PDA

عرض الاصدار بالكامل : تبييـض الأسنــان


دنـــــدن
21-09-2005, 12:26 AM
السلام عليكم ورحمة الله وبركاته

مرحبــا جميـعــا...

كنت ابي استفسر عن تبييض الأسنــان...اللي اعرفه ان في تبييض بالقوالب..وتبييض بالليزر واللي هو طبعا الاكثر أمـان..

لذلك بغيت اشوف رايكم بالموضوع وشنو الافضل ووين افضل مكان...واللي عنده تجربه يشاركنـا ايـاهـا :flower:

مريم
21-09-2005, 06:16 AM
وعليكم السلام والرحمة أختي الغالية ..
..

في الحقيقة مسألة تبييض الأسنان شاغلتنا كلنا ..
ومن خلال تجربتي لكثير من المحاليل .. وأخيراً وجدت الحل ..
..
ولكن للأسف هو غير موجود في دول الخليج .. إل اعن طريق الطلب البريدي ..
والشراء عن طريق الأنترنت ..
..

أسم المنتج : Crest Strips

صورة عن المنتج :

http://www.qatarpictures.com/files/4/Untitled-6.gif

..
أختي دندن صدقيني أن بعد استخدامي لهذا المنتج فقط لمدة أسبوع ..
أصبحت أسناني أنصع بياضاً .. وكأنني قمت بعملية تبييض عن طريق الليزر ..
..
فقط عليكِ بوضع هذه المادة على الفك العلوي والسلفي لمدة نصف ساعة
يوميا صباحاً ومساءً .. لـ 7 أيام .. وصدقيني يا أختي أنكِ ستلمسين الفرق
الشااااسع بين ما كانت عليه أسنانك وكيف أصبحت .. أنا نفسي لم أصدق ..
وستبقى بيضاء لمدة 12 شهراً كما هو موضح على المنتج ..
..
جربيه ولن تنمدي أبداً ..
بالنسبة لسعر المنتج .. أعتقد يصل إلى 100 ريال قطري أو أقل ..
..

ولمزيد من التفاصيل أرجو منكِ زيارة هذا الموقع الخاص بالمنتج :

Crest Strips (http://www.whitestrips.com/en_US/home.jsp?hasGoodBrowser=true)
..
وبالتوفيق إن شاء الله ..
: )

دنـــــدن
21-09-2005, 10:25 PM
هلا وغلا عزيزتي مريـم... :flower:

اسعدني ردج ونقل تجربتج لنـا...

بس انـا خـوفي من القالب..لاني سمعت انه يـأثر على اللثـة ويسبب مستقبـلا لاسمح الله ورم في اللثه؟؟؟ انا سمعت وما سألت عشان أتـاكـد

لكن من خلال تجربتج ...الواضح انه ماشاء الله وايد حلوو...وكرست بعد ^_^

مشكووووره عيووني مريــم على الموقـع وأيضا افادتج لـي ولكل من يدخل هذاا الموضوع.. :flower:

مريم
21-09-2005, 10:28 PM
أختي دندن أحب أوضح شغلة بسيطة ..
وهي أن هذا المنتج مو قالب .. هو عبارة عن شريحتين للفك العلوي والسفلي ..
تشبه ( لزقة الجروح ) لكنها رقيقة وشفافه .. حتى ما تحسين فيها وهي على أسنانج ..
..
جربي وعلى ضمانتي ..
: )

دنـــــدن
21-09-2005, 10:36 PM
ترا خلاص دش الموضوع براسي...وان شاء الله بسوي اوردر عليه :flower:

تسلمين عيوني مريــم

دلوووعه البحرين
22-09-2005, 10:28 AM
والله فكره حلوة

والله دخلتي الفكره براسي يا مريم واهم شي انهم مو قوالب

وسعره وااايد مناسب الا رخيص بالنسبه لمنتجات التبيض


يسلمووو

دعاء المحبة
22-09-2005, 12:05 PM
جزاكي الله خير عزيزتي مريم على نصيحتك الطيبة...

وإن شاء الله بنجربها...

نـــور قـــطــر
23-09-2005, 12:13 AM
تسلمين دندن على الموضوع ,, و تسلمين مرايم على الرد الحلو ,,

مريم
23-09-2005, 01:22 AM
حاضرين ياحلوين ولو ^^
..

بطوطه
23-09-2005, 06:35 AM
شووووووفي حبيبتي دندن احسن لج


انج تروووحين المستشفى وتسوين تبييض اسنان عند الدكتور

أئمن لج والله و انتي كيفج بس انصحج با الدكتور لأنه يبيض اسنانج بساعتين وتروحين البيت وانتي مفتكه .... احسن من أنج تطلبين طلبيه من اخر الدنيا او انج تستخدمين شي يضرج انتي جربي عند الدكتور وشوفي و الله انا ما جربت بس رفيجاتي جربوا عنده وضروسهم
جنها الماساااات.... ههههههه

أدعيلي لا تنسين

وتشوفين الفرق....

شاااااااو

مريم
23-09-2005, 09:35 PM
بالعكس أختي بطوطة ..
الدكتور يشيل طبقة الجير في نفس الوقت وهالشي مب زين ..
لازم هالطبقة تتحلل بالتدريج عشان الأسنان ما تتعب والأعصاب ما تتعب ..
صح بتفتك من اول ساعتين بس مضر وغالي ومؤلم .. والبياض يروح بعد فترة قصيرة ..
..

واسمحيلي اختي دندن على الإضافة من جديد ..
: )

نـــور قـــطــر
27-09-2005, 07:57 PM
دندن يقول لج الفحم زين و يبيض الأسنان .. هذي وصفة خدامة هندية ^_^
و ترى في أندونيسيا و ماليزيا و شرق آسيا عندهم معجون فحم لونه أسود ,,

دنـــــدن
29-09-2005, 12:29 AM
:cus2:

فحم عاااد

حراااام عليييييج نوووووور :cry: بقلب اسناني ذهب اسووود :a43:


لا لا هالهندية ماعندها سالفه اكيد حلمــانـه :s23: والا حد يغسل ضروسه بفحم؟؟ احنــــا نفرش اسنانـنا ليل ونهـــاااار ولا يصيرون قرطاس ابيض...اشلون لو اسويهم بفحم...بقضي على مستقبلي اكيييد :sweatdrop

لا لا لا خلاص مريـــم عندهــا الحـل.. :) === مع تايد للغسيل مافيش مستحيل :s21:

نـــور قـــطــر
29-09-2005, 05:26 PM
صدقيني ما أكذب عليج ,, وناس ترى مجربين هالطريقة تفركين قطعة صغيرة من الفحم

على الأسنان و شوفي النتيجة و قولي نور قالت ^^

تمنياتنا لجميع بأسنان ناصعة البياض ,, و الله يوفقج عزيزتي ,,,

مريم
29-09-2005, 11:41 PM
ترا خدامتنا الفلبينية تمدح الملح الخشن بعد هههههه ^^
نور قطر عاد الفحم ياخذ مدة طويلة لين تطلع نتيجته ..
وبعض الأسنان من الله طبقة الجير فيها صلبة الفحم ما يفكها ..
لازم شي يحللها مثل الغسول او الآسيد .. أما الفحم يحتاج طولة بال ..
..
ونالسموحة مرة ثانية ^^