PDA

عرض الاصدار بالكامل : هل تؤيد دراسة الفتاة في الخارج ... بعيداً عن أهلها ؟؟؟؟


"بنوتة الجامعة"
16-05-2006, 10:18 PM
اود أن أطرح عليكم سؤالاً واقعياً وهو
هل تؤيد دراسة الفتاة في الخارج ... بعيداً عن أهلها ؟؟؟؟
وهل أصبحت ثقة الأهل في بناتهم الي درجه غير مسؤولة
وعدم الرقابة التي يجب ان تكون مستمره حتى لو كان هناك ثقة .

كيف يكون وضع الفتيات اللواتي يدرسن بعيداً عن بلدهن وعن الأهل ... ؟؟؟
أصبحنا في وقت لا يعرف فيه الأهل عن بناتهم الا القليل وكأنهم يعيشون في دول الغرب
أصبحت الفتيات لا يذهبن الى زيارة الاهل الا كل سنة مره من منطلق الدراسة .. والوضع .. ولكن هناك الكثير من الفتيات اللواتي لا يذهبن لزيارة الاهل من منطلقات اخرى ..
والصاعقة الكبرى ما يحدث ويجري في سكنات الطالبات ...
وبعد هذا كله هل المشكلة او السبب في إنحراف بعض الطالبات اقول بعض لانني لا اريد التعميم
هو سببه الاهل ام المجتمع ام الفتاة نفسها ام المراكز العلمية وبيوت الطالبات ؟؟؟؟؟؟؟؟
اضع لكم تساؤلات كثيرة كان لا بد لي من وقفة للتساؤول عنها .....

خبيرة الاعلام
16-05-2006, 10:57 PM
صح والله اخر مسخرة بالسكن الطلابي بالخارج
وانا اؤيد في حالة بس اذا رايحه ومستغله فرصة دراسة اخوها او خالها او اي حد
انا اعرف بنات يستغلون فرصه ان اخوهم بيدرس برا فتسجل معاه وتروح وبكل محاضرة تكون معاه
شي حلو وتكون بعين اخوها او وليها
لكن بروحها لا ما اؤيد الا بحالة لما تكون انسانه نااااضجه وكبيرة وبسن يؤهلها للتغرب وتحمل المسؤولية
ومو بكل الاحوال

بــ Bio ــايو
16-05-2006, 11:29 PM
موضوع حلو
..
انا كان نفسي اطلع ادرس برة وكنت بدي اتغرب
لانو خواني وخواتي كلهم درسو برة باوروبا او بدول عربية
شفتهم كيف صارو وكيف صارت شخصيتهم قوية وبيعتمدو على حالهم
بس ماصار نصيب :)
بخصوص النقاط اللي حكيتيها
هادا كله بيرجع لترباية البنت مع اهلها
ازا هي عارفة حدود ربنا وعارفة انها متغربة لتدرس مش فسحة ما بتنحرف او يصير شو مايصير
..
شكرا على الموضوع
..
.
بايو

بوعيد
17-05-2006, 01:21 AM
لا طبعا

مستحيل عسى ماشر انخلي البنت اتسافر ابروحه بدون محرم :s28:

حتى لو وصل عمرها 40 سنة

البنت تبقى بنت

لحد ايحط في خاطره وجهة نظر :s23:

أخت الرجال
17-05-2006, 01:25 AM
بروحها بكل تأكيد لاااااااااااااااااااااااااااااااااااااااااااااا هاي الي قاصر :kkk:

نـــور قـــطــر
17-05-2006, 02:05 AM
ما أفضّل أو ما أحب إن البنت تتغرب و تبتعد عن أهلها حتى لو للدراسة ,, لكن لو إضطرت

أؤيد سفرها للخارج و يُشترط وجود محرم أو ولي و مقيم دائم معاها .

غير هذا ما عندنا بنات يسافرون بروحهم حتى لو للدراسة :)

على البال
17-05-2006, 02:12 AM
رافض فكرة دراسة البنت فالخارج



بس عندي استفسار صغير
شلي حاد البنت انها تدرس برع ؟؟ >> الله مكثر الجامعات عندنا

.اميرة الورد.
17-05-2006, 07:07 AM
هلا اختي بنوته الجامعه ,,,


قبل لا اقول راي ,,,


كنت ابي اسالك ,,,


وش تقصدين بسفر البنت للخارج ,,


يعني برع للدول الغربيه ,,


ولا حتى للدول العربيه ,,


تحياتي للكل ,,

طمبحله
17-05-2006, 11:00 AM
المبدأ من أساسه مرفوض
وحتى لو ما عندنا جامعات

يا أما اتزوج وتسافر مع ريلها
أو تقعد ببيت ابوها أكرم لها

"بنوتة الجامعة"
17-05-2006, 07:45 PM
اميرة الورد الدول الغربية او العربية
ومشكورين على الردود

بوعيد
17-05-2006, 08:50 PM
اميرة الورد الدول الغربية او العربية
ومشكورين على الردود

ياليتج حطيتي احصائية

جان جفنا النتيجة لا أؤيد

والاسباب هي نفسها

مشكورة مرة ثانية على الموضوع واتمنى مواضيع جديدة

ملاك الليل
17-05-2006, 08:56 PM
لا مأيد تبي تدرس بالخارج تزوج وتروح وياه وين ما يروح:wub: >>>كلامي هذا ما يذكركم بحد خخخخخخخ
بس فيه فرق اذا بنت تدرس بالخليج بديره مجاوره عادي خاصه لما يكون لها قرايب هناك؟؟؟؟
يعني فيه فرق عند بعض الاهالي تسافر تدرس بالخليج او بالخارج؟؟؟
وانا عن نفسي اشوف الصالحه صالحه والطالحه طالحه حتى لو كانت عند اهلها تدرس!!!

قطqatarر
17-05-2006, 09:08 PM
عاد انا مع ان البنت تدرس برع يااااااااااااااااااريت حاولت بس نو وي<<كان خاطري احس اني اضيع عمري بالدراسة اهني وخاصة انة تخصص انا مب حابتة:cry:

Ahmedqatar
17-05-2006, 09:11 PM
شخصيا لي اختين أكبر مني درسوا بره و ارجعوا ما فيهم شر ...!!!!

مع الدراسة في الخارج للفتاة لكن مع المتابعة المستمرة ..!!!

Ahmedqatar
17-05-2006, 09:13 PM
[quote=على البال]رافض فكرة دراسة البنت فالخارج



بس عندي استفسار صغير
شلي حاد البنت انها تدرس برع ؟؟ >> الله مكثر الجامعات عندنا [/

]quote]

ما أدري من زين الجامعة عندنا ..؟؟
غير جذي قبل كان في وايد تخصصات غير متوفرة ..

.اميرة الورد.
17-05-2006, 10:05 PM
هلا اختي مشكوره على التوضيح ,,,



بس فيه فرق اذا بنت تدرس بالخليج بديره مجاوره عادي خاصه لما يكون لها قرايب هناك؟؟؟؟!!يعني فيه فرق عند بعض الاهالي تسافر تدرس بالخليج او بالخارج؟؟؟!
انا مع اختي ملاك الليل ,,

الوضع يعتمد على ان الاهل يسالون وين بتروح البنت ,,,

يعني لو منطقه قريبه ونفس العادات والتقاليد ,,

ومامنين عليها ,, وواثقين ببنتهم ,,

ليش لا ,,

وبعدين بسالك اختي وش اللي يصير بسكن الطالبات ,,,

ومهما صار ما يصير تعممين ,,

والله في سكنات ما شالله البنت تكون في مامن مثل بيت ابوها واكثر ’’


من كثر ما القوانين صارمه ,, والرقابه شديده ,,





وانا عن نفسي اشوف الصالحه صالحه والطالحه طالحه حتى لو كانت عند اهلها تدرس!!!

صح لسانك اختي ’,,

تالبنت العاقله ما عليها خوف وين ما راحت ,,

واللي له تعليق على كلامي ,,

يعلق ,, ويناقشني ,,

وسلامتكم....

أبو المهند الحازم
17-05-2006, 11:22 PM
نعم أنا أويد ذلك كما هو الحال في جامعتنا طالبات المنح من دول مختلفة في العالم وأهلهم يتواصلون معهم .
بس شوفي معي أي أب يعرف بنته إذا كانت بنته قليلة حياء وقليلة أدب يعني عاد إيش المتوقع منها إذا خرجت برع . والله والله راح ترجع له بفضائح ما تعد.
لكن عاد الأب إذا مربي بنته زين وعارف ومتيقن إنه راح تدرس عاد إن شاء الله بترفع رأسه. هذي الخلاصة .

أبو المهند الحازم
17-05-2006, 11:25 PM
كلامي عن الدول العربية فقط من دون الإطلاق. عاد البنت لا راحت برع الدول العربية الغربية بالتحديد أغسل يديك منه أحسلك.

حناين
17-05-2006, 11:27 PM
يسلمو ع الموضوع الحلو
أنا ما أشوف فيها أي مشكلة أن البنت تسافر بروحها بغرض الدراسه
لآن الموضوع أولا وأخيرا يعتمد على التربية ومدى الثقة اللي تعطيها الاسرة
للبنت
و أعتقد أن أحنا وصلنا لمرحلة أصبح فيها أنفتاح أكثر

أبو المهند الحازم
17-05-2006, 11:56 PM
أعتقد أن أحنا وصلنا لمرحلة أصبح فيها أنفتاح أكثر

ايش يعنى فيها انفتاح أكثر ؟؟ يعنى فيها زنا أكثر هذا معناها الواضح
يا أختي حاولي تحددي لدولة عربية او غربية. ترى الثقة العمياء بعض الأوقات تجيب الغائبة.

عمر993
18-05-2006, 12:19 AM
لا أطلاقا

"بنوتة الجامعة"
18-05-2006, 10:20 PM
اكثركم معارض الله يعينا احنا البنات كله لا

لمسـ حنوونه ــة
18-05-2006, 11:47 PM
أنا بصراحة ماايد

NOOOOr alshames
23-05-2006, 03:33 PM
[ه>ي الي قاصر:025: لا الدين ولا الشرع ولا العادات تسمح:s28:

مادري
07-09-2007, 06:22 PM
إذا كانت مع مجموعة بنات تقريبا ثلاثه ولا أربعه فعاادي تساافر يعني كل وحده بتساعد الثانيه بس إذا بروحها ماعتقد

بنت يافا
07-09-2007, 06:44 PM
لايجوز ان البنت تسافر للخارج بدون محرم....

أما اذا أخوها معاها يرافقها في السفر وياخذ باله منها في بلد الغربة ، فأنا أوافق هالشيء بشرط انها تركز على دراستها موب طلعات ودخلات وسينما وغيره

"من يتق الله يجعل له مخرجا"

PILOT
11-09-2007, 08:00 PM
استغفر الله هاي اللي ناقص

والله مو بالكرسي بالطاوله على راسها


:chair:

الفالحة
11-09-2007, 08:20 PM
الموضوع عليه غبره يعني البنت للحين تخرجت من الجامعه ...

مشتاقة لبلادي
11-09-2007, 08:58 PM
الموضوع شيق وحار جدا..
لي عودة بإذن الله قريبا..

sweet cat
12-09-2007, 02:34 PM
نعم أيد ليش ما اشوف ان فيها شي اذا البنت سافرت للدراسه :good2: وطبعا يعتمد على البنت نفسها وتربيه الاهل لها..

