©¤•»دردشه حريميه«•¤© [الأرشيف]

بنوتة الإمارات

23-01-2004, 11:30 AM

السلام عليكم ورحمة الله وبركاته

طرحت هذا الموضوه باسم (( دردشه حريميه ))... لتكون نقطة تواصل بين فتيات منتدى جامعة قطر ...

و فيه نتكلم عن مواضيع الحياه الخاصه بالمرأه طبعا من جميع نواحيها ..... و تكون كدردشه حره ممكن نفيد و نستفيد من خبرات و غيره من هذي الأمور.......

ملاحظــــه :

ممنوع دخول الشبــــــــاب و عن اللقافه (5)

طلب :

ارجوا تثبيت الموضوع ... و يعطيكم الف عافيه ....

مريم

23-01-2004, 05:57 PM

مشكوره حبيبتي .. موضوع رائع ..
ورجاء اللي عندهم شوارب واللي عارفين نفسهم احم احم .. لا يدخلون (5)

انزين بنّوته بسألج حبيبتي .. اتعرفين شي يخلّي الشعر ما يطيح ؟ حق تساقط الشعر يعني ..

بنوتة الإمارات

23-01-2004, 08:51 PM

هلا و الله بالريم شيخة الحريم(15)

اشحالج يالغاليه ؟؟؟

و الله ونستيني بردج ...

و اللي عنده شوارب لا تعليق خخخخ(5)

عاااشت مريووومه عطتهم بالويه و الله ... تسلميلي

طبعا بالنسبه لسؤالج ...؟

هيه نعم انا اعرف لاني كنت اعاني من هالتساقط و مطفرني ... فيه عدة الطرق على حسب تقبلج للخلطه ...

الطريقه الاولى :

تخلطيل دهن شعر اي دهن يكون ملائم لشعرج مع بصل و ثوم ....

طبعا البصل والثوم اول شي تلينينهم مع بعض كميه قليله و تخلطينهم مع كميه من دهن الشعر و تحتفظي فيه عندج لوقت الاستعمال ...

و هالخلطه تستخدمينها باول اسبوع يوم و يوم لأ .....

و الاسبوع الثاني كل يومين .... و تستمرين عليه لين ما تحسين شعرج اوكي و طبعا يكون مدة ساعتين و بعدين تغسلينه ....

و هذي الخلطه فوائها 1. تمنع تساقط الشعر 2. تطويل الشعر 3. تغليظه و تنعيمه ...

و مجربه و اكيده صح ريحة الثوووم تزعج بس شو نسوي جمال الشعر اهم (5)

ملاحظه :

الدهان يكون فروة الرأس.... و تدليكه عشان تتحرك فيه الوره الدمويه

------------

الشي الثاني :

دهن الهنود ... اللي اسمه ( دابر املا )

واااااايد اوووكي ... خالتي مستخدمتنه و و وقف التساقط و غلظه شعرها لين الركبه ماشاء الله ...

---

اذا تبين اشياء ثانيه راح بقول لج عليها لاني من البنات اللي يموتون بالاهتمام بالشعر ... و انتوا اذا عندكم اي معلومه لا تبخلون فيها علينا ....

و ربي يحفظج غناتي

دلوووعه البحرين

23-01-2004, 11:43 PM

درب درب دلوووعه (5) وصلت (ههههههههههه) اهلين بنوته لا والله ما تقومين اهلين مريم حلفت بالله ما تقومين ههههههههههههههه اللي يقول داخله ميلس(5)(5)
احم احم اول شي اشكرج بنوته على الموضوع وانا من زمان كنت مفكره فيه لكنج سبقتيني مو مشكله احنا خوات وعن طريقه لعدم تساقط الشعر وتطويله طريقه فعاله بدون دهن وبصل وثوم في حبوب اسمه نيتروجينا خالتي توها مجربته وايد نفع معاها طول شعرها وصار ما يطيح وايد

عنود الصيد

24-01-2004, 02:41 AM

مراااااااااااااااااحب يا حلواااااااااااات.. انا هالحبوب ماسمعت عنها بس الخلطه اللي قالت عنها بنووته انصحوني فيها وايد بس انا خلطت الزيت العادي بزيت الثوم والخلطه كانت اوكي .. زيت زيتون +زيت ثوم+زيت جرجير خلطه حلوه جربوها(5)

