الوداع ... خاطرة من المهندي [الأرشيف]

عرض الاصدار بالكامل : الوداع ... خاطرة من المهندي

المهندي

16-03-2004, 12:13 AM

حانت لحظة الوداع
و كل الكلام إللي بيني و بينك ضاع
تلاشت أحلامنا
بين بحور الألم و أمواج الخيانة إنتهت ايامنا
عشت معاج أحلى سنيني
كنتي بدنيتي وردة و شمعه تضوي لي عيوني
حبيتج .. و كنتي اول حب بحياتي
نسيتيني و إنتي بغربتج .. و انا إللي دوم بغيابج أحاتي
كيف تنسين قلب .. كان لج بيت و حضن دافي
كيف تنسين .. الإنسان
إللي لين جيتي تطلبين عيونه .. عطاج روحه فوقها و باسج
وعدتيني بالإخلاص
و عرفت إنج للإخلاص فاقده
حسبتج باقية بقى عمري
لكن مضى عمري و مابقيتي
كنت بدرب الوحدة ماشي
و بحبج .. رفعت راسي
و قلت كاني للوحدة ناسي
لكن خاب ظني و إنقطعت انفاسي
خلاص .. ماعاد بينا إللي كان
كل إللي إنبنى .. عاد و إنهدم
غلطة .. دفعت ثمنها .. عمري
إني حبيت واحد .. ماله في درب الحب طريق
بودعك .. و دمعي على خدي
بودعك .. و كل همي قلبي
إللي بإيدينك طعنته
و الوفا خنته
و حبيت غيره و تركته
يا مسكين يا قلبي .. اشوفك تنزف
تنزف .. ثمن حـــب عشته
ثمن نسمه أطلقتها
ثمن كلمة نطقتها
آسف يا قلبي

written By: Khalid ... B7R Al Shoog

هذي خاطرة بالعربي طبعا مب مثل مستوى الانجليزي بالنسبه لي لكن تجربه جيدة

ان شاء الله تعجبكم

و تقبلوا تحياتي

المهندي
بحرالشوق

abdullah

16-03-2004, 01:06 AM

والله الخاطره تهبل ومشكور على المشاركه

بس عندي لك تعليق بسيط ؛:

في الشعر يكون الافضل كتابة ال ((كِ)) بالكسره افضل من كتابت ال (( ج ))

مثل ماكتبت

واسمحلي يا اخوي بس ابيك تكون شاعر

والشعر زين وانا اخوك

المهندي

16-03-2004, 11:11 AM

هههههههههههههههه ملاحظتك على كيني و راسي يا بوعابد بس شاقولك انا كتبتها بالعاميه و بيني و بينك ماعرف وين الكسره في الكيبورد ههههههههههههه
و مشكور اخوي بس هي مجرد تجربه :)
و تقبل تحياتي

المهندي
بحرالشوق

مريم

16-03-2004, 03:02 PM

وانا اعتبر التجربه هذي ..
خطوه قويه للأمام ..
واثبات لك ولنفسك انك تقدر تواصل ..

كلمات حلوه ومعبره وايد ..
واصل واستمر واكيد بتتقن الخواطر العربيه ..

تسلم يا ابن عموو
:s12:

دلوووعه البحرين

16-03-2004, 05:23 PM

يا مسكين يا قلبي .. اشوفك تنزف
تنزف .. ثمن حـــب عشته
ثمن نسمه أطلقتها
ثمن كلمة نطقتها
آسف يا قلبي

صح لسانك

بنوتة الإمارات

16-03-2004, 08:03 PM

الصراااااحه أصبت في الشعر

و بداية قويه و موفقه باذن الله تعالى ........

سلمت و صح لسانك حبوب

و هذي احلى صفقه لك من أختك الصغيرونه بنوتة

:s21::s21::s21:

^حزين انا حزين^

16-03-2004, 09:42 PM

احلى تحيه لك ياخوي خاطره ولاكل الخواطر:8888:

المهندي

16-03-2004, 11:39 PM

مريم و دلوعه و بنوته وحزين ... مشكوووورين عى تشجيعكم
و ان شاء الله راح تشوفون إللي يطيب خاطركم

تحياتي
المهندي

Ahmad

18-03-2004, 04:58 AM

صح لسانك أخوي

و بانتظار إبداعاتك دايماً

:s12:

المهندي

19-03-2004, 09:13 PM

صح بدنك احمد و تابعنا و فالك طيب :)

تحياتي
المهندي

فجر الرحيل

24-05-2006, 05:11 AM

أخوي المهندي خاطرة غاية في الروعة والجمال ومبدع باللغة العربية ماشاء الله عليك ولو أخوي هاذي لغتك ,, إذا أنت ماأبدعت فيها من اللي بيكون أحق يبدع فيها أخوي ,,وبالعكس خارطة غاية في الجمالية وكلمات أكثر من رائعة إنتقلنا معاك ,, إلى لحظة الوداع أخوي واللي هي من أصعب اللحظات التي تمر على الانسان بالكون أخوي لحظة الوادع أكثر اللحظات ألما ,,

وعجبتني يوم ,, قلت :
بودعك .. و دمعي على خدي
بودعك .. و كل همي قلبي
إللي بإيدينك طعنته
و الوفا خنته
و حبيت غيره و تركته
يا مسكين يا قلبي .. اشوفك تنزف
تنزف .. ثمن حـــب عشته
ثمن نسمه أطلقتها
ثمن كلمة نطقتها
آسف يا قلبي

توديع مصحوب بألم وفيه مكابرة للنفس أخوي ,,,

ماشاء الله عليك متألق بكل مجال بالفن والشعر والخواطر باللغتين ,, وبالرياضة إيضا ,, الصراحة خسرنا مشرف متميز ,, وتصدق أخوي تعودت على اسمك بالأخضر ,,,
والله يوفقك وين ماتكون ,,,

بريق الشوق

25-05-2006, 02:10 PM

توني اشوفها

يعطيك العافية

كلمات جدا جميلة

نترقب القادم

اختك

بريق الشوق

المهندي

28-05-2006, 05:28 AM

فجر الرحيل

ماشاء الله عليج إختي ... مادري من وين طلعتي الخاطره ...
هذي فعلاً قديمة ... صارلها خمس سنين تقريباً ...
حتى إني كتبتها مع بداية كتاباتي بالإنجليزي ...
الله يوفق الجميع إختي ... و إن شاء الله ماتكونون خسرانين شي لأنه الخساره خسارة الروح ...
مشكورة إختي و ماقصرتي ...

بريق الشوق

الله يعافيج إختي ...
و ماعليج هالخاطرة نزلتها قبل سنتين و نص في المنتدى ... قديمة وايد ...
مشكورة إختي و ماقصرتي ...

bhoor

28-05-2006, 09:42 AM

صح لسانكـ أخوي

وسلمت أناملكـ الذهبية

دمت باألف خير

أختكـ

بحور

المهندي

28-05-2006, 11:59 AM

صح بدنج ... و الله يسلمج إختي ...
تسلمين عالمرور ...