استفسر من كم ؟؟

[ظليمـــــه]

السلام عليكم كلكم
شلونكم اتمني انكم طيبين


بس انا عندي استفسار بسيط
هو اني سنه اولى فالجامعه

وماخذه مواد متطبات وبهد اختياري
يعني ماخذه
فلسفه عند موزه عبيدات
جغرافيا عند نوره الكواري
ثروه بحريه عبد الرحمن المفتاح
اثر الحضاره الاسلاميه عند يوسف مادري شنو
وعلاقات ومشكلات اسريه عند شيخه الدربستي

والمشكله اني ضايعه ضيعه فالجامعه ومع هالمواد
وغير هذا يقولولي يبون بحووووث ياشيخ من وين اجيب
لا والكتب اخططها بروحي؟؟ والله مادري شقول

يعني استصعبت المواد وايد

فانا ارجو من الجميع اللي مر على موادي وعنده خلفيه عن التخططيط او البحوث
انه مايقصر علي فيها؟؟ ولا اذا عند:1eye:كم امتحانات ستبقه؟؟
او كيفيه دراسه هذه المواد
ومشكورين
واتمنى من الكل يتجاوب معاي

[Ahmad]

أختي لازم البداية تكون صعبة شوي، مهما كانت المواد اللي ماخذتها.
و الجامعة غير عن المدرسة، لازم تعتمدين على عمرج من بداية التسجيل لين تخرجين إن شاء الله.

ما قلتي لنا شنو تخصصج؟؟؟

بالنسبة للمواد اللي ذكرتيها، أنا بس اعرف جغرافيا عامة لأني خذتها مادة اختيارية قبل. مادة سهلة وايد مجمعين فيها كل الجغرافيا اللي خذتيها في المدرسة، بس أنا كنت ماخذها عند دكتور غير.

لا تنسين دور المرشد، إن شاء الله مرشدج مهتم، حاولي تمشين على الخطة اللي يطرحها القسم عندكم و تستشيرين زميلاتج.

بالتوفيق أختي

[ظليمـــــه]

مشكووور اخوي على ردك السريع وانا تخصصي انجليزي
ودام انك خذت جغرافيا تقدر تفيدني شويه من معلوماتك؟؟ يعني عندك تخطيط
ولا عندك شي يساعدني ولا حاجه؟؟

وانا انشالله راح اتوكل على الله

[BoYagoob]

http://members.lycos.co.uk/boyagoob/boyagoobstart.jpg


مرحبا أختي ظليمة ..
أكيد أختي الدراسة في الجامعة تختلف كلياً عن الدراسة في المدارس ..
فالتخطيط ألحين انتي اللي تسوينه بنفسج ..

وحتى أتذكر كان دكتور الثقافة .. يشرح الدرس .. وبعض المرات يعطينا أمور خارج المقرر ..
( ليس خارج المقرر تماماً .. وإنما أمور إضافية )

وهو مهمته أنه عطانا الصفحات المطلوب دراستها ..

وانتي بدورج تقرأئين الكتباب والصفحات اللي عطاج الدكتور إياها .. وتخططين الأشياء اللي تحسين أنها مهمه وتحتاج لحفظ ...

وبالنسبة للبحوث .. يمكن البحوث موجودة في مكتبة الجامعة للبنات .. اطلبي اسم الدكتور إذا هو عنده ملف عند قسم التصوير .. وراح تجدين بحوثه على ما أعتقد .. إذا هو حاطها ..


وفي الختام .. لا تتوترين ولا تفكرين واجد .. فذي اللي يصير لج يصير حق أي طالب في السنة الأولى ..
ولكن يجب أن تجتهدي وتثابري .. وتتابعي مع الدكاتره .. وتسألييييييينهم (وهذا أهم شيء ) عن أي شيء غامض عليج .. سواء في المقرارات أو في الجامعة .,.


وأي استفسار .. لا تترددين بالمشاركة هنا ..

أخوج / بويعقووب ،، :s31:

http://members.lycos.co.uk/boyagoob/boyagoobend.jpg

[ظليمـــــه]

مشكوووووووور الف شكر على اهتمامكم فيني
وانا بصراحه ماتوقعت هالشي كلللللللللللش
وكلامكم والله طمني؟؟

وعلى سالفه البحوث ترى طريقتك مو متوفره عندنا بالجامعه

وانشالله راح اعتمد على نفسي
بس انا اللي خايفه منه اني ارسب
لانهم دوم يقولون؟؟ لازم اول سنه تكون كل المواد رسوب هههههههههههه
لين يعني نتأقلم

[Ahmad]

و الله أختي أنا خذت المادة من 3 سنوات يمكن، عند (عماد أبو نائب) و أعتقد إن الدكتور اللي عطانا هالمادة سافر.
بس هو كان طيب الله يجزيه خير، كان ينقلنا الأشياء المهمة بس و يجيب الامتحان من نفس المنهج بالضبط.
بس الكتاب (إذا كان الكتاب برتقالي و رمادي) بيكون نفس كتابنا، الكتاب وايد سهل، مجرد تعرفين العناوين الرئيسية و التعاريف بس.

الله يوفقج أختي و مثل ما قال بويعقوب لا تتوترين، كلنا كنا جذي في البداية.

أي سؤال احنا حاضرين

[ظليمـــــه]

خلاص احمد مشكور الف شكر :s12:

[Consultant]

بالنسبة للبحوث فالانترنت مليئة بالمواقع والمعلومات وما عليك إلا قليل من البحث عن المواضيع.

[ظليمـــــه]

انا اصلن ماعرف كيفية البحث وتقديمها؟؟
بس انشالله راح اعتمد على نفسي

يعني ماهيه البحوث شويه صعبه؟؟ بس راح اتغلب عليها