O . B . A . G . I

[نـــور قـــطــر]

مرحبا بنوتات ..

لا تظنون إني أقصد بالعنوان ماركة مكياج جديدة و لا ملابس و لا أحذية

" وأنتوا بكرامة " :s1:

O B A G I برنامج لتقشير البشرة ^_^ وأنا حبيت أسأل إذا في وحدة

قد مجربته و لا لا ؟

وهذي هي صورة الكريمات <_<

http://rds.yahoo.com/S=96062883/K=obagi/v=2/SID=w/l=IVI/SIG=128tfgm0f/EXP=1118853265/*-http%3A//www.creamspecialist.com/images/obagi_all1.jpg
اضغط على الصورة لترى الحجم الطبيعي

[بنوته قطريه]

لا والله الشيخه عمري ما سمعت عن هالماركه

ان شالله البنات يفيدونج

[نـــور قـــطــر]

مشكورة بنوتة على المرور ..

للعلم هي ماركة طبية وعلاجية أكثر من إنها تجميلية :)

ننتظر ردود البنات ,,

[عيون الورد]

هااااااااااي ................ والله الصراحه انا ماجربت بس انتي ممكن تروحين المحلات الخاصه بالكريمات وهم بيقولون لج شنو النوع الي ينفع لنوع بشرتج وطريقه استعماله ......... :)

[نـــور قـــطــر]

مشكورة أختي عيون الورد على المرور ..

<_< مافيكم وحدة جربته ..!! أو سمعت عنه ..!!

[لينا]

كل اللي سمعته انه مقشر قوووووي للبشرة

ولازم تسوينه تحت إشـــراف دكتور..

[دلوووعه البحرين]

اوووووووووووووووه اوباجي



احسبي معاي


امي .. خالتي الي في البحرين .. خالتي الي في الدوحه .. بنت خالتي .. بنت خاله امي .. صديقه خالتي



كلهم مجربينها



النتايج لا يعلى عليها بس المشكله الوحيده انها في فتره من البرنامج تكرهين تشوفين وجهج في المرايه



وهي المرحله الي يبتدي فيها التقشير بيكون وجهج لونه احمر كانه سمله عليج ( مصلوخ ) ويفضل في هالمرحله ما تطلعين وايد الصبح او تتعرضين لاشعه الشمس واذا اطريتي بيكون من ضمن المجموعه واقي للشمس



وبيكون في بعد من ضمنها مثل المرطب بس الدكتور قال حق امي ما تستخدمه على طول لانه كلما تقشر الويه النتايج تكون اسرع

والمجموعه عباره عن

*كريم للتقشير الليلي
*كريم للتقشير في النهار
*فيتامينات للوجه ( كأنه على ما اذكر فيتامين سي )
*واقي للشمس
*مرطب للبشره
*بالاضافه الي كريم للحبوب ( الوحيد الي رضت امي اجربه ) يساعد على تجفيف الحبه وتختفي نهائيا بعد يمكن يوم او يومين بدون اي اثر
* كريم لما حول العينين ويكون فقط في الليل
بعد مممم بس هذي على ما اذكر

طبعا اول ما تروحين اذا كان الدكتور موجود بالعياده ( الي اهيا المحل ) يدخلونج عليه واذا كان مش موجود تاخذين موعد ولما يشوفج يحدد نوع الكريمات والكميات المناسبه ( تراها كميات بسيطه جدا جدا )

وعلى فكره نور اذا بتجربينها حاول تحطينها بالملعقه الخاصه الي بتكون مع المجموعه والا راح يتقشر صبعج lo0ol امي وخالتي صار لهم :169: :169:

المهم بعد ما تخلصين من اول جلسه وبعد ما يعطيج الكريمات تطلعين وتشترينها من العياده نفسها ويعطونج موعد بعد شهرين او 3 اشهر

وخلال المده لو خلص اي كريم منهم وراح تلاحظين ان اكثر الكريمات الي تخلص هي التقشير والمرطب ( والواقي من الشمس اذا كنتي تطلعين من البيت وايد الصبح )

لازم لازم تشترين وتستمرين لين الموعد ولين شافج الدكتور اهو اللي يحدد لج هل تحتاجين كميات او خلاص

