بنات حبيت افيدكم من تجاربي نصــايح بمليون ريال!!

[الذيبه]

أول شي بقول لكم أسماء الماركات اللي جربتها اللي أذكرها لأني من سنة 1999 لين السنه مخسره على بشرتي تقريبن حوالي أربعين ألف إذا مب أكثر يعني صرت حقل تجارب وحظكم استفيدو مني
جربت ديور & كلينك & غيرلان & فيشي & روك & كلارنس & لانكوم & ايف سان لوران& لوريال 7 افين &لابريري<< كريمهم الواحد اشتريه بــ700 والله & لويس ويدمر&نايتروجينا & كلين اند كلير & سيباميد & ماركات كتبها لي البياري من الصيدليه نسيت اسم الصابون وفهد الباكر كتب لي سيباميد ولكريم المرطب نسيت اسمه وكتب لي ريتنA & الماركات اللي ناسيه اسمهم كل الماركات اللي في الصيدليات استخدمتهم كل شهر اجرب ماركه عل وعسى تفيدني وبعد مافي فايده بالعكس كلهم ضروني ماعدا>>سيباميد ماضرني كريم مرطب كلينك الاصفر زين واقي شمس لويس ويدمر بعد زين سيباميد عندهم جل يجنن روووووووعه علبته مربعه مكتوب عليه جل مرطب يجنن قبل الميك اب ايف سان لوران عندهم غسول يجنن ينعش هو سائل اخضر فاتح علبته شفافه بيضه وماركة سيسلي زينه بس الباقي :mad3:
المهم لادكتور حل مشكلتي ولا هالماركات اللي كلهم كذب في كذب واحنا خبر خير نشتري وبس
يوم من الايام وقفت عند خان الصابون اللي هو فاتح في اغلبية مجمعات قطر اذا مب كلهم هو فاتح في السنتر بوينت والستي سنتر والرويال واللاند وحياة بلازا دايما يكون المحل كشك بس في الستي محل كبير مب كشك المهم قلت له مشكلتي وعطااني صابونة حب الشباب استخدمها مرتين في الاسبوع وصابونة النخاله بعد مرتين وصابونة زيت اللوز استخدمها اي وقت لانها ترطب وعطاني بخاخ مخلوط فيه زيوت طبيعيه وماي ورد عقبل ماغسل وجهي ارش من هالبخاخ يرطب الوجه وعطاني كريم مغذي بعد كله مواد طبيعيه المهم رحت البيت من اللقافه جربت هذا كله في وقت واحد:sweatdrop بس صج حسيت بالنتيجه من ثاني يوم والله كلمة رووووووووعه شوي على منتجاتهم ولا البخاخ اللي فيه زيت زيتون ياااااااي صج ينعش ويرطب حطيه في الثلاجه او في مكان بارد وكل ماتحسين ويهج جاف وتعبان رشي من هالبخاخ ولكريم المغذي قبل لاتنامين عقب ماتنظفين ويهج عدل حطيه على كامل ويهج حتى تحت العين لانه طبيعي 100% مايدخلون في منتجاتهم اشياء تضر حتى العطورات عندهم طبيعيه ومن يومها وانا مدااااومه عندهم شريت بعد من عندهم خلطة الكركم الملكيه تجنن حق الويه تمسحينها على ويهج وتدلكينها لين تصير رغوه مثل الصابون وتغسلينها هي خلطه تفتح وبعد خذت خلطة الجسم الملكيه تجنننن تشترينها مع الليفه والصابونه وكريم الجسم بالشمام وبعد شريت عطورات الجسم اللي بدهن العود واللي بالمسك روووووووعه خاصه حق العرايس يعني تخيلوا طبيعي وريحته حلوه ويرطب كأنه لوشن يعني لاتفوتكم منتجاتهم مضمونه وطبيعيه اذا مانفعتكم مستحيل تضركم مثل الماركات الثانيه وبعدين هالمحل معروف اسإلوا اللبنانيات والانجليزيات عنه مب الخليجيات مطيحين عند الماركات وقاصين علينا :s27:وخان الصابون مايروحون له الا الاجانب الجيدات حتى يوم قلت حق العيوز اللي تدرسنا في النورث اتلانتك كنديه وعيوز بس تشوفونها تقولون بنت من كثر ماتعتني في نفسها مشالله عليها تجنن قلت لها عن خان الصابون قالت اي انا اعرفه هالمحل من زمان والمحل له افرع في اوروبا وكل مكان يعني مب هين ورواني ملف الحريم اللي يشترون من عنده كاتبين تعليقاتهم ورايهم عالمنتجات وحاطين ارقامهم اذا تبيين تسإلينهم عن المحل وتتأكدين واكثريتهم زوجات السفراء حرم السفير الاسباني وغيره وبعد في قطريات كاتبين رايهم
ومن شهر اكتشفت ماركه في الصيدليه رخيـــــــــــه بس والله خياليه الماركه اسمها تي زون خضرا شريت التونر والمقشر ولكريم كلمة خياليه شوي على هالماركه ولا المقشر صج ينظف والتونر ولكريم يجنن وفي جل غسول بس ماجربته اكيد بينفع البنات اللي فيهم حبوب يشترون الغسول الجل مع التونر ولكريم صدقوني روعه واستخدمه مع منتجات خان الصابون صارت بشرتي تجنن والله يشهد علي
وبس حبيت انصحكم :flower:

[*..I'll SuRvIvE..*]

ماشاء الله ..جربتي كل شي تقريبااا ..هههههه ..

اممم بالنسبه لخان الصابون..مادري ليش ماصدق ان منتجاتهم زينه ..
بس عقب ما مدحتيهم شكلي بشتري ^^ ..

ومرطب كلينك (الاصفر) عندي .. هو صج يرطب بس ما حس غيّر شي..
يمكن لاني ما ادوام عليه ..هههههه ..

ع العموم..

مشكووره حبيبتي ..
ويعطيج العاافيهـ..


^^..

[الهم المتكدر]

مشكورة يالذيبه وماقصرتي ......
وبصراحة الموضوع واااايد مفيد بالنسبه لي لأن ماعندي خبره كبيره بالكريمات الزينه والمفيده للبشره
لأني ماحب اجرب شي الا بعد مايمدحونه لي وانتي ماقصرتي كفيتي وفيتي ماشاء الله عليج
وتستاهلين على هالنصايح 100000 هذي بعد الفوايد :s7:
...تقبلي مروري....:flower:

[الذيبه]

ماشاء الله ..جربتي كل شي تقريبااا ..هههههه ..

اممم بالنسبه لخان الصابون..مادري ليش ماصدق ان منتجاتهم زينه ..
بس عقب ما مدحتيهم شكلي بشتري ^^ ..

ومرطب كلينك (الاصفر) عندي .. هو صج يرطب بس ما حس غيّر شي..
يمكن لاني ما ادوام عليه ..هههههه ..

ع العموم..

مشكووره حبيبتي ..
ويعطيج العاافيهـ..


^^..
يعافيج حووووووووووبي:blush:
انا قبل مثلج احس انهم كذابين بس يوم شفت مافي فايده في اللي اشتريه تذكرت ان مره واحد فيهم مسكني وقال لي عندنا منتجات تصلح لج وانا صرفته وشردت عنه بس بعدها بفتره رديت له وقال لي اذا مافاد وياج رديه وبنرد لج فلوسج المهم شريت من عندهم وماتحسفت مساكين ان بعض الظن اثم كنا ظالمينهم وعلى بالنا انهم يمشون سوقهم بالعكس ترى كل الكلام اللي يقولونه صج ولايبالغون ولاشي:good2:

[ام صالح]

حقل تجارب من قلب:lol:

[مصوره مستقبلا]

ماادري ليش ماااااااااااااااااحبه خان للصابون
بس يمكن اروح القي نظره واجرب شي
ودرجه الاستفاده تختلف من بشره لين بشره
مشكووره اختي وماقصرتي

[][ رحيـــل ][]

ماشالله عليج ماخليتي شي
خلاص بنروح نجرب

[شموخه]

ماشاء الله عليييك اختي


والله استفدت كثييير من موضوعك ..
قوواك الله يالغلا ..:flower:

[الذيبه]

تسلموووووووووووووووون على ردوووودكم فديتكم:flower:

عاد انا للحين ماتبت وبعد جربت ماركه عن خاطري عاد هالماركه غاليه اسمها سيسلي كل مكوناتها اعشاب وصج رهيـــبه في باريس غاليري في البدايه كنت اقرى عنها في النت وبعدين رفيقاتي قالوا لي عنها ويوم من الايام رحت باريس غاليري وعجبني ظل رهيب رحت جربته على يدي وشريته وطلبت من اللي تبيع عند هالماركه تعطيني شي امسح فيه لظلال اللي في ايدي حطت لي مزيل ميك اب سيسلي في قطنه وعطتني امسح ايدي قلت الله شالمزيل العدل وريحته تجنن قالت لي انا ماراح اقول لك اشتري كريمات عنايه من هالماركه بس بعطيج موعد فيشل وبعدين قرري قلت لها اوكي وشريت من نفس الماركه عطورات حق تجهيزي بس صج عطورات مركزه رهيــــــبه هم عطرين مع البودي لوشن والله سحر ريحتهم لي بردت بس غاليين يعني شريت عطرين وبودي لوشن واحد وشاور جل بألفين وشي المهم عقب مارحت موعد الفيشل سوت لي التنظيف والماسك وكل شي وانا طالعه قالت لي الاشياء اللي احتاجها والاشياء اللي استخدمتها لي في الفيشل وشريت كل شي كريم العين وكريم مرطب ومجدد للبشره سحر يجنن كله اعشاب ومزيل الميك اب والتونر والماسك بالاعشاب الاستوائيه وايد فادني والصابون يجنن مع ليفته وفرشاه للوجه وجل ثاني حق منطقة العين والشفايف وفونديشن وبودره من نفس الماركه ترى حتى المكياج مصنوع من اعشاب ومواد معالجه طلع علي هذا كله بـــ3800 انصعقت:cus2: قلت يمكن اوصل الفين بس ماتوقعت اني كنت بصك الاربعه:blush: وانا وراي مصاريف التجهيز والعرس بس بعتها وشريت العده:sweatdrop والصرااااحه مـاتحسفت كل يوم احس ان ويهي ينور زياده وفرش وكريم العين ماتوقعت انه مهم لهذي الدرجه كنت ماهتم اني اشتري كريم العين بس يوم استخدمت هذا حسيت عيني مرتاحه وغير عن قبل والصابونه تجنن مع ليفتها صج تنظيف خيالي عاد هالماركه طبيه وكلها اعشاب والصابونه ترى اسميها صابونه بس هي مافيها مادة الصابون اللي تضر البشره بعد في بخاخ عجبني استخدمته لي في الفيشل بس ماشريته بخاخ بماي الورد واعشاب يجنن ترشينه كل ماتحسين ان ويهج محتاج انتعاش في الطياره او في البحر تحسينه ينعش البشره صج خاصه اذا كانت البشره تعبانه وحاره من الشمس تقدرين ترشينه حتى فوق الميك اب من بعيد
انتو اذا بتشترون شي قولوا لها نوع بشرتكم علشان تعطيكم اللي يناسبكم من هالماركه انشالله استفدتوا من هالتجربه وترى انا مادحه الماركه في موضوعي وكنت حاسه انها غير عن الباقي:good2:

[sav45]

بشتري اليوم منهم ....تسلمين اختي على النصيحة

[M E E Z Y]

الصراحه الذيبه يعطيج الف عافيه على هالنصايح ..

بالنسبه لي كله اقول بروح حق البياري .. واجرب كريماته ولا نوال الشعراني

بس مادري للحين ..!

وخان للصابون عجيب بعد ..

بس ابي اسوي تنظيف بشره أول محتاره عند من

[tony]

هل خان الصابون هو نفسه الي جاوا في معرض الجامعه السنة الماضية؟؟؟؟

انا قلت لها ان عندي اكزيميا وما تميت دواء وكريم ما استعملته ولا طبيب إلا رحت له عاد عطتني مكعبات صابون في كيس قالت هالصابونة طبيعية بالزيت الزيتون والحبة السوداء ومن هالكلام اللي شبعنا منه عشان تقنعني انه طبيعي وماراح يضر اوكي شريته وتخيلوا اول ماتسبحت بهالصابونه صادتني حكه قويه في صدري ماقدرت استحمل قعدت احك واحك مثل المجنونه ما ارتاح من الحكه إلا لما طلع دم من صدري والله شنو هالصابون وبعد خل جسمي جاااااااف حده على طول كنسلته ورجعت حق صابونة دوف اللي ابداً ما راح استغني عنها.....

بالنسبة للماركات مادري ليش احياناً ويهي تكون حالته حاله فرحت جربت كريم مرطب من كلارنس واستانست عليه وايد في اسبوع واحد ردت بشتري صحيه اكثر فقمت كله اشتري منه بس مادري شلون بعد مدة طويلة من الاستعمال صارت بشرتي تتحسس منه وما صار يعطي مفعوله فغيرته ورحت لانكوم وعجبني الكريم فبشوف بشتري علبه ثانية بكره عاد إن شاء الله ما تعافها بشرتي اقعد بعد اشوف شي ثاني....