PDA

عرض الاصدار بالكامل : اسواق الرياض !!!


fiona
16-02-2012, 10:25 PM
السلام عليكم ورحمة الله وبركاته


مرااحب بنات أخباركم


عقب شهور بسيطه بيكون عرسي ان شاء الله :blush: عقبال العاوزين :atiah:


وحابه اجهز في رياض سمعت كثير عن اسواقها وبضاعتها الحلوه المناسبه لتجهيز العروس ..

بس بغيت تفيدوني بأسماء الأسواق الموجوده في الرياض ومواقعها لأنا يوم السبت ان شاء الله بسافر .....

fiona
16-02-2012, 10:48 PM
من حيث فساتين ( الزفاف ) أهم شيء لاني حابه اشتريه مابي اعور راسي في دوخه الخيايط <_<

وبجامات وقمصان نوم

والاحذيه وأنتو بكرامه والشنط

والعطورات ودخون

برااعم قطر
17-02-2012, 02:56 AM
أختي بالنسبة للفساتين من جدة في مجمعات مخصوصة بس لفساتين الزفاف
وألف مبروك مقدما والله يتمم لج على خير

fiona
17-02-2012, 03:48 PM
مشكوره اختي على مرورج بس أنا رايحه الرياض مب جده !!

الابذكر الله
17-02-2012, 06:46 PM
حبيبتي الذهب راح تلقينه في اسواق " طيبه " و طبعا هم معروفين بالذهب ... و العبايات بعد عندهم حلوه .. و فيه مجمع شوزاته حلوه قصدي محل في مجمع صحارى اذا ما خاب ظني ... و البخورات و العطورات عندنا لا يعلى عليها فيه كشك اسمه " ريحه " صوب المطاعم في فيلاجيو مرررره حلو و هو اصلن المحل في الامرات بس احنا عندنا كشك و في الرياض اذا تبين العطورات الماركات اللي تنزل في لندن و مانزلت عندنا بتلقينها في " هارفي نيكلز "اما اذا تبين فستان عروسه راسليني ع الخاص انا اعرف وحده فستانها موديل 2011 ولا اروع اكمامه طويله و حلوووو كثير و مووووفقه حبيبتي ...

الابذكر الله
17-02-2012, 06:48 PM
الامارات **:s27::blush:

fiona
17-02-2012, 08:04 PM
اختي الا بذكر الله مشكوره اختج على مرورج


اختي انتي تقصدين الامارات ولا الرياض ....

ام سـيف
17-02-2012, 11:08 PM
حبيبتي انا انصحك بالخبر اقرب واحلى وارخص من الرياض
وبدلك على اللي تبين تجهيزي من الخبر وانا من بنات الخبر :blush::flower:

بنت آل سعود
18-02-2012, 12:22 AM
كل شي بالرياض حلو
خوذيها كلها

الرياض كلها مجمعات ,
رياض غاليري < فيه ماركات كثيره ومره كبير , هو أهم شي ..
صحارى
حياة مول
سنتيريا
غرناطه

و فيه سنتر بوينت كبير مره تلقين فيه ملابس البيت وهيك ..
المتنبي < هذا لفساتين العرايس و كل شي بتلقينه من تجهيز للعروس ..
و فيه أسواق طيبه , بعد هذا حق عروسات ..

وطبعآ فيه برج المملكه وبرج الفيصليه , زوريهم بتلقين الماركات العالميه ..
الله يوفقك ي قمر , لا تحتارين ولا تخافين ترا الرياض مثل ما قلت لك كلها مجمعات و بتحتارين .. :flower:

fiona
18-02-2012, 09:16 PM
مشكورة اختي "أم سعود " على مرورج وعلى المعلومات الي عطيتني ياها الصراحه افديتني كثيير الله يوفقج دنيا وآخره

مشكوره أختي أم سيف على مرورج الخبر حلوه بعد بس الحين وين يعطوني ويه زين بيدوني الرياض <_<

الابذكر الله
19-02-2012, 11:46 AM
حبيبتي الذهب راح تلقينه في اسواق " طيبه " و طبعا هم معروفين بالذهب ... و العبايات بعد عندهم حلوه .. و فيه مجمع شوزاته حلوه قصدي محل في مجمع صحارى اذا ما خاب ظني ... و البخورات و العطورات عندنا لا يعلى عليها فيه كشك اسمه " ريحه " صوب المطاعم في فيلاجيو مرررره حلو و هو اصلن المحل في الامرات بس احنا عندنا كشك و في الرياض اذا تبين العطورات الماركات اللي تنزل في لندن و مانزلت عندنا بتلقينها في " هارفي نيكلز "اما اذا تبين فستان عروسه راسليني ع الخاص انا اعرف وحده فستانها موديل 2011 ولا اروع اكمامه طويله و حلوووو كثير و مووووفقه حبيبتي ...

حبيبتي كل اللي تكلمت عنه في الرياض الا محل البخور و العطور اسمه " ريــحــه " هذا في الامارات لكن عندنا كشك منه في فيلاجيو صوب المطاعم شغلاته روعه وتقدرين تقرين عنه في النت ..