دعـــــــــاوي عيــــــــايزنا [الأرشيف]

عرض الاصدار بالكامل : دعـــــــــاوي عيــــــــايزنا

نجمــة الليــل

17-09-2005, 01:39 AM

بسم الله الرحمن الرحيم
السلام عليكم ورحمة الله وبركاته

هذي بعض الدعاوي اللي كانت يقولونها الأول عيايزنا وجداتنا ،،،

الله يهــــــــــــداهم ،،،

(( فديت العيايز والله ))

(( سلم ))
عساك ما تسلم

(( اتحب ))
حبتك القراده

(( قول ))
تقلقلت حنوجك

(( نام ))
نامت عليك طوفه

(( قوم ))
قمقم الله عصبك وكسر الله اركبك

(( يوز ))
حبتك العيوز

(( بل ))
اتبلبلت احنوجك

(( روح ))
راحت روحك

(( اتغده ))
عساك غده

(( ييب ))
يبيب الله بطنك

(( ول ))
وليت من الدنيه

(( عم ))
عمت عينك

(( فج ))
انفجت اضلوعك

(( يمه ))
وصمه

(( يبه ))
وحطبه

وســـــــــلامتكم

واللي عنده زيـــــــــاده ممكن يضيف...

دنـــــدن

17-09-2005, 01:44 AM

ههههههههههههههههههههههههههه

والله سوووالــف العيـايــز غيـر شـكــل :s21:

تسلمين عزيـزتـــي نجمــة الليــل على هالمشاركه الجميلة :flower:

قانون ولكن !؟

17-09-2005, 01:44 AM

ههههههههه الواحد مايقدر يتكلم جدام العييايز الا وردوا عليه بالف كلمه

شكرا للموضوع الحلو

نجمــة الليــل

17-09-2005, 02:19 AM

دندن

قانون ولكن!؟

أسعــــــــدني مروركم..شــــــكراً...

Ahmad

17-09-2005, 11:19 AM

كلمات عفوية لا تظهر من القلب.

شكراً أختي.

فيــــصل

17-09-2005, 11:23 AM

هههههههه

يا سلام

والله شي

فيه بعد كم دعو ة اخبرها

بس ماحد قالي شي منهااا <_<

فيه الله يسلمكم

الي يضحك لضحك واجد ولا كثر الضحك

يقولون تضحك من سرك<<<<<

ههههههههههه

يعني عمليه ولا شي كذا
هههههههههههههههههههه

والي الله يسلمكم

ياكل اكل حد ولا يزط العيشه الي قدامه

يقولونة له

جعله ما يحدر ..ههههههههه

اما ذي اح انها جامده

وفيه بعد

لقال الواحد قبل اخبرها قالي عنها جدي

ههههههههههه

قالي :فيصل ؟

قلت له: هاه ...

قالي:هويت في بير ماله قاعه..

هههههههههههههههههههه

وبس

هههههه

شكرا على الموضوع

ASA6

17-09-2005, 12:33 PM

تسلمين اختي ...

بس صج كلام اخوي احمد اعتقد انها عفوية ومب من قلبهم ...

اخوي فيصل تسلم على الاضافة الحلوه ...

اخوج المتواضع / شبيه الريح (=

نـــور قـــطــر

17-09-2005, 06:01 PM

هي عفوية ,, ما تنقال إلا لحظة الغضب ,,

تسلمين عزيزتي ,,

نجمــة الليــل

17-09-2005, 11:04 PM

Ahmad
صح كلامك اهي عفوية...
تسلم إخوي على الرد...

فيصل
هههههههههه
يحليله يدك...
وتسلم على إضافتك...

ASA6
الله يسلمك إخوي...
وشكـــراً على مرورك...

نــــور قطــــــر
الله يسلمج إختي...
وصح كلامج مثل ماقال إخوي أحمد...

ملاك الكون

18-09-2005, 02:17 PM

تسلمين أختي عالموضوع

:)

نجمــة الليــل

18-09-2005, 11:50 PM

الله يسلمج إختي،،

ملاك الكون..شكــــــراً...

فرووشه

21-09-2005, 08:02 PM

تسلمين اختي نجمه الليل على الموضوع ^_^

بس الحين قاموا يخفون شوي من هالجمل مب نفس قبل .. مادري انا الاحظ مايقولونها وايد ؟؟ !!!

المشكله مانقدر نقولهم لاتقولون جذيه دعاويكم يمكن مرات مستجابه ^_^ لكن شنسوي ههههههههه

نجمــة الليــل

23-09-2005, 02:11 AM

شكــراً لكِ فرووشه على الرد والمرور...

@ ربشـة @

28-09-2005, 05:44 PM

انا مادري شسالفة
ليش ايام اول كله يدعون على الواحد..
شدعوه نستاهل يدعون لنا هههههههههههههه

نجمــة الليــل

22-11-2005, 12:45 AM

شكـــرا لج إختي على المرور...

Qatar Perfume

01-12-2005, 11:29 PM

حتى دعاويهم علينا حلوه... فله حجيهم

كله يقولون سود الله رقاعك ... بس مادري وشو؟؟ اللي يعرف يشرح

شكراا

نجمــة الليــل

02-12-2005, 04:10 PM

شكــــراً لج إختي على مرورج...

الفلاسي

04-02-2006, 03:46 AM

رررررررررررررروعة يجنن صج كلمات عفوية بس احنا نستانس علية نايس

يسلمووووووووووووووووووو

تحياتي
بو فلس

ذبحني الهـم

04-02-2006, 05:20 AM

ويييييييييييييه يا فديتهم العيايز كلامهم كله عسسسسسسسسسسسسسسسسسل

مشكورة

تحياتي
عيوز اصغيره هههه

نجمــة الليــل

05-02-2006, 12:08 AM

الفلاسي

شكـــراُ لك إخوي...

ذبحني الهم

اي والله يازين كلامهم استانس عليه...شكـــرا...

VIP_777

06-02-2006, 12:45 AM

تلسمسن على الموضوع..
الله يعطيج العافيه...

نجمــة الليــل

06-02-2006, 03:30 PM

شكـــراً على مرورك...

ام عبودي

04-03-2006, 01:04 AM

انا اخبر جدتي تقولي:

( اشده الله بالج)

:cus2:

نجمــة الليــل

05-03-2006, 08:07 PM

هههههه

تسلمين إختي...

قطرعمري

20-04-2006, 06:51 PM

-يمه

-ضربة في القمه!

-نبي ندور

- دار بك راسك

فديييييييت عيايزنا والله!!

قطرعمري

20-04-2006, 06:56 PM

حتى دعاويهم علينا حلوه... فله حجيهم

كله يقولون سود الله رقاعك ... بس مادري وشو؟؟ اللي يعرف يشرح

شكراا

أعوووذ بالله، هالدعوة بالذاااات لاتخلين جدتج تقولها وحاولي تشرحين لها المعنى..

شوفي عزيزتي، الرقاع=الرقعة= الصحيفة

يعني صحيفة أعمال الواحد يوم القيامة@@!

(سمعتها مادري وين)

و مشكورة أختتي صاحبة الموضوع على الطرح الحلو، وأتوقع إحنا جيلنا دوره دور التوعية...بعض العيايز دعاويهم حلوة، خلونا نتكلم عن الدعاوي الإيجابية:

"كبّر الله حظّج"

"يعل عيني ماتبجيج"

" عيني ما بجتج، روّتني دزّتج"

"يعل يومج المر مايمر" فديت يدتي الحنونة:wub:

وحداني

20-04-2006, 06:59 PM

مشكوره اختي على الموضوع

بخصوص عايايز اول " اشدعوه" انا امي لين الحين تقول:cus2:

و

قطرعمري

20-04-2006, 07:00 PM

- نسيت
- نساك الموت

طبعاً الموت ماينسى حد،بس يعني هذي دعوة بطول العمر نقدر نعتبرها,,

- لبيه
- لبيت في مكه

هذي صج صج صج حلوة

ملاك الليل

20-04-2006, 08:58 PM

تسلمين على الموضوع الحلو ويا حبني للعجايز:s7: خصوصا لا قالوا الدعوة الحلوة هاذي:

جعل يومي قبل يومج:s7: :s7: :s7:

هههههههههههههههه

أحمد الحسيني

20-04-2006, 09:05 PM

ههههههههههههههههههههههههههههه

الله عليهم بس والله مو من قلوبهم طيبين

الريانية وبس

01-05-2006, 08:12 PM

ياليت قلوب الناس مثلهم وبطيبتهم

قطqatarر

01-05-2006, 08:22 PM

(( روح ))
راحت روحك

(( اتغده ))
عساك غده

هههههههههههههههههههههههههه من قلب...ثانكس اختي

Student**N

03-09-2006, 05:53 AM

:good2:
في بعد شغله : لين يتصلوون تلفون ويحصلونه مشغول بدون لا يقولون الو :: فلانه وووجع ليش التلفون مشغول شغل الله بالج!!! تو الكلام ما طلع الا طراااااااااااااااااخ السماعه في وجهج!!! ولا فيه بااي ولا مع السلامه..
ولين انكسر شي :: كسر الله ضرسج انشالله!!
ولين طاح شي :: طاح حظج انشالله !!!!!!!!بررحها طايح ليش تدعين
والدعووووووه الكبيرة يووم الجمعه احذرووووووووا من زعلهم :: يالله يا ربي في هالجمعه الجامعه والملائكة السامعه ................ ويكملون الدعوه