نـــور قـــطــر

24-01-2004, 03:47 AM

مرحبا كلكم
امممم حتى انا سمعت عن هالخلطة وعن هالدهن بس مريم لازم تعرفين الاسباب الرئيسية ورى تساقط الشعر لان ممكن يكون التساقط بسبب القشرة اللي تضعف الشعر اذا ماعالجناه وممكن بعد من فقر الدم او التغذية او الصبغات والتمليس وبعد الشيلة لها دورها يعني عندج انا شيلتي على طول علي في الجامعة ولفترات طويلة وهنيه الشعر مايتنفس ويطيح ,, هذا اللي عندي ,, بس انا انصحكم تبتعدون عن اي حبوب ماوصفها طبيب وخلونا مع الاشيا الطبيعية ابرك ,,
اقول والله مثل ماقالت دلوعة كانا قاعدين في ميلس وطق سوالف ,, بس فكرة حلوة

بنوتة الإمارات

24-01-2004, 12:50 PM

دلوووعه البحرين

هلا هلا هلا و اللله تصدقين كنت شويه و بقوووووم بس ما صار خخخخخخ(5)

ماعليه على قولتج صدج كلنا خوات و موضوعي هو موضوعج ..... و كلنا لبعض في بيتنا الثاني منتديات جامعة قطر

احم احم

طبعا تعالي الشسمه الي ذكرتيه الحبوب ... ترى هالاشياء تكون كيماويه و يكون له اضرار و خاصة في الايام اليايه و انا ماانصح بهالشي ....

وشخبارج بعد(5)

بنوتة الإمارات

24-01-2004, 12:57 PM

هلا و الله بالغاليه عنود الصيد .....

اشحالج يالحلوه (5)

و شو مسويه و شو الدنيا وياج ؟؟؟ عساج مرتاحه

اقول خلطتج حلوه و خاصة الجرجير نقطه مهمه انا ما ذكرتها عن الجرجير مفيد وايد للشعر يغلظه و يطولة ....

و انا سمعت انه بنت فريد شوقي تستخده عشان جذه شعرها طويل (5)(2)

اقووول عنوووده

جم ذبابه صدتي اليووووم(5)

بنوتة الإمارات

24-01-2004, 01:03 PM

هلا بنور حياتي .... نور قطـــر

اشحالج عموووه؟؟؟(5) ... ولهنالج .....

حياج الله وينا ..... زارتنا البركه ..... شكلي ما بخلص من الترحيب(2)(15)

اقول

كلامج و الله صحيح 100 % ... لازم تعرفون سبب التساقط ..... و عليكم باللحوم مثل الدجاج و السمج و فول الصويا و البيض و الجبن كلها فيها بروتينات تساعد على نمو الشعر بشكل طبيعي و الشعر لازم يتنفس ...!!

و هذا شي طبيعي ......

يعطيج الف عافيه و مشكوره فديتج

عنود الصيد

24-01-2004, 02:06 PM

لحد الحين مليووووون... وانتي شخبارج بنوته شمسويه؟؟؟ انا باقووولكم ابي اخذ رايكم.. شني احسن ماركة بودره استخدمتوها؟؟ وكان شكلها حلو وطبيعي؟؟

مريم

24-01-2004, 05:10 PM

ما شااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااء الله

ههههههههههههههههههههههههههه كل هذي حلول حقي ؟
يا سلام عليكم والله ..

نبدا

بالنسبه للثوم والبصل احم احم ماحبهم ههههههه
وبالنسبه للحبوب أخااااااااااااااف منهم ههههههههه
وبالنسبه للزيت الهندي .. بجربه ان شاء الله
وبالنسبه لكلامج نور صح انا معاج
في الجامعه 24 ساعه الشيله على راسي .. (13)
وانا جاتني فتره ما آكل .. (13)
عموما خدامتنا قالت لي جربي بيض اكسريه واخلطي البياض ويا الصفار وحطي على فروة راسج ..
بس ما جربت بجرب بشوف ..
وانا حاليا استخدم شامبو اسمه بانثينول .. زين بس يجفف الشعر وايد ..
وعطاني الدكتور حبوب حديد وفيتامينات .. (13)
بس لحد الحين عندي تساقط .. (13)
انا ماعندي قشره .. بس عندي تساقط بالهبل ..
وحده من ربعي جابت لي بودره من البحرين لونها وردي وهي عباره عن ملح البحر على ما اعتقد ..
حق فروة الراس .. كل اللي سوته البودره لي انها عطت شعري لمعه
بس لمعه عجيييييييييييييييييييييييييييبه ..
لكن الحين شنو الحل حق التساقط ؟

فديتكم والله وما قصرتوا على كللللللللل حلولكم ..
(15)

نـــور قـــطــر

24-01-2004, 05:16 PM

انا مااعترف بالماركات لذيج الدرجة لكن انا استخدم نوعين مع بعض
اول شي احط سمركيك بدرجة الاورنج لانها انسب لي واحط فوقها بودرة كنيبو
وكنيبو هذي الله يسلمج هي اللي يستخدمونها اغلب البنات في الجامعة تجنن واخذي الدرجة القريبة لبشرتج وماعليج من اللي يبيعون حتى لوكانت الدرجة اللي على اصفر تناسبج اخذيها هذي اللي يسمونها كراميل ,,
امممم بعد وشو ايه وانا لو حطيت كنيبو بروحها بس احط فوقها بودرة كريستيان ديور البرونزية وتطلع علي حلوة
هذي اللي عندي ,,
(15)

مريم

24-01-2004, 05:22 PM

نور وشو كنيبو بعد ؟ (6)

بنت الجامعه

24-01-2004, 09:15 PM

مرحبااااااا
شو الواضح ان كل المواضيع عن تساقط الشعر (5) أنا اعرف انه احسن شي زيت الثوم

بنوتة الإمارات

24-01-2004, 09:58 PM

هلا عنوده انا بخير دامج بخير حبوبه

بالنسبه للماركات ...

بالنسبه لي انا استخدم ماكس فاكتور ........... يناسبني و كل ماركه لها خصوصياتها في البشره ...!!

بنت الجامعه

صباح الخير(5)

بنت الجامعه

24-01-2004, 10:12 PM

صباح الانواااار بنوته هههههههههه(5)

دلوووعه البحرين

24-01-2004, 10:21 PM

مـــســـاكـــم الـــلـــه بـــالـــخـــيـــر

انا استخدم ماركه هلينا روبن شتاين (HR) وايد مناسبه على بشرتي عندج ماك (MAC) وايد زينه

نـــور قـــطــر

24-01-2004, 10:48 PM

مريم
بالنسبة للشعر انا مع البنات اللي قالوا عن الجرجير والثوم وعندج زيت الخروع ينفع بعد لانه معروف حتى لو بتستخدمينه حق الرموش او الحواجب ينفع بعد
الكنيبو اساس للمكياج فظيييييييييييييييعة يامريم جربيها وماراح تندمين
بس الاساس متوقف على البشرة نفسها يعني :
الجافة = الاساس السائل انسب لها
الدهنية = الاساس البودرة اوكي لهالنوع
المختلطة مثلي انا استخدم الاساس البودرة
وعندكم بعد كريم الاساس كريستيان ديور ماعليه كلام سواء السائل ولا البودرة او المضغوطة ,, ماك وميك اب فورايفر بعد ماركات حلوة حق المكياج بشكل عام
وبشكل عام انصحكم تحطون اي كريم مرطب غير دهني تخلونه فترة وعقب تبتدون بالاساس علشان ماتتشرب البشرة الاساس خصوصا لو كان محطوط لفترة طويلة ,,
<<<<<<<<<
الخبيرة / نور قطر
(5)

دلوووعه البحرين

25-01-2004, 12:49 PM

احلى يا الخبيرة هههههههههه صبحكم الله بالخير <<<<<<< ما عندي سالفه بس حبيت اسلم

عنود الصيد

25-01-2004, 01:15 PM

مراااااااااحب يا بنات.. بالنسبه حق بودرة كنيبو روعه بس ماتصلح الا للمناسبات لأن استعمالها المتكرر يضر بالبشره... اما الحين فانا استخدم ماك وماك بعد روعه.. وسمر كيك حلوه بس سمعت انها تضر البشره بعد ؟؟ انتو سمعتو هالكلام؟؟

نـــور قـــطــر

25-01-2004, 06:01 PM

شوفي العنود بشكل عام
كريمات الاساس مضرة للبشرة وان كانت من اغلى الماركات لان الاساس المفروض ماينحط على الوجه ولايتم اكثر من ساعة او ساعة ونص ,,لان البشرة تحتاج الى انها تتنفس ,,
وبالنسبة لي مااستخدم المكياج الاللمناسبات واذا احتديت كلش حطيت بس بعد مايكون ثقيل ,, وكثروا من الماي قد ماتقدرون خصوصا في الصيف ,, واستعملوا كريمات واقية من الشمس لان الشمس تسوي العجب بالبشرة ,,
وعنود اذا بغيتي تحطين حق الجامعة حطي كريم واقي وفوقه بودرة لكن لاتكثرين ,,
وهذا اللي عندي لليوم ونشوفكم الحلقة القادمة ان شاءالله
(15)

مريم

25-01-2004, 10:45 PM

انا وحده ماعرف المكياج الا في المناسبات ..
اما الطلعات العاديه .. بس احط مسكره وكحل وgloss ..

وبالنسبه حق كنيبو وين يبيعونه ترى مادري انا .. (5)
انا حق المناسبات استخدم العلبه الحمرا المدوره اشدراني شسمها بعد ههههههههه
واحط عليها بدورة كريسيان ديور .. ويطلع علي فنتك ..(5)

نـــور قـــطــر

26-01-2004, 01:08 AM

ايه مريم عيل من صجج ماركات ومادري شنو
الله يسلمج العلبة الحمرة المدورة يسمونها (سمركيك)
اما ماركة كنيبو تنباع في باريس غاليري
واطلبي كريم الاساس البودرة وتييج في علبة مدورة لؤلؤية
(15)

عنود الصيد

26-01-2004, 08:55 AM

الله يقطع ابليسج يا مريووووم اي والله العلبه المدوره هههههههههههههههههههه انتي عسل يا مريم بس جربي كنيبو بتعجبج... لا انا ماحط دايم حق الجامعه بس اذا لي مزاج احط... بس نور في بعض انواع البودره مكتوب عليها ان تحتوي على واقي مادري يعني بعد احط واقي؟؟؟؟؟ انزين ابي اسألكم ابي اغير الشامبو اللي انا استخدمه المشكله انا مرتاحه عليه وايد بس سمعت ان مش زين الأستمرار على نفس النوع فتره طويله وانا حاولت اغيره كذا مره بس مافيه شي عجبني(10) اشرايكم؟؟؟ اشتنصحوني به؟؟

نـــور قـــطــر

26-01-2004, 04:33 PM

اممم شوفي هو اهم شي لو تطلعين في النهار حطي كريم واقي عن الشمس ,,
بالنسبة للشامبو انا من متى وانا استخدم نفس الشامبو وماصار شي لانه مناسبني بس مرة غيرته تحسفت بصراحة
ورجعت استخدم القبلي
(15)

دلوووعه البحرين

27-01-2004, 12:08 AM

هاي عنود انا بعد سمعت ان لازم نغير شامبو الشعر كل فتره بس انا بعد صار لي يمكن سنه ما غيرت الشامبو وشعري اوكي

مريم

27-01-2004, 01:11 AM

هههههههههههه عيل اضحك انا ها خخخخخخخ
والله اشدراني انا استخدم بس ماعرف اسامي مب فاضيه احفظ ههههههههه
بجرب كنيبو ان شاء الله ..

اقول عندنا عرس قريب وماعرف وين اصمم فستاني مع ان قطعتي حلوه ومابي اقطها تحت يد اي مصمم يخربها ..

وين تنصحوني ؟ ولا تقولون لي دار لارا شبعت منهم ..

نـــور قـــطــر

27-01-2004, 01:34 AM

امممم
انا توني مفصلة عند المناخ والله فصل لي الفستان رووووووووعة
وعندج كارولاين يجنن بس تضرب ضربتها في الاسعار
انوني بس بعد ضربته ضربة
(15)

عنود الصيد

27-01-2004, 01:10 PM

اي صح كارولين روعه وانوني بعد وجوزيف اللي جنب انوني... وعندج بعد اللي مقابلهم مودا ليدي رووووووووووووووووووووووووووووووعه بس كلهم يضربون ضربتهم فالأسعار.. بس شوفي لا تضيعين قطعتج بالشغل يعني ابرزي جمالها... اذا انتي ماتبين اتفصلين بهالأسعار باسألج ربعي؟؟

مريم

28-01-2004, 12:31 AM

اللي قلتوهم كلهم اعرفهم بس في ناس يمدحون لي إلي ابي راشد ..

؟

نـــور قـــطــر

28-01-2004, 01:47 AM

انا سمعت عنه بس ماقد شفت له تصميم
يقولون حلو
(9)

عنود الصيد

28-01-2004, 01:25 PM

انا سمعت ان تصميمه حلوووو... لا كن روتني وحده من هلي فسطان من تصميمه وماكان حلوو كلش(10)
مريومه انصحج سوي عند مودا ليدي روووووعه... لايكون عرسج نفس عرسي بس(5)
زين انا ابي اسألكم ابي بودره حلوه للجسم؟؟ حق العرس(5)

نـــور قـــطــر

28-01-2004, 04:58 PM

تعالوا ليكون انتي ومريوم عرايس ؟؟؟؟
امممم شتقصدين بالبودرة اللي حق الجسم
(15)

عنود الصيد

28-01-2004, 06:02 PM

هع هع .. لا اختي اللي بتعرس.. اشلون اعرس وماعزمكم؟؟ مستحيل ههههههههه.. مادري بس يقولون في بودرات حلوه حق الجسم يحطونها فالمناسبات.. ماعندج فكره؟؟

نـــور قـــطــر

28-01-2004, 06:23 PM

والله مبروووووووك والفال لج عقبها ان شاءالله
وبالنسبة لبودرة الجسم اللي تعطي لمعة هذي ممكن تلاقينها في هلينيا ربنشتاين HR او ديور يعني في هالماركات
اما اذا تقصدين البودرة العادية تعطي لمعة للجسم وريحة هذي تلاقينها في ماركس على روز وعندج بودرة ايستيه لودر فظيعة وريحتها قوية

عنود الصيد

28-01-2004, 06:26 PM

اي هذي استي لودر شسمها البودره؟؟ او كم رقمها؟؟؟

مريم

28-01-2004, 11:46 PM

هههههههههههههههه نور يالساحره اشدراج انه عرسي ؟

خخخخخخخخخخ صج اني ماعرف اشلّخ (5)

بس ان شاء الله خطوبتي قريبه .. لحد يعلّم .. (5)

جربت انا مودا ليدي مره بس غاليين وايد .. في ناس قالوا لي عن الفراشه اشرايكم ؟
(10)

نـــور قـــطــر

29-01-2004, 04:03 AM

شوفي مريوم تصاميم الفراشة اللي شفتها فساتين عرايس
وشفت فستان واحد حق هدية
وموداليدي وهالطخة ضربتهم ضربة في الأسعار
مالج الا كارولاين
وموفقة
بس تعالي صج خطوبتج ؟؟؟
(5)

عنود الصيد

29-01-2004, 01:46 PM

مبرووووووووووووك مريوم عاد ياويلج اذا ماعزمتيني تفهمين!!(11)

وماعرف الفراشه(10)

نور ماقلتي لي عن البودره كم رقمها؟؟

دلوووعه البحرين

29-01-2004, 04:38 PM

مبروووووووك للي بيتزوجون وانا طبعا معزومه <<<<< واثقه

نـــور قـــطــر

29-01-2004, 05:28 PM

عنوووووودة مادري كم رقمها بس بعد باسال لج
(15)
اقول دلووووووعة ترى حتى انا معزومة <<< واثقة
(5)

بنت الجامعه

29-01-2004, 10:12 PM

ترا وانا بعد معزومه لاتنسوني(15) نور مري علي اوكي لانه مريم ماقلتلي وين المكان هههههههههه(1)

نـــور قـــطــر

30-01-2004, 02:11 AM

من عيوووووووني امرّ عليج
ولوووو انا انسى حبيبتي بنت الجامعة
<<<<
اقلبوا السالفة صج
(5)

بنت الجامعه

30-01-2004, 08:17 PM

تسلمين حبيبتي نوربس ايش بتلبسين انا محتاره والله(15) <--------- (9)

نـــور قـــطــر

31-01-2004, 02:09 AM

8
8
هههههههههههههههههههههه
باموت من الضحك
(5)
اقول اشرايج نلبس نفس البدلة اللي شريناها انا وانتي من ذاك المحل اللي شسمه ذاك المحل 00 عرفتيه
ايه بس هذا هي
(5)
<<<<<
مب صاحية
(9)

بنت الجامعه

31-01-2004, 04:14 PM

ههههههههههه اي والله فكره ....تصدقين نسيته زين انج ذكرتيني فيه(5)

كلهم بيغارون منا لانهم كانو آخر قطعتين في المحل (5)(5) <------ من صجي (9)

نـــور قـــطــر

31-01-2004, 06:15 PM

خخخخخخخخخ
صج حريم مانصدق نحصل لنا سالفة
(5)(5)

نـــور قـــطــر

31-01-2004, 06:20 PM

عنووووووودة البودرة اللي انا اقصدها
بودرة ايستيه لودر البيضا اللي تعطي ريحة للجسم
=-=-=-=-=-=-=
(5)(5)

دلوووعه البحرين

31-01-2004, 11:32 PM

شخبااااااااركم بنات كل عام وانتو بخييييييييييييييير

بنت الجامعه

01-02-2004, 12:18 AM

وانتي بألف خير اختي دلووووعه وعساج من عواده نشالله(15)

عنود الصيد

01-02-2004, 12:24 AM

مشكوره نور حبيبتي واخدمج في الأفراااااااااح(5)

كل سنه وانتو طيبين يا بنات يا حلوات... اليوم مامداني ادخل المنتدى كنت اتجهز للعيد

ينعاد عليكم بالخير والبركه(15)

مريم

01-02-2004, 03:03 PM

طالعوا هذيله عزموا نفسهم (5)
انزين وين بتسوون لي حفلة الخطوبه انتوا بعد حددوا (5)

ههههههههههههههههههههههههههههههههههههههههه والله فقصتوني من الضحك ..

يبى كلكم معزومين اشتبون بعد .. (5)

اقول كارولاين وينه فيه ؟

نـــور قـــطــر

01-02-2004, 08:19 PM

هههههههههههههههههههههههههههههههههههه
مريوووووووووم عساها دوم هالضحكة
شفتي عاد ماصدقنا درينا عن الخطوبة كان نتعازم
(5)
والله يسلمج كارولاين في السد روحي له من صوب الاشارات اللي
عند مركز المانع روحي جدااااااااام وشوفي المحلات اللي على اليمين وبتشوفينه
(7)
عنوووووووووودة العفوو فديتج وحاضرين لج ولغيرج
امري انتي بس 000
وينعاد علينا وعليج بالصحة والعافية 00
(15)

دلوووعه البحرين

03-02-2004, 12:12 AM

شوفي مريم انا ما اعرف قاعات وفنادق الدوحه لو البحرين من عيوني

عنود الصيد

03-02-2004, 07:44 PM

عاد مريووم عيب عليج قولي كلكم معزومين جاملينا عاد هههههههههههههههه

الا اقول اي لون بتسوين حق الخطوبه؟؟ خل نستفيد منج للمستقبل(5)

نـــور قـــطــر

03-02-2004, 11:04 PM

اي صح مريوم اي لون راح يكون فستانج ؟؟

عنود الصيد

04-02-2004, 07:10 PM

مريوم طلعتي ابرد مني يا حظي... وينج؟؟؟

نور .. الجامعه بتفتح خلالالالاص مااااااااااااااااااااااااااااااااااااااااااااااااب ي(10)(13)

نـــور قـــطــر

04-02-2004, 07:43 PM

يعني انا اللي ابي
ياربي شهالاجازة والله مب شي
(10)(10)(10)
بنرد حق الغثى والغربال وطقة الشمس
ماصدقت فتحت شوي
بس تدرون شكلي بالبس هالبرقع في الجامعة
ولاتحرقني الشمس
(10)(10)

عنود الصيد

04-02-2004, 10:14 PM

اي والله اشهالأجازه

مابي مابي مابي

ياليت اقدر امسك الوقت ... المشكله عندي اولى(13)

نـــور قـــطــر

04-02-2004, 10:24 PM

اففففففففففف
الله يكره الاولى
تصدقين طول الاسبوع كله اولى
كاني اداوم في مدرسة بس شاسوي
الله يعدي هالفصل على خير
(15)

عنود الصيد

07-02-2004, 04:54 PM

لا انا عندي 3 ايام... يا حظي اشبيقومني؟؟؟ انا اليوم قايمه الساعه 2 بس انا مش مداومه بكره بس باروح اوقع بطاقة الحذف والأضافه... والله مشكله مامدانا انتهنى بل!!

نـــور قـــطــر

07-02-2004, 08:06 PM

ايه والله مليووون مرة
تحسين تونا مخلصين امتحانات
حتى انا بكرة باروح اوقع بطاقة حذف واضافة
مافيني شدة اداوم من اول يوم
اقوووول عنوووودة انتي شكثر باقي لج على التخرج
(15)

عنود الصيد

07-02-2004, 08:18 PM

السنه الجايه الكورس الأول باتخرج ان شاء الله... اوصلج الرد عالرساله و لا لا؟؟

نـــور قـــطــر

07-02-2004, 11:53 PM

امممم بالتوفيق ان شاءالله
(15)
ايه وصلني ومشكووووورة فديتج

بنت الجامعه

07-02-2004, 11:57 PM

مرحباااا بنات........شفيكم مكتئبين من الجامعه كله كورس وبعدين بنرتاح والله بيمر مثل البرررررق

دلوووعه البحرين

08-02-2004, 12:25 AM

هاااااااي عنود باقي لج كورس وتتخرجين ( انتي اكبر مني ) انا توني سنه اولى (17) توقعتج كبري

عنود الصيد

08-02-2004, 04:12 AM

لا انا عيوووز هههه عمري 21 بس باقي لي كورسين ياليت كورس

نـــور قـــطــر

09-02-2004, 01:35 AM

بليز غيروا الموضوع
خلونا نرجع على المخايط والمكياج والكريمات
(5)(5)
ايه صج تذكرت تعرفون محل لتغليف الهدايا تغليفه اوكي
وخصوصا لو كانت الهدية حق بيبي
(15)

عنود الصيد

09-02-2004, 01:43 AM

حق بيبي!! لا والله ماعرف لين الحين ماوصلت هالمراحل ياحظي هههههه
بس المحل اللي فاللاند مارك تغليفه رووووعه.. انا جربته وكان اينن(5)

نـــور قـــطــر

10-02-2004, 01:26 AM

اي محل ؟؟؟
(12)

عنود الصيد

10-02-2004, 01:44 AM

ياربي شسمه؟؟!!
الصراحه ماعرف اسمه بس مافيه غيره..
بس يغلف هدايا هو محل صغير

نـــور قـــطــر

10-02-2004, 11:55 AM

ايه ليكون هذاك اللي صوب ميغا مارت
اسمه >> سويت هارت

عنود الصيد

10-02-2004, 01:09 PM

اي جنه ذيه اسمه.. يله شدي حيلج وروحي غلفي الهديه

نووووور باقولج
جاتني هدايا من فتره وكان تغليفها رووووووووعه رووووووووووووعه وسألت لج قالو لي في المناسبات..
يله اختاري واحد وروحي له(5)

نـــور قـــطــر

11-02-2004, 06:40 PM

ثــانــكــــــس خيتوووووو عنوووووودة
نردها لج في الأفراح
ايه تعالي ماقلتي لي خلص فستانج ولا لا ؟؟
(15)

عنود الصيد

13-02-2004, 05:24 PM

لا لين الحين... والله خايفه نور احاتيه .. يله ان شاء الله يطلع حلووو

شكلي اذا طلع حلووو بانزل موضوع في المنتدى ههههههههه

نـــور قـــطــر

14-02-2004, 04:13 AM

هههههههههههههههههههه
صوريه وحطيه في جامعة المرأة
(5)(5)
تصدقين فكرة والله

عنود الصيد

14-02-2004, 08:56 PM

هههههههههههههههه شكلي نور

وباصور الأكسسوار

والصندل

وكل شي ههههههه

دلوووعه البحرين

15-02-2004, 01:39 PM

مرحبااااااااااااااااااااا شخباركم والله وحشتني قعدتكم ااسمحولي والله مشغوله ما عندي وقت اجيكم الميلس ( اللي يقول من كثر الشغل )

نـــور قـــطــر

16-02-2004, 09:38 AM

مراحب والله
اسفرت وانورت
حي الله دلوووووعة البحرين
شحالج يمه عساج طيبة واشلون العيال وابوهم <<< اهم شي ابوهم (5)
شخبارج وينج من زمان ماطليتي علينا ولامريتينا الميلس افااااا والله
المهم ماعلينا حياج الله في اي وقت والمكان مكانج
(15)(15)

عنود الصيد

20-02-2004, 04:08 PM

سلالالالالالالالالالالام يا بنات

شخباركم؟؟ شمسويين؟؟؟ ان شاء الله مبسوطين..

خلاص قرب يبدا موسم الأعراس خخخ

المهندية

21-02-2004, 03:55 PM

السلام عليكم ورحمة الله وبركاته
كل عام وانتوا بخير اليوم أول يوم في السنة اليديدة
الله يجعل ايامكم فيها أسعد الأيام و يارب تتحقق لكم فيها كل الأحلام
حبيت أسلم عليكم
ووووووو بس
دعواتكم انا حزينة على جدولي
الجدول تعيس تعيس تعيس حتى ما عندي وقت آكل هريس
يه سويت شعر
ان شاء الله تكون جداولكم تمام
انا كل يوم عندي أولى و اتم لييييييييييييييين أربع و نص او خمس و نص
الله يعينا
الحمد لله ان هالكورس ما عندنا رمضان والا جان هلكنا
الحمد لله على كل حال

مريم

26-02-2004, 03:18 PM

يا هلا ويا مرحبا ..

ياليت عندي قهوه كنت ضيفتكم .. :lool1:

ايه عيل الكورس عندج وايد يا مهنديه ..
الله يعينج ..

كلنا لها ..:8888:

نـــور قـــطــر

12-03-2004, 02:01 PM

شخباركم ياصبايا :1eye:
وحشتووووووني والله
ان شاءالله بخير
:s5:

بنوتة الإمارات

13-03-2004, 11:57 AM

احم احم:blush:

السلام عليكم .......

اشحالكم حبايبي؟؟ و شخباركم و شو الدنيا ويااكم

اشتقنا الكم واااااااااايد آآآآآآآآد الدنيا و الله:clover:

هاه سمعنا فيه معاريس هنيه:s3::s3:

مبروووك عليج عنوده مقدما انتم السابقون و نحن اللاحقووون:1eye::s19:

نور قطر و مريم و دلوووعه و الكل اشحالكم.... طمنوني عليكم ....

نـــور قـــطــر

13-03-2004, 02:44 PM

هلا وغلا
بنوتة الامارات 00 وين ايامج ؟؟ شهالغيبة وان شاءالله المانع خير
والله كلنا طيبين والحمدلله وعال العال وانتي وحشتينا اكثر ( اد الدنيا )
مافي معاريس ولاشي بس هذي مزحة خفيفة :kkk:
بشرينا عنج وين دنياج وش مسوية :s2:

بنوتة الإمارات

16-03-2004, 07:54 PM

نـــور قـــطــر

يا هلا بالغلاااااا كله ,,,,

هلا حبوبه انا هنيه و هذي بنوته ردت الكم من اول و يديد

و الله كانت عندي شوية ظروف ( حالة وفاه ) و الله يطول بعماركم ....:cry:

و قلتي ما فيه معاريس يعني علي 1 عيل انابقول لكم شي ,,, ان شاء الله

بعرس جريب معزومين مقدما ابيكم كلكم تحظرون و اولهم انتي يا نور قطر بليييييييز:lool1:

يلا خل نبدي بمواضيعنا الحلوه و الشيقه بنفس الوقت:8888:

ممكن حد يخبرني لو عندكم اي معلومه عن كيفية التخلص من الرؤوس السودااء اللي تظهر في البشرة و شو من الكريمات اذا عنكم معرفه تخفي السواد تحت العين و تكون مجربة بلييييييز

و منكم نستفيد,,,,,,,

أختكم

أحلى بنووووته في الإمارات كلها:s20:

نـــور قـــطــر

17-03-2004, 11:04 PM

:blink:
اول شي عظم الله اجرج واسمحي لنا مادرينا

وثاني شي صدق انج بتعرسين ؟؟؟؟؟ ولاهذي بعد غشمرة ؟؟؟؟

والله الرووس السودة ماتتخلصين منها الا بالعصر بس احسن شي يكون بعد البخار على اساس

ان المسامات تتفتح او سوي تنظيف بشرة في مركز متخصص وان شاءالله بتتخلصين منها

وبالنسبة للسواد تحت العين حبيبتي لازم تعرفين شنهي الاسباب لان ممكن تكون وراثية او من قلة النوم او من فقر الدم

@بحرينية@

19-03-2004, 12:13 PM

اهلييييييييين

عجبني الموضوع , وبما اني يديدة بالمنتدى وما اعرف ولا بنت منكم ... حبيت اشارك معاكم

يمكن اعرف احد منكم :s27:

آنا ما ادري , عن شنو اتكلم بس احب اقول لكم

القعده معاكم فله

دمتم سالمين

نـــور قـــطــر

19-03-2004, 02:58 PM

هلا بج بحرينية بين خواتج 00
شتشربين حار بارد ؟! حي الله بنات البحرين
ويشرفنا انضمامج لنا ولسوالفنا اقصد دردشتنا
وحبيبتي هنيه تكلمي عن اي شي يخص البنات او اذا عندج استفسار
عن شي خبرج سوالفنا ماتخلص واذا تحبين تعرفين اكثر ارجعي للموضوع من بدايته
ويامرحبا والله اسفرت وانورت
:s12: