اختبار التوفل – بالانترنت في الجامعة

[LeQaTaR]

أعلن الدكتور خالد العلي رئيس وحدة البرنامج التأسيسي اختيار جامعة قطر كمركز لأداء امتحان التوفل عن طريق الانترنيت والمعروف ب .TOEFL iBT و قال أن أول امتحان بهذه الطريقة سيتم أجراؤه يوم 28 أبريل 2006 في الساعة 5,30 مساءا وأن الموعد النهائي للتسجيل هو 21 من الشهر الجاري ـ أبريل. ويذكر أن التوفل امتحان عالمي و عنصر أساسي في القبول بجامعات كبرى.

وفي بيان صحفي صادر عن البرنامج التأسيسي ذكر د. خالد أن المرشحين الراغبين في أداء الامتحان يمكن أن يسجلوا أسماءهم بالاتصال مباشرة بالجهة التي تمنح الاختبار و هي
Educational Testing Services ETS في الولايات المتحدة. وأن أفضل و أسلم وسيلة للتسجيل هي www.ets.org . و رسم الاختبار 511 ريال قطري ( 140 دولارا) و يتم دفعه الكترونيا. و أوضح البيان أن عدد الأماكن المتاحة لأداء الامتحان بالجامعة 30 مقعدا عشرين منهم بالبنين و عشرة بالبنات.كما أن المواعيد المحددة للاختبار حتي نهاية هذا العام هي 20 مايو و 10 يونيو و 24 يونيو و 26 أغسطس و23 سبتمبر و أول أكتوبر و 10 نوفمبر و 20 نوفمبر.

[Ahmad]

خطوة ممتازة.

شكراً على الخبر.

[Ahmedqatar]

تطور و خطوة تحسب لصالح الجامعة ... يعطيك العافية أخوي ...

[نـــور قـــطــر]

خطوة إيجابية ..

جزاك الله خير أخوي على نقل الخبر :)

[EYE CANDY]

انا امتحنت التوفل خارج الجامعة بسعر 400 ريال تقريباً..

المفروض في الجامعة يراعون السعر ويساعدون الطلاب.

[Nawar]

الجامعة ماهي مسؤولة على الاسعار وهي فقط مركز للاختبار لكن الاسعار من أمريكا. واتوقع انو الاختبار اللي خديه مش على الانترنيت مباشرة - هذا النوع جديد وايد وأول مرة في قطر.

[امل الحب]

حلوووووووووو...

شكرا لكم عالخبر...

[ام هلال]

شكراً عالخبر

بس عندي سؤال !

يعني مابيكون فيهـ الامتحانات العاديهـ للتوفل !!

متى راح يكون امتحان التوفل العادي ؟ اذا عندك فكرة

[<بوتركي>]

شفت من كم يوم في الكلاس معاي طالب غير قطري ماسك ورقة تسجيل في هالإمتحان

طريقة جديده لإمتحان التوفل عالميا ً لكن سعرها غير مناسب للجميع

أعتقد الإمتحان على الكمبيوتر يرفع درجة التوفل بين 20 إلى 40 درجة اكثر من امتحان التوفل في الجامعة .. نتيجة ردائة الصوت والصدى وبعض الضجيج والإزعاج

هذي من تجربة شخصية

اللي أخذوا أماكنهم في الـ 30 مقعد أغلبهم من المحتاجين للتوفل وإلا ينلغي قيدهم حتى يجيبونه .. والله يعينهم

- - -

طيب سمعت عن التوفل الجديد اللي فيه talking and writing متى راح يطبق ؟ وهل درجة 500 تتم مثل ما هي ولا تنخفض نتيجة زيادة صعوبة التوفل ؟ اللي عنده أجوبه لا يبخل علينا :)

وشكر للجميع

[ام هلال]

انا بعد سمعت عن التوفل الل تتكلم عنهـ " talking and writing "

س مايندرهـ متى يطبق

انا بس اللي ابي اعرفهـ متى موعد الامتحان التوفل العادي

محتاجة اني اسجل فيهـ :(

[SWEET_BABY]

هـلا أختي أم هـلال
أنا سمعت من ربعي أللي ماجابوا درجة القبول للتوفل أنه فيه في شهر 7 وشهر 9
وحده منهم مسجله في 7
وبعد قالت لنا وحده من الجامعه أنه اللي في شهر 9 لازم يدخلون الدوره اللي بيسونها حق التوفل في شهر8
والله أعلم :)

[ام هلال]

يعني فاتحين التسجيل للتوفل احين ؟!

[SWEET_BABY]

أي أظن أنهم فاتحين التسجيل لأن فيه وحده بعد راح عنها التسجيل الي في شهر 4
وسجلوها في شهر 7
عاد مادري إذا الحين فيه ولا لاء :)

[LeQaTaR]

تسلمون على مروركم ^_^ والله يوفق الجميع

[<بوتركي>]

اختي ام هلال تقدرين تتصلين في قسم اللغة الإنجليزيه : 4856255

في توفل في : الأحد 10/9/2006م
ومثل مايقولون لج الأخوات في شهر 7 بعد .. اسألي وخذي مكانج فأسرع وقت

[ام هلال]

شكراً لج اختي سويت ^_^

اخوي عبداللهـ اتصل لكن " لاحياة لمن تنادي "

انشاللهـ بروح الاثنين وبسجل اذا في ،، لاني محتاجهـ التوفل ضروري وفأسرع وقت

شكراً لك اخوي

[ASA6]

يعطيك العافيه اخوي على الخبر ..

[Nawar]

بالنسبة للي سأل عن امتحان التوفيل العادي بالجامعة - الامتحان القادم راح يكون في شهر 7 (اتوقع 15/7) - بعد ما تنتهي دورة التوفيل اللي رح تبتديها الجامعة بشهر 6.

[ام هلال]

شكراً لج اختي