PDA

عرض الاصدار بالكامل : بكــــاء بلا دمــوع .. قصة .... جديدة .


صفحات : 1 [2]

غجرية
17-03-2008, 08:09 PM
وينج غجريه كملي :cry::cry:

:s7: الاثنين اللي جااي .. .. لاني لوكملت الحين بخربها بذبحهم كلهم عن بكره ابيهم ((ماتحركت عن الكرسي من الساعه 1 الظهر *****(

غجرية
17-03-2008, 08:16 PM
:cry:

هالبارت واايد حزين ..

مسكينة شمس كسرت خاطري و أعجبني موقفها النبيل وأنها خاطرت بحياتها علشان أخوها ..
جوزة الله يعينها تخلص من هم تجي لها هموم ..:cry:

تسلمين / غجرية .. ومتابعين معاج .. ^_^


تسلمين لهالمتابعه الرائعه اسعدني مرورج واايد .. كـل التحيـة . :flower:

مناير الدوحة
17-03-2008, 08:22 PM
لا لا لا لا لا لا

والله لو أقعد اقول لا من اليوم لين بكرة مب خالصة :cry:

ليييييييش؟؟ :cry:

طلعوا ظالمينها..كل هاللي صار لهم فحياتهم والسمعة اللي لحقتهم جذب

حرااااااااااااام :cry:

وليش يوم اكتشفوا إنهم ظلموها..هي ماعادت موجودة عشان يستسمحون منها

والله قلبي يعورني ماأدري شقووول

بس الله يعينهم على الصدمة اللي بيجوفونها اللحين

أحس القصة من هالجزء بتتغيــــــــــــــــــر

غجرية..لاتطولين فالبارت الجاي تكفين :cry:

عيون السهاد
17-03-2008, 08:24 PM
:cry::cry:

مهااااااا


لالالالالالالالا حراااااااااااام

غجرية
17-03-2008, 08:31 PM
لا لا لا لا لا لا

والله لو أقعد اقول لا من اليوم لين بكرة مب خالصة :cry:

ليييييييش؟؟ :cry:

طلعوا ظالمينها..كل هاللي صار لهم فحياتهم والسمعة اللي لحقتهم جذب

حرااااااااااااام :cry:

وليش يوم اكتشفوا إنهم ظلموها..هي ماعادت موجودة عشان يستسمحون منها

والله قلبي يعورني ماأدري شقووول

بس الله يعينهم على الصدمة اللي بيجوفونها اللحين

أحس القصة من هالجزء بتتغيــــــــــــــــــر

غجرية..لاتطولين فالبارت الجاي تكفين :cry:



ها مناير .. شكـرا للمرور .. طبعا من هالبارت بتتغير القصة .. بتنجلي الغيوم .. وبنبدأ مع تناقضات الموقف .. الاثنين اللي جاي بإذن الله .. اعذروني نكدت عليكم .. دمـت بود :flower:

غجرية
17-03-2008, 08:40 PM
:cry::cry:

مهااااااا


لالالالالالالالا حراااااااااااام

:s23:

شكرا للمرور :)

عيون السهاد
17-03-2008, 09:02 PM
مسكيييييييييينة الرررريم

بس هم بعد تبط الجبد .. برودها مع فايزز ينرفز


وماااجد ماحبه هههههههه يقهرني

شايف نفسه واايد


تسلمين غجرررية .. يعطيييج العافيه

بانتظاار الجزء الياي :(

ريما
17-03-2008, 09:09 PM
اهئ اهئ خلاص نكدتود علي عندي امتحان وما راح ادرس
بصيح

مناير الدوحة
17-03-2008, 09:16 PM
ها مناير .. شكـرا للمرور .. طبعا من هالبارت بتتغير القصة .. بتنجلي الغيوم .. وبنبدأ مع تناقضات الموقف .. الاثنين اللي جاي بإذن الله .. اعذروني نكدت عليكم .. دمـت بود :flower:



مب مسألة تنكيد فديتج بس ماكنا متوقعين هالشي

يعطيج العافية..وأنتي اللي اسمحيلنا مقعدينج من الظهر لين هالحزة :flower:

ملاذ الروح
17-03-2008, 09:20 PM
:cry::cry::cry:

ننتظر غجريه شو ورانا

يعطيج الف عافيه عزيزتي :flower:

جنون الحب
17-03-2008, 10:37 PM
حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااام

اي الم .. اي فجيعه .. اي فقد هذا ..

صدمه صدمه صدمه ياغجرية

تخيلتها تحضر زواج بنتها ..

تخيلتها تزف ولدها

تخيلتها ترد وتبط عين زوجها ..
تخيلتها تخلي كل احد طرها بشر وبحقارة ينزل عينه للأرض ويبجي

لكن احنا اللي بجينا ياغجرية


الدنيا ظالمة ..

اظلم منها مافيه


كل شي مو مهم ..

المهم الحين ..
الصدمه .. والشرف اللي راح بلسان الناس ..
والعمليه اللي راح تنعكس ..

وورقه الطلااق للثنتين .. اعتقد ولا انه من نفس الطخه العتيقه .. الثانيه تروح تظل الأولى او الأولى تروح وتظل الثانيه
في هالحاله الثانيه بتروح ولا بتسامح .

والاولى الله اعلم ..


اي جرح اي جرح اي جرح لااعلم !



اعلم انكِ ابدعت ِ

واعلم اني حزنت ..

واعلم انه بقي القليل .. بعدما ذهب الكثير ..

واعلم ..

اانني سوف اراها يوما ما .. في كتاب ..

جنون انكسر هنا !

معانده الهم
17-03-2008, 11:28 PM
لااا داامه حزيين اخلييه لباجر


بروحي مكتئبه


يسلموووو عل الباااارت وعسااج عل القووه ياااارب

بقراه باجر انشالله وبعطييييج تعليقي

كل الوود

Ahmad
18-03-2008, 09:52 AM
يا لقسوتكِ "ككاتبة". !


قريت المشهد الأخير أكثر من مرة، مب مصدق كمية و حجم الصدمات و المشاعر و الأحاسيس اللي فجرتيها في كل كلمة فيه.

<<< في حالة صدمة. !

عليا
18-03-2008, 10:06 AM
السلام عليكم
بهذا البارت حبستي الانفاس الى الاسبوع القادم

غجرية
18-03-2008, 03:53 PM
مسكيييييييييينة الرررريم

بس هم بعد تبط الجبد .. برودها مع فايزز ينرفز


وماااجد ماحبه هههههههه يقهرني

شايف نفسه واايد


تسلمين غجرررية .. يعطيييج العافيه

بانتظاار الجزء الياي :(


برودها مع فايز شيء طبيعي لبنت في ظروفهـا .. (بيني وبينج حتى انا مب عاجبني ماجد ..:a43: )) شكـرا سهاد العيوون لهالمرور والتعليق الجميـل .. :flower:

غجرية
18-03-2008, 03:57 PM
اهئ اهئ خلاص نكدتود علي عندي امتحان وما راح ادرس
بصيح

لا عاد الحين انت نكدت علي .. اذا مادرستي بزعـل .. :chair:

غجرية
18-03-2008, 04:00 PM
مب مسألة تنكيد فديتج بس ماكنا متوقعين هالشي

يعطيج العافية..وأنتي اللي اسمحيلنا مقعدينج من الظهر لين هالحزة :flower:

فديتج تسلميـن لغالينج .. الله يعافيج .. وعادي متعوده .. بس للمت محدد . ..أهم شيء أعجبكم البارت :kkk:

غجرية
18-03-2008, 04:01 PM
:cry::cry::cry:

ننتظر غجريه شو ورانا

يعطيج الف عافيه عزيزتي :flower:

^_^ يعافيج يالغالية .. شكـرا للمرور ..

ولد بني خالد
18-03-2008, 04:25 PM
يالله ... والله لعبتي في مشاعرنا اختي ( غجريــه ) ... اول القصه سالفــه

يوم يدش عليهم أحمد ... يالله شنو كبرت ( شمس ) في عيوني كنت اعتبرها أخس

وحده فيهـــم بس اليوم صــارت أحسن وحده فيهــم طبعــا من بعد ( الريــم ) ... :wub:


والمقطــع الثاني يوم ( الريم ) تحرج ( فايــز ) .. أحلى شي خليه يتعلم الادب ... ^_^

وجميل ذكريــات عايض لخصتيها في كم من سطــر ... :good2:

وحلــو المنظر اللي وصفتيه لاحمد وهــو يبشرهــم انه العمليه نجحت وعجبتني شمس انها

ماتبي تضايق امهــا بانهــا تتالم ... الصراحه شي يخلي القلب يبكي قبل العين ... :cry:

:
:

وعجبتني يوم اتصلــوا في معجبــه ... وأحلى موقــف يوم قرت المكتوب عنهــا حسيت فيها المسكينه

انه ودهــا تصحكــه بكف بس سبحان الله الموضــوع فــاد وطلعــوا المره اللي سرهــا كان مخشوش

وطلعــوا عليها كلام انهـا شارده مع ( هنــدي ) الله يخرب بيتهــم ... الصراحه هالمقطــع مالم لابعد

الحدود اتوقع اللي بيقراها وايد بيتاثر وبيقراه فــوق الــ10 مرات نفس ماسويت انا .. ^_^

:
:
:


يعطيج العافيه وفي انتظار البارت الجــاي ... واهم شي ( الريم ) خليها تهــد فايــز ... :sweatdrop




اخوج
ولد بني خالد

غجرية
18-03-2008, 04:33 PM
حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااام

اي الم .. اي فجيعه .. اي فقد هذا ..

صدمه صدمه صدمه ياغجرية

تخيلتها تحضر زواج بنتها ..

تخيلتها تزف ولدها

تخيلتها ترد وتبط عين زوجها ..
تخيلتها تخلي كل احد طرها بشر وبحقارة ينزل عينه للأرض ويبجي

لكن احنا اللي بجينا ياغجرية


الدنيا ظالمة ..

اظلم منها مافيه


كل شي مو مهم ..

المهم الحين ..
الصدمه .. والشرف اللي راح بلسان الناس ..
والعمليه اللي راح تنعكس ..

وورقه الطلااق للثنتين .. اعتقد ولا انه من نفس الطخه العتيقه .. الثانيه تروح تظل الأولى او الأولى تروح وتظل الثانيه
في هالحاله الثانيه بتروح ولا بتسامح .

والاولى الله اعلم ..


اي جرح اي جرح اي جرح لااعلم !



اعلم انكِ ابدعت ِ

واعلم اني حزنت ..

واعلم انه بقي القليل .. بعدما ذهب الكثير ..

واعلم ..

اانني سوف اراها يوما ما .. في كتاب ..

جنون انكسر هنا !

جنون أعشق حضووره .. ماتوقعت انج متفائله لهالدرجـه :sweatdrop

أشكـر متابعتكـ وأشكـر تواجدك.. واعذريني للنكد ..لكن هذه هي الحيـاه .. ظلم وعدل وحظـ .. اشكـر كلماتكـ .. لكن كتاب ؟؟ مستبعد :s23:

غجرية
18-03-2008, 04:35 PM
لااا داامه حزيين اخلييه لباجر


بروحي مكتئبه


يسلموووو عل الباااارت وعسااج عل القووه ياااارب

بقراه باجر انشالله وبعطييييج تعليقي

كل الوود

الله يبعد عنج الأكتئاب .. ناطرة عودتج .. موفقة :flower:

غجرية
18-03-2008, 04:38 PM
يا لقسوتكِ "ككاتبة". !


قريت المشهد الأخير أكثر من مرة، مب مصدق كمية و حجم الصدمات و المشاعر و الأحاسيس اللي فجرتيها في كل كلمة فيه.

<<< في حالة صدمة. !

^_^ يالقسوة الحيـاة .. أشكـر هالتواجد والمتابعه ..ويسعدني أنني مسببه للصدمات :s7:

غجرية
18-03-2008, 04:40 PM
السلام عليكم
بهذا البارت حبستي الانفاس الى الاسبوع القادم

:) هذا هو المطلوب .. شكــرا للمتابعه :flower:

غجرية
18-03-2008, 04:45 PM
يالله ... والله لعبتي في مشاعرنا اختي ( غجريــه ) ... اول القصه سالفــه

يوم يدش عليهم أحمد ... يالله شنو كبرت ( شمس ) في عيوني كنت اعتبرها أخس

وحده فيهـــم بس اليوم صــارت أحسن وحده فيهــم طبعــا من بعد ( الريــم ) ... :wub:


والمقطــع الثاني يوم ( الريم ) تحرج ( فايــز ) .. أحلى شي خليه يتعلم الادب ... ^_^

وجميل ذكريــات عايض لخصتيها في كم من سطــر ... :good2:

وحلــو المنظر اللي وصفتيه لاحمد وهــو يبشرهــم انه العمليه نجحت وعجبتني شمس انها

ماتبي تضايق امهــا بانهــا تتالم ... الصراحه شي يخلي القلب يبكي قبل العين ... :cry:

:
:

وعجبتني يوم اتصلــوا في معجبــه ... وأحلى موقــف يوم قرت المكتوب عنهــا حسيت فيها المسكينه

انه ودهــا تصحكــه بكف بس سبحان الله الموضــوع فــاد وطلعــوا المره اللي سرهــا كان مخشوش

وطلعــوا عليها كلام انهـا شارده مع ( هنــدي ) الله يخرب بيتهــم ... الصراحه هالمقطــع مالم لابعد

الحدود اتوقع اللي بيقراها وايد بيتاثر وبيقراه فــوق الــ10 مرات نفس ماسويت انا .. ^_^

:
:
:


يعطيج العافيه وفي انتظار البارت الجــاي ... واهم شي ( الريم ) خليها تهــد فايــز ... :sweatdrop




اخوج
ولد بني خالد


^_^ "يسعدني ان الجزء نال اعجابك ... صج ان فيه عوار قلب .. بس .. :kkk: وصلنا لنتيجـه .. شكـرا للمرور والمتابعه الطيبه .. الريم تهد فايز ؟؟ ليش مافايز يهد الريم ؟؟ ... NO COMENT

معانده الهم
18-03-2008, 08:53 PM
بكل بساااطه كانوا ظالمينهااا !!!!

بكل بساااطه راحت شرف عايله كاامله !!

بكل بساااطه يتغرب الولد عن اهله نااااسه ديرته ويرووووح للمجهول عشان جذبه ؟؟؟ تخررريف ؟؟؟

بكل بسااطه البنت تعاني الاكتئاااب بكل بسااااطه شمس تتطلق تنحرم من ولدها




كل شي صااار لهم المفروض مايصيييير

يألله ياغجرييييه البارت هاي شي ثااني

:cry:


يسلمووو على هالبااارت

بانتظار البارت اليديييد بفاااااااااارغ الصبر

ريما
19-03-2008, 12:50 AM
لا قلبي استااانسي امتحنت وامتحاني خيال بس كملي تعبت وانا افكر من اسبوع لاسبوع

الفالحة
19-03-2008, 03:09 PM
بقول لج ردي بعد ماخلص من البجي ..

غجرية
19-03-2008, 05:51 PM
بكل بساااطه كانوا ظالمينهااا !!!!

بكل بساااطه راحت شرف عايله كاامله !!

بكل بساااطه يتغرب الولد عن اهله نااااسه ديرته ويرووووح للمجهول عشان جذبه ؟؟؟ تخررريف ؟؟؟

بكل بسااطه البنت تعاني الاكتئاااب بكل بسااااطه شمس تتطلق تنحرم من ولدها




كل شي صااار لهم المفروض مايصيييير

يألله ياغجرييييه البارت هاي شي ثااني

:cry:



يسلمووو على هالبااارت

بانتظار البارت اليديييد بفاااااااااارغ الصبر


بكــل بساطـة .. قمة التهكم .. وقمـة الألم .. بكـل بساطة .. لاء مب بكل بساطة .. هذي ببساطة الواقع .. سواء كانت بريئة ولا مذنبة .. هذا أبسط شيء من الافعال المترتبة على هالخيـار ...

أشكرج للمتابعه والسموحه لضيقة الخاطـر .. تقبلي كل الود :flower:

غجرية
19-03-2008, 05:54 PM
لا قلبي استااانسي امتحنت وامتحاني خيال بس كملي تعبت وانا افكر من اسبوع لاسبوع

الحمدالله فرحتيني بهالخبـر ^_^ .. ان شاء الله يوم الاثنين لاتفكـرين بشيء .. :good2:

غجرية
19-03-2008, 05:56 PM
بقول لج ردي بعد ماخلص من البجي ..

:cry: تعزيزات الفاين جاهزة للانطلاق .. ناطرة عودتج ^_^

الفالحة
20-03-2008, 07:13 PM
عاد مايصير تغيريين مصير مها يعني كان عندي امل انها ترجع لاهلها بس تموت والله حرام عليج تقتلينهاا يعني خربتي فرحة ريم وعايض وخربتي علينا نبي نحس بسعاده بالقصه تكون بارت او اثنيين ..
تعزيزات الفاين جاهزة للانطلاق
:chair: مستانسه..

غجرية
21-03-2008, 02:29 AM
عاد مايصير تغيريين مصير مها يعني كان عندي امل انها ترجع لاهلها بس تموت والله حرام عليج تقتلينهاا يعني خربتي فرحة ريم وعايض وخربتي علينا نبي نحس بسعاده بالقصه تكون بارت او اثنيين ..

:chair: مستانسه..

لا خلاص ماتت وخلاص .. :kkk: .. ان شاء الله في سعاده لاتتشاءمين ^_^

°MoOOoN Q6R°
21-03-2008, 04:52 PM
بنتظار الصدمات اليديده :cry:

دمتي مبدعه

ريما
23-03-2008, 12:01 AM
مليت ابي الباااارت




انا عندي اقتراح شرااايك تنزلين البااارتات كلهم مو احسن بدااال الزحمه والحنه

سوووووووووري غجريه بس من كثر شوقي البي اغرف النهااايه تعبت وانا اتابع بصمت

غجرية
23-03-2008, 05:46 PM
بنتظار الصدمات اليديده :cry:

دمتي مبدعه


دمت بهنـا .. الصدمـات .. ما ادري :s23:

غجرية
23-03-2008, 05:50 PM
مليت ابي الباااارت




انا عندي اقتراح شرااايك تنزلين البااارتات كلهم مو احسن بدااال الزحمه والحنه

سوووووووووري غجريه بس من كثر شوقي البي اغرف النهااايه تعبت وانا اتابع بصمت

ماعندي مانع .. عندج مانع تنتظرين شهر وشيء لين أخلص :) ...


تسلمين يالغلا .. شكـرا للمرور .. :flower:

عيون السهاد
23-03-2008, 06:18 PM
الوووعد باجر

<<< بدت تحن ,,

الفالحة
23-03-2008, 08:05 PM
عندج مانع تنتظرين شهر وشيء لين أخلص

البارت ولا القصة كاملة << يالله نبي نعرف شسالفة خلود او مها

عيون السهاد
23-03-2008, 10:28 PM
البارت ولا القصة كاملة << يالله نبي نعرف شسالفة خلود او مها


وووي من خلود من مها ؟؟ قمت اضيّع ؟:s27:

غجرية
23-03-2008, 10:34 PM
لا .. هي تبي القصة كاملة يالفالحـة .. وين أخلصها للحين في فصول في بالي .. (( ماني شارحة لج من خلود ومها .. بتعرفين بهالبارت )) ..


عيون السهاد =لعيونج بحط الجزء الحين :) ,,,


لحد يسبني رجاااء ههههههههههههههههههه ..

غجرية
23-03-2008, 10:43 PM
:)


تابع الفصل الثامن..
_____________


كـل خطوة كانت تخطوها .. ترجع خطوتين لورى .. فتحت باب الغرفة .. وقربت من جوزة واركعت عند ريولها بهدوء ..
نظرات جوزة كانت مستغربـة ..امسكت معجبة يدينها وشدت عليها ..

زادت ضربات قلب جوزة ــ ماجد صار له شيء ؟
ردت معجبة وهي تحاول تتماسك ـ لا بالعكس .. طيب مافيه شيء ..
جوزة ـ معجبة .. عيل شفيج ؟؟ .. البنات فيهم شيء ؟؟ محمد فيه شيء ؟؟ الريم ؟؟ عايض ؟؟ شفيج تكلمي !! ليش تبجين ..
شدت معجبة على يد اختها أكثر ..
ـ جوزة .. أبيج تهدين بالج.. الكل بخـير .. بس . أبيج تسمعيني ..
جوزة ــ اذا الكل بخير شفيج ؟؟
توترت شمس ــ شفيج خالتي ؟؟ .. شصاير ..
معجبة ــ أول شيء اوعديني انج تهدين أعصابج ؟
جوزة ـ دام العيال بخير .. أعصابي زينه ..
حاولت معجبة انها تنتقي كلماتها .
ــ شوفي الجانب الايجابي .. فكري .. انها طلعت بريئة . والحمدالله .. ان ظنوننا طلعت غلط ..
طالعت لها جوزة منصدمة ـ مها ؟ .. انتي تتكلمين عن مها ؟؟ لقيتوها ؟؟ وينها ؟؟؟ ..
وقفت جوزة تبي تدورها .. مسكتها معجبة تبي تهديها
ــ بآخذج لها .. بس . اسمعيني أول ..
طالعت معجبة لشمس اللي شحب ويهها . .. ارجعت تطالع لدموع جوزة ولهفتها
ــ انت أكثر الناس ايمان بالله .. وبقدره .. بس .. ابيج تذكرين الله .. وتدعين لها ..
جوزة ــ شفيها ؟ حالتها خطرة ..
معجبة ــ جوزة .. اذكري الله .. وانت مؤمنه ..
جوزة ــ لا إله إلا الله .. وين اختي يا معجبة ..
ــ مها عطتج عمرها ...

صرخت جوزة وبدت تبجي لا اراديا ــ انت تجذبين . انتي تجذبين ..
حاولت معجبة تهديها ــ جوزة اذكري الله .. جوزة .. الموت علينا حق .. اذكري الله ..
احضنت اختها وتمت تبجي معاها .. وبعد دقايق بصعوبة قدرت تهدي فيهم جوزة
جوزة ــ خذيني لها ..
معجبة ــ بآخذج .. تعالي..
نزلوا تحت .. وكان المشهد الأكثــر صعوبة .. تموا يبجون وهم يطالعونها .. قالت لها معجبة اللي مكتوب بالملف .. تمت جوزة تبوس اختها .. تبوس عيونها .. تبي تحس بدفاها .. لكنها كانت بارده .. وبدون أي حياه ..

معجبة ــ اذكري الله .. وقولي لها الكلام الطيب .. تعرفين ان الميت آخر شيء يفقده من حواسه هو السمع .. تكلمي معاها واستسمحي منها ..

دخل عبدالهادي في نفس اللحظة .. شافهم عند جثتها .. قرب منها ببطء .. مسك يديها .. وطالع معجبة منصدم
قالت له معجبة ــ كانت في غيبوبه من الثمانينات .. وباي لحظة بتجي الشرطـة وطبيبها .. ونفهم شالمأساة ..
قال عبدالهادي بصوت يرتجف ـ دقوا عليج ؟؟
معجبة ـ لاء .. الله قدر اني أقرأ الوفيات اليوم في الجريده .. ولفت انتباهي اسمها .. وتبعت احساسي ..
عبدالهادي ــ لكن أنا سألت بكل مكان .. مالقيت اسمها ..
معجبة ـ ماكان مذكور اسمها .. كان مذكور اسم امي الله يرحمها واسم ابوي . ...
تذكرت معجبة ان الجريده طاحت منها هنا طالعت الأرض ولقتها وطلعت الاسم لعبدالهادي . اللي مامسك دموعه ...
********
وقف الضابط وهو متردد .. شلون بيخبـرهم ؟؟ حالتهم تصعب على الكافر .طالع التقرير اللي جدامه وحاول انه يبسط الاحداث .. ــ بعد التحقيقات والأسئلة .. كانت التقارير تقول ان السيدة مها ادخلت المستشفى وهي مصابة باصابات خطيرة على يد مجهول .. وكانت شبه واعيه من دون أي اوراق او مستندات تثبت شخصيتها .. ولما حاولوا يسئلونها عن اسمها .. نطقت اسم خلود خليل غالب احمد بشكل متكرر وسألوا عن عمرها فأجابت بسنة الميلاد .. اضطروا الاطباء لعمل عملية لرأسها .. وايقاف النزيف وبعد هالعملية دخلت في غيبوبه .. لم يسئل عنها احد ولم يجدوا أي قرابه للمريضة .. ففي السنوات العشر الأخيرة نقلت إلى مستشفى الرميله ومن ثم توفيت وفاة طبيعية ..

طالع عبدالهادي التاريخ اللي دخلوها فيه .. 2-9-1984

التاريخ اللي فقدها فيه .. اليومين اللي تم يدورها .. مالقاها لا عند قريب ولابعيد .. اليومين اللي اكتشفت ان اغراضها مو موجوده ولا فلوسها ولا ذهبها .. وحتى السيارة اختفت والهندي اختفى... كل شيء كان يقول انها شردت مع الهندي .. الكل اساءوا الظن فيها .. حتى هو زوجها وحبيبها .. ابو عيالها .. ريحتها للحين يتذكرها .. ضحكتها .. طيبتها .. ليش شك فيها ؟؟ .. ليش طاعهم وصدقهم ؟؟ .. صدق الناس والشيطان ؟؟ ..
سأل وهو يكتم رجفته ــ اصابتها .. بفعل فاعل ؟
الضابط ـ يمكن .. الحادث صار من مدة طويلة .. مافي أي مراجع ..وحتى الطبيب اللي كان مشرف عليها اول ما دخلت المستشفى توفى من وقت طويل ..
عبدالهادي ــ زين .. ومحد عرف من الكلب اللي سوى فيها هالشي ؟؟
الضابط ـ للاسف قيد الحادث ضد مجهول ..
عصبت معجبة ـ احنا مب في امريكا علشان من كثر الحوادث تقيدونها ضد مجهول .. البلاد صغيرة ..ومن خمس وعشرين سنه كنتم تقدروون تحققون .. مب من كبر البلاد !! ..
الضابط ــ لكن .. اللي دخلها المستشفى ريال لقاها عالطريج .. واسمه مذكور .. ولما دورناه عالكمبيوتر لقينا انه مقيم كان يشتغل مدرس .. وانه راح لبلاده ..وهي دخلت في غيبوبه .. ومع الايام .. الموضوع صار منسي ..
حس عبدالهادي انه بينهار ـ يعني .. مافي مجرم؟؟ ما مسكتوا احد ؟
الضابط ـ بنحقق بشكـل خاص .. واتمنى تجي حضرتك للمركز وتذكـر لنا كل شيء ..
عبدالهادي ــ بجي بعد شوي ..
طلع الضابط ..


جوزة ــ قلت لكم مها ماتسويها .. قلت لكم اختي ماتسويها ..
احضنتها معجبة .. اللي تمت تبجي بصمت .. استسمحت من جثة مها.. اعتذرت منها لأنها في يوم صدقت الظنون ..

رجعت جوزة لشمس .. وعبدالهادي رفض انها تندفن قبل لايشوفونها عيالها وقبل لايثبت للناس كلها انها بريئة من لسانهم وظنونهم وشياطينهم ..

********

كانت الريم في قمة سعادتها . .تولع قلبها بفايز .. طول فترة تسوقهم مع بعض اتبعت نصايح خالتها .. عرفت ذوقه .. حبت الألوان اللي كان يشتريها لها .. طالعت الفستان الذهبي اللي اشتراه لها على ذوقه .. حرير مع اكمام طويلة وحزام كريستال .. طلب منها انها تلبسه ثاني يوم العرس .. رتبت أغراضها اللي شرتها أمس . كانت وايد .. اشترت لهم شنطه بروحها .. ورتبت المكياج والشنط والأحذية والفساتين .. طالعت للعطر تذكرت فايز لما قالت له انها بتشتري عطور على ذوقه ..تذكرت نظرته لها .. وهو يآخذها لمحل العطور .يشتري لها عطور رووعه .. وياخذها بعلب كبيرة وبالاخير قال لها انها هديته لها .. بس لأنها سألته عن ذوقه .. وكان ذوقه راقي.. عطور من دولتشي اند غابانا ومن ديور وجفنشي .. اسماء راقية ..
اعجبها الجاكيت الابيض اللي شراه لها من كفالي .. كان أنيق وحلو ..
طلعت للصالة كان عايض مع فايز جالسين
عايض ـ من احتلت غرفتي وهي ماتطلع منها ..
فايز ــ حلالها ..
عايض ـ بديت توقف معاها ضدي ؟؟ .. انزين مب مشكله .. شوفوا سلوم دق علي بروح اشوفه .. وراجع ..

طلع عايض شوي وقرب فايز من الريم
ـ شكنتي تسوين ؟
الريم ـ أرتب أغراضي ..
فايز ـ زين حبيبتي .. شرايج .. نطلع أنا وأنتي بس ؟؟
الريم استحت ودنعت راسها ـ مب كأنا طول اليوم مع بعض ؟؟
فايز ـ كنا نتسوق .. لكن أبي نتمشى .. وأبي أسمع صوتج طول الليل .. اشوف عيونج ..

طالعت له الريم وقالت مترددة ــ لهالدرجة تحبني ؟
انصدم فايز .. انصدم من الدموع اللي كانت بتطيح من عيونها ..حس ان جدامه طفلة تبي تتأكد أن الكل يحبها ..
كتم تنهيده .. قال بصوت مخنوق ـ ما أحب غيرج في هالدنيا .. ولساني يعجز عن وصف حبي لج .. مافي كلمات كفاية ..ولا في وقت كفاية ..

نزلت دموع الريم وهي تطالعه يمسك يدها ويبوسها ..
الريم ــ الله يطول بعمرك ..
رغم انه ماكان الرد اللي ينطره .. لكنه فرح .. فرح انها تقبلت حبه .. وتقبلته .. وحس ببوادر الحب تظهر عليها أخيـرا .. نظرتها له اللي تخليه سعيد .. ابتسامتها اللي تعطيها من قلبها .. المواضيع اللي يتكلمون عنها .. كلها تمهيدات لعلاقة مميزة بينهم ..

ــ بنطلع اليوم ؟ .
الريم ــ ايه ..
ـ عيل قومي بدلي .. بنروح السنترال بارك ..
قامت الريم وتم فايز ينتظرها ..
بعد دقايق طلعت ومسك يدها وطلعوا ..
الريم ـ ماقلت لعايض ..
فايز ـ يا حبيبتي .. خليه يرجع الشقة ويلقاها فاضية ..ويصير فيلم أمريكي ويكتشف انه كان يتخيـل زيارتنا ولقاج ..
ضحكت الريم .. قال فايز بدون وعي ـ فديت هالضحكـة ..
الريم ـ تدري .. امس ماكنت مرتاحه ..
فايز ـ ليش ؟
الريم ـ ما أدري ضاق خاطري بدون سبب .. وحسيت بالضيقة ..
فايز ـ سلامة خاطرج ..
ابتسمت الريم واول ماوصلوا السنترال بارك حجز لها فايز عربة ..
ــ أخاف من الأحصنه ..
فايز ـ ليش ؟؟ .. بالعكس هي حيوانات جميـلة وحساسه ..
الريم ـ لايسمعك عايض .. بيتم ينقل علينا أشعار ومابنخلص ..
كان الليل ساحـر وفايز والريم يتكلمون بصوت واطي .. يتكلمون عن اشياء بسيطة .. بس الجو كان ساحـر . . فجأة رن جوال فايز .. (( عمي ))
استغرب فايز .. ــ هلا والله ..
عبدالهادي ـ فايز .. ابيج تجيب عايض والريم للدوحه بسرعه .. اليوم لو قدرت ..
ــ بس .. شالسالفه ؟؟

واستمع فايز بطولة بال لكلام عبدالهادي وحاول انه يتصرف بطريقة طبيعية جدام الريم الي كانت تيلس جنبه ..
بعد لحظات سكر التلفون وطالع الريم ــ لازم نرجع الشقة ..
الريم ـ شفيك فايز ؟؟ منو اتصل ؟؟
فايز ـ بقولج في الشقة ..
الريم ـ صارفي ماجد شي؟؟ ..
فايز ـ لاء .. بس .. موضوع ثاني .. بليز باك تو ذا كار اوفر ذير ..
حست الريم ان فايز متضايق وايد ... لكنها التزمت الصمت طول الطريق .. رجعوا الشقة كان عايض يالس عالكمبيوتر ..
ــ السلام عليكم ..
عايض ـ وعليكم السلام . وين اختفيتوا ..
فايز ـ عايض .. لازم نرجع الدوحه الحين ..
عايض ـ ليش ؟؟
فايز ـ بشرح لكم الاسباب بعدين .. بس لازم تيي معانا ..
انصدم عايض ـ شنو في ؟؟؟ ..
فايز ــ أرجوك عايض .. انت خذت اجازة .. اذا ماعجبك الوضع ارجع ..
عايض ـ شفيك ؟ ابوي فيه شي ؟
فايز ــ عمي طيب .. مافيه شي ..
الريم ـ لا في شيء .. انت من رن جوالك وانت مب على بعضك .. شفيه ابوي ..
توتر فايز ــ ابوج مافيه الا العافية ..
عصبت الريم ـ عيل منو !
قال فايز بدون مايفكـر ـ أمج !! ..
سكت فايز . .. طالع للباب اللي نساه مفتوح .. قام فايز وسكـر باب الشقة بعد ما شاف الصدمـة على وجوهم ... وبهدوء تام قال لهم كـل شي ! ..

************

قام عايض ودخل للحمام .. طالعت الريم لفايز وهي في حالة صدمـة .. دموعها تنزل بدون وعي .. عرف انها ماتقدر تفكـر في شيء .. حضنها يخفف عنها . بعدين ابتعد عنها وقام ..
ــ بروح الفندق .. وادور لكم حجز ..
طلع برا الشقة وهو منصدم .. كارثة ! .. لا .. هي صدمـة .. هل بتشفى منها الريم ؟ ؟ مايدري ,, هل بتتغير الريم ؟؟ مايدري .. بس يعرف انه القى قنبلة ..وبيشرد من هالاجواء لين تصفى..

غجرية
23-03-2008, 10:45 PM
***

ــ حالة شمس .. كل ما يالها تنتكس ..
خافت جوزة على بنتها .. طالعت بنتها .. اللي كانت تبجي طول الصبح .. ماقدرت تمسك دموعها أكثر ..كانت شيخه ساكته وعلى ملامحها حالة دهشة .. خذتها معجبة وردواالبيت .. كانت زعلانه وايد واول ما دخلت غرفتها اركضت شيخه لخواتها وخبرتهم بحماس كل اللي صار ..
نوير ـ يعني انزاح هالكابوس عنا ؟؟
صافية ـ يعني خالتي بريئة ؟
شيخه ـ أي .. هذا أحلى خبـر سمعته في حياتي ..
نوير ـ شمس درت ؟
شيخه ـ ايه . بس هي في حالة غريبة .. من الصبح بس تبجي ..
صافية ـ الله يعينها .. كل هالمآسي اللي مرت فيها وأخرتها يطلع على اساس كذب .. الله يعينها ..
نوير ـ انا فرحانه .. الدنيا مب واسعتني .. أخيرا اقدر ارفع راسي .. أخيرا أقدر ارفع راسي ..
صافية ـ امي ااكيد بتسوي عزا ..
شيخـة ـ لا كأني سمعت ان العزا بيكون في بيت ابو عايض ..
جلست نوير وعلى وجهها ابتسامة رضا
ــ يعني .. رجعنا طبيعيين ؟؟ .. اخيـرا ..
صافية ـ لاتشوفج امي .. لاتنسين ان خالتي مها توفت .. يعني مب وقت فرحتج ..


طلعت صافية لغرفتها .. في نفس الوقت دخلت جوزة البيت ونادت البنات ..
نزلت نويربسرعه .. واحضنت امها .. بفرحه
ــ مبروك يمه ..
بدون وعي دزتها جوزة عنها بقرف وهي تطالعها مصدومه .
ــ انتي فرحانه ؟؟
ارتبكت نوير ـ يمه هم وانزاح عنا ..
طالعتها جوزة باستنكارــ هم ؟؟ .. موت خالتج هم ؟
نوير ـ يمه .. مب هذا اللي اقصده .. أقصد انها طلعت بريئة .. مبروك يمه اانها طلعت بريئة ..
طلعن معجبة من قسمها وتمت تراقب هالمحادثة الغريبة ..
جوزة ــ تباركين لي ان اختي توفت ؟؟ .. طول عمري اقول لكم انها بريئة .. هالشيء ماكان عندي شك فيه .. تباركين لي هالصدمه ؟ هالوجع ؟ اختي عاشت خمس وعشرين سنه مظلومه .. عاشت بغيبوبه .. اتهمتوها بشرفها واخلاقها .. تبريتوا منها .. لكن الله مانساها ..اختي بريئة .. بريئة من اليوم الي اختفت فيه ..

نوير ـ يمه ما أقصد ... بس يمه ..
ارفعت جوزة يدها تنهي النقاش .. ولفت عن بنتها وراحت لغرفتها ..
قربت معجبة وهي تتنهد ـ لين متى بتتظلون عديمات احساس؟؟ . .. لي متى ؟؟ ..
نوير انصدمت ـ المفروض تفرح .. تفرح انها بتبط عيون الناس وتقص لسانهم .. المفروط تيبب لان اختكم طلعت بريئة .. مب تقلب علينا ..
قالت معجبة باشمئزاز ــ أختنا ماتت .. ماتت .. ماعاد شيء يستاهل الفرح .. المفروض تحترمون امكم .. وتواسونها .. مب تفرحون وترقصون .. ماهقيتها منكم ..

طلعت معجبة برا البيت .. نزلت صافية الي سمعت كلام معجبة ..
طالعت لنوير ــ شفيها امي عليج.؟
ماردت نوير .. غمضت عيونها وتمت تنأفف بقهر .
كانت شيخه لاول مرة في حياتها تراقب من بعيد .. كانت دايما تتدخل وامها تزعل عليها لكن هالمرة مانطقت بكلمة .. ماكانت تلوم نوير .. لانها مثلها .. موت مها واكتشاف الحقيقة عرس بالنسبة لها ماعرفت مها .. ولاتحس انها زعلانه لموتها .. شلون نزعل لفراق ناس مانعرفهم؟؟ .. مها كانت بالنسبة لها كابوس .. ذاقت
المر من هالمأساة .. كانت مشاهد حياتها تمر جدامها .. حست انها انولدت من جديد ولاول مرة تقدر ترفع راسها بدون ذنب ..قالت تغير الموضوع ..


ـ أمي .. واعليه .. أخـاف عليها .. هي الوحيده اللي كانت تعرف خالتي .. لو شفتوا عمي عبدالهادي ..
استنكـرت صافية ـ الحين صار عمج ؟؟ .. هذا الناقص .. كل هالسنين حاقرنـا .. والحين كسر خاطرج ؟؟
طالعتها نوير مستنكـرة ـ انتي شقاعده تقولين ؟؟ .. مع هالاكتشاف .. حياتنا بتتغير .. ليش تبي تصعبين الامور ؟ انسي .. فصل وانتهى من حياتنا ..
طالعت لها صافية بحقد ـ وننسى الناس الي جرحتنا ؟؟ .. ننسى معاناتنا من كنا صغار ؟؟ ننسى ابوي وامي اللي كانوا بيتطلقون من كلام الناس ؟؟ .. ننسى النظرات والنغزات ؟؟ .. بنات المدرسة؟؟ دموع امي كل ليله ؟ كلام المدرسات وهم يضحكون ؟؟ ننسى ؟؟ بيت عمي اللي ما يطبونا .. ولا الي صار لشمس ؟ .. وخالتي معجبة ؟؟ .. شلون ننسى ؟؟ والظلم اللي عاشته الريم ؟ وعايض اللي طفش .. ننسى ؟؟ . .. الدكتور اللي اهانج يا شيخه ؟؟ .. ننسى ..لاتطلبين المستحيـل ..

سكتت نوير لأول مرة في حياتها تعجز عن الرد .. طالعت شيخه تبيها تساندها .. لكن الظاهر كلام صافية أثر فيها بعد .. .
قالت صافية وهي تمسح عبرتها ـ والمصيبة العوده .. شلون ننسى سمعه خالتنا اللي تدمرت بدون ذنب ؟؟ كل السب والشتايم واللعنات ؟؟ القذف الي صار ؟؟سوء الظن ؟.. ياربي .. ياربي الايام اليايه بتكون صعبه .. يارب تعدي على خيـر ... وامي مايصيدها شيء من التراكمات..

********

في الطيارة .. طالع عايض لأخته .. كانت مبطلة عيونها على الأخيـر .. كانت تبجي .. أنفاسها تبجي .. وعيونها تبجي .. لكن بدون دموع .. الحزن اللي في ملامحها.. يضعف قلبه .. اول مرة شافها .. ظن أنه شاف امه .. كان بينجلط لولا ان فايز قال له (( زوج اختك الريم )) ..
نسختها .. نسختها.. حتى في ريحتها وابتسامتها .. مامنع دموعه .. طول حياته و هو يعاني .. وهو يكتم دموعه .. يبجي بدون دموع كل ليله .. يصعد لسطح العماره ويصرخ بأعلى صوت يمكن يرتاح من هالهم اللي شايله ...
قاطعته الريم ــ ليش ما جا فايز ؟؟ حتى ماودعنا في المطار ؟؟
هز عايض كتوفه .. ماعنده أي اجابه لهالأمر ..
بدت الريم تطالع عايض وعيونها رجعت لدموعها
ــ عايض .. يمكن بتحتقرني .. لكن طول الوقت من دريت لين هالحين .. وأنا كنت .أتمنى شيء ..
مسك عايض يدها ــ شنو ؟؟ ..
قالت الريم وصوتها يرتجف وابتسامه سخرية على ملامحها ــ تمنيتها هربت مع الهندي ..
عايض ـ هاا؟؟ ..
قالت تفسر وهي مب مصدقة اذونها
ــ على الأقل .. أقول انها عاشت حياتها بسعاده ... وانا حنا نستاهل كل اللي مرينا فيه .. لكن تطلع بريئة .. وعاشت حياتها في ظلام غيبوبتها .. ولسان الناس يتكلم في شرفها وعرضها .. ظلم !! .. بستخف يا اخوي .. بستخف !
ارفعت يدينها وحكت حواجبها بعصبية .. بعدين طالعت لاخوها وانهارت تبجي في حضنه .. مب قادرة تتخلص من هالألم اللي داخلها .. من هالذكـريات ..من هالمعاناة ..

كانت هذي آخر محادثة بينهم .. لين وصلت الطيارة لدبي وبعدين خذوا طيارة للدوحه .. كان عايض مثلها يتألم .. مب قادر يصدق .. مب قادر يتأقلم .. المفروض يفرح .. يرفع راسه .. لكن .. حس ان في داخله سواد ودموع .. أكبر من طاقته على الاحتمال والتفكـير..كأنه عاش حياته بدون سبب ..

وصلوا لبديرتهم .. كان عمها ابو طلال ينتظرهم في المطار .. سلم على عايض بحرارة .. وحاول انه يحضن الريم لكنها ابتعدت ..
طول الطريق والصمت كان مخيم عليهم .. شيقولون ؟؟ مافي شيء ينقال .. وصلوا لبيت جدهم .. انصدمت الريم من السيارات اللي واقفة عند البيت .. قال عمها بو طلال
ــ ابوي اصر ان العزا يكون في بيته ..

دخلت الريم واول مادخلت وشافت خالاتها انهارت .. اركضوا لبعض وتموا يبجوون .. يبجون ظلم الدنيا .. يبجون الموت .. يبجون الالم ..

*************

دخل عايض على الريم في غرفتها آخر الليل ..
ــ للحينج لابسه أسود ؟؟ بتتوقعين امي بترتاح ان لبستي اسود ؟؟. ..
طالعت الريم ثوبها وقالت بابتسامة ـ هالثوب عندي من زمان ..
وقامت بدون وعي وفتحت خزانتها .. انصدم عايص مالقى أي لون غير الاسود بين ملابسها ..
قال بعبرة ـ كنت حاده عليها طول عمرج ؟؟ ..
قالت الريم ـ لاء .. كنت في حداد على نفسي وعلى حظي من الدنيا .. لاني ببساطة صدقت انها سوت اللي قالوه... ما اعرفها ..ولا اذكرها .. ليش أصدقها ؟؟ .. كنت احسب انها عايشة حياتها ..

عايض ـ الله يرحمها ..
الريم ـ الله يرحمها ..
عايض ـ كلمتي ريلج ؟
هزت الريم راسها بلأ .. ــ من اسبوع ماسمعت منه شيء .. أتم طول الليل مقابل الجوال والتلفون مثل المينونه .. ولما اصحى من النوم اشيك جوالي وكاشف التلفون .. لكن .. ما اتصل .. أخاف صار له شيء لاني اتصل فيه مايرد ..
عايض ـ كلمته امس ..للحينه مع مارتن .. بس استغربت لانه ما سأل عنج ..
انصدمت الريم .. ما سأل عنها ؟؟ ليش ؟ .. كتمت ألمها وقالت ــ المهم انه بخير .,, رحت لماجد ؟؟ ..
ــ ايه .. ويسلم عليج .. بقى شمس ما شفتها ..
الريم ـ بروح لها بعد شوي .. تجي معاي ؟

ـ لاء بروح لها بعدين بروحي ..
لما طالعت له ابتسم مستحي ..
الريم ــ للحين ؟؟
رد عايض بتنهيده
ــ وبظل للابد ..

تذكرت الريم فقالت له
ــ الرسالة . تذكـرها ؟ اللي قلت لي عطيها شمس قبل سفرك ؟
عايض ـ شلون أنساها ..
الريم ــ يمكن بتتفاجأ .. بس شمس اكتشفتها من فترة بسيطة ..
طالع لهامستغرب .. لكته ابتسم ..
ــ شفيك ؟؟ شنو في خاطرك ؟
رد ــ كنت اظن انها تجاهلتها .. وانها ما انتظرتني .. هذا يفسر زواجها بطلال .. يالله الايام اللي راحت كانت مثل الكابوس .. أكيد بتتزوج طلال .. اكيد ماتدري عني ولا عن هوى داري ..
الريم ـ بس انت اللي كنت غثيث .. انت اللي كله تتباهى ببنات عمي .. حتى انا صدقت انك بتتزوج وحده منهم .

عايض ـ كانوا يهال .. كنت ابي اغيظها لا اكثر ..
طلع عايض وتمت الريم تفكر .. تفكر في الناس اللي جات للعزا .. تفكـر في الوجوه اللي نستها .. تفكـر في ابوها لما خذها بحضنه وتم يتأسف لها ..جدها اللي حاول يقويها . . بنات عمها اللي تموا مرتبكين وهم يحاولون يساعدون .. ناس كانت في يوم من الايام تتمنى يحنون عليها ويحبونها .. وطول هالاسبوع وهم يزورونها ويحاولون يغيرون الماضي .. لكن نفسها عافتهم كلهم .. ماتبي الا شخص واحد .. ماتبي الا فايز اللي من قسوته ما رفع التلفون وكلمها .. قامت وفتحت شنطها .. طلعت لها بدله تايغر جديدة .. والبستها .. طلعت عباتها من الخزانه .. ونزلت تحت شافت خالتها معجبة اللي كانت تتكلم مع وحده من الحريم اللي سكنوا بيتهم من اسبوع ..
ناس كانوا معارف ومع الايام قل تواصلهم.. والحين . رجعوا ..
معجبة ـ آخذج لشمس ؟؟
الريم ـ أيه استأذنت من ابوي .. وسمح لي ..
راحوا السيارة مع بعض .. قالت معجبة
ــ الدوحه كلها تتكلم ن الحادث . وعايض قال لي ان الشرطة بعد التحقيقات اكتشفت ان هندية جيرانكم ..في بيتكم القديمه هربت في الوقت نفسه ... واعتقد انها هي والهندي شركاء في الجريمه والحين خبروا الانتربول .. الله يلعنهم وين ماكانوا وينتقم لمها ..
الريم من كل قلبها ـ آميـن ..شخبار ناصر ؟
معجبة ببساطـة ـ افترقنا ..
انصدمت الريم ـ شلون ؟ ..
معجبة ـ تطلقنا .. طرش لي ورقتي من فترة ..
ــ ليش ؟؟ ..
ــ لأنه .. ما احترمني ..وخلاص .. طفح الكيـل ..
الريم ــ وخلاص ؟.. وين حبكم ؟؟
معجبة بدون ندم ــ ذبحه .. بيده .. بقلمه ... خليج مني .. شخبار البندري ؟
الريم ــ ما ادري .. بس علاقتها في ابوي تتحسن .. لانه يروح لها كل يوم ..
***********

في المجلس .. كان عيسى معصب .. يطالع اولاده
ــ استحوا على وجيهكم .. الريال شاري بنتكم ..
بو طلال ــ يبه بس مو من ثوبنا ! ..
عبدالهادي ـ هو الريال زين .. بس ..
عيسى ـ سكروا على الموضوع وخلو البنت تتوفق بنصيبها .. الريال طيب وولد ناس ..
بوطلال ـ بس امه هنديه ..
وقف عيسى وعصب أكثر ـ الرجاجيل ما يتقيمون بأمهاتهم .. يتقيمون بأفعالهم ..عبدالهادي .. تبي تخرب حياة بنتك ؟؟ بعد هالظلم طول هالسنين ناوي تخرب حياة بنتك ؟؟ تكلم ؟.
عبدالهادي سكت .. ــ الريال زين .. بس ..
قلب عيسى الطاولة الزجاجية الصغيرة اللي جدامة وطارت الفناجين وتكسرت على الرخام
ــ اذا طلبت منه انه يطلقها ..لانت ولدي ولا اعرفك ..
وأول مايبي يقوم قال عايض أخيـرا .. عايض اللي كان يراقبهم وهو ساكت ــ يدي .. لاتتعب اعصابك ..وارتاح يا عمي .. فايز كلمني وطلق الريم غيابي .. بس انا مو عارف اقول لها .. احاول امهد .. بس .. ما ادري..

الكل انصدم واولهم الجد .. الي راح لغرفته وهو مايشوف طريقه .. ابتسم عمه بانتصار .. لكن عبدالهادي كان يطالع في الفنايين المكسرة على الأرض بسرحان .. بعدين سأل عايض ـ متى ؟
ــ أمس ..
عبدالهادي ــ ماقال شالسبب ؟؟
عايض ــ مافي نصيب .. بس قال مافي نصيب ..
بو طلال ـ خيره يات منه .. لاتخاف بكره ييها اللي احسن منه ..
عبدالهادي طالع ولده وفي عيونه نظره تحسر ..

***********

يتبـع ..

عيون السهاد
24-03-2008, 12:26 AM
طلقهههههها !!!!!!!

حراااااااااااااام علييييييييييييييييج غجريه

ريم مب ناقصه مآآآآآآآآآآآسي.. ردييييييهم لبعض تكفييين

انا لو منها .. جان رحت لاقرب حبل مشنقه وذبحت نفسي خخخ

مااتحمل كل هالمصاايب

ااالحين شيرقدني الليلـــة :cry::cry:

مناير الدوحة
24-03-2008, 08:28 AM
ليـــــــش طلقها؟؟؟ :cry:

غجرية حرااام عليج عيوني تنفخت وأنا اللحين أبي أروح الجامعة

انزين بس أبي أعرف ليش؟؟؟

قبل لما كانت سمعة أمها مب زينة خذاها وحبها واللحين يوم طلعت برأتها طلقها!!!!

يمكن مايبي يحس إنها أحس منه فشي..أو يحس إن بيكبر راسها عليه

أووووه تعبت من التفكير

يعطيج العافية غجرية

بس والله معورة قلبي الريم..مالحقت تفرح ولاتتهنى بشي :cry: :cry:

شوق الجنة
24-03-2008, 09:50 AM
:cry:
مسكينة الريم .. توقعت أن الدنيا بتبتسم لها .!!
مالها نصيب ، الله يكون في عونها ..

يعطيج العافية أختي / غجرية..
:flower:

ولد بني خالد
24-03-2008, 09:53 AM
اول شي مشكوره لانج حطيتي مقطعين مع بعــض


الصراحه وبدون جذب والله عيوني دمعــت ... القصه رهيبه والتسلسل فيها

حلــو وحلــوه المقاطــع الرومنسيه بين ( فايــز ) و ( الريــم ) وكل شي في القصه

جميــل ... ولكن انج تطلقين ( فايــز ) من ( الريــم ) حــرام عليج والله ليش جيه ؟

صج اني احب شخصيتهــا لانهــا كئيبــه ولكن حــرم والله انج تزعلينهــا الحين مامداها

تتهنــى مع ( فايــز ) ويجي هــو ويطلقهــا ... وانا اعرف سبب الطــلاق

الحين اهلها شافــوا انها غاليــه واكيد كل عيال عمهــا بيجونهــا الصراحه عيال عمهــا

كلمــه ( كــلاب ) وايد عليهم ... على الاقل وفــي عيال عمهــا حتى الوفــا متبري منهــم

والحين الكل يبيهــا ... وبعدين هاي اللي اسمـه ( عيسى ) ماكان موافق قبل ع الزواج

والشي الثاني ليش كانــوا يعاملون ( الريــم ) على انهــا رخيصـــه ... والله انهــا اشرف منهم

كلهــم هالخايس اللي اسمه عيسه وعيالــه .... :s28:

وأتمنى انج تغيرين رايج وتردينهــم لبعــض .... ياللــه ... مع اني كنت ناطر هاللحظه من زمـان

ولكن لما قريت المقطع انهــا مستانسه عرفت ان مالي نصيــب مع ( الريــم ) فقلت خــلاص

الله يسهــل لهــا وبوفقهــا مع ( فايــز ) ... واتمنى لو عندج ايميل عطيني الايميل انا بكلمـــه

الله يجزيج خير ع المقطع والله ان علي محاضره ولكن طنشتهــا وقريت القصــه شكلي اليوم

باخذ اجازه .. والله يكون في عــون ( الريــم ) لما تدري بالخبر ... وهاي اللي اسمه ( عايض ) ليش

جيــه ماكلم ( فايــز ) ... :chair:

:
:
:

وبخصوص ( مهــا ) والله حــرام على الكل ظلمهــا وهي مسكينه كانت في غيبوبــه

والهنــدي الخايس مع خدامه الجيران طلعــوا هم عاملين العملــه ... وشوفي والله لو شفت

هالهندي وقسمن باللــه محد بيذبحــه غيري انــا ... الحين ذبح ام ( الريــم ) من الطق وباقو

كل الاغــراض وراحــوا ... :s25:



:
:


الجــزء جميل ولكن ملئ بالآلام والله ... نبي بارت يخلي وجوهنــا ^_^


اما الحين انا وجهي جيــه .. :cry: ويمكن أردى ... :(


في انتظار البارت الجــاي بفــارغ الصبر اختي

والله آسف لاني سبيت فــوق والله من قلبي السب ... بس يالله الله يكون في عونهــا ( الريم )


اخوج
ولد بني خالد

الفالحة
24-03-2008, 01:13 PM
ان شاء الله في سعاده لاتتشاءمين
نسيتي الوعد ان مافيه الا سعاده ..انا امس قريتهاا ولين وصلت يتبع قلت خلاص بتنزل بارت ثاني خل اسكت عنها ولا احط رد علشان تنزل بارت حلو بعد المصايب البارت الاول وثاني ..بصراحه انا مو متعاطفه مع احد بالقصة غير مها لان ظلم شيين لا بعد في شرف هي اقوى ..بس ريم وايد شخصيتهاا حلوه وهي نكدية وتلبس اسود واحسن ان فايز طلاقها المفروض ...
قص على نفسي انا متعاطفه مع العائلة.. اعرفج غجرية اذا حطينا لج حل حلو يريحنا تجيبين لنا العيد عاد انا باسكت ونشوف اخرة بكاء بلا دموع لان المتابعيين للقصه يبكون بلا دموع ..
امانه لا تجبين طاري الموت كافية من مات بالقصة ..بكينا لين شفنا الله عاد حليهاا خل دنياهم تحلا..

°MoOOoN Q6R°
24-03-2008, 01:57 PM
لــــــــــــــــــــــــــيـــــــــــــــش؟؟

حرااااااااااام عليج ليش خليتيه يطلقهاا !!!!!

ع العموم بارت رائع كله اكشن بس طلاق الريم كاارثه

يعطيج الف الف عافيه :)

! شهرزاد الحسن !
24-03-2008, 03:09 PM
بببل طلقها ليش عااد شاللسبب حرررام

ماتستااهل والله :(

غجريه مشكوره حبيبتي ع القصه الحلووووه يعطيج الف الف الف الف عااافيه

والبااارت ذي حلووووو بس كله احزااان يعور القلب :(

بنتظاار الاجزاااء الباقيه يالغاااليه

لاحرمنا تواجدج ولا حضورج ولا ابداعج

دمتي يياذوق

معانده الهم
24-03-2008, 05:01 PM
:cus2:


:cus2:


ويييه حطيتي البااارت بقراه وبعطيج ردي

alGhafri
24-03-2008, 05:15 PM
Soooo Complicated

بس حراام اللي استووى :(

ننتظرج سوون

والله يعطيج العافية

معانده الهم
24-03-2008, 05:24 PM
لييييش جي يطلقها ؟؟؟؟؟


بشنو يفكر ؟؟ حرام عليييه :chair:


هل بيحس انه اقل منها يوم ان امها طلعت بريئه ؟؟


بعد اهو كان يحبها خلاص يذبح الحب اللي بينهم عقب ماخلاها تحبه


الموضوع يحتاج تفسييير :chair:

وبانتظار البارت اليديييد
حاولي غجريه قد ما تقدرين تطووولين في البارت الياااي

اسلوبج حده خطيير انواع التشووويق ابي اعرف شالتكمله

غجرية
24-03-2008, 05:26 PM
طلقهههههها !!!!!!!

حراااااااااااااام علييييييييييييييييج غجريه

ريم مب ناقصه مآآآآآآآآآآآسي.. ردييييييهم لبعض تكفييين

انا لو منها .. جان رحت لاقرب حبل مشنقه وذبحت نفسي خخخ

مااتحمل كل هالمصاايب

ااالحين شيرقدني الليلـــة :cry::cry:

lo0ol .. ما أدري ليش .. بس أنا بس أضحك.. عادي.. انزين حبيبتي لاتخافيـن على الريم .. شكـرا على المرور الطيب .. واحلام سعيدة .. :wub:

غجرية
24-03-2008, 05:29 PM
ليـــــــش طلقها؟؟؟ :cry:

غجرية حرااام عليج عيوني تنفخت وأنا اللحين أبي أروح الجامعة

انزين بس أبي أعرف ليش؟؟؟

قبل لما كانت سمعة أمها مب زينة خذاها وحبها واللحين يوم طلعت برأتها طلقها!!!!

يمكن مايبي يحس إنها أحس منه فشي..أو يحس إن بيكبر راسها عليه

أووووه تعبت من التفكير

يعطيج العافية غجرية

بس والله معورة قلبي الريم..مالحقت تفرح ولاتتهنى بشي :cry: :cry:

ياقلبي سلامـة قلبج .. ويغافيج يا مناير .. ليش ؟؟ ما أقدر أكتب في جزء واحد السبب ,, شلون أسوي أكشن أذا احط الاجوبة تحت الاسئلة ؟؟ لاتخافيـن .. بتتوضح الاسباب قريب .. شكـرا للمتابعه والمرور الحلو .. :flower:

غجرية
24-03-2008, 05:32 PM
:cry:
مسكينة الريم .. توقعت أن الدنيا بتبتسم لها .!!
مالها نصيب ، الله يكون في عونها ..

يعطيج العافية أختي / غجرية..
:flower:

شوق .. يسلم لي هالحضـور .. شكـرا الغلا للمرور ,, وبالنسبة للريم .. مسكينه :cry:

غجرية
24-03-2008, 05:39 PM
اول شي مشكوره لانج حطيتي مقطعين مع بعــض
ولكم ..

الصراحه وبدون جذب والله عيوني دمعــت ... القصه رهيبه والتسلسل فيها

حلــو وحلــوه المقاطــع الرومنسيه بين ( فايــز ) و ( الريــم ) وكل شي في القصه

جميــل ... ولكن انج تطلقين ( فايــز ) من ( الريــم ) حــرام عليج والله ليش جيه ؟



lo0ollo0ollo0ol انت آخـر واحد توقعته يزعـل !!
صج اني احب شخصيتهــا لانهــا كئيبــه ولكن حــرم والله انج تزعلينهــا الحين مامداها

تتهنــى مع ( فايــز ) ويجي هــو ويطلقهــا ... وانا اعرف سبب الطــلاق

الحين اهلها شافــوا انها غاليــه واكيد كل عيال عمهــا بيجونهــا الصراحه عيال عمهــا

كلمــه ( كــلاب ) وايد عليهم ... على الاقل وفــي عيال عمهــا حتى الوفــا متبري منهــم

والحين الكل يبيهــا ...

يمكـن :a43: سبب مقنع ..

وبعدين هاي اللي اسمـه ( عيسى ) ماكان موافق قبل ع الزواج

والشي الثاني ليش كانــوا يعاملون ( الريــم ) على انهــا رخيصـــه ... والله انهــا اشرف منهم

كلهــم هالخايس اللي اسمه عيسه وعيالــه .... :s28:

(عيسى =الجد .. الجد=مايبيها تتطلق ... :sweatdropصباح الخيـر ))

وأتمنى انج تغيرين رايج وتردينهــم لبعــض .... ياللــه ... مع اني كنت ناطر هاللحظه من زمـان

ولكن لما قريت المقطع انهــا مستانسه عرفت ان مالي نصيــب مع ( الريــم ) فقلت خــلاص

الله يسهــل لهــا وبوفقهــا مع ( فايــز ) ... واتمنى لو عندج ايميل عطيني الايميل انا بكلمـــه


:s25: ناوي تجلطني ؟؟ القصة من هالمخ :s27: .. خل يكون في فايز اول علشان يكون عنده ايميل :chair:
الله يجزيج خير ع المقطع والله ان علي محاضره ولكن طنشتهــا
ليش ؟؟ ؟؟ ؟ :s28:

وقريت القصــه شكلي اليوم

باخذ اجازه .. والله يكون في عــون ( الريــم ) لما تدري بالخبر ... وهاي اللي اسمه ( عايض ) ليش

جيــه ماكلم ( فايــز ) ... :chair:

:
:
::s23:

وبخصوص ( مهــا ) والله حــرام على الكل ظلمهــا وهي مسكينه كانت في غيبوبــه

والهنــدي الخايس مع خدامه الجيران طلعــوا هم عاملين العملــه ... وشوفي والله لو شفت

هالهندي وقسمن باللــه محد بيذبحــه غيري انــا ... الحين ذبح ام ( الريــم ) من الطق وباقو

كل الاغــراض وراحــوا ... :s25:



:
:


الجــزء جميل ولكن ملئ بالآلام والله ... نبي بارت يخلي وجوهنــا ^_^


اما الحين انا وجهي جيــه .. :cry: ويمكن أردى ... :(


في انتظار البارت الجــاي بفــارغ الصبر اختي

والله آسف لاني سبيت فــوق والله من قلبي السب ... بس يالله الله يكون في عونهــا ( الريم )


اخوج
ولد بني خالد

لاء عادي خذ رااحتك .. ^_^.. شكـرا للمرور .. بارت حلو ؟ ان شاء الله من عيوني :kkk:

شكـرا للمرور ..

غجرية
24-03-2008, 05:44 PM
نسيتي الوعد ان مافيه الا سعاده ..انا امس قريتهاا ولين وصلت يتبع قلت خلاص بتنزل بارت ثاني خل اسكت عنها ولا احط رد علشان تنزل بارت حلو بعد المصايب البارت الاول وثاني ..بصراحه انا مو متعاطفه مع احد بالقصة غير مها لان ظلم شيين لا بعد في شرف هي اقوى ..بس ريم وايد شخصيتهاا حلوه وهي نكدية وتلبس اسود واحسن ان فايز طلاقها المفروض ...
قص على نفسي انا متعاطفه مع العائلة.. اعرفج غجرية اذا حطينا لج حل حلو يريحنا تجيبين لنا العيد عاد انا باسكت ونشوف اخرة بكاء بلا دموع لان المتابعيين للقصه يبكون بلا دموع ..
امانه لا تجبين طاري الموت كافية من مات بالقصة ..بكينا لين شفنا الله عاد حليهاا خل دنياهم تحلا..

لا مانسيت يالفالحـة .. :cus5: في سعاده.. بس يمكن مب للريم ؟؟ .. لا ما ابي اخرب عليج القصة وأنكدج .. ان شاء الله في بارتات تسعد القلب .. بس هالبارتات شيء طبيعي يكون معيار الحزن فيها ثقيل شوي .. تحمليني .. وتسلميـن لهالمتابعه الطيبه :flower:

غجرية
24-03-2008, 05:47 PM
لــــــــــــــــــــــــــيـــــــــــــــش؟؟

حرااااااااااام عليج ليش خليتيه يطلقهاا !!!!!

ع العموم بارت رائع كله اكشن بس طلاق الريم كاارثه

يعطيج الف الف عافيه :)

ويعافيـج يالغلا .. لاتزعلين مني .. بس .. مصيرالبسمـة ترجـع ..

غجرية
24-03-2008, 05:50 PM
بببل طلقها ليش عااد شاللسبب حرررام

ماتستااهل والله :(

غجريه مشكوره حبيبتي ع القصه الحلووووه يعطيج الف الف الف الف عااافيه

والبااارت ذي حلووووو بس كله احزااان يعور القلب :(

بنتظاار الاجزاااء الباقيه يالغاااليه

لاحرمنا تواجدج ولا حضورج ولا ابداعج

دمتي يياذوق


الذوق هو انت ببمروج وحضورج الرائع .. شكـرا الغلا .. أهم شيء أعجبج البارت .. :flower:

غجرية
24-03-2008, 05:57 PM
:cus2:

لييييش جي يطلقها ؟؟؟؟؟


بشنو يفكر ؟؟ حرام عليييه :chair:


هل بيحس انه اقل منها يوم ان امها طلعت بريئه ؟؟


بعد اهو كان يحبها خلاص يذبح الحب اللي بينهم عقب ماخلاها تحبه


الموضوع يحتاج تفسييير

وبانتظار البارت اليديييد
حاولي غجريه قد ما تقدرين تطووولين في البارت الياااي

اسلوبج حده خطيير انواع التشووويق ابي اعرف شالتكمله


هلا معانده .. حلو تفسيرج .. قريب شوي .. شوي ... من اللي في راسي :kkk:..

انزين تبين اطول يلا احط البارت؟؟<<<تستعبط !:s1:


انزين يالغلا بحاول في البارت الجاي أطول .. ((بس مابي امللكم بالتفاصيـل :nice:.. )) .. شكـرا للمرور الحلو .. وأسعدني ان البارت اعجبج :kkk:

غجرية
24-03-2008, 05:58 PM
Soooo Complicated

بس حراام اللي استووى :(

ننتظرج سوون

والله يعطيج العافية

ويعافيكـ .. شكـرا للمتابعه والمرور والسموحـه للنكد ^_^

ريم
24-03-2008, 07:00 PM
بصراحه روعه القصه
يعطيج العافية فديتج
بس متى بينزل الجزء الأخير؟؟
ويارب الريم وفايز يعودون لبعظ والله حرام القصه كلها أحزان وأخيراً يوم أشوي فرحوا وحبوا بعظ رد القدر يفرقهم :( معجبه وناصر والريم وفايز وايش بصير بين الدكتور وشيخه ونوير ولد عمها وماجد وشمس ومحمد ولد شمس والأم جوزه ؟ ويارب البندري تطلق من أبو ماجد أكرها هي وزوجها وابوطلال ، بالأنتظار بس ياليت ماتطولين علينا فديتج

جنون الحب
24-03-2008, 08:16 PM
قليل اصل طلقها

حس انها احسن منه .. امها طلعت بريئه بعد كل هالسنين ..
وانه ما يستاهلها .. هو ولد الهنديه اللي طول عمره راح ينادونه بالهالأسم ..
لكن مافكر انها بدت تحبه ؟!!
مافكر انها ارتاحت له ؟
مافكر انه اول انسان يقدر يخترق قلبها .؟
ماكر انه الوحيد في قلبها .. لاحب طلال الطفولي ولا اي شي ثاني ؟
مايتذكر اول ما ملجوا على بعض .. شلون كانت قاسيه ؟
لكن صبره معاها غيرها ؟
مافكر ومافكر ومافكر في قلبها البريئ اللي كل مرة ينصدم بصدمه عاطفيه تهز كيانها كامل وتبعثرها الى اشلاء ؟.

ابداً!!!


كل اللي صار مو مهم ..
المهم اهيا شلون بتتقبل ..
هل راح ترجع لحاله الحداد على نفسها ؟!



شمس ..
هل راح تموت ..
انا احس انها راح تموت ..
لانها تتوجع بشكل مو طبيعي ..
الظاهر خلص وقتها وبتتيسر وبتيتم ولدها من بعد ما رجع لحظنها ..


تدرين ..
انا اقرأ واغالب دموعي ..

حتى قمت من على الكرسي وتباعدت شوي .. ورديت ..
كم فظيع من الأحداث ..


مافيه سبب للفرح عند بنات جوزة ..
لكن لما تعيش طول عمرك وانته منزل راسك بسبب كلام الناس هنيه تحس انه السقف ارتفع وانه عنقك ماراح ينكسر راح تقدر ترفعه لكنك بكل بساطة ماتقدر .. لانه تعود .. وراح يظل اثر الانكسار موجود ..





للروعه التي كتبت هنا وابدعت ..
جل التحايا ..

جنون مر هنا !

غجرية
25-03-2008, 04:09 PM
بصراحه روعه القصه
يعطيج العافية فديتج
بس متى بينزل الجزء الأخير؟؟
ويارب الريم وفايز يعودون لبعظ والله حرام القصه كلها أحزان وأخيراً يوم أشوي فرحوا وحبوا بعظ رد القدر يفرقهم :( معجبه وناصر والريم وفايز وايش بصير بين الدكتور وشيخه ونوير ولد عمها وماجد وشمس ومحمد ولد شمس والأم جوزه ؟ ويارب البندري تطلق من أبو ماجد أكرها هي وزوجها وابوطلال ، بالأنتظار بس ياليت ماتطولين علينا فديتج

الرائع هو حضورج شكـرا .. ليش مستعيلة على الجزء الاخيـر ؟؟ مطول يمكن نص اربعه .. :a43: .. وان شاء الله تعجبج النهايـة السعيده..لاتخافين ما با نسى حد شكـرا الغلا لهالمتابعه :flower:

غجرية
25-03-2008, 04:34 PM
:kkk:قليل اصل طلقها

حس انها احسن منه .. امها طلعت بريئه بعد كل هالسنين ..
وانه ما يستاهلها .. هو ولد الهنديه اللي طول عمره راح ينادونه بالهالأسم ..
لكن مافكر انها بدت تحبه ؟!!
مافكر انها ارتاحت له ؟
مافكر انه اول انسان يقدر يخترق قلبها .؟
ماكر انه الوحيد في قلبها .. لاحب طلال الطفولي ولا اي شي ثاني ؟
مايتذكر اول ما ملجوا على بعض .. شلون كانت قاسيه ؟
لكن صبره معاها غيرها ؟
مافكر ومافكر ومافكر في قلبها البريئ اللي كل مرة ينصدم بصدمه عاطفيه تهز كيانها كامل وتبعثرها الى اشلاء ؟.

ابداً!!!


كل اللي صار مو مهم ..
المهم اهيا شلون بتتقبل ..
هل راح ترجع لحاله الحداد على نفسها ؟!



شمس ..
هل راح تموت ..
انا احس انها راح تموت ..
لانها تتوجع بشكل مو طبيعي ..
الظاهر خلص وقتها وبتتيسر وبتيتم ولدها من بعد ما رجع لحظنها ..


تدرين ..
انا اقرأ واغالب دموعي ..

حتى قمت من على الكرسي وتباعدت شوي .. ورديت ..
كم فظيع من الأحداث ..


مافيه سبب للفرح عند بنات جوزة ..
لكن لما تعيش طول عمرك وانته منزل راسك بسبب كلام الناس هنيه تحس انه السقف ارتفع وانه عنقك ماراح ينكسر راح تقدر ترفعه لكنك بكل بساطة ماتقدر .. لانه تعود .. وراح يظل اثر الانكسار موجود ..





للروعه التي كتبت هنا وابدعت ..
جل التحايا ..

جنون مر هنا !


:cry: ... سبب فايز .. الي كتبتيه يعور القلب.. صحيح ليش مافكـر :cry:

بنعرف في الجزء الياي يا جنون :) ...

بس شمس تموت ؟؟ :s7: من وين لقطتي هالبث ؟؟ .. ههههه لاتخافين مابتموت .. :)

شكـرا غاليتي .. جنون ادمنه للمتابعه والتواجد .. :flower:

معانده الهم
25-03-2008, 09:55 PM
هلا معانده .. حلو تفسيرج .. قريب شوي .. شوي ... من اللي في راسي :kkk:..

حركااات يعني فييه تفسير عيل نشوووف التفسير في البارت الياي

انزين تبين اطول يلا احط البارت؟؟<<<تستعبط !:s1:

:s27: وانا من صجي ادور قلت يمكن الكميرا الخفيه وتحطين البارت كسرت خاطرج يمكن :s1:

انزين يالغلا بحاول في البارت الجاي أطول .. ((بس مابي امللكم بالتفاصيـل :nice:.. )) ..

احنا نبي الملل نبي كل شي بالتفصيل فلان راح يميين ولا فلانه لفت يسار :s1:
شكـرا للمرور الحلو .. وأسعدني ان البارت اعجبج

عنونج الاحلى خخخخ

وكل بارت احلى من الثاااني
:kkk:



واحنا بنتظااارج وبانتظار البارت اليااااي

وارد واقول ما نبي حد يموووت

نبي عرس وونااسه :atiah: :s21:


عسااااج عل القوووه يارب

غجرية
26-03-2008, 01:35 AM
من عزا لي عرس ؟؟ قويـة :cus2:


,, تسلمين يالغلا ,بحـاول ... , والبارت يوم الاثنين ان شاء الله ..

ولد بني خالد
26-03-2008, 03:34 PM
لاء عادي خذ رااحتك .. ^_^.. شكـرا للمرور .. بارت حلو ؟ ان شاء الله من عيوني :kkk:

شكـرا للمرور ..

آسف لاني غلطت بس والله اني كنت اكتب الرد وانا متاثر

وللحين اقول لج حرااااااااااااااام عليج ليش ( فايز ) الخايس

طلق ( الريــم ) ... غلطان وين بيلقى له وحده اخلاق وكل

شي مثل ( الريــم ) بس تدرين هــو أحول ويبيلــه واحد يعطيه

على راســه عسى يصطلب


يعطيج العافيه وفي انتظار البارت الجاي والله كل يوم

ادش الموضوع اقول انج نزلتي البارت الجديد

^_^


اخوج
ولد بني خالد

غجرية
27-03-2008, 11:06 PM
نو بروبلم .. الاثنين ان شاء الله ..

النـوري
29-03-2008, 08:59 PM
كنـــت اتآآبعـج مـن " خلـف الكوآآلـيس "

:blush:

---

مبدعــــه يآآ غجريــه ..

و البـآآرت الاخيــر .. قطــع قلبـي تقطـع مـن الزيـن .. :cry:

حـرآآمـ الريـمـ تتطلـق ..

وانـآ حآسـه انـه طلقهـآ عشـآن طلعـت امهـآ بريئـه و بيتمـون النـآس يعآيرونـه هـو .. وهـي بـتروح السوآلـف عنهـآ ....

بانتظـآآآر البـآآرت الجـآآي ..

:flower:

عيون السهاد
29-03-2008, 11:57 PM
i'm waiting

:s21:

ريما
30-03-2008, 11:22 PM
وييييييييييييييييييييييييينكم ابي اقرا القصه ؟؟؟؟؟
اهئ اهئ

عيون السهاد
30-03-2008, 11:51 PM
:s23:

جنون الحب
31-03-2008, 12:07 AM
:s23:
ويييتنيغ

ولد بني خالد
31-03-2008, 12:38 PM
ناطرين

ورجلي تعبتني من الوقفــه

^_^

كنده
31-03-2008, 01:34 PM
>>> وكاني دارسه ااستراتجية كتاباتج دراسه ..

اتوقع اي شي وكل الاحدااث ما كانت تفااجئني بالبالعكس كانت تزيدني يقين انج قد انج ترسمين واقع خيالي متماااسك من كل جوانبه ..

يالله ابي اقرى قبل نهايت الشهر < سهور ما ابي عيوني تتنفخ وشكلي يطلع غلط <!! يا ويلج

ريم
31-03-2008, 06:31 PM
مرحبا أختي غجريه
شحالج فديتج
أممممممممم
يلا متى بتنزل باقي الأجزاء تعب تفكيري من الأنتظار ؟؟؟؟؟!!!!!!

غجرية
31-03-2008, 10:05 PM
النوري

أحـلى كواليس ,, أشكـرج الغلا للمتابعه الطيبه .. والكلمات الطيبه .. :flower:


عيون السهاد

انزين ماخلص اليوم ,, ^_^


ريما

موجوده بس اعطال فنيه .. من كمبيوتري الجميـل (أدلعه عن لايخرب :s25:)) ..



جنون الحب ..

ام هيــر .. دونت وررري ..



ولد بني خالد


حلوة.... بس لاتعيديها :sweatdrop

كنده

هلا ورحب .. هلا بالحلووين .. وعدي ان شاء الله اوفيه .. وقبل نهايه الشهر قبل التاريخ اياه .. لاتخافين على عيونج .. مابخليهم يبجون كثير .. :) .. اوه .. احرجني كلامج ليش تدرسيني ؟؟ كتاب انا كتاب كلها قصه فرفشه :s1:


ريم
هلا اختي حالي طيب وطيبه الله يسلللللمج .. موجوده لاتحاتين الجزء هينزل بعد دقايق .. :) .

مناير الدوحة
31-03-2008, 10:06 PM
ياسلااااااااام..يلا بإنتظارج بس بدون مفاجأت :8888:

غجرية
31-03-2008, 10:08 PM
بارت هادي ولطيف .. ^_^ ..



الفصل التاسع ..
قلوب مقتولة ..
___
معجبة ـ والله لو تدري شمس انج مرتيها وما قعدتيها من النوم بتزعل ..
الريم ـ العمر جدامنا وبنشوف بعض .. لكنها تعبانه .. قلبي مايطاوعني أصحيها ..
معجبة ـ تمرين ماجد ؟
وافقت الريم ومشت مع معجبة لين غرفة ماجد ..
ــ خذي البسي ..
ــ شنو هذا ؟
ــ هالفترة يعطون ماجد أدوية تضعف مناعته .. علشان جسمه يتقبل الزرع .. بس الحمدالله حالته احسن بس الدكتور مانع ندخل عليه بدون اقنعه ..
نزلت الريم غشوتها والبست القناع .. سألتها معجبة
ـ شفت امج ؟
الريم ـ لا .. أبوي ما هان عليه .. لان طيارتنا متأخره ..
ـ كنتي تبين تشوفينها . ؟
هزت الريم راسها بلا ..
ـ ليش ؟
ردت الريم وهي تطالع الأرض ـ مالي وجهه .. مالي وجهه بعد ماصدقت الناس اني اقابلها ..
سكتت معجبة ومسكت يدها ودخلوا لماجد..
كان ماجد بروحه .. كان يطالع التلفزيون ..
ــ ياهلا والله .. شلونج خالتي . شلونج يالريم ؟
الريم ـ الحمدالله على سلامتك .. شلونك الحين ؟
ــ الحمدالله .. شخباركم ؟
طق الباب الهندي اللي جاب سلة الشوكلاته من تحت..
ـ قالت لماجد ــ كنت بجيب ورود .. بس قلت الشوكلاته احلى ..
كانت السلة كبيـرة معاها دبدوب كبير ..
ماجد ــ ماكان له داعي الكلفه .. بس مشكورة .. تفضلوا وايلسوا ..
أشر لهم على الكراسي ..
وتموا للحظات يتكلمون عن شمس اللي لقوها نايمه .. بعدين كانت معجبة تبي تروح ..قال ماجد
ـ وين رايحين ؟؟ توكم ييتوا ..
معجبة ـ شوف أنا تعبانه حدي .. اليوم الصبح سندروني في الصالون ..
الريم ـ عيل خذيني معاج ..
ماجد ـ تمي الريم ..اليوم محد بيجي من خواتي الا شيخه .. وبتم عند شمس ..
معجبة ـ وين تتم ماجد .. شيقولون الناس ..
ماجد ـ عيل خل تتزوجني .. تزوجيني يالريم ..
كان ماجد جاد بكلامه لانه عرف من عايض خبر طلاقها .. طالع للريم اللي قالت له
ــ لا يالغبي .. طبعا لا ..
قال مستغرب ـ ليش ؟؟
الريم ـ لاني أكبر منك بمليون سنه .واعدك مثل اخوي ...
ماجد ـ مايرضيني هالعذر .
الريم ــ انزين .. لاني متزوجه ..ولا هالعذر ما يـرررضـ.....يك...
كانت نظرة ماجد غريبة .. شكت الريم
ــ شفيك؟
ـ بس انتي مب متزوجه .؟ ..
التفت لمعجبة اللي اثار اهتمامها هالكلام
ـ امبلى ..تزوجت فايز شفيك ماجد نسيت ؟.. .
طالع لها ماجد ..كان بيسكت .كان مابيتدخل .. لكن وقوفها واستغرابها .. حس انه يخدعها اذا ماقال لها ..
ــ بس عايض قال انه طلقج ..

حست الريم انها اختنقت..حست انها ماتقدر تتنفس .. طلعت برا الغرفه وشالت القناع ..التفت لمعجبة اللي طلعت وراها
ــ صج اللي قاله ؟
ـ ما ادري ..
ـ ارجوج خالتي ..ارجوج كلمي ناصر ..

ـ ما اقدر .. نسيتي انا تطلقنا ؟ .. وبعدين ناصر الحين اكيد في اوربا ..
ــ عايض .. عايض ..
ركضت الريم للمصعد ولحقتها معجبة
ــ ريم .. صلي على النبي .. ريم .. ريم اذكري الله ..

لكن الريم ماكانت تفكر .. كانت تحس عمرها ضايعه ..تحس بفراغ كبير صدمه كبيرة .. وعدها .. فايز وعدها انه مايتركها .. وعدها .. كانت الصدمه أكبر .. التفت لخالتها .. ــ هو وعدني .. هو وعدني ..
ــ ريم .. فديتج .. ريم شفيج ..
طاحت الريم بين يدين معجبة في المصعد اللي لحسن حظها انفتح في الطابق الاول .. وساعدتها السيكيورتي اللي كانت تبي تدخل المصعد ..

ماقدرت معجبة تمسك دموعها وهي تشوف الطبيب يكلم عايض .. امسكت يد الريم .. تمنت لو تحضنها .. لكن الطبيب حط لها مغذي ومسكنات وغابت عن الوعي .. رجع عايض ــ من قال لها ؟
طالعت معجبة مو مصدقه ـ يعني صحيح ؟؟
سحبها عايض برا الغرفة ــ أي صحيح .. من قال لها ؟
معجبة ـ ليش ؟؟ ليش ماقلت لها ؟ ..
عايض ـ انتي شفتي شصار لها .. كنت بهيأها للخبـر .. لكن. ..
معجبة ـ من قال لها ماجد وانا حسيت انها انتهت .. شقال الطبيب ؟
عايض ـ انهيار عصبي .. قال هالانهيار قوي ..خصوصا انه الصدمه ماكانت وحده ..فهو فهم منج انه قبل فترة توفت امها والحين فقدت زوجها ..
معجبة ـ ماقدرت اقول انها تطلقت .. هالخبر انا ما اقدر اصدقه .. فايز طيب .. ليش ؟؟ .. ماقال لك ليش ؟ ..

عايض ـ he said that he is not good enough for her .
معجبة ـ شنو ؟؟ ..
عايض ــ ببساطه .. كان حاس بنية عمي وابوي .. كان عارف انه بيطلبون منه انه يطلقها .. فبدل لايرفضونه و
يتسببون له بأي اهانه حفظ كرامته وطلقها .
معجبة ـ ليش ؟؟ .. ليش يبون يطلقونهم ؟؟.. هي حياتها لعبه في ايدينهم ؟؟ حرام عليهم ظلموها عشرين سنه وبيرجعون يظلمونها لآخر عمرها ؟ .. عايض انت ماتدري .. بس الريم تحب فايز .. انت ماشفت الضياع اللي شفته في عيونها ..بيجتلونها والله ان بعدوها عنه .. هو بأي حق يفكر جي ؟؟ ..

لف عايض عنها وقال وهو مو قادر يطالع في عيونها
ــ ماكذب احساسه .. توني جاي من ميلس ابوي .. توهم كانوا يتناقشون ويبون يطلقونهم .. قلت لهم اللي صار من فايز ..وارتاحوا ..
عصبت معجبة .. قالت وهي تطلع مفاتيحها من شنطتها
ــ عيل تم مع اختك .. أنا ما اقدر اشوفها تموت جدام عيني واسكت ... بروح البيت ..

ـ خالتي .. حتى انتي تطلقتي من ناصر ..
معجبة ـ طلاقي من ناصر بسبب فشل زواجنا .. بسبب انه جرح كرامتي .. ماله دخل بأحد .. طلاقنا كان مكتوب لنا قبل لانبدا حياتنا .. لكن الريم وفايز .. وجهين لعملة وحده .. هي ظلمكم ..

طلعت معجبة واحت لسيارتها .. وفي الطريق مسكت التلفون .. فكرت هل تتصل فيه ؟؟ وتطلب منه هالمعروف ؟؟ .. اتصلت .. وقلبها ينبض بقوة .. وقبل لايتكلم

ــ ناصر .. أبطلب منك طلب أخير ..
ــ معجبة .. ناصر مو هنا .. ناصر سافر فرنسا مع بنته .
تنهدت معجبة ..
ــ شلونج هدى ؟ ..
ــ تبين اعطيج رقم الفندق ؟ ..
حست معجبة بجفا هدى .. لكنها قالت
ــ لاء .. بس ممكن تقولين له يعقل فايز ؟؟ ..ويخليه يرجع زوجته ؟ ..
ــ معجبة ..أنا مب سكرتيره بينكم .. أي شيء تبينه قوليه له .
ـ ارجوج هدى .. أنا ما ابي اكلمه ..
سكتت هدى لحظة وبعدين قالت ــ بتطلعين برا حياته للابد ؟
معجبة ـ حنا تطلقنا..وأوعدج ..ولا قوة في الدنيا ممكن ترجعني له ..
هدى ــ حتى لو طلبت منج ؟؟. .
معجبة ـ انت؟؟
هدى ـ مايهون علي ناصر .. ومن رجع ..وهو حالته سيئه ..
معجبة ـ تبينه يرجع لي ؟
هدى ـ أي شيء .. يسعده بيسعدني ..

معجبة ـــ هدى .. ما اقدر.. جرحني ..وحان الوقت انه يرجع لحياته ..ولاولاده .. ولج ..
هدى ـ مافكرتي بهالشيء من قبل .. شغير ؟ ..
دخلت معجبة لسيارتها وشغلتها..
ــ هدى .. قلت لج من قبل .. بعد ما تبرى اسمنا ..أقدر ببساطه اعلن زواجي ..واجيب منه عيال .. واعيش معاه في بيت .. ولا حد بيمنعنا .. لكن ناصر انهى احلامي هذي ..واعترف لج ان قلبي عافه .. يا وقتج انج ترجعين لحياته .. يمكن ماتحبينه لكن ..
هدى ـ من قال لج اني ما احبه ؟
انصدمت معجبة ـ ليش عيل سمحتي له يدور الحب عند غيرج ؟ ..
هدى ـ لانه هو اللي حاط حواجز بيننا ... هو المثقف والكاتب .. هو المشهور ..تزوجني وانا صغيرة .. تزوجني علشان ابوه ..ولا هو مايحبني ..ولا فكر فيني كزوجه .. طعن كبريائي .. فانكسرت العلاقة بيننا ..

معجبة ــ هدى .. ناصر يوم كان معاي .. كان يبي احد يحس فيه .. كان يبي مني ان اتكلم معاه .. واقول له عن مشاعري .. ماشفت الكاتب ولاشفت الاديب .. شفت رجل فقد المرأة طوال حياته .. حتى نسى شلون يتواصل معاها ..

هدى ــ ما اصدق نفسي .. يالسه اكلم ضرتي ..
معجبة ـ طليقة زوجج ..
هدى ـ هو ماتزوجني عشان نفسي .. عشان هدى .. اللي تحب الرسم وتحب الشعر .. هو تزوج ابوي .. فلوس ابوي وممتلكاته ..
استغربت معجبة ــ صار لج متزوجته عشر سنوات ماعرفتي عنه شيء ؟؟ ..
هدى بسخرية رغم انها كانت تمسح دمعتها
ــ هو ماتكلم عشان انا اعرف ..
معجبة ــ اذا في شيء يكرهه ناصر .. فهو ابوه ..
هدى ـ عشان زوجني اياه غصب ؟
معجبة ــ لاء .. عشانه كان سجان اكثر منه ابو .. حرمه من كل شيء معنوي ووفر له الماديات .. انحرم من امه وهو صغير .. من اصدقاءه .. من اوقات اللعب .. في داخل ناصر انسان حساس روائي ..يعشق الكلمه والحروف ..يحب الشعر والروايات .. انتي تقدرين تنقذينه .. قولي له اللي في قلبج ..
هدى ـ يمكن مايبي يسمعني ..
معجبة ــ اذا هو يسمع الناس كلها بحماسه .. مايبي يسمع زوجته ؟؟ .. انتي كرستي حياتج لاولادج ..وللبيت وصديقاتج وتركتيه على جنب ..
هدى ـ هو يبي عزلته ..
معجبة ـ ناصر عاش حياته وحيد .. شاللي خلاج تفكرين انه كان يحب العزله ؟؟ ..انا قلت اللي عندي .. بطلع من حياته للابد .. لانج لو اعطيتيه من نفسج ..واظهرتي له هالحنان ..مابيفكر فيني ولا بيشتاق لي .. كان بيننا حب .. بس خلاص .. انتهى .. والي يبتدي غلط ينتهي غلط ..
هدى ـ يعني لو ماتطلقتوا ماكنتي قلتي لي ؟
معجبة ــ ...... انا لولا الحلفان .. ماكنت بقول لج ..بس انا حلفت له انه لو .. خلينا .. مع السلامه ..
هدى ــ بقوله عن فايز ..
معجبه ــ مشكورة..
صكت معجبة التلفون .. كسرت خاطرها هدى.. تذكرت يوم كلمتها من اسبوع وقالت لها انها زوجة ناصر .. تذكرت كلمتها (( توقعت )) .. هل هي محبطة لهالدرجة ؟؟ ... ان شاء الله تكون ساعدتها ترجع لحياتها . دخلت الشريط وشغلته .. وحركت سيارتها تترك الموقف لريال كان يدور بين المواقف ..
واندمجت بأغنية راشد الماجد ..



ساعـات ..
ساعات احس ان الزمن قاسي ولايمكن يلين
ساعات ...
وساعات احس ان الفرح محال ولا يمكن يحين ..
هذا اللي شفته بدنيتي من ما مضى لي من سنين ..
يامن يعلمني الفرح ويفرح القلب الحزين ..

اشكي مرارة حيرتي .. الدنيا ماظني بتزين
واذا بدى بعيني الامل .تجد احزاني وتبين ..
روّح زماني وانتهى ..وترك لي الجرح الدفين ..
دنيا كفى الله شرها .. تخلي كل قاسي يلين ...

ساعات...

**********

مناير الدوحة
31-03-2008, 10:16 PM
مسكينة كسرت خاطري هدى :(

والله يستر عالريم..إن شاء الله يرجع فايز لها

يعطيج العافية غجرية ^_^

غجرية
31-03-2008, 10:31 PM
هلا مناير ... لايكون رضيتي بهذاك الجزء الصغيـر ؟؟ .. في بارت نسيت احطه .. تدرين بعد التفكير هالبارتين وايد لطيفين .. :) ..

___________




الساعـة 11.45 ليلا ..

طق عايض الباب ودخل عايض بهدوء للغرفة ..
كانت شمس تشرب قلاس حليب اسقته لها اختها شيخه ..
ــ السلام عليكم ..
طالعت شيخه مستغربة ــ وعلـ..
لكنها ابلعت صدمتها لما قالت شمس
ــ عايض ؟

طالعت لأختها اللي ما انطقت شيء من اسبوع .. للي عيونها احتقنت وشفايفها تيبست ..
قالت شيخـه ــ بطلع أجيب لج ماي .. وبمر ماجد ..

قامت شيخه وطلعت برا الغرفة وهي تتجاهل نظرات شمس العصبية.. لكن مافيها تبقى بينهم ..ومجيء عايض هالحزة ..فيه شيء .. .
تنهدت شمس وهي تعدل شيلتها ..
ــ حمدالله على السلامة ..
عايض ـ قالت لج الريم ؟؟ ..
شمس ـ لاء .. معجبة طرت اسمك ..
جلس عايض على الكرسي اللي كانت جالسه عليه شيخه.. ارتبكت شمس .
ــ شفيج ؟ .. احس انج مب سعيده بشوفتي . ..
طالعت شمس التلفزيون وقالت مرتبكه
ــ بالعكس ..
عايض ـ يعني سعيده ؟
شمس ــ البقا في راسك .. وعظم الله اجرك ..
عايض ـ وأجرج..