غجرية
12-09-2007, 03:54 PM
لاع :chair: لا أؤيد ,, إلا بظروف .. يإما مع أخوها أو في قروب طالبات تشرف عليه سيده قطرية وتشرف على تحركاتهم .. مب عدم ثقة في البنت لاء .. لكـن عدم ثقة في المكان اللي رايحه له.. أخاف يفرون راسها بحريتهم :( لكن تروح بروحها وتسكن بروحها وتروح وتجي على كيفها لاء طبعـا . ..

بنت جيرانا رايحه بعثه لندن على حساب الدولة .. مع قروب بنات وسكن خاص فيهم ومشرفة عليهم من الجامعه للسكن ومن السكن للجامعه وفي آخر الاسبوع يروحون الجمعية مع المشرفه ويتقضون أغراضهم ومستلزماتهم والمشرفة مب مقصرة تسوي لهم رحلات محترمة ترفيهية , عجبني صراحه هالخوف من الدوله
وبهالطريقة (فقط ) ما أمانع من دراسة الفتاة فالخارج , شكـرا للموضوع .

طالبة تكساس..
12-09-2007, 04:21 PM
انا مع سفر البنت للخارج .. خصوصا لو كانت رايحة مع مجموعة بنات محترماات . .

ولو كان هدفها الريئسي الدراسة بتشد حيلها وبترد لدولتها وشهادتهااا بايدها ..

مشتاقة لبلادي
13-09-2007, 12:07 AM
بصراحة الموضوع ليس بالسهل ان تقول انك توافق او لا..
سأكون صريحة معكم جميعا..أنا فتاة وادرس في جامعة في احدى الدول الخليجية..وكانت هناك ظروف طارئة حدتني للسفر للخارج وان اكمل دراستي هناك..وبدون مرافقة شخص من أسرتي..مع ان الامر في البداية لم يكن من السهل ان اسافر واكمل دراستي..واستخرت ربي بهذا الامر واستشرت الكثيرين..مما يسر الله لي السفر واكمال الدراسة في الخارج..والدي رافقني في السفر الى ان اوصلني الى سكن الجامعة وبعدها سافر..وعندما رغبت بالعودة لأي سبب من الاسباب جاء والدي واخذني بنفسه..لااخفي عليكم ان الغربة ليست سهلة ومريحة للفتاة..من الصعب ان تعيش وحدك بين اناس غراء لاتعرفهم ولايعرفونك كيف لك ان تتعايش معاهم؟؟..اعتقد انه امر صعب جدا..فقد جربته وعرفت الغربة بعينها..فهي كانت صعبة جدا جدا بالنسبة لي..وحاولت ان ابني حاجز بيني وبين طالبات السكن وطالبات الجامعة..وان اكون حريصة في تكوين اية علاقة مع اية طالبة بالجامعة..وهذه من نصائح والداي..والحمدلله بنيت هذه الحاجز بنجاح..الى ان تعرفت على بعض طالبات الجامعة وهذا لابد منه..تعرفت عليهن ولكن كزمالة لاغير..والحمدلله ان الله رزقني بصحبة صالحة تخاف الله..لكن مع ذلك لم اثق في اية طالبة حتى الان..ليست بوسوسة ولكن في هذا الزمن لاتعرف من الذي يضرك ومن الذي ينفعك..وأهلي كانوا يسألون عني بإستمرار..وحاولت ان اتخطى خوف الغربة ووحشتها..واشغلت نفسي بالدراسة..الى ان تأتي اجازة العيد او العطل الرسمية للجامعة واعود الى الحبيبة قطر..فكم اشتاق لها..
اذكر حينها قالت لي احدى الفتيات انت الان بعيدة عن أهلك فلك كل الحرية وتستطيعين ان تقومين بأي شي..فقلت لها لا..والداي اعطوني الثقة فهل اخونها؟؟؟..لا والف لا..
والحمدلله استمريت على هذه الحالة..أقسم بالله لولا الظروف لما سافرت للخارج..فما أجمل ان تجلس الواحدة بين أسرتها ووطنها..
فأنا لاأؤيد الفتاة التي تحب ان تدرس في الخارج بدون سبب..ولله الحمد فهناك جامعات كثيرة في قطر وتخصصات متعددة..فلما السفر والتغرب؟؟!!!!!
الا اذا كانت هناك ظروف طارئة او اسباب مقنعة فلها ذلك..
لكن...
اعتقد في هذا الزمن الجيل القادم لاينفع للسفر والتغرب عن اهلهم..فنحن نخاف عليهم من الانترنت والهاتف والاعلام فكيف لهم ان يعيشوا في الخارج..هذا صعب جدا..فأنا احاول بكل جهدي ان اعود الى الوطن واكمل دراستي هنا..

أتمنى انكم فهمتم وجهة نظري..ولاتلقوا التهامات على الطالبات اللواتي يدرسن بالخارج..فأنا اعلم جيدا ان هناك طالبات يتغربن ويفعلن مالا يفعلنه الرجال..انا معكم..لكن هناك من يتغربن ويكملن تعليمهن ويأتين مرفوعات الرأس..فالحمدلله على كل حال..
وأشكرك اختي على طرحك لهذا الموضوع الشيق..حفظك الله ورعاك وسدد خطاك..

the-queen
21-10-2007, 04:22 AM
أنا أأويد الفكره في حال كانت البنت مسافره للماجستير او الدكتوراه يعني عمرها يكون فوق ال23..بس تسافر وعمرها 18 عشان تاخذ البكالريوس!! صعبه بصراحه وبالاخص لبنات مجتمعنا لانهم بيطلعون من مجتمع شرقي محافظ لمجتمع غربي ما يعلم ببلاويه الا الله ((وعلى فكره انا ماتكلم عن البنت فقط انا اتكلم عن البنت والولد)) وفي هالسن الصغير راح يكونون ضعاف وبسرعه ينقص عليهم ويتأثرون بالبيئه اللي حواليهم..
وشكرا ع الموضوع

شيبة الجامعة
21-10-2007, 04:37 AM
أنا عن نفسي محتار

ابداء الرأي في هالموضوع صعب

الحيره بين طموح البنت وبين الخوف عليها :a43:

هل نكبح طموحها؟

هل بنسلم من كلام الناس؟

الأهم من هذا كله واللي المفروض ننظر له

رأي الشرع

شنو رأي الشرع بهالمسأله؟ :a43:

عزتي في سمو ذاتي
21-10-2007, 06:00 AM
والله الموضوع قديم، بس مادري، برد فيه، لأني من المغتربين للدراسة،،

أنا وحدة أبووي مستحيل كان يرضى بهالشيء، بس أختي الكبيرة أقنعته،،

وحتى يوم رحت وقدمت للبعثات، بنات قبيلتنا يقولون لي، أنتي سجلتي وأبوكِ يدري!!!

قلت لهم عيل سجلت من وراه،،

أني وي، جيت الدوحة ماعرف فيها أحد، ولا أعرف النظام اشلون،،

عشت فيها 4 سنين للدراسة، والحين بدأت في آخر سنة بإذن الله،،

الحمد لله، دخلنا وبنتخرج وسجلنا نظيف من جميع النواحي،،

واكتسبنا علم، واكتسبنا مسؤولية،،

والله العظيم لو درست فـ 20 جامعة وأنا في بيتنا، ماكنت بكتسب هالمسؤولية، ولا أهلي بيشوفون أني قد المسؤولية أبد،،

كانت قوانين السكن مشددة، مانطلع ماندخل، ومن هالكلام،،

الحين صار عندي تصريح خروج حر، يعني أطلع عـ كيفي، ووقت ما أبغي،،

يعني صرت مسؤولة أكثر، صرت أحاسب متى أطلع، ومتى أرجع، ووين أروح، ومع مين، وأحاول أني ما أكثر من الطلعات، وهالشكل يعني،،

صرنا بنات مسؤولات، والله يقدرنا عالمسؤولية،،

مسؤوليتنا وسمعتنا الطيبة، واصلة لأهالينا في بيوتهم ولله الحمد، ونحن ماندري اشلون يدرون عن تصرفاتنا ومواقفنا،،

هذا الكلام أقوله عن نفسي، وعن البنات إللي معاي،، :)

همسة أخيرة،،

البنت لو تبغي تخرب، بتخرب لو أهلها سكروا عليها في زجاجة،،

يعني الصالح صاالح، والطالح طالح،، ^_^

أصـــايل
21-10-2007, 06:15 AM
همسة أخيرة،،

البنت لو تبغي تخرب، بتخرب لو أهلها سكروا عليها في زجاجة،،

يعني الصالح صاالح، والطالح طالح،، ^_^

:good2::good2::good2:
انا ماعندي كلام ازيده..غير أني مع أختي عزووو كلامها عين العقل والصواب

tony
23-10-2007, 02:39 AM
مادري ليش الاغلبية تفكر إذا البنت سافرت برع تدرس بروحها معناته انها بتعيش في شقة لحالها وبتاخذ حريتها على الاخر تطلع وترد متى ماتبي وتروح اي مكان تبية ليش ما وصلكم اختراع سكن الجامعه!!!!! إذا كانت راح تسكن في سكن خاص بطالبات الجامعه عادي ليش لا، ولا كيف راح يجيها المحرم ويسكن معاها بين طالبات غيرها!!!!!
يعني لا خوف على الطالبة لأن راح يكون معاها اخصائيات ومشرفات مابيخلونهم بلا حسيب ولا رقيب...

شيبة الجامعة
23-10-2007, 08:59 AM
احب اضيف هالمداخله

وهي ملاحظه وليست رأي شخصي

كثير من الشباب يرفضون الزواج من بنت درست بالخارج حتى لو اخلاقها عاليه

وحتى لو هو متعلم ودارس في الخارج

مادري هل هو سبب مقنع أو لا !

يجوز تمر في باله اكثر من فكره سلبيه عنها

ومن اللي نلاحظه فرصه زواج البنت اللي درست في الخارج أقل من غيرها

يبقون الأهل محتارين بين 3 اشياء

طموح بنتهم

والخوف عليها وهي بالخارج

وزواجها

فأيهم اولى ؟ !

الغلا2007
23-10-2007, 01:26 PM
أنا الصراحة أييد الفكرة
ليش؟؟؟:: عاااااااااااااااادي
حرام على علينا يالبنات وحلال عليكم يالصبيان؟؟؟
شنواااااااااااا
أنا لوماكان التخصصاللي انا ابيه موموجود في الدوحة شااااااااااااان بروح أدرس برع عااااااااااااااادي
وهلي ماعندهم ماااااااااانع خصوصا إن مجموعي يدخل أي جاااااااااااامعة 98%أنا تخصصي شؤون دوليةتوني سنة اولى جااااااااااامعة تأسيسي level4في المستوى الرابع والحمدالله عديت كل شيء الاالتوفل وشكرا:s21:

الظبي الجازي
23-10-2007, 01:59 PM
البنت اللي حافظه نفسها حافظه
وليه ماتروح تتعلم بتنفع نفسها وبلادها
والبنت اللي مو حافظه نفسها حتى اهني ببلادها بتدرس ومايندرى شتسوي
الشيء على تربية البنت
اتركو البنات يسون اللي طامحين له وصدقوني راح ينجحون
حرام عليكم كلش مسكرينها بويه البنات ممنوع دراسه برع ممنوع جامعه مختلط ممنوع .........ممنوع.........

أصـــايل
24-10-2007, 03:20 AM
بالعكس سفر الفتاه للخارج ليست بجريمه أو نهاية العالم
لكن دولتنا الغاليه ماقصرت..أنشأت العديد من الجامعات..ووفرت لجميع الطلبه
شتى أنواع التخصصات..وانا مع السفر للخارج..لكن في حاله وحده فقط
أذا كان التخصص المطلوب غير موجود...لكن التخصصات كلها متوفره في ديرتنا

** وبالنسبه لاخوي الشيبه حبيت أعقب ع كلامك في نقطة موضوع الزواج...
انا اعرف وحده من ديرتنا وكانت تدرس بالخارج وللأسف لما ارجعت الديره تصادف انها ع علاقة
بدكتورها وأصله عربي ولكن يحمل جنسيه أجنبيه وعرض عليها الزواج..وبالفعل..في البدايه الأهل ارفضوا وصارت مشاكل جدا كبيره..
وخاصه انها بنت قبيله معروفه في ديرتنا..لكن تزوجت وللحين عايشه معاه في هالدوله الأوربيه
يعني هذه أحد اسباب السلبيات اللي تصادف سفر الفتاه للخارج...


والله يوفق الجميع بأذن الله تعالى..

bent qatar
24-10-2007, 03:55 AM
ضد .. مع إني كان بخاطري أدرس في أحد الجامعات بالإمارات بس طبعا كنت أحللللم أدري هالشي نووو واااي يصييييييييير إلا في حالة وحدة:sweatdrop ... وأنا كنت رافضتها:cry: ...

fade
24-10-2007, 04:23 AM
no cooment

جوهرة قطر
24-10-2007, 07:19 AM
(((((((والله الدين ولا العلم ))))))
:good2:
تسلمين ع الموضوع الحلوة

شيبة الجامعة
24-10-2007, 09:09 AM
** وبالنسبه لاخوي الشيبه حبيت أعقب ع كلامك في نقطة موضوع الزواج...
انا اعرف وحده من ديرتنا وكانت تدرس بالخارج وللأسف لما ارجعت الديره تصادف انها ع علاقة
بدكتورها وأصله عربي ولكن يحمل جنسيه أجنبيه وعرض عليها الزواج..وبالفعل..في البدايه الأهل ارفضوا وصارت مشاكل جدا كبيره..
وخاصه انها بنت قبيله معروفه في ديرتنا..لكن تزوجت وللحين عايشه معاه في هالدوله الأوربيه
يعني هذه أحد اسباب السلبيات اللي تصادف سفر الفتاه للخارج...
..

فعلاً هذي احد السلبيات اللي لازم تنحط في الحسبان

البنت لما تخلص من الثانويه تكون صغيره

فشلون بنت تنهد بهالعمر الصغير في ديار الغربه؟!

وصغير السن في احتمال انه يضعف أمام المغريات

لكن أنا شخصياً ماحب اوقف في وجه طموح أي بنت

لكن من باب الحرص اقول هالكلام

اللي اشوف أنه منطقياً ممكن يصير

ياليت يكون في حلول حق هالأمر

بعض البنات تخدمهم الفرصه

يكون مثلاً اخوها يدرس في الخارج ويكون عمره قريب من عمرها

فيروحون مع بعض ويدرسون هو يرعاها وهي ترعاه

أو زوجها

فتعمل ألف حساب وهو بعد بوجودها معاه

بيعمل ألف حساب قبل مايفكر أنه يغلط بشي

ثاني شي في شي اسمه كلام الناس

ولو أن هالشي ما احبذ اني اعطيه اعتبار وايد

لكن في هالشي كلامهم يذبح ومايرحم

ويمكن حتى نصيبها مايجيها بسبب هالشي

شاسوي حزتها بهالشهاده؟!