وتحملي تسوين مثل رفيجه خالتي الي يوم شافت ويها وردي وبشرتها مثل الزبده ((( على كلامها ))) تركت الكريمات واخترب ويها

ايييييييه نسيت اقولج ترى يالغاليه هالكريمات يبي لها مداومه وتحتها خطين

بالنسبه لامي استمرت على المجموعه تقريبا 5 اشهر وهي طبعا تختلف من وجه لوجه ومن بشره لاخرى


يعني بعد ما ينتهي البرنامج راح يعطيج الدكتور كريم وهذي الكريم تستعملينه طول عمرج عشان يحافظ على المرحله الي وصلت لها بشرتج واذا ما استمريتي عليه بيروح تعب كل الشهر على الفاضي


واذا كانت عندج مناسبه لا تستعملين الكريم قبل 3 ايام عشان يخف الهيجان

وعلى فكره


ولازم تسوينه تحت إشـــراف دكتور..



اصلا ما تاخذين اي كريم وخصوصا اذا اول مره بعد ما يشوفج الدكتور وذا ما كان موجود تاخذين موعد ومستحيل يصرفون لج اي كريم اذا كنتي رايح لاول مره



عموما نور انتي توج صغيره على الكريمات هذي الا اذا كنتي تعاني من حب الشباب او مشكله ثانيه في البشره

اوووه على فكره قيمه المجموعه كلها تقريبا بالبحريني 250 دينار 2500 ريال قطري



انشالله اكون كفيت ووفيت واذا احتجتي اي معلومه ترى مامي حاضره للاجابه :169: :169:


©حقوق الطبع محفوظه لأم دلوعه ©
:s1:

[نـــور قـــطــر]

لينا مشكورة حبيبتي على المرور ..

دلوعة البحرين ..
وينج من زمان ؟؟؟

أنا من استخدمته صار 6 أيام .. من أول يومين بس بدا مفعوله ..

وهي المرحله الي يبتدي فيها التقشير بيكون وجهج لونه احمر كانه سمله عليج ( مصلوخ )

صح , وهذا اللي يصير الحين .. تغمق البشرة و تصير أسوأ من قبل ..

*كريم للتقشير الليلي
*كريم للتقشير في النهار
*فيتامينات للوجه ( كأنه على ما اذكر فيتامين سي )
*واقي للشمس
*مرطب للبشره
*بالاضافه الي كريم للحبوب ( الوحيد الي رضت امي اجربه ) يساعد على تجفيف الحبه وتختفي نهائيا بعد يمكن يوم او يومين بدون اي اثر
* كريم لما حول العينين ويكون فقط في الليل

المجموعة اللي عندي تختلف شوي عن اللي ذكرتيه , معقولة تكون غير !!!
* جل للتنظيف " بدل الصابون "
* toner
* الصافي = كريم يصفي الوجه .
* blender أو المجدد = كريمين تخلطينهم مع بعض .
* كريم مرطب .
* كريم واقي .

وتستخدمينهم كلهم بنفس الترتيب مرتين في اليوم :a43:

ضحكتيني على سالفة يتقشر الصبع :cus5: عاد أنا ما أستعمل إلا أصابعي كمقياس عشان أعرف شكثر أحط من الكريم :s23:

الحين ومع إني توني مجربته إلا إني أشوف إن بشرتي بدت تتحسن ..
بس 3 أيام قبل المناسبة !!!!!! و الدكتور قال لي اترك هالاوباجي قبل المناسبة بأسبوع ..
وين انا عندي خطوبتي بعد أقل من شهر ووقتها باكون مخلصة أول دورة من العلاج , وباستمر على العلاج ومع الكريمات لين العرس , لأن البرنامج أو النظام فيه 3 دورات كل دورة تاخذ 6 أسابيع ..
و لأني أمشي على الدورة المركزة فهي تاخذ 18 أسبوع ,,

بس أنا أسأل أبي أعرف شلون بتكون البشرة عقب استخدامه وهل بيجي اليوم اللي باوقف ما استعمل فيه العلاج والكريمات :mhmh:

وعلى فكرة سعر المجموعة عندكم أغلى :a43: إحنا عندنا المجموعة بس من غير مراجعة الطبيب بـ 1700 ريال , لكن سعرها مع تكاليف المراجعة ما يقل عن 4000 ريال ..

