استفسار عن 6 مقررات إختيارية و 6 دكاترة في موضوع واحد // نختصر المسافات //

[BoYagoob]

بسم الله الرحمن الرحيم

أخواني وخواتي ..

السلام عليكم ورحمة الله وبركاته ..

أول شي شلونكم ؟

وبعدين اسمحولي داش عرض وأسئل عن 6 مقررات إختيارية ، و6 دكاترة في نفس الموضوع ..

عشان اللي يعرف عن أي واحد منهم يفيدني على الأقل ولو بشي بسيط وينصحني بالزين والسهل والله يجزاه الخير ..

بعد بحث عن مقررات للفصل القادم حتى أرشحها بأن تكون مقررات إختيارية .. رسيت على هذه المقررات ..

فياريت لو تفيدوني بأي شي عن هالمقررات أو الدكاترة "بأي شي" :



الجغرافيا العامة - د.خالد أباالزمات - متطلب كلية / اختياري

الجغرافيا العامة - د.علي الشيب - متطلب كلية / اختياري

جغرافيا قطر والخليج - د.علي الشيب - اختياري

التنمية الصناعية في قطر والخليج - د.محمد الكبيسي - الثامن جغرافيا

مباديءالاقتصادلغير المتخصصين - د.صالح النابت - لغير المتخصصين 8[ن ر] "المشكلة الوقت متأخر :s25: "

فقه المسلم المعاصر - د.هاني طعيمات - اختياري

تكنولوجيا وشبكات معلومات - د.متولي النقيب - الثاني علم المعلومات

" وكذلك ما أنسى أخواني المعلوماتيين الذين أفادوني في المقرر الخاص بقسمهم وجزاهم الله الخير ".

.
.

والسموحة على الإزعاج .. وعساكم على القوة ،،، :flower:

[أسير نت]

د.خالد الزمات ما عليه كلام
د. محمد الكبيسي بعد ما عليه كلام( نادر الوجود )

الباقي ماجربتهم

بتوفيق بويعقوب

[BoYagoob]

بارك الله فيك أخوي أسير نت ..

والله يوفقك في دراستك وتنجح وتتخرج ونفرح فيك .. :)

[فهد العالي]

د متولي طيب وحقااااااااني هذا اهم شي ويشرح بذمة وضمير يعني لا تخاف ..اما علي الشيب وخالد يمدحونهم ..اما مبادئ اقتصاد زينة بس يبلها فهم ..بس الدكتور صالح وايد زين

[Black Rose]

خد عند دكتور متولي النقيب وادعيلي ^_^

قمة في الاحترام ... شرحه روعة ولا كأنك في محاضرة

يعني تخيل كانت محاضرتي عنده الساعة 1:30 .. يعني قمة النعس والتعب ... بس هو بيعطي للمحاضرة جو تاني ..

امتحاناته ما بتطلع عن الشرح .. يعني انتبه للشرح واضمن ال A

مار اح تحتاج تكتب في المحاضرة .. لأنه كل محاضراته هو مجهزها مطبوعة .. لأنه بده الطلاب ينتبهو للشرح ..

بعرف اني طولت ...

But I want the best for you :good2:

[BoYagoob]

جزاك الله الخير أخوي فهد العالي .. على المشاركة الطيبة اللي أسعدتني ..
وبالنسبة لمبادئ الإقتصاء .. أهم شي أبيه اللي فيه الفهم ..
الحفظ يتعبني شوي .. بس بعد مشكلة هذا المقرر أنه ينطرح بوقت متأخر ..
والله يوفقك في دراستك وتنجح وتتخرج ونفرح فيك يارب .. :)

.
.

بارك الله فيج أختي Black Rose على مشاركتج اللي فرحتني كثير ..
وبالفعل ما شاء الله كثير من الطلبة مدحوا لي هذا الدكتور ..
طيب هل ممكن أسئل وأتعبج شوي ..
بالنسبة للمقرر : "تكنولوجيا وشبكات معلومات"
هل هذا المقرر اللي درستيه عنده؟ وشنهو محتواه بشكل عام؟

وبارك الله فيج أختي .. والله يوفقج في دراستج وتنجحين وتتخرجين ونفرح فيج أختي .. :)

[Black Rose]

لا والله .. بس أخدت عنده أسس تكنلوجيا المعلومات ( متطلب عام) وما عندي أي علم عن المقرر اللي ذكرته :confused:

بس الدكتور روعة ... وبتمنى اني آخدعنده مقرر تاني ... بس الخطة الدراسية ما بتسمح <_<

بالنسبة لمقرر مبادئ الإقتصاد ... بالنسبة إلي كان المقرر سهل للغاية .. وأصلا ما بيحتاج حفظ .. و بيعتمد على الفهم ... بس ما بقدر افيدك بالدكتور .. لأني أنا أخدت المقرر عند دكتور خالد شمس.. وما بعرف شي عن دكتور صالح ..

بس راح حاول أسألك

:flower:

[BoYagoob]

.. بارك الله فيج أختي Black Rose ..

بخصوص مقرر "تكنولوجيا وشبكات معلومات" ممكن لازم أتأكد بمحتويات المقرر وإذا مالها متطلب سابق وممكن ناخذها كإختياري ..

وبخصوص مبادئ الإقتصاد .. أحلى شي أنها تعتمد على الفهم .. بس المشكلة في الوقت .. :_(
إن شاء الله باشوف إذا فيه مقررات ثانية تنطرح في المساء .. اممم بس ما أعتقد ..

والله كريم إن شاء الله ..

وتسلمين أختي الكريمة على ما شاركتج اللي أسعدتني صراحة .. :)

وبالتوفيق يارب .. :)

[ASA6]

>>> كأني داش غلط ، العنوان جذبني ..


شعنده بويعقوب أول مرة يشتط ..:sweatdrop

اهم شئ اللي يبي يختصر المسافات ..:kkk:


بالتوفيق بويعقوب ، وانشاء الله تحصل مقررات سهلة ومعدل زين ..


بالتوفيق ..:flower:


اخوك المتواضع / شبيه الريح ^_^

[BoYagoob]

هههههههه ياهلا والله بأخوي شبيه ..

منور الموضوع ياخوي .. :)

كنت باكتب نقرب كل بعيد .. بس قلت ما لها علاقة بموضوعي .. عشان جذي قلت نختصر المسافات ههههه ..

والله يسمع منك أخوي .. وأحصل على أسهل المقررات .. << شيبنا ما نقدر نحفظ .. نبي نرتاح هالكورس لووول

.
.

وتسلم مرة ثانية على متابعتك الطيبة .. دعواتكم .. :)

[لولوان]

السلام عليكم ورحمة الله وبركاته

دكاترة الجغرافيا " اللي اسمعه عنهم طيب"

بالنسبة لمبادئ الاقتصاد

المادة حلووووة (بالنسبة لي) والدكتور طييييييييييييييييب

بس يبي لها حضور منتظم وانتباه على الدكتور وكلامه وانك تكتب ملاحظات حق نفسك عن تنسى
والدكتور لو قلت له يعيد الشرح عادي يعيد ويضرب امثلة جيدة
المادة تركز على الفهم اكثر من الحفظ

على العموم اخوي لو خذيت المادة
ممكن اكتب لك تفاصيل اكثر واطرش لك على رسائلك ملفي للمقرر

^_^
حاضرين للطيبين

[Ahmad]

و عليكم السلام و رحمة الله و بركاته.

انصحك بالجغرافيا العامة، مقرر سهل بس دسم شوي، يبي له حفظ بس المعلومات مب جديدة ماخذينها بالمدرسة.

خذت هالمقرر اختياري بس عند دكتور غير، أعتقد سافر الحين و جبت فيه 99.5 (قولوا ما شاء الله).

بالتوفيق.

[ASA6]

خذت هالمقرر اختياري بس عند دكتور غير، أعتقد سافر الحين و جبت فيه 99.5 (قولوا ما شاء الله).



ما شاء الله ، لا اله الا الله

>>> محد قالك تقول ..:sweatdrop

[BoYagoob]

أختي لولوان
جزاج الله الخير أختي .. وبالفعل أكثر من واحد مدح لي دكاترة الجغرافية ..
وبالنسبة لمقرر مبادئ الإقتصاد .. فكرت فيها .. كان واحد ماخذفها في الصيفي ومادة فهم ..
بس ألحين المشكلة في الوقت هاي اللي متوهق فيها .. :(
لكن ما في إلا أنتظر جدول مقرراتي الإجبارية وأشوف إذا ممكن أي مقرر يضبط معاه في نفس الوقت ..
وبارك الله فيج أختي على مساعدتج الطيبة .. والله يكثر من أمثالج .. :)

أخوي Ahmad
وأنا أقول من وين هالنور في موضوعي ..
جزاك الله الخير ياخوي على مساعدتك ..
والله يشهد أنك دايماً مستعد تقدم لي يد العون .. في كل ما أحتاجه في أموري الدراسية .. :)
وبخصوص الجغرافية العامة .. بما أنها عامة .. وخذتها في المدرسة .. هالشي يطمني أكثر ..
وبإذن الله أضبط جدولي وتلائم مقرراتي الإجبارية ..
وما شاء الله عليك ياخوي .. والله تستاهل هالنسبة .. إلا تستاهل ال 100% .. لا إله إلا الله عليك ..
عاد شوف لو احتجت شي .. بالعوزك بأسئلتي ترى :kkk:
وبارك الله فيك ياخوي على مشاركتك اللي فرحتني وايد والله .. :)

[سنة التخرج]

السلام عليكم اخوي بويعقوب
اول شي مااحب ازيد على الشباب في مدحهم للدكاتره بس انا باتكلم بصراحه لاني اخذت مع كل واحد اكثر من ماده
اول شي الدكتور خال ابا الزمات والنعم فيه والله من ناحية التدريس والاخلاق ومايقصر بس المعدل صعب تاخذ عنده معدل لانه يعطي الاختبار مقرر مكثف والمعدلات قليله
اما دكتور علي الشيب اوكي بعد من الشرح ويعطي دسم بس اقل من دكتور خالد ابا الزمات ولو تتبع اسلوب حلو عنده ان اول اجابه في السؤال تكون نفس الكتاب والباقي من عندك يعطيك العلامة الكامله ويعطي معدلات انا اخذت عنده معدل
اما من ناحية دكتور محمد الكبيسي مثل مايقول المثل سكر على عسل نفسه خفيفه ومحترم ويعطي معدلات ولا يحب الطالب الي يحفظ يبي تفهم وبعد العناوين والعناصر فقط واسئلته موضوعية بعكس الباقين وفي هذا الدكتور بالذات نصيحه اذا حليت الامتحان اقراه 1000 مره قبل ماتسلم الورقه لانه يعطي سؤال غير مباشر وانت بتخلصه في خمس دقايق بس اقراه اكثر من مره
والباقي مااعرفهم وسامحني على القصور
وحبيت اقولك ان هذي وجهة نظري بالنسبه لهؤلاء الدكاتره وكل واحد وله وجهة نظر
وسلامتكم
وانشالله تاخذ معدلات اوكي

[على البال]

السلام عليكم

اخوي بويعقوب
د . خالد ابا الزامات يطول المقرر ومنهجه صعب شوي
لكن علي الشيب انصحك انك تاخذ عنده
واصلا الجغرافيا العامه والخليج العربي سهلين وماعليهم كلام

مادة التنميه الصناعيه اسهل منهم كلهم ولا عند محمد الكبيسي >>> لايفوتك
من صوبي اضمن عنده معدل

اما الباقي اعذرني ما عندي خبر عنهم

[بنت بروق]

السلام عليكم
انا قريت المقررات المطروحة وانا ما خذت منها الا مبادى اقتصاد والدكتور عطاني اكثر من حقي الدكتور صالح من احسن الدكاترة اما باقي المقررات ماخذتها بس سمعت كل خير عن الدكتور خالد والدكتور متولي اتمنى اني افتكم بشي

[BoYagoob]

.. أخواني وخواتي ..

سنة التخرج
د.جغرافي
بنت بروق

جزاكم الله الجنة على إفادتكم الغالية وتوجيهكم الطيب ..

وصدقوني .. بعد الإعتماد على الله ثم عليكم .. سلجت المقررات الإختيارية المناسبة .. :)

والله يسهل علينا وعليكم ويوفقكم دوم يارب ..

أخوكم / بويعقوب ،،، :)

:flower:

[الحوت767]

محمد الكبيسي ممتاز

[أبوالبراءالقطري]

السلام عليكم

بالنسبه للدكاترة

انا انصحك انك ما تقرب عند الكتور خالد ابا الزمات لأن في الدراسة ما يلاعب
امتحاناته صعبه وانا خذت عنده الجغرافيا العامه وعطاني d+ وهي بالنسبة لي مادة اختيارية . وانا درست عدل للامتحان بس للأسف هو تصحيحه اشوي شديد .

وأما بالنسبة للدكتور علي الشيب انا ماخذت عنده بس ما يمدحونه .

أما بالنسبة للدكتور الكبيسي خذ عنده وانت امغمض عينك ، لأن هو عسل .

أما بالنسبة لباقي الدكاترة ، للاسف ما أعرف عنهم أي شي .


وشكرا"

[BoYagoob]

أخواني الحوت767 + أبوالبراءالقطري

الله يعطيكم العافية على آرائكم وإفادتي في الموضوع ...

وجزاكم الله كل خير ..

أخوكم / بويعقوب ،،،