التمليس بالاعشاب &المائي اشرايكم فيـة.؟؟

[دنـــــدن]

السلام عليكم ورحمة الله وبركاته

مرحبـــا بنوتــــات :m21:

كنت ابي أسـأل عن التمليس بشكل عــااام...

طبعا التمليس بيكون حلو حق الشعر المجعـد لانه راح يكون واضح عليه... :good2:

لكـن ابي اسـأل لو كان الشعـر عـادي مو مجعد...هـل التمليس بيأثر عليــــه.؟؟؟؟ :a43:

ايضا سمعت عن التمليس بالاعشاب والتمليس المائي...طبعا اغلبه سمعت انه بالبحريــن يسونه حلـو... :wub:

بـس ماعندي اي فكرة عن التمليس بالاعشاب والتمليس المائي :s27:

اخاف انه يخرب الشعر وكل مره نضطر نروح ونسويه :cry: مافينـا شدة على التحسف والندم بعديين... :mhmh:


اتمنــى اللي يكون عندها خلفية عن هالموضوع او مجربـــه تفيدنــا :flower:

[مهااوي]

هلا دندوون

والله مادري عن التمليس المائي بس اعتقد انه مشهوور في البحرين

اخبر مره وحده قالت لي عنه .. وبالنسبه للتمليس بشكل عام حق الشعر اللي مب مجعد اكيد بيأثر عليه لانه قووي ..

وانا بجووف وبسال لج عن التمليس المائي او بالاعشااب

[دنـــــدن]

هلا عزيزتي مهاووي

صراحـه هي الطريقـة وايد حلـوة...بس خوفـي ان تخرب الشعر اذا كانت اصلا طبيعته ناعمــه...لذلك حابه استفسر اكثر...وايضا ناخذ من تجارب البنـات اللي اخضعوا لهاذي التجربـه سواء كانت سلبيه او ايجابية بالنسبة لهم... ومدى تـأثير التمليس على الشعـــرة وملمسهـا :flower:

ان شاء الله نلقى اجابات :s23:

[نـــور قـــطــر]

و عليكم السلام ورحمة الله وبركاته

اممم أنا اول مرة أسمع عن التمليس المائي وبالأعشاب بس لقيت لج هالرد :

إذا كان تبين شعرك على طول ناعم انصحك بتمليس اليوكو هذا تمليس جديد طالع يخلي الشعر كأنه شعر فليبنيه بس شوفي يا أختي هذا التمليس غالي الشعر القصير يبتدي بألف الريال ومو كل المشاغل تظبطه كانك ناويه شوفي احسن مشغل مشهور في عمله اعرف عروس شعرها زي شعرك وطويل لنصف ظهرها سوته بعشره الاف وطبعاً ماتحتاج لسشوار ولا حاجه ويقولون ان يظل مدى الحياه والله اعلم يليه التمليس المائي حلو بس يظل لمده سته الشهور وهو ارخص من اليوكو والحين بعطيك الي جربته صديقتي يعني عن تجربه هو تمليس ريلكس أمون خالي من الامونيا وله ثلاث انواع لشعر الناعم والعادي والخشن وصديقتي شعرها خشن و جربته في البيت تحطينه والشعر جاف وخالي من الزيوت اذا بتغسلينه لازم تجففينه بسشوار وافضل تحط بشعرك وحده تعرف كيف تحط يعني عندها خبره او تروحين المشغل وتحطينه عشان تعرفين تفردين الشعر وتحطينه على كل الخصل تحطينه على الشعر كله ثم تحاولين تمسدينه بالمشط عشان يتغلغل الكريم لكل الشعر ريحته مو قويه بالعكس اخف بكثير من التمليسات العاديه عقب ماتمشطينه خمس دقائق ضعي عليه كيس بلاستك او قبعه بلاستيكيه لمده عشرين دقيقه ثم اغسليه فقط بالماء جيداً غسليه زين مازين عشان مايبقى ترسبات وبقولك ملاحظه هامه جدا جدا انتي اذا حطيته على راسك ماراح تقدرين تتحملينه يعني بتحسين بحراره وتقريص بس اذا تبين النتيجه مره مره مره حلوه يعني كل الوجع بتتحملينه بعشرين دقيقه وتنعمين بشعر حريري وحلو مره جنان بس عقب ماتغسلينه بصير شعرك مره جاف وشابك لاتخافين هو كذا بدايته ضعي عليه مطري لشعر مثل كرستال او كريم عشان تقدرين تمشطينه ومشطيه شوي شوي عشان يفك التشابك لاتشدين الشعر بعدها استشوريه وخليه لمده اسبوع لاتغسلينه واذا مستعجله غسليه بعد ثلاثة ايام تقريباً اذا انتي ماغسلتيه زين ممكن يترك ترسبات في الشعر عشان كذا خذي وقتك وانتي تغسلينه اول مره لاتخافين والله النتيجه حلوه بعد اسبوع غسليه بالشامبو وانصحك بشامو فشكول وضعي عليه كريم حمام زيت مركز ماركة سوفت بيتوفل (soft beautiful) افضل تستخدمينه عشان يبعد التلبك ويصير الشعر حريري بعد اسبوع بس راح تنعمين بشعر ناعم وحلو مره وشوف عيني طبعا لابد تستشورينه صدقيني شعرك بصير طبيعي ولا أحد راح يشك انك مسويه شي طبعا اعتني بشعرك من ناحية تضعين عليه قبل السشوار كرستال أو غيره مثل ماركة kadusعشان يحميه من حرارة السشوار ولا يتقصف يظل لمده ست شهور ويظل الشعر بعدها ناعم بستثناء عند منبت الشعر الجديد كتبت لك بالتفصيل الممل عشان اكون ماكذبت عليك بشي جربيه اول ماتحطينه بتقولين خلاص ماراح احطه ثانيه ولما تشوفي النتائج بتحطينه ثانيه وثالثه بعد مايقصف الشعر ولا يتساقط قيمته ريلكس أمون 45 ريال واحياناً 50 الاصلي مكتوب فيه كلام بالعربي والانجليزي يشرح مكوناته وطريقة الاستخدام اما التقليد بس مكتوب عليه بالانجليزي انتبهي بهذي النقطه اتمنى اكون افدتك

والتمليس عموماً يأثر على الشعر ,, و أعرف وحدة سوت تمليس عادي ولما طال شعرها بيّن الفرق و اضطرت تسوي تمليس للجذور بس وهذي حالتها ,, لكن بصراحة طاح شعرها عدل حاصة و إن شعرها كان غليظ لكن مجعّد,, نصيحتي إذا كان شعرج عادي لا تسوين تمليس اهتمي فيه أكثر بالزيوت و الكريمات ,,

أتمنى إني أفدتج بشي ,,

[دنـــــدن]

هلا وغلاا عزيزتي نور قـطـر :m21:

في بعد شي ثاني اسمه بتمليس اليوكو ؟؟؟؟؟؟ اول مره اسمع فيــه... عـــاد لمدى الحيـــاااااة..معقووووولــــه ...!!!

انزين نبـي نشـوف رد حــد مجـــرب على الاقل وحده من هالشغلات...

وبيني وبينـج نــــور صراحه الواحد يتكاسـل يسوي هالسوالف..خلطات وزيوت....يعني كل مره بيجرب خلطه جديدة...

وبنفس الوقت الوحده راس مالها شعـرهــااا :wub: مانبي نتحسف على شي بعدين ..عشان جذي لازم نسـأل عنه بالتفصيل...

بس عمومــا ابي اعرف اشلون يكون ملمس الشعره بعد التمليس... وعقب الفترة المحدده له اشلون بيرجع ..كما كان سابقا..!!!


الحين التمليس العادي يقولون يخرب..بس المائي وبالاعشاب شغله جديدة...

في ناس عقب التمليس شعرهم يحت يحت ..تقريبا يصير فيهم صلع لانهم يستخدمون مواد كيماويه في التمليس...انا مابي هالنتيجة المخيفة :cry:

[مهااوي]

دندوون اذا شعرج زين لاتلعبين فيه

انا وحده من هلي شعرها مجعد وغلييييييييظ مشالله

سوت مرتيين التمليس العادي وطاح شعرها عدددددددددددددددل

ومثل ماقالت نور كل ماطول الشعر بين التجعيد ..

لكن تعالي جوفي شعرها الحين مشالله صج مجعد لكن شحلاته يستوي لين تستشوره

يعني الزبده للشعر المجعد زين لان يطلعه حرير .. اما الشعر اناعم مادري انصحج لاتقربين يمه

لانه يمكن تتحسفين

عاد انتي وبراحتج وجووفي رد البقيه

السموحه ..

[نـــور قـــطــر]

لا دندن أنتي ما راح تجربين كل مرة خلطة جديدة ,,

أنا أعطيج الحل ,, روحي عند جون إيبيل عند مدام تونس و خليها تشوف شعرج
وشو محتاج له و هي بتنصحج لأنها خبيرة ومضمونة إن شاء الله ,, و ابعدي عن التمليس
لأن اللي سوته أول ما سوت تمليس طلع الشعر ملمسه حلو - عقب التمليس والسشوار - لكنه واقف حتى أطرافه ما تتثنى ^_^
وبعد ما خلصت مدة الست شهور رجع الشعر مكسّر مجعد لكن أحسن عن قبل ,, وكل ما طال لازم تملس
الجذور ,,, يعني سالفة ,, و اللي فهمته إنج مب في حاجة للتمليس ,,
سمعي الشور يا بنتي و روحي عند مدام تونس ,,, و الراي لج :)

[دنـــــدن]

ان شاء الله بجرب كل الحلووول... ^_^

صج كان في خاطري هالشي...بس صراحه اخاف اخاطر :s23:

تسلموون خواتـــي :wub:

[توته الظفيري]

:flower:
أذا انتي ناوية تسوينه انصحج تسوينه في البحرين مو بالدوحة...وفي هناك اكاديمية تجميل من لبنان نسيت شسمها متخصصين فهالنوع من التمليس..وأتمنى لو سويتيه تقولين لنا على النتيجة .
أنشالله تستفيدين من هالمعلومة.