PDA

عرض الاصدار بالكامل : صبغ ولا ورق جداران؟


سبورتيه
22-07-2009, 08:08 PM
السلام عليكم ورحمة الله وبركاته



حبيت اخذ رايكم


بأذن الله قريب راح نسكن بيت جديد


المهم عاد كل اخواني وخواتي اصبغو غرفهم


الا غرفتي وابوي يحن علي خلصي علي واختاري الصبغ


وانا للحين افكر والصراحه كلش مب حاطه لون في بالي


بس فكرت في اللون العسلي ؟.. بس مادري



انتو شرايكم وشنو الاشياء الجديده في السوق


لانه في انواع وايد من الصبغ وورق الجدران


الصراحه احترت ومافي شي في بالي ولا ادري شبسوي


وابوي يحن علي ومستعيل



يالله ابي اخذ رايكم عشان اقرر واذا في صور بعد زين



:flower:

princessa
22-07-2009, 08:12 PM
وآنــا بعد .. هاليوومين بغير ألوآن غرفتي .. وبأثثها جديد ..

و محتتارة .. :(

)(.آلنظآم.آلعآم.)(
22-07-2009, 08:17 PM
الصبغ العسلي جداً معقول، وخصوصاً إذا كان فيه حركات وخطوط وزخارف..

تخيلي غرفه عسليه وفيها زخارف فوق بالأسود.. :good2:

ولون الستارة قرمزي.. بتطلع خيالية.. غير الدواشق السدو..<< خربها.. :s27:

شكراً.

ريانية حتى النخاع
22-07-2009, 08:17 PM
إذا بتتبعين الموضه

ممكن بعدين تملين

سبورتيه
22-07-2009, 09:00 PM
برنسيسا


اسكتي والله احترنا ماقمت اقدر اختار كلش


ريانيه

كلامج عدل عشان جي ابي شي معقول وماقدر امل منه



النظام العام

ذبحتني هههههههههه اي والله دواشق بس تصدق يبيله كورنر شعبي في الغرفه :kkk:

حق الضحى ههههه


انا ميته ابي زخارف احسها ترقى المكان بس الصراحه ماعرف من وين وهل وكيف ؟:sweatdrop



شكرا :flower:

بنت المعلومات
22-07-2009, 09:21 PM
النظااااام

هههههههههه حسبي الله على عدووووك <<ماتت من الضحك :cat:

سبورت

دمجي بين ال2

حجرتي جهة ورق جدران ماخذته لي اختي من لندن و3 جهات صبغ وسألي آهات عنها :good2:

حجرة خواتي خليت الصباغ يصبغها لهم كلها وجهتين يحط الورق على شكل خطوط طوالية وعريضة شوي

يعني تخيلي معاي خط بالورق وخط بالصبغ ذي من جهتين وجهتين صبغ عادي .. الحمد لله الكل عاجبته

غرفنا .. ها آييج ؟ تراني حاضرة ^_^

ولع المهندي
22-07-2009, 09:31 PM
انا بعد ابي اغير شكل حجرتي بل كامل وفكرت اني اسوي مثل ما قالت بنت المعلومات انه تكون الحوطه صبغ و ورق جدران ^_^

دلة وفنجان
22-07-2009, 09:35 PM
أنا أفضل الصبغ

مع شوي حركات فيه

ولا بعد يفضل يكون أخضر فاتح

سبورتيه
22-07-2009, 09:59 PM
يبييييييييله :s7:


والله شوقتيني بنت المعلومات اقووول شرايج تطرشين لي صوره حق الغرفه مسج :blush: خل اشوووف



الصبغ المخطط وايد حلو ورسمي بس يفضل للاطفال اكثر

خواتي بدعو الصغار في غرفهم عالم الاألون



انا الصراحه ابي غرفه مريحه وهاديه نظام فنادق :s7:ههههه


الفكره الي في بالي انه يكون الصبغ عسلي وطوفه وحده الي ورى السرير تكون ورق جدران لونه بيج مزخرف



والسرير باخذه من ذ ون :kkk: شرايكم

سبورتيه
22-07-2009, 10:03 PM
دله وفنجان مشكلتي ما احب اللون الاخضر كلش

ولا الازرق


احب اللون الاحمر وايد بس الاحمر ماقدر اسوي غرفتي حمره بتصير جيوووبيه خخخ


اللون الذهبي غرامي فقلت بسويها عسلي ^_^




شكرا :flower:

بنت المعلومات
22-07-2009, 10:09 PM
والله شوقتيني بنت المعلومات اقووول شرايج تطرشين لي صوره حق الغرفه مسج خل اشوووف

إن شاء الله جاري التصوير والارسال :nice:

سبورتيه
22-07-2009, 10:15 PM
:8888: عاشو بنات المعلومات

ذهب نادر
23-07-2009, 12:32 AM
هلا والله وغلا ...

صراحه عجبني اختيارج للون العسلي .. يعني الغرفه 4 اطوف

يعني خلي طوفه بس صبغ والطوفه ال2 حطي ورق جدران يكون مخطط " خطوط بالطول ويكون عالذهبي والعسلي والبوني ..

والطوفه ال3 حطي والله مااعرف شيسمونه بس يكون شكله مثل الجلد اسود فخم وفيه ازرارات وحركات يكون على سايد ..

والطوفه الاخيره حطي ورق جدران يكون مورد فيه ورد وشير وحركات ويكون من مدرجات العسلي

وبالتوفيق .. :)

بنت المعلومات
23-07-2009, 12:38 AM
الفكره الي في بالي انه يكون الصبغ عسلي وطوفه وحده الي ورى السرير تكون ورق جدران لونه بيج مزخرف

نفس اختياري :good2:

بس انا أخضر نفس اللون اللي أكتب فيه ومسوية صفحتي الشخصية مثله ومطقمه بجوالي بعد

حبيت هاللون:wub:

ان شاء الله الصور واضحين ؟

الهم المتكدر
23-07-2009, 02:10 AM
وعليكم السلام ورحمة الله وبركاته

اهم شي تكون الغرفة هادية ومريحة

يعني لون الطوفة فاتح ولاتكثرين من الزخارف

فكرتج واايد حلوة عجبتني :good2:

سبورتيه
23-07-2009, 07:25 PM
ذهب نادر

خوووش فكره الصراحه اعجبتني وااايد ان اشاء الله بشوووف واول شي ابي اشوف الورق جدران

عشان اعرف شختار واي درجه من العسلي ..

ماقصرتي



بنت المعلومات

صبغ غرفتج قمه في الروعه ^_^

بس انا مشكلتي ما احب الاخضر وايد لكن لين شفته اقول حلو بس تدرين مثل ماقلتي مع الايام تحبين اللون

اللون البنفسجي وايد حلو بعد الي طرشتيه لي :good2:

عليكم بالعافيه :flower:




الهم المتكدر


مثل ماقلتي انا مابي خرابيط وايد ابي نظام فنادق يعني لين دخلت غرفتي احس اني في الرتز ههههههه

ماقصرتي




:flower:

سبورتيه
23-07-2009, 07:31 PM
عجبتني الغرفه بس ورق الجدران وااايد يبيله شي انعم

وحتى اللون بالذهبي بيطلع احلى والسرير طبعا غير بس تقريبا نفس فكرتي


http://rbsha.org/rbsha/images/1exiz73tbi8a6it7qsfb.jpg

بنت المعلومات
23-07-2009, 08:09 PM
انتي الروعة من ذوقج حبيبتي :blush:

صابغة البيت كله لهم غرفة أخوي وأمي وأبوي وكل البيت .. ذكرتيني يوم الف مع الصباغ وارويه شيسوي :( ههههههه

الميلس بعد مافرشناه وقايله حق أمي انا بفرشة لج :kkk: عقبال مافرش بيتي :blush:


شوفي لقيت لج ذيلا

http://ar.tradekey.com/product_view/id/272140.htm

http://ar.tradekey.com/product_view/id/806498.htm

وبما انج بتسوين الغرفة عسلي .. لاتفصلين ستارة تفصيل ,, ستاير ذا ون حلوة وناعمة انا خذت 3 قطع وركبتهم عالجنبين نفس الشي وفي النص غير .. الحلو فيهم ان سهل يتبدلون .. الحين ناوية اغيرهم ..

يعني يوم يضرب في راسج تسوين ديكور غرفتج اورانج اشتري ستاير وبدليهم ومفرش جديد وشموع وحركات من الهوم سنتر وصارت غرفتج شي ثاني .. او اي لون ثاني ..^_^

بنت المعلومات
23-07-2009, 08:10 PM
بخصوص الغرفة بعدي عن البيج إذا بتسوين هاللون خلج عالبني :good2:

سبورتيه
23-07-2009, 08:20 PM
شكرا ياعسل


مثل ماقلتي ذ ون في اشياء قمه في الروعه وديكوراته فظيعه انا شكلي بروح هناك وبشوف الالوان

بس اللون العسلي على البني والبيج والذهبي هاي الالون الي في بالي وابي شي راقي ومرتب

مايعور العين ..