مرت لحظة صمت .. حس عايض من نظرات شمس للباب انها خايفه ..
ــ خايفه ؟
شمس ـ لا .. بس .. انت تعرف ..
عايض ـ خايفه من كلام الناس ؟ ..
شمس ـ لاء . بس .. ما اجتمع رجل وامرأة الا وكان الشيطان ثالثهما ..
عايض ـ تسمين الحب شيطان ؟؟ ..
حست شمس بصدمه عقدت حياتها وقالت بعصبية
ـ الظاهر امريكا نستك دينك واخلاقك ..
عض فايز على شفاته وتنهد..
ـ مانسيتهم يا شمس .. بالعكس ..
تمت شمس تطالعه .. كان متغير .. متغير مستحيل مب نفسه عايض اللي عرفته من عمر ..
كمل كلامه ــ بعد هالصدمه الاخيرة . أحس اني صرت مثل الغراب .. اللي .. مايقدر يمشي مشي الحمامة ..ولا يقدر يرجع لأصله ..
شمس ـ ليش تقول هالكلام ؟؟ ..
عايض ــ عشت في امريكا عمر .. وصرت واحد منهم ..جزء من حياتهم من خصوصيتهم .. تعلمت استهجن أبسط الأشياء .. ماكانت فطرتي .. لكن حاولت اتعود ..والحين لما رجعت .. ابي ارجع قطري .. ابي ارجع عربي .. لكن لساني يخونني ..وأفكاري .. صرت هجيـن صرت الغراب ..لكن السنتر عندي هو نقطه وحده ..
استغربت شمس ـ السنتر ؟
وقف عايض وقرب من الباب ــ ايه .. وسط دوامه ضياعي ..انسانه وحده ..حفظت نفسي لها .. مشاعري تجاهها ماتغيرت .. هي البداوة فيني .. هي اللغة العربية .. هي انتِ ..
نزلت شمس راسها ..كلامه كان اقوى من انها تتحمله ..
ــ مالك حق ..
رجع عايض وقرب منها ـ لي حق . لاني حبيتج..أول انسان حبج .. واول انسان حبيتيه .. انا متأكد اني الاول في قلبج ..
كررت شمس ــ مالك حق ..
عايض ـ لي حق .. لي حق اعترف لج ..لاني نضجت ..وألاعيب المراهقين كبرت عليها .. لي حق لانج الحين حرة نفسج .. واذا ما اعجبج كلامي لاتقبلين فيني ..تزوجيني شمس .. تزوجيني ..
شمس ــ شلون تبي تتزوج وحده مطلقه وعندها ولد ؟؟ .. شلون تبي تتزوج وحده ماتعرفها ؟؟ وحدها غيرتها الايام ..وغيرتها الجروح ..شمس اللي تعرفها مااتت من زمان .. من زمان يا عايض .. ماتت..

جلس عايض مقابلها ــ شمس .. انتي الوحيده اللي تقدر ترجع حياتي مثل ماكانت.. مطلقة ولا ارمله ..ولد ولا عشرة .. روحي تعشقج . . شلون تموتين وقلبي من يشوف عيونج يتذكر انه عايش ؟؟ .. احلم فيج كل ليله .. أعيش معاج كل صباح .. كتبت لج من الأشعار شيء كثير .. اكلمج دايما في راسي .. شمس .. أنا اعرفج ..أعرف هالجليد اللي تختبين تحته .. صح اني غبت اثنعش سنه .. لكن..عنج ماغبت ولايوم .. مهما الظروف اللي مريتي فيها ...مهما الجروح كانت ..انسيها وابدي معاي من جديد .. ابدي صفحة بيضا .. حتى الماضي ودعيه ..

ماقدرت شمس ترد .. ماقدرت تعلق .. مب سهل عليها اللي يصير .. غطت وجهها بكفوفها
ــ ما اقدر يا عايض .. صعب . .. صعب ..
وقف عايض وقال بصوت مبحوح ــ بنتظرج للابد .. بنتظرج للابد .. تذكري .. بس ما بتتزوجين غيري سمعتي ؟؟ .. انتي لي وحدي ..
طلع عايض وانهارت شمس تبجي .. لكنه بعد دقيقة دخل وقال
ــ نسيت ..
طالعت له شمس .. وشكلها قطع قلبه دموعها وخصلة شعرها اللي نزلت على وجهها ورجعت ردتها تحت الشيله ..
ــ شنسيت ؟؟ ..
ــ نسيت اقولج .. حمدالله على السلامـة !

ابتسمت غصبن عنها وهي تشوف الصدق في كلامه
ـ الله يسلمك ..

طلع وهو فرحان .. ابتسامتها خلته سعيد بدون سبب ..

لكن شمس ظلت مصدومة .. من اسبوع كانت في حالة من النكران .. كانت تحس ان كل هذا حلم .. كابوس .. كل اللي مرت فيه كابوس ..تذكرت اللحظة اللي طلعت فيها من العمليات من اربع سنوات ..
دخلت امها وحبت راسها ــ مبروك يا يمه ..الولد طيب وحاله ممتازة ..
كانت شمس تعبانه .. مفعول المخدر الموضعي بدى يتلاشى ..وهي في الانتظار لين يحطونها في غرفة ..
ــ يمه قلتي لطلال ؟ يمه كلميه اتصلي عليه ..يمكن لو شاف ولده يحن له ..ويهديه الله ..
جوزة ـ كلمته يا بنتي من دخلتي للعملية ..
شمس ـ ماكان ودي العمليه ..
جوزة ــ مكتوب لج يا يمه .. بس انتي من امس في الولاده .. وخاف الطبيب على صحة الولد ..
شمس ـ آه ..آه يمه ؟ وين الممرضه ؟ ..احس ان جسمي كله يوجعني ..يمه كلمي طلال ..
جوزة ـ لاتبجين ..لاتبجين مب زين يا شمسه ..الحين اكلم خالتج وخواتج ..
شمس ـ اول شيء طلال ..طلال يمكن يخاف الله فيني ..
دخلتها الممرضة للغرفة ..وجابوا ولدها وحطته على صدرها .. كان لونه ابيض .. مافيه دم ..
ــ يمه عادي لونه جي .؟؟
جوزة ـ يمه لانج طولتي في الولاده .. يالله خيره .. لو تنامين الحين ؟؟ ..
شمس ـ خل اشوفه يمه ..من ساعات وانا انطر امسكه بيديني ..

دخل طلال في نفس اللحظة ..
ــ عطيني الولد ..
ــ طلال هذا ولدنا ..
ـ عطيني الولد ولا فضحتج ؟
ــ تفضحني ؟
ــ ايه بقول انج خاينه بقول انج جليله اصل ..
ـ انت شتقول ؟؟ ..
ــ بآخذ الولد .. واذا سألتي عنه اخلي سيرتج وسيرة اخواتج على كل لسان ..
ــ مابتآخذ ابني ..
جوزة ـ طلال استهدي بالله ..
طلال ــ لاتحاولين . بآخذ الولد ولا بفضحج وافضح خواتج ..
جوزة ـ انت تهددنا ؟؟ .. المحكمة موجوده .. روح اشتك .
طلال ـ اقدر اشتكي .. بس انتي وبناتج واختج مابتلومون الا نفسكم . وسيرتكم على كل لسان .. والناس بتصدق مع اخت مثل اختج اللي شردت ..ليش ماتسوون نفسها ؟؟ نفس الطينه !! . بروح اجيب ممرضه واجي .. وبآخذ ولدي .. جهزي اغراضه ..
جوزة ــ انزين ...

اختفى طلال طالعت شمس لأمها ــ لا يمه .. بتخلينه ؟
كانت جوزة تبجي ــ يمه عشان مصلحه اخواتج وخالتج ..
صرخت شمس ــ يمه .. هذا ولدي .. يمه .
جوزة ـ شمس لاتخربين على خواتج .. ريلج مينون ..بيسويها ..
شمس ـ وبتخلينه يآخذ ولدي ؟؟ .. بتخلين هالمجنون ياخذ ولدي ؟ ..
جوزة ــ شمس فكري بخواتج ..
ــ وانتي فكري فيني ..
خذت جوزة الولد من يد بنتها اللي ماكانت تقدر تتحرك وهي تبجي ــ لا يمه .. لا يوم .. يمه .. يمه ولدي .. يمه ..
كانت جوزة تبجي وتجهز الولد ــ شمس .. انت ماعندج ولد .. خلاص انسي ..
شمس ـ يمه ان عطيتيه ولدي بكرهكم ..بكرهكم لآخر عمري ..
جوزة ـ خذي ..عطيه حليب قبل لايجي ابوه ..
خذته شمس ــ ما بعطيه لطلال .. هذا ولدي ..

ــ راح عايض ؟
التفت شمس لشيخه .. وفي عيونها العبرات ..
شيخه ـ بللل كل هذا ذكريات الماضي ؟..
مسحت شمس دموعها ـ تذكرت طلال ..
جلست شيخه جنبها ـ هالكثر كنت تحبينه ؟
شمس ــ تذكرت اليوم اللي خذ مني ولدي ..
شيخه ـ آهاا .. لاتكدرين خاطرج .. توقعت ان شوي خصوصيه بينج وبين عايض بتغير مزاجج ..
ضحكت شمس ـ مستوية لي طير حب شيخوه ؟
مدت شيخه البوز ـ يعني ما صار شيء بينكم ؟
شمس ـ بالعكس .. عايض رجع بأشواقه وحبه اقوى من الماضي .. رجع بصراحه أكثر .. جلس هنا في مكانج وهو يقرر لي اني بكون زوجته هو بس ..
ابتسمت شيخه بفرح ـ صج ؟ .. وناسه .. وانتي ؟
شمس ـ انا كبرت على هالسوالف ..
شيخه ـ شنو كبرتي توج ثمان وعشرين سنه .. في بنات في عمرج للحين ماتزوجوا ..

شمس ــ شيخه انا خذت من هالدنيا كفايه .. تعبت والله ..
شيخه احضنت اختها ــ لا تقولين .. لاتقولين هالكلام .. عيشي حياتج بسعاده .. ودام عايض شاريج ... ليش لاء ؟ .. خليه يكون الاب لولدج .. ويعوضج شوي ..

التفت شمس عنها وهي تتذكـر موقف طلال .. الموقف اللي مافكرت فيه طوال السنوات الاربع اللي طافت .. ليش تذكرته هاللحظـة .. ؟ ليش تذكـرت أبشع موقف لها مع طلال .. موقف نسته سنين من بشاعته .. في اللحظة اللي صارحها عايض برغبته في الزواج منها ؟ .. حست أن في حواجز بينها وبين قلبها ..حطت يدها على قلبها .. حست أن في بحار ومستنقعات وجبال مابين قلبها ومابين يدها .. في تراكمات عمرها ملايين من السنين .. ماتعرف شداخل قلبها .. ماتعرف هل هو ينبض ؟؟ هل هو مذبوح ؟؟ هل هو حي ؟ .. فيه دم ولا صدى روح ؟؟ ؟؟ .. فيه عضلات ولا جروح ؟؟ .. لكنها تحسه بعيد .. بعيد .. تمنت لو كلمات عايض حركت فيها شيء . حتى لو ماحست ..تمنت لو مشاعرها تنبض من جديد .. الحب أبسط شعور علشان تتأكد انها على قيد الحياة .. عاشته مرة مع طلال .. لكنه دمـرها دمار شامل . .. هل بتعيشه مع عايض ؟؟ هالموضوع يبي له تفكيـر طويـل .. يمكن سنين طويله ..

*********

دخلت جوزة لغرفة الريم...
عايض ـ بتطلع اليوم ..
كانت الريم ساكته ... بعد ما شرح لها عايض أسباب فايز حست بخنقه .. سكتت .. حطت راسها في حضن خالتها اللي خذتها للبيتهم ..
واول ماحطتها عالسرير انطقت
ــ خالتي تمي معاي ..
احضنتها خالتها وتمت على سريرها لين تأكدت انها نامت .. طلعت وانزلت للبنات .. كانت نوير في الصالة تطالع تلفزيون وفي حضنها محمد
ــ شلونها ؟
جوزة ـ روحي نامي معاها في غرفة شمس ..
نوير ـ يمه ...خليها مرتاحه .. محمد اخاف يفقدني وانتي في المطبخ ويجي يزعجها ..
ـ شتطالعون ؟
ــ توم وجيري ..
جوزة ـ صافية وين ؟
نوير ـ في غرفتها ...
راحت جوزة لغرفة صافية ..
ـ صافية ؟
ــ لبيه يمه ..
ــ شفيج يالسه بروحج ؟
صافية ــ يمه .. كنت افكر .
جوزة ـ في شنو ؟؟ ..
وقفت صافية وامسكت يد امها وجلستها عالسرير ..
ــ يمه تذكرين وضحه ؟ ؟؟
ــ ايه شفيها ؟
صافية ـ كلمتني امس .. وتبي تعرف رايي اذا تقدم لي اخوها ..
سكتت صافية شويه بعدين قالت ..
ــ يمه ادري ان خالتي توها متوفيه .. مو وقته ابدا .. بس ..ابي اعرف راييج ..
تنهدت جوزة ـ يابنتي انتي مرتاحه لرفيجتج ؟
صافية ـ ايه .. وايد .. بنت طيبه ..
جوزة ـ شفتي الولد ؟؟ .. راوتج صورته ؟
صافية ـ لاء .. ماراوتني الصورة بس قبل حادث ماجد رحت مع ماجد لادارته كان عندي مقابله معاه .. قبل لا اعرف انه هو اخوها .. بس ماجد كان معاي ..
جوزة ـ ارتحتي له ؟
صافية ـ يمه مافيه شيء .. وسيم ومحترم .. بس ..عنده اعاقه في ريوله .. مثل وضحه ..
جوزة ـ مايمشي .؟ ..
صافية ــ لاء .. يمشي بس عنده عرج ..
جوزة ـ أنا اعرفج ..وأعرف ان رفيجتج ..بنت متدينه وتعرف الله ..وان بغتج لاخوها .. اكيد اخوها مثلج ..ومثلها يعرف الله ..بس مايمنع من الاستخارة .. استخيري ..وانا بستخير وقولي لرفيجتج انج بتأجلين الموضوع لين يطلعون اخوج واختج من المستشفى ..

صافية ــ ان شاء الله .. شمس بتطلع بكره . ؟
جوزة ـ ايه ان شاء الله .. الطبيب قال لي اعرضوها على طبيب نفسي بعد الاسبوع اللي طاف .. وانا افكر اسفرها لبرا.. أي مصحه نفسية خاصه ..كلمت معجبة ويالسه تسأل صديقاتها ومعارفها ..
صافية ـ يمه مايحتاج والله مايحتاج .. كل اللي تبيه هو وقت لين تتصالح مع نفسها .. بس خليها تطلع وترجع للبيت وتلاقي الريم تنطرها ..وهم بيعالجون جروح بعض ..

باست جوزة راس بنتها و نزلت لغرفتها .. وصت نوير على الريم . ودخلت غرفتها تنام ..

يتبـع ..

°MoOOoN Q6R°
31-03-2008, 10:43 PM
روووووووووووووووووووووووووووووووووووعه

وحمدالله انج كملتي البارت لانه بصراحه استغربت اعرفج كريمه ^_^

بالانتظار

ولا عدمنا هالابداع

غجرية
31-03-2008, 11:01 PM
روووووووووووووووووووووووووووووووووووعه

وحمدالله انج كملتي البارت لانه بصراحه استغربت اعرفج كريمه ^_^

بالانتظار

ولا عدمنا هالابداع
^_^

ولا عدمنا مرورج ومتابعتج شكـرا الغلا .. ان شاء الله يوم الاثنين اللي جاي بارت اكبر .. واحداث أجمل .. (( عندي احساس ان هالبارت ليتل كوايت .. :a43:.. اللي يعلق عالاخطاء الاملائية مب احسن له :s28:

معانده الهم
31-03-2008, 11:13 PM
خطييييييييييييييير البااارت


عساااج عل القووه كل شي فيه كاان حلووو


الحييياه ابتسمت لبعض الشخصيات مثل شمس واتوقع هدى وعايض وصافيه


بس تنكرت للريم


بارت ارووووع من الرووووعه يسلمووو

شمس يمكن الصدمه القاسيه اللي عاشتها مع طلال بنت حاجز بينها وبين شي اسمه حب ومشاعر

صحييح ان ولدها رد لها بس المشاعر اللي تراكمت من اربع سنين مب بسهوله تختفي يبيلها وقت

ويمكن دخول عايض في حياتها بيكون مثل النوور اللي بيعكس عليها وعلى ولدها


عايض كسر خااطري تجرع وعاش الغربه بدون اي مبرر

عجبني واايد الجزئيه اللي كان يشرح فيها مشاعره حلوو واايد


الريم مالها الا الصبر صج انها صدمات ورا بعض بس بعد الصبر زييين
وفايز انشالله بيعقله ناصر وبيرد انشالله

هدى ياحليلها تعيش حب من طرف وااحد بس انشالله عقب نصايح معجبه بتعيش الحب من طرفين مع ريلها
وبعدين اهي بعد شاعره ورسامه واديبه ؟ !

من بقى ؟؟


مااجد
توه يتذكر وينه يوم امه تقوله تزووجها ويرفض احيين يبيها احين حلت في عينه
يارب ماياخذها وترد حق فااايز


وبس
اسمحيلي على التعقيب
وايه جي نبي القصه
يسلمووووووووووو على البارت الحلو نفسج

ريما
31-03-2008, 11:45 PM
راااااااااااااااااائعه غجريه
الف شكر

غجرية
31-03-2008, 11:55 PM
:nice:خطييييييييييييييير البااارت


عساااج عل القووه كل شي فيه كاان حلووو


الحييياه ابتسمت لبعض الشخصيات مثل شمس واتوقع هدى وعايض وصافيه


بس تنكرت للريم


بارت ارووووع من الرووووعه يسلمووو

شمس يمكن الصدمه القاسيه اللي عاشتها مع طلال بنت حاجز بينها وبين شي اسمه حب ومشاعر

صحييح ان ولدها رد لها بس المشاعر اللي تراكمت من اربع سنين مب بسهوله تختفي يبيلها وقت

ويمكن دخول عايض في حياتها بيكون مثل النوور اللي بيعكس عليها وعلى ولدها


عايض كسر خااطري تجرع وعاش الغربه بدون اي مبرر

عجبني واايد الجزئيه اللي كان يشرح فيها مشاعره حلوو واايد


الريم مالها الا الصبر صج انها صدمات ورا بعض بس بعد الصبر زييين
وفايز انشالله بيعقله ناصر وبيرد انشالله

هدى ياحليلها تعيش حب من طرف وااحد بس انشالله عقب نصايح معجبه بتعيش الحب من طرفين مع ريلها
وبعدين اهي بعد شاعره ورسامه واديبه ؟ !

من بقى ؟؟


مااجد
توه يتذكر وينه يوم امه تقوله تزووجها ويرفض احيين يبيها احين حلت في عينه
يارب ماياخذها وترد حق فااايز


وبس
اسمحيلي على التعقيب
وايه جي نبي القصه
يسلمووووووووووو على البارت الحلو نفسج

هلا معانده الهم .. فرحتيني بردج .. دام أعجبج هذا المطلوووب :atiah: .. انزين في احد فرح ها (شالكآبه بس )) ,,, تسلمين الغلا للمتابعه الطيبه والتعليق الحلو اللي يبرد القلب . ودي ارد عليج في كل بارت .. بس نوو في الاجزاء اليايه كل الشخصيات بترد على لسانها .. موفقه :flower:...

غجرية
31-03-2008, 11:56 PM
راااااااااااااااااائعه غجريه
الف شكر

الرائع هو وجودج وحضورج .. ألف شكـر :flower:

عيون السهاد
01-04-2008, 12:00 AM
عجييييييييييييييييييييييييييييييب

بارت دمه خفيف

مسكينة الريم ..

الله يعينههها

:(

وهدى لالا تاخذ ناصر

لازم تبين الحقيقه انه هي اللي انشرت الاوراق

وان ناصر ماله خصصصصص

حررررررام ينظظظلم .. :cry:

بانتظار الجزء اليديد

غجرية
01-04-2008, 12:16 AM
عجييييييييييييييييييييييييييييييب

بارت دمه خفيف

مسكينة الريم ..

الله يعينههها

:(

وهدى لالا تاخذ ناصر

لازم تبين الحقيقه انه هي اللي انشرت الاوراق

وان ناصر ماله خصصصصص

حررررررام ينظظظلم .. :cry:

بانتظار الجزء اليديد



يا هلا بسهاد العيوون .. أسعدني مرورج ومتابعتج .. :flower: .. بالنسبه لهدى .. مب ذنبهاانها انشرت الاوراق .. معجبة طلبت من ناصر انه مايكتب القصة بالمرة .. شكانت نيته لما كتبها وشهر فيها ؟؟ .. معجبة وناصر قصة انتهت .. عقبال الباقي :s23:

شكـرا للمرور .

ولد بني خالد
01-04-2008, 07:29 AM
ابدعتي اختي ( غجريــه ) ماشاء الله عليج صج ( الريــم ) للحين فيها عقده من فقدانهــا

لزوجهــا ( فايــز ) بس بعــد الحمد لله قاعده تتحسن والصراحه في وايد اشياء صارت في هالبارت

وخاصــه كــلام ( معجبــه ) مع الطيبــه ( هــدى ) والله ثنينهم كســروا خاطري و( ناصر ) طلع شخصيه

غامضــه طلع ابــوه حابســه وماادري وشو ... الصراحه حياتــه كئيبــه من قلب :(

يحث له يدور له مره تسعده وتونســه ^_^

:
:
:

والموقف الثاني موقف ( شمس ) مع ( عايض ) وبينتي خبايا الحب القديم يه يه يه

مايجوزون عن حركاتهــم :wub:


بارت جميل ولو ان حــز في خاطري ( الريــم ) كلــه زعلانه ومكتئبــه مايسوى عليها

فرحت في بــارت واحد بس واقــول لج قولي حق ( ماجــد ) يوخــر عنهــا أبــرك لــه

مو ناقصين ... انا قلت لج قبل لو ( فايــز ) ماخذها هي حقــي ... اوكيــه ... :good2:

والمهــر 3 ريالات ونص ... :sweatdrop >>>> أهــم شي الحب موجود .. :wub:



يعطيج العافيه ع البارت وفي انتظار البارت الجديد



اخوج
ولد بني خالد

ريم
01-04-2008, 10:00 AM
روعه البارت بس ماظهر فايز بالبارت ،، ونبي يرجع فايز للريم ونبي بسرعه الجزء الأخير قبل أمتحاني مش قادره أركز بالدراسه من كثر التفكير ايش بصير بالقصه هههههههههه
يعطيج العافية فديتج وبأنتظارج

مناير الدوحة
01-04-2008, 06:27 PM
الخالدي..الله يهديك..شكلها حوبتك فايز طلق الريم وإلا عطيتهم عين خخخخ :s23:

غجرية دشيت بالصدفة وإلا منزله بارت ثاني..يه يه يه طلعتي كريمة والله..كسرنا خاطرج ها

يعطيج العافية يالغلا :flower:

كنده
02-04-2008, 01:59 AM
اي نعم كاتبه ومبدعه ..


وفديييييييييييييييييييييييييييييييت الي تراعيني ياحلاته بث


انتظر التكلمه بشوووووووووووووووووووووق


مبدعه

دائما


كملي

جنون الحب
02-04-2008, 06:13 PM
:sweatdrop

جزء مسكت

فيه احداث

عاطفيه قوية

اممممم

يكفي مروري لاااه


ميبي بين ايام الأسبوع راح امر واحط رد غير !!


اعطر التحايا غجرية

جنون !

غجرية
02-04-2008, 08:13 PM
ابدعتي اختي ( غجريــه ) ماشاء الله عليج صج ( الريــم ) للحين فيها عقده من فقدانهــا

لزوجهــا ( فايــز ) بس بعــد الحمد لله قاعده تتحسن والصراحه في وايد اشياء صارت في هالبارت

وخاصــه كــلام ( معجبــه ) مع الطيبــه ( هــدى ) والله ثنينهم كســروا خاطري و( ناصر ) طلع شخصيه

غامضــه طلع ابــوه حابســه وماادري وشو ... الصراحه حياتــه كئيبــه من قلب :(

يحث له يدور له مره تسعده وتونســه ^_^

:
:
:

والموقف الثاني موقف ( شمس ) مع ( عايض ) وبينتي خبايا الحب القديم يه يه يه

مايجوزون عن حركاتهــم :wub:


بارت جميل ولو ان حــز في خاطري ( الريــم ) كلــه زعلانه ومكتئبــه مايسوى عليها

فرحت في بــارت واحد بس واقــول لج قولي حق ( ماجــد ) يوخــر عنهــا أبــرك لــه

مو ناقصين ... انا قلت لج قبل لو ( فايــز ) ماخذها هي حقــي ... اوكيــه ... :good2:

والمهــر 3 ريالات ونص ... :sweatdrop >>>> أهــم شي الحب موجود .. :wub:



يعطيج العافيه ع البارت وفي انتظار البارت الجديد



اخوج
ولد بني خالد


:chair:

ثلاث ريال ونص :s28: .. الكتكوت يبيعونه بخمس ريال شلون ببني آدم <_<..

عصبتني .. ((السجن اللي فيه ناصر هو معنوي .. مجازي .. لايروح فكـرك بعيد :sweatdrop))


شكـرا ألف شكـر للمرور الطيب والمتابعه الطيب واهم شي ان الجزء اعجبك ..^_^
الظاهر رومانسي حبتين :169:..

غجرية
02-04-2008, 08:21 PM
روعه البارت بس ماظهر فايز بالبارت ،، ونبي يرجع فايز للريم ونبي بسرعه الجزء الأخير قبل أمتحاني مش قادره أركز بالدراسه من كثر التفكير ايش بصير بالقصه هههههههههه
يعطيج العافية فديتج وبأنتظارج

بتزعليني يالريم ... بتزعليني اذا انشغلتي عن دراستك بالتفكيـر .. ترى احذف القصة والاسباب مصلحة الجميـع ..:s28:.. اتمنى تركزين على دروسج ولاتفكرين في القصة وايد .. كل اثنين لين آخـر هالشهـر بتلاقين الجزء موجود .. التحاتين ان شاء الله .. شكـرا للمرور والمتابعه الحلوة اسعدني حضورج ..

غجرية
02-04-2008, 08:28 PM
الخالدي..الله يهديك..شكلها حوبتك فايز طلق الريم وإلا عطيتهم عين خخخخ :s23:

غجرية دشيت بالصدفة وإلا منزله بارت ثاني..يه يه يه طلعتي كريمة والله..كسرنا خاطرج ها

يعطيج العافية يالغلا :flower:

ههه يمكن حوبه الخالدي بس عصبني بهالمهر .. :s28: .. يوم حطيت البارت فصل معاي النت .. ولما رجعت لقيت ردج.. كنت بطرش لج عالخاص بس انشغلت شوي :s27: .. انتم تستاهلون كل خيـر ان شاء الله .. شكرا الغلا للمرور .. :flower:

غجرية
02-04-2008, 08:31 PM
اي نعم كاتبه ومبدعه ..


وفديييييييييييييييييييييييييييييييت الي تراعيني ياحلاته بث


انتظر التكلمه بشوووووووووووووووووووووق


مبدعه

دائما


كملي


:wub: ياربي احب هالبنية ,, .. الرائعه هي انت بوجودك ومتابعتك ..وان شاء الله اوفي بوعدي .. :) .. :flower:

غجرية
02-04-2008, 08:34 PM
:sweatdrop

جزء مسكت

فيه احداث

عاطفيه قوية

اممممم

يكفي مروري لاااه


ميبي بين ايام الأسبوع راح امر واحط رد غير !!


اعطر التحايا غجرية

جنون !

يا هلا .. مسكت ؟؟ .. عجبتني هالكلمة عيل الجزء الياي شبتقوليـن :kkk: .. ماابي احرق اعصابكـ .. شكـرا جنون .. وراحه لي مجرد اني اقرأ اسمج.. كل التحايا

!! احساس !!
04-04-2008, 11:50 PM
مشاااااااااااااااء الله والله تشوووقت اقرأ القصه من ردود الاعضاء

احس القصه عجيبه وحلووووه وايد ..


بس بنتظر لين ماتخلصينها كلها وبعدين بقراها كلها مره وحده ..


ماحب اقرا قصه مب كامله كلش .. << تجيني حكه في عيني ويدي وكل شي هههههه




ربي يسلمج مبدعتنا
ويعطيج العافيه غجريه على الابداع ..

غجرية
05-04-2008, 01:40 AM
مشاااااااااااااااء الله والله تشوووقت اقرأ القصه من ردود الاعضاء

احس القصه عجيبه وحلووووه وايد ..


بس بنتظر لين ماتخلصينها كلها وبعدين بقراها كلها مره وحده ..


ماحب اقرا قصه مب كامله كلش .. << تجيني حكه في عيني ويدي وكل شي هههههه




ربي يسلمج مبدعتنا
ويعطيج العافيه غجريه على الابداع ..

قريب ان شاء الله انهي القصـة .. وان شاء الله تستمتعين بقراءتها .. شكـرا للتعليق الطيب .. لاهنت .

معانده الهم
06-04-2008, 11:03 PM
اممم اليووم الاحد


وباجر الاثنيين



يعني بارت يدييد اذا الله رااد

صح ؟

ريما
06-04-2008, 11:52 PM
اخبااااااااااااااار الباااااااااااااااارت
ننطره عندي امتحان ودرست له من بدري بس ابي افضي رووحي حق البااااااااارت بس
بلييييييييييييييييييز بلييييييييييييييز بليييييييييييييز
ما ابي اصيح
تكفين رجعهيها حق فاااااااااااايز
وشمس تاخذ ماااجد وكل قصة حب تنتهي نهايه سعيد
متفائله جدا

غجرية
07-04-2008, 01:12 AM
معانده +ريما



هلا حبايبي . باجر ان شاء الله بحط البارت .. ادرسوا .. وآخر اليوم شيكوا الموضوع ((قصة ماقبل النووم )) :) ..تسلمووون للمتابعه والمرور .

ريما
07-04-2008, 11:14 AM
بس بليز لا تنسين \طلبي

غجرية
07-04-2008, 07:49 PM
هلا ريمـا .. طلبج :s7: .. ان شاء الله من عيوووني ... نهاية تعيسـ..أقصد سعيـده :) .. دقايق واحط البارت :)

غجرية
07-04-2008, 08:03 PM
الفصل العاشـر ..
_________


ــ هووعدني يا شمس .. وعدني ..ليش خلاني احبه ؟؟.. أنا غبيه ليتني ما فتحت قلبي له .. الحين أحس بفراغ داخي موحش ..أحس بوجع في داخلي .ما اعرف وين مكانه ..ليش سوي فيني جي ؟؟ .. ليش خلاني اعتمده كأساس لحياتي وبعدين يهدم هالاساس ؟؟ ..
كانت الريم نايمه جنب شمس اللي كانت تبجي من تسمع ألمها ..
ــ ريم .. كلهم جي .. طلال وعدني وعود .. ونطق بأجمل كلام الحب .. لكنه خلال فتره نسى كل هالحب وتخلى عني .. رماني ببعد زمني ثاني .. لو انه عايش .. لو انه عايش كان صفيت حسابي معاه .. لكنه ميت ميت يالريم ..

مسحت الريم دموعها لكن دموعها كانت تتجدد
ــ انا في صدمه .. ليش الدنيا جي معاي ؟؟ .. مااصدق افرح الا وتطعنني ؟؟؟ .. يالله .. يالله ...
دخلت معجبة عليهم كانوا نايمين جنب بعض .. أشرت للريم اللي سوت لها مكان ونامت جنبهم ..
ــ ها يا شلة المطلقات ..تعاتبون الدنيا ؟؟ ..
الريم ـ لكن شمس تعتبر ارمله ..
شمس ـ لا .. اكتسبت لقب مطلقة قبل .. شفيج قفلتي ؟
معجبة ــ صرنا ثلاثه ..
التفت شمس لمعجبة ـ وانا طول الوقت كنت اسب ناصر .جدامج . ليش ماقلت لي انكم تزوجتوا ؟ ..
معجبة ــ كنتي تكرهينه ..وصراحه هو خاف انج تخربين له حياته .. كان يشوفج سوداوية .

ضحكت شمس ــ سوداوية ؟؟ .. ما خاب ظنه .. كنت دراكولا معاهم

ضحكت الريم ـ تذكرين خالتي يوم في الطيارة طردني عشان ييلس جنبج ؟؟ .. ضحكني والله ..
شمس ـ فوق انه طردج تضحكين ؟ ..
الريم ــ لا كان اسلوبه حلو.. ماكان قصده الاهانه ..
معجبة ـ كانت علاقتنا في هذيك الفترة متوترة ..

لقت معجبة نفسها تمسح دموعها .. قالت معصبة وهي تقعد ـ كله منكم .. عديتوني ..ولا انا والدموع افترقنا من زمان ! .

جلست الريم ومسكت يد خالتها ــ انتي تحبينه ؟ .. صح .. ؟؟ ليش خليتيه يطلقج ؟..
عدلت معجبة شعرها وقالت بقناعه ــ حياتنا غلط .. احبه ايه .. بس خلاص .. انتهيت من هالطريق من زمان .. خلاص عافه الخاطـر !! ..

شمس ـ الله يرزقج بشخص احسن منه ..
معجبة ـ وانت بعد ..وانتي يالريم ..
اختنقت الريم ـ لا .. مابتزوج غير فايز.. لو ابقى طول عمري بدون زواج ..
معجبة ـ ان شاء الله تردون لبعض .. انتم لايقين وايد على بعض ..
الريم ـ بتقولين لنوير وصافية وشيخه عن ناصر ؟
معجبة ـ لاء ..دام انتهت قصتنا ..مابقول لحد .. خليني العانس في نظرهم..ولا الغبية ! ..

وقفت معجبة وراحت عند الباب ــ نسيت أقول لكم .. جوزة حطت العشا .. اذا سألتكم عني قولوا لها اني تعشيت خفيف .. تصبحون على خيـر ..

راحت لقسمها دون ماتمر بالصالة .. صكرت الباب بالمفتاح ودخلت الحمام تآخذ دوش .. تمت تطالع نفسها في المنظرة ..
(( خلاص .. انسي الماضي .. افففففف.. ))
تمت تنفخ بقوة عشان تطلع الحره اللي داخلها .. افتحت الماي وكان بارد .. ادخلت بملابسها وتمت تحت الدش ..يمكن يغسل عنها هالشعور بالضيقه .. الخنقه ..الظلم ..وتمت تنفخ بقوة ..كأنها بتطرد ماضيها عن مستقبلها ..كأنها تلغي مأساة أختها ..ومأساتها .. ووناصـر .. وانفجرت دموعها لكنها مامسحتها .. تمت تبجي بدون ماتفكر ..بس تبجي عشان تطلع هالسموم من جسمها ..



****************
13-8-2007

دخل عايض غرفة اخته اللي كانت جالسه تقرأ في كتاب ..
ــ هلا .. تعال .. مافهمت هالقاعده ..
جلس على سريرها ــ أي قاعده ؟؟ ..
الريم ــ هذي ..
عايض ــ to ? .. سهله .. الفعل اللي يتبع to دائما يكون مصدر ... خلج من الدراسه جدامج سنه كامله ..قومي .. عازمج على العشا ..
ـ بمناسبة سفرك ؟؟ ..
خذ عايض الكتاب من يدها وحذفه على السرير ..
ــ شوفي انا مددت اجازتي علشانج بس ! ..
ــ وأنا مابيك تمددها .. أبيك تستقيل وترجع ... خلاص السبب الوحيد لابتعادك اختفى .. ابوي يحتاجك ..وانا احتاجك ...
نزل عايض راسه ــ الريم ..هناك حياتي ..ما اقدر ..طول ما انا هنا وانا احس اني مخنوق .. عاجز ..وجودي مثل عدمه ..

الريم ــ كل هذا عشان شمس تتجاهلك ؟؟..
ــ لاء .. هذا سبب من الاسباب .. ابوي مشغول مع زوجته ...انتي ..بتدرسين وتعتمدين على نفسك ..يدي ويدتي الله يخليهم لبعض مب محتاجين لاحد .. ما احس ان هنا مكاني .. مكاني هناك في أمريكا .. في شقتي ..بين جيراني .. ما اعرف حد هنا ..هناك شغلي واصدقائي .. حياة كامله .ما اقدر استبدلها ببداية جديدة .

وقفت الريم وطلعت عبايتها وملابسها
ــ ابدأ من جديد .. تعرف على اصدقاء جدد .. تزوج ..الدوله تحتاج خبراء بشهادتك ..والمعاشات هنا ممتازة .. على الاقل بين اهلك .. ما ابي اضغط عليك ...لكن تعبت من غربتك ..انت هلي ..انت الوحيد اللي لي في هالدنيا ..لاتظن اني بسكت مثل قبل .. واخليك تتركنا .

وقف عايض ــ فديتج .. تغيرت الظروف ..تقدرين تجين معاي ..أو تجين لي كل ماتبين ..أقدر ازوركم بين فترة وفترة .. عند عطلات وايد .. بالاعياد بكون هنا بخلي اجازتي في الاعياد ..عندي شهر فالسنه..طبعا غير العطلات الرسمية مثل الكريسماس ..
الريم ـ مايكفي .. مايكفي ..
ــ انزين .. عطيني فرصة افكـر .. برجع لكم في رمضان .. مع قرار اخيـر .. .
الريم ـ انزين .. بس ارجوك ..فكر فينا ارجوك !

ــ بفكر .. أوعدج .. بنطرج برا ..بنروح مع معجبة ..يلا بسرعه ..

ــ عايض ؟...
ــ لبيه ..
قالت الريم وهي تحط الاغراض عالسرير ــ ابيك تقول
لبوي يرد أي خاطب .. غلا فايز ..قول له الريم مابتآخذ الا فايز ان شاء الله عمري ماتزوجت ..بس ما ابي الا فايز ..كنت بقول لبوي بنفسي .. بس انا استحي منه وايد ..ومافيني على هالجرأة..

قال عايض مبتسم ــ بقول له .. بس بشرط ..
الريم ــ اللي تبيه انا حاضره ..
عايض ـ قولي له اذا فتح موضوع زواجي .. أن ..وعهد الله ما بتزوج الا شمس .. ان مارضى ..قولي له عايض مايشوف في هالدنيا زوجه له الا شمس .. ولا بنت ثانية ممكن تغير هاليقين .. شمس وبس ..
قالت الريم بجرأة ..وأنا فايز وبس ! ..
اللي ماكانوا يعرفونه ان ابوهم عبدالهادي كان عند الباب يسمع كلامهم .. يسمع عياله واخلاصهم .. عبدالهادي اللي من طلعت حقيقة اللي صار وهو مرتاح ..لكن حزين ..حزين انه ماعاش حياته مع مها ..حزين انه تزوج غيرها وماوفى لها ..ليته كان وفي مثل عياله ..لكن البندري مالها ذنب ..البندري وصية صديقه ..اللي أمنه عليها .. سمع صوت عايض عند الباب فانسحب لغرفته ..

ــ بدلي ملابسج بسرعه عشان عجوب ناطرتنا الساعه سبع في المطعم .. يلا ..
الريم ـ ان شاء الله .. خمس دقايق بس .. والبس لك ثوب ..من رديت وانت كله على هالجينز ..
عايض ــ خليني جي مرتاح .. اخاف البس الثوب .. وماأتركه !! ..
الريم ـ ياليت .. ياليت ماتتركه وتم هنا ..


كانت الريم عارفه قصد عايض ومعجبة من هالعزومة .. على بالهم انها ماتدري انهم يحاولون ينسونها التاريخ ..كان المفروض بكره يكون عرسها ..لكن مب مكتوب لها ..طالعت التلفون واركضت له وامسكته وبدون وعي تمت تطلب الارقام ..لكنه الارقام كلها خارج الخدمه ..حست انها بتختنق ..امسكت الجوال ودورت الارقام اللي فيه ..تمت تتصل ..بس مافي ....
حذفت الجوال (( شلون يافايز .. شلون مااقدراوصل لك ؟.. شلون ؟) )
*******

ــ عايض بس فشيله..
ــ شفشيلته يا عجووب .. أنت شايفه الخدمه زفت ..الأكل ..موشي .. في اسمه الزبون دائما على حق ..
ــ عايض حتى الآن هذا ثالث طبق ترده ..
الريم ــ ماخذت باستا مثلي ..
معجبة ـ الستيك مافيه شي ..هذا انا آكل ..
عايض ـ هذا سيء !! شالمطاعم اللي آخر مايهمها هو جوده الأكل ! ..
حطت الويترس الاكل جدامه طالعه عايض .. لكن لما شاف عيون معجبة تترجاه .سكت مع ان الاكل مب عاجبه ..
لكنه مسك الكارد اللي ينكتب فيه راي الزبون وكتب مقاله طويله وهو معصب ..
بعدين أكل له شوي من البطاطا المهروسه والدجاج ..
ــ بليز ذا شيك .
حط الملبغ المطلوب ..قالت له معجبة
ــ حط بقشيش ..
طالع لها مستغرب ـ انتي ماتقرين الفاتورة .؟
معجبة ـ اقراها .. شافتها ــ 770ريال ..
عايض ــ قريتي شفيها غير المبلغ النهائي ؟؟ ..خمس اطباق رئيسية ..وطبقين سلطة وثلاثه بيبسي .. شوفي هالرقم ..بكم ؟ ..
معجبة ـ 700 ..
عايض ـ وشمكتوب هنا ؟؟
معجبة ـ سيرفز 70 ريال ..
عايض ـ مايعني انا عرب انهم يقصون علينا ..تراهم ضامين البقشيش للفاتورة اوريدي .. بس هي غلطتي جيت لهالمطعم الرديء .. ثلاثه اطباق كل طبق اسوأ من الثاني .. مستحيـل .. في أمريكا مستحيـل .. اذا ماعجبنا الاكل يجيبون لج طبق ثاني والفاتورة عليهم . اهم شيء عندهم سمعه المحل ...

معجبة ـ بس الاكل مب سيء ..
عايض ـ هذا مطعم خمس نجوم .. عيل مطعم اربع نجوم شلون يكون ؟ ..
معجبة ــ ما ادري ..بس ما شاء الله عليك ..بروفشينال كريديت .. تعلمت هالشيء في امريكا ؟..
عايض ـ قبل كنت كله عالتيك اوي .. لكن في السنوات الأخيره كنت اروح عزومات عشا وعمل مع زملائي ..ومع الوقت تعلمت منهم اني احلل اللي ادفعه مقابل ديسنت ميل ... يعني وجبه محترمه .. الحين ماتستغربون الاكياس المخصصة للمحلات الأجنبية هنا اللي في المجمعات فيها دايما ثقوب ؟؟..
معجبة ــ ايه لاحظت هالشيء ..
عايض ـ لأنهم يهتمون بسمعه المحل قبل أي شيء ..يعني مجرد هالحركه البسيطه تدل على اهمية اسمهم ورضاء الزبون عنهم .. هالثقوب لسبب بسيط ..انهم تتفادى عملية الاختناق لاي طفل او شخص بالغ ..يعني سمبلي مايبون الناس تقول ان الطفل فلان مات بخريطة المحل الفلاني .. يعني بلهجتنا .او اختنق من كيسه المحل .. وفي محلات تتعامل بالاكياس الورقية .تضامنا مع البيئة .. اهم شيء هو رضا الكستومر ..والسمعه ! . يلا نطلع نروح نتمشى عشان نهضم .. بعدين نمر باسكن روبنز ..مع هالحـر لازم شوي مثلجات ..

الريم ـ ابي بنكهه النعناع .. احس الباستا غثتني ..

عايض ـ اول شيء نتمشى .. و. بعدين نآخذ الآيس كريم ..
الريم ـ بس انا لابسه كعب .. مافيني ريولي بتتزلغ ..
معجبة ــ عطيني الكعب ..وخذي .. أنا لابسه واطي ..بس متعوده امشي مسافات بالكعب ..

عايض ـ انطروا لين نوصل السيارة ووقوموا بالتبادل التجاري .. بنروح البدع .. شرايكم ؟
معجبة وريم ـ اوك .









كان جاسم يطالع واجب قديم لها .. يتأمل الايميل .. يتأمل الشعـر اللي تعود يقراه كل مرة لما تطرش واجبها..



مشى كل الزمـن ..
وأنا في مكاني ..
غزاني ..الشيب ..
فاتتني الأماني ..
ولاني بالفرح موجود .. ولاني بين احزاني ..
ومهما الوقت عاندني .. تحداني ..
كأن الوقت في وقتي ثواني ..
تغير وقت .. وجاني وقت ..
وأنا بعدي .. وأنا بآتي ..
هروبي استحالة صـار ..
بكت في الدرب خطواتي ..
وأسافر للفرح .. وألقاه مأساتي ..
وأنا وحدي ..
جهاتي كلها ضدي ..
وأنا وحدي ..
وصمتي يشكي من ردي ..
وغير الصمـت .. ماعندي ..
كلها ضدي لفايق عبدالجليل ..



تنهد جاسم .. سكر الايميل .. مب قادر يستوعب كلام فجر.. براءة شيخه من سمعه ظلمت اجيال .. وده يركض لبيتهم يطلبها ..وده ..لكن ماله وجهه ..لازم يكتب لشيخه كل شيء .. كل شيء .. علشان تقبل انها تتزوجه ..لا .. ما بيكتب شيء .. بينتظر ..خصوصا بعد الايميل الاخير منها , أكيد هي شايله في قلبها عليه وأي خطوة يقدم عليها بتصده .. لازم يعطيها الوقت انها تنسى حركاته الغبية ..

ــ جاسم وينك ؟ ..
طالع لاخته .. اللي نزلت من غرفتها ..
ـ انا هنا .يالعروس .. . يلا اوديج الصالون ؟ ..
ابتسمت اخته له ــ عقبالك يا اخوي..يوم افرح فيك انت وشيخه ..
قال وهو يضحك ـ آميـن ..
بس من داخل كان فيه غصه .وهو يحس ان هاليوم مستحيـل يجي ..

*********

غجرية
07-04-2008, 08:08 PM
*********

هالمرة طلعت الريم تودعه .. سلم عليها وعلى جده وجدته وابوه .. وطلع من البيت وركب سيارة ابوه اللي بيتركها في المطار ..
رن جواله ..
ــ ألو ؟ ..
ــ قوة عايض ..
ــ هلا نوير ..
ــ شلونك عايض ؟؟ ..
ــ الحمدالله شلونج انتي ؟ ..
ــ الحمدالله ..قالت لي امي انك بتسافر اليوم ..فقلت اتصل بك واقول لك مودع الله ..
ــ فيج الخير والله .. سلمي عليهم كلهم وعندج ايميلي ..ضيفيني وبنتكلم ان شاء الله واشوف هالماده اللي خايفه منها ..انا برد في نهاية رمضان وبنتناقش ان شاء الله .
ــ الله يطول بعمرك ويحفظك طمنتني ..
ــ نوير شمس جنبج ؟
ــ لا والله .. بتتأخر اليوم في الدوام عندهم تصنيف ملفات وجرد ..
ــ عايض ..خلاص عيـل . ما طول عليج ..
ــ شالسالفه عايض .. يفداك الخط وراعية الخط ..حط بالك على نفسك ..
ــ ان شاء الله مع السلامه ..
صكر عايض التلفون وهو فرحان في فرصه يشوفها قبل لايسافر ..طالع الساعه .. فيه وقت ..

*****************

ــ شمس ..
التفت شمس لصوت ماسمعته من اسابيع ..
ــ عايض ؟؟ ..
طالعت السيارة ..كان السواق ناطرها في المواقف .. وطلع لها عايض وقت انتهاء الدوام .. احمدت الله انها آخر من طلعت ..
ــ شمس ..شلونج؟؟..
ضحكت شمس ــ انت مب صاحي تسألني عن لوني في هالقيظ
بعدين لما حسته خذ سخريتها بحساسية قالت
ــ بخيـر .. شلونك انت ؟ ..
حست بفرحته للسؤالها ــ الحمدالله .. بخير وطيب .. شمس .. أنت تدرين اني بسافر اليوم ..

هزت شمس راسها ــ أي . قالت لي معجبة ..
وكانت تحس بالحر والخنقه لان مستوى الرطوبه كان يخنق ..
عايض ـ . ان شاء الله برجع في رمضان .... ادري الجو حار . تعالي تحت المظلات ..
الحقته شمس بتردد .. ووقفوا تحت المظلة ....كان الحال افضل من الشمس ..
ــ عايض .. السواق ينطرني ..
عايض حس بقهر ـ مابطول .. بس لازم اقول لج هالكلام ...
عدلت شمس نقابها وتكتفت ..
قال عايض ــ ادري الجو حر .. يمكن تقولين عني في نفسج اني ثقيل دم ووو..
قاطعته شمس ـ محشوم ..انت ولد خالتي وعلى عيني وعلى راسي ... مابقول عنك هالـ...
قاطعها عايض ــ تسلميـن .. بقول اللي في خاطري لان صراحه انا متضايق من الجو .. ادري وقفتنا هنا مب عدله .. بس هي فرصتي الاخيـرة ..
تنهد بعدين رفع راسه ــ شمس .. أبي أتزوجج .. أنا أحبج ..
شمس ـ عايض مو وقته ..
عايض ـ الا وقته .. أنا بسافر .. مابرجع لين شهرين ..أعتقد مدة كافية انج تفكرين ..
حست شمس بارتباك ــ مب انت السبب ..
عايض ـ شمس .. ادري هالقرار في يدج ..ما ابي اعرف السبب .. . لكن أبيج تفكرين ..شهرين وبرجع ..يمكن نهاية رمضان ..وأعرف رايج ..
شمس ــ عايض .. انا من داخل فيني ..انسانه مهشمه ..انسانه كرهت هالدنيا ..
عايض ـ خليني السبب انج ترجعين تحبين هالدنيا .. خليني ألملم شتاتج ..وأعوضج ..

ـ ومحمد ولدي ..
عايض ـ محمد ولدي قبل لايكون ولدج ..قلت لج من قبل ..وبقولج اليوم وبقولج باجر وبعد عشرين سنه .. محمد ولد طلال ..وطلال هو ولد عمي .. من لحمي ودمي .. وامانه في رقبتي هالطفل ..
قالت شمس بسخرية ـ شرايك تتزوج خلود بالمره ..
عصب عايض ــ شمس افهميني .. مايهمني شصار بينج وبين طلال ..اللي يهمني اني أبدأ معاج من جديد ..أبدأ معاج حلم طول عمري اهوجس فيه ... ولدج في عيوني ..واخو لاولادي ..وانتي بقلبي وعيوني .. نبدأ من جديد ..نغير روتين الألم اللي عشنا فيه سنين طويلة ..

طالعت له شمس ..اغرقت عيونها بدموع ...ماتقدر تصدق ..
ــ شمس .. فكري .. أول مابرجع ..بطق باب بيتكم ..ومابطق غيره باب .. أبيج تقولين لي رايج ..بتقبلين بي كزوج على سنه الله ورسوله ؟؟.. ولا .. مابيكون بيننا نصيب .. احبج .. أحبج .. تذكري احساسي .. ..

أول ماكان يبي يروح التفت شمس كان سلطان وعبدالعزيز يقربون منهم سأل سلطان وو يطالع عايض اللي كان لابس بدله سبورت ...
ـ أستاذه شمس .. هل الاخ يزعجج شي ؟؟..
هز شمس راسها وهي تمسح دموعها ..
شك عبدالعزيز ــ اذا مزعجج قولي ..
قال عايض ـ وانت شدخلك ؟؟ ..
عبدالعزيز ــ احترم نفسك أحسن لك .. استاذه شمس ؟؟ ..
حست شمس بشرارة بينهم قالت تطالع لعاايض
ــ تسلمون يا شباب لكن .. ..هذا خطيبي ... وولد خالتي .. بيسافر امريكا بعد شوي ويا يسلم ..

مع انها ماكانت مضطرة تشرح لهم .. لكنها حست انها لازم تنهي سوء التفاهم هذا ..رجعت تطالع لعايض اللي اندهش من تصريحها .. لكن ملامحه كانت جامده ..

قال سلطان ــ آسفين يا اخوي .. بس استاذه شمس كانت رئيستنا .. وانت شايف المواقف فاضية ..خفنا عليها لا اكثر ..
عبدالعزيز ـ آسف .. مع السلامه ..
رد عايض بصعوبه ــ فيكم الخيـر ..مشكورين ..

وأول ما ابتعدوا التفت عايض لشمس
ــ انا حاس انه هذا مب قرارج ..
قالت شمس ــ لما ترجع ... بكون فكرت .. يلا اتركك ..في امان الله ..تروح وترجع بالسلامه ..
ـ لحظه ..
طلع عايض دفتر من الشنطه الصغيره اللي كان معلقها على جتفه ..
أخذت شمس الدفتـر .. وراحت للسيارة .. وهي تطالعه ...ورفعت يدها وسوت له باي بحركه بسيطه .. ..
ابتسم وهو يتذكرها من اثنعش سنه لما سوت له نفس الحركه ..ارفعت يدها وسوت باي .. لكنها كانت بالنسبة له أجمل من كل الكلام الي ينقال في موقف مشابهه ..مانسى صورتها ابدا ..



ركب عبدالعزيز السيارة وقال لسلطان اللي ركب معاه
ــ يعني أخيرا بتتزوج هالحيزبونه ؟
ضحك سلطان ــ للحينك تكرهها ؟ ..
قال عبدالعزيز معترف ــ لا ...ما أكرهها ..لكن اكره نجاحها وسلطتها ..
سلطان ـ الاعتراف بالحق فضيـلة .. ما كنت متخيـل انها بتتزوج .. بس شفت اللي واقف معاها ..؟ .
عبدالعزيز ـ خطيبها ؟؟ شفيه ؟ ..
سلطان ـ حاس اني شفته بمكان ..
عبدالعزيز ـ فيه من اخوها .. تذكر اخوها ؟؟ .. كان دايما يجي وياخذها ايام لول ..
سلطان ـ أي صدقت ..
رن الجوال في جيب عبدالعزيز وقام ينافخ
ــ أكيد المدام .. ماكان لازم تخلينا نتأخر نرتب هالملفات .
سلطان ــ كان لازم .. ولا تبيني ارتبها بروحي ؟؟.. انت شفت رئيس قسمنا شلون قيمنا ..
عبدالعزيز ــ صج .. كنت متوقع ترقية او شيء .. لكن توبيخ ؟؟ .. مصدووم ...
سلطان ـ انت اللي على بالك انه رجال يعني بيطنش لك ..لكن هذا شغل اوادم .. تبي تروح للدواير اللي تطق فيها الكرت وتروح بيتكم موجوده .. بس يدك عالواسطه .لكن القسم اللي انتقلنا له هو مركز الوزارة ..كل معاملات الوزارة لازم نخلصها في نفس الوقت ..
عبدالعزيز ـ ليتنا ما انتقلنا ..
رد عبدالعزيز على الجوال
ــ الو .. ها .. عندي شغل ..
بعدين طالع لسلطان وقال ــ لا مابجي عالغدا ..بتغدى بره مع الربع . بعدين نتفاهم مع السلامه ..

صكر الجوال وطالع لسلطان ــ بكسب فيك اجر وبعزمك عالغدا .
ضحك سلطان ــ قول تبي تتهنى في اللقمة من دون تحقيق . بس فيك الخير والله ...الوالده في المستشفى والولد عند يدته الثانية ..والبيت فاضي .. حتى مافي خدامه ..مخليها عند الوالده في المستشفى ..
عبدالعزيز ـ ياخي تزوج وريح راسك..
سلطان ـ لا ..ما ابي .. الولد وموجود ..لكن الحرمه ..الله الغني...بس تطلع امي بالسلامه ..وانا برتاح ..
عبدالعزيز ـ لكن ..الوالده الله يطول عمرها مب دايمه لك .
سكت سلطان ومارد .. يمكن يتزوج ..بس متى ماعنده أي خطط قريبه ..
ــ وين بتآخذني ؟
عبدالعزيز ـ شبستان ..

غجرية
07-04-2008, 08:09 PM
************
دخلت جوزة لغرفة ماجد وبيدها أدويته و قلاص الماي ..
ماجد ـ يمه أحمد سأل عنه .. .. وترا الكل يمدحه ..اذا صافية راضيه .. خل يتقدمون ..
جوزة ـ انزين يمه .. صافية استخارت وارتاحت ..
ماجد ــ عيل خل ييون ويتقدمون رسمي ..
عدلت له جوزة سريرة وقالت
ــ ماجد .. عمك ..
ـ شفيه ؟ ..
جوزة ـ لازم تستشيرة ..
ــ انا ولي امر خواتي .. وعمي ماتدخل من قبل ليش بيتدخل الحين ؟ .. بعدين يوم تزوجت شمس ماتدخل .
جوزة ـ لاياولدي .. لازم تحشمه ..اتصل فيه وخبره ..
ماجد ــ يمه أنا وعمي مانتكلم ..
جوزة ـ شلون ؟؟ من متى ؟
ماجد ـ من ياني المستشفى وقرر انه يتحكم بحياتنا .
انصدمت جوزة ــ شلون ؟
ارتبك ماجد و نفخ بقوة ــ يمه .. طول هالسنين ناسينا ..وفجأة لما طلعت الحقيقة قرر انه مسؤول عنا ؟ .. قرر انه يزوج خواتي بأولاده ؟؟ .. ويزوجني ببنته !
ــ وانت شرديت عليه ؟؟..يمه ليش قاطعت عمك ؟؟ ..كنت تقدر تتفاهم معاه ..
ترك ماجد الفراش ووقف بصعوبه وكان يحس أن جسمه مكسر
ــ ماجد ارجع لسريرك وارتاح ..
ــ يمه انا تعبت من الراحه .. وبعدين انا تعديت مرحله الخطر و وقاعد اتحسن بسرعه .. يمه .. لو عيال عمي الكبار فيهم خير كان ما مانعت .. لكن مافيهم الا احمد يعرف الله .. الباقي راعين سفر وخرابيط ..لاتطالعيني جي ,,مايبت هالحجي من غريب ..اخوهم اللي عايش وسطهم هو اللي قال لي .. وبنتهم انا ما ابيها ..

حست جوزة بمرارة في صوت ماجد .. قالت وهي تحاول انها تهدي نفسيته ــ بس رباب خوش بنيه ..ماشفتها يوم عمليتك لما جت بدل امها ..وقعدت تبجي مع خواتك ..

طالعها ماجد مستغرب ـ رباب ؟؟ هالمغرورة ؟؟ ايه اكيد بعد ماسمعت بخبر براءة خالتي جت ورزت وجهها تحاول تمشي نصيبها بس ..
قاطعته جوزة ــ اقولك في عمليتك .. يعني قبل لا تجي معجبة من امريكا ..
ـ ما اصدق ..
ــ اسأل خواتك ..
طالع ماجد لامه وفي عيونه كلام .. بس سكت .. اذا امه تقول الصحيح فهذا يعني شيء ثاني .. يعني ان رباب ..لا مايبي يفكـر ..مستحيـل هالبنت تفكر فيه ..واذا فكرت فيه وكان كلام امه صحيح ..مستحيل يفكر يتزوجها ..كرامته أكبر من مشاعر قديمه ..

ــ ما ابي أسأل .. البنت ما أبيها ..

حست جوزة أنها تطالع لشيخه .. حست النظرة الي في عيونه تشبهه نظرتها يوم سألتها عن جاسم .. يعني يكابرون على حساب مشاعرهم .. ابتسمت وهي تتذكر جملة شمس .. ((بيتدمرون في الحالتيـن .. )) ..
ــ وأحمد ؟
طالعها ماجد ـ شفيه ؟
ــ شوضعه ؟
ــ أحمد بيتم حاجز نوير لين يشتغل ويتزوجها .. انا ماعندي شيء ضد احمد ..
ــ ما بتسأل نوير عن رايها ؟
سكت ماجد مافكر في هالنقطه .زلكنه قال بعد دقيقة ــ بعدين ..لما يجي الوقت المناسب . .





***********
ــ اف .. والله عايض يكسر خاطري .. شمس حرام شمس تردينه ..
ابتسمت شمس ــ انتي رديتي جاسم .
مدت شيخه بوزها ـ لاتقارنيـن .. على الأقل عايض ما قعد يعايرج ويجرحج متعمد ..
طالعت شمس للباب وقامت صكرته ــ انا اخاف على محمد ..وأخاف على عايض من برودي ..
استعدلت شيخه في جلستها ــ شمس .. تقدرين توثقين فيه دامه بهالاندفاع وبهالعواطف ..
شمس ـ صدقيني شيخه هذا أكبر مخاوفي .. لماأشوفه مندفع بعواطفه .. أحس انه حساس .. أذا رديته بسوي فيه شيء..واذا تزوجته و..اكتشف الصقيع الي انا فيه ..بيندم وما بتتغير حياتنا عن اثنين كلن له دنيا وكلن له ماضي .
شيخه ـ بس الفرق أنج انتي ماضيه ..يمكن هالشيء بيـ..
قاطعها صوت أمها ..
ـ شيخه .. شيخه ..

وقفت شيخه ـ بروح أشوف أمي وبرجع لج ..

فتحت شمس الدفتـر .. كان نفس الخط اللي في الرسالة ..فيه خواطـر ومذكرات ..تمت تطالع التواريخ القديمه وتتبعت الحروف ..
12-12-1999(( وعد ))
((الغريب ان الالفية الثالثه قريبه .. اسابيع ونبدأ ألفية جديده ..شمس ..ألفيه .يعني ألف سنه تصدقين ؟..ادري ان كلامي عشوائي وغبي ..لكن ..حضورج وطيفج خلوني أرتبك .. أحس نبضات قلبي بتوقف .. شفتي طيفج شيسوي فيني ؟؟.. مو كافي اني اني افكر في الألفية وعمري مافكـرت بهالموضوع ..لا وأحس اني خجول لان طيفج يحضرني .ابتسامتج..من كنت طفلة وأنا مأسور فيها ..واللي عور قلبي اني ماشفتها من قريب ....بتبدي سنه 2000.. البرفسيور يقول ان مشكـلة الحواسيب هي مع الصفر .. وبيسوي لنا سينمار راس السنه نشوف الخلل الي بيصيد الكمبيوترات .. تخيلي .. زميلي بيل يقول لي انه العالم بيفنى مع اللحظه اللي تدق فيها الساعه 12 .. ..سوينا كبسولة كبيرة على شكـل قبر .. حطينا فيها كل احداث الالفية الثانية .. وكل منا حط أمنية شخصية .. حطيت بطاقة لج فيها وعد ..أني ببقى على حبج طول العمر ..ما اعرف غير طيفج يسليني في عتمه هالليل .. وما أعرف غير حبج يصبرني .. بالنسبة لي الالفية بتكون مجرد خلل كمبيوتر لا اكثر . ..هالتصريح اللي قلته لبيل .. قال لي ويردوو !! ...))
دخلت شيخه الغرفة

ـ تعبت من هالمنافقين ..
التفت شمس لشيخه اللي دخلات وصكرت الدفتر
ــ منافقين ؟
شيخه ـ ايه صديقات ومعارف امي .. اللي قطعوها خمس وعشرين سنه وفجأة قرروا انهم يزورونها ويسوون أعمارهم كأنه سمن على عسل .. صراحه البعد عن الناس غنيمه .. صار لنا اسبوعين كل يوم نشوف اشكال جديده .. وامي لازم ترزني انا بس جدام الحريم .. لا تنادي صافية ولاتنادي نوير .. بس شيخه شيخه ..وأول ما أدخل تم تمدحني .. سوق عبيد مب ميلس حريم ((هذي بنتي شيخه ..تدرس في الجامعه تخصصها ادارة واقتصاد .. إلخ .. )) ..

ضحكت شمس ــ اكيد تبي تمشي سوقج ..
عصبت شيخه ــ صافيه ونوير أكبر مني .. ماتناديهم !
شمس ـ لان صافية تقدم له اخو رفيجتها ..وشكلهم بيوافقون ..ونوير حجرها أحمد ولد عمي ..
انصدمت شيخه ــ حجرها ؟؟ ..
شمس ـ حيرها له ..
تمت شيخه منصدمه ــ من قال لج ؟ ..
شمس ـ في المستشفى عجوب قالت لي كل شيء .. وهذا انا اقولج .. بس تعرفين التوصية المعتاده ..
قالوا مع بعض ــ لاتقولين لحد هههه ..

ضحكت شمس ــ فأتوقع امي ماتبي تطلع نوير وصافيه جدام الحريم عن لا يسألونها عنهم .. توها معجبة قايله لي ان هالاسبوع اثنين من معارف عم الريم تقدموا لها .. وردهم يدي عيسى ..
شيخه ـ معقوله ؟ ليش ؟
شمس ـ ما ادري بس قالت لي ان يدي عيسى قال لهم ماعندنا بنات للزواج ..
شيخه ـ انزين ليش امي ماتناديج ؟
حذفت شمس الدفتر عالسرير
ــ شتبينها تقوول ؟؟ .. شمس .. موظفه في الدائرة الفلانية معاشها كذا . ومطلقة وعندها ولد .. عرض ازياء هو ؟؟..
شيخه ـ ياربي .. يعني أنا اللي العارضة الاساسية ؟ ..
حاولت شمس انها تجس نبض شيخه
شمس ـ اذا تقدم لج جاسم وافقي وريحي راسج ..
شيخه ـ مستحيـل .. هالباب صكتيه وانتهى . نوير تدري ان احمد يبيها ؟ ..
هزت شمس كتوفهاــ ..لا طبعا .. تعرفينها ماتفكر هالبنت ..روحي قولي لها نكدي عليها ..وطرشي لي ولدي خل اشوفه تراها بتخربه بالسوني .. كله يلعبون من رجعت من الدوام وانا ماشفته ...
شيخه ـ فديته . يلعب على نياته ونوير مستلمته طق في لعبه الفايتنغ .. بروح لهم ..بس لحظة متى حيرها له ؟
شمس ـ ما ادري بالضبط متى .. بس سمعت كلمه من معجبه ..الأباجورة مشن .. شي جي ..
ضحكت شيخه ـ ايه يعني من اول نظرة ..
شمس ـ شالسالفه ؟
شيخه ـ بقولج بعدين .. دام السالفه في خاطري ما أقدر اسكت عنها بروح اقول لها هههههه ..

دخلت شيخه غرفة نوير اللي كانت مستلمه حمود في السوني ,, الولد يضغط أي شيء يحاول يغلبها لكنها ولا معطته مجال ..
ــ حمود .. شمس تبيك قوم أنا بستلمها ..
عطاها محمد اللعبه ــ اغلبيها وناديني ..
وباس شيخه على خدها وركض برا .. ضحكت نوير
ــ لو تموتيـن ماتغلبيني ههه
شيخه ـ تخليني أغلبج وأقول لج خبر بمليون ريال ؟.
طالعت لها نوير وهي تعرف شيخه مب من النوع اللي يجذب ..
ــ بعطيج فرصه لين تصير طاقتي ضعيفه بس مابخليج تغلبيني ..
رفعت نوير يدها عن القيم واستلمته شيخه وتمت تسدد الضربات لين ضعفت طاقة نوير ..
وأول ما مسكت نوير الغيم هاند قالت شيخه ــ ترى أحمد حيرج له ..
طاحت اليده من يد نوير من الصدمه وكملت شيخه تسديد الضربات وهي تضحك لين اغلبتها ..
ــ حمووود ..حمووود غلبتها ههه
دخل حمود وهو مستانس ـ أخيرا !!
حب شيخه على خدها مرة ثانية ورفع علامه النصر في وجهه نوير اللي من الصدمه تجمدت ملامح وجهها تحاول تستوعب ..
قالت شيخه وهي تضحك ــ حبيبي انت فزت ..معليه ..تراها حصلت لها ضربتين قويات ... روح لشمس تبي تيلس معاك .. وأنا وخالتو نونو بنتكلم وبكرهنكمل لعب السوني ..
طلع محمد والتفت شيخه لنوير ..
ـ شفيج ؟؟
حست نويربارتباك ــ صج ؟ ..
ضحكت شيخه ــ لا أقص عليج بس كنت ابي افوز عليج..
تنهدت نوير ـ الحمدالله ..
استغربت شيخه ــ ترا الخبر صحيح ..
رجع اللون اختفى من وجهه نوير .. ــ احلفي ..
شيخه ـ والله شمس خبرتني من شوي .. شفيج ؟؟ ..ما تبين احمد ؟
نوير ـ ...........لا بس ..
حطت شيخه الهاند غيم من يدها والتفت لأختها
ــ شفيج ؟؟..نوير ليش تبجين ؟ ..
مسحت نوير دموعها ـ ما أبي من بيت عمي . .

ـ ليش ؟

ــ لانهم يكرهوننا !! ..

سكتت شيخه مصدومه .. وهي تطالع نوير تمسح دموعها وهي ترتجف
شيخه ـ الراي بيكون رايج ..
نوير ـ انتي قلتي انه حيرني له .. يعني غصب .
شيخه ـ احنا موفي الجاهليه عشان يغصبونج عليه ..اذا ماتبينه روحي لامي وماجد .. وقولي لهم .. مع اني كنت اظن انج بتستانسين ..
مسحت دموعها ــ أحمد مافيه شيء .. بس شلون اتزوج من عايله كبرت ووانا اكرههم وهم يكرهوننا ؟ .. كلهم يكرهوننا ..لايغرج المظاهر و التفاق اللي صار في العزا .. انتي مارحتي بيتهم مثلي ..ما كلموج كأنج بنت الخدامه مثلي ..والله تعقدت يوم كنت صغيرة .. كان ياخذني ابوي الله يرحمه ويتم في الميلس مع عمي .. ماشفتي عيال عمي الكبار وحقارتهم ..

شيخه ـ بس أحمد غير .. أحمد عضيد ماجد اخونا ..
نوير ــ شيخه الفترة اللي طافت انا .. أنا..
طالعت لها شيخه ــ انتو شنو ؟
نوير ــ انا رجعت أحب عايض ! ....رجعت مشاعري له ..
انصدمت شيخه وركضت صكت الباب
ــ انتي شتقوليـن ؟ ؟. ..
نوير ـ قبل لايسافر كنا نيلس مع بعض وكان دايما يعاملني بطيبه .. وشفته من اسبوع .. حسيت اني في شيء بيننا ..لانه تم يتنكلم معاي مثل قبل .. بدون حواجز ..
تنفس شيخه بقوة وقالت ــ عايض بيسافر اليوم ..
نوير ــ هو سافر ..توني كلمته .. وقال بيرجع في رمضان ..

وقفت شيخه من الصدمه ــ يمكن يعاملج مثل اخته ..
نوير ـ ما اعتقد حسيت انا حيل متفاهمين مع بعض ..تكلم لي عن دراسته .. وانت تعرفين انه نفس تخصصي ..هندسه حاسب ..
قاطعتها شيخه ـ عايض اليوم راح لشمس الدوام وطلب منها انها تتزوجه ! ..
سكتت نوير مصدومه ..
شيخه ـ نوير عايض يحب شمس من كان صغير .. أنا شفت رسايله .. و..
نوير ـ بس .. بس .. لاتكملين ..
شيخه ـ نوير .. ما كنت ابصدمج بس ..
نوير ـ خلاص شيخه .. خلا ص ..ممكن تخليني بروحي ؟
قامت شيخه وطلعت برا الغرفه وهي مصدومه .. كانت تبي تتكلم مع احد .. لكنها ماتعرف منو .. لانها لو قالت الي في خاطرها ..بيخلي شمس تتمسك برايها ..وماتقدر تتواصل مع صافية لان صافية ضد قصص الحب ..معجبة ؟.. لكن علاقتها في معجبة سطحية ..وماتقدر تقول لها ..
دخلت غرفتها وصكت الباب وتنهدت بقوة ..


في غرفة نوير .. كانت نوير تبجي .. لأول مرة تحس أن الدنيا خذلتها .. طالعت الورقة اللي كتب عايض فيها ايميله .. مسحت دموعها وهي تتذكـر ..أول مادخل هو والريم .. حست ان قلبها يدق بقوة .لما مدت لها يدها ..وسلمت عليه ..
ـ انا نوير تذكرني . ؟
ــ ماشاء الله كبرتي يا نوير.. آخر مرة تركتج ياهل .. ..شمس موجوده ؟ ..
الحين تذكرت نوير عيونه اللي تدور في الصالة .اللي ماكان فيها الا الريم و ومعجبة اللي ردت عليه
ــ شمس في المستشفى ..

اول مرة حست انها تحقد على شمس .. مسحت دموعها وطالعت الايميل ..a-sh...تكررت هالحروف بشكل واضح .. شلون كانت غبية ؟؟ شلون مالاحظت سؤاله عن شمس في كل محادثه وآخرها من دقايق يوم سألها اذا رجعت شمس ولا لا ء ؟.. حست انها كانت غبية ومعمي على عينها .. حست بغباءها يوم فرحت ببراءة خالتها .. كانت تقول في خاطرها بيرجع ..بيرجع وهو رافع راسه .ماقدرت مشاعر أي احد ..كان حلمها يتحقق في نظرها ..وفي الوقت المناسب .. وقفت جدام المنظرة ...حست بقهر كبير .....حذفت نفسها على السرير وتمت تبجي ..
**********
يتبــع ..

°MoOOoN Q6R°
07-04-2008, 08:45 PM
ابدااااااااااااااااااااااااااااااااااااااااااااااا ااااااااااع X ابدااااااااااااااااااااااااااااااااااااااااااااااا ااااااااااااااااااااااااع

وثقافه لا يعلى عليهاا

اما حب عايض غييييييييير قيس زمانه
والريم ومعجبه يكسرون الخاطر وبعد نوير صج خبله :(

بنتظااار الجديد

والله يعطيج العافيه

غجرية
07-04-2008, 08:58 PM
ابدااااااااااااااااااااااااااااااااااااااااااااااا ااااااااااع X ابدااااااااااااااااااااااااااااااااااااااااااااااا ااااااااااااااااااااااااع

وثقافه لا يعلى عليهاا

اما حب عايض غييييييييير قيس زمانه
والريم ومعجبه يكسرون الخاطر وبعد نوير صج خبله :(

بنتظااار الجديد

والله يعطيج العافيه


^_^ اهم شي الجزء يعجبج .. شكـرا للمرور الطيب :)

عيون السهاد
07-04-2008, 09:13 PM
:cry:

مناير الدوحة
07-04-2008, 09:16 PM
قريت الجزء وكل ماأنزل أقول يحليلها غجرية شفيها حاطه جزء هادي

إلا الصدمة فالأخير :cus2:

شلون نوير تحب عايض؟؟يالله شكلج تبينا نستخف :s25:

وأنا أقول خلاص القصة فالنهاية واللحين بتبين الأحداث وغجرية مابتقدر تغير وااايد فالأحداث :s7:

طلعتي مب هينة ودخلتي نوير فالخط مع شمس وعايض..ووعليه أحمد لا تخلينها تكسر بخاطره :cry:

يلا عاد الجزء الياي خلي شمس توافق على عايض ونوير على أحمد وماجد ياخذ رباب وشيخة حق جاسم وصافية تتزوج اللي يبيها (نسيت اسمه) ومعجبة امممم صرفيها مدري شلون بس صرفيها

وخلااااااااص خلصت القصة

مع تحيات..الكاتبة المستقبلية
منايـــــــــر خخخخخخخخخخ lo0ol

والله أصلح كاتبة فديتني..يلا بإنتظارج مع الجزء المفرح(نبي كله أعراس) :)

غجرية
07-04-2008, 09:23 PM
:cry:

:cus2: شفيج ؟؟ ليه الدموع ؟

غجرية
07-04-2008, 09:29 PM
قريت الجزء وكل ماأنزل أقول يحليلها غجرية شفيها حاطه جزء هادي

إلا الصدمة فالأخير :cus2:

شلون نوير تحب عايض؟؟يالله شكلج تبينا نستخف :s25:

وأنا أقول خلاص القصة فالنهاية واللحين بتبين الأحداث وغجرية مابتقدر تغير وااايد فالأحداث :s7:

طلعتي مب هينة ودخلتي نوير فالخط مع شمس وعايض..ووعليه أحمد لا تخلينها تكسر بخاطره :cry:

يلا عاد الجزء الياي خلي شمس توافق على عايض ونوير على أحمد وماجد ياخذ رباب وشيخة حق جاسم وصافية تتزوج اللي يبيها (نسيت اسمه) ومعجبة امممم صرفيها مدري شلون بس صرفيها

وخلااااااااص خلصت القصة

مع تحيات..الكاتبة المستقبلية
منايـــــــــر خخخخخخخخخخ lo0ol

والله أصلح كاتبة فديتني..يلا بإنتظارج مع الجزء المفرح(نبي كله أعراس) :)


وناسه يا كاتبتنا :s7: .. تحبين النهايات السعيده .. شوفي آخـر قصتين كانت نهايتهم سعيده بس هالقصة .. ما ادري استبعد هالشي :kkk:..

شوفي ترى مزاجي كان رايق هالاسبوع .عشان جي الفصل رايق !. بقى فصلين ..فصل الاسبوع اللي جاي والفصل الاخيـر الاسبوع اللي عقبه .. اللي يبي نهاية سعيده يدفـع :s7: ..


شكـرا الغلا للمرور الطيـب .. ما ابيكم تستخفون بس ما ابيكم تملون بعد :flower:

ولد بني خالد
07-04-2008, 11:20 PM
والله ماقريت شي .. رفيجي الدب عازمني على كرك

بطلــع الحين وبرد على طول أقرى القصه وشاكر لج طرح

البارت ... الليلــه سهره صباحي ^_^


اقول تبيني اطلع الاشاعــه ولا لا ... مالت الجرايد .. :s7:

اخوج
ولد بني خالد

رؤية
08-04-2008, 04:00 PM
هلا الشيخة ( غجرية = سهر الليالي 84)

ما سجلت في المنتدى الا عشانج ...

كنت اتابع القصة من ورى الكواليس..

بحط تعليقي كامل ..

لكن عقب ما اخلص من امتحاناتي (الميد تيرم)...

يعني يوم الخميس اخلص ...أوفييييييييييييييييييه وافتك ..


بالتوفيق الغالية

مناير الدوحة
08-04-2008, 05:03 PM
اقول تبيني اطلع الاشاعــه ولا لا ... مالت الجرايد ..

ليكون اللي فبالي؟؟ :s23:

ترى أنا شاكه فشي..أماااا يطلع صج؟؟

الخالدي طلع طلع الأشاعة وأنا بساعدك وأنشرها :s7:

شوق الجنة
08-04-2008, 06:16 PM
تسلمين كاتبتنا / غجرية .. وبارت روعة .. ^_^

اممم .. الريم تكسر الخاطر ، وأتوقع أن فايز بيردها :cry: ، شمس ماتبي تكرر فصول ماضيها الحزين، وبالوقت نفسه عايشة صراع داخلي بين أنها تكون بهامش الحياة أو تتعلق بخيوط أمل جديد،قد يصيب وقد يخيب ..
نوير وصافية أحس أنهم شخصيات غامضة، معجبة اشترت كرامتها وعزة نفسها وتغاضت عن مشاعرها ..

يعطيج ألف عافية ومتابعة معاج ..
:flower:

جنون الحب
08-04-2008, 11:31 PM
صدمات ..

انا عايشه بصدمه الحب ..

فـ القصه تمنعني من الكلام ..

ولد بني خالد طلع الأشاعه بننشرها وياك بسرعه البرق

بنحطها في بانوراما اف ام وبتنطلق بسرعه الرييييييييح


جزء فظيع ع فكرة ..

قلبي معورني بتخلص القصه ..

مع ماضيج اللي اعرفه في كتابه القصص ..

الله يستر علينا من مزاجج .. وتنهينها بنهايه سعيده ..
لكن القصه اسمها بكاء بلا دموع !!

ماعتقد نهايه سعيده ..

خصوصا ً انه اخر قصتين .. كانوا .. نوعا ما سعيدتين ..

فهذه راح تكون حزينة من قلب

بجهز الكينكيس .. وراح اقراها في وقت مافيه احد بالبيت علشان ابجي براحه


جنون !

خخخ

غجرية
09-04-2008, 01:43 AM
والله ماقريت شي .. رفيجي الدب عازمني على كرك

بطلــع الحين وبرد على طول أقرى القصه وشاكر لج طرح

البارت ... الليلــه سهره صباحي ^_^


اقول تبيني اطلع الاشاعــه ولا لا ... مالت الجرايد .. :s7:

اخوج
ولد بني خالد

ناطـرة عودتك .. واشاعه شنو اللي بتطلعها .. لاتخليني افقد أعصابي .. قلت لك لاتطلع اشاعات :tkgun:

غجرية
09-04-2008, 01:49 AM
هلا الشيخة ( غجرية = سهر الليالي 84)

ما سجلت في المنتدى الا عشانج ...

كنت اتابع القصة من ورى الكواليس..

بحط تعليقي كامل ..

لكن عقب ما اخلص من امتحاناتي (الميد تيرم)...

يعني يوم الخميس اخلص ...أوفييييييييييييييييييه وافتك ..


بالتوفيق الغالية


تسلمين الغلا لهالمتابعه اسعدتني ..ناطرة تعلقج .. :flower:

غجرية
09-04-2008, 01:50 AM
ليكون اللي فبالي؟؟ :s23:

ترى أنا شاكه فشي..أماااا يطلع صج؟؟

الخالدي طلع طلع الأشاعة وأنا بساعدك وأنشرها :s7:

:chair: هذول اللي كذبوا الكذبه وصدقوها ان سمعت طاري اي اشاعات بخلي النهاية تعيسة :s28: بذبح كل الابطال في انفجار نوووووي !

غجرية
09-04-2008, 01:53 AM
تسلمين كاتبتنا / غجرية .. وبارت روعة .. ^_^

اممم .. الريم تكسر الخاطر ، وأتوقع أن فايز بيردها :cry: ، شمس ماتبي تكرر فصول ماضيها الحزين، وبالوقت نفسه عايشة صراع داخلي بين أنها تكون بهامش الحياة أو تتعلق بخيوط أمل جديد،قد يصيب وقد يخيب ..
نوير وصافية أحس أنهم شخصيات غامضة، معجبة اشترت كرامتها وعزة نفسها وتغاضت عن مشاعرها ..

يعطيج ألف عافية ومتابعة معاج ..
:flower:

ياهلا والله بالنور كله .. شوق الجنه تواجد أعشقه .. عجبني تحليلج للشخصيات لاعدمناج فديتج .. شكـرا للمتابعـه والمرور الاكثر من رائع

غجرية
09-04-2008, 01:56 AM
صدمات ..

انا عايشه بصدمه الحب ..

فـ القصه تمنعني من الكلام ..

ولد بني خالد طلع الأشاعه بننشرها وياك بسرعه البرق

بنحطها في بانوراما اف ام وبتنطلق بسرعه الرييييييييح


جزء فظيع ع فكرة ..

قلبي معورني بتخلص القصه ..

مع ماضيج اللي اعرفه في كتابه القصص ..

الله يستر علينا من مزاجج .. وتنهينها بنهايه سعيده ..
لكن القصه اسمها بكاء بلا دموع !!

ماعتقد نهايه سعيده ..

خصوصا ً انه اخر قصتين .. كانوا .. نوعا ما سعيدتين ..

فهذه راح تكون حزينة من قلب

بجهز الكينكيس .. وراح اقراها في وقت مافيه احد بالبيت علشان ابجي براحه


جنون !

خخخ



وحده تعرفني وناسه ههههه^_^ ..زتعالي هذا وانتي ربيعتي تبين تنشرين عني اشاعه ولا بعد عالبانوراما ؟؟ .. لا لا . عيل خلاص جهزي صناديق الكلينكس لان علبة وحده مابتكفي :s7:

Ahmad
09-04-2008, 07:21 AM
متابع...

جنون الحب
09-04-2008, 01:12 PM
وحده تعرفني وناسه ههههه^_^ ..زتعالي هذا وانتي ربيعتي تبين تنشرين عني اشاعه ولا بعد عالبانوراما ؟؟ .. لا لا . عيل خلاص جهزي صناديق الكلينكس لان علبة وحده مابتكفي :s7:


lo0ol ههههههههههه

:s23: والله خلاص سحبتها ما راح انشر اشاعات :s27:

:s23: انتي طيبة واحنا نستاهل :sweatdrop

:cat:


:169:

النـوري
12-04-2008, 11:29 PM
متآآبعـه

عيون السهاد
12-04-2008, 11:53 PM
:cus2: شفيج ؟؟ ليه الدموع ؟

ماادري خخخخخخخخخخخ


ريم كاسرة خاطررري

معانده الهم
13-04-2008, 11:11 PM
تحب عاييض



خل تهدي



بانتظااار البارت الياي اللي هو بينزل اليوم اذا ماني غلطاانه


قصدي باجر خرفت خخخخ

Smile Face
13-04-2008, 11:34 PM
السلام عليكم ورحمة الله

من امس بديت اقرا القصــــه .. والحين توني خلصت آخر بارت نزلتيــه

القصه عجيبه ماشاء الله ... :good2:

اتمنى الريم وفايز يرجعون لبعض .. وكل اثنين ترجع حياتهم طبيعيه بس اكيد بيكون في احداث مانتوقعها :a77:

أبي البارت الجااي بسرررعه ..مستعيله اشووف شنو بيصيـــــررر ..

...

القصـــه روعه اختي وان شاء الله اول ماتخلصينها راح اقرا القصص السابقه ^_^

اسلوبج مااعليه كــــلام .. وكل الشخصيات عاجبتني بدون استثناااء

متااابعتـــج .. :kkk:

" متابعه جديده " ...

Smile Face

غجرية
14-04-2008, 04:13 PM
جنون الحب : ناس ماتجي الا بالعين الحمرا :s7:

النوري : سعيده بهالمتابعه ..

عيون السهاد : آلام التعاطف . ما ألومج حتى انا كاسرة خاطري ..

معانده الهم : يا هلا بهالغلا ..بينزل الحيـن البارت ..


Smile Face: سعيده بهالمتابعه واسعدني فعلا متابعتج واطراءج .. النهاية قربت ..



الحيـن بحط البارت ان شاء الله .. والاثنيـن اللي جاي موعدكم مع الحلقـة الأخيـرة من بكـــاء بلا دموع ..
crying without tears >>>> يبجي مافي دمووع ..

غجرية
14-04-2008, 04:16 PM
**********

دخل الشقة بهدوء وصار يتحرك ببطء ..حط شنطته عند الباب وحط جواتيه جنبهم .. رد شعره لورى ودخل يتسحب .. طالع للي كان نايم على الكنبه وابتسم ..كل شيء حوله كان مرتب ..جهاز كمبيوتره والمكان نظيف بس كوب القهوة بقى عند راسه ..دخل لغرفته وصكر الباب ومدد جسمه ...تنهد بقوة بعدين لف على جنبه اليمين ونام ..

بعد ساعات فتح عيونه وظل واقف عند راسه
ــ هوم سوسيت هووم ..صباح الخيـر ...لولا انك وصيتني اقومك من الرقاد والا ما ازعجتك ..الساعه ست ونص ..قوم صباح الخير ..
رفع عايض نفسه غصب ــ فايز جسمي مكسر !!

فايز ـ عيل ارجع نام ..
عايض ـ ما اقدر عندي دوام ..لولا الترانزيت كان وصلت مبجر ..بس ظلينا في باريس يوم كامل لين طارت الطياره ..قام عايض وخذ شور سريع وطلع للصالة كان فايز مجهز الشاي والريوق ..
فايز ــ لاتتعود على الهاي كلاس سيرفز ..ترى ما اضمن لك كل يوم اصحى هالوقت ..
سحب عايض كرسيه وجلس ــ تسلم يا خوي ..بس انا اصلا ما اتريق ..اصحى اصلي بعدين اشرب قهوة وعلى طول للدوام ...
فايز ـ انا عكسك .. اصحى من الفجر اصلي اسوي ريوق لعمري وارفه نفسي .. كلها عشر دقايق تغير يومي كله ..

عايض ــ بروح الحين .. وين بتروح اليوم ؟
فايز ــ للمكتب .. بس بطلع مبجر لان بروح احجز للقاهرة ..
عايض ـ ليش ما مددت اقامتك ؟
فايز ـ بلى ساعدني مارتن وايد ..بس عندي مكتب هامله من اكثر من شهر ..
عايض ـ بس انا ما جلست معاك ..ماتناقشنا ..
سكت فايز وطالع عايض مرتبك ـ بمرك اليوم وقت الغدا ؟..عندك ساعه ؟
عايض ـ اوك ..يلا باي .
طلع عايض من البيت وهو محتار شبيقول لفايز ؟؟ شلون يتفاهم معاه ؟؟ تذكر اما اجتمع مع فايز قبل سفرهم هو والريم ..قال له فايز انه ما يقدر يرجع معاهم .. قال له انه مابيتقبلونه ..كان يعرف ..كان يعرف ..
******

تطمن عايض على كل شيء وطلع لبرا كان فايز ينطره ..
ــ جيت بسياره .؟
فايز ـ لاء ,,تاكسي ..انا ما ادل المدينه وعندي مشاوير وايد ..وين تتغدى بالعاده ؟
عايض ـ في الشركه فيه كافتيريا صغيرة ..بس اغلب شيء اطلب من برا ..
فايز ــ عن شنو تبينا نتكلم ؟؟ ..
عايض ـ عن الريم ..
فايز ـ لكن الريم موضوع انتهى ..
مسك عايض يد رفيجه ودخل مطعم صغير ايطالي كان يتردد له بروحه بين فترة وفترة ..
عايض ــ باستا ؟؟ ..
فايز ـ لازانيا . ...
طلب عايض له لازانيا ولنفسه باستا وعصير برتقال فريش ..
ــ الريم وصتني اقول لك شيء اذا في يوم التقيتك او كلمتك ..
تم فايز يطالع الصحن اللي جدامه وهو يحاول انه يكون قوي ومتماسك ــ شنو ؟؟..
شرب عايض من الماي بعدين قال ــ قالت لي انك وعدتها وعد ..وتبيك تلتزم بهالوعد ...
نزل فايز راسه وحس بخنقه ..ماقدر يطالع لعايض حاول انه يقاوم عبرته لكنه ماقدر ..
ــ ما اقدر .. ما اقدر .. ما بتسعد معاي ..مابسعدها ..
عايض ـ فايز هذا قرارها .. فايز الريم انهارت لما درت بالخبر .. وطول هالشهر الريم ماتطلع من غرفتها الا بالقوة ... كله في غرفتها وكل ما امرها تبجي او يالسه بدون وعي مب حاسه باللي حوالي او تدرس شوي ..
.. قاعد تذبل بشكل فظيع ..
تنهد فايز بقوة ..حز بخاطره حالها لكن الامر صعب ..
ــ صعب يا عايض ..الكل بيرفض .. الكل بينتقدها ..ما بتسعد معاي ..
عايض ــ انا وجدي موافقين .. وابوي نقدر نقنعه ..مايهمنا الناس يا فايز ..مالك حق تتركها جي ..

فايز ـ عايض انت مابتفهم ..قبل مع الفكره الاوليه كنت اظن انها بتفهمني .. بتفهم معاناتي وبنواسي بعض ..لكن الحين الريم لها حق تعيش حياة طبيعيه بعد هالعقدين من القهر ..مب ملتزمه تشيل همومي ومشاكلي ونظرة الناس ...

طالع له عايض متفاجأ ــ الفكرة الاوليه ..قصدك سوء الظن السابق بـأمي الله يرحمها ؟؟ .. انت تعتقد انه بعد ما انكشفت الحقيقة خمس وعشرين سنه من الذل بتنمحي بين يوم وليله ؟؟ ..فايز . بيظل الحقد والنقص في قلوبنا لين آخر عمرنا .. لانا تعودنا ..تعودنا على هالطريقه ..لاتظن انه بمجرد اكتشاف بسيط بينمحي القهر ونظرة الناس والالم والعتب ..لاتظن ان الذكريات بتنمحي بهالسهوله .. احنا بشر مب ملائكه ..يلزمنا الف طبيب نفسي لين نحل عقده وحده من العقد اللي عقدتنا طول هالسنوات .. مابنتغير بهالسهوله ..واي رجل بيتزوج الريم مابيفهمها ..مابيفهم هالالم والنقص اللي داخلها ..عدم ثقتها بنفسها ووحشيتها و بيتعسها ..مابنمحي كل الالام هالسهوله ...مابيفهمها الا انت اللي مريت بمعاناتها ...... وانت رجال مايقصرك شيء ..ليش هالتفكير الـسلبي ..
فايز ــ الناس يا عايض ..
قاطعه ــ الناس الناس .. الناس اول من تخلى عنا في مصيبتنا ..والناس هم اول من احتشروا عندنا لما انكشفت الحقيقة ..الناس بتتكلم وبتقول وبتعيد ومع الايام بتنسى ...مابنعيش حياتنا اذا تمينا نعطي لهم هالاعتبار الكبير في حياتنا ..
فايز ـ لكنهم المقياس للصح والخطأ
عايض ـ لاء ابدا .. ايمانك وضميرك ودينك ...هم المقياس للصح والخطأ ..الناس تحكم بالمظاهر ..وأكبر دليل سالفه امي ,, الكل قال انها هربت ...لكن قليل جدا اللي يعرفونها ويعرفون اخلاقها وقالوا ماتسويها ..الناس تآخذ بالمظاهر ..الله حلل الزواج ..وانت تزوجت الريم ماشردت معاها لاسمح الله ..ليش بتم لآخر عمرك شايل هم ..
فايز ـ لكني ولد الهندية ..
عايض ـ وانا كنت لين فترة بسيطه ولد القطرية الي شردت محد احسن من حد .وشفيها الهندية يا فايز ؟؟ .. مب بشر .؟؟ فايز اذا انت تنظر لنفسك بهالدونية شي طبيعي تتوقع نظرة الناس .. الريم تبيك ..وما يهمها سواء امك كانت هنديه ولا بنغلاديشيه ..هي مابتعيش مع امك ..بتعيش معاك .. وهي تحبك ..
فايز ـ تحبني ..؟؟ .. لاتقول كلام يضحكني .. الريم ماتعرف الحب ...
حس عايض بصدمه ــ يمكن ماكانت تعرفه .. او كانت تـنكر وجوده .. لكن الريم اللي تركتها في الدوحه .. انسانه تحب ...وتحب شخص واحد وبترفض كل اللي يتقدمون لها لين يلين راسه ويرجع لها ..ولسانها مانطق الا بـ..
((فايز وبس )) .. انسانه قدرت يافايز تدخل قلبها اللي كانت موصدته بسلاسل ..

كان عيون فايز في ضياع .. كأنه سمع شيء ماكان يبي يسمعه ..
قال عايض كلمته الاخيره ــ لولا اني اعرفك ..واعرف معدنك الطيب ..ماكان قلت لك هالكلام ..اختي غالية علي ..واشيلها في عيوني ولاهي بعوزة ريال طلقها .. لكن ..انا حاس باسبابك ..وحاس بتعاستها ..وما اقول لك هالكلام الا لاني اعرف باللي في قلوبكم ..ادري انكم تعذبون بعض بدون سبب ...المفروض ما اقولك أي شيء ..لكن ...ارجع لها .. لاني أشك انكم بتعيشون من دون بعض .....
دخل الويتر وحط الطلب جدامهم ..اكلوا بسرعه بعدين طلعوا وقبل لايفترقون
فايزــ عايض ..برجع البيت واخذ اغراضي ..مشكور لانك سمحت لي ابقى بالشقة وانت مسافر ..
عايض ـ لا مابتروح مكان ..انا عجبتني سالفه الريوق ..خلك عندي لين تسافر ..
ضحك فايز ــ انا حجزت وطيارتي بعد ثلاث ساعات ..
طالع عايض ساعته مابيلحق يوصله المطار ..
وعلق ــ ليش بهالسرعه ؟؟
فايز ــ انا كنت ناطرك عشان اتطمن على الريم ..لكن بعداللي قلته ماطمنتي .. لكن ..لازم اسافر ماتتخيل مدى الفوضى اللي انا فيها ..
سلموا على بعض وفايز خذ له تاكسي ورجع الشقة ..

*******

فتحت عيونها وهي تحس بتعب شديد ...الغثيان اللي هي فيه مو طبيعي ..
دخلت الممرضة وهي تطالع لها بنظرة غريبة .. نظرة شفقة ...طالعت لها معجبة تبي تسألها اذا نجحت العملية ؟..بعدين استغربت من الاجهزة اللي حولها ..للقلب والتنفس .. هالانبوب اللي يمنعها من التكلم ....

دخل الطبيب مسك السجل وهو يطالعها بنظره عطف ..استغربت معجبة شفيهم الكل يطالعون لها بهالحزن ؟؟ اشرت للطبيب تبيهم يشيلون الانبوب ..
قال الطبيب ــ معجبة ..اهدي .. اثناء العملية صارت مضاعفات ..استحملي شوي بعد ساعات بترتاحين ..

نزلت دموع معجبة لا ارديا .. مضاعفات ..حست انها مخنوقه ..
آخر شيء شافته الممرضة وهي تحقنها بابرة ..


كانت جوزة تبجي في الانتظار ... تبجي بدون صوت ..دموع تجري على خدودها وحسره في قلبها ..محد جنبها ..ماقالوا لاحد ..ليت معجبة ماسوت هالعملية ..ليتها ماسوتها ...طلع لها الطبيب
ــ حالتها مستقرة الحمدالله ..بنشيل عنها جهاز التنفس بأي لحظة ...
ماقدرت جوزة تسكت ــ العملية المفروض بسيطه !
الطبيب ــ للاسف المضاعفات اللي صارت كانت بتعرض حياة اختج للخطر ...اختج تقريبا توقفت دقات قلبها ..النزيف كان قوي جدا..
جوزة ـ بس ليش شلتوه ..حرام عليكم ..
الطبيب ـ يا اما حياتها ..يا اما الرحم ..
انهارت جوزة على الكرسي نادى الطبيب للممرضة اللي ساعدتها تتماسك...
ــ زين ما خسرتها .. بس .. آآآه ياقلبي .. آآه ياقلبي عليج يا بنتي ..
همست لها الممرضة ــ لاتسكتين عنهم تراه خطا طبي !!
غمضت جوزة عيونها اللي مالها إلا الدمـوع ..

غجرية
14-04-2008, 04:20 PM
*****************
الفصـل الحادي عشــر
اعترافات
*******

دخل الغرفة وهي ماكانت منتبهه .. طالع لشيء بيدها واستغرب . كتاب ؟؟ ..
ــ مساء الخيـر ..
انتفضت هدى ودخلت الكتاب على طول تحت السرير ..
قرب ناصر منها وسحب الكتاب وقرأ بصوت عالي
((الحزن في شعـر بدر شاكـر السياب )) ...

علق مبتسم وهو يقلب بصفحات الكتاب
ــ ماكنت أظن أن لج اهتمامات في الشعـر .
تعدلت في جلستها ــ أحب أقرأ له ..ولأمل دنقل .. ونازك الملائكه .. شعراء بحق ..
حس ناصر انه اول مرة يشوف هالجانب من هدى ..
ــ كنت أظن أن قمة سعادتج البيت وشغل البيت ..
كانت هدى بتسكت لكنها تذكرت كلاممعجبة ان ناصر يدور اللي تبي تسمعه ويسمعها ..
ــ ظنك خطأ .. لي اهتماماتي .. أحب أثقف نفسي دايما . ..وأحب أرسم بين فترة وفترة ..
ناصـر ـ شأعجبج أكثر في هالكتاب ؟ ..
مسكت هد الكتاب وطلعت صفحة علمتها
ــ هالبيتين يذكروني فيك دايما ..
سقطت فكل وريقة قيثارة
مقطوعه الأوتار والأنغام
عبرت أغانيها الفناء وأصبحت
توحي إلى الفنان بالإلهام .
تذكرني فيك في شهـر العسل لما سافرنا لباريس .. كان وقت الخريف .. وكنت تتكلم عن اوراق الشجـر اللي غطت الشارع بكثافة بحزن .. كنت تحسب اني ما افهمك .. كنت أحس بحزنك .. وتعودت عليه ..

انسحبت هدى للخزانه ..وطلعت دفتـر كبير . وفتحته وطلعت لوحه صغيـرة رسمت فيها أوراق الخريف بألوانها الترابية .. ارسمت منظر تذكره ناصر بسهوله .. لأنها ما أغفلت أي تفصيل ..نفس الشارع نفس الشجـر .. حتى الظلين اللي انعسوا في الشارع كانت لهم ملامح ..ملامح وملامحها .. انصدم تم يطالعها ويطالع هالابداع اللي جدامه ..
ـ متى رسمتيها ؟
نزلت هدى راسها وتنهدت ـ بعد شهر العسـل ..
ــ عشر سنوات؟؟ ليش ماقلتي لي ؟؟ ما راويتيني اياها .؟
مسحت هدى دموعها ــ كنت تبي مساحتك الخاصة .. تسافر وايد .. كل ليله بمجلس .. كنت احسبك تتفاداني خصوصا لما سمعتك تقول لبوك الله يرحمه يتركك في حالك خصوصا انك تزوجت اللي فرضها عليك ..

انصدم ناصر ـ عشر سنوات ؟؟ .. وانت ساكته؟؟ ليش جبتي اللوحه معاج هنا ؟؟ ..انت دايما تآخذينها معاج ؟

اعترفت هدى ـ دايما معاي ..

ـ ليش ؟

ــ لانها ذكـرى عن اللحظة الوحيدة اللي كنت فيها قريبة منك .. كانت هذي آخـر مرة طالعت فيها لي كانسانة ..

تلمس ناصر اللوحه بحيرة ..مافهم شتقصد .. كان بيسكت ويطلع بس حس انه لازم يبقى ويفهم شتقصد ..
ــ اشرحي لي .. انا عايش معاج من سنوات .. كل ليلة على نفس الفراش .. عندنا اولاد .. شلون تقولين لي ان هاللحظة من عشر سنوات هي اللحظة الوحيده اللي كنت فيها قريب منج ؟. .
مسحت هدى دموعها واخذت نفس بعدين قالت
ــ لان.. انت حاضر معاي كظل .. انت ابو اليهال ..واسمك زوجي صحيح ..مرت عشر سنوات ماتعرف شلون كانت صعبة علي ..وأنا أشوفك منعزل عني ..منعزل عن حياتي ..حياتك في الكتب والروايات والقصص والمجالس .. تقضي يوميـن تقرأ كتاب من ألفين صفحة .. مالي حق خلالهم بدقيقتين تسألني شلوني ..من رجعنا من شهر العسل وانت تبتعد ..والموج يجرفك ..مع كل طفل اولده تبتعد عني سنين .. كل اللي اسمعه منك حمدالله على السلامه .. بس .. ولامرة ذكرتني بوجودك في حياتي ..كنت تظن اني معتمده على نفسي وثروة أهلي ومب محتاجه شي دام السائق والخادمه موجوديـن .. ولأني أحبك عطيتك المساحه اللي تبيها ..لأني أحبك ابتعدت ..خفت تكرهني ..كنت احتاجك في سهري كل ليله على الطفل المريض .. كنت محتاجتك في مجلس الآباء .. محتاجتك وكتم احتياجي وعودت نفسي اعيش بظلك ..ماكنت ادري انه باستسلامي لهالواقع كنت ادفعك ..

ــ تدفعيني ؟؟

ــ أدفعك لحضن امرأة ثانية ... أدفعك لمعجبة وأمثال معجبة .. بس هذه غلطتي .. وانا بغفر لك لجوءك لمعجبة ..لكن لو انا ..لجأت لشخص آخـر هل كنت بتغفر لي ؟

انتفض ناصر ـ كنت بذبحج .. شالكلام الماصخ .. هدى لايكون ..
قاطعته هدى ــ لا ..لاتكمل ..مافي .. لكن كنت ابيك تحس باحساسي .. كنت فاقدتك في حياتي ..لكن حاولت أعوض بأطفالي وبيتي واخواني ..لكن انت ..ابعدتني ..ورحت لغيري ..

ناصر ـ ماابعدتج ...أنا كنت محتاجج ..لكن كل اللي اشوفه ربة بيت ..ما اشوف زوجة وحب وانثى .. اشوف ام واطفال وأكل .. كنت أتمنى في يوم من الايام اسمع منج كلمة حب ..

هدى ـ اذا انت مانطقتها شلون بنطقها انا ؟؟ .. اذا انت ماحسستني لحظة في حياتي اني حب حياتك ..طول عمرك عادني مفروضة عليك، كرامتي ما سمحت لي ولا كبريائي ...عشر سنوات اتعذب بصمت .. عشر سنوات ااحلم بنظرة فيها موده لي ..

حس ناصر بمرارة .. طالع لزوجته معقول خلال هالسنوات ما اوفى لها حقها في كلمة طيبة ؟ . معقولة ؟؟
قالت له هدى تأكد له مخاوفة
ــ ايه .. ما حسيت بيوم بعاطفة تجاهك .. كنت تؤدي واجباتك مثل الآله .. كأني خاليه من الاحساس أو المشاعر .. كنت احس بنفسي عبء عليك .. وكل يوم اتذكـر ان ابوك فرضني عليك ..أحيانا أتمنى لو اني تزوجت أبوك .. على الاقل بكون كزوجة اب استاهل الازدراء اللي تعاملني فيه .. تدري شأكثر شيء بكيت منه ؟؟
ــ شنو ؟..
ــ كل ما أقرأ لك قصة او مقالة عن الحب . وآخرها مقالة معجبة .. كنت دايما تقدس الحب وتمجده ..تتكلم عنه ..ما تحدد شعورك تجاه انثى لا..تكتفي بالحب ..تتكلم عن الحب وجمال الحب وأي حد يقرأ مقالاتك يفهم انك ماتعيش قصة حب حالية .. الكل منبهر بنقدك واسهابك ..وأنا كل ما أقرأ كلمة أبجي .. أردد كلمات طلال الرشيد .. قلت أحب الحب أحسن .. . بعدين بدت مشاعرك تتجه لشخص معيـن .. بديت أحس باختلاف .. لأول مرة من وقت طويل تذكـر المرأة في مقالاتك .. عرفتك تخونني .. تأكدت أكثر لما قريت مقالة معجبة ..لأن صدق كلماتك كان أكبر من انها تكون مجرد قصة ..حسدتها ..

طالع لها ناصر منصدم ..
ــ أي حسدتها ياناصر .. حسدتها لانك تكن لها المشاعر ..حسدتها لأن قوة مشاعرك تجاهها قوية لدرجه انك تكتب لها .. بكيت ليال طويلة وانا اقرأ كلماتك .. لأني أحبك سكت ..لأني أحبك أرغمت نفسي على اني اتصرف كأني تمثال .حتى يوم اتصلت .. وقالت لي ..ما انصدمت .. كنت متوقعه وكنت بقبل لو تبي ترجع لها بس ماتتخلى عن عايلتك ..قبلت على نفسي الخيانه ..لأني كنت أظن لليال طويله انك تكرهني .. لكنك اليوم تجي وتقول ان القصور كان مني ؟ كنت تنتظرني اقول لك الكلمة اللي مفروض انت اللي تكرمني فيها ؟؟ ..
مسكت هدى بشيلتها وطلعت برا الغرفة ..


مسك اللوحه وهو مصدوم ..عشر سنوات واثنينهم يكابرون ..كل شخص منتظر مشاعر الآخر بغباء .. انتبه لأوراق تحت اللوحة ..وتم يقرأ ..

رسائل حب إليكـ..
لا أفهم حقا سبب أحاسيسي هذه .. فأنت لاتهتم ..
لا أفهم حقا سبب تعاستي هذه ..
لا أفهم سبب شوقي الكبير إليكـ ..
لا أفهم سر هذه النبضات ..
لكني أفهم شيئا واحدا ..
أنها لكـ ..فقط أنت !

هل تعلم ما أكبـر أمنياتي ؟
أن أجد في عينيك نظرة تخصني ..
أن أجد في عالمك ثانية فكرت بي خلالها ..
أن أجد بين كلماتك كلمة طيبة قلتها يوما عني ..
أني أفهم أني أحبك حبا من طرف واحد ..
لكـني فعلا اتمنى ان تنعشني الأيام وأعرف أنك فكرت بي لثانية من الزمـن ..

رغم أنك بعيد كليا عني ..لكنك بطريقة ما قريب جدا إلي ..
ففي أحلامي ..أشعر بنظراتك تغمرني ..
بأنفاسك تخطفني ..
رغم بعدك عني ..فأنت هنا في قلبي وعقلي وعيني !

بعثر ناصر الأوراق ومسك وبورقة ثانية

إلى شخص بعيد
إلى شعاع شمس يصل إلي من بعيد ..
دموع الشوق تأسـرني ..
دموع الألم تحتلني ..
مشاعر الحب تعاتبني ..
إلى شخص لايعلم بوجودي ..
في داخلي قلب فقير وبين ثناياي روح بسيطة
في دمي احساس مرهف ..وفي فكري صور لامتناهية عن أحلام بعيده ..

إلى شخص يكرهني .. كلما كرهتني أكثر ..كلما تعلقت بك أكثر ..
إلى دموع سوداء ..يكفي ..
لقد اتخمت من الليالي السوداء ..والآلام السوداء .. وكل شيء أصبح سواء !طالع ناصر الأوراق.. بعدين وقف وطلع لقاها في الصالة تمسح دموعها ..مد يده لها ..وحضنها وتمت تبجي في حضنه ..
ــ يالغبيه .. طول عمري أشوفج متحجرة ..ولامرة بينتي لي انج تهتمين ..والحين بعد عشر سنوات يلا اعترفتي لي انج تتابعين كتاباتي ؟؟وانج تحبيني ؟؟أنا احبج يالغبية ..عشر سنوات ضاعت من حياتنا وحنا نكابر ..قرأت أوراقج وحسيت بقلبي بينط من ضلوعي ..

تم يمسح على شعرها بنعومة وكمل ــ كنت أبي منج لحظة بس لحظة ...اسمعج وتسمعيني ..دايما كنتي ربة البيت المثالية ..الزوجة التقليدية ..ماكنتي ترفعين عينج في عيني ..والحين ..بعد هالعمر ..اكتشف انج كل شيء احلم فيه ؟؟ عشر سنوات من عمري .. لهالدرجة كنت أعمى ؟؟مالاحظت ؟..

من هاللحظة تغـرت حياة ناصر .. لقى الشي اللي كان يبحث عنه طول حياته .. طالع لزوجته ..أخيـرا تحقق له حلم مستحيـل .. لقى الانسانه اللي تكمله ..لقاها في ام عياله اللي تجاهلها من عشر سنوات .. وكانت آخر مرة يذكـر فيها معجبة وحزن معجبة وايام معجبة ..

*************************

حاولت شيخة اكثر من مرة انها تفتح الموضوع مع نوير .. لكنها كانت مصممه على انها ماتقول شيء ..
ــ نوير أرجوج ..أرجوج ..
ــ شيخه مافي شيء ينقال ..خلاص ..
دخلت شمس الصالة فطلعت نوير لغرفتها ..
ــ شفيها ؟
شيخه ـ مافيها الا العافية .. شخبارج ؟ راده مبجـر ...
شمس ـ اتصلت فيني امي وقالت انها مابتجي البيت وان محد مع محمد .
استغربت شيخه ـ أنا ونوير مرتزعات هنا من الصبح يوا حوالي حرمتين يسلمون بس ..ماطلعنا مكان ..ماتدرين وين باتت امي ؟
شمس ـ لا والله ..ماقالت .. بس قالت وحده من الحريم اللي تعرفهم مريضة وبتم عندها .. شفتي معجبة ؟
شيخه ــ لا والله ..أكيد في الصالون ..
شمس ـ سويتوا غدا ؟
شيخه ـ صافية ماشاء الله طبخت لنا دياي محشي ..ودياي برياني .. ..بقول للخدامه تحط الغدا ..
شمس ــ بسرعه لاني ميته من اليوع ..
شيخه ــ اوكي ..

طالع شمس لغرفة ماجد ..اللي ماكلمها ولامرة من يوم العملية ..ماتدري ليش شايل عليها ..ترددت تدخل لغرفته وتشوف حاله ولا تروح غرفتها ؟؟..لكنها راحت لغرفتها كان محمد يطالع سبيس توون ..
ــ سلام يا حلو
ــ سلام ..
حبت راسه وخذت ملابسها ودخلت للحمام تغير ..وبعد لحظات طلعت وهي تسمع صوت في الصالة
ــ نوير ارجوج ..
ــ شيخه ما اشتهي ..
اشرت شمس لمحمد ـ تعال نتغدى ..
طلعت للصالة اللي فوق كانت نوير عند باب غرفتها
ــ شلونج نوير ؟
ــ أنا .. ما اشتهي غدا ..
وصكت باب غرفتها وطلعت صافية في نفس اللحظة
ــ محتشرين عالخير ان شاء الله ..شمس رجعتي ؟
شمس ـ أي والله ..تعالوا نتغدى انا ميته يوع ..
صافية ـ يلا عيل ..نوير ماتبي ؟
شيخه ـ ماتبي .. بروح انادي ماجد ..
صافية ـ انا سويت له اكله الخاص .. سويت له شوربة ودياي مسلوق وخضار مسلوقة ..خذيها لغرفته عن لايشتهي الاكل حرام ..
شيخه ـ حرام لي متى يظل على هالاكل ؟ هذي شمس تاكل عادي..
شمس ـ انا غير عن حالته .. هو يآخذ ادوية بتسبب له عسر هضم اذا كانت مع اكل دسم وثقيل والطبيب حذر امي .. اكل صحي ..وبس
شيخه ـ لكنه صار ضعييف وايد ..
شمس ـ المهم صحته ..
نزلوا تحت عالغدا وتموا ياكلون ويسولفون ..
****************

غجرية
14-04-2008, 04:21 PM
كانت جوزة في الكافتيريا تطالع الاكل السيء .. خذتلها فطيرة جبن وسلطة ...وجلست تتغدى .. للحين معجبةعلى المهدئات ..للحينها مادرت بالمأساة اللي صارت لها.. بعد لحظات شافت الريم تدخل للمستشفى بيدها اغراض .. تخبت عنها وهي تراقب ابو عايض معاها ..
ــ يبه بس لحظة ماجبت لها بيبسي .
بو عايض ـ عندها في ثلاجتها ..يلا ترى ابطينا عليها ..
الريم ـ احتياطا يبه مافيني عالنزلة والطلعه ..
دخلت الريم و خذت لها 3بيبسي ..وأول ماتبي تطلع كانت جوزة لافة ويهها عنها وبنقابها لكن الريم شبهت عليها
ـ خالتي ؟
طالعت لها جوزة بعبرة وخشنت صوتها
ـ لايمه مغلطه ..
ـ آسفه . بس تشبهين خالتي ..
طالعت الريم لأكل المرة وكسرت خاطرها .. طلعت صحن من الصحون اللي جهزتها وقصدرتها وعطتها اياه ــ تغدي يا خاله ..
ــ يابنتي هذا غداكم
ــ لا انا حاسبه حساب زياده .. مع السلامه ..

اول ماطلعت مسحت جوزة دموعها ..وهي تسمعها تقول لبوها ــ تشبه خالتي جوزة حتى في الصوت ..
ابو عايض ـ عيل يلا لانطول على البندري تراها تدق علي ..
ـ سرينا ..

فتحت جوزة الصحن وكلت من المجبوس اللي عطتها اياه الريم .. وتمت تبجي وهي تاكل .. مابتقول لاي حد حتى بناتها عن مصيبة معجبة ...ماتبي أي حد يطالع لأختها بشفقة ..رن جوالها كانت شيخه
ــ قوة يمه ..اشتقنا لج وينج ؟؟..
جوزة ـ يمه في حرمه اعرفها مريضة ومحد معاها ..بتم عندها اليوم وبرجع بكره ..
شيخه ــ انزين وين خالتي معجبة ماشفتها ؟...
جوزة ـ ليش ماقالت لكم ؟
شيخه ـ لا يمه ..شنو في ؟؟
جوزة ـ سافرت لبنان تدور الكوافيرة ..بترجع بعد اسبوع ....
شيخه ـ صج .. ليش ماقالت كنت سافرت معاها ..
جوزة ـ كانت مستعجلة .. خلاص يمه ديري بالج على البيت وخواتج وخصوصا ماجد ..

شيخه ـ ان شاء الله ..تامرين بشي ؟
جوزة ـ لا يمه سلامتج ..مع السلامه ..

ما ارتاحت شيخه ..حست ان في شي ورى غياب امها وخالتها مب طبيعي .. طلعت من غرفتها وشافت احمد يدخل غرفة ماجد ..
رجعت وأخذت شيلتها وجلست في الصالة .. في راسها شيء .. لكنها مب متأكده من جرأتها .. نزلت نوير من غرفتها ودخلت المطبخ ..
ــ نوير ..
ــ شيخه مو وقتج .
ــ نوير احمد عند ماجد بأي لحظة بيطلع وانت بدون ملفع ..
أشرت نوير للخدامه تجيب لها ملفعها من غرفتها ..
سوت لها نسكافية وتمت واقفة لين جت الخدامه معاها الشيلة ..
ــ بشرب النسكافية في الحديقة . .
رجعت شيخه للصالة وانتظرت ..
بعد نص ساعه اسمعت صوت الباب .. عدلت ملفعها ووقفت ..
ـ السلام عليكم ..
شيخه ـ هلا ولد عمي .. تفضل اجلس اشرب قهوة ..
استغرب أحمد ..
ــ شخبارج شيخه ؟؟.. شلونج ؟؟ ..
ــ الحمدالله بخير دامك بخيـر ..
أحمد ـ وشلون خواتج ؟؟..
ابتسمت وهي تعطيه قهوته ــ بخير .. أدري قصدج نوري ..
قال احمد متوتر ــ قال لج ماجد ؟
شيخه ـ لا ماقال .. لكن وصلني الخبر ..
أحمد ــ عيل صححي معلوماتج .. انا بتزوج بنت خالي ..
استغربت شيخه ـ لكنك حيرت نوير ..
حط أحمد فنجاله على الطاولة ـ ايه . مأساة لم تخطط لشيء وتكتشف ان هلك مخططين لك شيء ثاني ..
شيخه ـ شلون ؟
أحمد ـ تولعت بنوير من شفتها .. وطلبتها من ماجد .. من اسبوعين عرفت من امي انها خطبت لي بنت اخوها ..صارت هوشه عوده ..بس ابوي بعد مشادته مع ماجد قرر يوقف بصف امي .. ونوير مب من نصيبي .. الله يرزقها باللي احسن ..

وقف احمد وسلم على شيخه وطلع .. وهو في طريقه لمح طيفها في الحديقه .. قرب منها
ــ السلام عليكم ..
ــ وعليكم السلام ..
ــ شخبارج نوير ؟
كانت نوير تكلمه بدون نفس ـ بخير ..
نزل أحمد راسه وانسحب لسيارته ورجع بيتهم .. دخل غرفته من غير مايكلم احد ..
طقت رباب الباب لكنه مارد عليها .. بنت خاله مب شينه ..لكن قلبه يبي نوير ...لكن طريقة نوير في الرد عليه ماكانت طبيعيه ..هل كانت تعرف انه اعتذر من ماجد .؟..حس بقهر ...التفت على جنبه وغمض عيونه متجاهل صوت رباب على الباب .
************


راحت لها شيخه للحديقة كانت نوير جالسه تحت ظل شجره ووقت العصاري مع ان الجو كان حار بس كان في هوا خفيف
.. قالت نوير باستخفاف
ـ فاتج عريس الغفله ..كان يحاول يسوي جو الاخ .
جلست شيخه وقالت ـ غريبة ..
التفت لها نوير ــ شالغريب ؟
طالعت شيخه للشجر تحاول ماتحط عيونها في عيون نوير ــ ماعاد عريس الغفله ..
ــ شلون ؟
شيخه ـ بعد ماتهاوش ماجد مع عمي ..امه خطبت له بنت اخوها .. فاعتذر من ماحج في موضوعج .

تمت نوير سرحانه في قلاص النسكافية .. قالت بصوت واطي ـ أحسن بعد .
استغربت شيخه وأسألت نفسها ((معقولة انتهت قصتهم قبل لاتبدأ ؟؟))
قامت نوير تبي تروح ..
شيخه ـ وين رايحه ..
نوير ـ الجو حار ..وأنا أشرب نسكافيه ..أحس بطق من الحراره .. بدخل لغرفه وافج الكنديشن وايلس عالنت ..
شيخه ـ تنتطرين عايض ؟
نوير ـ لا ..حذفت ايميله في الزباله .. مب ناقصة ..
قامت شيخه ودخلت داخل وراحت لغرفتها ..هالصيف كان غريب .. والاغرب انهم اربع خوات كل وحده منعزلة عن الثانية .. صافية اللي ماتطلع عن محرابها ..وشمس اللي مع ولدها في غرفتها من الظهر .ماجد في غرفته يرتاح ..ونوير اختارت تبتعد ..
هالصيف اللي قرب ينتهي .. صارت فيه أشياء وايد ..أشياء ماتخطر على البال .. خطوبة صافية زواج وطلاق الريم ..وانسدل الستار عن حقيقة خالتهم ..خطوبة نوير القصيرة ..جاسم ..كل شيء ينهار ..كل شيء ينهار ..
طلعت برا غرفتها وجلست في الصالة تطالع التلفزيون بملل ..
*****************
كانت البندري كأنها انسانه ثانيـة .. تغيرت وايد ..وماعرفت الريم شسبب تغييرها ..لكنها صارت انسانه افضل من الوحش اللي كانت عليه ..
حتى ابوها تغيـر .. لما كانت تشوفه يضحك ويسولف معاها ..كأنه رجع عشرين سنه لورى ..
رجعت البيت ويلست شوي مع جدها وجدتها بعدين رجعت الغرفة وحبست نفسها في كآبـة ..
رن جوالها كان رقم غريب .. لكنها ماقدرت تتجاهل احساسها
ــ ألو ..
ــ ليش تردين على رقم غريب ؟
همست ـ فايز ؟ ..
*********
يتبــع




انتظـروا الحلقة الأخيــرة :)

°MoOOoN Q6R°
14-04-2008, 05:40 PM
فايز قهرني تخلفه وشفيها اذا امه هنديه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مب سبب ولو كان يحب الريم جد ماكان طلقها على هالسبب

يالله يرد المياه لمجاريها اعتقد انه بيردها !!

بنتظار الجزء الاخير مع ان الود ودي ماتخلص القصه :(

ويعطيج الف الف عافيه

غجرية
14-04-2008, 06:06 PM
فايز قهرني تخلفه وشفيها اذا امه هنديه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مب سبب ولو كان يحب الريم جد ماكان طلقها على هالسبب

يالله يرد المياه لمجاريها اعتقد انه بيردها !!

بنتظار الجزء الاخير مع ان الود ودي ماتخلص القصه :(

ويعطيج الف الف عافيه

:blush: ويعافيج .. خلاص لكل قصة نهاية وترى بدت الافكار تستهلك نفسها .. فايز .. مب سبب عقدته امه بس ..سبب عقدته الناس فحب يجنب الريم هالالم ..


شكـرا مون قطر للمتابعه الطيبه والرد الطيب .. :flower:

عيون السهاد
14-04-2008, 06:12 PM
حرررررررررررررام ليش جي يصير ف معجبة

تدرين ,, مايبتي شي من الخيال

هاي مستشفى حمد كله جي:s28:

مايعرفون شي.. يقصون اشياا

ويحرمون الحريم من حق الامومـة

الله ياخذ العدو بس


نوير؟؟ مابتاخذ لا عايض ولا احمد

عيل من ؟؟:s23:


شيييخة ضايعه بالطوشه :(

ريم فديتها انواع الطيبه

الله يجمعها مع فايز .,,

بس مافيها شي لو امه هنديه !!!!

تسلمين غجرية ,, يعطيييج الف عافيـة


بانتظار الجزء الاخيييير على احر من الجمر ,,

Smile Face
14-04-2008, 07:17 PM
الله الله جزء خطيـــررر ..

أحلى شي ان رجعت علاقة ناصر مع زوجته هدى .. صج ان كاسره خاطري معجبه لكن هذا اللي صار !

ان شاء الله تتعدل الاوضاع بين فايز والريم بعد هالمكالمه اللي ماسمعنا منها الا البدايه ^_^

منتظره الجزء الاخيـــر .. ابيه بسرعه

ولو اني مابي القصه تخلص إهئ

ان شاء الله يكوون طووووووووويل :)

الله يعطيج العافيه

Smile Face

مناير الدوحة
14-04-2008, 08:41 PM
ماعنده سالفة فايز..في حد يستحي من أمه؟؟

ياااارب يحن قلبه عالريم..ويرجعها..مايستاهلون إلا بعض

و نوير كسرت خاطري..لاطالت ماجد ولا عايض..الله يرزقها بأحسن منهم

أكثر شي عجبني..مقطع ناصر وهدى..المكابر وخش المشاعر ماينفع بالذات بين الأزواج

إن شاء الله الأحداث اللي فبالي كلها تصير :s7:

بإنتظـــــــــار البارت الأخير :)

شوق الجنة
14-04-2008, 09:09 PM
رووعة هالبارت وخصوصاً أنج أسهبتي في شرح التفاصيل .. :good2:
أعجبني كلام عايض لفايز ورايه عين الصواب والجميل أنه متفهم الموقف ويحاول يعيد المياه لمجاريها ..
استغربت الفجوة الكبيرة والحوجز اللي تفصل بين ناصر وهدى، وكلاً وعالمه الخاص طول هالسنين ..
معجبة كسرت خاطري، مالها نصيب ، ودفعت الثمن غالي !
جوزة لاعزاء في حالتها وحالة بناتها :(

ما ودي تكمل القصة :cry:
وتسلم الأنامل المبدعة يا غجرية ، أبدعتي.. ^_^

النـوري
14-04-2008, 10:05 PM
متآآآبعييين

= )

ملاذ الروح
14-04-2008, 10:10 PM
متابعين وياج غجريه
يعطيج العافيه:flower:

ولد بني خالد
14-04-2008, 10:16 PM
انا متابــع بس مارديت الاسبــوع اللي طاف

والحين بقرا هالبارت وبرد عليج وياويلج ياسواد ليلج لو سويتي

شي في ( الريــم ) ... ابيهــا دوووووم هابي فيس

:s27:



يعطيج العافيه ونطري تعليقي اللاذع ... ^_^



اخوج
ولد بني خالد

معانده الهم
14-04-2008, 10:50 PM
حلووووو واااااااايد البارت


انتهت فيه قصص مثل نااصر

ناصر رجع لحياته واستعاد مرته وعياله بس عقب مادمر معجبه

حراام شلون جي سوت العمليه واخرها يشلون الرحم كااسره خاطري واايد


وهدى بعد كاسره خاطري كانت تعيش في متاهه لكنها وصلت والمحطه كانت قلب ناااصر السخيف


نوير مالها حظ انتهت خطوبتها قبل لا تبدي وانتهت قصة الحب ويا احمد قبل لا تبدي بعد


ابي اعرف شالتكمله فايز اتصل فيها شنو شيبي شنو رده على كلام عايض ؟؟

شنو التبرير ؟ بيرد لها ولا؟ حن قلبه لها تذكرها وتذكر وعوودها



جزء خطيييير
يعطيج ربي العاافيه وعساج على القووه

غجرية
16-04-2008, 10:05 AM
حرررررررررررررام ليش جي يصير ف معجبة

تدرين ,, مايبتي شي من الخيال

هاي مستشفى حمد كله جي:s28:

مايعرفون شي.. يقصون اشياا

ويحرمون الحريم من حق الامومـة

الله ياخذ العدو بس


نوير؟؟ مابتاخذ لا عايض ولا احمد

عيل من ؟؟:s23:


شيييخة ضايعه بالطوشه :(

ريم فديتها انواع الطيبه

الله يجمعها مع فايز .,,

بس مافيها شي لو امه هنديه !!!!

تسلمين غجرية ,, يعطيييج الف عافيـة


بانتظار الجزء الاخيييير على احر من الجمر ,,


تسلمين للمتابعه الطيبه .. عقد فايز ناتجه عن كلام الناس ...

ومعجبة .. حاله من هالحالات الي تعور القلب .. أشكـرج لمرورج الطيب وانتظريني يوم ااثنين ان شاء الله . :flower:

غجرية
16-04-2008, 10:15 AM
الله الله جزء خطيـــررر ..

أحلى شي ان رجعت علاقة ناصر مع زوجته هدى .. صج ان كاسره خاطري معجبه لكن هذا اللي صار !

ان شاء الله تتعدل الاوضاع بين فايز والريم بعد هالمكالمه اللي ماسمعنا منها الا البدايه ^_^

منتظره الجزء الاخيـــر .. ابيه بسرعه

ولو اني مابي القصه تخلص إهئ

ان شاء الله يكوون طووووووووويل :)

الله يعطيج العافيه

Smile Face


هلا والله سعيدة بهالحضور .. ان شاء الله الجزء الأخيـر بيكون طويـل أطول من العاده .. شكـرا لهالمرور الطيب والتعليق الجميـل كل الود :flower:

غجرية
16-04-2008, 10:20 AM
:flower:ماعنده سالفة فايز..في حد يستحي من أمه؟؟

ياااارب يحن قلبه عالريم..ويرجعها..مايستاهلون إلا بعض

و نوير كسرت خاطري..لاطالت ماجد ولا عايض..الله يرزقها بأحسن منهم

أكثر شي عجبني..مقطع ناصر وهدى..المكابر وخش المشاعر ماينفع بالذات بين الأزواج

إن شاء الله الأحداث اللي فبالي كلها تصير :s7:

بإنتظـــــــــار البارت الأخير :)


ان شاء الله .. أشكـر تواجدك والمتابعة الطيبه .. أسعدني حضورك .. وفايز مايستحي بامه لكن الناس تحط من قدره فآثر الكرامه ..

مصوره مستقبلا
16-04-2008, 10:23 AM
ماشالله ننتظر المزيد

غجرية
16-04-2008, 10:35 AM
رووعة هالبارت وخصوصاً أنج أسهبتي في شرح التفاصيل .. :good2:
أعجبني كلام عايض لفايز ورايه عين الصواب والجميل أنه متفهم الموقف ويحاول يعيد المياه لمجاريها ..
استغربت الفجوة الكبيرة والحوجز اللي تفصل بين ناصر وهدى، وكلاً وعالمه الخاص طول هالسنين ..
معجبة كسرت خاطري، مالها نصيب ، ودفعت الثمن غالي !
جوزة لاعزاء في حالتها وحالة بناتها :(

ما ودي تكمل القصة :cry:
وتسلم الأنامل المبدعة يا غجرية ، أبدعتي.. ^_^

يسعدني جدا ان البارت نال اعجابج .. بالنسبة لناصر وزوجته الكبرياء ومايسوي .. مايعني ان المرأة مالازم تتحلى بكبرياء لان شفنا نتائج هالاتجاه في معجبة .. لكن الوسط هو الافضـل ... للاسف القصة وصلت لنهايتها .. ماودي يخلص هاللقاء الاسبوعي معاكم لكن لكل امر نهايته .. أسعدت بنتواجدكم ومتابعتك رائعتنا ومبدعتنا شوق الجنة .. :flower:

غجرية
16-04-2008, 10:38 AM
متآآآبعييين

= )

وانا سعيده جدا بهالمتابعه .. :flower:

غجرية
16-04-2008, 10:42 AM
متابعين وياج غجريه
يعطيج العافيه:flower:

ويعافيـج ..سعيده للمتابعه شكـرا الغلا ..

غجرية
16-04-2008, 10:48 AM
انا متابــع بس مارديت الاسبــوع اللي طاف

والحين بقرا هالبارت وبرد عليج وياويلج ياسواد ليلج لو سويتي

شي في ( الريــم ) ... ابيهــا دوووووم هابي فيس

:s27:



يعطيج العافيه ونطري تعليقي اللاذع ... ^_^



اخوج
ولد بني خالد

الحمدالله ماسويت فيها شي هالبارت :sweatdrop.. بس يمكن الاسبوع اللي جاي أسود عيشتها شوي :kkk:ز. سعيده بالمتابعه وكل الشكر
ناطره التعليق الاذع مع اني اشك .. أعرفك تيب :s23:

غجرية
16-04-2008, 10:53 AM
حلووووو واااااااايد البارت


انتهت فيه قصص مثل نااصر

ناصر رجع لحياته واستعاد مرته وعياله بس عقب مادمر معجبه

حراام شلون جي سوت العمليه واخرها يشلون الرحم كااسره خاطري واايد


وهدى بعد كاسره خاطري كانت تعيش في متاهه لكنها وصلت والمحطه كانت قلب ناااصر السخيف


نوير مالها حظ انتهت خطوبتها قبل لا تبدي وانتهت قصة الحب ويا احمد قبل لا تبدي بعد


ابي اعرف شالتكمله فايز اتصل فيها شنو شيبي شنو رده على كلام عايض ؟؟

شنو التبرير ؟ بيرد لها ولا؟ حن قلبه لها تذكرها وتذكر وعوودها



جزء خطيييير
يعطيج ربي العاافيه وعساج على القووه


ان شاء الله الاجابة عن اسئلتج في الجزء الياي الختامي .. ناصر .. صج قلبه سخيف لكنه يبقى الرجل وابو الاولاد .. شكرا للتواجد والمتابعه .. :flower:

غجرية
16-04-2008, 11:10 AM
ماشالله ننتظر المزيد

شكـرا للمتابعه والمرور ... والمزيد يوم الاثنين باذن الله

ريما
17-04-2008, 11:38 PM
متاااااااااااااااااااااااابعه بشغف

نبض الطفوله
18-04-2008, 10:27 AM
مرحبا ...

اخبارك غجريه؟؟؟؟ وكيف الحال ؟؟؟

أنا من زمان اتابع القصه بس خلف الكواليس , وصراحه جنااااااااااااان ...

والجزء اللي ماقبل الأخير يقطع القلب ..

صراحع كلهم كوم واللي صار لمعجبه كوم , اكثر شيء احزني مو انهم استئصلوا رحمه , لكن انه اكتشفنا انها في حياة ناصر اللي كان السبب بكل اللي صار لها مجرد عابر سبيل , وانه زوجته نسته اياها بعد كل اللي صار , وبقت معجبه بدون ولد او زوج ....

احم احم احم اتوقع في شيء اسمه زراعه رحم ( مجرد فكره )..

شمسه ياحبي لها , اكثر شخصيه احبها في القصه ,تدرين كنت اتمنى انها تتزوج سلطان , زي حالتها مطلق وعنده ولد , بس عايض يهبل بعد ..

الريم إن شاء الله ترجع لفايز , وتتزوج شيخه جاسم ....


***
سؤال؟؟؟
ممكن اعرف اذا خلصت هذي القصه هل راح ترجعين تفتحين قصتك الثانيه الجدران البيضاء لأننا صراحه مشتاقين لك ول أمل وسالم مرررررررررررررررررررررررر؟؟؟؟

وكل الشكر لك ...

..:nice:

غجرية
19-04-2008, 03:48 AM
متاااااااااااااااااااااااابعه بشغف

:wub: سعيدة بالمتابعـة .. ألف شكـر

غجرية
19-04-2008, 03:55 AM
مرحبا ...

اخبارك غجريه؟؟؟؟ وكيف الحال ؟؟؟

أنا من زمان اتابع القصه بس خلف الكواليس , وصراحه جنااااااااااااان ...

والجزء اللي ماقبل الأخير يقطع القلب ..

صراحع كلهم كوم واللي صار لمعجبه كوم , اكثر شيء احزني مو انهم استئصلوا رحمه , لكن انه اكتشفنا انها في حياة ناصر اللي كان السبب بكل اللي صار لها مجرد عابر سبيل , وانه زوجته نسته اياها بعد كل اللي صار , وبقت معجبه بدون ولد او زوج ....

احم احم احم اتوقع في شيء اسمه زراعه رحم ( مجرد فكره )..

شمسه ياحبي لها , اكثر شخصيه احبها في القصه ,تدرين كنت اتمنى انها تتزوج سلطان , زي حالتها مطلق وعنده ولد , بس عايض يهبل بعد ..

الريم إن شاء الله ترجع لفايز , وتتزوج شيخه جاسم ....


***
سؤال؟؟؟
ممكن اعرف اذا خلصت هذي القصه هل راح ترجعين تفتحين قصتك الثانيه الجدران البيضاء لأننا صراحه مشتاقين لك ول أمل وسالم مرررررررررررررررررررررررر؟؟؟؟

وكل الشكر لك ...

..:nice:

:blush: ياهلا والله .. أخبارج ؟؟ ما أبي أقلب الموضوع سوالف .. بس فرحت بشوفتج هنا ..وضحكت على سالفة زراعة الرحم لان ماسمعت شيء شبيه :a43:..

أسعدني مرورج جدا .. والجدران البيضاء ما أدري اذا بقفتحها ولا لاء ..لأن صراحه هالقصة عفتها وماكتبت فيها حرف زياده ليش ؟؟ .. ما أدري كنت أبي لها نهاية سعيده ومع المزاج الي انا فيه .. بسوي مجازر >>>نغزة لمتابعي بكاء :kkk:..

أسعدني جدا حضورج وتواجدج ... بقرر هالاسبوع اذا برجع لها او لأ ... انتظري قراري :) .. كل الود

عيون السهاد
21-04-2008, 12:18 PM
غجرررية

احم ..

ووينج

فالانتظـــــــــــــاااااااار :) :blush:

ريما
21-04-2008, 01:23 PM
:blush::sweatdrop:s23::wub:
سويت كل شي انطر الحلقه الاخيره

°MoOOoN Q6R°
21-04-2008, 02:25 PM
كلـنـا بالانـتظـار :)

ولد بني خالد
21-04-2008, 02:45 PM
كان ودي ارد رد طويل بس والله تعبان من قلب زكــام وحالتي حالــه

بس بقول لج المواقف اللي شدت انتباهي ع السريع ... :

اول موقف عجبني من قلب هدى وناصر لانهم ردوا لبعض واهم شي ناصر نسى وحده اسمها هدى

وعندج موقف ( معجبه ) يوم شلت الرحم واعتقد انج حاولتي تبيني ان مستشفى حمد فشلــه بس

تكفون لحد يسبهــم لانهم بعد فضل الله كانــوا سبب في حياتي ...^_^

وعندج ( عايض ) حلــو كلامه مع ( فايــز ) عشت الجو والله قريته المقطع فوق الــ5 مرات عجبني من قلب


بدعتي اختي ( غجريه ) خلي ردي اللاذع حق المقطع الاخير ... اعرفج بتزوجيني من ( الريم ) ..خخخخ



اخوج
ولد بني خالد

كنده
21-04-2008, 03:38 PM
احم احم



قلبي الشيخه .. حبــــي

لا طولين ! @@ << ترى ما اقدر اعدي وقلبي عند القصه




شخباااااااااااااااااااارج << وحشتيني يالدبه .. :)




على فكره كل ما لج وتخليني انببببببببهر بابداعج .. كملي افكارج فنانه حدها ..


::)

معانده الهم
21-04-2008, 06:59 PM
ماتشووف شر ولد بني خالد





واحنا في الانتظااار غجريه

نبي جزء طوويل يبرد القلب

بما انها الحلقه الاخيييره

جنون الحب
21-04-2008, 07:28 PM
مرحبوووش

انا مارديت على الجزء

لاني كنت .. نزهقه .. منصدمه .. منقهره ...

كلها حرف الهاء في الأخير

صراحتن يعني

ودي اذبح ناصر ..

نساها .. لهدرجه نساها .. شوف نتيجه افعالك يا محترم

راح الرحم وانته عندك عيال وبتقدر تجيب غيرهم لكنها هي ماراح تقدر تجيب اي طفل .. حرام .. في ذمتك يا ناسي العشره ..

واصلا المفروض هدى تعاقبه .. لانه كان بعيد من البدايه .. ماتقرب منها كان نافر منها .. بس مجرد شكليات .. والحين وجدت الحب مو على اساس معجبه هي الحب .. صدق الرجال مالهم امان ..


عايض وفايز .. حوار جداً راقي وجميل ..

عجبتني حركه فايز مو قلت لج لا تردين على اي رقم غريب ..

اخ على الرومانسيه الي راح نشوفها بعدين ..


شمس هل راح توافق على عايض ..
صافيه بتتزوج خليفه مدري شسمه وهل راح تنسى كلام اخته اللاذع ؟ بالأحرى الجارح ؟


شيخه بتتزوج جاسم؟

هل راح تسامحه ولا .. قدرها غير جذيه ..

نوير ..

هالبنت اللي قلبها مسكين ..

مادري حالتاه صعبه ..

ماجد .ز
هل يحب رباب ؟
ولا بس جذيه قضيه ثأر من عمه واهله ؟ ولا هي تصرفاتها حقيرة وياه لانها تحبه ؟


معجبه ..
اي عليها هالفقيرة المسكينه
مو نا قايله لج من البدايه هالنويصر مامنه فايده ماسمعتي كلامي ..

تدرين اللي تكسر الخاطر اكثر ..
جوزة

شتحمل في قلبها شتخلي ؟
الله يست بس وما يصيدها شي ..


الريم ..

هل راح ترد لفايز اكييد

اممم بس بشرط عاد

تسوي لي عشا وتدزه لي حالابالاً لاني يوعانه وابي اقرا الجزء الأخير وانا اكل
ولا اجيب علبه محارم ؟ يا غجرية..


قلبي معورني الجزء الأخير راح ينزل ..

اممممم

اقترح تعدلين مزاجج وتبدين تكتبين في القصه الثانيه .. لانها اكشن بشكل ماحصلش ِ



اعطر تحاياي ..

جنوون الحب .. زينووة :8888:

القوة الفلسطينية
21-04-2008, 10:02 PM
قصة قوية فعلا يعطيك العافيه

غجرية
21-04-2008, 11:00 PM
عيون السهاد :ياهلا والله كاني ييييت ..

ريمـا : متأكده كل شيء جاهز ؟؟


مون قطر : ادري تأخرت بس صج يلا طردتاخوي عن جهازي .. يالس على النت طول اليوم وانا دمي يغلي ابي اكتب البارت الاخير وهو محتله .. شباب بلشه

ولد بني خالد : سلامات من الزكام ..ولاتطري لي مستشفى حمد .. ترى ضغطي مرتفع منه !! ..

كنده : ياهلا .. يا هلا بأحلى الحضور والله .. عروس بعدوا عنها .. هلا والله فرحت بشوفتج ..لاتخافين البارت الأخيـر في الطريق ..

معانده الهم : ان شاء الله يبرد القلب وما اكسر بخواطركم ..


جنون الحب : ايه زين رزيتي عمرج ورديتي .. شوفي مهما كنتي (حرف الهاء بالاخيـر )) بس ابي اشوف هالحضور الحلو الله لايحرمني منج .. جهزي علب الفاين ..


القوة الفلسطينية : ياهلا .. من شفت اسمج وانا جاتني الصيحه .. الله يعين بس :)

غجرية
21-04-2008, 11:01 PM
في البداية اتمنى اني ما اكن نسيت حد .. أشكـر كل اللي تابعوا القصـة .. والحمدالله وصلنا للنهايـة سالمـين ..































































































شتدورون ؟؟








































































ايه نسيت .. البارت .. احم ..جهزوا علب الفاين ... الخالدي مزكم حرام يعديكم :s7:

السنوير
21-04-2008, 11:02 PM
انشالله الحلقةالاخيرة تكون حلوة

غجرية
21-04-2008, 11:05 PM
جلس فايز في كوستا كوفي في المطار وبدون شعور لقى نفسه يكلم الريم.. كان معاهد نفسه انه يبتعد عنها .. لكن شلون يبتعد عن روحه ؟؟
ــ أخبارج ؟
ماقدر يأكد لها اذا هو فايز لأنه شك بنفسه ..
الريم ـ فايز ؟؟ أنت فايز ؟؟ ..
ابتسم وهو يتخيل ملامحها .. طالع كوب الاتيه اللي جدامه وقطعة السينابون .. أكل شوي وشرب من الاتيه وهو يحاول يستجمع نفسه ..
ــ شفت عايض .. .......
حست الريم انها بتختنق.. حست أنه يتفضل عليها بكلماته .. حسته عايفها ..وبدون وعي نزلت دموعها لكنها اكتمت شهقاتها عن لايسمعها ..
ــ انت في امريكا ؟
ـ كنت ..
تمت ساكته ..استغربت من نفسها .. لين خمس دقايق طافت وهي تفكر ان في كلام واايد ماقالته له .. كلام وايد لدرجة انها مب قادرة ترتبه في سطور.. كانت واعده نفسهاانها مابتسكت ..بتقول كل شيء .. حتى لو كان كلامها مثل كلام المجانين .. لكنها في هاللحظة .. تبي تقول كلمة وحده ..لكنها تحس أن فايز مب سامح لها .. تغمض عيونها تحاول تدور أي موضوع أي عتاب أي كلام حب ,,لكنها حست بنفسها ضايعه في ظلام دامس ..ومافي أي كلمة أو أمل بيطلعها من هالعتمة .

طال سكوتهم .. هو ناطرها تتكلم ..وهي ناطرته يتكلم ..هو ناطرها تعاتب وتبوح له عن مشاعرها .. أو على الأقل تسبه أنه قليل أصل مب قد الوعد .. وهي ناطرة منه أنه يقول لها انه أخطأ بقراره وأنه آسف وأنه يبيها ترجع له .. تبي تسمع منه كلمات حب .. رغم أن الكلمات هذي مابيكون لها معنى لان نظرة عيونه تكفي ..لكنها تبي منه تأكيد أنها أثرت فيه .. أنه مثلها يسهر الليالي بس يفكر فيها ..

وبوقت واحد تكلموا ـ الريم
ـ فايز..

بعدين سكتوا .. عجزت الكلمات ..وعجزت الأنفاس عن انها توصل لبعض احساسهم ...
فايز ـ انتي تكلمي أول ..
الريم ـ انت اللي دقيت .. ومانطقت الا كلمات معدوده .. وحتى ماكملت جملتك ..
وقف فايز وشال أغراضه ودفع الحساب وقام يتمشى .. وهو حاط التلفون على اذنه..
ـ كنت أقول اني شفت عايض .. ووصل لي أمانتج .. الريم أنا وعدتج وأخلفت وعدي .. مب أول ولا آخر واحد يخلف بوعده ..

جلست الريم على سريرها ببطء .. حطت التلفون على الطاوله بعد ماحطته على السبيكر .. امسكت بوساده وانهارت تبجي تكتم أنفاسها عن لاتوصله .. وتم صوته يوصل لمسمعها ..

ــ الريم .. عيشي حياتج .. بعد هالشقى تستاهلين انج تعيشين طبيعية .. ماتستاهلين معقد مثلي .. والله يالريم تعبت .. تعبت وما أبي أشقيج معاي ..ليتني ماعرفتج وليتني مادخلتج حياتي .. ولا دخلت في حياتج .. ماتعرفين شالعذاب اللي انا فيه .. ماتدرين شقد متحسف اني عفست حياتج ودمرتها ..

كانت الريم مع كل كلمة تبجي أكثر وهي حاطة يدها على حلجها تكتم أناتها ..
ــ الريم . .. انا حاضر لأي شيء تبينه .. وأنا متأكد أنج بتلاقين الزوج المثالي .. بتلاقين الرجل الطبيعي اللي تسعدين معاه ..

حذفت الريم المخده من حضنها ومسكت التلفون وصيحت وهي تبجي بقوة
ــ ما أبي غيرك يالغبي .. ولا أحب غيرك ولا بحب بعدك ..
وقفلت التلفون وحذفته على الجدار وشافت أجزاءه تتناثر حست أن قلبها هو اللي يتناثر مب جوالها .. تمددت على السرير وتمت تبجي لين نامت ..

***************

جلست جوزة في الصالة وهي تحاول أنها تكون طبيعيه .. لكن ملامح معجبة لما درت بالخبر كانت في بالها .. اختفت الحياة من عيونها ولونها انطفى.. وتمت تطالع الدريشة .. يكلمها الطبيب ويشرح لها وهي تطالع الدريشة حتى ماذرفت دمعه .. مسحت جوزة دموعها أول ما انتبهت لصوت حد جاي ..
دخلت صافية كانت لابسه بدلة ألوانها روعه الاصفر والمشمشي تداخلوا مع بعض ..فردت صافية شعرها وكانت حاطة شوي قلوس ومسكرا .. وشيلتها على جتفها..
ــ يمه انتي تبجين ؟؟
جذبت جوزة ـ من الفرحة يا بنتي .. من الفرحه ..
ابتسمت صافية منحرجة ..
دخلت شيخه للصالة وباست أختها العروس ــ مبروك أختيه ألف مبروك .. منه المال ومنج العيال ..
استحت صافية ــ الله يبارك فيج عقبالج ..
شيخه ــ ايه عشتوا مستحية الأخت ..
جوزة ـ فجي عن اختج شيخوه .. الحين بيي ريلها وانت بتعقدينها ..
شيخه ـ وأنا أقول شالجمال وشالحلاة .. الله .. يستاهل خليفوه ..
نزلت نوير وكانت لابسه دراعه عنابية بأطراف ذهبية ..دخلت وهي مترددة ونادت شيخه ..
ــ أبيج ..
جوزة ـ نوير ماباركتي لأختج ؟
صافية ـ باركت لي فوق . وهي اللي سوت شعري يمه .
ـ عن اذنكم ..
لحقت شيخه بنوير وهي مستغربة .. نوير ما كلمتها من كانت بالحديقة بعد ماخبرتها عن احمد .

دخلت غرفة نوير اللي كانت عفسه ..
شيخه ـ ليش ماترتبين غرفتج ؟
نوير ـ كنت أدور شيء سنع ألبسه وما فضيت .. تعالي كنت أسوي شعر صافية وقالت لي عن ريلها ..
شيخه ـ سو وات ؟؟ .. وليش متكشخه ؟
نوير ــ ما أدري أمي قالت لي اتكشخ .. شوفي ..في سالفة في بالي وما أقدر أكتمها .. بس الحين صار الزواج .. وما أدري اقولها لمنو .

وبملخص سريع قالت لها عن اخت خليفة . ..
تفاجأت شيخه بس ابتسمت ..
نوير ـ ليش شاجه الحلج ؟
شيخه ـ مستانسه .. الحمدالله انج انتي اللي طلعتي لها مب اختج ..
نوير ـ بس أقولج كانت نوريه بالحجي .. ومصدقه عمرها و من هالغرور البشع .
شيخه ـ وانا اقول لج الحمدالله ان انتي اللي طلعتي لها مب اختج .. تدرين ليش ؟لان لو صفصف سمعت هالحجي ماكانت تزوجته ..ولاكان رضت فيه .. بس مكتوب لها تاخذ هالمغلوب على أمره خليفه .. تدرين ليش ؟؟ لانهم يشبهون بعض وايد .. تدرين ششروطه ؟ .. أنه مافي اغاني في العرس .. اناشيد وبس .. وصافية ماتطلع للحريم ولاتلبس من هالكاشف .. الريال الحمدالله متدين و يعرف الله ..والاهم انه مثل اختج..
ابتسمت نوير ـ يعني وافق شن طبقة ؟
شيخه ـ عليج نور ..وبيني وبينج صافية مرتاحه له وايد ..والاحلى .. انه كان يبيها من قبل ..قبل حكم البراءة..
نوير ـ يعني ما اقول لها شي ؟
شيخه ـ لاتقولين لها ولاتعقدين حياتها .. سوي عمرج ما سمعتي بشي ..
نوير ـ ريحتيني .. من قالت لي صافية عن خواته وانا متعقده ..
شيخه ـ لا ريحي راسج .. مافيه من هالعقد .. تعالي تحت نيلس مع امي ..تراها مب طبيعيه من ارجعت من الطبيب .. هذا رابع يوم وهي على هالحالة ..بس ودي اعرف من هالحرمة اللي تداريها ..

******

دخل خليفه للمجلس وكانت صافية تنتظره مستحية..
من أول نظرات ألفوا بعض .. ارتاحت له وايد ..
ــ مبروك ..
ــ الله يبارك فيك ..
جلس على الكنبه الي مقابلتها .. وتم يطالع لها ويتأمل براءتها ..
ـ حبيت اشوفج عشان أتأكد من رضاج ..راضية ؟
صافية ـ الحمدالله ..
خليفة ـ وبشروط العرس ؟ اذا في خاطرج شيء لاتستحين ..
صافية ـ بالعكس .. أنا راضية .. ولا اقبل بغير هالشيء .

وقف وأعطاها هديتها واستأذن وطلع .. خذت صافية الخريطه ودخلت للصالة مبتسمة ..
جوزة ـ ها يمه .. شفتي ريلج ؟
صافية ـ أي يمه .. والحمدالله انه خوش ريال .. وان شاء الله يكون الزوج الصالح .
جوزة ـ ان شاء الله يمه ..
طلعت صافية لغرفتها دخلت غرفتها وفتحت الكيسة كان فيه وردة وهديتين .. الهدية الأولى .. انبهرت فيها تماما .. كانت قرآن في صندوق مذهب صحيح روعه
.والهدية الثانية كانت طقم ألماس .. سلسه ألماس ناعمه وفخمه مع الاسوارة والخاتم ...
طقت شيخه الباب ودخلت هي ونوير
ــ الله .. رووعه .. من مين هالقرآن ؟
صافية ـ من خليفه .
استغربت شيخه ـ هو جا ؟ ..
صافية ـ أي وجلست معاه وبعدين راح ..
شيخه ـ مسرع شفيكم ماتحملتوا دقيقتين على بعض ؟؟ .. ليش مايلست معاه ساعه ولاساعتين ؟
صافية ـ حبيبتي .. العمر جدامنا ان شاء الله ..وأنا ما أحب صراحه هاللقاءات .. لين العرس يصير خير ..
نوير ـ بس انتي خطيبته ومالجين .. المفروض تيلسون مع بعض تتعرفون على بعض ..
صافية ـ بنتعرف على بعض بعدين .. بعدين مابقى شيء كلها ثلاث اسابيع ..
نوير ـ أي ليش مستعيلين ؟؟ خذي وقتج في الجهاز ..
صافية ـ نوير مافي شي .. وانا مب ناوية اضيع فلوسي في ملابس ما بلبسها .. بشتري الاساسيات وبس ..وخير البر عاجله .. هو يشتغل وعنده بيت وجاهز من مجاميعه ..شننطر ؟

نوير ـ الله يوفقكم ..
***********

سمعت نوير امها تناديها ..انزلت تحت بسرعه ..
ـــ لبيه يمه ..
ــ نوير عندنا حريم تعالي يبي الشاي والقهوة ..
استغربت نوير ..مب عادة امها تناديها بهالطريقة ..واللي صدمها أكثر لما دخلت المطبخ لقت كل شيء جاهـز ..شالت الأغراض مع الخدامه ودخلتها وضيفت الحريم اللي كانوا حرمتين كبار لابسين بطوله وبنت حاطه شيلتها على جتفها ..
جوزة ـ تفضلوا حياكم الله نور البيت ام علي .. ماشفتج من عمر شخبار ولدج علي ؟
أشرت جوزة لنوير انها تطلع ..
ام علي ـ الحمدالله يا ام ماجد البيت منور بأصحابه وعلي الحمدالله ريال مابعده ولاقبله ..
استغربت جوزة ــ من هالحلوة .؟؟
أم علي ـ هذي بنتي سميه وهذي ام غلوم مربيتها هي وعلي وصالح من كانوا صغار..
جوزة ـ ماشاء الله عليها ..الله يخليها لكم ..
أم علي ـ تسلمين يا ام ماجد .. ام ماجد حنا يايين اليوم مثل ماقلت لج في التلفون يايين نخطب لولدنا ..
حست جوزة بارتباك ـ هذي الساعه المباركه .. يايين تخطبون لصالح ؟
ام علي ـ لا يا ام ماجد ..صالح زوجناه من سنتين وعنده ولد هالحين .. يايين نخطب لعلي ..
انصدمت جوزة ..قالت مرتبكه ــ والنعم والله بس خبري انه علي عود ومتزوج وعياله ماشاء الله ..وانا بناتي صغار ..
ضحكت ام علي ـ يا معوده علي طلق حرمته من شهور .. وبعدين بناتج يهال .. انا ابي له معجبة اختج ..

انصدمت جوزة وماقدرت تعلق ..حاولت تحبس دموعها قد الامكان ــ بس معجبة اختي مـ...
قاطعتها ام علي ـ مالقينا احسن منكم ياام ماجد .. بنتكم حلوة واخلاق وبنت اصل .. .. ومابنلقى احسن منها ..

حست جوزة بخنقه ..بنت اصل ؟؟ .. الحين تذكرتوا ؟؟ بعد كل المآسي اللي مرينا فيها ؟ بعد ماخربت حياة معجبة ؟؟ .. امسكت عمرها وحاولت تصير طبيعيه ..
ــ ان شاء الله بنرد لكم خبر بس أسأل البنت ..و.. أشوف رايها ..تفضلي القهوة يا ام علي ..
**************

غجرية
21-04-2008, 11:06 PM
كانت رباب في غرفتها تطالع اغنية اصاله في التلفزيون على قناة نجوم ..
(سواها قلبي يا حبيبي وحبك ماطاعني وانا عن الحب ناهيه
الظاهر انه مايبي غير قربك عاف الجميع واول الناس راعيه
عليه ما اوصيك لاصار جنبك صبح عليه بحب وبحب مسيه
نبضه وفا وبتضحياته يعجبك صافي ولكن مالقى من يصافيه
خلى الدروب الكل واختار دربك داريه قد فوق مافيك داريه
وابشر بقلب مايبي غير قربك يموت وغير محبتك ماسكن فيه ..

))
انتبهت للجوال اللي كانت حاطته على الصامت .. فتحت المسج من سناء..
(( رباب شسويتي .. رباب ارجوج ردي علي ؟))
حذفت رباب الجوال على السرير انفخت بقوة وهي تفكر ((شرد عليها ؟؟)) ..
رن التلفون وكان المتصلة سناء ... طنشت رباب ماتعرف شلون بترد عليها ..

اطلعت برا غرفتها وطقت الباب على اخوها اللي ماطلع من غرفته من يومين ..
ــ أحمدوه أبي أكلمك ..
فتح الباب بعد ما ارتزعت عشر دقايق جدام الباب بس تناديه ..
ــ شتبين يالعله ؟
رباب ـ أنا عله ؟؟ انزين شوف من اللي بيطلعك من ورطتك.
اول ماتبي تروح مسك يدها ــ تعالي .. دشي .
دفعها داخل الغرفه وكان شكله مبهدل بثوب النوم واللحية اللي ماحلقها والغرفه المبهدله .
ــ شتقصدين ؟
رباب ـ اعرف انك ماتبي بنت خالي سناء ..وفور ذا ريكورد ..شي از نوت انترستد.
عقد احمد حواجبه ـ ها ؟.؟ شقاعده ترطنين ؟؟ .
رباب ـ ادري انك تبي نوير وميت عليها .. وماتبي سناء .
أحمد ـ سناء مب شينه ..
تنهدت رباب ـ تدافع عنها ؟
أحمد ـ مب دفاع ..بس حق ..
رباب ـ أدري انها مب شينه بس اعرفك ماتبيها ..
احمد ـ خلاص امي خطبتها وخلاص ..
رباب ـ شنو خطبتها وخلاص .. شالقناعه اللي عندك هذا وانت تموت في نوير ..
جلس احمد على سريره ومسك تلفونه يقلب فيه
ـ يعني عندج حل ؟
رباب ـ الا الحل عندي .. شوف سناء ماتبيك ..وتخاف تردك ..
طالع لها احمد معصب ـ شنو ماتبيني ؟؟ بكيفها هي ؟؟ وشفيني انا ؟ شناقصني ريال طول وعقل و...
طالعته رباب قاطعته ـ ياعقدتكم يالرجال .. شوفي مب هذا القصد انت ماعليك قاصر بس .. القصد انها تبي تكمل دراستها برا .. وتبي تدرس طب ..اتعرف شنو يعني طب ؟
طالع لها بقرف ـ لا ما اعرف .. ششايفتني جدامج ؟
رباب ـ اوووف تعبتني بعصبيتك شوف سناء تبي تدرس طب يعني سبع سنوات وبتروح عند خالها في لندن.. يعني البنت عندها طموح وخطط مب مستوعبه فكرة الزواج الحين ولا انها تظل هنا في الدوحه .. وهي تبي تقول لاء ..بس خايفه من ابوها مع انها الدلوعه وطلباتها اوامر بس.. ابوها قال انه مابيرضى الا بردك انت .. انت اذا ماتبي ترخصها تروح وتكمل دراستها مابيخليها ..
حس احمد بذنب انه بيهدم طموح بنت متفوقه مثل سناء ..
احمد ـ بس هذا مابيحل مشكلتي ..
استغربت ـ وشنو مشكلتك ؟؟..
أحمد ـ نوير .. ابي نوير وابوج رافض ..
رباب ـ ليش ابوي بيرفض ؟؟ .. خل هالسالفه علي تعرف ان ابوي مايسمع لحد مثل مايسمع لي ..
احمد ـ خلاص ..بروح لخالي واتفاهم معاه ..
ابتسمت رباب واركضت برا واتصلت في سناء وبشرتها ..
***********

دخلت رباب الميلس كان ابوها يالس بروحه وبيده الجرايد
ــ السلام عليكم يا أحلى أبو ..
ابو نايف ـ وعليكم السلام يا احلى البنات .. يايتني الميلس وش عليه لازم السالفه جايده.
ضحكت رباب وهي تيلس بقربه ـ فديته اللي يفهمني ..فديته..
حب راسها وهو يضحك ـ يلا بيذن العشا باي لحظة اختصري موضوعج ..
رباب ـ اخوي احمدوه.
بونايف ـ شفيه اخوج؟
رباب ــ يبي بنت اخوك ,,
سكت ابوها وهو يطالع لها وبعدين صكر الجريده والتفت لها ـ هو طرشج ؟.
رباب ـ أي ولا .,.
بونايف ـ بعد اللي سواه ماجد ؟
رباب ـ بس يبه ماتلومه ..
عصب بونايف ـ شتقصدين ؟
رباب ـ يبه انت تعرف اخواني نايف وسعد .. كل يوم فضايح ..من بيزوج خواته لهالأشكال ؟
بونايف ـ عيب هذول خوانج ..
رباب ـ خواني ماشفت رقعه وجوهم من شهر .. يبه بذمتك لو ماجد في اخلاقهم وشينهم ويا تقدم لي بترضى فيه بس لأنه ولد عمي ؟
بونايف ـ لا مابرضى ... اففف يا رباب ..تعبت من اخوانج يابنتي .. قلت ازوجهم يمكن يتعدلون ويصيرون اوادم..
رباب ـ يبه فديتك .. انت ماقصرت معاهم بشي ..علمتهم الدين و صرفت عليهم بأحسن المدارس لكنهم فاشلين ..كافي دلع امي لهم والفلوس اللي حاضره لهم اربع وعشرين ساعه .. وحتى شغلهم لانه بالواسطة يطقون الكرت ويهيتونه .. ودايما يطرشون الدريول يطق الكرت بدالهم ..
سكت بونايف شوي بعدين قال ــ وانتي ليش مايبيج؟
رباب ـ يبه كنت تساومه على خواته .. طبعا بيرفض ..يبه احمد يبي بنت عمي ..ارجوك لاتكسر بخاطره ..عشان عمي ثامر الله يرحمه ..تذكر شلون كان طيب ؟
حس بونايف بالذنب من طرت اخوه ــ الله يرحمه ,بس اخوج خطبت له امج بنت خالج.
رباب ـ يبه البنت تبي تدرس طب وماتبي تتزوج ..والصبح راح احمد وتفاهموا على الموضوع ..

بونايف ـ شغلكم كله من تحت لتحت ؟
ضحكت رباب ـ لا والله يبه ..كله وليد اللحظة ..
سمعت رباب صوت الآذان ..وقف ابوها وحبها على راسها ـ بفكر يايبه وبرد لج خبر ..بروح المسيد الحين ..


شقصة رباب .؟؟ هل تحب ماجد ؟؟ .. طبعا تحبه رجل وسيم واخلاق ومجتهد .. لكن السبب اللي كانت تصده دايما انها يوم كانت صغيرة سمعت ابوها يقول لامها انه مابيزوج عياله من بنات اخوه ولا بيزوج بنته لولد اخوه .خصوصا بعد مارفض ثامر انه يطلق زوجته ...
.رغم انها كانت صغيرة الا انها سمعت السالفه وظلت تتذكرها دايما ..ولما التقت بماجد ايام ماكان يوصله احمد غصب عنها تولعت فيه وحبته حبت سوالفه مع احمد وطريقته لما يطالع لها .. لكنها كتمت مشاعرها وعاملت ماجد بغرور واستهتار وقللت من قيمته علشان مايحبها بدوره ومايتعرض للذل اذا تقدم لها ورفضه ابوها .. هي بنت جميله ومب قاصرها شي ,كانت مقتنعه ان نصيبها بيجيها ,لكنها ماتخيلت في يوم انها تحب انسان لحد الجنون مثل حبها لماجد .. اللي من اسمعت خبر الحادث اللي صارله من احمد وانهارت نفسيا وفقدت الوعي في نفس اللحظة .. .واستغرب احمد من ردة فعلها وواجهها لكنها اكتمت مشاعرها وقالت له انها كانت مرهقه ..

************

تمت نوير تبجي في غرفتها ..مرت شمس الغرفة لكنها مافتحت الباب ...حاولت شيخه لكنها مافتحت لها ..بالأخير طقت جوزة الباب
ــ نوره افتحي الباب
ـ اسمي نوير مب نوره وبعدين ليش تبون تزوجوني طايحه في جبدكم ؟؟
ابتسمت جوزة ـ يمه هالحريم مايوا يخطبونج .. يايين يخطبون خالتج ..فكي عمرج واطلعي اكلي لج لقمة انتي طول اليوم على لحم بطنج ..
فتحت نوير الباب وفي وجهها شبح ابتسامه منحرجه
ـ يعني مب لي ؟؟
جوزة ـ لا ..كنت اظن انهم يايين عشانج ..بس طلعوا يايين عشان اختي .. يلا ..نوير شالزباله ؟ ماتنظفين غرفتج ؟
نوير ـ يمه كنت متضايقه ..
جوزة ـ واذا متضايقه شالفوضى ..تعالي تعشي بعدين ردي خذي الخدامه ورتبي هالفوضى ..
نوير ـ برتبها بنفسي ما يحتاج ..
نزلت نوير وهي حاسه براحه ..وكلت بشهيه مفتوحه وشيخه تطالعها وهي تضحك ــ شفيج مفجوعه ؟
نوير ـ يوعانه ..
شمس ـ شكلج يضحك عيونج مطققه من البجي وخشمج احمر وقاعد تاكلين معادلتين مب مفهومهات هههه ..
ابتسمت نوير لختها .. وحست انها كانت ظالمتها مالها ذنب كافي انها تعذبت بحياتها ..
نوير ـ شسوي على بالي امي بتزوجني ..وانا قفلت في وجهي الدنيا ..
شيخه ــ مصيرج تتزوجين ..
نوير ـ مب بهالسرعه ..لين تتزوج شمسه وماجد وصافيه يصير خير..
جوزة ـ ليش يصير خير ؟صافيه بعد اسابيع ..شمس في العيد وماجد الصيف اللي جاي لما يتخرج ..
الكل طالع جوزة مستغرب واولهم شمس ـ شنننوو ؟؟
جوزة ـ ايه اللي عنده اعتراض يحتفظ فيه لنفسه ..
وقفت جوزة ومسكت عباتها وقالت ــ بروح للحرمه اياها ..ببات عندها لاتنطروني .
ضحكت شيخه بهستيريه ــ الحمدالله انا برا الحسبه ..
ردت جوزة ــ انت اول المخطوبين ..
عقدت شيخه حواجبها ـ شنو ؟؟
جوزة ـ احتفظوا باعتراضاتكم لاعماركم .. مع السلامه ..
اوقفت شمس وشيخه والحقوا بجوزة لكنها مااعطتهم وجه ركبت السياره وراحت ..
شيخه ـ شمس ..أمي شتقصد؟
شمس ـ اعتقد امي ملت من حالنا المايل فقررت كل شيء بدون اعتراض ..
شيخه ـ منو اللي خطبني ؟
شمس ـ من غيره ؟؟
شيخه ـ منو ؟؟
شمس وهي تضحك ـ راعي الدكان ههههههه .. وارجعت داخل جري تهرب من شيخه المعصبه ...
شمس ــ شفيج تستعبطين ؟
شيخه ـ جاسم ؟.. معقولة ؟؟
شمس بخبث ـ عندج مانع ؟
شيخه باستسلام ــ لامانع ولا دواس ...الله يستر.

*********
معجبة ــ الحمدالله انهم ما استئصلوا المبايض يا جوزة..كان تميت لآخر عمري تحت حكم ابر الاستروجين..

جوزة ـ بس انحرمتي من اليهال ...شتفرق ؟؟

علقت الممرضة اللي كانت تساعد معجبة في انها
تمشي
ــ في فرق يا مدام .. الاستروجين يمنع امراض القلب وهشاشه العظام ..ومسئول عن اعطاءها صفات الأنوثه .. مابتشوفي اللي يعملوا عمليات تصحيح ياخذوا هالهرمونات التعويضيه ؟
بلدت جوزة ـ ها؟؟؟..منو ؟؟ شنو ؟؟
ضحكت معجبة وكانت اول مرة تضحك من دخلت المستشفى ..
معجبة ـ جوزة شخبار البنات ؟
جوزة ـ بخير ..متولهين عليج .. تدرين يوج خطاب ؟

انصدمت معجبة ـ منو ؟

جوزة ـ تذكرين ام علي ؟؟ جارتنا القديمه .؟؟ يت تخطبج لعلي ولدها .

ــ علي ؟؟.. بس انا حضرت عرسه وانا ياهل ....
جوزة ـ ايه طلقها من كم شهر .. عنده عيال منها بس كلهم في الاعدادية والثانوية ..
معجبة ــ جوزة يفتح الله اذا بعد هالعمر ماحشم مرته وطلقها شلون بيحشمني ؟وانا لاعيال ولاهم يحزنون..دقي عليها واعتذري ..
جوزة ـ معجبة حرام عليج بيكون خوش ...
قاطعتها معجبة ـ اول شيء مابي اربي عيال غيري ..وثاني شيء أي حد يتقدم رديهم ..أنا عايفه العرس ..ما ابي اعرس ..ولاتجيبين لي شله هالشياب والمطلقين ترى بعد ناصر عفت اشكالهم ... كرهني فيهم الله لا ... استغفر الله ..اففف...
جوزة ـ كيفج ..حياتج وانتي ابخص بها ..
معجبة ــ أماني بليز رجعيني للغرفة .. انا تعبت من المشي ...
اماني ــ لا لازم نمشي ربع ساعه زياده ...

بعد ربع ساعه رجعت للغرفتها وهي مكتئبة ..
جوزة ـ بتقاضينهم ؟؟
معجبة ـ شالفايده ؟؟ هل بيصححون وضعي ؟؟ لا .. بس اعور راسي بمحاكم وقضايا ..
جوزة ـ اذا تميتم تسكتون جي مابيعبرون احد وبتزيد اخطاءهم .. لازم تقاضينهم ..
معجبة ــ جوزة .. طز فيهم ..ترى انا تعبت .. غلطتي انا انا ليش طعت ناصر ؟؟ ما ادري . بس استاهل .. أستاهل لغبائي و ولعبي بنفسي ..ولا في وحده عاقله ماعندها عيال تسوي سواتي ؟؟ .. الحريم اللي عندهم عشر اولاد مايسونها .. غباء مني ...

لفت معجبة وجهها عن اختها ــ بيطلعوني بكره.. لو تمرين السوق لباريس غاليري او فيسيس وتيبين للبنات هدايا .. عطور على الاقل ..هم دايما متعودين اييب لهم عطور من برا .. يحبون الجديد ..اشتري لهم أي شي نازل يديد ..

جوزة ـ بكره الصبح بروح .. وبعدين برد آخذج ..
********

غجرية
21-04-2008, 11:07 PM
دخل لغرفتها وكانت نايمه .. اكسرت خاطره .. جلس على سريرها وربت على جتفها
ــ الريم ؟
قامت منتفضة ـ ها ..
عبدالهادي ـ اسم الله عليج يا بنتي ... شفيج ؟ ..
كان شكل الريم يخرع بشرتها صايره صفرا من الشحوب وعيونها حمرا وماشافها من يومين وهي في غرفتها .. طالع للارض كان جوالها مكسر رجع طالع لها كان شعرها منكوش وشكلها مبهدل ببيجامتها السودا ..
ـ رجعتي للون الأسود ؟
الريم ـ هلا يبه ..
عبدالهادي ـ رجعتي للون الأسود ؟؟
الريم ــ انكتب علي اشوف الدنيا بظلام لآخر عمري ..
عبدالهادي ـ كل هذا عشان فايز ؟؟ .. الله بيرزقج باللي احسن منه ..
الريم ـ اشك ان في هالدنيا في احسن منه..
حس عبدالهادي ان قلبه يتقطع على حال بنته ..
ـ قومي يابنتي .. صلي واذكري ربج .. عشان يذكرج ..
طلع من عند بنته اللي نزلت دموعها غضب عنها . قامت وصلت فروضها ورجعت حطت راسها على المخده ماتبي تفكر في شيء لكن صوت فايز في راسها ..

دخل عبدالهادي لعند ابوه عيسى .. لقاه مع امه يطالعون الجزيرة ..
ــ السلام عليكم ..
عيسى ـ وعليكم السلام والرحمه .. شلون مرتك ؟
عبدالهادي ـ على حالها يبه ..
عيسى ـ وينها الريم ماشفتها من ايام ؟
عبدالهادي ـ في غرفتها ..ردت لها حالة الكآبه .. بالبدايه كان عايض موجود وحاول انه يساعدها وتحسنت ..لكنها رجعت انتكست .. شسوي يايبه ..
عيسى ـ روح مصر ..
عبدالهادي ـ شلون ؟؟
******************

الفصل الثاني عشـر والأخـيـر ..
دموع بلا بكـاء ..
********

انزلت نوير تحت للمطبخ تشوف السويت اللي سوته جمد ولا بتحطه في الفريزر.. وكانت مسوية شعرها كيرلي وحاطة له شريطه تايغر جامعته على جنب ومتجهزة لاستقبال خالتها بتنورة سودا طويلة وتوب تايقر وبليروو اسود وجلال الصلاة على جتفها .. كانت شمس في المطبخ تعطي ولدها دانيت بالموز
ــ شمس انا مستغربة ليش امي تبينا نتعدل ..
شمس اللي كانت متعدله وفارده شعرها ولابسه تنورة بيج وقميص زيتوني
ــ بتجينا الريم وبتجينا يدتها و رباب بعد واحمد .. ..ما ادري شسبب هالعزومة دايما معجبة تسافر وترجع ..أول مرة امي تسوي عزيمه في المطعم لهالسبب ..

نوير ـ بيجي أحمد ؟

شمس تطالع ردة فعلها ـ اصلا احمد هنا رباب بيوصلها عمي .اي نسيت بيجي عمي ..
طلعت نوير للصالة وانصدمت .. سلال الشوكلاته الفاخرة وصواني السويت من اوبرا والكيك من البتيل ..
طالعت شيخه اللي كانت تشرف على الخدامه
ــ الله ليش كل هاي ؟؟ حق شنو ؟؟ شالسالفه شيخه ؟؟ شنو عرس ؟
شيخه ـ انا كنت مثلج منصدمه .. بس لما دقيت على امي عرفت ان السبب هو سلامة ماجد وشمس .. أمي ماسوت لهم عزيمه كانت زعلانه على خالتي مها .. فهالعزومه تحمد بسلامتهم وبالمرة بمناسبة ملجه صافية .. ماعزمت حد غريب بس بيت عمي والريم واهلها ... فودت للمطبخ ست ذبايح تخيلي عاد يوم سألتها من بياكلهم قالت انها بتوزع على الفريج ..واللي صدمني صحيح انها طالبه بوفيه للميلس وبوفيه للحريم .!! .. بتجي وضحى اخت ريل صافيه بس مابيجي حد من اهلها كلهم اعتذروا ..
نوير ـ اوف ..بس صج مافرحنا بقومتهم .. ولافرحنا بصافية .. ماقالت لي كان حجزت الدي جي وسويناها حفله ..
شيخه ـ امي ماتبي دق ورقص .. للحينها زعلانه على خالتي مها .. وصافية بعرسها مابتحط اغاني تهقين ترضى تحطها بعزومه ملجتها ؟؟ .. ساعديني نرتب الحلو .. ترى المطعم طرشوا العصاير الطبيعية بدري ..وين الخدامه خل تحطهم في الثلاجه .. نوير ناديها بليز؟؟
كانت شيخه لابسة فستان اسود ابيض قصير وبوت اسود ومسوية شعرها مثل نوير فطالعين يشبهون بعض وايد ..
راحت نوير تنادي الخدامه وطلعت شمس للطابق الثاني تغير لمحمد ملابسه ..
شيكت نوير على السويت اللي سوته كان شيز كيك بالفراولة جمد الخليط فطلعت الفراولة تقطعها على الوجه ..وكانت مستغربة من امها دامها طالبه كل هالنعمة ليش خلتها تسوي وتتعب وتخبز الكيك وتروح الجمعية وتتشرى كل هالطلبات..
ــ احم احم ..
التفت للباب وبسرعه حطت جلالها على راسها
ـ هلا احمد ..
كان عيون احمد عليها حست باحراج بس سوت عمرها ولا مهتمه بوجوده .. كملت تزيين السويت بقطع الفراولة وتقص الفراولة بالسكين وتحط على الوجهه .. .
قرب منها ـ نوير عطيني قطعه ..
قصت له نوير وعطته بصحن وعطته ملعقة ورجعت تزيين ..
أحمد ـ نوير .. تسلم ايدج الحلا يجنن وانتي تجنين ..

سكنت يدين نوير والتفت له مستغربة ـ نعم ؟
أحمد ـ اقول .. الحلا يجنن وانتي تجننننننننين ..
حست نوير انه يستغبى (( سكنهم مساكنهم الريال انجن ))

احمد ـ نونا ..
التفت له نوير معصبة ـ نعم ؟؟؟شنو نونا ؟؟
احمد ـ كيفي ابي ادلعج ..
كانت نوير ماسكه السجين وانتبه لها احمد رافعه السكين قال يتطنز ــ بتقتليني ؟؟ وشنو السبب عشاتي احبج ؟
نزلت نوير السجين وهي حاسه بخنقه ــ انت مب خطبت وخلاص ؟؟ ليش هالحجي ؟؟ ارجوك انا ما اسمح لك .

احمد ـ أي خطبت .. وخطبت اللي هواها قلبي ..

استغربت نوير طريقه كلامه وحست انه يخنقها ..استغربت ليش هي مغتاظة لانه يمدح خطيبته .. ليش حاسه بالغضب ومعصبة .. حاولت تصير عادية ..
ــ تتهنون ببعض بس ارجوك تحلى بالاخلاق وعن هالحجي الماصخ ..
لفت عنه ورجعت تقطع الفراولة بعصبية ..
فرصها من ايدها وقال لها بسرعه ـ احبج ..
واختفى برا المطبخ قبل لاترد عليه نوير اللي كانت تبي تصيح من الخوف ..قامت تكلم عمرها
ــ شالغبي ؟؟ شالحركات الماصخه ؟؟ زين ماطعنته بهالسكين من الخرعه ! ...
دخلت الخدامه شايله غرشات العصير الطبيعي في نفس اللحظة ودخلت شيخه بسرعه ــ منو هذا ؟؟ شفت زول ريال؟
نوير ــ ولد عمج المينون ..
شيخه ـ قوليها صح ..المينون ولد عمج ..تعالي .. منو ؟؟ احمد؟..شيبي ؟
نوير وهي تكتم رجفتها ــ ماادري .زط من هالحلو وطلع ..
طالعت لها شيخه مستغربة خدودها الحمرا ورجفتها بعدين ابتسمت ــ عيل المينون .. ..
ماستحملت نوير ـ شيخوه شتقصدين .؟
شيخه ـ عيني في عينج بس ..
نوير ـ الريال خاطب .. عن الاشاعات اللي مالها داعي ..
اضحكت شيخه ـ ضحكتيني والله .. اشاعات ..اللي يشوف ويهج يعرف الاخبار صحيحه ولا ...
نوير ـ اذلفي برا المطبخ لاااطلع عن طوري واحذفج بالسجين !
طلعت شيخه وهي تغني ـ بالسجين بالسجين بالسجين ..زد يابخيل زد يابخيل زد يابخيل ..
نوير ـ سخيييفه ..

لكنها كانت مناقضة نفسها .. لحظة تستغرب احساسها ..ولحظة تتذكر انه خاطب ..ويموت في خطيبته ..
***********

ــ معجبة انت متغيرة ..شاحبه ..
التفت معجبة لشيخه ـ صادتني نزلة معوية ماخلتني اشوف طريجي ..
ساعدتها جوزة ودخلتها لقسمها وشالت الخدامه شنطتها ودخلتها لداخل .
شيخه ـ حمدالله على سلامتج .. بروح للصالة ايلس مع الريم شوي .شكلها تعبانه ..مدري شفيكم انتي واياها ..

اول ماطلعت شيخه التفت لاختها
معجبة ــ شبنقول للناس ؟
جوزة ـ وشعلينا من الناس ؟؟ لانقول شيء .الله يسهلها .وانتي تصرفي عادي عيشي حياتج ..والله يهنيج..بدلي ملابسج واطلعي للحريم اول مايجون بعدين اعتذري وادخلي داخل ..
معجبة ــ مالي خلق جوزة ..مالي خلق ..
جوزة ـ بشتري لج خلق .. شوفي انا قررت قرار ..قررت اني مااخليكم تمشون على هواكم ..كلكم ابتداء فيج وانتهاء بشيخه .. شفت النتيجه وسكت طول هالسنوات وما اشوف الا مصايب ودموع .. بس ..بعد اليوم بلا مصايب بلا دموع .. غير دموع الفرح ..
اضحكت معجبة ـ يعني شلون ؟؟؟
جوزة بجدية ــ يعني .. محد بيمشي على كيفه ..وبفرض عليكم قراراتي واللي موعاجبه يشرب من البحر ..

طلعت جوزة برا مااسمحت لمعجبة انها ترد واستغربت معجبه من متى جوزة ديكتاتورية ؟؟ لكنها ابتسمت وقالت لعمرها ـ جربنا الديمقراطيه ودمرنا حياتنا .. نجرب الديكتاتورية يمكن نرتاح شوي ؟.. على الاقل مانلوم نفسنا ولو لمرة وحده ..
*********
كانت الجلسة حلوة .. الكل يسولف عن آخر التطورات وعن اخبار الناس .. البنات انعزلوا عن الحريم الكبار ..تفاجأ الكل بأم خليفه لما جت مع وضحه .. وكانت انسانه اجتماعية بطبعها وهي وجوزة ويدة الريم تموا يسولفون ,,
بينما رباب ووضحه والريم اجتمعوا مع البنات وسوالفهم كانت عن كل شيء من المكياج إلى الوظايف ومواقف المدرسة والجامعه ..
دخل ماجد للمطبخ وطل للصالة يبي ينادي وحده من خواته ..بس انذهل لما شاف رباب تضحك مع شيخه .انبهر بضحكتها .. اول مرة يشوفها تضحك .. كانت بعباتها وشيلتها على راسها بس غرتها طالعه .. ووجهها بلامكياج .. تم يختلس النظرات ونسى ليش جاي ..
بعدين قامت شيخه وتوجهت للمطبخ ..
اول مادخلت لقت ماجد في المطبخ ..
ـ شفيك تارك ضيوفك ؟ في شي ؟ ؟
ماجد ـ ابي هيل .. في هيل ؟؟ عمي يبيني ازيد الهيل للقهوة ..
شيخه ـ عندكم حد غريب ؟؟
ماجد ـ ثلاثه من ربع عمي .. وجدي عيسى وعمي عبدالهادي .. وماشاء الله العدد يزداد خليفه جا مع اثنين من ربعه وولد عمه ...
طلعت شيخه الهيل واستغربت من وقفته .. طلت من مكانه ولما شافته يطالع رباب ابتسمت
ــ ماجد .. من ورانا هالحركات ؟ ..
ماجد ـ لاحركات ولاهم يحزنون ..
وتحرك من مكانه ووخذ الهيل من يدها واول مايبي يطلع
قطت شيخه نغزة وهي طالعه ــ قلت دموعها يوم طحت بالمستشفى مو لله .. يضرب الحب شو بيذل ..

ابتسم ماجد بس قال لها بصوت عالي ـ نسيت اقولج خطيبج حاضر في المجلس !

التفت له شيخه منصدمه لكنه طلع وتمت هي واقفه مثل الصنم .. اختفت البسمه من على شفايفها .. وجلست جنب رباب ساكته مبوزة ..
رباب ـ شفيج ؟؟
شيخه ـ مافيني شي .. عن اذنج ..
ردت شيخه للمطبخ وهي مهمومه .. شيقصد بخطيبها ؟؟ لايكون انخطبت؟ هذا غير كلام امها ؟؟ ..
دخلت نوير مستغربة ــ شفيج ؟ على شنو ماده البوز ؟
شيخه ـ امي قالت لي امس كلام واليوم سمعت من ماجد حجي .. و صراحه انغثيت ...
نوير ـ حجي شنو ؟ ؟
شيخه ـ عن خطبتي .. وخطيبي .. عندج فكرة ؟
نوير ـ ماسمعت شي ..ماغير اللي يوا يخطبون معجبة ..ماشفت ولاسمعت عن غيرهم ..تعالي تعالي الكل يحاتيج ورباب تقول لي انج متضايقه ..
شيخه ـ بس اروق بجي .. روحي انتي الحين وبعد شوي بجي ..
نوير ـ لاتطولين ولاتفكرين ..
طلعت نوير وتمت شيخه في المطبخ في راسها ألف وسواس ..

*****
دخلت لغرفة شمس اخيرا وانهارت تبجي ..
ــ عرفت فيج شي .. شفيج ياروحي ؟؟
ــ كلمني .. كلمني ياشمس ..
ـ أخيرا ؟
الريم ـ ليته ماكلمني ...
وانهارت تبجي في حضن شمس .. مب قادرة تستجمع نفسها .. عطتها شمس كوب ماي ــ شقالج ؟؟
ــ قال لي الله يرزقني باللي احسن منه .. بكل بساطه ..هنت عليه بكل بساطه !
تمت شمس تهديها لكنها ماقدرت لان الريم كانت كاتمه احزان تبجي الصخر ..
بعد دقايق طويله رفعت راسها ومسحت دموعها
ــ احبه .. احبه .. ليته ما .. ليتني ماعرفته .. ياربي هالوجع ماله نهاية ..
وضربت على قلبها بقوة ..
شمس ـ ريم اذكري الله .. اذكري الله ..وصلي على النبي ..
الريم ـ لا اله الا الله .. لا اله الا الله .. شمس احس اني انكويت من داخل .. انكويت بنار والالم مايبي يخفت ..كل يوم يزيد سعيره ... ماتخيلت اني بتعلق فيه جي ..احسه ابوي امي .. احسه ولدي ..احسه أنا .. كان الشمس لحياتي .. كان الشمس لها ..الحين احس اني في ظلام ..حاولت ادرس وافرغ في الدراسه لكني كل ليله انام على جمر .. الحين حسيت فيج .. الحين حسيت فيج يوم جيت لج وقلت لج عن طلال .. يوم مات ..الحين حسيت بحيرتج ..
شمس ــ ماكان ودي تمرين باحساسي .. انت على الاقل تركج على البر .. انا حذفني في اعماق المحيط وخذ مني حشاشه يوفي .. وخلاني اتخبط بس ابي شط ارجع له ..مب لاقية .. اربع سنوات وانا اكذب على نفسي .. عمري ثمان وعشرين والشعر الابيض غزى شعري وحياتي وانفاسي .. احس ان روحي استكانت بردة محمد ..لكن فيني ..فيني جمرة غضى ...شنسوي يالريم ..انكتب لنا ننكوي بهجرهم ..
انزلت دموع شمس وهي تحضن الريم .. بعد لحظات قامت للثلاجه طلعت عسكريم وملعقتين
ــ اشتريته من اسبوع ... ولاقدرت اطلعه واكله .. مافي غير هالعسكريم بيبرد علينا ..
امسكت مناديل وعطت الريم عشان تجفف دموعها ..
الريم ـ مابتبرد علينا ثلوج الاسكيمو كلها .. انكتبت علينا الجروح ..

********

خطت للمكتب بتردد ..
ــ تأخرتي عن موعدج ..
ــ آسفة يا دكتورة .. بس كنت مترددة اني اجي من الأساس .. تعرفيـن كلام الناس ..
وقفت الدكتورة وربتت على جتفها ـ الطب النفسي بيظل دائما في نزاع مع نظرة الناس .. اتفضلي يا شمس .. هذا موعدنا الثاني ..لكن بعتبره الموعد الأول خصوصا بعد ماانهرت بالبكاء المرة اللي طافت وماتكلمتي .. أول مرة تمر علي حالة مماثلة ..
ابتسمت شمس لكن انزلت دمعتها في الوقت نفسه
قالت الدكتورة ـ شمس تبين تبجيـن ابجي لكن حدج عشر دقايق لأني مابسمح لج انج تضيعين الوقت كل في البكاء مثل المرة اللي طافت ..
من اسبوع كانت اول جلسه .. تمت شمس تبجي خلالها بقهر .. حاولت انها تفرغ كل اللي فيها من تراكمات ..لكن لسانها انعقد لمدة ساعة كاملة تمت تبجي ..

مسحت شمس دموعها ـ لا هالمرة .. أبي أتكلم ..
الدكتورة صبا ــ جيد .. عن شنو ؟؟ ..
شمس ـ مب حاضرني أي موضوع .. انتي اسئليني ..
مسكت صبا القلم وكتبت شيء في الملف ..بعدين ارفعت راسها والبست نظراتها
ــ طريقة الاسئلة مابتكون مريحه .. لاني ما ابيج تجاوبين لي على قد السؤال ..لكن بعطيج مواضيع ..ثيمز ... مثلا تكلمي لي عن طفولتج ... بشكل عام ..
شمس ــ المشكله اللي فيني ..مب بسبب طفولتي ..
سكتت شمس شوي ..قالت الدكتورة
ــ شمس .. تكلمي لي كأنج تتكلمين لنفسج .. طلعي كل التراكمات اللي تحسين فيها .. الكلام اللي بتقولينه مابيسمعه غيري .. لاتخافين من شيء ..
ادمعت عيونها ــ انا مب خايفه من حد .. أنا خايفه من نفسي .. اخاف انفث النار مع كل جملة ..
ابتسمت الدكتورة ــ تكلمي ياشمس , انفثي هالنار .. ليش تكتمينها في قلبج ؟؟ .. تكلمي .. لاتخافين ..
شمس ــ قصتي بدت من .. كنت صغيرة .. بس النار اللي فيني .. من اربع سنوات بالضبط .. من شفته ..

تمت شمس تتكلم عن حياتها بشكل عام وعن طلال بشكل خاص .. بعد مرور ساعه ..

طالعت صبا للساعه ـ شمس .. انتهى موعد الجلسه ..

مسحت شمس دموعها وضبطت شيلتها ..
صبا ــ اتمنى اني اشوفج الاسبوع اللي جاي .. هل نومج منتظم ؟
شمس ــ الحمدالله ..
صبا ـ مايحتاج اوصف لج مضادات اكتئاب لاني ما احس انج تحتاجينها .. الجلسة اللي جاية ان شاء الله بنكمل من النقطة اللي وصلنا لها .. أي شيء تحسين انج متضايقة منه اتمنى انج تذكرينه في بداية الجلسة ..ممكن ؟
شمس ـ ان شاء الله ..

طلعت شمس من عند الدكتورة اللي كانت تطالع جدولها ..فكرت صبا في حالة شمس .. صج انها تسمع مصايب كل يوم ومرت عليها حالات غريبه ..لكن مامرت عليها حالة مثلها .. كل مرضاها يبون يصيرون اقوى من ضعفهم ويبون ينسون مشاعرهم ..لكن شمس قوية ..وقدرت تصمد لسنين طويلة ..لكنها جت اليوم تدور حل ..تبي تتصل مع ذاتها .. تبي تنهي هالقوة وترجع لضعفها .. تبي تهد الجدار اللي بنته بينها وبين مشاعرها وضعفها .. كتبت ملاحظة في ملفها
(( تتصالح مع ذاتها ـ تتخطى الماضي )) سحبت الشريط من المسجله وأرفقته بالملف ..
************

غجرية
21-04-2008, 11:07 PM
كان اول يوم بالجامعه .. ماتخيلت شيخه انها تشوفه ينطرها عيني عينك في المواقف .. ابتعدت عنه لكنه ناداها ـ شيخه .. شيخه ثامر ..
وقفت وحست العبرة تخنقها ..
ــ انت شتبي ؟؟ ..
قال مستغرب ـ في وحده تكلم خطيبها جي ؟ ..
انصدمت شيخه ـ خطيبي .. ؟ .
قال بثقة ـ ايه .. خطيبج .. ليش ماقالت لج الوالده ان امي واختي راحوا لبيتكم ؟؟ .. واخطبوج لي ؟؟
انشلت شيخه وهي تطالعه منصدمه .. عرف انها ماتعرف شي عن السالفة ..
قال ـ بس أبيج تعرفين الحقيقة .. وبعدها ..
شيخه ـ حقيقة شنو ..
اقتربت منها وحده كانت واقفة بعيد شوي ــ شيخه..ممكن اكلمج على انفراد ؟
شيخه ـ انتي ؟؟ ..
قال جاسم وهو يبتعد ـ بكلمج بعدين ..
التفت له شيخه منصدمة ـ تكلم منو ؟؟
قال جاسم مبتسم ـ اكلمج انتي ..
والتفت وراح .. التفت للبنت اللي كانت متغشية ..
ـ شتبين مني ؟ .
فجـر ـ ابي اوضح لج سوء تفاهم ..ممكن تجين للكافتيريا شوي ؟
ادخلت فجر وشيخه للكافتيريا العلوم ..
ــ نعم ؟ .. عندي محاضرة اختصري ..
فجـر ــ أبي اقول لج ..ترى جاسم يحبج..
شيخه ـ و شفايده الحب بدون احترام ..
فجر ـ من قال انه مايحترمج ؟
شيخه ـ كل حركاته .. بحياتي ماحسيت بنفسي رخيصة مثل ما احس جدامه .. كل اهانه اكبر من الثانية وآخرتها يجيبج انتي ليش ؟؟
فجـر ـ لاني مديونه له . خسرت الرهان ..
شيخه ـ رهان ؟؟
فجر ـ رهان خسرته .. قلت له انج سهله .. وانج بتقطين النقاب واشياء كثيرة ادري بتحقريني عشانها .. لكنه تمسك بج ..وقال انج اكبر من اتهاماتي .. وانج محترمة ..ومابتسوين هالحركات .. فاز بالرهان لكنه خسرج ..
حست شيخه انها ضايعه .. نزلت راسها
ــ اشوف علاقتكم مثالية ..
فجر ـ بالعكس .. هو يحتقرني .. هو يكرهني لاني السبب في انه كان بيخسرج .. اني السبب في انج فقدتي الثقة فيه .. كلما كنت اكلمه كنت اخسر كرامتي اكثر واكثر .. لين كلمني امس .. وطلب مني هالطلب .. طلب مني اني اشرح لج سبب حركاته .. كنت اقدر الفق أي شيء ..لكني ما بحقق شي .. شيخه هو يحبج ...حاولت معاه بكل الطرق لكن هو مخلص بس لج .. اسمحي لي اني اكون السبب ان الاحترام بينكم يرجع ..
شيخه ـ ليش ؟
فجر ـ انا ماقلت لج اني هالصيف اشتغلت في شركه ابوي ..
شيخه ـ والجامعه ؟؟
فجـر ــ خلاص انا تركت الجامعه ..انا من الاول ماكنت ابي ادخلها .. تركتها لاهلها .. خطبتي ان شاء الله بتكون في الربيع .... عرفت ريال طيب في الشركه وتقدم لي وابوي قبل فيه ,, والحمدالله ان القلب هواه .. فتذكرت اني سببت لكم كل هالمتاعب.. ابي ارجع الصفحه بينا بيضا ... أبي ارجع احترم نفسي لاني فقدت هالاحترام من خذلتج ..من نطق لساني بابشع التهم اللي الحمدالله كنتي اكبر منها .. ابيج تسامحيني ..
سكتت شيخه ماعرفت شترد .. كانت مصدومة باللي سمعته .. معقولة حركات جاسم رهان بينه وبين فجر ؟؟شكان بينهم عشان يتمون يراهنون على اخلاقها ؟ لكنها ماشافت الجانب الايجابي ..جاسم كان يؤمن فيها ..كان واثق باخلاقها وهو للي ربح الرهان .. لكن ليش ؟؟ ..
فجر ــ ارجوج شيخه ..
شيخه ــ فجر . روحي ..
فجر ـ شلون ؟
شيخه ـ بس خلاص اختفي من حياتي .. مهما كان اللي قلتيه وسويتيه الله يسامحج بس خلاص .. ما ابيج في حياتي .. ائتمنتج على اسراري ومشاعري .. وبالاخير خنتيني .. سامحتج على الخيانه بس .. المؤمن لايلدغ من جحر مرتين .
فجر ـ المهم سامحتيني .. انا بروح الحين .. يمكن آخر مرة ألتقيج .. بس اقولج .. جاسم كان حلم حياتي .. لكنه ماتنزل لوحده مثلي .. وانت مثله الاعلى .. بس انتي ..

خذت شنطتها وطلعت ..تمت شيخه جالسه تفكـر . واول مارجعت البيت دخلت غرفة امها
ــ يمه جاسم خطبني وماقلتي لي ؟؟
جوزة ـ قلت لج ..
شيخه ـ ليش ؟ مالي راي ؟؟ احنا في الجاهلية ولا شنو ؟
جوزة ـ الريال ياب امه واخته .. وجا يبيج .. دكتور جامعي ومرموق والاهم انه شاريج .. ليش أرده ؟
حست شيخه بخنقة وبدت تبجي ـ لكنه اهاني يمه ..
جوزة ــ الريال مثقف .. وشرح لي انه كله كان سوء تفاهم .. والريال يبيج .. بيعزج ويرزج ..
شيخه ـ مايكفي يمه ..
جوزة ـ يابنتي .. اللي راح راح .. قبل كنتم مستحين بخالتكم .. لكن الحين طلعت الحقيقة .. ليش بتظنين انه بيقلل احترامج ؟؟ اخوج يعرفه محترم ويعرف الله ويصلي جماعه .. ليش ماتبينه ؟؟ كل الحركات اللي تصير برا أي علاقة رسمية مالها معنى .كلها قلة احترام .اي حركات تصير تكون قمة الاهانة .. لكن
الزواج هو اساس الاحترام دام الريال تقدم لج يعني يحترمج ..دامه شاف فيج زوجته المستقبلية يعني كرامته من كرامتج .. هو بس خطب ..وأنا قلت له مافي ملجة لين سنه .. يعني بس حجزج .. حتى عمج بونايف وافق ويشوف انه ولد اصل .. يابنتي ان اعرف انه بيكون لج الزوج الصالح .. وانا مابرضى لج الا الزين .. والاحسن ..

اسكتت شيخه وهي حاسه بخنقة .. هي صج تهواه .. هي صج تموت فيه .. لكن كلام امها صحيح .. ابتسمت مرتاحه شوي .ــ بس يمه ليش ما سألتيني ..
جوزة ـ قررت اني بتخذ القرارا ت عنكم .. لأني مليت اشوفكم تضيعون الفرص ..وتدمرون حياتكم ..


ثاني يوم يوم شافته سألته ـ الكلام اللي قالته لي فجر صحيح ؟
طالع لها ـ حسب .. ما اقدر اقولج انه صحيح وتطلع كذبت عليج في شيء جايد ..
شيخه ـ انك فزت برهانك ؟
ابتسم ـ ايه .. ايماني فيج ماخاب ..
ابتسمت وهي تحس ان جيوش المشاعر اللي قاومتهم شهور يرجعون لدمها ..
ــ عيل بما انك بس خطيبي .. لاتحاجيني لين الملجة .
ضحك منصدم ـ شينطرني سنه ؟؟ ..
قالت بثقة ـ اذا شاريني .. بتنطر ..
ابتسم برضا ـ بنطـر ..بنطر وامري لله ..
ابتعدت عنه وهي مستحية .. الايام تركض ..وبغمضة عين بتكون السنة مرت .. عنده ايميلها .. يقدر يطرش لها أي شيء يبي .. لكن فرحتها انه اخيرا صفت لها الايام .. كانت اكبر من أي فرحه ..

********
كانت شمس كل مرة ترتاح اكثر لصبا .. قدرت تفضفض لها .. ولما وقفت عند علاقتها بأخوها ماجد ..
صبا ــ ليش ماتواجهينه ؟؟
شمس ـ هو يتهرب مني .. احيانا احسه يحتقرني ..
صبا ـ روحي لغرفته .. واجهيه ششايل عليج .. ليش مايكلمج ..
شمس ـ اخاف يطردني . .وتزيد الفجوة بيننا ..
صبا ـ خلاص جيبيه لهنا ..
شمس ـ بس هو مايعرف اني اتردد على عيادة نفسية ..بس امي تعرف وهي اللي توصلني ..
صبا ــ انزين علاقتج بخالتج ؟ ..
شمس ــ كنت قبل ألومها واعصب خصوصا السنة اللي طافت لسفرها بروحها ..لكن بعد ماعرفت انها كانت متزوجه علاقتنا تحسنت ..
صبا ـ يعني التش اللي بينكم انحل ؟
شمس ـ ايه .. خصوصا بعد براءة خالتي .. كنت اشوفها هي وامي السبب .. عشان اختهم .. بس .. كنت غبية وكان مخي مبلد ولمتهم بسبب فشل حياتي مع طلال ..
صبا ـ شمس .. لازم تعرفيـن ان طلال كان مريض نفسي .. كل حركاته اللي ذكرتيها ..وحياته بعدج تدل على هالشيء ..لو انه تعالج عند طبيب نفسي ماكان وصلتوا لهالحالة ..
شمس ـ امي تقول انه كان محطوط له سحر ..
ابتسمت صبا ـ جايز .. ما استبعد هالشي لان السحر واقع لكنه كان ضحية شكوكه . هو كان يحبج ..لكن شكوكه هي اللي خلته بهالقساوة والدناءة ..وساوسه وغيرته المرضية .. تخلصتي من الرسايل ؟؟
شمس ـ ايه .. حرقتها كلها بعد ماقرأتها .. وحرقت الصور والبوم العرس ..
صباـ ليش الصور ؟؟ .. ماتظنين انه لابنج الحق في انه يعرف ابوه ؟
شمس ــ ابي اتخلص من الماضي قبل لا اخطو أي خطوة جدام .. ما ابي احتفظ بالذكريات .. لاني احس اني تميت فترة طويلة غارقة فيها .. طلال مات .. الله يرحمه ..حياتي معاه كانت .. قصيرة ..ماتستاهل اني احد عليها عمري كله ..ومحمد ..خليت له صورة .. بعد اللي سمعته من خلود ..اعرف ان ولدي مايبي يذكر ابوه بشيء ..يمكن بعد كم سنه بيبه لج .. لاني احس انه مضطهد ..
صبا ـ لكنج تقدرين تعوضينه ...
شمس ـ اتمنى هالشيء ..
صبا ـ خلصت الساعه .. ابيج تواجهين اخوج قبل الجلسة اللي جايه .. وتخبريني عن عايض .. حاولي تتذكرين فترة مراهقتج اكثر .. الفترة اللي كان بس عايض جدامج .. علشان نعرف احساسج تجاهه..
شمس ـ ان شاء الله ..
طلعت شمس .. وكانت ناكرة امها تمرها لكنها ماجت ..بعد لحظات جا ماجد عشان ياخذها البيت ..
ــ انت شلون تسوق ؟؟
ماجد ــ مافيها شيء .صحتي تتحسن والحمدالله ..
ركبت شمس وفي نص الطريق
ــ ماجد اعزمني عالعشا ..
ــ بنرجع البيت ونتعشى ..
ــ ماجد ارجوك ..
سكت وخذ الدوار ورجع للدوحه ..
ــ وين تبين ؟؟
شمس ـ مكان هادي ..
ماجد ــ ما اعرف مكان هادي ...
شمس ـ خذني ناندوز اللي بشارع مكتبة جرير ..
بعد نص ساعه وصلوا للمطعم .. طالع ماجد منصدم كان تحت مختلط وكله شباب ومصريين ..طالع لها أشرت له فوق ,, وهي تقول ـ صج عزوبي ...
اركبوا الدرج العالي كان فوق في خدمة نسائية ومكان عائلات و جو رومانسي .. والاضاءة رومانسية خذوا لهم طاولة بعيده عن الأطفال اللي كانوا يلعبون ..
بعد ماطلبوا .. شالت شمس نقابها .. قال لها ماجد وهو يطالع اليهال ـ ماكنت ادري انج تروحين طبيبة نفسية ..
شمس ـ كنت احس بتعب نفسي .. انصحتني امي بالطبيبة هذي ..
ماجد ـ امي ؟؟
شمس ـ ايه .. الظاهر انها كانت تتردد عليها في السنين اللي طافت ..
ماجد ـ كم عمرها هالطبيبة ؟
شمس ـ اربعينية .. هي اردنية بس عاشت طول عمرها هنا في الدوحه .. ماصدقت لما سمعتها تتكلم بلهجتنا .. ماجد ..
ــ نعم ..
ــ انت تغيرت ..
سكت ماجد وتعبث بالشوكه اللي جدامه ..
شمس ــ ماجد .. قبل كنت ..غير .. والحين غير ...
ماجد ـ أنا ممنون لج انج تبرعتي لي بـ...
قاطعته شمس ـ حياتي كلها فداك ..لاتتكلم جي .. شنو ممنون .. انت خال ولدي ..واخوي الوحيد واي اخت بتسوي سواتي .. انا اتكلم عن معاملتك لي .. من ..اربع سنوات وانت متغير ..ماجد ..
ماجد ــ انا ماتغيرت ..انتي اللي تغيرتي ..
ــ انا ؟؟ ..
ماجد ـ ايه .. فجأة الاقيج مطلقة .. اكلمج ..ماتردين ..اروح لطلال يقول لي اسأل اختك .. ارجع اسألج تطنشيني .. وتلفين عني بس تبجين .. ارجع لطلال يقول لي قدرها ..اروح لامي تقول مالك شغل ..تبهدلت .. بعد ماكنتي تلجأين لي في كل شيء .. طلعتيني برا حياتج كأني مب الرجال اللي تعتمدين عليه ..ولاحطيتوا لي اعتبار .. من القهر رضيت اسافر .. ورجعت من السفر الاقيج في حالة غريبة .. كذبتي علينا بسالفة الطفل.. رجعت لشغلج كأنج مامريتي بأي شي ,,حسيت اني ما اعرفج ..
مسحت شمس دموعها ــ ماكنت ابي اغثك ..
ماجد ـ تغثيني ؟؟ .. انت تجاهلتيني بالمرة !
شمس ــ شتبيني اقولك ؟.؟ ان طلال اهاني ؟؟ طلال خذا ولدي من حضني وهدد يفضح خواتي ويفضحني وامي قالت لي انطمي اسكتي عشان مستقبل خواتج .؟؟.. شتبين اقولك ؟؟ اني اعتبرت نفسي ماجبت طفل لدرجة اني صدقت !! ويوم شفته جدامي ماحسيت باي شيء ؟؟ سنين وانا اتعذب ... سنين وانا كل ليله انام بدموع .. تعودت انام بدموع ولما خلصت دموعي صرت ابجي بدونها .. ماجد .. كنت صغير .. كنت في العشرين ياماجد ..لو دريت بكلمة من الكلام اللي غلط فيه طلال بحقي كان ذبحته بدون ماتفكر .. كنت اعرفك ...اعرف انك مابترضى بهالظلم ..
سكت ماجد منصدم وتموا ساكتين لدقايق جت فيهم الفلبينية وحطت البيبسي ..
ــ ماجد .. انا آسفه لان..
قاطعها ماجد ــ انا اللي آسف .. ظنيت فيج ظن السو .. وزدتها عليج طول هالسنين .. بدل ما اساعدج ..
شمس ـ ماجد .. انا اللي ماحطيتك بالصورة ... غلطتي انا بس ماكنت ابيك تعلق مع طلال .. ابي ننسى كل اللي فات ..ونبدأ من جديد ..
ابتسم ماجد .. وحس انه كل الحواجز اللي بينهم انزاحت ..تم يطالع اليهال بعدين قال ــ المرة الجاية بنجيب محمد ..
شمس ــ محمد ..من قده .. كل اسبوع مكان يديد ..انت وعمي عبدالهادي وخالتي عجووب وامي ونوير وحتى احمد ولد عمي كله ياخذه للاند مارك .. مدلع الأخ ..بحط له سكرتيرة تنظم مواعيده !!
ضحك ماجد ـ بل كل هذي غيرة ؟؟
شمس ـ لا والله ..بس زعلانه محد يعبرني ويعزمني معاه !!!
**********

غجرية
21-04-2008, 11:10 PM
مرت الأيام غريبة .. سريعه .. جلسات شمس عند الطبيبة النفسية صارت معتادة.زاحت كل المشاعر القديمة واقتنعت أكثرصارتتقبل التغييرات .. تذكرت مشاعرها القديمة ..وبدت تراجع نفسها في قراراتها وفي علاقتها مع محمد اللي صار اقرب لها من حبل الوريد ..
. مر شهر ..تم خلاله حفل زفاف صافية ..اللي سافرت مع زوجها للعمرة بعديـن راحوا لمصر واحجزوا لهم شاليه هناك .. وتموا اسبوعين ورجعوا .. كانت صافية مرتاحه وايد ..وارتاحت جوزة ان وحده من بناتها توفقت ..

.. معجبة اعتزلت الناس ..ماتطلع من غرفتها حتى للصالون ..صارت جوزة هي اللي تدير كل شيء ..
نوير وماجد قصة بحد ذاتها .. نوير لقت نفسها تستمع بنظرات أحمد .. حست باحساس جديد .. الشعور اللي كانت تظن انها تكنه لعايض ..كان مبهم جنب هالشعور .. كان احمد مايخبي احساسه .. كل شيء يقوله ..كل مرة تعصب عليه وتذكره بخطيبته يتم يمدح خطيبته بأحلى الكلام فتنغث نوير وتهرب لغرفتها وتلقى نفسها تبجي .. وكانت تفكر هل بتكون له زوجة ثانية ؟؟
لكنها تراقبه من دريشة غرفتها .. تتأمله وهي تحس انه يحس فيها.. كان مجيئة اليومي لماجد اللي تماثل للشفاء بشكل طيب سبب انها تتعلق فيه أكثر ..
اما ماجد .. كان يعاني وهو يحاول انه يمثل دور الغير مبالي .. لكنه مبالي .. وكل مرة تزورهم رباب يتم يختلس النظرات ..
لكن الصدمة الفعلية يوم اجتمعت فيهم جوزة في بداية اكتوبر
(( نوير وماجد .. اتفقنا انا وعمكم بو نايف انكم بتملجون بيوم واحد الخميس اللي جاي ..))
كانت شيخه توها جاية من الجامعه منصدمه
ـ بس يمه هم اخوان حرااام !!
ضحكت جوزة بهستيريا هي ومعجبة وصافية وشمس اللي كانوا يعرفون شالسالفه .. لكن اللي دخلوا لتوهم من الباب مصطلين ..
جوزة ــ هه .. بطني يعورني .. شفيج انتي استخفيتي ؟؟ .. نوير لأحمد وماجد لرباب ..
استحت نوير واركضت لغرفتها ..تم ماجد واقف
ـ شنو ؟
جوزة ـ ايه .. خلاص قررنا وانتهى الموضوع .. بتملجون وعرسكم بعد ماتتخرج انت واحمد ..
معجبة ـ مب كأن أحمد بيطول ؟؟
جوزة ــ اذا تخرجت نورة بنزوجهم .. مب مشكله .. لكن ماجد مابقى له شي .. والبنية انا ابيها .. عندك اعتراض ماجد ؟؟
ماجد كان منصدم ..يبي يعترض بس في شي مخليه ساكت .. قالت شيخه بخبث ـ هو يقدر ؟ .. أصلا امنية وتحققت له !
ضحكت وهي تشرد من يده اللي رفعها عليها
وقفت شمس وحبته على خده ـ مبروك اخوي ..
نفس الشي صافية .. لكنه رد بهمهمه .. ودخل غرفته .. مب سايعته الدنيا .. يبيها أي .. يبيها .. بغض النظر عن الماضي يبيها ..
معجبة ـ مابتسألين نوير عن رأيها ؟
جوزة ـ قلت لج لاء .. انا قررت وخلاص ..
صافية ـ يمه يمكن ماتبيه ؟؟
جوزة ــ الولد مافيه شي .. على شنو ماتبيه ؟؟
لكن جوزة كانت تعرف ان نوير تبي احمد .. لانها شافت نظراتها له .. ماكانت نظرات كره او عدم مبالاة .. وماجد ..اكثر من مرة جكته يطالع لرباب وماكان يدري ان امه كانت تراقبه .. لكنها تبي تتعدى هالمماطلات .. وحركات اليهال .. فاجتمعت ببو نايف واتفقت معاه ..
جوزة ـ بروح اشوف نوير بعدين كلنا نروح بيت الريم ..
شيخه ـ ليش ؟
جوزة ــ مفاجأة .. معجبة كل شيء جاهز ؟
معجبة ـ تمام التمام ..
راحت جوزة فوق لغرفة نوير وطقت الباب ..
ــ ادخل ..

دخلت جوزة وجلست على السرير وين مانوير جالسه وهي بعباتها ووجها احمر ..
جوزة ـ شفيج ؟
نوير ـ يمه هذا سؤال ؟؟ .. شلون تزوجيني لاحمد وهو خاطب بنت خاله ؟
جوزة ـ من قال ؟
طالعت لها نوير مستغربة ـ توج تحت قلتي انه الملجه يوم الخميس ؟؟
جوزة ـ قصدت من قال انه خاطب ؟؟ .. احمد ترك بنت خاله لانها بتسافر تدرس طب .. وخطبج قبل لاتجي معجبة من السفر بايام .. تذكرين العزومة ؟؟ .. كانت لنفس السبب ..
انحرجت نوير ..تذكرت كلام احمد عن خطيبته .. وصار وجههااحمر ومن داخل حست بسعاده .. حاولت تكتم ضحكتها ــ يمه هذيك العزيمه شامله كل المناسبات ؟
جوزة ــ ماكان احد يدري الا احمد وماجد وعمج .. حتى رباب ماتدري .. اجتمعنا اجتماع سري ..وقلت له احمد لنوير ونوير لاحمد .. الولد متولع فيج يانوير .. ونادرا بهالأيام تلاقين احد يحب بهالطريقة العلانية ..

استغربت نوير من كلام امها .. لكنها حبتها على راسها ..
قالت جوزة وهي تتأكد ان بنتها راضية ــ الله يوفقكم ..قومي جهزي عمرج بنروح للريم ..
نوير ـ ليش ؟
جوزة ـ مفاجأة .. بس خالتج حطت لج فستانج في الكبت..
نوير ـ فستان ؟؟ ..
جوزة ـ لاتطولينها وهي قصيرة .. بتجي اللي تمكيج بعد شوي .. جهزي عمرج ..
نوير ـ يمه شنو في ؟؟ ..
جوزة ــ مفاجأة .. يلا قومي ..


خذت شمس الأغراض وراحت لبيت الريم مع معجبة ..دخلوا لغرفتها كانت تدرس ..
شمس ـ انتي شتسوين ؟؟
الريم ــ شوي اراجع هالانجليزي ..
شمس ــ قومي .. انا مب قلت لج انا بنروح عرس صديقتي اليوم ؟؟ . رحتي الصالون ؟؟ ..
الريم ـ ايه رحت واستلموني كأني عروس .. الحمام المغربي والبديكير والمانكير والفيس سكرب ..
شمس كاتمة ضحكتها وهي تشوف الغرفة الفاضية
ــ مب كل يوم تجيهم بنت اخت المعزبة .. وين فستانج .؟
الريم ـ بلبس عباة كشخة .. كافي صح ؟
شمس ــ ليش ؟؟ انا ابي ارقص بعرس صديقتي .. بقول لمعجبة تجيب فستان معاها لج ,.
طق الباب ودخلت اللي تحط المكياج واللي تسوي الشعر ..
شمس ــ تعالوا .. عن اذنج قلت للخدامة تدخلهم .. شوفي انا بسوي المكياج أول ..وانتي الشعر ..
الريم ـ شمس من هاي صديقتج ؟؟ .. صراحه ليش هالكشخه كلها ؟؟
شمس ــ الريم ..نبي نكشخ ونطلع حلوات .. وبغير مزاجنا .. يلا ..

دخلت معجبة بعدها بساعتين
وكانت حاطه فل ميكب مع رموش ومسوية شعرها تسريحه ..
ــ ها خلصتوا ؟؟
كانت شمس مخلصة لان تسريحتها كانت بسيطة .. لكن الريم مذهولة من كمية المكياج وطريقة التسريحه والاكسسوار اللي في شعرها ..
ــ لازم هاللولو ينحط في كل خصلة ؟؟
شمس ـ يجنن عليج ..
الريم ــ انزين انا رايحه عرس الناس بكل هالمكياج ؟
شمس ـ انتي ماحضرتي عروس هاليومين .. اللي انتي حاطته بالنسبة لهم خفيف ..
الريم ــ انزين ليش الشدو موف .. الفستان بيكون موف ؟ ..
شمس ـ ايه فيه كل الألوان ..
طالعت الريم الساعه كانت ثمان ونص ..
ــ تاخرنا على العرس ..
شمس ـ لاعادي .. تعالي وين طقمج الألماس اللي كنت بتلبسينه بعرسج ؟
حست الريم بغصة ومسكت عمرها ـ ليش ؟
شمس ــ بتلبسينه اليوم .. لين متى بتخشينه ؟
ابتسمت الريم ـ معاج حق ..في الشنطة اللي تحت ..
راحت شمس للشنطة وطلعتها .. وابتسمت لان اغراض الريم كان مرتبة وجاهزة .. طلعت الطقم ..
ــ الريم بروح البس فستاني واشوف الفستان حقج وصل ؟
كانت بتقوم بس جلستها اللي كانت تحط لها مكياج ..
ـ بقى شوي انطري ..
بدت الريم تشك .. شكلها ومكياجها وايد اوفر .. الرموش الكثيفة والتسريحه الروعه .. المانكير البنفسجي ..
دخلت شمس وشالت العباية عن كتفها ..
ـ شرايج بفستاني ؟؟
الريم ــ روووعه .. من وين ؟
شمس ـ فصلته من فترة حق مناسبة .. لكن ماانكتب البسه حزتها .. حلو ؟
الريم ـ يجننن .. عيل وين فستاني ..
دخلت معجبة هي وجوزة في البداية ..
قالت جوزة ـ تجنين يا الريم .. اتمنى لو امج تشوفج اليوم ..
معجبة ــ ماشاء الله ..
شكت الريم .. نظراتهم مب طبيعية .. بعدين ابتعدوا عن الباب دخلت شيخه ونوير وهم شايلين فستان عوود ..
شهقت الريم وحطت يدها على شفايفها ..
جوزة ــ اليوم عرسج .. ابوج حب يسوي لها مفاجأة ..
طالعتهم الريم بنظرات مصدومة .. قالت شمس
ــ شفيج ؟؟
معجبة ــ الله يديم هالأفراح .. يلا الريم البسي فستانج .. عشان المصورة تلحق تصورج قبل لايجي المعرس ..
ماقدرت الريم تكتم دمعتها ــ لكن ..لكن ..
قالت جوزة وهي تحضنها ــ الريم لفايز وفايز للريم .وبس !! ..
صارت دموعها تجري بقوة .. قالت شيخه ـ لايخرب المكياج ..
قالت الكوافيرة وهي تضحك ـ لاتخافي ..ماحطيت لها كحل تحت العين .. بس لاتمسح دموعها بايدها.. خذي ..
عطتها الفاين .. والريم ترجف .ترجف من الصدمة ..ترجف من الفرحة .. ترجفة من هاللحظة .. اللي اكتشفت فيها انها ليلة احلامها ..
قالت شمس ـ يالخبله .. ماسألتي عمرج من هذي صديقتي اللي انا احتديت عشانها ؟؟ تستغبين .؟
قالت الريم وهي ترجف ــ شدراني ..
قات شمس وهي تحضنها بقوة ــ مافي غيرج صديقتي في هالدنيا .. يلا بنات .. عمي عبدالهادي يبي يشوفها .. خل ننزل تحت وننطرها .. بدلي ملابسج .. خليها تضبط لج المكياج والطرحة .. حطي العطر والعود اللي في هالشنطة ..مبروك يالغالية مبروووك ..
دخلت صافية متأخرة ــ سوري .. خليفة ضيع المحل اللي قلتي لي عنه ..
كانت صافية حاطة مكياج ومتكشخة .حطت المسكه من يدها على الطاولة وسلمت على الريم وباركت لها ..
كانت المسكة ورد جوري بنفسجي فيها سلال من اللولو تتدلى منها ..

طلعوا البنات .. وتمت الريم جالسه على الكرسي منصدمة .. طالعت الأكياس اللي جابتها معجبة .. مجهزة كل التفاصيل .. حست بسعاده وصدمه .. ابتسمت وهي تبجي .. قامت والبست فستانها ..ونادت الكوافيرة تساعدها .. خلال نص ساعه جهزت تماما .. طالعت نفسها منصدمة .. هل تخيلت من كم ساعه انها بتكون عروس اليوم ؟؟ كل البنات يجهزون لهاليوم لمده اساابيع .وهي ماعرفت الا من كم ساعة ؟ ..
******

دخل عايض وابوه غرفتها .. انصدمت لوجود عايض ..
ــ عايض ؟؟
حب راسها وهو فرحان لها ..لكنهااحضنت ابوها ..
عبدالهادي ـ شوي شوي .. بتوصخيني بهالكحل توني مبدل ثوبي ..
ضحك عايض عليهم ..
عبدالهادي ـ الله يوفقج يالريم .. الله يوفقج يايبه .. خل الخدامه تجهز اغراضج ..لانج اليوم بتسافرين مع ريلج ..
الريم ـ اليوم ؟
عبدالهادي ـ طيارتكم الساعة ثنتين فالليل .. ادري اني ماقلت لج ولاخليتج تجهزين حالج .. بس ..
الريم ـ لايبه .. لاتحاتيني انا جاهزة ..
طالعت الريم لشنطها اللي مافتحتها ..
عايض ـ يلا .. تنزلين تحت ؟
الريم ـ شنو في تحت ؟
ابتسم عايض ـ سبرايز ؟؟ . يلا تعالي ..
نزلت الريم ابوها على اليمين وعايض على اليسار .. وانصدمت لما تشغلت الموسيقى .. كان الدرج مفروش بساتان موف .. والورد منتثر في كل مكان .. والشموع .والدخان والأضاءة .. حست عمرها يغمى عليها .. كان كل شيء روعه ويجنن .. المصورات الفيديو والفوتوغرافي يصورونها .. نزل عبدالهادي
وهمس لها عايض ــ هذي لحظتج .. حب راسها وونزل ..
نزلت بكل بطيء عشان ماتطيح على ويهها .. وهي تشوف البنات اللي تحت ..استغربت من ساعات كانت الصالة التحتية مثل ماهي .. لكنها الحين طاولات وكراسي ووردد وساتان وكوشة صغيرة .. اثاث البيت مب موجود ..تمت تطالعهم تطالع وجوه البنات بكـل ثبات .الكل فرحان لها .. ومبتسمين وناطرينها ..
جلست على الكوشة والكل يهنيها .. وهي تهني عمرها ..بعد نص ساعه دخل فايز .. فايز اللي كان في صدمه مثلها .. ماصدق نفسه يوم بابه انطق وكان عمه عبدالهادي عند الباب .. ماصدق نفسه وهو يحضنه لما قال له انه لازم يرجع يتزوج الريم .. ماصدق نفسه وهو في الطيارة وعمه جنبه والتقوا عايض في المطار ..ماصدق ..يحس انه في حلم .. عشقه وروحه توقف جدامه ؟؟ الريم ؟ احلى شيء عرفه في حياته ؟ الحلم اللي الشقاه طول الشهور الي طافت ..لياليه اللي ماقدر ينامها بس يفكر في عيونها ؟؟ .. حلم كان يحسبه مستحيـل .. لابسه فستان العرس .. حب راسها بقوة .. ماكان وده يبعد عنها .. جلسوا مع بعض .. تصوروا .. وقصوا الكيك اللي جابته معجبة ..يطالعون بعض بكل حب ..
كان عايض واقف .. لما قربت منه شمس تحت غشوتها ..عرفها .. عرف انها شمس التفت لها .. وابتسم ..
قربت شمس باسترخاء تام وهي تتذكـر كلام الطبيبة النفسية .. حست بمشاعرها .. حست انه اقرب لها من أي لحظة في حياتها .. ارجعت ورى كتفه ونزلت الغشوة وقالت له وهي تراقب الفرحه بعيونه بس لانها قربت له ـــ عقبالنا ..

*******
في بداية شهر مارس .. كانت معجـبة في قسمها ..والكآبة محتلتها .. من شهور وهي تطالع التلفزيون وتقعد عالنت .. لاتروح شغلها ولاتطلع في الصالة .. حاسه بنقص كبير ..دخلت جوزة لقسمها ..
ــ معجبة .. مرت عبدالهادي عطتج عمرها .. تروحين العزا ؟؟
معجبة ـ من ؟؟ البندري ؟؟ ..
جوزة ـ ايه .ماتت وهي تولد البنت امس في الليل .. تروحين العزا ؟
معجبة ـ لا .. مابروح ..
جوزة ـ عيل خلي بالج على البيت ..يمكن بتأخر ..

طلعت جوزة ومرت شمس في بيت مها القديم .. اللي سكنه عايض وشمس ومحمد ..
جوزةــ درت الريم ؟؟
شمس ـ ايه كلمتها .. ضاق خاطرها على ابوها وقالت ان البندري كانت مسكينه .. الله يرحمها ..
جوزةـ مابتجي ؟؟
شمس ــ لا .. هي حامل في شهورها الأولى .. والدكتور حذرها من السفر في البداية .. ومن مصر للدوحه مابتتحمل...
جوزة ـ ما ادري شفيهم على الغربة .. ليش مايجون يستقرون هنا مثل عايض ..
شمس ـ يمه هم مستانسين بحياتهم ..الله يهنيهم ..
جوزة ـ آميـن .. وانتي ماحملتي ؟
شمس ـ لايمه .. للحين .. عايض يقول انه مب مستعجل فديته .. عنده محمد يسوى الدنيا ومافيها .شخبار صافية وحملها ؟؟ صج مابتشتغل ؟
جوزة ـ ايه زينه ..ريلها يقول لها انها ماتحتاج للوظيفة ..معاشه قوي وما يحتاج ..
شمس ـ حتى عايض فديته كان يزن علي اترك الشغل ..بس انا احب شغلي .والحمدالله انه تفهم هالشي ..بس شرط علي اني اترك الشغل اذا حملت ..
جوزة ـ الله يخليكم لبعض .. احس نفسية محمد تغيرت وايد .. حتى انتي . . للحين تمرين صبا .؟
شمس ـ لايمه .. صبا قبل لا اتزوج عايض قالت لي اني ما احتاج أي جلسات زياده ..بس مكتبها مفتوح اذا فيني ضيقة ..ماتبيني اكرر الماضي ..
جوزة ـ صبا ساعدتني مع ابوج الله يرحمه .. خلتني اتعامل معاه بطريقة صح ..كنت اروح لها مرة بالشهر ..بس كأأنه العيد ... لان كنت افرغ الهم اللي بصدري الله يوفقها ..

وصلوا لبيت عبدالهادي ..ولمدة ثلاثة ايام كانوا مرابطين مع عبدالهادي وقايمين معاه بالواجب .. في اليوم الثالث كانت في بيت عبدالهادي في المطبخ تشرف على الأكل لان الجده قاعده مع المعزين ..
ــ ام ماجد ..
التفت لعبدالهادي اللي كان شايل البنت بيده واغراضها على جتفه ..كان الحزن في عيونه ..
ــ جبت الصغيرة ؟؟
عبدالهادي ـ رخصوها .. صحتها ممتازة ووزنها ممتاز.. لكن لا امي تقدر تجابلها ..والريم مابتقدر تسافر لين شهور .. تخلينها عندج يا ام ماجد ؟؟
ابتسمت جوزة ــ اعرف وحده ..بتربيها كأنها بنتها ..


في المسا .. دخلت لقسم معجبة .. اللي قامت اول ماشافتها
ـ شنو هذي اللي في حضنج ؟؟ ..
ــ بنت عبدالهادي .. مالقى من يجابلها .. امه عوده ومافيها عاليهال .. والريم مسافرة وحامل وفي مصر .. وشمس عندها شغلها وولدها وعايض مابتفضى لها ..

قربت منها معجبة ومسحت على راسها ــ تجنن .. بتربينها انتي ؟؟
جوزة ـ لا ..
معجبة ـ عيل منو ؟
ــ انتي .. اناعندي صالون وعيال .. انتي اللي فاضية عمل ..
طالعت لها معجبة نظرة تعور القلب ــ انا ؟؟
جوزة ـ ايه انتي ..
عطتها البنت الصغيرة وهي تطالع اختها .. انكتبت لها حياة جديدة .. طالعت الصغيرة اليتيمه ..وطالعت اختها .. حست انه ممكن ان معجبة بعد فترة بتحل مكان اختها .. اكيد رحمة الله كبيرة ..والله رحمها .. مسكينة البندري .. آخر شهور كانت حبيسة المستشفى وماتهنت بشوفة بنتها ..لكن معجبة اكيد مابتقصر .. والله بيعوضها ..وبحاول ترتب مع ام عبدالهادي انها تجمعهم ..بدل لايقضون العمر بروحهم ... ابتسمت وهي تحس انه كل شيء من حولها بدا يستقر .. بدت الحياة تفتح ابوابها لهم .. ماجد وشيخه ونوير حياتهم في الجامعه .. ولقوا شركاء حياتهم اللي بيسعدون معاهم .. شمس والريم ..اخيرا بسمة على ثغور نست البسمة .. معجبة ..بعد كل اللي مرت فيه .. فتحت لها الحياة باب يعوضها عن خسارتها .. دمعت عيونها بدمعة رضا .. بدمعة سعاده .. راقبت معجبة تلاعب البنت وحضنتها لقلبها .. خذت معزتها من اول نظرة ..
ــ جوزة شسمها ؟؟
ــ مها ...

انتهت ..
9:35pm
21\4\2008





اهداء : إلى الغاليـن جميـعا .. وكل المتابعيـن من البدايـة .. ألف شكـر .. ((علب الفاين من الفرحة .. احمدوا الله مزاجي كان رايق ومستانسه وانا اكتب الجزء ههههههههههههههههههههههههههههههههههههه))

غجرية
21-04-2008, 11:11 PM
السنوير : أتمنى تعجبكم ..

مناير الدوحة
21-04-2008, 11:13 PM
يدي تحكني أبي اكتب المعلقة اللي مجهزتها خخخ

بس بنطر لين تخلصين يالشيخة عشان نعرف آخرة هالدموع وشو؟؟ :s27:

غجرية
21-04-2008, 11:22 PM
اوك مناير .. خلصت .. خلصي قراءة وجهزي لي هالمعلقات ^_^

جنون الحب
22-04-2008, 12:54 AM
اممممممم

دمعه بطرف عيني بس دمعه فرح
ما احتاج علب الفاين ولا شي

راده بتعليق مثير .. اوه قصدي يوزاي روعه اللي كتبته


واممم يمكن تكون عندي لج مفاجأة في القريب العاجل بعد اسبوع ميبي !

تمني لي التوفيق :)


جنون زينووة

غجرية
22-04-2008, 01:12 AM
:8888:اممممممم

دمعه بطرف عيني بس دمعه فرح
ما احتاج علب الفاين ولا شي

راده بتعليق مثير .. اوه قصدي يوزاي روعه اللي كتبته


واممم يمكن تكون عندي لج مفاجأة في القريب العاجل بعد اسبوع ميبي !

تمني لي التوفيق :)


جنون زينووة


ناطرة التعليق .. و:8888: احب المفاجأت .. أهم شيء اني لعبت باعصابكم :s7:.. زينوه .. أشكر لج هالمتابعه الطيبه .. ناطرهتعليقج عن القصةو ككالعاده اعرفج ماتقصرين ..




بروح انام من الساع 3 العصر عالجهاز ..أمي بدت تعصب :chair:

غجرية
22-04-2008, 01:14 AM
مو مرتاحه لان النهاية سعيده ! فيني اجرام !!!

جنون الحب
22-04-2008, 01:16 AM
ههههههههههه

عادي فيه شي اسمه اووه نسيت جزء صغيرون ونزلي اجرامج << يا افكارك يا زينووة

! شهرزاد الحسن !
22-04-2008, 01:20 AM
مساااج الله بالخيرررر حبيبتي

اناا كنت اتاابع القصصصه بس كنت خلف الكواليس :s27:

بس جيت الحيين عشااان اسجلل اعجااااابي فيج وفي قصتج

واقوووووول لج

ابـــــــــــدعتي

ابـــــــــــدعتي

ابـــــــــــدعتي

قصه جدااا رااااااااااائعه



جوززه : كانت خير مثال للام المثااليه كبرت وربت وسهرت وتعبت وعانت واااايد والكثيرررر في حيااتها واخيررررا جا الوقت انها ترتااااح
المسكيينه كانت تحاتي عيالها واحد واحد وغير ذي تحاتي اختهاا
كاانت شايله كل شي فووق رااسها


معجبه :يحليلها مسكينه ماتوقعت لها هالنهايه وماتوقعت انها بتترك ناصر او ناصر بينساها بهالسهووله

شمس : كم عانت كم تألمت كم صبررررت

ارتاااحت اخيرا من بعد زواجها من عايض ومن بعد ماحياتهم استقررت وتغيرت الحمدالله

قبل كنت اقول ماتوقع ان واحد ياخذ طفل من امه او يحرمها منه
بس الحين اقول بلا كل شي جايز بهالززمن

وايد تالمت شمس من طلال عذبها خذ ضناها وفلذه كبدها حرمها منه وهو صغير وهو طفل رضييييع

وصبرت عشان خاطررررر بس سمعتنها وسمعت خواتها

يا للتضحيييه الكبيرررره والله

انسااانه قويه بمعنى الكلمه

صاافيه : شخصيتها حسيتها هااديه في حالها خايفه ربها متدينه

حبوووبه والحمدالله انها استقرت وتزوجت ومرتاحه مع زوجها وزين ماسمعت كلااام اخت ريلها الضب :s28:


نوير : هالللبنت تجننن تصرفاتها واحاسيسها كانت متناقضه
ماكانت تعرف لشعورها ولا كانت تعرف شلي كانت تبيه او شلي بخاطرها او شلي في بالهاا

بس بالاخيرر صارررت لاحمممد :8888:


شيخه : هالانسسسااانه فوق كل شي كراامتها

عززيزه نفس هالبنت وااايد

فتحت قلبها لفجر وصارحتها بكل شي بسس للاسف ماطلعت قد الثقه فعشان جي قالت لفجر بالمره الاخيره انها تتطلع من حياتها
لانها انلدغت منهاااا

وجاسم من بد البنات كلهم اختاااار شوااااخ :good2: زين مااختاااار


الرريم : يحليلهاااااااااااااااا

هالبنت حسيتها في بدايه القصه صج متعقده ومالومها من الاشيااء الي مرت فيها هي صغيرررره ومرت بظرووف واشيااء كثيررره

اليما جا الشخص الي يسعدها وفجاه رااح منها كل شي

شي جدا صعبببببب

خصوصا انها كانت عايشه حياه تعيسه وفايز الي جا وغير حياتها وفجاه يروح اكيد انها بتموت بتنصدم كل شي بيتغيرر في حيااتهاااا

حلووه المفاجاه اللي سوووها لها هههه استانست انا :s23:


طلال : الله يرحممه :sweatdrop بس جدا كان انساان قااسي وجاحد بس مثل ماقالت الدكتوره صبا انه كان مريض نفسي مستحيل انسان بكامل قواه العقليه يسوي جي مثل ماقالت ام ماجد سحر او هو مريض نفسسسي


محمد : فدييييته هالصغيروون ماشالله عليه تحسينه اكبر من سنه

وتعلق بسرعه في اااامممه :s21:


عايض : بعد كل هالسسسسسسسسسسسنين وكل هالمشاعر الي كان مخبيييييهاا شمس صارت له صارت مرته صارت تعيش معاه بنفس البيت صاروه اثنينهم واحد .. شدعووه شامبوو :s27:


ماااجد : تعجبني شخصيته ويعجبني غروره وعزه نفسه وكرررامته

عيل كان يحب رباب وحنا ماندرررررري خخخخخ

وعجبني تصررف شمس بلي سوته مع اخوهاا

بس ماجد المفروض من قبل يكلم اخته ويقول لها اللي بقلبه مو يتمون كذا يوم وكذا شهرررر مايكلمون بعض او علاقتهم مو ذاك الزووود


احمد : صج عينه قوويه خخخخخخخ يروح ويقول لها احبج لا ويفرصها الحبيب مصدق نفسسه :s28:

بس ماعجبني شلوون عادي عنه يتزوج بنت خالته

المفروض الانسااناذا حب شي يتمسك فييه

كان بامكانه يكلم امه او ابوه او يسوي شي

مو يخلي حبيبة قلبه او الانساانه الي يحبها تروح منه

لا وبكل سهوله يقول الله يوفقها مع غيري اي حب ذي

مادانييييه :mad3:


نااصر : ومااداراك ما هالنااصر الوييييعه
صج فالبدايه كان يعجبني بس عقب خللااص

شلون نسى معجبه
شلون نسى الايام الي بينهم

كانت بينهم عشره عمر مو شي سهلل

كانت زوجته

كنت حبيبته على قوللته <_<

كانت الانساانه اللي تسمع له

وين كل ذي رااح

بمجرد ما هدى عبرت عن مشاعرها

هو صحيح هدى لها الحق لان ذي زوجها وبو عيالها بس وينج عنه كل هالسنين عذررررج مو مقبوول عذر اقبح من ذنب اخت هددى :s25:


شذنب المسكينه انها شالت الررحم بس الحمدالله الله عوضهااا ببنيه حلووه صغيرونه مهاااوي :wub:


هدى : انسااانه سخييفه بصراحها وعذرها مثل ويهها :chair:

شلون خلت ريلها عشرر سنين وعقب جات تفتح قلبها او تتكلم عن مشاعرهاا عنبوو شنو ذي :s28:

بس بعد ماقدررر اقول انها ماكانت صبووره بالعكس حلوو الصبر صفه كثيرر حلووووه


فــايز : قهررررررررررررني لما طلق الريم حسته غبي غبي غبي غبي غبي غبي غبي :s25::s25::s25:

يعني شذنب البنيييه ليش يضيعها بعد مره وخصوصا يدري حياتها قبل شلوون كانت

بس ساعات اقول لا مسكين يمكن مايبي يخليها تتعذب

بس مافيها شي امه هنديه سودانيه مصريه

كله واحد

كلنا عيال ادم وحوا :flower:


بس قدرر الله اخيرا واجتمعوااا على خيررر



اسمحيلي غجريه ادري طولت وايد واايد

:sweatdrop:sweatdrop

والف الف الف الف الف شكرر لج عزيزتي على هالقصه الرااائعه

ماشالله عليج مبدعه مبدعه

بنتظااار كل جديد ومميزز ومبدع منج

وعساااااج ع القوووووه حبيبة قلبي

رائعه في سردج للاحداث

رائعه في تفاصيل ودقه القصه

رائعه بمضمون القصصه

رائعه في صياغه المشااهد

رائعه انتي عزيزتي


مشاركه مميززه

قصه مميزه

موضوع ممميزز

مشرفه مميززه

دمتي على هالابداع وهالتميززز غاليتي


لا يسعني بالاخير الا القــــــــول


لج مني اجمل تحيييييه :flower:

Ahmad
22-04-2008, 06:51 AM
هذه النهاية السعيدة المبكية التي كنت انتظرها.

أكثر ما أثر بي:

الزفاف المفاجىء،

عندما احضر "عبدالهادي" صغيرته،

عندما قررت "جوزة" أن تكون الصغيرة لـ "معجبة"،

أن اسم الصغيرة هو "مها".


سرد رائع و واقعية اندمجت معها كثيراً.

شكراً لكِ أختي و بانتظار قصة جديدة. !

Smile Face
22-04-2008, 06:52 AM
واااو .. أحلى شي النهايات السعييييده

زعلت لان القصه خلصت وبصراحه حسيت كل شي صار بسرعه ؟!

يعني زواجات على السريع وخلاص كل شي انتهـى

يمكن انا احب اقرا كل شي بالتفصيل وعلاقة كل واحد منهم

بس عموما النهايه حلوه .. كانت قصه حلووه

وحبيت الشخصيات

الله يعطيج العافيه ونشووف لج قصص مميزه مثل بكاء بلا دموع وأحلى

شكرا .. استمتعت بالمتابعه

" اهم شي فارس والريم رجعوا "

واعجبني ان معجبه تكون لها بيبيه تهتم فيها وتربيهـــاا .. فرحت لها

Smile Face

مناير الدوحة
22-04-2008, 07:48 AM
واااااااااااهئ واهئ << لحد يتخرع ترى هذي صيحة

:cry: :cry: :cry:

دموع الفرح والله

أهم شي إنج سمعتي كلام الكاتبة المخضرمة في مجال الكاتبة (هذي وبلا فخر تطلع أنـــــا) وخليتي النهاية سعيدة :s27:

بس الصرااااحة ماتوقعت طريقتج فالوصول حق هالنهاية :s7:

توقعت الريم بترجع حق فايز بس مب جذي وبهالطريقة الرهييييييبة حسيت كأني حاضرة وياهم وأجوف شكلها وهي منصدمة قبل عرسها بكم ساعة كانت ميتة من الصياح وشوي وإلا هي عروس خخخخ وناااسة

شويخ..يحليلها أنا قلت مردها حق جاسم حتى لو كابرت لازم بترجع مشاعرها له مثل قبل

ونوير..أما هذي صج عليها حركاااااات..عيل تستمع بنظرات أحمدوه يحليله..وأحمد أول شي بط جبدي بإستسلامه بس عقب بيضها :8888:

شمس وعايض..أحلى ثنائي فالقصة..أحلى شي فالدنيا إنج تحصلين الراحة والأمان عقب الشقى ويكوون أحلى وأحلى بعد لو كان هالشي مع إنسان يعرف قيمتج ويثق فيج

معجبة..عورت قلبي وهي الوحيدة اللي حسيتها بتصيحني فالنهاية بس صار العكس أحس إنها هي اللي فرحت أكثر شي..لأنها حصلت اللي يعوضها عن حرمان الأمومة

ناصر..أنا غير عن اللي قبلي..صح بط جبدي لما نسى معجبة..بس مايصح إلا الصحيح..وهو ماسوى شي إلا إنه رجع لبيته وعياله وأم عياله :)

وجوزة..خليتها آخر شي لأنها أساس ومحور هالقصة..هي اللي كانت السبب في وجود شخصيات القصة وهي السبب فالنهايات السعيدة اللي صارت لهم..بدونها يمكن كانت القصة كلها حزن ودموع..ونهايتها بعد حزن ودموع..بس هي كانت موجودة عشان تقلب هالشي لفرح..فعلاً الأمهات هم أساس الفرح فدنيانا..الله يخليهم لنا


غجرية حبيبتي..طولت..أدري!!

بس ترى ماطلعت إلا جزء بسيط من اللي فخاطري

أنتي أبدعتي لما كتبتي هالقصة..وأبدعتي أكثر لما خليتي النهاية سعيدة<< نغزة عشان ماتغير النهاية خخخخ

يعطيج العافية حبيبتي..وننطر منج إبداع ثاني

لأني ماتخيل يجي يوم الأثنين وأنا ماأنتظر غجرية تنزل جزء :)

شوق الجنة
22-04-2008, 07:09 PM
ما شاء الله أول مرة أقرأ قصة في النت واندمج للنهاية ..
الصراحة أبدعتي غجرية في السرد الرائع للأحداث ..^_^
أبهرتيني بهالنهاية اللي أسعدتني وفاجأتني بنفس الوقت!!

جوزة الأم المكافحة اللي عانت وجاهدت في سبيل سعادة أبنائها وكانت خير سند لأختها معجبة ..
وفي الأخير قررت أنها تقرر مصير أبنائها بمصيرهم المستقبلي وتتحكم في حياتهم لأنها خايفة على مصلحتهم وتتمنى أنهم يسعدون بحياتهم .. وهذا غير خبرتها الطويلة وتجربتها القاسية اللي تعلمتها من دروس الحياة ..

الريم كانت أحلى نهاية، أسعدتيني بنهايتها وزواجها المفاجىء، يكفي أنها عانت من جروح الماضي ، تستاهل كل خير ..
معجبة كسرت خاطري، أحسها ندمت بالغلط الكبير اللي سوته، وأحسها مثل الجسد بلاروح، ويمكن أنها تعوض حرمانها من الأمومة في مها، بس استوقفتني بهالموقف " لكنها ابتسمت وقالت لعمرها ـ جربنا الديمقراطيه ودمرنا حياتنا .. نجرب الديكتاتورية يمكن نرتاح شوي ؟.. على الاقل مانلوم نفسنا ولو لمرة وحده.." حست أنها يائسة :cry:
البندري الله يرحمها، رغم صغر سنها ماتهنت بحياتها ولاتهنت بشوفة بنتها ..
شيخة أعجبتني في موقفها مع الدكتور وكرامتها كانت أعلى من مشاعرها، مما جعلها تكبر أكثر في عين أمها وعين الدكتور، وكل من حولها.. :good2:

ويعطيج ألف عافية كاتبتنا والصراحة بأفتقدج كل أثنين، ولاتحرمينا من هالإبداعات ..
كل التحية ،،
:flower:

°MoOOoN Q6R°
22-04-2008, 07:22 PM
ايوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووه
:atiah::atiah::atiah:

هذي النهايات ولا بلاش :good2:

ابداع في ذمتي ,,وربي يعطيج الف الف عافيـه ^_^

رؤية
22-04-2008, 07:46 PM
كللللللللللللللللللللللللللوش
نهاية ولا احلى
ولا جت في بالي ابد
.....]]]]]]]]]]]]] دوم يا ربــ يكون مزاجش حلــــــــــــــــــــــوووو
احلى شي
(فايـــــــــــــــــــــــــــــــ & الريم & ـــــــــــــــــــــــز)
رووووعــــــــــــــــــــــة*ابــــــــــــــــــ ـــــــــداع
> >
> >
> >
> >
> >
> >
> >
> >
> >
الصدق ....الصدق ...فرحانة انك نهيتي القصة ...عشان ..تكملين قصة
(الجــــــــــدران البيضــــــــاء)
صراحة كنت احس ولا زلت احس ....
ان الجدران البيضاء احلى بكثير ..بأفكارها ....بشخصياتها ...من بكاء بلا دموع
من المآسي يلي فيها
يلا شدي حيلش
نبغي نجمع أمل بســـــــــــــــــــــالم
مثل ما جمعتين
شمس بعايض
...ريم وفايز
...أحمد ونوير.
..ماجد ورباب ...
صافية وخليفة ...
شيخة وجاسم ...
اووووو معجبة وعبد الهادي...]]] ...اقاسي في لفظ اسمها ما عرف ...ههههههههههه
بس حرام البندري ...مسكينه مها صارت يتيمه

غجرية
22-04-2008, 11:37 PM
ههههههههههه

عادي فيه شي اسمه اووه نسيت جزء صغيرون ونزلي اجرامج << يا افكارك يا زينووة

لاتحديني على الـ..


لا خلاص .. حرام .. :a77:.. لاتوسوسين في راسي :chair:

غجرية
23-04-2008, 12:08 AM
مساااج الله بالخيرررر حبيبتي

اناا كنت اتاابع القصصصه بس كنت خلف الكواليس :s27:

بس جيت الحيين عشااان اسجلل اعجااااابي فيج وفي قصتج

واقوووووول لج

ابـــــــــــدعتي

ابـــــــــــدعتي

ابـــــــــــدعتي

قصه جدااا رااااااااااائعه

الرائـع هو مروركـ الأخيـر .. أشكـر متابعتكـ من كل قلبي

جوززه : كانت خير مثال للام المثااليه كبرت وربت وسهرت وتعبت وعانت واااايد والكثيرررر في حيااتها واخيررررا جا الوقت انها ترتااااح
المسكيينه كانت تحاتي عيالها واحد واحد وغير ذي تحاتي اختهاا
كاانت شايله كل شي فووق رااسها

ما أجمل قلب الأم .. لكن ما أثقل همومه

معجبه :يحليلها مسكينه ماتوقعت لها هالنهايه وماتوقعت انها بتترك ناصر او ناصر بينساها بهالسهووله

نساها .. لو كان يحبها ويحترمها صج مابهدلها وما حط لها كل هالشروط

شمس : كم عانت كم تألمت كم صبررررت

ارتاااحت اخيرا من بعد زواجها من عايض ومن بعد ماحياتهم استقررت وتغيرت الحمدالله

قبل كنت اقول ماتوقع ان واحد ياخذ طفل من امه او يحرمها منه
بس الحين اقول بلا كل شي جايز بهالززمن

وايد تالمت شمس من طلال عذبها خذ ضناها وفلذه كبدها حرمها منه وهو صغير وهو طفل رضييييع

وصبرت عشان خاطررررر بس سمعتنها وسمعت خواتها

يا للتضحيييه الكبيرررره والله

انسااانه قويه بمعنى الكلمه


^_^

صاافيه : شخصيتها حسيتها هااديه في حالها خايفه ربها متدينه

حبوووبه والحمدالله انها استقرت وتزوجت ومرتاحه مع زوجها وزين ماسمعت كلااام اخت ريلها الضب :s28:
بالضبط شخصيتها مستقلة بعيده عن الأخطاء

نوير : هالللبنت تجننن تصرفاتها واحاسيسها كانت متناقضه
ماكانت تعرف لشعورها ولا كانت تعرف شلي كانت تبيه او شلي بخاطرها او شلي في بالهاا

بس بالاخيرر صارررت لاحمممد :8888:
^_^

شيخه : هالانسسسااانه فوق كل شي كراامتها

عززيزه نفس هالبنت وااايد

فتحت قلبها لفجر وصارحتها بكل شي بسس للاسف ماطلعت قد الثقه فعشان جي قالت لفجر بالمره الاخيره انها تتطلع من حياتها
لانها انلدغت منهاااا

وجاسم من بد البنات كلهم اختاااار شوااااخ :good2: زين مااختاااار

صحيح ^_^
الرريم : يحليلهاااااااااااااااا

هالبنت حسيتها في بدايه القصه صج متعقده ومالومها من الاشيااء الي مرت فيها هي صغيرررره ومرت بظرووف واشيااء كثيررره

اليما جا الشخص الي يسعدها وفجاه رااح منها كل شي

شي جدا صعبببببب

خصوصا انها كانت عايشه حياه تعيسه وفايز الي جا وغير حياتها وفجاه يروح اكيد انها بتموت بتنصدم كل شي بيتغيرر في حيااتهاااا

حلووه المفاجاه اللي سوووها لها هههه استانست انا :s23:
:atiah: احس ان الجزء هذا هو الاساس للبارت النهائي

طلال : الله يرحممه :sweatdrop بس جدا كان انساان قااسي وجاحد بس مثل ماقالت الدكتوره صبا انه كان مريض نفسي مستحيل انسان بكامل قواه العقليه يسوي جي مثل ماقالت ام ماجد سحر او هو مريض نفسسسي


محمد : فدييييته هالصغيروون ماشالله عليه تحسينه اكبر من سنه

وتعلق بسرعه في اااامممه :s21:


عايض : بعد كل هالسسسسسسسسسسسنين وكل هالمشاعر الي كان مخبيييييهاا شمس صارت له صارت مرته صارت تعيش معاه بنفس البيت صاروه اثنينهم واحد .. شدعووه شامبوو :s27:

lo0ol
ماااجد : تعجبني شخصيته ويعجبني غروره وعزه نفسه وكرررامته

عيل كان يحب رباب وحنا ماندرررررري خخخخخ

وعجبني تصررف شمس بلي سوته مع اخوهاا

بس ماجد المفروض من قبل يكلم اخته ويقول لها اللي بقلبه مو يتمون كذا يوم وكذا شهرررر مايكلمون بعض او علاقتهم مو ذاك الزووود


احمد : صج عينه قوويه خخخخخخخ يروح ويقول لها احبج لا ويفرصها الحبيب مصدق نفسسه :s28:

بس ماعجبني شلوون عادي عنه يتزوج بنت خالته

المفروض الانسااناذا حب شي يتمسك فييه

كان بامكانه يكلم امه او ابوه او يسوي شي

مو يخلي حبيبة قلبه او الانساانه الي يحبها تروح منه

لا وبكل سهوله يقول الله يوفقها مع غيري اي حب ذي

مادانييييه :mad3:
الاخ كان قنوع زياده عن اللزوم .. يمكن حب وتعلق لكنه ماقدر يكسر كلمة امه وابوه .. واذا دافع عن بنت خاله هذا من صفاء نية لا اكثر ...:sweatdrop

نااصر : ومااداراك ما هالنااصر الوييييعه
صج فالبدايه كان يعجبني بس عقب خللااص

شلون نسى معجبه
شلون نسى الايام الي بينهم

كانت بينهم عشره عمر مو شي سهلل

كانت زوجته

كنت حبيبته على قوللته <_<

كانت الانساانه اللي تسمع له

وين كل ذي رااح

بمجرد ما هدى عبرت عن مشاعرها

هو صحيح هدى لها الحق لان ذي زوجها وبو عيالها بس وينج عنه كل هالسنين عذررررج مو مقبوول عذر اقبح من ذنب اخت هددى :s25:
نساها .. وأمثاله كثيـر ..تضحي المرأة عشانهم بكل شيء .. وهم للأسف مايقدرون تضحياتها .. متى تصحى الحريم من وهم الحب اللي يكلف أغلى الأثمان ..ما أدري ..

شذنب المسكينه انها شالت الررحم بس الحمدالله الله عوضهااا ببنيه حلووه صغيرونه مهاااوي :wub:
^_^

هدى : انسااانه سخييفه بصراحها وعذرها مثل ويهها :chair:

شلون خلت ريلها عشرر سنين وعقب جات تفتح قلبها او تتكلم عن مشاعرهاا عنبوو شنو ذي :s28:

بس بعد ماقدررر اقول انها ماكانت صبووره بالعكس حلوو الصبر صفه كثيرر حلووووه


فــايز : قهررررررررررررني لما طلق الريم حسته غبي غبي غبي غبي غبي غبي غبي :s25::s25::s25:

يعني شذنب البنيييه ليش يضيعها بعد مره وخصوصا يدري حياتها قبل شلوون كانت

بس ساعات اقول لا مسكين يمكن مايبي يخليها تتعذب

بس مافيها شي امه هنديه سودانيه مصريه

كله واحد

كلنا عيال ادم وحوا :flower:

:flower:
بس قدرر الله اخيرا واجتمعوااا على خيررر



اسمحيلي غجريه ادري طولت وايد واايد

:sweatdrop:sweatdrop

والف الف الف الف الف شكرر لج عزيزتي على هالقصه الرااائعه

ماشالله عليج مبدعه مبدعه

بنتظااار كل جديد ومميزز ومبدع منج

وعساااااج ع القوووووه حبيبة قلبي

رائعه في سردج للاحداث

رائعه في تفاصيل ودقه القصه

رائعه بمضمون القصصه

رائعه في صياغه المشااهد

رائعه انتي عزيزتي


مشاركه مميززه

قصه مميزه

موضوع ممميزز

مشرفه مميززه

دمتي على هالابداع وهالتميززز غاليتي


لا يسعني بالاخير الا القــــــــول


لج مني اجمل تحيييييه :flower:

:blush:


ما اتحمل عاد كل هالإطراء ..

مساء النور أختي .. شكـرا ألف شكـر للمتابعه من خلف الكواليس واهم شي ان القصة حازت على اعجابج شكـرا لهالرد اللي يبرد القلب .. شملت كل جوانب القصـة .. أسعدني مرورج تقبلي تحياتي ..

غجرية
23-04-2008, 12:14 AM
هذه النهاية السعيدة المبكية التي كنت انتظرها.

أكثر ما أثر بي:

الزفاف المفاجىء،

عندما احضر "عبدالهادي" صغيرته،

عندما قررت "جوزة" أن تكون الصغيرة لـ "معجبة"،

أن اسم الصغيرة هو "مها".


سرد رائع و واقعية اندمجت معها كثيراً.

شكراً لكِ أختي و بانتظار قصة جديدة. !


شكـرا لك وللمتابعـه الطيـبة .. سعيـده أن النهايـة أعجبتكـ ومتابعتك للقصة فخـر لي ..
قصة جديدة ؟؟ ربمـا .. لكن ليس قريبا .. ^_^

غجرية
23-04-2008, 12:19 AM
واااو .. أحلى شي النهايات السعييييده

زعلت لان القصه خلصت وبصراحه حسيت كل شي صار بسرعه ؟!

يعني زواجات على السريع وخلاص كل شي انتهـى

يمكن انا احب اقرا كل شي بالتفصيل وعلاقة كل واحد منهم

بس عموما النهايه حلوه .. كانت قصه حلووه

وحبيت الشخصيات

الله يعطيج العافيه ونشووف لج قصص مميزه مثل بكاء بلا دموع وأحلى

شكرا .. استمتعت بالمتابعه

" اهم شي فارس والريم رجعوا "

واعجبني ان معجبه تكون لها بيبيه تهتم فيها وتربيهـــاا .. فرحت لها

Smile Face

الفكـرة أن جوزة اتخذت القرارات المصيرية .. .. وهو زواج واحد اللي ذكـرته مب أكثر الباقي خليته في طي الذكـر .. للايام وللمستقبل ..واعذريني لاني اذا دخلت في تفاصيل ككل علاقة ..اشك اني بخلص القصة في يوم من الأيام !!


ابتسامة محيـا ..

أشكـركـ للمتابعـة الطيبة .. وأشكرك للردود الطيبه .. كلي فخـر واعتزاز ان القصة نالت اعجـابك.,.

كـل الود . :flower:

غجرية
23-04-2008, 12:29 AM
واااااااااااهئ واهئ << لحد يتخرع ترى هذي صيحة

:cry: :cry: :cry:

دموع الفرح والله

أهم شي إنج سمعتي كلام الكاتبة المخضرمة في مجال الكاتبة (هذي وبلا فخر تطلع أنـــــا) وخليتي النهاية سعيدة :s27:

بس الصرااااحة ماتوقعت طريقتج فالوصول حق هالنهاية :s7:

توقعت الريم بترجع حق فايز بس مب جذي وبهالطريقة الرهييييييبة حسيت كأني حاضرة وياهم وأجوف شكلها وهي منصدمة قبل عرسها بكم ساعة كانت ميتة من الصياح وشوي وإلا هي عروس خخخخ وناااسة

شويخ..يحليلها أنا قلت مردها حق جاسم حتى لو كابرت لازم بترجع مشاعرها له مثل قبل

ونوير..أما هذي صج عليها حركاااااات..عيل تستمع بنظرات أحمدوه يحليله..وأحمد أول شي بط جبدي بإستسلامه بس عقب بيضها :8888:

شمس وعايض..أحلى ثنائي فالقصة..أحلى شي فالدنيا إنج تحصلين الراحة والأمان عقب الشقى ويكوون أحلى وأحلى بعد لو كان هالشي مع إنسان يعرف قيمتج ويثق فيج

معجبة..عورت قلبي وهي الوحيدة اللي حسيتها بتصيحني فالنهاية بس صار العكس أحس إنها هي اللي فرحت أكثر شي..لأنها حصلت اللي يعوضها عن حرمان الأمومة

ناصر..أنا غير عن اللي قبلي..صح بط جبدي لما نسى معجبة..بس مايصح إلا الصحيح..وهو ماسوى شي إلا إنه رجع لبيته وعياله وأم عياله :)

وجوزة..خليتها آخر شي لأنها أساس ومحور هالقصة..هي اللي كانت السبب في وجود شخصيات القصة وهي السبب فالنهايات السعيدة اللي صارت لهم..بدونها يمكن كانت القصة كلها حزن ودموع..ونهايتها بعد حزن ودموع..بس هي كانت موجودة عشان تقلب هالشي لفرح..فعلاً الأمهات هم أساس الفرح فدنيانا..الله يخليهم لنا


غجرية حبيبتي..طولت..أدري!!

بس ترى ماطلعت إلا جزء بسيط من اللي فخاطري

أنتي أبدعتي لما كتبتي هالقصة..وأبدعتي أكثر لما خليتي النهاية سعيدة<< نغزة عشان ماتغير النهاية خخخخ

يعطيج العافية حبيبتي..وننطر منج إبداع ثاني

لأني ماتخيل يجي يوم الأثنين وأنا ماأنتظر غجرية تنزل جزء :)


مساء الانوار مناير .. تدرين خرعتيني على بالي استوى فيج شي لاسمح الله بس الحمدالله :8888:


أشكـرج في البداية لكـل ردودج ومتابعاتج الاكثر منم رائعـه ..

وأشكـرج لردج الطيب .. غريبة عاجبج موقف ناصر :s7:..بس انا اشوف انها غلطة عجوووب .. تنازلت وتنازلت ..وبالأخيـر .. خسرت ..

أهم شي النهاية حازت على اعجابج ..ولاتخافين .. مابغيرها بس لو بعض الناس مايوسوسووون ... :s23:

منـاير .. كل الشكـر وكل الود .. :flower:

غجرية
23-04-2008, 12:41 AM
ما شاء الله أول مرة أقرأ قصة في النت واندمج للنهاية ..
الصراحة أبدعتي غجرية في السرد الرائع للأحداث ..^_^
أبهرتيني بهالنهاية اللي أسعدتني وفاجأتني بنفس الوقت!!

جوزة الأم المكافحة اللي عانت وجاهدت في سبيل سعادة أبنائها وكانت خير سند لأختها معجبة ..
وفي الأخير قررت أنها تقرر مصير أبنائها بمصيرهم المستقبلي وتتحكم في حياتهم لأنها خايفة على مصلحتهم وتتمنى أنهم يسعدون بحياتهم .. وهذا غير خبرتها الطويلة وتجربتها القاسية اللي تعلمتها من دروس الحياة ..

الريم كانت أحلى نهاية، أسعدتيني بنهايتها وزواجها المفاجىء، يكفي أنها عانت من جروح الماضي ، تستاهل كل خير ..
معجبة كسرت خاطري، أحسها ندمت بالغلط الكبير اللي سوته، وأحسها مثل الجسد بلاروح، ويمكن أنها تعوض حرمانها من الأمومة في مها، بس استوقفتني بهالموقف " لكنها ابتسمت وقالت لعمرها ـ جربنا الديمقراطيه ودمرنا حياتنا .. نجرب الديكتاتورية يمكن نرتاح شوي ؟.. على الاقل مانلوم نفسنا ولو لمرة وحده.." حست أنها يائسة :cry:
البندري الله يرحمها، رغم صغر سنها ماتهنت بحياتها ولاتهنت بشوفة بنتها ..
شيخة أعجبتني في موقفها مع الدكتور وكرامتها كانت أعلى من مشاعرها، مما جعلها تكبر أكثر في عين أمها وعين الدكتور، وكل من حولها.. :good2:

ويعطيج ألف عافية كاتبتنا والصراحة بأفتقدج كل أثنين، ولاتحرمينا من هالإبداعات ..
كل التحية ،،
:flower:


يا هلا والله .. ياهلا بمبدعتنا شوق الجنة ,.. وانا بعد بفتقدكم كل اثنين ..

اول وحده تزعل عالبندري .. (نو فينس للباقي ) .. ..اعجبني تحليلج وماعندي تعليق لانه تقريبا يماثل وجه نظري .. ..

شوق الجنة .. أسعدتني متابعتج .. وأسعدني أكـثر ردودج الراقية والأكثر من رائعه .. النهاية اعجبتج .. هذا شيء يزيدني سعاده وفخـر .. تقبلي مني كـل تحية وكل ود .. :flower:

غجرية
23-04-2008, 12:44 AM
ايوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووه
:atiah::atiah::atiah:

هذي النهايات ولا بلاش :good2:

ابداع في ذمتي ,,وربي يعطيج الف الف عافيـه ^_^

ويعافيـج .. أشكـرج للمتابعه الطيبه واستانست وايد ان النهاية نالت اعجابج .. ألف شكـر لكل رد .ز ألف شكـر لكل تشجيع .. :flower:

غجرية
23-04-2008, 12:51 AM
كللللللللللللللللللللللللللوش
نهاية ولا احلى
ولا جت في بالي ابد
.....]]]]]]]]]]]]] دوم يا ربــ يكون مزاجش حلــــــــــــــــــــــوووو
احلى شي
(فايـــــــــــــــــــــــــــــــ & الريم & ـــــــــــــــــــــــز)
رووووعــــــــــــــــــــــة*ابــــــــــــــــــ ـــــــــداع
> >
> >
> >
> >
> >
> >
> >
> >
> >
الصدق ....الصدق ...فرحانة انك نهيتي القصة ...عشان ..تكملين قصة
(الجــــــــــدران البيضــــــــاء)
صراحة كنت احس ولا زلت احس ....
ان الجدران البيضاء احلى بكثير ..بأفكارها ....بشخصياتها ...من بكاء بلا دموع
من المآسي يلي فيها
يلا شدي حيلش
نبغي نجمع أمل بســـــــــــــــــــــالم
مثل ما جمعتين
شمس بعايض
...ريم وفايز
...أحمد ونوير.
..ماجد ورباب ...
صافية وخليفة ...
شيخة وجاسم ...
اووووو معجبة وعبد الهادي...]]] ...اقاسي في لفظ اسمها ما عرف ...ههههههههههه
بس حرام البندري ...مسكينه مها صارت يتيمه


^_^

الجدران البيضاء .. اووف .. ما اقدر اكملها الحين مب الحين بعدين ان شاء الله ..يمكن بعد شهور ويمكن بعد سنوات ..

اشكـر مرورج ومتابعتج الطيبة .. بالنسبة للفظ .. اكسري الميم .. والجيم وان شاء الله يطلع معاج .. رومانسية الاخت تبي نهايات سعيده .. اقولج يارؤية .. الحياة مافيها نهايات سعيده .. فيها لحظات سعيده ولحظات لج عليها .. يوم لك ويوم عليك .. (وفي دنيتنا هذي ,,يوم لك وعشر عليكـ)) ,,, شكـرا للمرور الراقي .. :flower:

كل الود .. (لاتخافين نهاية الجدران بتكون واقعية )))

كنده
23-04-2008, 12:51 AM
روعه حبكه رااائعه من مؤلفه راقيه ..


عجبتني افكارج وطريقتج انج تخلين النهايه سعيده بس بسلوب مميز كالعاده ..



حبي وايد حجي عندي بس ما عندي وقققققققققققققت ..
يالله انت مببببببببدعه


انتظر جديدج << متلهف لج بقووه ابي افكار جديده من غيردموع ابي اقرى لج شي مرح يعني قصه فيها معني ورساله بس فكاهيهه لانج عندج القدره على هالشي ...




ربي يوفقج يا ألبووو


سي يوو





كنووود بالانتظار :blush:

ريما
23-04-2008, 01:03 AM
الف عاااااااااافيه

غجرية
23-04-2008, 01:04 AM
روعه حبكه رااائعه من مؤلفه راقيه ..


عجبتني افكارج وطريقتج انج تخلين النهايه سعيده بس بسلوب مميز كالعاده ..



حبي وايد حجي عندي بس ما عندي وقققققققققققققت ..
يالله انت مببببببببدعه


انتظر جديدج << متلهف لج بقووه ابي افكار جديده من غيردموع ابي اقرى لج شي مرح يعني قصه فيها معني ورساله بس فكاهيهه لانج عندج القدره على هالشي ...




ربي يوفقج يا ألبووو


سي يوو





كنووود بالانتظار :blush:


ادري تعبتكم بالمآسي كنوود .. بس نغزة .. في ناس عندها قصص تجنن وتفرح القلب بس خاشينها لاعمارهم .. الله يهديهم بس :kkk:


كنوده . .. ادري ماعندج وقت ولاني ادري بالسبب .. فأنا أشكـرج لتكريس هالدقايق في المرور والتعليق .. اهم شيء اعجبتج وهالشيء يفرحني وايد .. ألف شكر من اعماق قلبي للمتابعه ..

اختج -كابتل اتش

غجرية
23-04-2008, 01:13 AM
الف عاااااااااافيه

ويعافيـج .. ألف شكر للمتابعه الطيبه :flower:

ملاذ الروح
23-04-2008, 01:15 AM
غجريه يعطيج الف عافيه
ابدعتي والله
واهم شي النهايه السعيده

بس هذا مو رادي
راجعه لج بتعليقي ان شاء الله

غجرية
23-04-2008, 01:50 AM
غجريه يعطيج الف عافيه
ابدعتي والله
واهم شي النهايه السعيده

بس هذا مو رادي
راجعه لج بتعليقي ان شاء الله

:flower:ويعافيج .. المهم نالت اعجابج .. في انتظار التعليق

رؤية
23-04-2008, 02:45 PM
^_^

الجدران البيضاء .. اووف .. ما اقدر اكملها الحين مب الحين بعدين ان شاء الله ..يمكن بعد شهور ويمكن بعد سنوات ..

اشكـر مرورج ومتابعتج الطيبة .. بالنسبة للفظ .. اكسري الميم .. والجيم وان شاء الله يطلع معاج .. رومانسية الاخت تبي نهايات سعيده .. اقولج يارؤية .. الحياة مافيها نهايات سعيده .. فيها لحظات سعيده ولحظات لج عليها .. يوم لك ويوم عليك .. (وفي دنيتنا هذي ,,يوم لك وعشر عليكـ)) ,,, شكـرا للمرور الراقي .. :flower:

كل الود .. (لاتخافين نهاية الجدران بتكون واقعية )))



حـــــــرام كسرتي شئ بداخلي
ليش عاد ....؟؟؟:s28:
ليش شهور وسنين ....على الأقل وعدتيني بأيام ....!!
احس اني يأسانه وتعبانة ....
حرام صدمة ....:cus2::cry:
..بكرة عليي اكوزين ....شلون اقدر اراجع ...:mhmh::a77:

كنده
23-04-2008, 05:26 PM
ادري تعبتكم بالمآسي كنوود .. بس نغزة .. في ناس عندها قصص تجنن وتفرح القلب بس خاشينها لاعمارهم .. الله يهديهم بس :kkk:


كنوده . .. ادري ماعندج وقت ولاني ادري بالسبب .. فأنا أشكـرج لتكريس هالدقايق في المرور والتعليق .. اهم شيء اعجبتج وهالشيء يفرحني وايد .. ألف شكر من اعماق قلبي للمتابعه ..

اختج -كابتل اتش



:blush: احم احم .. ان شااء الله ما تكون لمعمااارهم للكل بأذن الله .. بس انتى قولي يارب << وخليها مفاجأه تشوفينها :) :good2:

فديت قلبج العفو كم عسوله تعرف تكتب قصص رووعه عندي وحده .. وبعدين يألبوو ..صحيح دقاايق مسرووقه .. بس انتعش لما اقرى شي يسعد الخياال ..


خيتو الجميله .. امسكي :flower:

غجرية
23-04-2008, 07:39 PM
حـــــــرام كسرتي شئ بداخلي
ليش عاد ....؟؟؟:s28:
ليش شهور وسنين ....على الأقل وعدتيني بأيام ....!!
احس اني يأسانه وتعبانة ....
حرام صدمة ....:cus2::cry:
..بكرة عليي اكوزين ....شلون اقدر اراجع ...:mhmh::a77:

:cry: شسوي حكم القوي .. لاتيأسين الغلا .. وراجعي كوزاتج .. والايام تمر بغمضة عيـن .. بس الظروف تتحسن باذن الله ..

ألف تحيـة

غجرية
23-04-2008, 07:44 PM
:blush: احم احم .. ان شااء الله ما تكون لمعمااارهم للكل بأذن الله .. بس انتى قولي يارب << وخليها مفاجأه تشوفينها :) :good2:

فديت قلبج العفو كم عسوله تعرف تكتب قصص رووعه عندي وحده .. وبعدين يألبوو ..صحيح دقاايق مسرووقه .. بس انتعش لما اقرى شي يسعد الخياال ..


خيتو الجميله .. امسكي :flower:

مرسي عالورد يالورد .. بتابع هالمفاجأة عن بعد ..الله يوفقج الغلا .. :flower:

النـوري
23-04-2008, 08:08 PM
نهآآيـة ولآ أروع ..

و احسن شي موقف الامـ الصآرمـ و الحآزمـ .. مشت الامور على كييف كيفهآ

:good2:

يعطيج العآآفيه غجريه على القصه الحلوهـ ..

في انتظآر القصص البآقيه << بتذبحج هع ..

:flower:

غجرية
23-04-2008, 08:58 PM
نهآآيـة ولآ أروع ..

و احسن شي موقف الامـ الصآرمـ و الحآزمـ .. مشت الامور على كييف كيفهآ

:good2:

يعطيج العآآفيه غجريه على القصه الحلوهـ ..

في انتظآر القصص البآقيه << بتذبحج هع ..

:flower:


ويعافيج .. أشكـرج جزيـل الشكر للمتابعـة الطيبة .. والمرور الطيـب .. ألف تحيـة . ..

جنون الحب
24-04-2008, 11:22 AM
مرحبا ..

يمكن قرأت القصه اكثر من ثلاث مرات

وبكل مرة ابي ارد عليج

تجيني غبنه وابي ابجي !!

غريب هالأحساس ..

قصه تعلقت فيها واايد وكنت انطرها من اسبوع لأسبوع .. اتخيل الأثنين الياي ماكو جزء ولا شي .. شي غريب علينا وعليج موو غجوور ؟!


جوزة ..
الأم الحنون الديكتاتورية .. من ناحيه القرارات بس الصحيحه وفي مكانها .. ليش مانعيش الدكتاتورية في هالقرارات الخاصه < مخي مفتر مادري شقوول

معجبه ..

في الجزء اللي طاف نزلت رد وانمحى للأسف ناصر خليته بيزة مايسوى وهو فعلاً كذلك ياما قلت لج يالمينونة شسويتي احد يستغني عن العيال انتي يالمينونة لكن الله عوضج الحين بمها وب عبدالهادي اللي ماكنت استسيغه !!
حركات جوزة بعد خطيرة طلعت بتجمعهم ويا ام عبدالهادي صج ان كيدهن لعظيم ..

رباب وحبها لماجد اثر فيني صراحتن يضرب الحب شو بيذل على قولة كاظم الساهر ..
حلو الحب المخفي اللي ينتهي بعلاقه دائمة ..
ماجد ..
العاشق الولهان بدون اي احساس مرة وحده بدى يحب
لااه صراحه انا بسوي جمعيه للحب والمحبين وبنحل المشاكل للعشاق << اقول لا يكثر هرجج بس

احمد
يوااد انته يامولع متولع ورايحه عليك شهالحب والحركات اللي تقتل نوير وتخليها تستخف عليك وتفكر انك راح تاخذها زوجه ثانيه .. حركات يا بو حركات ..

نوير ..
ياختي عليج بس .. اقول عيشي في الهوى عيشي محد لاحقج استمتعي .

جاسم ..
ايوا يوبومحمد من قدك خطبت ووافقوا عليك وهي خبر خير..
حلو الحب لاااه

شيوووخ .. احب هالبنت واايد
خطبووج ياحلوة وانتي اخر من يعلم .. انتي فضوليه شلون ماعرفتي ؟!!
زين ادبي جسووم شوي خليه يتولع زياده ويولعج وياه ونااسه اثنينكم .


شمس ..
وتقربها من عايض وكلمه عقبالنا احسهم ملجوا بعدها بيوم وتزوجوا في اللي عقبه ! صح؟!

عايض ..
لا تعليق ..

الريم وفايز ..

زواجهم كان سوبراييز فظيعه انا ما توقعت تكون نهايتهم جذيه ..


انتهت القصه للأسف ..

بس انا للحين عند وعدي راح اطبعها واخذها وياي في كل مكان ارووحه ..


تسلمين حبيبتي على هالقصه الفظيعه .. وناطرين بعد استراحه المحارب تكمله القصه المسكرة + بعد استراحه قصيرة تردين تكتبين وحده ثانيه << كيفي هع >> اقول لا يكثر


اعطر تحياتي حبيبتي ..

وادعي لي بالتوفيق اوكي .. انتي بس ادعي وبقول لج ليييش ..

زينووووة

غجرية
24-04-2008, 10:46 PM
مرحبا ..

يمكن قرأت القصه اكثر من ثلاث مرات

وبكل مرة ابي ارد عليج

تجيني غبنه وابي ابجي !!

غريب هالأحساس ..

قصه تعلقت فيها واايد وكنت انطرها من اسبوع لأسبوع .. اتخيل الأثنين الياي ماكو جزء ولا شي .. شي غريب علينا وعليج موو غجوور ؟!


جوزة ..
الأم الحنون الديكتاتورية .. من ناحيه القرارات بس الصحيحه وفي مكانها .. ليش مانعيش الدكتاتورية في هالقرارات الخاصه < مخي مفتر مادري شقوول

معجبه ..

في الجزء اللي طاف نزلت رد وانمحى للأسف ناصر خليته بيزة مايسوى وهو فعلاً كذلك ياما قلت لج يالمينونة شسويتي احد يستغني عن العيال انتي يالمينونة لكن الله عوضج الحين بمها وب عبدالهادي اللي ماكنت استسيغه !!
حركات جوزة بعد خطيرة طلعت بتجمعهم ويا ام عبدالهادي صج ان كيدهن لعظيم ..

رباب وحبها لماجد اثر فيني صراحتن يضرب الحب شو بيذل على قولة كاظم الساهر ..
حلو الحب المخفي اللي ينتهي بعلاقه دائمة ..
ماجد ..
العاشق الولهان بدون اي احساس مرة وحده بدى يحب
لااه صراحه انا بسوي جمعيه للحب والمحبين وبنحل المشاكل للعشاق << اقول لا يكثر هرجج بس

احمد
يوااد انته يامولع متولع ورايحه عليك شهالحب والحركات اللي تقتل نوير وتخليها تستخف عليك وتفكر انك راح تاخذها زوجه ثانيه .. حركات يا بو حركات ..

نوير ..
ياختي عليج بس .. اقول عيشي في الهوى عيشي محد لاحقج استمتعي .

جاسم ..
ايوا يوبومحمد من قدك خطبت ووافقوا عليك وهي خبر خير..
حلو الحب لاااه

شيوووخ .. احب هالبنت واايد
خطبووج ياحلوة وانتي اخر من يعلم .. انتي فضوليه شلون ماعرفتي ؟!!
زين ادبي جسووم شوي خليه يتولع زياده ويولعج وياه ونااسه اثنينكم .


شمس ..
وتقربها من عايض وكلمه عقبالنا احسهم ملجوا بعدها بيوم وتزوجوا في اللي عقبه ! صح؟!

عايض ..
لا تعليق ..

الريم وفايز ..

زواجهم كان سوبراييز فظيعه انا ما توقعت تكون نهايتهم جذيه ..


انتهت القصه للأسف ..

بس انا للحين عند وعدي راح اطبعها واخذها وياي في كل مكان ارووحه ..


تسلمين حبيبتي على هالقصه الفظيعه .. وناطرين بعد استراحه المحارب تكمله القصه المسكرة + بعد استراحه قصيرة تردين تكتبين وحده ثانيه << كيفي هع >> اقول لا يكثر


اعطر تحياتي حبيبتي ..

وادعي لي بالتوفيق اوكي .. انتي بس ادعي وبقول لج ليييش ..

زينووووة

ألف شكـر للمتابعة الطيبة .. ألف شكـر للتواجد الدائم ..ولهالرد الحلو اللي يبرد القلب (شدخل كاظم زينووه )) .. ماعندي كلام أضيفه .. سوى سعادتي بالمرور الطيب:flower:

غجرية
24-04-2008, 10:48 PM
ألف شكـر لكل من تابع القصـة ومر سواء من خلف الكواليس أو من زيـن الصفحـة بتعليق .. أي رد بعد هالرد أنا شاكرةله مقدمـا ..

وداعا.

رؤية
08-05-2008, 11:38 PM
وأنتــي هم مشكورة على هالأبداع الا محدود
\
|
\
أنتظر الجدران البيضاء..^_^

القائد الملهم
13-10-2008, 02:50 PM
مررت من هنا وقرات .... استمتعت ... كم هو رائع أن تقرأ مشاعر الآخرين ..

غجرية
16-10-2008, 01:11 PM
وأنتــي هم مشكورة على هالأبداع الا محدود
\
|
\
أنتظر الجدران البيضاء..^_^

هلا فيج يالغلا .. اتمنى مايطول انتظارج .. تابعيني في قصتي الجديدة .. والشكر لهالاطلاله .

غجرية
16-10-2008, 01:13 PM
مررت من هنا وقرات .... استمتعت ... كم هو رائع أن تقرأ مشاعر الآخرين ..

^_^ مرحبا بك .. وشكـرا للمرور .

النـوري
16-10-2008, 02:05 PM
غجريـه ..

انا يمكن قريت لج قصة في رمضان .. مادري انتي ولا انا مغلطه بالنكـ ..

عنوانها كان له علاقة بـ سيلين .. و القصه ان بنتين في البحر ويا اخوهمـ وجا عمهمـ ..

سؤآآلي .. : وين راحت القصه .. :sweatdrop ..

قعدت ادورها وايد ما لقيتها .. :sweatdrop ..

عاجبتني ابي اكملها :cry:

غجرية
17-10-2008, 02:35 AM
غجريـه ..

انا يمكن قريت لج قصة في رمضان .. مادري انتي ولا انا مغلطه بالنكـ ..

عنوانها كان له علاقة بـ سيلين .. و القصه ان بنتين في البحر ويا اخوهمـ وجا عمهمـ ..

سؤآآلي .. : وين راحت القصه .. :sweatdrop ..

قعدت ادورها وايد ما لقيتها .. :sweatdrop ..

عاجبتني ابي اكملها :cry:

:sweatdrop اي وأنا مثلج مستغربة وين راحت القصة ؟؟؟ .. . اتوقع مع التحديث طارت المواضيع الأخيـرة .. أفا عليج الحين أنزلها من جديد مع بارت جديد .^_^. صار لي ايام احوس في المنتدى ادورها .. المصيبه ألاقيها في لوحة التحكم عندي .. بس مااقدر ادخل عليها :( .. ,,

de lared
29-01-2009, 06:42 PM
الله يخليج دووم لنا يا اخت غجرية صراحة حبيت القصص اللي تطرحينها وان شاء الله على طول الاولى في كتابة القصص:s21::nice:

de lared
30-01-2009, 12:24 AM
صراحة قصة بجنن وان شاء الله نستفيد من مضمونها في المستقبل:s21:واشكرش مره ثانية اخت غجرية:nice:

رنوش
30-01-2009, 12:28 AM
القصه كثير جميلة جزاء الله خير:s21:

غجرية
01-02-2009, 11:52 AM
الله يخليج دووم لنا يا اخت غجرية صراحة حبيت القصص اللي تطرحينها وان شاء الله على طول الاولى في كتابة القصص:s21::nice:

صراحة قصة بجنن وان شاء الله نستفيد من مضمونها في المستقبلواشكرش مره ثانية اخت غجرية

ألف شكــر الغلا لهالمرور الطيب وأشكـر اطرااءج اللي ا:blush: ...تسلمين وهلا فيج :flower:

غجرية
01-02-2009, 11:53 AM
القصه كثير جميلة جزاء الله خير:s21:

ويجزيج بالخـير ..شكــرا غنااتي هلا فيج :flower:

البـــارونه
21-02-2009, 03:15 PM
روووووووووووووعه

كتاباتج قمة فالتشويق
وصوره كماليه للأبداع

يعطيج الف عافيه غلاي
قصتج اكثر من روعه
جد جد جد تسلم ايدج ابدعتي والله






اختج
البارونه

غجرية
23-02-2009, 01:14 AM
روووووووووووووعه

كتاباتج قمة فالتشويق
وصوره كماليه للأبداع

يعطيج الف عافيه غلاي
قصتج اكثر من روعه
جد جد جد تسلم ايدج ابدعتي والله






اختج
البارونه

:blush:

شكـرا للاطراء الطيب كلج ذوووق.. ألف شكــر ..:flower:

نوارة الكون...
29-03-2009, 01:07 PM
الله يعطيج العافية القصة روووعة

وانا توني اقراها :blush: في الجزء الخامس حالياً

:flower:

غجرية
07-04-2009, 11:04 PM
ويعااافيـج آمـين... اذا خلصتـيها نوريـنا بمرور ثاني :flower: