفصل الدقله الخفيفة اللي بدون طربال تحتها حق الصيف

بس قماش ... وتطلع عليك رخيصه :good2:

يعطيك العافيه بوعيد.. وماتقصر يالذيب..
.

الله ايعافيك يالعساس

العساس = اسم من أسماء الذئب

لحد يفهمني غلط ويوهقني :s27:

بوعيد
23-01-2009, 06:50 PM
احب هالاخترآع :cat: ..

لوووووولـ .. كشووووووووووووخي حق الاعراااس ^_^ ..

اما عن اخر اقتباس

ههههههه اعتقد قصدك الجلبآب :cat: ..

هذا اختراع ؟؟ :s27:

هذا لباس شعبي سعودي قديم :s27:

بوعيد
23-01-2009, 06:52 PM
مع إنه بسيط لكنه حلو وكشخة

فرق بين كشخة الشباب والبنات

الله يعطيك العافية أخوي على الموضوع المميز

صح كلامج بسيط

اللي في البحرين والرياض أحسن وأفضل منهم

الله ايعافيج وحياج الله :flower:

بوعيد
23-01-2009, 06:56 PM
اللهم صلي على محمد

في غايه الروعه

الله يعطيك العافيه للموضوع الطيب من طيب

احسنت

أحسنت

أعجبتني مشاركتج ... بدايتها الصلاه على النبي :flower:

الله يعافيج ويوفقج ويسر أمورج ان شاءالله :flower:

بوعيد
23-01-2009, 06:59 PM
ماشاء الله حلوين..
ذكرتني بدقلة عبود أخوي فصلتها له أمي حق عرس خالي كاااان صغيييير هههههه<<لايسمعج بيكفخج:s23:
كانت بيج ومفصلينها في البحرين ولي الحين عندنا الاهل يفصلون بس من البحرين

عليك بالعافية يابوعيد ^_^

الله ايعافيج

والبحرين عندهم ماشاءالله طاقات أنواع وأشكال

وتفصيلهم وتطريزهم أحلى :good2:

princessa
23-01-2009, 07:00 PM
الـدقـلـة يــاهي رزه على الشباب ... :s21:


بس أحــب دقـلـه أهــل عـســير عـمـومـاً ... :good2:


يكون فيها حركات وشغل اكثر ...من السااادة ...



شكراً بوعيد والله يعطيك العاافية .. وملبوس الهنا :kkk: ...




princessa

بوعيد
23-01-2009, 07:02 PM
عجيبة خاصة على الصغار ومع العرضة بعد

تسلم بو عيد

الله ايسلمك من الشر أخوي السداوي :flower:

بوعيد
23-01-2009, 07:05 PM
... :s21:


بس أحــب دقـلـه أهــل عـســير عـمـومـاً ... :good2:


يكون فيها حركات وشغل اكثر ...من السااادة ...



شكراً بوعيد والله يعطيك العاافية .. وملبوس الهنا :kkk: ...

princessa

الله ايعافيج ان شاءالله

بالفعل .. أهل عسير وتفصيل محلات الخياطه في الرياض أحلى :good2:

على أيدج روحي اشتري لي طاقه :s5:

وباعطيج المقاسات :good:

بعدين انتي وش سالفتج طالعه داخله على الموضوع

متردده اتشاركين ولا لا ؟ :chair:

بوعيد
23-01-2009, 07:08 PM
من أول ماشفت العنوان قبل لا اقرى من الي كاتبه ,, قلت هاذي سوالف بوعيد ,, من بعد وصلة المسابيح ,,:s23:
الدقلة من أجمل الأشياء اللي يلبسها الرجال في مجتمعاتنا ,, أحس تعطي الرجال هيبة ورزه ,,,
رزه ملكيه <---- تعبير حلو lo0ol ,,, :flower:

حاضرين طال عمرج :s5:

يستاهلون شباب المنتدى :wub:

واشكرج على المشاركة يانوير :flower:

بوعيد
23-01-2009, 07:12 PM
موووضوووع روووعه والله:s21: .. وبووعييد ما يطررح الا كل جديد هههه:s1:

بخصووص الدقل روووعه والله عليكم يالشبااب خااصة في الأعرااس يووم يدشون القااعه وكااشخين ويرزفون وحركاات خوووش فلله هههه:8888:
عااد اللون البيج مب عااجبني كلللش مادخل مزااجي :a43:


حياج الله :flower:

نطرح مثل ماقلتي كل ماهو مفيد <_<

تعجبوووني يالبناات حلالكم البسوا دقل غتر قحفيات اللي تبوونه حلال عليكم ههههههههه :169:

على فكررة بووعيد عشاان أقهركم شووية يالشبااب:kkk: .. ترى اطلعت موضـــة عندنا فالعبي اسمها العباية البشت ههههههههه:8888:
حتى البشت ولبسناااه هههههههههه:cat::cat::cat::cat::cat:

:s27::s27::s27::s27::s27:

صج آآآخ منهم <_<

بوعيد
23-01-2009, 07:13 PM
الدقله((يبيلهها دق أرقبه)):cat:

عسى ماشر أدق أرقبه :s27:

بوعيد
23-01-2009, 07:24 PM
شكلها شي بوعيد ..
بس انا محب البسها ,, مادري ليش :sweatdrop .. بس اللون الي طلبته حلو ليش ما خليته فضي يبين اللون جنه ذهبي .. مع الاسود
يعطيك العافية .. ما قصرت على المعلومات ...

ليش ماتحب تلبسها ؟ :a43:

بالعكس حلوة تطلع مع الرزيف إذا كنت أتحب الرزيف :s23:

والله ايعافيك :flower:

ღقطـوهـ قانونيـهـღ
23-01-2009, 07:25 PM
هاي الكشخه العدله الي تبيض الويه مب الجينزات اللو ويست والسبايكي وهالخرابيط <_<

حلاته الرجال يحب سوالف الرجاجيل الاصل مب سوالف الجنزات والخربطيشن الماصخ <_<

يازين اخواني لين اكشخوا بالدقله :wub:

عساك عالقوه بوعيد عقبال تفصل حق عيد ان شاء الله ^_^

بوعيد
23-01-2009, 07:27 PM
موووضووووع خطيـــــر ،، حركآآآت بوعيد :kkk:

أحب الدقله ع الشباب ،، رزه :good2:


يعطيكـ العافيه :flower:

الله ايعافيج وحاضرين طال عمرج :s5:

بوعيد
23-01-2009, 07:29 PM
يعطيك العافية بوعيد عالموضوع الكشخه

واهم شي خياط البحرين

:sweatdrop

أي نعم خياط البحرين

والله ايعافيك ان شاءالله :flower:

بوعيد
23-01-2009, 07:30 PM
ما شاء الله .. شغل عدل

يعطيك العافية بوعيد

:flower:

الله ايعافيك ياسعود :flower:

بوعيد
23-01-2009, 07:39 PM
كشخة الدقلة على اليهاال ..

:s21:

يعطيك الف عافية اخوي بوعيد ..

:flower:

الله ايعافيج

مب بس اليهال حتى الشباب وحتى الرؤساء والملوك

http://www.qatarp.com/files/125/untitled22222.JPG

شوفي الملك عبدالله :wub:

بوعيد
23-01-2009, 07:43 PM
Nice !
well, keep it up

:good2:

Thanks

I will Keep it :good:

بوعيد
23-01-2009, 07:46 PM
هاي الكشخه العدله الي تبيض الويه مب الجينزات اللو ويست والسبايكي وهالخرابيط <_<

حلاته الرجال يحب سوالف الرجاجيل الاصل مب سوالف الجنزات والخربطيشن الماصخ <_<


خليها على الله بس

ثقافات اللبس ادخلت علينا غصبا ً عنا :sweatdrop

الله يكون في عونا


عساك عالقوه بوعيد عقبال تفصل حق عيد ان شاء الله ^_^

الله يقويج ان شاءالله

أما أفصل حق عيد lo0ol .... يالله الله يسمع منج ليش لا <_<

واشكرج على المشاركة :flower:

princessa
23-01-2009, 08:01 PM
الله ايعافيج ان شاءالله

بالفعل .. أهل عسير وتفصيل محلات الخياطه في الرياض أحلى :good2:

على أيدج روحي اشتري لي طاقه :s5:

وباعطيج المقاسات :good:

بعدين انتي وش سالفتج طالعه داخله على الموضوع

متردده اتشاركين ولا لا ؟ :chair:



مشكله اللى يصيدون على اللفة ... :s23:


بس مب أني ما أبي اشاارك لأنه لو ما ابي اشارك ما كان شاركت :mad3:

<--- تحس تعبير هنود lo0ol


كنت اتابع الردود بـصـمـت وبعدين كل شوي النت عندي يفصل جنني ... :a77:


فيمكن عشان جي تشوفني أدخل وأطلع ... :)


خلاص إن شاء الله لو رحت هناك بجيب لك طاقة كاملة ... :good2:


بس عـاد شوف متى بروح ... :mhmh:

مناير الدوحة
23-01-2009, 08:36 PM
شغل عدل..هذي الكشخة السنعة :cus5:

تقطعهم بالعآفية :)

عسآكـ ع القوة بوعيد

:flower:

شوق الجنة
23-01-2009, 08:59 PM
موضوع جميل يابوعيد ..
وتعجبني الدقلة على اليهال ..
:good2:

بنت آل سعود
23-01-2009, 09:48 PM
اللــــــه وش الكشخه ذي والله وتطورنا بو عيد وصرنا نلبس دقلات وحركات وين هذيك الأيام:cus2:

الله يوفقك ويحفظك من الحسد بس..:kkk:

new anty
23-01-2009, 10:49 PM
واي الدقله اتينن حدها بس ماتنفع الا في الشتا وبعض المناسبات

وانا احب الدقله البسيطه مالت اهل الرياض والدوحه

اما مالت اهل الكويت ماتعجبني لان الشغل وايد فيها وتكون موديلات وحركات جنها فستان

يسلموا بوعيد

أسيرة حب
24-01-2009, 08:45 AM
تينن الدقله
وخصوصا ع اليهاااال

يعطيك العافية بوعيد :flower:

طالب الشريعه
24-01-2009, 10:53 AM
يعطيك العافيه يطيب ..

يغلق الموضوع .. :s7:

:mad3:

غربة الأحزان
24-01-2009, 12:07 PM
روووعه،

ويحلات القطــري بدقلـه ولسل سيفهـ ورزف

عـلى راسي عيال بــلادي :good2:

تسلم الشيخ على الموضوع التوحفه

عاشقة الروح
24-01-2009, 07:37 PM
انا كمان صرت اشوف الشباب مو بس للأفراح لابسينها

كل مكان :s27:

حياة الروووح
24-01-2009, 09:55 PM
راقيه الدقلات وأحس اللي يلبسها رزه ..
أشكرك ..

بوعيد
25-01-2009, 05:19 AM
انا كمان صرت اشوف الشباب مو بس للأفراح لابسينها

كل مكان :s27:

يمكن كان رايح يحضر عرس :a43:

بوعيد
25-01-2009, 05:20 AM
راقيه الدقلات وأحس اللي يلبسها رزه ..
أشكرك ..

رزه وكشخه وكل شي دام حق شباب المنتدى يستاهلون :wub:

اشكرج انتي على المشاركة :flower:

بوعيد
25-01-2009, 05:22 AM
شغل عدل..هذي الكشخة السنعة :cus5:

تقطعهم بالعآفية :)

عسآكـ ع القوة بوعيد

:flower:

الله يقويج ان شاءالله :flower:

بوعيد
25-01-2009, 05:23 AM
موضوع جميل يابوعيد ..
وتعجبني الدقلة على اليهال ..
:good2:

حاضرين طال عمرج :s5:

ومشكورة على المشاركة :flower:

بوعيد
25-01-2009, 05:25 AM
واي الدقله اتينن حدها بس ماتنفع الا في الشتا وبعض المناسبات

يسلموا بوعيد


في قماش خفيف حق الصيف

وفيه الثقيل حق الشتا

والله ايسلمج على المشاركة :flower:

بوعيد
25-01-2009, 05:27 AM
تينن الدقله
وخصوصا ع اليهاااال
:flower:

صج عاد ... :wub:

قولي قسم بالله lo0ol


يعطيك العافية بوعيد :flower:

الله ايعافيج :flower:

بوعيد
25-01-2009, 05:28 AM
يعطيك العافيه يطيب ..
.. :s7:


الله ايعافيك :flower:

يغلق الموضوع .. :s7:
:mad3:

بيكون آخر يوم لك في الاشراف :mad3:

بوعيد
25-01-2009, 05:31 AM
روووعه،

ويحلات القطــري بدقلـه ولسل سيفهـ ورزف

عـلى راسي عيال بــلادي :good2:

تسلم الشيخ على الموضوع التوحفه

سلمتي ياغربة الاحزان ... :flower:

بخصوص السيف والعرضه

استحعجلت في الموضوع :s27:

ولا كنت باحط لكم كم صورة ... يالله ان شاءالله السنة الجايه

بوعيد
25-01-2009, 05:34 AM
اللــــــه وش الكشخه ذي والله وتطورنا بو عيد وصرنا نلبس دقلات وحركات وين هذيك الأيام:cus2:
..:kkk:

شنسوي خلاص تعبنا من لبس المغربي

كلنا نبدل نصير خليجيين

:cat: :cat: :cat:

اشدراني عنج !!! ليش وش شايفتني كنت البس ؟؟

الله يوفقك ويحفظك من الحسد بس..:kkk:

اسمعي يا برنسيسا :evil2:

مب بس أنتي اللي يخافون عليج :mad3:

في ناس بعد يخافون عليهم غيرج :wub:

اشكرج يابنت آل سعود على المشاركة :flower:

××عازفه الأحزان××
25-01-2009, 09:32 AM
هذا اختراع ؟؟ :s27:

هذا لباس شعبي سعودي قديم :s27:

:s1: ادري حشآ مايمزحون يعني

إماراتيه كول
25-01-2009, 01:21 PM
خووووش مووووضوووع بوعيد =)


وفعلا الدقله تعطي اللي يلبسها هيبـــة هب طبيعية ..


بس ف الامارات مايلبسوووون:s23:


بس ماصورت لنا بالدقله عشان اذا شفتك بعد ف مكاان اجكك ع طووول .. خبرك الدقله تغير ملامح الويه:kkk:

:flower:

نوتي
25-01-2009, 01:33 PM
تسلم على الموضوع يابوعيد:s21::s21:

وعلى فكره اخوي بعد مسوي دقلته في خياط البحريني عق عرس اخوي العود

اذا قدرة بصورها لكم وبنزلها في المنتدى خياطهم حلو


وانا احب الدقلة لانها وتعطيك رزه وهيبه:kkk::kkk:
:s19::s19::s19::s19:
بس لاحد يلبسها كل يوم...........

.(الحين اشتطوا الشباب بنشوفهم كل يوم لابسينها):cat::cat::cat:

بوعيد
26-01-2009, 05:28 AM
تسلم على الموضوع يابوعيد:s21::s21:

وعلى فكره اخوي بعد مسوي دقلته في خياط البحريني عق عرس اخوي العود

اذا قدرة بصورها لكم وبنزلها في المنتدى خياطهم حلو


وانا احب الدقلة لانها وتعطيك رزه وهيبه:kkk::kkk:
:s19::s19::s19::s19:
بس لاحد يلبسها كل يوم...........

.(الحين اشتطوا الشباب بنشوفهم كل يوم لابسينها):cat::cat::cat:

هلا فيج

الظاهر أخوج من ضمن المعاريس اللي راح أحضر أعراسهم

من 31/1 ولغاية 30/3 بس عندي 5 أعراس

والله يبارك له ان شاءالله ويرزقه الذرية الصالحه :flower:

بوعيد
26-01-2009, 05:31 AM
وفعلا الدقله تعطي اللي يلبسها هيبـــة هب طبيعية ..


بس ف الامارات مايلبسوووون:s23:


:flower:


أي صح الاماراتيين مايلبسونها

بس إذا شافوا الشخص لابسها صج يحسونه هيبه ورزه مثل ماقلتي






بس ماصورت لنا بالدقله عشان اذا شفتك بعد ف مكاان اجكك ع طووول .. خبرك الدقله تغير ملامح الويه:kkk:

:flower:

ومن قالج ماصورت :cus5:

فصلتها ورحت استديو ( غاية الاحلام ) lo0ol

حياج الله يامراتية كول :good2:

funny girl
26-01-2009, 07:03 AM
ماشاء الله حلووين ،،حلاتها بلألوان الغامجه مثل العنابي وطرز ذهبي شغل عدل
وتعطي هيبه ورزه للشخص الي يلبسها

استانس لين اشوف شبابنا يهتمون في سوالف التراث ويتركون حركات الهي ماااااان الي طالعه هالايام اسميها حركات وخررر عني >>> من قاموسي هههههlo0ol


عليك بالف عافية

كاسبر عمان
26-01-2009, 07:18 AM
واو واااااااايد حبيت هذا اللبس بس مشكلة فعمان ما يفصلوا هالشكل كان اريد حال اخوي الصغيرون

طالب الشريعه
26-01-2009, 02:11 PM
الله ايعافيك :flower:



بيكون آخر يوم لك في الاشراف :mad3:


<_< تهدد اشوف ..

شكلي بسكره .. وبنشوف .. lo0ol

المشكله اخاف تصيح .. خلاص بخليه .. :sweatdrop

:mad3:

بوعيد
26-01-2009, 06:50 PM
ماشاء الله حلووين ،،حلاتها بلألوان الغامجه مثل العنابي وطرز ذهبي شغل عدل


الالوان الفاتحه بعد أحلى والغامجه مثل الرصاصي أحلى وأحلى :wub:

الله ايعافيج :flower: ومشكورة على المشاركة

بوعيد
26-01-2009, 06:52 PM
واو واااااااايد حبيت هذا اللبس بس مشكلة فعمان ما يفصلوا هالشكل كان اريد حال اخوي الصغيرون

وابويه .. عمان عندهم لبس ثاني غير هذا

عنهم الخنكر :kkk:

بوعيد
26-01-2009, 06:53 PM
المشكله اخاف تصيح .. خلاص بخليه .. :sweatdrop

:mad3:

الله يكون في عونك الصراحه :666:

كاسبر عمان
26-01-2009, 10:14 PM
وابويه .. عمان عندهم لبس ثاني غير هذا

عنهم الخنكر :kkk:

فديت الخنجر العماني انا بعد عدنا الدشداشة العمانية والبشت والكمة العمانية والمصر العماني اللبس العماني كله على بعضة كشخة..:good2:

بوعيد
31-01-2009, 12:22 PM
فديت الخنجر العماني انا بعد عدنا الدشداشة العمانية والبشت والكمة العمانية والمصر العماني اللبس العماني كله على بعضة كشخة..:good2:

وأبوي على الدشداشه أنا lo0ol

rere
04-02-2009, 02:19 AM
أول مـرة أعرف انو في شي اسمو"دقــــــــــــلة"

بس شكلوا كشـــــــــــخه:blush:

سندريلا 222
11-02-2009, 02:19 PM
موضوع رائع

تعجبني الدقلة خاصة على اليهال

يعطيك العافيه على الموضوع الحلو

ذيب الفيافي
25-03-2009, 12:21 PM
مشكور أخوي بو عيد على الموضوع الجميل

أحب اضيف ان الدقلة في الماضي و قبل حتى الستينيات كان يلبسها عقيد القوم اللي كان يقود القبيلة في المعارك عشان ينعرف و كان في الاغلب لونها أحمر

أما في وقتنا الحاضر صاروا يلبسونها في الأفراح

خاطري بلكزس
25-03-2009, 02:50 PM
اي والله .. أحب الدقلة على الشباب ..

يعطيك العافية بوعيد

احمد الحمادي
26-03-2009, 03:50 AM
يعطيك العافيه بوعيد على هالموضوع
وصج اذا تبي تقدر رفيجك في عرسه البس دقله
وبعدين لتنسى تمر الدكان وتشتري غراش فلفل
وتروح الاوبرا تاخذلك شويت سندويشات مع القيمات
انا من رايي انه هالاشياء افيد حق المعرس من انك تعطيه فلوس شنك تقوله ردهم لي لين عرست :blush:

سوسو قطر
26-03-2009, 03:15 PM
بيييه يالدقلات
اخواني بدوا يحشرونه فيها
لانه الصيف قرب والعروس ما شاء الله
:s27::s27:
اهو شي حلو و احس انه مثلا الواحد لما يلبس الدقله حق عرس رفيجه
ولا حد من اهله ,, يبين له مدى معزته

ويعطيك العافيه ,, بو عيد

white.pearl
27-03-2009, 07:05 PM
يعطيك العافية اخووووي بووعيد ..!!

بصراحه اناا احب الدقله ع الشباب ..!!

وااايد رزه ..!! ^_^

shinichi
11-05-2009, 03:20 PM
موضوع ....شيئ شيئ ......(الدقلة الحمراء بالصور عجيبة )

ولا مرة .....فصلت دقلة ....

الأعراس كلها بالصيف .... والجو حاااااااااااار

أقوووووول أخوي : ما ينفع نلبس الدقلة لحالها :sweatdrop؟؟!!

خخخخخخخخ:kkk:

free kuwait
06-03-2011, 02:57 PM
شكلي بفصلي وحده ^_^

~ْهمســـــات~ْ
17-11-2011, 09:48 AM
لو سمحتوا
وين تنباع الدقلة جاهزة حق طفل صغير بعمر سنتين ونص تقريباً

قلبي معاك
17-11-2011, 06:00 PM
يا سلام شكلي بفصل اثنين واحد حق عمر سنه وواحد كبير :s21:

الدقله شي رهيب الصراحه...
واللي يلبسها احسه قمه في الذوق خصوصا اللون الاسود الملكي ماله حل...
اختي همسات -بوعيد قايل انه تقدرين تفصلين...
بتلاقين المحل في شارع السد الاسم موجود
في هالموضوع وفي محلات ثانيه ناسيه اسمها :s27:

بوعيد
17-11-2011, 09:29 PM
لو سمحتوا
وين تنباع الدقلة جاهزة حق طفل صغير بعمر سنتين ونص تقريباً

المحل اللي ذكرته في الموضوع

محل خياطة في شارع السد

خياط البحرين

ولكن إذا أنتي محتاجه حق اليوم الوطني

اتفضلي هذا الاعلان في الوسيط

http://www.qatarp.com/files/144/day.JPG


والله يخلي ولدكم لكم ان شاءالله :flower: