مواصفات للكمبيوتر

[مريومه الدوحة]

بسم الله الرحمن الرحيم

السلام عليكم ورحمة الله وبركاته

لو سمحتوا أعضاء منتدى جامعة قطــــــــــــر ساعدوني :cry: ..

ابغي مواصفات كمبيوتر (مش شخصي)تكون زيــــــــنه وإذا عندكم أي شئ عن الكمبيوتر قولو لي عنه لأني أبغي اشتري كمبيوتر يديد بمواصفات عاليـــــة فأفيدوني ..


نــــــــــــــــــــاطرتكم .. لا تفشلوني :cry: ..

[أسير نت]

ماعاش الي يفشلش

استفسارش عن مواصفات جهاز متوفر في السوق اشويه صعبه لانه الذي يحدد هذا الجهاز فيما لو كان مناسب أو لا هو طبيعة استخدامك لهذا الجهاز (بمعنى أخر احتياجكِ أختي الكريمة.......... ، هل تستخدمين هذا الجهاز فقط لتصفح الإنترنت أو استخدامات الأوفس أم لبرامج الرسم مثل الفوتوشوب ، أم الألعاب العالية الجودة الثلاثية الأبعاد أم سيكون استخدامك فيه للتصاميم الهندسية؟


وسامحيني على الاقصور أختي العزيزة..............

وصلى الله وبارك على سيدنا محمد

أخوكي
أســـ نت ــــير

[مريومه الدوحة]

السلام عليكم ورحمة الله وبركاته ..

:flower: مشكور أخوي أسير نت على استجابتك السريعة والصراحة افرحتني ... ثانيا انا ابغي الكمبيوتر لبرامج الرسم مثل الفوتوشوب وابغيه لتصفح النت بعد يعني ابغيه يكون سريع ومناسب بس ما اعرف اشياء واااايد في هاي التفاصيــل ..

مشكور اخوي مرة ثانية .. ^_^



تحيـــــــــــــــــاتي ,, بنت الدوحــــــــــ مريومه ــــــــــــــــــة :cus5:

[n2a]

بسم الله الرحمن الرحيم

هلا اختي مريومه

صراحه دورت لج وحصلت كمبيوتر من جرير ماركة ايسر رقم الموديلT310

مواصفاته:
http://www.acer.co.ae/acereuro/page9.do?dau34.oid=4363&UserCtxParam=0&GroupCtxParam=0&dctx1=24&ctx1=AE&crc=2547349547

بسعر 2999 ..يمكن نزل السعر شوي...

يعني حسب ما ذكرتي من استخدامات...

وبعد فيه من نفس الماركه

رقم الموديل RC500

مواصفاته:
http://www.acer.co.ae/acereuro/page9.do?dau34.oid=4233&UserCtxParam=0&GroupCtxParam=0&dctx1=24&ctx1=AE&crc=2803100748

وهو احسن من اللي فوق في التخزين والجرافيك سعره 3799

هاي العروض من تقريبا شهر يعني يمكن تحصلينهم ويمكن لا ويمكن

السعر نزل لان جرير كل فتره تنزل السعر ...

وفيه ايضا كمبيوترات جديده نازله عندهم بمواصفات تناسبج..مع

امكانية التقسيط...اسألي موظيفينهم عن احتايجاتج واكيييد بيفيدونج

في الاختيار...

وطبعا الماركه احسن من التجميع اللي يبيعونه معظم المحلات الغير

مشهوره....


تحياتي

[مريومه الدوحة]

السلام عليكم ورحمة الله وبركاته

مشكور n2a على هالمعلومات الحلوة :flower:

.
.
.
.
.
.

واسفه إني تعبتك معاي :cry:







تحيــــــــــــاتي ,, جزاك الله كل خير ان شاء الله

[الهدايا]

مريومه بصراحه انا ماعرف مواصفات الكمبيوتر الزينه بس فيه مهندس كمبيوتر يعمل بأحد المحلات شخص محترم وخدوم وانا اخذت كمبيوتري من عندهم اسعارهم زينه والرجال أمين بصراحه تقدرين تكلمينه تسألينه عن أحسن المواصفات وممكن تقولين له يدور لك حتى من برا محله اسمه طلال يشتغل بمحل الاسطوره

[مريومه الدوحة]

السلام عليكم ورحمة الله وبركاته

هلا فيج يالهدايا ..


انزين انا راح اجربه بس ممكن تعطين وصف لمكان هالمحل .. ^_^




تحياتي ,, واتمنى ان الله يجزيكم كل خير على مساعدتي :blush:

[الهدايا]

المحل بشارع ال شافي بنفس جهه مندرين بس قبله بشوي إذا كنتي جايه من معيذر

ترى ماعرف اوصف إن شاء الله يكون اوكيه وانتي كلميهم خليهم يوصفون لك أحسن

[مريومه الدوحة]

السلام عليكم ورحمة الله وبركاته


شكرا يالهدايا على هالوصف هو صحيح شوي يصدع بس فهمتــــــــه .





تحياتي وشكري الجزيل لج .. ^_^

[][..No_LiMiT..][]

هاذي المواصفات الي قالها لي واحد من الأعضاء في منتدى ثاني:

المعالج ( بروسيسور ) = انتل بنتيوم 4 بسرعة 3.000 GH2
اللوحة الأم ( الماذر بورد ) اختار نوع اسمه جيجا بايت لأن ممتاز
الرام ( Ram ) تقدر تختار حجم 512 وهو مناسب
واذا تبغي مواصفات اعلى اختار واحد جيجا ( الفرق بالسعر طبعا ً )
حجم القرص الصلب = 80 GB مناسب جدا ً
مشغل اقراص CD+DVD مع النسخ = CD/DVD/RW
لو اخترت ناسخ DVD بيطلع السعر اغلى اشوي
واذا مالك حاجه فيه .. ممكن تختار مشغل DVD فقط والنسخ يكون للـ CD
الماركة اللي افضلها لمشغل وناسخ الأقراص هي LG بسرعة 52 ومافوق
بطاقة الفاكس موديم = 56 kbs
شاشة monitor حجم 17 بوصه ... اختار نوع Flat لأنها ماتعكس الأشعة على العين
والاكسسوارات الباقيه ..
الكيبورد = multimedia Keyboard
والماوس = ليزر
والكيس على ذوقك

السعر يعتمد على اختيارك للمواصفات
ما بين ( 2.800 إلى 3.500 ) ريال قطري

+
+++
+

ولا تغرك دعايات الوسيط
اللي يحطون لك فيه .. كمبيوتر بكامل ملحقاته بـ 1.999 ريال http://www.7odi.com/Smiles/003.gif
لأن المعالج تلقاه AMD أو سيليرون
وبمواصفات تعيسـه


وجاري البحث عن المزيد ..

[مريومه الدوحة]

السلام عليكم ورحمة الله وبركاته

مشكور اخوي No_LiMiT .. وان شاء الله ماتعبتك معاي ..

وزيـــــــــد معروفك وعطني اسم محل موثوق فيـــــــــه .. :flower:

واســــــــفه على الإزعـــــــــــــــــــــــــــــــــــــــــــــ ــــــــــــــــــــــــــــــــــــــــــاج ...

ومشكور مرة ثانــــــــــــــــة .. وجزاك الله كل خيـــر .. :flower:

[][..No_LiMiT..][]

يقولون في محل بالسوفيتيل اسمه ( أولمبيا للكمبيوتر )

وايد زين


: )

[مريومه الدوحة]

السلام عليكم ورحمة الله وبركاته


راح اجربه ان شاء الله ... و مشكور No_LiMiT على ردودك على طلباتي .. واسفه على الإزعاج ..




جزاك الله كل خيـــــــــــر ..

تحياتي :s12:

[][..No_LiMiT..][]

يجزاج الجنه اختي .. وحياج الله بأي وقت : )

[مريومه الدوحة]

الله يسمــــــــــــــــع منك ان شاء الله يا no limit .... وان شاء الله انــــــــــتوا بعد

[cappuccino]

p.4 3.2 GH ht
ht = هايبر تكنولوجي بروسيسر بقوه عاليه
gigabyte mother-bord
hard disk: 120Gb 7200 rbm wd
ram: 512 _ 533 mhz
wd= اسم شركه الهارديسك ويسترن ديجتل
AGp=geForce fx naveda 256 mb or hight كرت الشاشه
1.44 fdd.sony
dvd rom multi system 16 X or high LG
cd-R wR Lg 56X
17 " monitor LG flat
المذر بورد يكون به نتورك كارد وكرت الصوت وفاير واير وفتحات usb ولا تحتاجين اليه والكيبورد والماوس وشكل البوكس انتي تختارينها من صاحب المحل ويقدر سعره 3000 ريال او اقل بقليل وهنالك مواصفات اقوى ولا كن سيكلفك على فكره الشاشه حوالي 450 ريال وتكون مع الكمبيوتر اي يمكن اخذها ب 3000 ريال
انا عندي خبره بهاي المجال من سنين لان اعرف صديق عنده محل بس ما راح اسوي دعايه المهم اذا شفتي انتي مواصفات اكتبيها اهني وانا اقيم لج السعر واقول اذا يستاهل او لاء

[مريومه الدوحة]

السلام عليكم ورحمة الله وبركاته


مشكور cappuccino على المواصفات ذي وان شاء الله لين شفت أي مواصفات اعجبتني راح أقولك .


ومشكور مرة ثانيــــــــــــــــة ....


تحياتي :s12: