PDA

عرض الاصدار بالكامل : شعري خف وآآيد .. ساعدوني ..،


نسمة فجر
05-12-2008, 03:27 PM
السلام عليكمـ ورحمة الله وبركاته


بنآآت بغيت اسالكم شعرري وايد خف وطاااح اكيد هالشي يزيد مع النفسية .. لكن اتعب كل ما اشوفه يطييح بين يدي وبكثررة :cry:

ساعدوني بليز من خبرآآتكم وتجاربكم شنو احسن عياده اروح لهاا غير عايدة ومركز قطر للشعر لاني ما استفدت منهم

ابي عيادة تعالج الشعر بالماسكات والفيتامينات ؟

واللي جربت ماسك ونفعها تقوولي :cry:

sweet cat
05-12-2008, 07:26 PM
نفس الحاله والله:mhmh:

وين الأول شعري ووين الحين صار:mhmh:

ايا على شعري بس:cry:

وينكم نبي حل :blush:

نسمة فجر
06-12-2008, 12:01 AM
الله يعينج .. :cry:

وان شاء الله نلقى حل :mhmh:

شموخ عزي$$
06-12-2008, 12:40 AM
مشكله تعاني منها معظم البنات ...

السبب الرئيسي لهذا الموضوع سووووء التغذية

أهتمو بالغذاء فديتكم ... اكثرو من الخضار والفواكه ....
بالنسبة لمكان يعالج الشعر ((عياده )) ما عندي فكره .. :sweatdrop

لكن من تجربتي .. استخدم زيووت ((الخروع))+((الصبار)) >>روعه يخلي الشعر منسدل ويخفف التساقط .. الجرجير متخصص لعلاج تساقط الشعر ...

وفي صالون المشاطه خالتي تسوي حمام زيت لشعرها تقوول عنه رهييب .. أنا ما جربت بس لاحظت ما شاء الله لا اله الا الله .. صااير كثيف ...

اتمنى اني اكون افدتكم ...

ملسونا
06-12-2008, 01:02 AM
انا بعد شعري حالته ماتسر :cry:

كله من الجامعه

خاصة هالفترة احس اني مضغوطه ودوم اعصابي مشدوده

المشكله العلاج الخارجي ماينفع

لازم بالاول نتعالج من داخل
الحين آخذ حديد وفيتامينات بس مالاحظت ان صار اي تغيير

طبعاً التغذيه + النفسيه اهم شي

والعلاج الداخلي " حبوب + ابر " تساعد وايد على تقليل التساقط

للاسف مافي شي يطلع شعر جديد
يعني العلاج يكون حق تنشيط وتحفيز بصيلات الشعر

نسمة فجر
06-12-2008, 01:11 PM
مشكله تعاني منها معظم البنات ...

السبب الرئيسي لهذا الموضوع سووووء التغذية

أهتمو بالغذاء فديتكم ... اكثرو من الخضار والفواكه ....
بالنسبة لمكان يعالج الشعر ((عياده )) ما عندي فكره .. :sweatdrop

لكن من تجربتي .. استخدم زيووت ((الخروع))+((الصبار)) >>روعه يخلي الشعر منسدل ويخفف التساقط .. الجرجير متخصص لعلاج تساقط الشعر ...

وفي صالون المشاطه خالتي تسوي حمام زيت لشعرها تقوول عنه رهييب .. أنا ما جربت بس لاحظت ما شاء الله لا اله الا الله .. صااير كثيف ...

اتمنى اني اكون افدتكم ...


اعترف تغذيتي سيئة وبدررجة كبيرة .. مآ اكل ولا اشتهي

والزيوت ما تنفع اذا التغذية مب زينة

وبسآل عن الصالون

جزاج الله خير حبيبتي .. واسعدني ردج :flower:

نسمة فجر
06-12-2008, 01:13 PM
انا بعد شعري حالته ماتسر :cry:

كله من الجامعه

خاصة هالفترة احس اني مضغوطه ودوم اعصابي مشدوده

المشكله العلاج الخارجي ماينفع

لازم بالاول نتعالج من داخل
الحين آخذ حديد وفيتامينات بس مالاحظت ان صار اي تغيير

طبعاً التغذيه + النفسيه اهم شي

والعلاج الداخلي " حبوب + ابر " تساعد وايد على تقليل التساقط

للاسف مافي شي يطلع شعر جديد
يعني العلاج يكون حق تنشيط وتحفيز بصيلات الشعر


الابر مب زينة ترى .. ضرت واايد ناس وخصوصا اللي ياخذونها بفروة الراس

ومشكوورة على ردج :flower:

نسمة فجر
06-12-2008, 01:14 PM
ع الاقل اللي قرو الموضوع .. يساندوني معنويا

هااي حالتي >>> :cry::cry::cry:

نسمة فجر
06-12-2008, 01:15 PM
زين حد سمع عن التريتمنت اللي بصالون ميلسيما << اعتقد جذيه اسمه بالنصر ..؟؟

:mhmh:

فارسـة
06-12-2008, 03:06 PM
من واقع تجربتي اكل ( كبده ) + تغذيه عدله + الصبار اعصره واحطه براسي

شاقولج الحمد لله رب العالمين على نعمة الصبار

شي ماراح تحسينه الا اذا جربتيه

كل مشاكل شعرج تروح

للعلم كنت اعاني من ملمس الصبغه وبعد الصبار استوى شعري ناااااااااااااااااااااااااااااااااااعم وفروته في غايه الاريحيه


جربي مب خسرانه شي ولا تكثرين استخدامه وايد لان كثرته تؤدي الى السلبيه

موفقه

( اهتمي بأكلك )

:m21:

نسمة فجر
06-12-2008, 03:10 PM
جزااج الله خير آختي فارسة ..

ووآيد يمدحون الصبار يبيلنا نجربة .. بس عندج طريقة معينة لاستخدامه ؟

ومشكوورة دبل

شموخ عزي$$
06-12-2008, 03:12 PM
من واقع تجربتي اكل ( كبده ) + تغذيه عدله + الصبار اعصره واحطه براسي

شاقولج الحمد لله رب العالمين على نعمة الصبار

شي ماراح تحسينه الا اذا جربتيه

كل مشاكل شعرج تروح

للعلم كنت اعاني من ملمس الصبغه وبعد الصبار استوى شعري ناااااااااااااااااااااااااااااااااااعم وفروته في غايه الاريحيه


جربي مب خسرانه شي ولا تكثرين استخدامه وايد لان كثرته تؤدي الى السلبيه

موفقه

( اهتمي بأكلك )

:m21:



سبحاان الله مثلي تماما كأنك تتكلمين على لساني ... الصباار يا جماعة الخير ((الصبار الطبيعي )) عصييييييره رووعه مفيد لابعد الحدود الشعر يصير نااعم .كأنه مسشور ... +يقلل التساقط ...سبحان الله

فعلا ناايس انصحكم تجربونه ...

شموخ عزي$$
06-12-2008, 03:14 PM
اختي ..

الطريقة المستخدمه للصبار هي اول شي تحطين نوع من الزيووت على فروة الرأس بعدين حطي عصير الصبار وخليه مده طويلة من 3 _6 ساعات علشان الفروه تستفيد من الخلطه ... واغسلي شعرج ..

ملاحظة : صالون المشاطه يسوون مثل هالطريقة بس ما عرف شو نوع الزيت المستخدم ...

نسمة فجر
06-12-2008, 03:15 PM
تسلمين شمووخ على تفاعلج بموضوعي ..

وبجرب طريقتج ان شاء الله

ويبيلنا نسوي حمله لاستخدام الصبار^_^

شموخ عزي$$
06-12-2008, 03:19 PM
الله يسلمج حبيبتي ... ~_^

موفقه ان شاء الله ...

وعــــد
06-12-2008, 09:18 PM
نفس حالتي :cry:

نسمة فجر
06-12-2008, 10:23 PM
الله يعين ان شاء الله .. :cry:

هاجرية و افتخر
09-12-2008, 01:59 PM
هذي مشكله اغلب البنات

إن شاء الله نحصل لها حل

دلوعه ستايل
12-12-2008, 01:31 PM
مشكله تعاني منها معظم البنات ...


وانا منهمـ ..:cry:




السبب الرئيسي لهذا الموضوع سووووء التغذية


الحمد للهـ صرتـ اهتمـ باكليـ اكثر منـ قبلـ ...^_^



لكن من تجربتي .. استخدم زيووت ((الخروع))+((الصبار)) >>روعه يخلي الشعر منسدل ويخفف التساقط .. الجرجير متخصص لعلاج تساقط الشعر ...

