د. عبد القادر القحطاني .. في كورس الصيفي .. أرجو المساعدة قبل الحذف والاضافة !! [الأرشيف]

عرض الاصدار بالكامل : د. عبد القادر القحطاني .. في كورس الصيفي .. أرجو المساعدة قبل الحذف والاضافة !!

هندسي

13-06-2005, 06:18 PM

بسم الله الرحمن الرحيم

اعزائي الأعضاء ...

السلام عليكم ورحمة الله وبركاته

في حد منكم سمع شي عن الدكتور / عبد القادر القحطاني . .. طرح مادة Modern History of Qatar بالصيف .. وهل المادة سهلة ولا صعبة ؟؟

وبالنسبة للدكتور / خليل رفوع ... حد سمع عنه شي ؟؟؟

ارجو المساعدة قبل الحذف والاضافة غدا الثلاثاء ...

ولكم جزيل الشكر ...

أخوكم / هندسي

نوارة الكون...

13-06-2005, 06:31 PM

نصيحه مني لا تاخذ تاريخ الا عند يوسف العبدالله

دكتور ولا عليه كلام

يساعد ويراعي

اما عبد القادر محد يمدحه

واليوم انا شايفه مجاميعه اللي مسجلين فيها

8 من 40 وفي موضوع عنه موجود في المنتدى

اطلع عليه... ^_^

وبالتوفيق

cute

13-06-2005, 07:12 PM

خذ عند اي دكتور في التاريخ إلا دكتور عبد القادر القحطاني،،
بصراحة دكتور ما يساعد وبالموت الواحد ينجح عنده،،
والتقادير بس وحده اللي يعطيها A والباقي كله C أو D ...

LeQaTaR

13-06-2005, 07:22 PM

وبالنسبة للدكتور / خليل رفوع ... حد سمع عنه شي ؟؟؟

لا تقرب منه

هذي يخلي لك المنهج والمقرر سهل وكله يعطيك الزبده وانتهى الموضوع بس الامتحان الاخير ينكبك

مساكين ربعي كانوا مسجلين عربي 1 عند حسان الشامي ، جاهم خليل الرفوع

أشططططططر واحد جايب +B والباقي كلللللللللللللللللللللهم b وتحت

يعني الكل دخل الامتحان النهائي مفهي

،، على كلام ربعي لا تاخذ عنده كلش :)

~ بنت الجيران ~

13-06-2005, 07:28 PM

اخوي هندسي ..

نصيحة مني لا تاخذ عند عبدالقادر .. الله يهديه هذا الدكتور أخذت عنده تاريخ العرب والمسلمين ..

أنا ما أبي أذمّه كشخص.. بس أقدر أقول لك عن محاضراته وامتحاناته..

يعطيك ملزمة ويقرا كل محاضرة منها .. وتموووووووووووت من الملل ..
وامتحاناته يجيب لك 4 أو 5 أسئلة عامة مثلاً تحدثي عن الفترة من كذا إلى كذا والإجابة صفحة ولا صفحة ونص ! وينقصك درجات ما تدري على ايش ..
وآخرتها شوف التقادير .. !

ولا تفوووتك اخوي هندسي قوائم التسجيل للصيفي عدد المقاعد 60 والمسجلين 14 !!

****************************

أما عن هذا المقرر هو : تاريخ قطر الحديث والمعاصر .. أنا خذته .. سهل بس يبيله درااااااسة ..
لذلك اخذه عند دكتور زين وتجيب فيه ألف إن شاء الله ..

آسفة على الإطالة :):)

بــ Bio ــايو

13-06-2005, 07:42 PM

لا تقرب منه

هذي يخلي لك المنهج والمقرر سهل وكله يعطيك الزبده وانتهى الموضوع بس الامتحان الاخير ينكبك

مساكين ربعي كانوا مسجلين عربي 1 عند حسان الشامي ، جاهم خليل الرفوع

أشططططططر واحد جايب +B والباقي كلللللللللللللللللللللهم b وتحت

يعني الكل دخل الامتحان النهائي مفهي

،، على كلام ربعي لا تاخذ عنده كلش :)

:cry: :cry:
رحنا فيها انا اليوم كانت اول محاضرة معه
بيعين الله .. الله يقدرنا وناخد درجات منيحة :a77:

مارح ازيد عن اللي حكوه خواني عن الدكتور القحطاني انا كنت مسجلة عنده الكورس اللي فات وحدفتها لما سمعت عنه <_< ..
وان شاء الله رح آخدها الكورس الجاي مع الدكتور يوسف العبد الله
:a92:

bio_girl

LeQaTaR

13-06-2005, 08:50 PM

رحنا فيها انا اليوم كانت اول محاضرة معه
بيعين الله .. الله يقدرنا وناخد درجات منيحة
اللـــــــــه يعينج بس انتي لا تخافين انا صادني كثير مثل هالموقف جانا مدرس تأسيسي رياضيات اسبوع يدرسنا بربببربربربربربربربر بررر طلع جزائري اوووووووووووه واحنا ولانفهم ولااااااااا شي الله يعين طلابه وطالباته المساكين لكن الحمدا لله افكيت من الدكتور مع انه المقرر كان سهل جدا جدا وحلو والدليل جبت درجة حلوووه :8888:
وان شاء الله تجيبين فوق الb باذن الله يارب ،،،،،،،،،،،،،،،،،،،،،،،،،، على فكره يمكن كلام ربعي من اللي قلته انهم مامهتمين بالمقرر وماخذينه كشي سخيف لانه هالدكتور في الامتحان الاول والثاني ربعي كلهم ماخذين 17 18 18 من 20 .. وفيه واحد 20 يعني يعطي بس المشكلة من الامتحان النهائي يمكن اهم مخبصين او الامتحان كان موحد واهم كانو ضايعيييييين بس ان شاء الله هالمرة يكون من الدكتور نفسه والمعونه
وسوري اذا كلامي ( ردي السابق ) مضايقج بشيله....

ذيب الفيافي

13-06-2005, 09:13 PM

طــــــــــــــــــــــــــــــــــــــــــــــــق منــــــــــــــــــــــــــــــــــــــــــــــه وانا اخوك

بــ Bio ــايو

13-06-2005, 10:19 PM

بيعين الله هو كله متطلب جامعة وحنخلص منه<_<

يسلموووو لو كتاغ على رفع المعنويات :showoff:

الله يوفق الكل ان شاء الله ^_^

bio_girl

Me I Ana

13-06-2005, 11:26 PM

طيب الدكتور أحمد سعد حدا بيعرف كيف اسلوبو وتعاملو؟؟

لأنهم فاتحين مجموعة جديدة الو بنفس مواعيد مجموعة د.خليل رفوع بس لهلا ماحد مسجل عندو!!! :a43:

اشجان

14-06-2005, 12:56 AM

لا لا لا لا لا لا لا لا :pinch: نصيحه لاتاخذ عنده
المجموعه تكون رسوب اكثر من النجاح :sneaky: لا إذا نجحت بعد طلعت روح تاخذ د
انا مجربه :crybaby:

sarra

14-06-2005, 01:30 AM

الصراحة يا الهندسي احذر من هذا الدكتور تراه مو كفو تاخذ عنده ...........و مهما درست ما راح اتحصل على تقادير زينة خذ عند يوسف العبدلله او محمد العمادي00000000000على فكرة مقررات التاريخ بشكل عام يعتمد على الحفظ و الله يوفقك و تجيب الالف

NoOoOF

14-06-2005, 01:36 AM

بل بل بل الدكتور عبد القادر القحطاني تحمل تاخذ عنده احذفها واخذها عند دكتور غيره إذا تبي مصلحتك......
الكورس اللي طاف رفيجتي خذت عنده وهي شاطره ولا يوم غابت في وتشارك في المحاضره وجايبتله البحث ومقدمه زين في كل الامتحانات لدرجة انها تقول ان ورقة الامتحان صاير لونها ازرق من كثر ما كتبت وآخر شي وبعد كل هذا عطاها........d+ وثلاث ارباع المجموعه راسبين
والله انت لو شايف حالتها بالكورس بسبة هالدكتور جان مافكرت تكتب اسمه بورقة التسجيل أقسم بالله لدرجة انها ما تاكل شي وكله تصيح ومتضايقه وما لها نفس حق شي صدقني محد يمدحه تلاحق عمرك يبه واحذف الماده....

الله يوفقك إنشاءالله
تحياتــــــــــــي

mo0on809

14-06-2005, 04:50 AM

لا لا لا لا لا لا لا لا نصيحه لاتاخذ عنده

اذا ناوي ترسب اخذ عنده

رنج

14-06-2005, 03:42 PM

يا اخوي اذا تبي ترسب إخذ عنده

نصيحه لا تاخذ عنده لانه أخس دكاتره التاريخ عيل في دكتور في الجامعه يحاسب الطلاب على همزة الوصل والقطع :cus2: :cus2:
شو طلاب ابتدائي احنا والا الحبيب دكتور لغه عربيه

تبا احسن دكاتره التاريخ يوسف العبدالله ومصطفى الخطيب

والسموحه

رنج

14-06-2005, 03:44 PM

يا اخوي اذا تبي ترسب إخذ عنده

نصيحه لا تاخذ عنده عيل في دكتور في الجامعه يحاسب الطلاب على همزة الوصل والقطع :cus2: :cus2:
شو وين يالسين احنا طلاب ابتدائي والا الحبيب دكتور عربي <_<

تبا احسن دكاتره التاريخ يوسف العبدالله ومصطفى الخطيب :8888:

والسموحه

هندسي

15-06-2005, 12:57 PM

الله ستر ... الله ستر ... الردود كلها ( اذا تبي ترسب بالمادة خذ عنده )
:cry: :cry:

مشكووووورين وما قصرتوا على النصيحة ^_^

الحين حذفت المادة :atiah: :atiah: .. وسجلت بدالها ( المجتمع والثقافة ) مع الدكتور / جاسم النصر :good2: .. مع اني على قائمة الانتظار :a43: ... بس والله خفت من الدكتور .. وامس كلمت واحد عنه ..قال لي : انا أخوي عاد المادة عنده مرتين وللحين ما نجح ... :mhmh:

يعطيكم ألف ألف عافية على النصيحة ...

ملاحظة : بالنسبة للدكتور أحمد سعد .. تم الغاء مجموعته من البنين وطرحها في البنات .. والدكتور خليل رفوع اليوم أخذنا عنده ثاني محاضرة .. وشكله طيب وبيساعدنا ان شا الله ..

بالتوفيق لجميع الطلبة والطالبات ....

اخوكم / هندسي

LeQaTaR

15-06-2005, 02:15 PM

هندسي بسألك انت تخصصك هندسه؟ وهل العربي 2 مطلوبه ؟

لاني طالب هندسه ومااشوف بالخطه عربي 2 ؟؟