توافق ولا ماتوافق .. نبي رايك

[نـــور قـــطــر]

بسم الله الرحمن الرحيم

واضح من العنوان اني ابي ارائكم من خلال اجابتكم على السؤال المطروح وهو :

هل تقبل عزيزي الشاب الارتباط بفتاة معاقة ؟؟
والسؤال موجه لك عزيزتي الفتاة هل توافقين بان يقتسم الحياة معك شخص معاق ؟؟

بانتظار مناقشاتكم واجوبتكم ,,
تقبلوا تحيات
نور قطر

[^حزين انا حزين^]

سؤال خشن(10)
انا ابتعد -------->
يعطيج العافيه اختي

[نـــور قـــطــر]

بل ليش عاد
على العموم الله يعافيك
(15)

[BoYagoob]

بكل صراحة ..

بالنسبة لي ..

إذا كانت إعاقة عقلية .. فيصعب علي صراحةً .. ليش ؟
لأنه في إعتقادي صعب أن يتم التفاهم بين الزوجيين ..

أما إذا كانت إعاقة خَلقية .. كنقص في اليد أو الرجل .. فهاي ما يهمني .. إذا كانت البنت متدينه وفعلاً تحب أن أكون زوج لها ..
واللي أهم شيء صراحة .. أننا نقدر نتفاهم ونتبادل الآراء والعواطف بين بعضنا البعض ..
وحتى لو كانت ما تتكلم أو ما تسمع .. فبالعكس .. أعتقد جذيه يمكن نكون من أسعد الناس .. وبعيدييين عن المشاكل والاصراخ ..

هذيه رايي في هذي البنت .. وبكل صراحة ..

(5)

[بنت الجامعه]

مرحبا اختي نور قطر
يعني هو فعلا سؤال صعب الاجابه عنه
يعني الانسان بطبيعته اكيد بيفكر ان يكون
الانسان اللي بيرتبط فيه مافيه اعاقه لكن مانعرف
الظروف سبحان الله ....
والله يعطيكي الف عافيه

[نـــور قـــطــر]

بويعقوب + بنت الجامعة
منورين الموضوع ويكفيني شرف تواجدكم فيه
وياهلا

[عنود الصيد]

مرحبـــا نور.. تسلمين عالموضوع.. بصراحه الموضوع صعب لاكن اذا انتي تبين الجواب الصريح فانا ارفض.. ليش؟؟ لأن يصعب علي اني اتعامل معاه طبعا اذا كان مايسمع او ما يتكلم .. الخ ..
اتمنى ان ردي يكون لائق(10)

وانتي نواره اشرايج؟؟

[Ahmad]

أشكرج على طرح هالموضوع

بالنسبة لي ما أوافق إذا كانت إعاقة عقلية، أما إذا كانت إعاقة جسدية ممكن أوافق لكن الحياة بتكون صعبة وايد و ممكن ما تستمر لأن البنت بيكون على طول عندها إحساس بالنقص و اللي ممكن يأثر على حياتنا الاثنين.
و الأصل في استمرار العلاقة الزوجية و نجاحها هو التكافؤ من جميع النواحي.

[بنوتة الإمارات]

هلا اختي نور

انا برايي ما عندي اي مانع على حسب الاعاقه يعني اذا كان اعاقه عقليه فهالشي مستحيل اما اعاقه جسديه او في النطق او السمع فهذا الشي عادي ليش لا ... بالعكس اذا كان ما ينطق و لا يسمع بروح اتعلم فمراكز المعاقين و آخذ دورات ( إشاره) ......,, و بعدين للعلم المعاقين اكثر الناس سعاده و اكثرهم عاطفه و عندهم اخلاص بلا حدود........ و ان صار هالشي لنا اجر كبير و خاصة انه انسان كامل و الكامل الله بس ناقصنه شي بسيط كجزء من جسده او سمعه او نطقه و ما قد يشير الى ذلك .....


سؤالي الى الذين يرفضون التزوج بمعاق؟

الله الله كتب الكم الزواج بصحه و عافيه و بعدها انكتب الكم بحادث قد يؤثر على الزوج او الزوجه باعاقه هل بهذه الحاله تطلبون الطلاق و اشرايكم خذوا الموضوع بجميع نواحيه ؟؟؟؟؟


اعتقد سؤالي بمحله ..... و نتريا الجواب!!!

[^هنــــايف^]

انا بصراحه ماعندي مانع اذا كانت الاعاقه جسديه..
وبعدين يمكن هالمعاق يكون احسن من الطبيعي بــ 1000000 مره..!!

بنوته الامارات..

انا بالنسبه لي ما اعتقد..
اذا صج كنت احبه ويحبي ما بخلي علاقتنا تنتهي بسبب اعاقه او ماشابه..

والسمـــوحه..(15)

[نـــور قـــطــر]

تسلمون كلكم على ردودكم
بالنسبة لرايي :
اول شي كل شي قسمة ونصيب يعني لو انكتب اني ارتبط بشخص معاق فليش انا اعترض على حكمه ,, وبعدين الشخص المعاق عقليا غير مؤهل للزواج اما المعاق جسديا يقدر يمارس حياته بشكل عادي ولو رفضنا الشخص المعاق فاحنا نظلم انسان ماله يد في اعاقته ,,وهالشخص مب من حقه تكون له اسرة هالشي حق من حقوقه ,,
وبعدين ممكن انا ارتبط بشخص سليم ولاقدر الله صار له حادث واصيب بشلل او اعاقة في هالحالة اطلب الطلاق طبعا لا ,,
وانا اوافق اني ارتبط بمعاق جسديا لكن قد مااقدر احاول ان ماتاخذني العاطفة واحسسه انه غير عني لانها حياة مب يوم ولايومين ,,
وانا اعرف ناس الزوج والزوجة مايتفاهمون الابلغة الاشارة ,, وبنت وافقت على شخص فيه شلل اطفال يعني مايمشي الا بالعكازات ,,
وماعرضت هالامثلة للتشهير بالعكس هذي ادلة ان الارتباط بانسان معاق شي مب مستحيل ومن الممكن ان الارتباط يحقق السعادة اللي يتمنونها اي اثنين اصحاء ,,

[عبرت الجرح]

أختي نور قطر..مشكورة على الموضوع "الصعب"
بالنسبة لي أرفض هذي الفكرة لأني أحب التكافؤ في كل شئ..والانسان
اللي أحب أرتبط فيه أحب تكون اهتماماته نفس اهتماماتي ومثل ماأنا جامعية
يكون جامعي وفارق السن يكون بينا متقارب...

تحياتــــــــــــــي
مريامي

[نـــور قـــطــر]

العفووو عزيزتي
ومشكوووورة على الرد وابداء الراي
وادري انه موضوع صعب لكن شاللي يمنع ان احنا نتناقش
ونتبادل الافكار
(15)

[محرقي]

انا اتفق مع بويعقوب :) او يعطيج الف عافيه!

[نـــور قـــطــر]

الله يعافيك محرقي
وشاكرة لك المرور السريع على صفحتي المتواضعة
(15)

[دلوووعه البحرين]

اممممممممممممممم شوفوا انا مع اختي نور في رايها ,, لكن حلو ان يكون هناك تكافؤ بين الزوجين

[نـــور قـــطــر]

مشكورة عزيزتي على الرد وتسلمين
وياهلا

[عنود الصيد]

خواتي انتو طلعتو عن الموضوع الأساسي يوم قلتو اذا صابته اعاقه بعد الزواج... احنا قاعدين نتكلم عن قبل الزواج يعني شخص معاق تقدم لج؟؟ اما في حالة انه صابته اعاقه عن طريق حادث مثلا بعد الزواج اهنيه الموضوع يختلف.. دام ان انا رضيت فيه وتزوجته لازم اكون معاه عالحلوه والمره فهو الحين شريكي وله حق علي..

[نـــور قـــطــر]

صح
بس البعض يستبعد الزواج من معاق او معاقة وعلى كلمتهم مستحيل
واحنا نقول مافي شي مستحيل
(15)

[عنود الصيد]

لا طبعا مافيه شي مستحيل... وكلن ياخذ نصيبه ... وتحياتي(15)

[qaj000]

أنا رجل عايش حياتي أبني مستقبلي واحلم بفتاة جميله وليس جمال الوجه بل جمال الروح الأسلامية الطيبه واحبها لأن الحياة مع الحب شي جميل وبكل صراحه دائماً نحن نتصور البنت ملكه وهذا من حقنا ... !!!
لاكن أذا النصيب جعل حبيبتي معوقه أو حبيت معوقه جسدياً طبعاً ... فيا محلا الأعاقه ... !!!
وفي أعتقادي أن القبول أو الرفض في الحب ... وهذة وجهة نظري ...
مع تحياتي ...

[نـــور قـــطــر]

عجبني رايك والله
وتسلم على الرد الطيب
ياطيب
ويــــاهــــلا
(15)

[مايهزك ريح]

على راي الشخصي انا ما اوافق اتزوج وحده معاقه........... اذا تزوجت ولد بيطلع معاق ..... انا مابي ولدي يطلع معاق واشذنبه ........... اكيد بيكون الغلط مني(13)

[نـــور قـــطــر]

احترم رايك
وتسلم على ردك ومرورك السريع
ويـــاهـــــلا
(15)

[الريانية وبس]

السؤال موجه لك عزيزتي الفتاة هل توافقين بان يقتسم الحياة معك شخص معاق ؟؟

اختي رأيي اكيد لن يعجب البعض ولكن دعيني اكون صريحة معك

المرأة لماذا تطلب الزواج او تقدم عليه ربما تجدوني غريبة عندما

اخبرك بانها تريد رجل يحميها و اعتقد ان الشخص وان كانت اعاقة

بدنيه غير موهل لزواج اسفه بس من وجهه نظري واذا لاسامح

الله وصارلي شي اكيد مابفكر بالارتباط حرام اضيع سعادة شخص

بس مومعنى كلامي اني اجرح شخص باني اخبره سبب رفضي

بانه معاق لااستطيع هناك من البنات تتزوج للحب واخرى عادات وتقاليد

وغيرها بس انا اشوف ان الاهل يدورون الستر لبناتهم مع رجال يقدر يحفظها

ويدافع عنها ويحميها ادري ان بتستغربون كلامي بس صج الحظ بعض الاخوات

ردودهم مثالية وكلامهم في الجامعة العكس

شكرا اختي نور قطر