وقلت بشوف ورق الجدران المتوجد في السوق قبل لاصبغ عشان ما اتحسف خاطري في الزخارف

نفس الي يسويهم مود ود الله يذكره بالخير :cry:


ان شاء الله خير بس ابي اركز شوي


:s7: مافي مهندس ديكور لبناني يفكني هههههه :s7:

بنت المعلومات
23-07-2009, 08:26 PM
مافي مهندس ديكور لبناني يفكني هههههه


امبله في في شارع سلوى ^^

سبورتيه
24-07-2009, 12:02 AM
:s7: يبيله الصراحه اخاف اخورها بروحي



بس بجرب لو مانفع بشووف .. الصالات صج يبيلها مهندس ديكور وهي الاهم

شكرا :flower:

ريم المدينة
24-07-2009, 11:54 AM
شسمه مهندس الديكور؟؟ :sweatdrop

CRAZY-LOVE
24-07-2009, 01:12 PM
سوي جهه وحده ورق جدران والباقي صبغ
شوفي هالصور
http://www.sanderson-uk.com/images/Borocay%20WPaper%20WPapers/Borocay%20WPaper%201B.jpg
او جذي جهه خارف وجهه مخطط
http://www.sanderson-uk.com/images/Vinyl%20WPaper%20WPapers/Vinyl%20WPaper%202C.jpg
بس طبعا لون ثاني مب اصفر :sweatdrop
شوفي هالموقع فيه اشكال وااايد http://www.sanderson-uk.com/collections.aspx?ID=2&P=1&C=2

سبورتيه
24-07-2009, 05:05 PM
ريم المدينه

مادري شسمله بس تقولي في سلوى ^_^




CRAZY-LOVE



رووووووووووووعه نفس الي في بالي صج صج صج روعه

وحتى على اللون الاصفر صاير حلو

بس انا ابي نفس اول صوره


بس مادري هل اخلي الورق جدران ورى السرير او في جه ثانيه ؟؟ شرراااايكم ؟؟



بس الموقع رووعه :flower: ماقصرتي

الهم المتكدر
24-07-2009, 11:03 PM
بغيت أضيف شي بالنسبة لورق الجدران

إذا حصلتي شي حلو بس ماعجبج لونه ممكن تصبغينه

وإن شاء تحصلين اللي تبينه وتفتكين

فارسـة
30-07-2009, 01:51 PM
انا جربت البيج تعتيق مع ستاير مخمل فيها كرستالات

وغرفتي خشب

والليتات ذهبيه

مع ابجورات أحمر عنابي

الغرفع في قمه الهدوء

/

جربت بعد اللون الاخضر مع البنفسجي في قمة الروعه

الطوفه اخضر منقشه بسيييييييييط والاغراض من زل وستاير ومخدات بنفسجي

مع التزين بالكورنر والمعلقات بالطوفه ورد

/

جربت بعد اللون الازرق التركواز والوردي و الاصفر
غرفه طفوليه ههه بس كان انعكاسها على نفسيتي عالي
في بهجه دائمه اللي كان مضايقني بس الستاير مخليتها ورديه
صراحه يوم تعكس الشمس تجيب لي المرض استوي عصبيه من كثر ما الغرفه حمرا

/

اللي مريح للبال اللون البيج والبنفسجي جداً رومنسي خيال

/

انا من النوع اللي يحب يغير مايحب الروتين
لذلك المريح ان اخلي الطوفه بيج يا تكون ورق جدران او صبغ
والارضيه نفس الحائط

الي اقدر اغير فيه الزل القطع الصغيره مع الستاير والابجورات مع باقات الزهور

تستوي الغرفه غير في كل مره

ماحب الروتين عطيتك مما جربت وانتي وذوقك

الله يوفقك

قانونية..}
30-07-2009, 02:19 PM
لاتحطين ورق جدران ..
خبرج احنا بالدوحة مب فبآريس ..
والرطوبة مو مخليه أحد بحاله ..
رآح تشوفين مع الايام ان الورق إخترب ..
ونصيحة بعد لآ تخلين طوفة وحده بس المختلفة ..
لان يمكن يوم من الأيام تبين تغيرين نظام الغرفة ..
لكن بما انج خليتي طوفة وحده مختلفة راح تضطرين انج تمين على نفس النظام ..
انا اقولج اصبغي كل الطوف لون فآتح ..
وخلي الارضية نفس اللون ..
والسرير والملحف بعد ..
واكسري اللون عقب بلون غامج للستاير ..
ومخدات السرير ..
راح تطلع الغرفة مريحة ..

وبس :blush: