PDA

عرض الاصدار بالكامل : بصراحه: كيف تقضون وقت المحاضره ؟؟


المميزة
10-09-2006, 12:50 AM
السلام عليكم ورحمة الله وبركاته

بصراحه أنا كل كورس .. أقول بركز .. بنتبه ..

بس من أدش المحاضره اركز أول عشر دقايق باقي المحاضره

أروح .. وين أروح إلا اسافر < اقص تذكره خخخخ

المهم .. كل طالب بكل محاضره لازم يسوي شي .. مافي حد يقعد مركز

طووول المحاضره أكيييد .. :a43:

فيه دراسة تقول أنه أطول مده للتركيز مع المحاضر ماتتعدى 20 دقيقه

يعني لازم العقل يعمل بريك شوي ... عقب ريستارت ويرد يفتح مع

الدكتور...

عاد كلش ولا المحاضرات الثلاث الاولى ..<< انواع التفهي :sleepy:

ولا اخر المحاضرات << تسطل من قلب :blush2: .. مادري جني

احس باعراض الشيخوخه المبكره .. آلام في المفاصل .. بروده..

خمووول .. ريولي ترقد .. مخي يقفل < عاد متى يفتح الله واعلم..

عاد مساكين دكاترة اول المحاضرات انظلموا .. يحسون انهم يكلمون اموات ..

عشان جي ..

بسألكم :

شتسوون في المحاضره ؟؟ شلون تقضون وقتكم ؟؟ غير الاستماع طبعا..؟!!

الريانية وبس
10-09-2006, 01:02 AM
لابالعكس المحاظرات الاولى نكون مركزين بس الاواخر الظهر والعصر نايمين نبي البيت

وبعدين في دكاتره يشدونج انا لما رفيجاتي معاي التهي فيهم ومااقدر اشارك بس

لما اكون بروح واايد اهذر واناقش واذا الدكتور بارد او قاعدين بمعمل وانا في الاخير

والحاسب قدامي انا وضميري هو مايدري اذا انا معاه او لا

بس في اخطاء واضحه بالمواعيد خاصه الصيف اربع ساعات متواصله والمحاظرة

الوحده ساعتين شنو هالانسان الي يقدر يركز اربع ساعات بنتظام

شكرا على المشاركة

وحداني
10-09-2006, 01:05 AM
تبين الصج ولى ولد عمه ...

أنا أحس هالدراسة الي تقول أكثر شيء الواحد يركز 20 دقيقه خرط .. أنا حدي 5 دقايق .. بس أحياناً اشتط وأركز 10 دقايق ... والإعتماد على الدراسه في البيت طبعاً..

الحين جينا شيسوي وحداني باقي الوقت ... :8888:


شوفي أول محاضرة أكون نشيط خبرج توني جاي الصبح >>> فأقعد اتشيطن وألعوز الدكتور غالباً أسأله بايخه .. أو كل ما يقول شيء أقول ما فهمت .. عاد الله لا يرويج نفسيت الدكتور يوم أقوله مب فاهم كني صاب على راسه كلك " طشت" ماي بارد ...


والمحاضرة الثانيه النشاط يقل فأبرز جانب من جوانب هواياتي الدفينه وهو الرسم ... وغالباً أرسم عيون ... أو ورده ... وإذا متملل حدي أرسم منظر طبيعي مثل منظر الغروب .. أو رحلة عائلية للبحر:cat:


والماحضر الي عقب تكون نفسيتي هادية وأبدأ أطلع مشاعري وأحاسيسي ... طبعاً أبدأ بكتابة الخواطر والأشعار المكسرة ... طبعاً مشكلتي ما أهتم بهالأشعار ولى كان عندي ما يقارب 30 ديوان شعر من الإعدادية لين الحين ..

ومحاضرات الظهر ... أبرز نوع أخر من هواياتي وهو النوم مع فتح العيون للتمويه ..وهذه الهواية نادره في هذه الأيام لان كل الي ينامون يغمضون عيونهم ..:cat:


وووووووبس :kkk:


مشكوره اختي المميزه على الموضوع

LAILA
10-09-2006, 01:20 AM
موضوع الصراحة قيم ويعاصر واقع :169: شكرا جزيلا عله ..

اول 15 دقيقية من المحاظره اكتب نوت واركز مع الدكتور وبعدين يبدا الرسم والمسجات واذا فاتحة الاب توب اخلص شغلي كله علية ( الستغل اوقات الفراغ ) خصوصا ان كلام الدكتور بعد ربع ساعة اصير كاه نفس الشي .. ( ابشرج حطولنا واير لس في اداره ) لين آخر ريع ساعة تشتغل سوالف:yawn: ( اتأفف واطالع الساعة ) عشان الدكتور يفهم ان المحاظره خلصت .. وطبعن كل السوالف انقولها في المحاظره وين رحنا امس وشسويان كلشي ما تتصورين عن شنو نسولف عن اتفه الاشياء شنسوي :sleep1: من الملل ..

وكله في صوب ومحاضرات الاثنين والاربعاء في صوب اموت:blowup: لين اتخلص الساعة الاولى والوقت ما يمر صج عذاب ..

نوارة الكون...
10-09-2006, 01:38 AM
مشكورة على الموضوع

انا المحاضره الاولى ما احبها .. اكون متكيسلة خاصة اني اقعد وهل يعني قبل الـ 6

المهم اذا الدكتور يسولف ويكون الشرح مشوق انتبه

اما اذا مواد علمية وارقام واحصائيات كل انواع الملل تظهر

شسوي بهالوقت اقعد اقرى الملزمة اشوف الدروس شكثر باقي ونخلص

وساعات اقلب بالدفتر واطالع اللي مكتوب

وانا من النوع اللي يشخبط وايد >>> يقولون لها معنى الشخبطة

احب المحاضرة اللي نكتب فيها مع الدكتور عشان ما ارقد ..

بعدين في دكاتره يعرفون فلازم يكون هناك مثل حد او فاصل يعني يقول شي

مثلا آخر الابتكارات ،، آخر الدراسات ... مب بس شرح شرح شرح :(

ومحاضرات الساعة 2 وبعد ... الواحد خلاص ينتهي تركيزه ينتظر متى يرجع البيت ..

اي صح الكرسي :cry: صراحه تعذيب كلش مب مريح ..

انا بعد ربع ساعة من المحاضرة ما اقدر اقعد عليه ..

والحر ما يخلي الواحد ينتبه .. اغلب القاعات اللي دخلتهم

تكيفهم سيء << الممر ابرد من القاعة

مشكورة على الموضوع.. والله يعطيج العافية..

وكل عام دراسي وانتي طيبه :)

بنت هندسة
10-09-2006, 01:38 AM
عجبتني فكرة الموضوع

مشكورة على الطرح

أنا بالنسبة لي أكون عكس خلق الله .. أول المحاضرة كلش ماقدر اركز واقعد اشغل نفسي علشان يبين شكلي متابعة .. أكون اكتب اللي يقوله الدكتور وادقق على كلمة تعجبني واقعد اكررها لين ماأحس اني شوي انسجمت مع وضع المحاضرة وركزت
بس صج في دكاترة يقدرون يجذبون الطالب حتى لو طول المحاضرة أمثال الدكتور محمد بربار يعطيه العافيه

بس :s23: اذا معاي رفيجاتي ماحد يقدر يركز بس نشوف ويوه بعض نتذكر ألف سالفة ونقعد نكتبهم

engineereena
10-09-2006, 02:18 AM
السلام عليكم ورحمة الله وبركاته

الغريب فيني ,,, أيام الثانوي والإعدادي كنت اركز لدرجة إن ليلة الامتحان يمكن ارقد بدون مادرس ,,, وكان تركيز لا إرادي ,,, يعني ماكان هدفي إني اركز بس سبحان الله كل حرف وكل حركة اركز عليها...

ويوم جا الصدق ودخلت الجامعة ,,, فقدت التركيز حتى اسامي ربعي تخربطت :cry:

في المحاضرات الاولى أجي وتوني مابعد افطرت ,,, طبعا طول المحاضرة افكر شنو بفطر كوروسون ولا جيز ساندويتش وبشرب كوفي ولا عصير :s23:

وطبعا أكون في حالة نعاس شديد ,,, والله يبين علي النوم والمشكلة ارتز اول صف يبلفيت بستحي واسوي نفسي مركزة ,,, بس للأسف النوم سلطان عظيم حتى لو عيوني :cus2: مبققة ,,, في داخلي zzzzzzzzzzzzzzz

أما محاضارت العصر يعني بعد الغدا أكون مسطلة وصدق من قال إذا امتلأ البطن غطّ العقل ,,, ومن جديد أدخل في دوامة من النعاس

الصراحة ,,, في دكاترة ممتاااااازين يعرفون متى يمل الطالب فيحاولون يجذبون الانتباه بتغيير مستوى الصوت أو أي شي مبتكر
وفي مواد شيقة غصبن علي أركز ,,,
وفي مواد مملة وطريقة العرض تزيد من خمولي فأتجه أحياناً لموبايلي ولا لساعتي ولا لقلمي الرصاص حب حياتي وابتدي العمليات الفنية في اوراقي وماطلع من المحاضرة الا ايدي كلها رصاص كني من بنات الروضة

إذا ربعي معي في المحاضرة ماأتأثر فيهم لأني اعطيهم العين الحمرا :8888: أسوي نفسي شاطرة ومركزة ,,, يعني هم يعطوني حافز للدراسة

EYE CANDY
10-09-2006, 02:34 AM
الصراحة يعتمد على الدكتور!!!

هو يقدر يشط الطلاب وهو الي يرقدهم..

انا عن نفسي اذا تمللت..اطالع الربع شلون:sweatdrop ..راقدين؟؟ ولا متمللين عشان نضحك..
واذا الملل كلششش اقعد ارسم!!! ( نص الدفتر رسومات!!)

لا ..واخر كورس خذت اسس رسم..يعني بالغصب نرسم :cry: ..صرت حتى وقت الفراغ فالمحاظرة مارسم..ضاعت حركة تضييع الوقت..

بس تبون الصج..احلى حركة ..او ماتقعد تخيل ان المحاظرة خلصت!!! فعشر دقايق الا الدكتور يقول "اي سؤال ؟ اي استفسار!!!"..

طبعاً غير الي يرقدون:cus2: ..شلوووووووووووون تقدر ترقد!!!! شلوووووووووووووووووون!!! (?? WHAT KALAR )

Nice kteeR
10-09-2006, 03:27 AM
والله انا لي طقوس .. < حشا راهبه

احيان اقعد ارسم وياليتها رسمات مفهومه , ارسم مربعات ومعينات متداخله في بعض لو يشوفها احول والله بيدوخ < خخخ :wacko:

ومرات اذا كنت ماخذه المقرر بروحي بدون رفيجاتي العب اكس او بروحي :w00t:

احيانا ينزل علي الوصل من ربي .. في المحاضره ماخلي قريب ولابعيد في الدوحه ولا برع الا وادز له مسج ,

واحيان اسولف مع رفيجتي بالنوتات طبعاً كله نكتب ونكتب ..

مرات والله تجيني النوده احس خلاااااااااص ماقدر ماقدر كلش ابطل عيوني فـ اضطر مانزل النظاره عشان مايشكون فيني خخخ

احيان ارقد سيده عيوني مسكره تحت النظاره ومتكتفه طبعا اقعد ورى مارز الويه كلش قدام خاصه لو كان دكتور

طبعاً اللي يشوفني من بعيد مثل الدكتور يحلف اني منتبهه ههههههههه

على طاري السرحان .. اذكر مره سرحت بدون نظاره < والله كني اياج اقص التذكرة ويلا

المهم سرحاااااانه في امان الله .. ومن عاده المحاضره هذي دايما شوشره وازعااااااااااااااااج

سرحااااااانه مب وياهم اصلاً .. شوي الا هدوووء غريب رديت للواقع بصراحه سكتوا اكثر من 5 دقايق ..

لما انتبهت الا الدكتور متكتف ويطالعني < عطيته ذيك النظره كأني أقول له >> :poster_wi

شوي الا يرد لي بنظره << خخخخ والله انه يبتسم وينزل شوي لمستواي يبي يعرف شفكر فيه

والله هذي اغلب طقوسي < وماخفي أعظم

يعطيج العافيه موضووع مميـــــــز يا المميزه :good2: ذكرتينا ايام حلوووووه

Ahmad
10-09-2006, 06:25 AM
اسافر + أكل + أسولف.

شكراً على الطرح الخفيف أختي.

الغروب
10-09-2006, 06:39 AM
يعطيج الف عافيه على طرح هذا الموضوع الحلو ..

وكالعاده .. اول خمس دقايق سوالف بعدها رسم بعدها سرحانه في مين ما ادري :)
بعدها انتباه شوي والخمس دقايق الاخيره انطر متى الوقت يخلص عشااان اطلع :)

تسلميييييييييين الغاليه على الموضوع ..

لحظة سكون
10-09-2006, 07:56 AM
جوفي أختي المميزة
انا الله يسلمج ادش المحاضرة مشتطة و اقول بانتبه

لكـن على حسب اللي اتكون قاعده احذاي .....

مثلا لو كانت احذاي لزيمتي في المحاضرات الله يذكرها بالخير :wub:

ننتبه شوي و بعدين افتح دفتري على آخر صفحة (( من ورا لأنه فاضي )) و نفتتح الميلس :wshh: .....و أحيانا يدخلون علينا ضيوف و يشاركونا ....طبعا عيب اردهم فاحط لهم صفحة جديدة :kkk:

و لما اكون بروحي اضطر انتبه و اركز و هذي نعمه لاني استفيد وايد بس لو تمللت ....ارسم عيون مدمعه ...هاي رسمتي المعروفة أو أنواع الورد :flower: .....
إلى أن يقول الدكتور Time is Up أكون أول المهنئين :atiah:

و سلامتج .........شكـرا على الموضوع الحلو وايد

LeQaTaR
10-09-2006, 12:55 PM
هههههههههههه ماشااء الله
في الحقيقة << يبي يسوي محاضره

بالنسبة لي الاولى اكون مسطل
الثانيه شويه ها صحصحنا
الثالثه لين الساعه 1 جيد
مابعد الساعه 1 الله يعين ( تعب ) :nosweat: اانا المعامل مااحبها لانه مواعيدها كلها مابعد 2


اثناء المحاضره يعتمد على الدكتور ومده المحاضره
محاضرات الاحد اوالثللاثاء والخميس ممتعه لانها صغيره
اما الاثنين والاربعاء فهي ترقد ( ساعه ونص )

*NOOR*
10-09-2006, 01:53 PM
ههه والله شوقتونا حق الجامعه^_^ ...يعني مب مختلفه وايد عن المدارس..بس افففف اشوى افتكيت من المدرسه:8888:
عاااااااد انا اموووووت عالرسم.:cus5: ..شكلي بشتري دفتر خاص بس حق الرسمات:a43: ...انا كتبي مالت المدرسه كلها رسمات..تقولون معرض فني:sweatdrop:good2: ..بس مب كلهم عيون وورود:flower: ..لا انا عندي تنوع يعني ساعات ارسم رسوم متحركه:s7::cus5
او بورتريهات.:^_^ :.او اي شييييي يدور فبالي ارسمة ^_^ واذا متملله حددددددي:s23: ارسم اشكال هندسيه

بنت المعلومات
10-09-2006, 02:09 PM
احيانا اشتغل بلوتوث&احيانا ارسم&احيانا شعر&احيانا اجوف اللي حوالي>>وسرحــــــان
الدفتر اسود ينقلب,,سبحان الله...بس في محاضرات اللي تعتمد على اللي ينقال تلقيني
مشتطه واكتب وماوقف الا لين يسكت الدكتور^_^

والاغلب يعتمد على اسلوب الدكتور هل هو نشيط ويخلي الطلبه يتفاعلون معاه والا يرقدنا..

تسلمين على الموضوع

ملسونا
10-09-2006, 02:09 PM
موضوع رووعه

زين عرفت ان في ناس مثلي

عن نفسي مااحب آخذ محاضرات الرياضيات مع حد

احب اكون بروحي

طبعا المحاظره دايما تكون الثانيه ( هاكورس الثالثه :8888: )

طبعا ارتز اول وحده ولازم اجابل الدكتور
اذا كنت تعبانه ومسطله ماانزل النظاره <<< حفاظاً لماء الوجه

اممم احاول اني اركز مع الدكتور
بس اذا الدكتور غير موضوع المحاضره وتم يسولف عن حياته الجامعه اسرح وارسم وانام واسوي كل شي وهو للحين ماخلص
واذا رجع لموضوع المحاظره انتبه لان اذا مانتبهت ادري شبيصير فيني
مشكله ان الدكاتره يصيدوني لما اسرح ولا ارسم ويقولون لي جاوبي :sweatdrop

اما محاضرة الانجليزي لانها وايد طويله ومافيها بريك طبعا اسوي لي مركز الابداع فالمحاضره

اكون مع ربعي ونرسم ونقصص الاوراق ونسوي بلاوي

واوقات اذا الدكتور عطانا هوم وورك احله فالمحاضره
واذا كلش كلش كلش تمللت
افتح النت من تلفوني والماسنجر واذا شفت اي وحده من ربعي اون لاين اطق سوالف معاها حتى لو ماكانت وايد معاي وحتى لو علاقتي معاها سطحيه

واذا تمللت من النت والماسنجر افتح البلوتوث واضحك عالنكات
واللي يموت من الضحك ان الدكاتره يقولون للبنات ليش ماتصيرون من فلانه ( يعني انا :cat: :cat: ) مايدرون لو صاروا مثلي المحاضره بتصير فوضى × فوضى

بطوطه
10-09-2006, 02:44 PM
hi
اختي (( المميزه))
صراحه موضوعج يوميا انا ورفيجاتي نتكلم عنه ونضحك على عمرنا ... انا محضراتي ثلاث ورى بعض

الصراحه انا المحاضره الاولى مقفله بالمره ومالي خلق لأي شي وخاطري اتهاوش مع اي حد ودكتورتنا تبط الشبد تتكلم وتسكت وتتكلم وتسكت والبنات مستغربين ليش ساكته وفجأه تخرعنا وتتكلم بصوت عالي ((انا عاذرتها لانها المحاضره الاولى .)) وممله لدرجه خاطري انتحر ....من الملل اغير مكاني في المحاضر و تعصب علي .

اما المحاضره الثانيه اركز طول المحاضره لان دكتورنا عجيييييييييييب اسلوبه يشد ((يعطيه العافيه))

وبعدين اروح اقعد مع رفيجاتي في ستار باكس واصحصح عدل من ريحة القهوه اللي تبط الراس
و افطر واسولف مع رفيجاتي .

وتجي المحاضره ((الثالثه)) ودكتورتنا اسلوبها اللي يبط الراس تقرا واحنا نخطط ((في الاخير الكتاب كله مخطط))
ما ادري ليش تخطط معانا و حاضرتها اربعين دقيقه بالضبط واذا كانت معصبه ساعه وشي ..

ودايما في محاضرتها ازخرف اسمي و افكر اسوي توقيع جديد لي و ارسم عواصف ((موب مني من الجامعه))
و اشغل البلوتووث ((بس ما اطرش لأي حد)) هم يطرشولي لوووووووووول

وبعدين اروووح البيت و فتك من كابوس الجامعه ..

نور الايمان
10-09-2006, 03:46 PM
يعطيج العافيه عالموضوع

هو على حسب الدكتور واسلوبه وطريقة شرحه

اذا كان الدكتور شرحه اوكي والمحاظره ممتعه نرتز جدام وننتبه معاه وننتحاور مع الدكتور

اما اذا كان الدكتور شرحه مب ذاك الزووود

اول المحاظره نسوي نفسنا منتبهين :cus2:

وبعدين نفتح البلوتوث ونطرش , وفي حرركه انا اطرش ورفيجتي تصيد اللي تستقبل خخخخخخخخ من الملل lo0ol

وساعات سوالف او احط السماعات واسمع الريدو :s23:


اما اخر المحاظره نبتدي نسخخن حق الطلعه :cat:


:m21:

عرباوي متعصب
10-09-2006, 04:55 PM
عادي العب بليارد في الهاتف المتحرك والا بولينج اما المحاضرة فأدش واطلع ولا اني فاهم شي واحسب اللوقت لين تخلص المحاضرة

**Lofty Girl**
10-09-2006, 09:04 PM
السلام عليكم ورحمة الله وبركاته

اشكرج اختي ع الموضوع الحلو:s21: :s21:
انا عن نفسي ادش المحاضره الاولى 8 ونص :sweatdrop لان ادري اذا حظرت المحاضره كامله بيصير فيني شي:blowup: :blowup: :blowup: :blowup:
واول ما ادش يعصب الدكتور شوي بعدين يسكت:s28: :s28: :s28:
واول مايبدى شرحه سيده it's time to sleep :sleep1: :sleep1: :sleep1: :
واول مايقول time is up مايشوف الا غبرتي
:uptight: :uptight: :uptight:
اما المحاضره الثانيه الدكتور مشتط .زياده عن اللزوم شوي
احسه شوي وبينقز من فق السبوره من كثر الاشتطاط:cus1: :cus1: :cus1:
لا ولو تشفين السبوره اعطيج مليون ريال اذا فهمت شمكتوب فيها
اسهم رايحه واسهم جايه ودواير وخرابيط والمشكله اذا ابي اريح راسي شوي واخذ لي غفوه يعصب <_< <_< <_< ويقول اللي مب عاجبتها المحاضره تطلع:s28: :s28:
بس خبرج لازم انتحمل عشان الحضور و الغياب
ومحاظرات الساعه 1 وما بعدها سوالف:wshh: :wshh: , وبلوتوث ولو ان الدكتور يجكنا بعض الاحيان بس يمشيها لا وفيه مره جفت وحده قاعده تعدل مكياج رفيجتها :cat: :cat: :cat: :cat:

qaswara
10-09-2006, 09:56 PM
انا بصراحه بقضي وقت المحاضره مع موبايلي
ابعت بلوتوثات
ولو عندي رصيد ابعت مسجات
ولو الرصيد مليان بتكلم مع صاحباتي
بس بصوت وااااااااااااااااااطي

~ chocolic ~
10-09-2006, 10:16 PM
ههههههههههههههه والله انكم فله .. و منكم نستفيـــد :kkk:

انا من النوع اللي اسرح بسرعه اذا اللي جدامي طول في الحجي و الشرح و التفصيل

مع اني احب اقعد جدام عشان اتسنع و انتبه ، بس لازم يكون كرسي عالطرف

و بعيد عن ويه الدكتور ، يعني يا اقصى اليمين او اليسار عشان وقت السرحان ما يصيدني D: !

وانا بعد من جماعة الرسامين :8888: بس ستايل رسمي مثل NOOR

ولا مرات اقعد اكتب اي شي عشان اخلي خطي احلى وبالمرة يحسبني الدكتور اخذ نوتس P;

شكراااا عالموضوع الحلو :)

.

.

المميزة
11-09-2006, 01:24 AM
الريانية وبس...
كل أنسان وله تركيز بحزه معينه..
وصاجه إذا رفيجاتج وياج تلتهين عن المحاضره..
بالنسبه للصيفي ( توبه) هي مره وحده وخلااااااص..
تعب صج .. ومثل ماقلتي صعبه الوحده تركز 4 ساعات ..

شاكره مرورج..

*****************

وحداني..

بالنسبه للدراسه مب خرط.. تقول قدرة الأنسان الطبيعي على التركيز هي 20 دقيقه..
بس الظاهر العله فينا أحنا...:(

بالنسبه لمحاضرتك الأولى..
عاد تبي الصراحه..أحس بقهر إذا وحده من البنات قلبت المحاضره محضر وأسأله
أحنا يالله نبي الفكه.. لذلك أتوقع الطلاب يحقدون عليك..<_<

المحاضره الثانيه..
ماشالله عليك موهوب..ترسم أشياء رائعه ورومنسيه تناسب الحزه ( عيون _ ورد_ منظر غروب:cry: )
لكن (رحله عائليه للبحر) :cus2: << وين دشت عرض خربت الجو أزعاج وناس وحشره من الصبح..
لين بدى الدوام برمضان أرسم يوم القرنقعوه..

المحاضره الثالثه..
محاضرة الأحاسيس.. ماشالله عليك شاعر بعد..

أما محاضرات الظهر..
يمكن تقدر ترقد وعيونك مبطله..
بس البؤبؤ يروح فوق تستوي عيونك بيضا<< بسم الله ..خخخخ

شاكره مرورك..

**********************

LAILA

من ناحية الرسم والمسجات كلنا والله..
لكن لابتوب ماشالله عليج..:) وواير لس بعد خخخخ
هههههههههه بالنسبه لأخر الوقت كلنا والله حتى البنات بالمحاضره يحسسون الدكتور..وبعدها أفراج..
والله أنج صدقتي العذاب يوم الأثنين والأربعاء مايمر الوقت كلش..

شاكره مرورج...

************************

نوارة الكون...

نفسي والله أكره المحاضره الأولى ونفس المعاناه لازم نقعد من صبح عشان يمدينا نجهز ..:(
وصاجه والله الماده بعد يلعب الدكتور فيها دور..
بعضها ننتبه شوي.. وبعضها ممله..
ومعاناة مابعد الساعه 2 لاتوصف..<< أنواع التسطيل..
الله يعينااا..

وكل عام وأنتي بصحه وسلامه..

شاكره مرورج....

*************************

بنت الهندسه

أي والله أنتي عكسنا التركيز بالبدايه بعدين نلتهي..
ومثل ماقلتي بعض الدكاتره يشدون الطلاب لجو المحاضره..
لكن لو معج حد تعرفينه ماندري عن هالجوو..

شاكره مرورج...

*************************

Engineereena

طيبعي بيتغير تركيزج من الثانوي للجامعه..لأن الجو نفسه متغير عليج..

خخخ بالنسبه للصبح شي طبيعي النعاس والتفكير يروح..
لكن ليش تقعدين قدام..<< أحس صعبه.. بالذات لو الصبح وأولى والنعاااس غالب علينا..

محاضرات العصر.. الله يعين عليها صج مثل ماقلتي انواع التسطيل..
والماده والدكتور بعد تلعب دور بالتركيز...

شاكره مرورج....

المميزة
11-09-2006, 01:28 AM
EYE CANDY

صدقت أخوي الدكتور له دور بتركيز الطلاب..

ماشالله عليك موهوب ترسم بالمحاضرات يبيلنا نشوف غير رسمة الخثاق..

بالنسبه للرقاد بالمحاضره إذا مب مصدق أنا نموذج حي..
والله العظيم ومن دون أي مبالغه مره رقدت صج بمحاضرة ثقافه..
كان مصكر الليت وشرح بالبروجكتر.. رقدت ربع ساعه تقريبآ..
حضي رفيجتي حذاي قعدتني لما خلصت المحاضره ..

شاكره مرورك...

**************************

Nice kteeR

ضحكت على تعليقج خخخخ في حد يلعب أكس أو بروحه؟:cat:
بخصوص الرقاد شي طبيعي .. تدرين انتي مثلي دايما الدكتور يطيح علي وانا مفهيه
ويتم يسألني عن اللي مانتبهت له ..
شاكره مرورج..

********************

العفــو أخوي Ahmad

الحمد لله في حد مثلي يسافر..بس سالفة الأكل جديدة علي خخخخ

نورت الموضوع وشاكره مرورك..:)

حناين
11-09-2006, 01:32 AM
موضوع حلو ويعبر عن حالتنا
بالنسبه لي الشعور يختلف ع حسب الماده والدكتور
أكو دكاتره يخلون الماده أكثر من رائعه ويكون التركيز ميه ميه
وأكو دكاتره لما يشرحون يخلون الواحد الود وده ينتحر أو يجيب مخده وينام من كثر الطفش
وبالنسبه للمواد ع حسب الماده يكون تركيزي أكو مواد التركيز صفر لأني أكره الماده ووقت الامتحان
حفظ في حفظ
و أكو مواد من حلاوتها يكون تركيزي أووووووووووكي


ويسلمووووووووووووووووو

طالب قانوني
11-09-2006, 02:12 AM
الصراحة حسب المادة وحسب الدكتور..

بعض الدكاترة يكتبون عالبروجكتر.. ويناقشون الطلاب في المحاضرة.. فغصبا عنا بننتبه عشان اذا سألنا الدكتور ماننحرج..:sweatdrop

اما البعض الآخر.. اللي يقعد عالكرسي.. وبس لسانه اللي يتحرك..ساعه كاملة وهو يشرح كأنه بالع راديو وحد امكبل يده خخخخخخخخخ:169: ..

اهني الوضع يختلف .. انا عن نفسي اقضي الوقت في هالحالة بالبلوتوث.. او المسجات .. واحيانا العب (x.o) مع اللي قاعد احذاي ...


شكرا اختي على الموضوع الشيق...

senior student
11-09-2006, 02:08 PM
موضوع رااائع أختي، مشكورة :)

بالنسبة لي على حسب شخصية الدكتور. لدينا دكتور في القسم أشعر في محاضرته أن " لو الملل يذبح ذبحني!!" .. يعيد و يزيد على نفس النقطة وأتمنى لو استطعت أن أصرخ وأقول "قسم بالله فهمنا ياأخي حراام عليك!!".. لاتتخيلين كيف أنه يفعل كل شيء يسبب الملل، بشكل غير طبيعي!! لكنه طيب مسكين لانكرهه أبداً، يعاملنا كأننا أطفال ربما ولهذا يكرر الكلام. البنات اشتكوا عليه كسر خاطري :(

في أغلب المحاضرات أركز ولله الحمد. بصراحة أستطيع أن أرسم وأركز في نفس الوقت( قولوا ماشاء الله تبارك الله!)، بل إنني أركز أكثر وأنا أرسم أحياناً! (غريبة،صح؟)

أحياناً ألعب مع نفسي لعبة التحدي، أقول أنني سأركز مهما صار، وسأعتبر المحاضرة درساً في قوة التحمل. اكتشفت شيء: إذا مثّلت بأنني مركزة أندمج في التمثيل ثم يصبح حقيقة!!

أحياناً أبدأ في تحليل شخصية الدكتور من الـ"بودي لانقوج" وكذلك من أسلوب الكلام ونبرة الصوت وغيرها! ثم أحلل البيئة التي أتى منها وتأثيرها عليه، وأبدأ في تطبيق نظريات فرويد وربعه، لاسيما الأمور المتعلقة بطفولة الشخص الذي أحلله :) .. كل هذا بيني و بين نفسي طبعاً، مساكين الدكاتره مادة دسمة لأبحاثي النفسية :)

المميزة
12-09-2006, 12:59 AM
الغروب

ماشالله عليج منظمه وقتج خخخ
بس أنتي من البدايه مب وياه صريحه
لكن انا البدايه بلفيت تمويه أني وياه بعدين أرووح..خخ

شاكره مرورج...

**********************

لحظة سكون

نفس الحاله أقول بنتبه بالمحاضره بس ليات حزة الحزه مادري عنها..
هههههه والله نفسي أفتح الدفتر وكله سوالف تحصلين دفتري سوالف أكثر من المحاضرات..
ماشالله وإذا كنتي بروحج طلع الأبداع عيون وورود.. نفسي كله أرسم عيون تدمع<<مع بيت شعر طبعآ
ولما يقول الدكتور الوقت خلص كلنا مهنئين ماشالله..
خخخخخخ<< عاد أنا أخر من يدخل المحاضره وأول من يطلع..

شاكره مرورج...

**********************

LeQaTaR

بالنسبه لمحاضراة الأولى كلنا مسطلين<< أموات
بس ماشالله عليك تصحصح الثانيه..أنا لا..خخخخ
مابعد الوحده يرد لك التسطيل ههههههه ..والله يعينك على المعامل تعب :(

ومثل ماقلت يعتمد على الدكتور
لكن الوقت اختلف وياك.ألحين الاحد والثلاثاء والخميس ممتعه << انا عندي سجن 45سنه
لكن الاثنين والأربعاء مؤبد..خخخخ

شاكره مرورك....

**********************

*NOOR*

شكلج من النوع الأجتماعي أنشالله بتستانسين فيها..
يبيلج تكثرين الدفاتر.. عشان يمديج تلحقين ع الرسمات..خخ قصدي كتابة المحاضرات...

شاكره مرورج....

**********************

بنت-المعلومات

مثل ماقلتي يرد للدكتور واذا يقدر يخلي الطلبه ينتبهون أو لا..
بلوتوث ورسم وأشعار وسرحان خخخ ماشالله عليج..
والمحاضره اللي فيها كتابة غصب نكتب الله يعينا <_<

شاكره مرورج ...

**********************

@ ربشـة @
12-09-2006, 01:54 AM
والله انا الله يسلمكم اتبع خطة ضد النعس......بس للاسف الرقاد وراي وراي

اسجل محاضراتي من 11 و لا 12 الى 5 او 4 العصر
طبعا ما اقعد من النوم الا قبل موعد المحاضرة بساعة وحده
وبالنسبة للمحاضرات حسب المحاضرة...
ماث---------يعتمد عالدكتور بس اول ما راسي يعورني ارقد:8888:
كمبيوتر--------- على المنتدى على طوووول الخط لين ما يقرب الدكتور اسوي نفس مشغولة بالدرس
انجلش ------------- شوية تركيز و الباقي سوالف
ثقافة اسلامية ----------- مع الدكتور على طول الخط و اناقشة و احب اني ابدي ارائي خاصة بالمواضيع اللي تحتاج نقاشات
وغيرره وغييييييره
مصيبة التركيز خاصة اذا الواحد راسه صار يعوره

ملسونا
12-09-2006, 02:01 AM
والله انا الله يسلمكم اتبع خطة ضد النعس......بس للاسف الرقاد وراي وراي

اسجل محاضراتي من 11 و لا 12 الى 5 او 4 العصر
طبعا ما اقعد من النوم الا قبل موعد المحاضرة بساعة وحده
وبالنسبة للمحاضرات حسب المحاضرة...
ماث---------يعتمد عالدكتور بس اول ما راسي يعورني ارقد:8888:
كمبيوتر--------- على المنتدى على طوووول الخط لين ما يقرب الدكتور اسوي نفس مشغولة بالدرس
انجلش ------------- شوية تركيز و الباقي سوالف
ثقافة اسلامية ----------- مع الدكتور على طول الخط و اناقشة و احب اني ابدي ارائي خاصة بالمواضيع اللي تحتاج نقاشات
وغيرره وغييييييره
مصيبة التركيز خاصة اذا الواحد راسه صار يعوره

ذكرتيني بوحده فمحاضرة الحاسب كانت تدخل عالمنتديات والدكتور يشرح الا دخلت على موضوع فيه اغنية لإليسا والصوت كان عاالي


صج فشله lo0ol :cat:

الغامض
12-09-2006, 04:18 PM
عاد كلش ولا المحاضرات الثلاث الاولى ..<< انواع التفهي :sleepy:

ولا اخر المحاضرات << تسطل من قلب :blush2: .. مادري جني

احس باعراض الشيخوخه المبكره .. آلام في المفاصل .. بروده..

خمووول .. ريولي ترقد .. مخي يقفل < عاد متى يفتح الله واعلم..

عاد مساكين دكاترة اول المحاضرات انظلموا .. يحسون انهم يكلمون اموات ..

عشان جي

هههههههههههههههههههههه


احم احم ...التركيز كلمة غير موجودة في قاموسي ..... من وين جايبينها :a43: ... وشنو معناها ؟؟ :a43:

:s1:



دايماً - غالباً علشان لا أكون كذاب - أكتب مع الدكتور .. واللي يشوفني يقول عني نابغة زماني ومكاني << نابغة زماني فهمناها بس نابغة مكاني :cus2: !!






وأحسن دكتور - عندي- هو اللي ما يكتب .... أحس انه يفهمني ويبي يعطيني فرصة علشان امارس هوايتي في التأمل ^_^

ومحاولة البحث عن حلول لقضايا العالم وبالأخص قضية الشرق الأوسط << :shutup3:


اما المحاضرة الأخيرة ( أي محاضرة بعد الساعة 2 ) فحدث ولا حرج :8888:

صمت المشاعر
12-09-2006, 05:45 PM
لحد الحين انا ما جربت محاضره.. لأن الدوام ما بدا..

بس جربت محاضرات <<دورات الحاسب والماث>>..

في الماث 1-4 العصر الله يسلم التكنلوجيا ويخلي البلوتوث.. طايجين سوالف وتعليقات وحش..

اما الكمبيوتر اللي من 4-7 فلليل فحدث ولا حرج.. ماسنجر + منتديات + سوالف..

وما يندرى اذا ابتدا الدوام اكيد بطور لي تقنيات لتضييع الوقت..

^_^

المميزة
13-09-2006, 12:43 AM
ملسونا

حلو قاعده قدام وراقده..خخخخ
ههههههههه تسرحين وتردين.. يعني تذكره روحه ورده..
أنا تذكرتي روحه مافي رده خلاص..خخخ
هههههههههههه تقصصين أوراق بالمحاضره؟ الصراحه ضحكت..
عجبتني فكرة المسنجر بالتلفون .. ومنكم نسفيد الكورس الياي انشالله

شاكره مرورج...

***********************

بطوطه

هههههههه ألحين أنتي المحاضره الأولى مقفله وخاطرج تتهاوشين؟
خبرت المقفلين مايحاجون حد..
بالنسبه للمحاضره الأولى ياكرهي للدكتور اللي يرفع الصوت ويوطيه بلفيت بيصحح الطلبه..<<هاي غلطان..
عاد أكون مب وياه ويرفع صوته عادي أصكه بالدفتر.. الله يعينج ماحب هالطريقه..

أما الدكتور اللي يشد أكيد بينتبهون الطلبه وياه..
تدرين أكره شي التخطيط من الكتاب مادري ليش مايشروحوون.. أما نقعد نخطط!
الله يعينج وتفتكين من الكابوس نهائيآ وتتخرجين..:)

شاكره مرورج...

**********************

نور الايمان

صدقتي أختي كله يرد على أسلوب الدكتور وننتبه وياه..لكن سالفة المشاركه..خخخ ماوصلت لهالمرحله..
نفسي تمويه بالبدايه وبعدين ننشغل بأشغالنا المهمه..(بلوتوث_سوالف_ريدو<<:cat: )

شاكره مرورج...

**********************

عرباوي متعصب

هههههههههههههه ماشالله عليك صريح >>تدش وتطلع ماتدري عن المحاضره..خخ
بالنسبه للوقت كلنا نحسب له الله يعينا والله جنا مساجين..

شاكره مرورك...

*********************

*غرام الدوحة*

الحين الأولى تحضرينها 8 ونص...خخخخخخخ
مالومه الدكتور لي عصب وياليتج ترقعينها وتشاركين لا ترقدين ههههه
.. وأول من يطلع بعد..خخخخ
أخر من يدش وأول من يطلع..<< ذكرتيني بناس خخخخ
هههه المشكله صج لدشيتي محاضره دكتورها مشتط..ماتعرفين شلون تتصرفين!
بس صريح دكتوركم يقول اللي ماتبي المحاضره تطلع مشتط وصريح<خخخخخ..
ومثل ماقلتي عشان الحضور والغياب وإلا شيقعدنا غصب إلا هالشي.. الله يعينا.. :(

شاكره مرورج...

**********************

امل الحب
13-09-2006, 08:09 PM
المحااضراات ماسي والله خاصة الساعتين والساعة ونص مااقدر ابطل عيوني...
...

اذا كانت معااي ماي بيست فريند نسولف والله تذبحني من الضحك...بس امسك نفسي مالي خلق انزف...

اذا كنت بروحي ياراقدة كالعادة ومادري عن الدنيا يااما املغ على الي حذاي وياشينها لو طلعت من الحمص اللي مايحبون الازعااج عادي اصكها كف على راسها... طبعااا هذا لو يت وانا نايمة متاخر...

بس خل ايي مصحصحة... اسكر عالدكتور ..ز
بس طبعا ودايما وابدااا قاعدة في الفيس...

24 ساعة طايحة عند الدكتور في المكتب عشاان يحس اني منتبهة ومهتمة...

وبس والله...

المميزة
14-09-2006, 12:55 AM
qaswara

الوقت كله ويا الموبايل..خخخخ

شاكره مرورج

****************

~ chocolic ~

كلنا فديتج نسرح بس أنتي قدام كيف تسرحين؟
تدرين والله أحيان أفكر شلون الطلبه يقدعون قدام أحس عذاب
ماقدر حتى أتنفس<<
ههههههههه
حلوه فكرة تحسين الخط عجبتني..

شاكره مرورج

*****************

حناين

صدقتي الماده والدكتور يلعبون دور بجو المحاضره..

شاكره مرورج

*****************

طالب قانوني

فعلآ الدكتور يلعب دور واهو بنفسه يقدر يشد الطلبه للجو أو يمللهم..
عاد أكره شي عندي الدكتور اللي يسأل...
غصب مب طيب ننتبه.. وياكثر ماسألوني ولا ادري شسالفه<<ضيفة شرف خخخخخ
والبلوتوث والمسجات كلنا..بس حلوه فكرة الأكس او خخخ

شاكره مرورك

*****************

senior student

بخصوص دكتورج..
أتوقع انكم بسن تستوعبون المعلومات ماله داعي يعيد ويزيد..<<طريقه ممله الله يعينكم
بس حرام ليش يشتكون عليه:(
ولكل أنسان تركيز يعتمد على حركه وانتي تركيزج مع الرسم ..ماشالله عليج
بس عجبتني طريقة تحليلج للدكاتره.. وشكلج خبيره بالمجال النفسي..

شاكره مرورج

*****************

المميزة
15-09-2006, 12:58 AM
@ ربشـة @

هههههه
ألحين تقعدين قبل وقت محاضرتج بساعه!
صعبه!! وين يمديج تخلصين..؟
الرقاد بالمحاضره الله يعين كلنا نرقد..!
بس أنتي عكسي تحبين الثقافه ومشتطه وياها..
أنا ماكنت احب بسبة الدكتور...مره حطيت راسي ع الطاوله ورقدت.. <<ممل <_<
الله يعين التركيز مصيبه سواء راسج يعورج أو لا..

شاكره مرورج...

**********************

الغامض

نابغة زمانك ومكانك ههههههه

زمانك مفهومه.. لكن مكانك أنا بحاول أساعدك..
معناه قاعة المحاضره :cat:
إي والله صدقت أخوي أحسن شي الدكتور اللي مايكتب..<<
ومابعد ال2 معاااااناااااااه لاتوصف على قولك (حدث ولا حرج)

شاكره مرورك....

***********************

صمت المشاعر

الله يوفقج انشالله..بالنسبه للبلوتوث والحش والله كلنا ..
ياما من دكتور قطعناه..
مع الدوام انشالله تكتسبين خبرات أكثر..^_^

شاكره مرورج....

************************

امل الحب

أي والله المحاضرات اللي بساعتين أهي المأساه..
والله يختي صدقتي لغابت فرندتي اعاني.. كله اللي حذاي حمص مايحبون حد يكلمهم ..
ههههههههههههه وأنتي إن طحتي على وحده حمص بتصكينها كف على راسها.. :cat: :cat:
الله يهداج ضبطي أعصابج خخخخ
حلو خلج دووم مصحصحه عشان ماتصطرين البنات..خخخخخخ
بالنسبه للساعات المكتبيه هي اللي مرقعه لنا نسوي فيها أن احنا فاهميين وأنا مادري عن الدنيا..

شاكره مرورج...

************************ ِ

نواري....
15-09-2006, 01:20 AM
السلام عليكم .....انطروا انا ابي اضحك على واحد هني ....شوفي أول محاضرة أكون نشيط خبرج توني جاي الصبح >>> فأقعد اتشيطن وألعوز الدكتور غالباً أسأله بايخه .. أو كل ما يقول شيء أقول ما فهمت .. عاد الله لا يرويج نفسيت الدكتور يوم أقوله مب فاهم كني صاب على راسه كلك " طشت" ماي بارد ...


والمحاضرة الثانيه النشاط يقل فأبرز جانب من جوانب هواياتي الدفينه وهو الرسم ... وغالباً أرسم عيون ... أو ورده ... وإذا متملل حدي أرسم منظر طبيعي مثل منظر الغروب .. أو رحلة عائلية للبحر


والماحضر الي عقب تكون نفسيتي هادية وأبدأ أطلع مشاعري وأحاسيسي ... طبعاً أبدأ بكتابة الخواطر والأشعار المكسرة ... طبعاً مشكلتي ما أهتم بهالأشعار ولى كان عندي ما يقارب 30 ديوان شعر من الإعدادية لين الحين ..

ومحاضرات الظهر ... أبرز نوع أخر من هواياتي وهو النوم مع فتح العيون للتمويه ..وهذه الهواية نادره في هذه الأيام لان كل الي ينامون يغمضون عيونهم ..



بصراحة موتني من الضحك.....

بالنسبة لي انا افتح عيوني على اقصى حد اقدر افتحهم فيها واطالع الدكتور جني كمبيوتر او جهاز رصد ...في الغالب انتبه على حسب المحاضرة وعلى حسب الدكتور يعني في محاضرات احبها وااايد ومستحيل افهي فيها وفي محاضرات اطبق الشعر الي يقول((يالي تطالع وجنك ماتطالعني )) هههههه

بس الحمدالله كل الدكاترة على بالهم انا اشطر وحده في الكلاس ولا يفكرون يقربون صوبي مع انا في الغالب اطالعهم وانا نايمة اصلا ....

موضوع حلو بس وجدت صعوبة في تذكر حالي وقت المحاضرات .....مادري اشفيني صايرة نساية ....:flower:

sharkee
15-09-2006, 02:18 AM
انا الحمدالله ما احضر إلا نادرا يعني مرات الغياب يوصل عندي 75% بس الدكاترة ما يبلغون عني لأنهم بيرتاحو لما ما اكون موجود وبالمرات القليلة اللي بحضر فيها بكون نايم او بحكي مع الشباب او إذا المحاضرة طويلة الأمد كنا نطلع انا وكم واحد نروح نلعب كاونتر سترايك بالمعمل ونرجع وهذا اكتر شي بمحاضرة الرياضيات

مشكورة عالموضع

الهيمانه الريانيه
15-09-2006, 11:32 AM
قوه يعطيج العافيه قلبي عالموضوع النايس الصراحه..

وانا الصراحه في المحاضره اذا كنت بروحي ما انتبه الا شوي..
وبعدها اسافر مثلكم لووووووووول..
وطبعا لازم لازم الدفتر والقلم الرصاص لازم يكون رصاص lo0ol
وقعدي عبري وكتبي اشعار واللي بخاطرج كلها
وطبعا الحاله النفسيه بتطلع بالاوارق اقعد ارسم خطوط مستقيمه
ما اوعى الا اشوف نص الدفتر كله خطوط بالطول والعرض :169:
وطبعا شوي نلعب بالجوال شوي نسمع راديو..
ومرات امسج مع وحده من الربع ونطق سوالف بالمسجات..

واذا في وحده من ربعي كانت معاي بالمحاضره..
نطق سوالف بس سوالف كتابيه لوووووول..

ومرات نلعب اس او اس او نلعب اكس او..
واذكر مره كنا بماده الجغرافيه العامه عند ساره الزمان..
انا ورفيقتي قعدنا نلعب جماد حيوان لووول..
وخذي عقار وحش..

هاي اللي اسويه..

بس الصراحه كراسي كليه العلوم تزحلق لوووووووول :169:

المميزة
17-09-2006, 12:49 AM
نواري....

صدقتي على حسب الدكتور..
هههه حلوه ياللي تطالعني وجنك ماتطالعني..
أهم شي راي الدكاتره ووزين أنهم ماخذين عنج فكره أوكي..

شاكره مرورج...

******************

Sharkee

هههههههههه الحمد لله أنك ماتحضر إلا نادرآ؟؟خخخ
تصدق حسستني أن أحنا صج مساجين.. أنت تقول مايبلغون عني..واللي يقولون أفراج..خخخخ
بعدين شلون تطلع من المحاضره؟ههههههه تلعبون وتردون بعد..خخخ

شاكره مرورك...

******************

الهيمانه الريانيه

طلعت فينا مواهب دفينه..
اشعار نكتب بس أشعار معبره طبعآ..والحاله النفسيه لو يجوفون دفاترتنا بيقولون أستخفينا..
وبالنسبه للسوالف الكتابيه هاي طريقتنا بالكلام..^_^
وعلى قولج إذا معاج حد تعرفينه طقة سوالف...

شاكره مرورج

*****************

sharkee
17-09-2006, 03:48 AM
Sharkee

هههههههههه الحمد لله أنك ماتحضر إلا نادرآ؟؟خخخ
تصدق حسستني أن أحنا صج مساجين.. أنت تقول مايبلغون عني..واللي يقولون أفراج..خخخخ
بعدين شلون تطلع من المحاضره؟ههههههه تلعبون وتردون بعد..خخخ

شاكره مرورك...



والله اكثر من مساجيين عالأقل المسجون يكون مسوي شي مشان ينسجن نحن نروح برجلينا

وبالنسبة لسؤالك انا بقلك كيف.... واحد يقول بطلع ادخن الثاني بشرب ماي الثالث يتكلم بالتلفون الرابع الحمام وانتي بكرامة....... <<<<< تقولين مدرسة مب جامعة

اتذكر مرة ما بقى إلا ثلاثة بالمحاضرة الدكتور عصب علينا وقام يصارخ ويقول مافي حد يطلع اللي يبي يحضر المحاضرة كاملة حيالله اللي ما بدو ما يجي..طبعا بعد يومين رجع الوضع مثل ما كان :kkk:

المميزة
18-09-2006, 02:42 AM
والله اكثر من مساجيين عالأقل المسجون يكون مسوي شي مشان ينسجن نحن نروح برجلينا

وبالنسبة لسؤالك انا بقلك كيف.... واحد يقول بطلع ادخن الثاني بشرب ماي الثالث يتكلم بالتلفون الرابع الحمام وانتي بكرامة....... <<<<< تقولين مدرسة مب جامعة

اتذكر مرة ما بقى إلا ثلاثة بالمحاضرة الدكتور عصب علينا وقام يصارخ ويقول مافي حد يطلع اللي يبي يحضر المحاضرة كاملة حيالله اللي ما بدو ما يجي..طبعا بعد يومين رجع الوضع مثل ما كان :kkk:

هههههههههههههه
إي والله صدقت المسجون أهون..

:a43:
الصراحه الدكاتره وايد متساهلين وياكم..
أنا مره مت طاح حلجي من كثر الكحه أبي أطلع.. ماخلاني الدكتور..
مايسمحون وأن أعتذرنا قالو مافي تحضير ..
والله أحنا البنات مظلومين:cry:

طبعا بعد يومين رجع الوضع مثل ما كان

ههههههههههه

يعطيك العافيه ^_^