اااايـ وانا اشهد .. انـ الزيوتـ تخليـ الشعر طويلـ وناعمـ

وزيتـ الجرجير غنيـ عنـ الوصفـ يخليـ الشعر جيـ :good2: ... ويخففـ التساقط بعد


واهمـ شيـ " الحنــا" :kkk: انا عنـ نفسيـ احسـ بفايدهـ يومـ احطهـ

يكونـ شعريـ ناعمـ ...:s21: >> بتقولينـ ريحهـ << بقولـ لجـ ايـ بسـ سويهـ بالاجازهـ مو ع دوامـ

وافضلـ تحطينـ عليهـ ملعقهـ منـ زيتـ الجرجير او السمسمـ

وخففيـ استعمالـ الاستشوار ..<_< .. ترى يخربـ الشعر



ولجـ خالصـ وديـ .. نسوومهـ :flower:

اختجـ , دلوعهـ

alzean-kela
12-12-2008, 01:56 PM
هلا خيتو ...
والله نفس المشكله الله وكيلج من ثالث ثاانوي وانا شعري يطيح واايد والمشكله بعد انه عندي انيميا يعني صعب علاجه .....^_^

الله يسلمج في شامبو زين انا جربته اسمه الوبانثين من الصيدليات يمنع التساقط بس بدون بلسم يعني يخشن الشعر لازم تستخدمينه مع دهن يعني تدهنين شعرج وعقب تغسلينه طبعا تخلين الدهن كم ساعه ....

واالي جربت شي بعد اتمنى تفيدنا ...^_^

التخرج ملل
16-12-2008, 09:02 AM
من واقع تجربتي اكل ( كبده ) + تغذيه عدله + الصبار اعصره واحطه براسي

شاقولج الحمد لله رب العالمين على نعمة الصبار

شي ماراح تحسينه الا اذا جربتيه

كل مشاكل شعرج تروح

للعلم كنت اعاني من ملمس الصبغه وبعد الصبار استوى شعري ناااااااااااااااااااااااااااااااااااعم وفروته في غايه الاريحيه


جربي مب خسرانه شي ولا تكثرين استخدامه وايد لان كثرته تؤدي الى السلبيه

موفقه

( اهتمي بأكلك )

:m21:


اعرف وحده كانت تعصر الصبار ع شعرها وفروة الراس واحترق بالكامل

أصـــايل
19-12-2008, 11:04 AM
بلفعل صالون المشاطه عندهم علاج حلو للشعر

ويمشون معاج ع جلسات ... والعلاج..يجيبون لج وقدامج نبتة الصبار وتنحط ع شعرج

ويسون له ماسكات وتدليك وغيره.. أنا انصحكم اتجربون والتجربه ماهي ابخساره

وكلنا اشعورنا بالأول طاحت وراحت ومع العلاج أن شاءالله يوقف التساقط

shinichi
19-12-2008, 01:39 PM
السلام عليكم ورحمة الله وبركاته :

.

.

.

حبيت أفيد في هذا الموضوع ....

للرجال والنساء على حد سواء ..... إذا الشعر خفيف .... وتحسـ\ين إنه دايم متكهرب وما فيه وزن .....

.

.

.

يمكن أن تجربون هذي الوصفة ..... إذا ما فادت ما راح تضر .....

أولا: نحتاج زيت عافية (لأنه من أصفى أنواع الذرة ....بدون أي نكهه) وتحطونه على النار إلى أن يغلي .. بعدين تنزلونه

ثانيا : تجبون حلبة (الطبيعية من سوق واقف...مو اللي في الجمعية) ... وتحطونه في الزيت على طول.... مع ثلاث فصوص ثوم .

تخلون الخلطة لمدة عشر أيام .... وبعدين تستخدمونها بدون شخل أو تصفية ....

.

.

.

الريحة ممكن تكون مش حلوة .....بس معليه أستحملوها .....يومين في الأسبوع من 1-2 ساعة .....

لا تخلونها مدة طويلة هذا يأثر على بصيلة الشعر لأنها بحاجة للتنفس ...

النتيجة ..... في ظرف شهر ممكن تلاحظينها ....

.

.

.

تحياتي .... أخوكم shinichi

أرجوا أكون أفدتكم ....

.

.

هذا مجرب على بنت أختي .... ^_^

وصار شعرها كثيف ....:s21: وناعم واجد ....

.

.

شكلي بجرب معاها :sweatdrop

نسمة فجر
20-12-2008, 12:50 PM
لا هنتوو على مروركم فديتكم، ..

وان شاء الله بنجررب اللي قلتوه عل وعسى تجيب فايدة :cry:

Looly
21-12-2008, 01:06 AM
اختي انا حالتي اخس لو تشوفي شعري وين كان ووين صار
بس حاليا استخدم دوا " زيت السمك " ينباع من الصيدليات وحاسة في تحسن وحتى صديقاتي استخدموه وحسو بتحسن

زادني غروري
21-12-2008, 01:27 AM
السلام عليكم حبيبتي نسمة

بالنسبة لي أنا استخدم مو بس عشان التساقط لكن عشان فروة الرأس تحتاج لعناية وتغذية مثل الجسم تماما

وطبعا مانقول إنه بس فروة الرأس تستمد الغذاء من الجسم بعد نحتاج لشي يخص الشعر وعن نفسي استخدم:

خليط من : زيت الخروع + زيت الصبار + زيت اللوز _ كلهم أحطهم في علبه وحدة وأخلطهم عدل وأحطه على شعري

لفترة مابين 2-4 ساعات ... وتغسلين شعرج زين بالشامبو لحد ماتتأكدين إنه الزيت اختفى واشتريت كريم فشكول بالجرجير بعد ما اغسل شعري من الزيوت

احط على شعري من هالكريم لمدة نص ساعة أو ربع المهم مكتوب على العلبة وأغسله بس بالماي لأنه هو مايدهن الشعر إنما هو مثل البلسم للشعر

وشوفي شعرج شلون بيصير والله بيطلع روووووعة وكثييييف وحتى اللون بيصير فيه لمعه

وبالنسبة لي أحطه أسبوعيا لكن يفضل تنحط الزيوت مرتين على الأقل في الأسبوع

" نصيحة زيت الخروع مفيييد جدا للرموووش يعني قبل ماتنامين حطي من هالزيت على رموشج وغسليهم الصبح "

وهذا أنا أسويه يوميا .....

" ترى لولا إني مجربة وفادني والله ماكتبت هالكلام ... فعلا هالزيوت الطبيعية رائعة ومفيدة للشعر "

دمت بود وربي يحفظج من كل سوء

زادني غروري
21-12-2008, 01:45 AM
آه نسيت أقولج خيتو

سمعي حبيبتي بعد ماتحطين هالزيوت " طبعا إن جربتي نصيحتي "

حاولي تسوين مساج لراسج شلوووون !!!؟

بأطراف أصابعج تسوين دوائر بشكل لطيف على فروة الرأس وهذا يساعد على ضخ الدم في فروة الرأس

علماً إن التساقط ينتج طبعا من سوء التغذية بالإضافة لعدم ضخ الدم في الرأس بصورة طبيعية

مما يؤدي لتساقط الشعر وعدم نموه مجدداً ... فإنتي حاولي دائماً إنه تسوين مساج لفروة الرأس

وصدقيني والله بتلاحظين ظهور شعيرات صغيرة في فروة الرأس ....

والله يوفقج أختي

لآهنتِ

نسمة فجر
23-12-2008, 03:37 PM
تسلمييين حبيبتي زادني ..

عموما الزيوت مالها فايدة اذا التغذية تعبانة ..

ومعاج بالنسبة لمسآج الراس واايد اووكى

لاهنتي ع النصاايح الحلوة .. ^_^

نسمة فجر
23-12-2008, 03:39 PM
اختي انا حالتي اخس لو تشوفي شعري وين كان ووين صار
بس حاليا استخدم دوا " زيت السمك " ينباع من الصيدليات وحاسة في تحسن وحتى صديقاتي استخدموه وحسو بتحسن

اختي تجرربه الحين .. وان شاء الله بشووف نتايجه وبجربه

مشكوووورة

شوق الجنة
23-12-2008, 07:42 PM
وعليكم السلام ورحمة الله ،،

ترى التغذية لها علاقة قوية بتساقط الشعر .. حاولي يكون أكلج صحي كثري من الفواكة وبالذات الخيار ..
وحالتج النفسية تأثر على الجسم عموماً ..
خلي بالج من هالنقطتين ..
بالنسبة للعلاج الشعر ، كنت أعاني من هالمشكلة لكن الحمدلله مع جلسات العلاجية
بالصالون اللي سويتها راحت المشكلة ..:good2:
كنت استخدم الفاشكول الخيار وحالياً استخدم الفاشكول بالعسل .. وايد زين وينعم الشعر ..
لو ما عرفتيه باحط لج صورته ..

وإن شاء الله تنحل المشكلة ..
^_^

نسمة فجر
24-12-2008, 08:15 PM
حيآج الله اختي شووق ,,

بس ممكن اعرف آسم الصالون ؟

ومشكوورة :flower:

Dr.rose
24-12-2008, 09:57 PM
مثل ماذكرت Looly
عن زيت (كبد الحوت)...
لان التغذية الداخلية اهم وانا استخدمته واحس ان شعري تحسن واظااافري بعد...مفيد للشعر والاظافر والعظام
واكيد مع الاهتمام الخارجي راح يتحسن شعرج ان شاء الله

اخذي لج العلبة الصغيرة ، حطيها في شنطتج وانتي رايحة للدوام...وكل يوم بعد الغدا خذي 5 او حتى 6 حبوب...يا انج تاكلينها عادي...او تبلعينها مع الماي..ومب لازم بعد وجبة غذائية تقدرين تاخذينها خلال اليوم....وبصراحة هي يبيلها وقت ومداومة....خلج صبورة<<<طبعا اذا قررتي

وبعض البنات بيتذمرون من طعمها.....هذا اذا ما يحبون السمك ....بس لازم نستحمل شنسوي بعد^_^
وحلاته انه شي طبيعي....مكمل غذائي ومايضر لو استخدمتيه على المدى الطويل.:good2:

اتمنى اني افدتج

^_^

نسمة فجر
25-12-2008, 01:11 PM
حيااج الله دكتورة ,, تسلمين ع النصيحة ^_^

مريم
25-12-2008, 10:18 PM
بتكلم عن تجربتي في التساقط ..
..

طبعاً الحاله النفسيه وخاصه ايام الامتحانات كل هالاشيا تلعب دور كبير في الصحه بشكل عام ..
..
ثانياً عندنا نسبه كبيره من الرصاص في الماي وهالشي يخلي الشعر يطيح وبكثره ..
..

انا حاولت ادور حلول لنفسي والحمدلله توصلت للآتي :

- استخدمت جدايل من عبدالصمد القرشي الخاص بالتساقط .. اتبعت التعليمات واستخدمه لمدة شهر
في الاسبوع مرتين الى 3 مرات .. بصراحه خف التساقط بشكل كبير ..

- غيرت الشامبو من لوريال الى ترسيمي وهالشامبو جيد بصراحه خفيف على فروة الراس وجد متخصص ..

- حطيت كريم كاب من خلاصة الثوم مره بالاسبوع ويجي معاه زيت خلاصة الثوم .. الريحه صعبه لكن كله يهون
اذا متزوجه حاولي تحطينه بالنهار خليه كم ساعه وقبل ما يرجع الزوج من الدوام اغسلي الشعر ..
وعطريه بمساكات الشعر الخاصه لبعد الاستحمام بس عشان الريحه المزعجه تروح ..
..

- غيرت المشط لأن مرات المشط يشيل مع الزمن فطريات من القشره والجلد الميت ممكن انها تأذي الشعر ..
..

والحمدلله رب العالمين الامور تمام وحالة الشعر احسن من قبل بكثيييير .. جربوا ودعواتكم لي ^^
..

مريم
25-12-2008, 10:24 PM
امممم تذكرت ملاحظة مهمه .. زيت كبد السمك زين ويقوي وكل شي .. بس فيه عيب ..
..

يطلع شعر في اماكن غير مرغوب بها للمرأه .. يعني مثلا على العنق او اسفل الوجه بيطلع بكثره وبغلظه ..
كنت استخدمه وامتنعت عنه لهالسبب لأنه ينشط مو بس شعر الراس .. شعر الجسم بالكامل وفي اماكن
غير مرغوب بها ..
..

دلة وفنجان
26-12-2008, 10:08 AM
سوري ما عدي أي حل:sweatdrop

أعاني من نفس المشكلة:s25:

لدرجة أني أفكر يوم من الأيام بستوي قرعه:blush:

هيئه دبلوماسيه
26-12-2008, 10:28 AM
انزين .. في مشكله ثانيه

شعري صاير خشن شوي

يمكن لاني صبغته وايد

بس اهو بطبيعته ناعم من قللللب


شسوي .. ابيه يرجع نفس قبل

أصـــايل
27-12-2008, 09:59 PM
جزاج الله بالخير اختي مريم.. أفدتينا ونفعتينا ابنصايحج وتجربتج

جعل ربي يوفقج ويفرجها عليج

نسمة فجر
29-12-2008, 11:18 PM
تسلمين اختي مريم ع النصايح ..

واستفدت منها بصراحة .. جزاج الله خير ..

..


هيئة دبلوماسية .. ما عندي فكرة شنو احسن للشعر الخشن ولكن سمعت ان حمام الزيت يساعد على نعومة الشعر

كيك وعسل
23-01-2009, 10:16 AM
:cry::cry:نفس المشكلة:cry::cry:بس الحين طايحة بخلطة زيوت (جرجير+سمسم+براشوت+دابر املا)حلو مع اني في بداية أللإستخدام