و إن شاءالله على ذي كله تكون النتايج مضمونة و حلوة :13:

تسلمين دلوعة , وسلمي على الوالدة وقولي لها ما قصرتي يا أم دلوعة ^_^

[ghzayeee@l@]

نظام تقشير O.B.A.G.I
هو احسن نظام تقشير موجود (هذا اللي اشوفه) :good2:
اول مرة استخدمته بوصفه طبيه واستمريت عليه تقريبا" حول السنه او اقل ماذكر بالضبط :a43:
لكن نتاااااااايجه عجييييييبه,,,كانت عندي اثار حب شباب وراحت كلها
وبالنسبه للاستخدام:كنت استخدم 4 كريمات:
-O.B.A.G.I clear
-O.B.A.G.I action
وكريم-complex A
+كريم الشمسO.B.A.G.I protection

ولغسل الوجهO.B.A.G.I jel
بعد فترة الاستخدام ماتحتاجين تحطين ولااااااااشي في وجهج(طبعا"
اقصد الميك اب) :s2: ,,
تصير البشره صافيه..وتختفي الاثار..
والحين استخدمه في العطله بس..
بس لازم يستخدم بوصفه طبيه في البدايه

[نـــور قـــطــر]

هذي النتيجة اللي أبيها إني ما أحط شي من المكياج ..

عندي سؤال بعد ما خلصتي كورس العلاج , توقفتي ما استعملتي شي

عشان يحافظ على اللي وصلتي له ؟

وجزاج الله خير

[ghzayeee@l@]

لا حبيبتي مااستخدمت شي..
عطاني الدكتور مجموعه ثانيه من اوباجي بس مب للتقشير:
عبارة عن:واقي من الشمس..وكريم للنهار..وكريم لليل..وتونك..وغسول للوجه..
استخدمته فتره بسيطه بس ماداومت عليه
:s23:
بس صرت لما اطلع احط مرطبroc..وواقي الشمس
ولما تطلع لي حبوب ايام الجامعه.. اوقات احط
complex A فقط..لان تقشيره خفيف مب نفس o.B.A.G.I
بس يعطي نتيجه..ولماتحطين المرطب مايبين وجهك مقشر..
لاكن اللي استخدمه دايما" ومااستغني عنه الجل لغسل الوجه
O.B.A.G.I jel
اي سؤال حاضره

[دلوووعه البحرين]

الله يسلمج ياغاليه وعلى فكره امي اسانست وايد لما سالتها


مبروك على الخطوبه يالغاليه :flower:

وثانيا بالنسبه للمجموعه قلت لج البشرات تختلف من وحده لوحده

وخالتي الي في الدوحه كانت كريماتها تقريبا مختلفه الي عند امي لان بشرتها غير

لووووووووول عن الاصبع الغاليه لان امي وخالتي كانو لما يقيسون الكميات يخلونه على صبعهم دقيقه او دقيقتين كل وحده تسولف مع الثانيه وينسونه :169: :169:

وعن النتايج مثل ما قلتي تطلع بسرعه وتبان والحمد لله انه ناسب ويهج

عن ال3 ايام يالغاليه المده تحدد على حب نوع البشره والعمر

وعن النتايج انا اضمن لج النتيجه

بشره ورديه وناعمه انشالله بس بشرط انج تداومين عليها وما تتكيسلين تحطينها

( بنت خالتي جاتها فتره تقول انها خلاص تعتبت وتقول ((كل يوم احط على ويهي)) ومرات كريمات الليل ما تستخدمها بس النهار لازم )

ايه نور لازم بعد ما تنتهين الدورة بيعطيج الدكتور مجموعه عبار عن الكريمات الي قالت عنها ghzayeee@l@

ولازم تستخدمينها على طول ( هذي الكلام الي قاله الدكتور لامي وخالتي والبقيه )

عشان تحافظين على النتايج

وانه اضمن لج انج ما تشتهين تحطين ولا شي في ويهج

وبصراحه انه اغير من امي مرات اذا بنروح عرس تحط لها كحل داخل عينها وشدو خفيف بدون كريم اساس ولا بدورة ولا كونسيلر ولا هالخرابيط

وانه الي اتم بالساعات اتمكيج<_<

[نـــور قـــطــر]

الله يبشركم بالخير :)

ghzayeee@l@
ما قصرتي حبيبتي , بس لأن هالعلاج كرهني في الطلعة , ومقابل العرب <_< فقلت خلني
أسأل أكثر عنه .. وبصراحة ريحتيني وطمنتيني .. جزاج الله خير ..

دلوعة البحرين
الله يبارك فيج حبيبتي , عقبالج إن شاءالله :)
الله يجزيج كل خير على ردج اللي طمني أكثر ..

تسلمون وماتقصرون .. نخدمكم في الأفراح

[ghzayeee@l@]

نور قطر بالنسبه للي قالته الاخت دلوعه البحرين
ان الكريم يقشر الصبع.. :good2:
انا استخدمته بس ماقشر صبعي.. :good2:
بتقولين لي ليييش :a43:
لاني اغسل يدي على طوووول بعد مااحطه..
بس انا اشوف المجموعه الثانيه مب ضروريه لاني لما قلت للدكتور اني ماداومت عليها ماقال شي بس عطاني كريمroc+واقي الشمس O.B.A.G.I

[دلوووعه البحرين]

اختي ghzayeee@l@

الظاهر الكريمات الي تكون بعد انتهاء الدروة تكون على حسب العمر لان امي للحين تستخدم الكريمات الي عطاها الدكتور

[نـــور قـــطــر]

إن شاءالله بعد ما أخلص هالبرنامج
ما يعطيني الدكتور أي كريم أستخدمه <_<
مابي أتم طول عمري عايشة على الكريمات .. والله زهق ..

ghzayeee@l@
اي أنا مثلج لازم أغسل يدي من بعد الكريمات لأنها شوي دسمة ..

دلوعة البحرين
ما أقول إلا الله لا يحدني عليها ..

تسلمون ^_^

[دلوووعه البحرين]

ما يعطيني الدكتور أي كريم أستخدمه
مابي أتم طول عمري عايشة على الكريمات .. والله زهق ..

حبيبتي نور اقل شييمكن يعطيج الدكتور كريمات مثل الي عطاها ghzayeee@l@ عشان تحافظ على المرحله الي وصلت لها البشره

[بنت الحكومه]

:)
شعندهم البنوتات في هالموضوع مسوين لهم سالفه..

المهم أنا ماقريت الردود بس :kkk: داشه عـرض !!

شوفي ياختي نور بالنسبه لتنظيف البشره وهالسوالف .. لازم الوحده تبدأ بهالشي من زمان

إبدي تنظفين بشرتج مع ماركات معينه عندج لوريال وعندج بعد منظفات طبيعيه وايد تلاقينهم في الـ Body Shop

والحلو في ماركات الـ Body Shop إنها للبشره والجسم مره وحده (( وهذا أهم شي ))

بس يبيلج فتره مب أقل من شهرين ولا ثلاثه لين ماتوصلين للنتيجه اللي تبينها !!

بس صــــج بقولج .. عندج في مركز القمه وحده لبنانيه لكنها تقول إنها فرنسيه بالجنسيه المهم<< عطتني قصة :s27: حياتها

حجزي عندها موعد وياويلج لو تأخرتي راحت عليج .. بتسويلج Deep Clean عــدل وحمام بخار وغيره من هالسوالف

وصدقيني بترجعين New LooK مع بشرتج وبتسوي لج شد على خفيف (( ليش صباح أحسن منا))

حتى مب لازم تحطين مكياج ((وهذا الأهم ))

وإذا ماتبين .. عندج دكتور لبناني عيادته في شارع النصر إسمه ( بهيــج ) مادري جان سمعتي عنه ولاعن صابونته اللي

يبيعها في الصيدليات مع معدات تنظيف البشره اللي :8888: يسويهــا .. بس صج هذا أحسن دكتور جلد يعطيج طرق طبيه وصحيه أحسن من هالكيماويات

اللي تحرق الويـه حراق :(

(( نصيحــــه )) .. إذا إستخدمتي اي نوع من أنواع منظفات البشره سوآ أوباجي / لوريال / أي ستي لودر / نيتروجينا.. و غيرهم إستمري عليه ولاتغيرينه

أو تقعدين كل ساع تغيرين لكريم أو تخلطين الماركات يعني لاتحطين من كل شي ماركه غير عن الثانيه إستمري على نوع واحد

لحد ماتطلع النتيجـه تمام .. :cus2: وتحملي من الماركات اللي تطلع في التلفزوون على القنوات التجاريه ترى إسمها أكبر منها وفوق ذيه

يسوون لها دعايا مادري على شنو !! ويمدحون منتجاتهم وهي منتجات <_< ( الشـلـــــــخ ) !!



أدري مالي علاقه بالماركه اللي حاطتها بس لقافه قلت أضيف شي يديد من عندي !!

أختج / بنت الحكومه

:)

[دنـــــدن]

صراحة الموضوع يشد :flower:

اول شي هالماركه او هالنوع من الكريمات اول مره اسمع عنه...

وكنت بجرب بس عقب خفت يوم شفت انه يحرق ومادري شنوو...لان صراحه بشرتي وايد حساااسه ومافيني شدة اسويلي مشكله ...

لكن بالنسبه لي استخدم نيتروجينا وما شاء الله وايد روعه...

لكن مثل ما قالت عنوني بنوته الحكومه لازم ان تثبتين عليه ... يعني ما شاء الله وايد روووعه...وانا استخدم منتجات نيتروجينا من اول مراحل الثانويه...وما شاء الله الحمدلله بشرتي صاااافيـــة...لا حب شباب ولا هم يحزنون...بس يمكن المشكله الوحيده اللي واجهتني وياه انه ينشف ووووايد....

يعني كبدايه كنت استخدمه في اليوم يمكن 3 مرات.!!!

لكن الحين يعني على حسب :) مره بالنهار واذا بطلع بس مجرد اغسل ويهي وخلاااص :)....

:good2: ===شكلي اسوي دعااايه...

عمومـــا استفدنـا من خبراتكم وتجربتكم :)

[بنت الحكومه]

إيه والله صاجه أختي دندن أكشن ..

لازم تستمرين على شي معين ولا تغيرين وبعدين نيتروجينا زين أختي تستعمله أشوفه مسوي له نتايج حلوه
وأنا أستعمل ماركه معينه من الثانويه لين الحين ماغيرتها لآني أشوفها زينه وماتطلع حبوب ومادري شنو

ياله ماعندي حجي أضيفه إلا سوست لكم دعايا أكشن أنا ودندن وعساكم تستفيدون

:)

[نـــور قـــطــر]

تسلمون كلكم :)

..

بسم الله نبتدي الرد :

بس صــــج بقولج .. عندج في مركز القمه وحده لبنانيه لكنها تقول إنها فرنسيه بالجنسيه المهم<< عطتني قصة حياتها

حجزي عندها موعد وياويلج لو تأخرتي راحت عليج .. بتسويلج Deep Clean عــدل وحمام بخار وغيره من هالسوالف

وصدقيني بترجعين New LooK مع بشرتج وبتسوي لج شد على خفيف
قالت لي دكتورة الما الرفاعي عنها عشان أشتري منها هالأوباجي , رحت لها حسيت إني باتسندر اجي لها ولا أراجع الدكتورة , جان أطلع من عندها " على أمل إني أرجع " و أروح حق دكتور خالد البياري " أتعالج عنده الحين " ويوصف لي نفس البرنامج بس من عنده + كبسولات تطلع الحبوب اللي تحت الجلد سواء بشرة الوجه أو الجسم , والأوباجي تستخدمينه حق الوجه بس بتلاحظين لو عندج حبوب في الظهر أو الكتف بتختفي بدون ماتستعملين أي كريم :s23: , صح كلفني العلاج وايد بس بدت تبين النتايج ومفعوله ظهر من أول يومين استخدمت فيه الكريمات ^_^ وأول مرة جربتهم كانت عنده في العيادة , وعقب صرت أراجعه كل أسبوع ..

وإذا ماتبين .. عندج دكتور لبناني عيادته في شارع النصر إسمه ( بهيــج ) مادري جان سمعتي عنه
سمعت عنه و شفت بشرة وحدة تتعالج عنده ماشاءالله لا اله الا الله تجنن بشرتها , وكنت ناوية أروح له لكن سمعت إنه حرق وجه وحدة وخلاها تروح تعالج في أبوظبي :cus2: عاد أختج هونت " مب قاصرين " ..

وبعدين يا حبيبتي صج إن هالكريمات بتصيحج أول الأيام لكن شوفي نتيجتها , وعلى فكرة مرت أخوي تستخدم نفس علاجي بس أنا بين مفعوله علي أكثر , والسبب هو إن بشرتي تعبانة أكثر منها :blush: " خبرج جامعة ونقاب طول الوقت وضغط ودراسة ... الخ " ..

شي ثاني هالبرنامج تقدرين تتحكمين فيه من ناحية المدة , يعني أنا مثلاً أستخدم العلاج المركز وبياخذ 18 أسبوع << مستعجلة ماعندي وقت :cus5:
وفيه مخفف اللي بيستمر 51 اسبوع ويمكن اكثر ..

بس عيبه هو إذا كنتي تستعملين الخيط للوجه , لازم توقفين عن الكريمات قبلها بـ3 أيام أو 4 .. :( , وإذا عندج مناسبة عرس أو خطوبة أو غيره , لازم توقفين قبل بأسبوع ..

مشكورة بنوتة على مرورج الطيب

..

اول شي هالماركه او هالنوع من الكريمات اول مره اسمع عنه...
حتى أنا ماسمعت عن هالبرنامج إلا من دكتورة ألما و الدكتور خالد , بس اكتشفت إنه معروف خاصة لما قالت لي خدامتنا وهي اندونيسية إنه زين , وفلبينية تشتغل في محل من المحلات شافت ويهي متقشر وعلى طول قالت " أوباجي !!! " :a43:

وكنت بجرب بس عقب خفت يوم شفت انه يحرق ومادري شنوو...لان صراحه بشرتي وايد حساااسه ومافيني شدة اسويلي مشكله ...
لا تجربين إذا كانت بشرتج مو محتاجة وبعدين هو يحرق أو يحرقص , بس والله نتايجه مبينة , بيصفي ويهج وبيفتح لونه " ويهج ورقبتج نفس اللون " .

لكن بالنسبه لي استخدم نيتروجينا وما شاء الله وايد روعه...
جربت نيتروجينا وانا أختج بس عينج ماتشوف إلا النور , نشف بشرتي على الآخر وشده بطريقة مب طبيعية <_<

حياج الله عيوني , وأنا بعد استفدت من خبراتكم ..

[ghzayeee@l@]

نور قطر
دكتور خالد هذا دكتوري اللي اتعالج عنده :good2:
ودامج تتعالجين عنده لا تحااااااااااااااااتين
انا حتى لو وجهي مافيه شي امر عليهم اسوي فيشال

تحيااااتي..
غزيٌل

[نـــور قـــطــر]

تسلمين حياتي غزيّل على ردودج ..
والله طمنتيني أكثر :)

[بنت الحكومه]

داشه عرض بـاك...

صـــــج .. ألما الرفاعي هذي اللي عيادتها أعتقد مع واحد إسمه الدكتور رسلان مادري أرسلان<<مضيعه!!
هذي والله سمعت عنها وقريت في الجريده لكن رحت وشفت لا ..
وعلى طاري بهيج.. شلون حرق ويهها !! الجماعه كلهم يروحون عنده ماتحرقوا بس تدرين يمكن بشرتها حساسه ولا ماإستعملت اللي قال لها عنه بإنتظام!!

والله يا نوير تبين رايي .. خلج مع اللي مدته 51 شهر أحسن من الـ 18 وليش مستعيله محد يستعيل على رزقه :) !!

المهم أنا قلت لج .. وعلى الله نستفيد منكم إحنا بعد

الله يوفقج

:)

[نـــور قـــطــر]

الدكتورة الما مدحوها لي و رحت لها مرة وحدة بس , أما الدكتور بهيج
مادري والله شلون حرق ويهها ماعندي فكرة بصراحة هذا اللي سمعته ..

والله يالغالية أنا أتبع العلاج المركز لأن بشرتي تعبانة وايد , فاضطر في كل مرة
باطلع فيها إني أتمكيج " للزيارات العادية " , وانا مابي احط مكياج ..
وبعدين وراي خطوبة و عرس , يعني غصبٍ علي باهتم فيها :)

ويوفق الجميع حبيبتي ,,

[بنت الحكومه]

دام السالفه جذيه عيل
بالمبارك يانوير والله لو أعرف كلللللللللللللللوش جان كللللللللللللوش !!

مبروك يالغاليه وبالبركه
هالله هالله في بنتج سميها علي :) ولاتنسين تعزمينا <<من صجها الحكومه


أختج
الحكومه :)

[نـــور قـــطــر]

الله يبارك فيج و الفالج لج إن شاءالله ,,
عاد ما قلتي لي شسمج ^_^ أضحك معاج ..
تسلمين حبيبتي و ماقصرتي ,,

[بنت الحكومه]

يــــــــه ... من صجج الفال لي خلني أخلص البلاوي اللي على راسي أول وأعقل وعقب يصير خير

الله يسلمج إسمي ( أكشن ) ... << نك نيم بس جان تبين الصج تلاقينه مع ذيج الأسامي الزينه اللي حطيتها لج وإشرايــــــج خبرج حكومه

:)

[نـــور قـــطــر]

الله يعينج ويوفقج .. عاشت الأسامي يا أكشن ^_^

[خالف تعرف]

السلام عليكم
عتدي كم من سؤال ..؟
علي حسب كلام البنات انة نضام اوباجي يستخدم للبشرة الي عليها مشاكل
طيب شنهي مشاكل بشرتكم ؟
اقصد ليش جربتوا اباجي بالللللذات ؟
لان اعرف وحدة تستخدم النظام
لاكن ماكان في لادكاترة ولا مواعيد ؟يعني الي في المحل اهي الي عطتها الكريمات
وبعد ما خذت كل المجموعة لان ماكان عندها فلوس ؟

[بنت الرعــــد]

نور قطــــــــــر ..

:cry:

[ام عبودي]

اوباجي يحرق الويه <_<


الدكتور خالد مايمدحونه نصب على خواتي وبدون فايده :a77:

[مريم]

نور قطر أختي العزيزة الله يذكرها بالخير ..
..

بخصوص أوباجي .. نظام مقشّر للطبقات الأولية للبشرة " بمعنى آخر حارق لطبقات البشرة " ..
البشرة عموما 3 طبقات ونظام أوباجي يترك البشرة تبقى على طبقة وحدة بس ..
مع تقدم العمر تظهر التجاعيد بسرعة شديدة ..

أنا عن نفسي لا أنصح بالمقشرات الطبية أو الكيماوية ..
وأنصح بالمقشرات الطبيعية المكونه من السكر والعسل وماء الورد ... الخ ..
..

[hayde]

والله انا عندي خالتي وبنتها مسويينه

اول فتره كانت وجيهم احلى منها مافي

بس الحين اشوفها رجعت اخس من قبل

اعتقد انهم وقفوا العلاج

[lolooq8]

السلام عليكم .. موضوعكم عجبني:good2: ويهمني:s21: لاني قاعدة استخدم علاج obaji صارلي شهر الحين .. الدكتور عطاني نفس الشي بس زيادة عليهم حبوب آخذهم كل يوم لمدة شهر واسمه (roaccutane) هالحبوب عجيييبة بس ممنوعه للحامل او الي تفكر تحمل لان وايد قوي بس وايد زين :good2:و خله كل لحبوب ترووح من اول اسبوع !! wow!! :cus2: طبعا ويهي تقشر وايد بس فرق علي وايد وراح استمر لآخر فترة العلااااج وبس! ^_^

lulu من الكويت