PDA

عرض الاصدار بالكامل : افضل عيادات النساء والولاده ؟ ؟ ممكن ؟


جامعية82
28-08-2006, 11:00 PM
شنو العيادات الزينه النسائيه ؟؟

غير مريم سلمان واحلام سلمان ؟؟؟

لاعت جبدي من الزحمه عندهم ؟

خبيرة الاعلام
28-08-2006, 11:13 PM
والله يا اختي انا اتابع مع احلام

لكن في ناس اعرفهم يروحون حق عيادة الدكتوره ((امال بادي )) تونسيه مدري عنها عاد زينه شينه
ماجربت بس انا ارتاح حق احلام

وفي وحده اسمها هيا الكواري في مدينة خليفه بعيادة الكيالي رفيجي توها تتابع عندها وتقول اوكي

بس انتي ليش ماتاخذين مواعيد عند احلام او مريم ؟؟؟ ماراح تلقين زحمه ؟

طالبة جامعة قطر
29-08-2006, 02:17 AM
والله عيادات نسائية ماجربت ..

بس عندج ليلاما في النصر ، رزفي في المستشفى الاهلي ،

qatar moon
29-08-2006, 07:00 AM
والله اختي انا مو متزوجة ولا لي خبرة بهالسوالف

بس حبيت اساعدج انا خواتي و حريم اخواني

يروحون عيادة الدوحة عند دكتورة اسمها د.مها

زينة والله .. وانا انصحج فيها ..

qatar moon
29-08-2006, 07:17 AM
بس عندج ليلاما في النصر

ليلاما هاااي لها سوابق .. ما احس انها دكتورة ..

مادري يمكن لان وحده من اهلنا اشتكت منها <_<

حتى اكثر من وحده ..

فـ مادري انتي شوفي البنات المتزوجات وسأليهم ..

مجنونة قطر
29-08-2006, 08:21 AM
.. امدحوا زينات رزفي . وعدنان .. ومدحوا وحده في المنصور نسيت اسمها والله ...

عندج عدنان .... عمر بو زينب ... انا اراجع عنده ومرتاحة له ... عندج فواز ...وعندج لطيفه المناعي ...

وووو ....هدى المحمد >>>> مرت خالي تراجع عندها بس انا ما ارتاح لها كلش ...

اممممم واللي اذكروهم البنات

مريووم
29-08-2006, 08:41 PM
والله انا اتابع عند مجمع المنصور اسمها اوروسيا وايد ممتازة
ومعاملتها حلوه بس اهي مااتعرف عربي النيرس اترجم وشاطرة الدكتورة في تركيب اللولب الي
مافي مثله في الدوحة:s21:

كورن شيبس
31-08-2006, 10:44 AM
خواتي كله عند احلام واذا عرست انا بروح اتابع عندها بعد

كورن شيبس
31-08-2006, 10:46 AM
.. امدحوا زينات رزفي . وعدنان .. ومدحوا وحده في المنصور نسيت اسمها والله ...

عندج عدنان .... عمر بو زينب ... انا اراجع عنده ومرتاحة له ... عندج فواز ...وعندج لطيفه المناعي ...

وووو ....هدى المحمد >>>> مرت خالي تراجع عندها بس انا ما ارتاح لها كلش ...

اممممم واللي اذكروهم البنات



اختي الامور ذي حلاتها عند حريم والواحد يتجنب الرجال فيها

ولا يتكشف عليهم لان هذي امور نسائيه بحته واعتقد عيب ومب ذرب

بنت الرعــــد
31-08-2006, 10:59 AM
انصحكم لا تروحون عند رياييل خواتي ..

انا ما قد رحت في حياتي حق رياييل بس عقب القيصرية اضطريت بسبة طواري مستشفانا العزيز وسمعته اللي هي كالنار على علم بين النسآء ويا ليتني مارحت

والدكتور اللي رحلت له من كثر ما هو مضارب عليه منتفخ ريشه ....:a77:

والعياده اعوذ بالله من وصاختهم المطبخ محترق والكراسي مشلعه .. وهو بين الأسامي اللي اذكرتها مجنونة قطر ومشهور جدا جدا وفي النصر !

وتهاوشت وياهم على المعاملة الزفته .. لا من دكتور ولا من نرس

تخيلوا : يقولج الدكتور اذا فيج شي اتصلي ...

واتصل وكنت بموت من الألم:cry: ....واكتشف ان من سياسة العياده عدم الرد على الإستشارات حتى لو كنتي مريضة ولازم تراجعهم بنفسها على شان تدفع لهم على كل روحه وجيه :(

والله ان من حرتي خليته يولي ورحت الطواري <<<<مردي ........وقالت لي الدكتورة كلامه طلع خرابيط ووقفي العلاج اللي عطاج اياه ( طلع حق الإجهاض ونا مادري) وصرت مثل الحصان والحمدلله

بس العيادات بعد توافيق من رب العالمين مثل هدى وليلاما والشفاء كله من رب العالمين سبحانه

مريم اخبرها التراساوند بس للكلى والرحم مب عياده متخصصه !

الله يوفقج اختي جامعيه ^_^

مجنونة قطر
31-08-2006, 08:59 PM
اختي الامور ذي حلاتها عند حريم والواحد يتجنب الرجال فيها

ولا يتكشف عليهم لان هذي امور نسائيه بحته واعتقد عيب ومب ذرب



انتي تقولين كلامج الشخصي ..

بس هو مب حرام !! :s23:

مجنونة قطر
31-08-2006, 09:03 PM
واتصل وكنت بموت من الألم:cry: ....واكتشف ان من سياسة العياده عدم الرد على الإستشارات حتى لو كنتي مريضة ولازم تراجعهم بنفسها على شان تدفع لهم على كل روحه وجيه :(

جامعيه ^_^


حبيبتي في هالنقطه صح كلامه

شلون تبينه يرد عليج بشي هو ما يدري عنه !!

ما صارت مسؤوليه هو مؤتمن عليها !!


انا عمري ما اتصلت حق الدكتور وجاوبني باللي ابيه

لازم اروح له !!


لانه لازم عالاقل يسوي لج تلفزيون ولا تحليل ومنها يعرف السالفه !!

هو مايقدر يخمن من صووتج انتي شفيج ولا شاللي يعورج حتى لو

كنتي ميته من الالم !


صح ولا لا!!

خبيرة الاعلام
31-08-2006, 09:19 PM
اختي مجنونه لابد والواحد يتجنب الرجال بامور الكشف

لان في بديل الا وهم النساء وبنفس الكفاءه

ولارضاء داخلج وربج بعد دام النساء موجودين فانتي مش معذورة اختي وسامحيني

بس احنا ماننتظر ونشوف كلمة حرام لا لا لا ......

احنا انقرر حسب اللي تربينا عليه وعرفناه عن ديننا

تربينا على الستر وعدم التكشف عند الرجال

وعلمنا ديننا هالشيء وتركزنا عليه

واجاز لنا الدين ان في حال الضرووورااااات ممكن ان نلجيء للاطباء الرجال

خاصه اذا تخصصاتهم نادره وعملياتهم ماكو الا هم اللي يسوونها

لكن بامور النساء والولاده اسمحيلي

اخالفج الراي ولافي عذر

مجنونة قطر
01-09-2006, 01:06 AM
انا ما ارتاح الا هناك ...

و رحت عند كذا دكتوره مب وحده ما عرف لي الا هالدكتور جزاه الله خير ...


انا لي سنتين ما حملت

والحمدلله يوم رحت عند هالدكتور حملت

الموضوع كله توافيق من رب العالمين

بس كله الا مسألة الحمل تراه نفسيه بالدرجه الاولى ...

و وايد دكاترة نساء وولاده يكونون استشاريين وخبرتهم اكثر من الحريم ..

و كلنا متربيين و نخاف ربنا ...

لكن لين الواحد خاف على نفسه الضرر يلجأ والدكاتره مانحطوا عشان نقرا اساميهم بس ..


الضرورات تبيح المحظورات حبيبتي :) ...

وانا مدامي مرتاحه وريلي راضي واهم من ذي كله استخرت ووفقني ربي ما اسمع كلام حد :)

بنت الرعــــد
01-09-2006, 11:16 AM
حبيبتي في هالنقطه صح كلامه

شلون تبينه يرد عليج بشي هو ما يدري عنه !!

ما صارت مسؤوليه هو مؤتمن عليها !!


انا عمري ما اتصلت حق الدكتور وجاوبني باللي ابيه

لازم اروح له !!


لانه لازم عالاقل يسوي لج تلفزيون ولا تحليل ومنها يعرف السالفه !!

هو مايقدر يخمن من صووتج انتي شفيج ولا شاللي يعورج حتى لو

كنتي ميته من الالم !


صح ولا لا!!


مجنونه حبيبتي ^_^

اقولج انا رحت له الموعد الأول وسوالي تلفزيون وخذ مني الي قدر عليه ( همجه معتبره)


رحت البيت وخذت الحبوب اللي وصفها لي ( طلعت مالت اجهاض وقويه جدا جدا علي على ما اكدوا لي مستشفى الولادة عقب ما رجعت لهم من الألم وما يستاهل اخذها في حالتي انا مجرد الم قيصرية )

و حبيت بس اقول له ان فيني الم غير طبيعي <<<<< دخيل الله هذه الجمله وبس !

لا ........( لازم تاخذين موعد على شان اتكلمين الدكتور ) تخيلي!

بس على شان تبدين ملاحظاتج على اللي يصير لج
تقولج النرسه تعالى عقب اسبوع مثل ما وصفلج الطبيب وعقب كلميه ههههههههههههههههههههه


يعني العمي والغبي بيقول هذي قمة الإستغلال ولوي ايادي الناس
بالعربي ( المصالح المادية فوق كل شي!)

ولا اذا طبيب بعيطيج استشارة على تلفون وما يعرف انتي من اصلا! عيل عمره ماكدّ !^_^

تواصيف
01-09-2006, 09:29 PM
أنا صراحة ماجربت عند دكتور لكن إذا كنت مضطرة أكيد بروح والله ألزم ماعلي صحتي جربت هدى المحمد علاجها حلو وووو اللي بعيادة الدوحة صراحة مب شي الدكاترة اللي هناك صراحة يردون بخياس نفس ومالهم بارض مادري يمكن رحت لهم في يوم متهاوشين مع رياييلهم !!!! عاد ماتيي إلا في حظي؟؟؟؟
يعني أنا ماعندي خبرة وايد ومن ناحية الألتراساوند مريم وبس لأنها توصف لج بالتفصيل الممل وعندها رباعي الأبعاد...
أما عند الدكتور عدنان خواتي يمدحونه والله أعلم وبالنهاية أقول كل وحدة ولها رايها ...
وبالتوفيق ...
أوه نسيت أقول لكم عن الدكتورة اللي بالمنصور الحين جابو وحدة يديدة غير عن العيوز الشمطاء اللي كانت هناك ويعني ماتعرف شي كللللش يمكن مع الأيام بتعرف...

~ بنت الجيران ~
02-09-2006, 01:02 AM
نفس السؤال ؟؟؟؟؟؟ :a43:

أنا كنت أروح ق د.مها في عيادة الدوحة .. بس كلش ما عجبتني .. من زود الزحمة ما تعطيج كل اهتمامها .. طفشتني :s28: :a77: .. آخرتها رجعت المركز الصحي وبعدين حولوني النساء والولادة ..

بالنسبة للدكتور عدنان .. اختي تمدح فيه .. حملت بفضل من الله سبحانه ثم بفضل علاجه المكثف .. والحمد لله جابت بيبي مثل القمر ..^_^

شخصياً أفضل الكشف عند دكتورة..
بس ما أنكر إن في دكاترة وااااااايد أشطر وأحسن من الدكتورات .. :s23: :kkk:

سراب الليل
03-09-2006, 12:52 AM
الدكتورة لطيفة المناعي تجنن واايد طيبة
والحلو فيها منتظمة باالمواعييد وأسلوبها حلو في الكلام ماعندها الزحمة روحي وانت مطمئنة

مريم الكواري
28-03-2009, 10:42 PM
مايندرا عن هدى انا اروح لها بس ماتفيدني فشي كله ساكته ومع الشاي والنسكافيه ماتقول شيسوي البيبي او تشرح اتم ساكته وتقول تعالي الموعد الياي مادري عاد

وسع صدرك
28-03-2009, 11:12 PM
شوفوا عندكم عيادة الدكتوره ليلي حامد ..الي وراء نادي الفروسيه ..

حريم اخواني كلهم يكشفون عندها ..واايد ممتازة لكن دووم يكون عندها زحمة من قلب ...