بعد أنا مازلت اقول اني مب ضد طموح البنت

ولكن هل من حل مناسب؟

ولد بني خالد
24-10-2007, 12:39 PM
بناتنا مايسافرون بدون محرم ... هاي الشي أكيد وترى بالعكس أحين
لين المحرم يسافر معاهم يحسون ان عندهم ظهر يسندهم... وراهم رجــال
يسوي لهم اللي يبغونــه .. مو حال بعض البنات هاليومين ناطين لي فيها
على حسب التربيــه في البدايه وهناك تعمل عمايل سوده :s27:
ولا تنسون ترى الشيطان موجود <<< يلعب في عقل البنت :s28:
انا رفيجي يدرس في بريطانيا يقول لي الحالات هنــاك ... :chair:

وفي بنات يقولون حريــة شخصيــه .... أي حريــه اللي تخليج ماتتبعين
كلام دينج ... :a43: اذا العمره لازم نروحهــا بمحرم شلون بلاد برع <_<
:
:
:

وبخصوص الغربــه اذا الولدمرات يتالم من الغربــه وهو رجــال فشلون
البنت أكيد الغربــه بتكون أصعب عليهـا .. وخاصة البنات دلوعات وحساسات
بزياده عن اللزوم فمن هالشي انا ماافضل انها تروح بروحها لو معاها
محرم يكــون أفضل ... :good2:


موضوع جميل وكتبت لكم رايي فيه ^_^



تقبلي خالص تحياتي
ولد بني خالد

رهينة حب
24-10-2007, 05:53 PM
والله المحترم محترم اهنيه والا برع...


واللي طايش طايش اهنيه والا برع...


وعلى فكره انا أعرف ناس دارسين برع بس والله انهم أرجل من بعض رجاجيل هالزمن...


سوري ع الكلمه وماقصد الكل...


يسلمو ع الموضوع...

QatarDream
24-10-2007, 07:55 PM
أنا اقول انها تقر هنيه بين اهلها وناسها ولا عندنا بنات تتغرب:s28:



ههههههههههه طبعا هذا رد الوالد الله يحفظه يوم سكرها في وجهي :cry: كنت ابي اكمل دراستي في امريكا

واكيد رفض وزعلت زعل الله لا يروكم ( زعلها شين وربي :cry:) بس الحين كبرنا وفهمنا الدنيا صح واقول لكل بنت ترى الغربه كربه والدراسه في اي مكان تبقى دراسه والشطاره مو بالشهاده ولا ببلد الشهاده الشطاره بتأسيسج لنفسج التأسيس الصح وهالزمن صاير مثل البحر غدار ما يصفى على حال الله يكفيكم شره .

والسموحه


اختكم

دريم

فوشه فوشه
27-10-2007, 09:37 PM
لا اؤيد

حراام وخااصه بناتنا اللي يخلصون الثانيه ب 17 سنه

تخيلوا بنات بهالسن يساافرون ويتغربوون

لا تقولون التربيه لها دوور اكيد بس مغريات الحياااه برا ولا حسيب ورقيب لازم ياثر على البنت

يستحيل بترجع مثل ما كانت

الشمـــوخ
27-10-2007, 10:14 PM
مادري كيف يرتاح رب البيت و شوفاته مايدري عنهم ..
اللي بيسوي هالشي أعتبره واسع الصبر أو انفتاحي زياده عن اللزوم ..

مع اني بنت بس في مثل هالأمور مادري احس تغلبني الغيره على البنت ولا أرضى باللي يسوونه بعض الأهل ..

بنوته الجامعه "وفقتي في اختيار الموضوع"
وكان زين معه احصائيات مثل ماقال أخوي بوعيد

تحيتي::flower:

الشمـــوخ

EYE CANDY
27-10-2007, 10:18 PM
اذا البنت مصرة, واهلها ماعندهم مانع والمكان الي رايحة له مناسب ,ممكن.

اذا الشاب في الغربة يعتفس حالة ومن جد يعني تصير حالتة كلش فما بالك ببنت (الي تكون اغلب الوضع متعلقة بأهلها)