ممكن تفيدوني ؟؟؟ [الأرشيف] - منتديات جامعة قطر

غرام الورد

10-03-2006, 10:15 PM

السلام عليكم ورحمة الله وبركاته
حبين استفسر عن شي وهو...
أنا أدرس English Level(3) عند الاستاذ رائد غالب و الاستاذ بنيامين كريس .
سؤالي مش عن الاستاذ رائد لأني اعرف انه واااااااااااايد ممتاز بس سؤالي عن الاستاذ بنيامين كريس وش رايكم فيه (خصوصا اللي درسوا عنه ) بصراحة عنه كشخص اشوف ان تعامله وايد راقي و حبوب بس تدريسه لكم عليه لانه ما يوضح لنا بعض الاشياء...
بس حبيت اعرف رايكم فيه
س/هل صحيح انه مسيحي او لا ؟ بس احب اعرف!
:sweatdrop :sweatdrop :sweatdrop :sweatdrop :sweatdrop

LeQaTaR

11-03-2006, 06:08 PM

هلا ومرحبا اختي
بخصوص الدكتور مااعرف عنه الصراحه ان شاء الله يفيدونج الاعضاء
بخصوص
س/هل صحيح انه مسيحي او لا ؟ بس احب اعرف
اغلب الدكاتره مسيحيين وخصوصا الانجليزي
ومااظن فيها شي المفروض نستغل فرصتنا ونراويهم اخلاقنا احنا المسلمين
:)

<بوتركي>

22-04-2006, 03:39 AM

هذي المشكلة في الأساتذة الإنجليز في التأسيسي .. شكاوى الطلاب منهم ..

لكن مع التركيز والدراسة في البيت تنحل المشكلة إن شاءالله :)

أكيد أغلبهم نصارى اختي ..

بالتوفيق

qatar moon

22-04-2006, 03:48 AM

ابي اعلللق على سؤالج اختي..

على انه مسيحي او لا؟!!

تدرين .. ان استاذي ليفل 2 كان مسيحي شلون عرفت!!

تخيلي كان يغني بالمحاضرة واحنا على نياتنا ماكنا ننتبه باللي يقوله

كنا نندمج في حل الايكسرسايس لان هو يطلب منا نخلصة

بالمحاضرة ..

تدرين ان طلع يغني اغنية المسيح اللي يغنونها بالكنيسه!!:cus2:

احنا لما سالناه قال لنا جي .. وكان يرز كتابه الانجيل بالطاوله في

المحاضرة ..

يعني يراوينا ان اهو مسيحي .. بس تدرين اسلوبه طيب بس

بالدرجات الله لايراويييج..

على فكرة مثل ماقال اخوي LeQatar

اغلب الدكاتره مسيحيين وخصوصا الانجليزي
ومااظن فيها شي المفروض نستغل فرصتنا ونراويهم اخلاقنا احنا المسلمين

بالتوفيق اختي..

بوعابد

22-04-2006, 07:15 PM

أختي آنه شخصياً مر علي ودرسني بصراحه مدرس من المدرسين اللي ينعدون على الأصابع
يعني عنده ذمه ويدرّس بأمانه وعنده إطّلاع مب طبيعي
يمكن أنتي اتلاحظين أنه كل ما عطاكم تمرين أو أي شي يمسك كتاب ويقعد يقرأ لين ما تخلصون آنه أشوفه من أفضل المدرسين الأجانب
أما بالنسبه أنه مسيحي بصراحه سؤال غريب يعني مثل اللي يسأل عن واحد اسمه محمد هذا مسلم ؟
جميع المدرسين الأجانب اللي مروا علي مب مسلمين وآنه متأكد أنه مب مسلم لكن في نفس الوقت شاك أنه فيه عرق يهودي يعني لاحظت أنه يستلطف اليهود طبعا هذا الكلام لأاني كنت معاه كورس كامل في الجامعه
أتمنى أني أكون فدتch أختي ولا تترددين في طرح أي سؤال آخر لي أو لغيري وإذا فيه استفسار آخر عن بنجامين كرس حاظريين

<بوتركي>

22-04-2006, 10:14 PM

ابي اعلللق على سؤالج اختي..

على انه مسيحي او لا؟!!

تدرين .. ان استاذي ليفل 2 كان مسيحي شلون عرفت!!

تخيلي كان يغني بالمحاضرة واحنا على نياتنا ماكنا ننتبه باللي يقوله

كنا نندمج في حل الايكسرسايس لان هو يطلب منا نخلصة

بالمحاضرة ..

تدرين ان طلع يغني اغنية المسيح اللي يغنونها بالكنيسه!!:cus2:

احنا لما سالناه قال لنا جي .. وكان يرز كتابه الانجيل بالطاوله في

المحاضرة ..
يعني يراوينا ان اهو مسيحي .. بس تدرين اسلوبه طيب بس

بالدرجات الله لايراويييج..

على فكرة مثل ماقال اخوي LeQatar

بالتوفيق اختي..

يا جماعة كثير من الأجانب في الدول العربية تنصيريين يعني تابعين لجمعيات تنصيرية .. في العالم ملايين المنصرين أغلبيتهم العظمى يشتغلون في وظايف تخفي أهدافهم .. مثلا في الخليج يدرسون في الجامعات والكليات في أفريقيا يوزعون الأكل والمعونات وكذا ..

مروا علي أكثر من واحد وعندهم من قواعد التنصير : إن لم تستطع تنصير مسلم فلا تجعله مسلم حقيقي .. يعني اذا ماقدرت تنصر المسلمين أضعف دينهم ..

LeQaTaR

22-04-2006, 10:43 PM

ماعليك يابوتركي خل ايمانك قوي
ان شاء الله احنا بأخلاقنا وقيمنا وديننا اللي نفتخر فيه.. نأثر فيهم ونخليهم مسلمين
^_^

خاتون

25-04-2006, 12:36 PM

هلا ومرحبا اختي
بخصوص الدكتور مااعرف عنه الصراحه ان شاء الله يفيدونج الاعضاء
بخصوص

اغلب الدكاتره مسيحيين وخصوصا الانجليزي
ومااظن فيها شي المفروض نستغل فرصتنا ونراويهم اخلاقنا احنا المسلمين
:)
اخوي لي قطر
معاه حق المفروض نرويهم
ان الإسلام دين رائع ومتسامح ومحب
عشان نحببهم في الإسلام

جامـ كووول ـعية

16-05-2006, 05:02 PM

السلام عليكم ورحمة الله وبركاته
أولا أنا قريت الموضوع و بصراحة حبيت أرد عليه
بالنسبة للسؤال عن الاستاذ Benjamin Crace
انا أدرس عنده و بصراحة انه وايد زين بس عنده مشكلة في الـ Grammar و مشكلته انه في بعض الأحيان ما يقدر يوصل لنا المعلومة بدقة بس كتعامله فتعامله وااااايد رائع مع الكل و حبوب وايد و قلبه طيب بصراحة أول مرة أشوف مدرس أجنبي مثله يعني بصراحة محاضرته وايد حلوة و بعد فيه شي حلو انه يحاول يضحكنا و ما يخلينا نحس بالملل بس اللي مخرب عليه ان بعض الاحيان ما يقدر يوصل لنا المعلومة بشكل واضح
أما بالنسبة لسؤالج إذا هو مسيحي أو لا فأعتقد انج تسئلين عنه بسبب اسمه بس احب اقول لج انه مسيحي 100%
لأن هو قال بنفسه انه مسيحي و على فكرة هو يحب المسلمين ودايما يتكلم عن المسلمين بطريقة ايجابية و يعرف وايد عن المسلمين و عن الدين الإسلامي
بصراحة هذا الاستاذ راااااااااااااااااااااااائع

hoor_alayne

22-06-2006, 03:58 PM

السلام عليكم ورحمة الله وبركاته
كيف حالكم
بالنسبة لسؤالك عن بنجامين أنا ما أعرفة بس أشوفه أحسه خلوق ومحترم أما بالنسبة لدياته فأكيد مسيحي
اذا شوفتي في الجامعة راح تحصلين في بعض المسيحين وايد محترمين ويحترمون الاسلام فأنا أخذت انجليزي 4 مع وحدة مسيحية ايمي في البداية حسيتها وايد متعصبة لديانتها وكثير ما تعطي أمثلة عن الاسلام والمسيح بس مرة عطتنا موضوع writing عن successful person فكتبت عن محمد صلى الله عليه وسلم وكانت أيام الاساءة حذروني البنات من ردت فعلها بس توكلت على الله وكتبت وانصدمت من ردت فعلها عجبها الموضوع وايد وعطتني 9.5 من 10 وحتى مرة كتبت لها من الموت ونهاية الحياة وبعد أعطتني 9.5 وكذلك أخذت عندها A في الانكليش 4 فأنا أحس من خبرتي أن الديانة ما تأثر أهم شي أن أحنا ما نغير أخلاقنا
وشكرا