PDA

عرض الاصدار بالكامل : oOo حط اسم الشاعر واللي بعدك يجيب له بيت شعر oOo


الدوسـ2006ـري
02-07-2009, 12:18 PM
السلام عليكم ورحمة الله وبركاته

موضوع وفكره جديده :a43: اعجبتني فأحببت أن انقلها لكم :good2:


الموضوع عباره عن .. حط أسم الشاعر .. واللي بعدك يجيب له بيت شعر لهذا الشاعر .. بيت أو أكثر .. ولا مانع من تكرار الاسماء ولكن مع مراعاة التنوع في الابيات .. اتمنى ان تعجبكم الفكره وتتفاعلون مع الموضوع

** وانا أول من بيفتتح هالموضوع **

الشاعر :: بدر بن عبدالمحسن

*******

تحياتي للجميع :flower:

الدوسري

Cute -Girl
02-07-2009, 12:37 PM
موضوع حلو :good2:
ومتميز
ودوووم متميز اخوي الدوسري:flower:
ويسعدني اكون اول وحده^_^

آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال

*************
اللي بعدي الأمير عبدالرحمن بن مساعد

ام كــادي
02-07-2009, 04:44 PM
والله شي جديد وحلو

لاهنت يالدوسري ع الاختيار

هنا العراق

في كل ركن
حرة تسبى
وطفل مقعد
ودم يراق

هنا العراق

في كل بيت
والد يبكي
وام تشكي
ضيم الفراق



صاحب السمو الامير خالد الفيصل

مناير الدوحة
02-07-2009, 04:52 PM
يآخي مآيصير كذآ :a77:

كل مآجيت بطلع من المنتدى حطيت موضوع يمسكني ويخليني آقعد غصب :marsa117:<< برى :mad1:

والله موضوع كدهـ :good2:

وهذي أبيآت خآلد الفيصل


إلى منه جفاك اللي تودّه
ولا تدري وش الّلي عنك صدّه

تجرّع مالح العبرات واصبر
ترى كثر الشكاوى ما تردّه

وإلى من الّليالي عوّدت به
تغانم كل فايت واستردّه

حذار تنشغل بعتاب خلّك
ترى كثر العتب يمحي المودّه


خلآص عشآن هالموضوع مآني بطآلعه من المنتدى

بس لآتعيدهآ مرة ثآنية وتمسكني من اليد اللي تعورني :t1:

<< كفف , مصدقه نفسهآ lo0ol

اللي بعدي

آمممم

طلآل الرشيد - الله يرحمه -

:flower:

الدوسـ2006ـري
03-07-2009, 02:27 PM
جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محدٍ معاها


ياسنا الفضه وياجيد المهات

ياشذى نبت الخزامى في وطاها



*************

محمد بن فطيس

رهينة حب
03-07-2009, 02:33 PM
الله عليكـ يالدوسري

خووش وموضوع والله :good2:

********************

ان ماجبرك الغلا ماقدر على جبرك
ياللي على ارض الوفا ماشبرك بشبري

تزعل وترجع وتلقاني على خبرك
وانا انكسر لك واجيك ادور لجبري

امحق وليف ومحبه والا اقول ابرك
حسبي عليك اعشقك وانت تحفر قبري

*****************

حامد زيد :flower:

طالبه تاريخ
03-07-2009, 02:47 PM
ان روحوا.. فـانا بـري منهم لـيوم الحسـاب
وان جـرحوا.. قولوا لهم ماحركوا فيني شعـره !!

شفهـم لهـم حــول السنـه ولا لقـوا مني جواب
احسـن دواء للـي يحـاول يستفـزك " تحقـــره " !!

طالبه تاريخ
03-07-2009, 02:48 PM
زيـاد بن حجـاب

a7la student
03-07-2009, 07:06 PM
من روعة القصيدة ..لم أستطع أن أتخير بيت واحد ..فخلت أنني سوف أظلم باقي الأبيات ..

إليكم هذه القصيدة للشاعر زياد بن حجاب...

************

أنا اللي للأسف عايش على هامش حياة الناس


حياة ما لها قيمة وأنا مجبور اجاريها


أنا من عاش بالدنيا طموحه رابطه بالياس


ولو بيدي حلول لحالتي ما احتلت اسوّيها


أنا كتله من الهم ومن الحزن ومن الهوجاس


مشاعر شاعر ما تعترف بشعور راعيها


أنا حس فقد حسه ومعنى الحس والاحساس


معاني ما لها معنى وتبحث عن معانيها


أنا قصر بلا ناس وبلا باب وبلا حراس


أنا اغنية(ن) يتيمه ما لقيت أحد يغنيها


أنا مثل العصا اللي راسها يركب عليه الفاس


خذ الفاس وجب الفاس وعصاها وين طاريها


أنا اللي لا رحلت ولا لقيت بديرتي مجلاس


أنا اللي لا حكيت وقصتي ملزوم أبحكيها


اشوف الناس تضحك وابتسم واضحك وأنا منحاس


واشوف الناس تحكي بي واصدد تقل ما اوحيها


وجع جرح الزمن لو هو هوين يذبح الحساس


وانا لو شفتني حي الحقيقة عنك مخفيها


*******

فيديو من مشاركته في شاعر المليون ...

من هنـــــا (http://www.youtube.com/watch?v=4YcMvPCdJbg\)


أحييكم ...

a7la student
03-07-2009, 07:15 PM
عبدالكريم الجباري

:flower:

غرفاوي قطر
03-07-2009, 09:05 PM
ضايــق ومستانـس وراايـق وطفشـان ,,, تجمعـت فيـه كـل ابوهـا بساعـه

امبراطور الشعر بن علووش

BINT ALDERA
03-07-2009, 11:29 PM
تراي لاجـا المصامـد مانـي بهيّـن
تقـول كـن العـرب لعبـة بيدينـي

شخصيتـي مـن غرابتهـا وطيبتهـا
كن الزمن في تحـدي بينـه وبينـي

اخذيني الشاعر اللي ماصـدق حظـه
لاقلت: ياحظ وينك!! قال: ياوينـي!!

اخذينـي المبـدع المتفلسـف التحفـة
مؤمن وتضحك على العالـم شياطنـي

شهرة شكسبيـر وافلاطـون ونيوتـن
لاقلتي بيت شعر تطيـح مـن عينـي

واخذيني العنصر اللي صدق متعنصر
من دون ربعي لـو اقطـع شرايينـي

واخذيني اللي اليا منه طلـب يُعطـى
وتكفيـن لامـن طلبتـك لاترديـنـي

تكفيـن ياغايتـي يابهجـة الدنـيـا
ابحـرق قلـوب نـاس ماتدانيـنـي

اخذيني بكـل شـوق وقولـي: احبـه
وان شككوا فيك ولا فـي.. ضمينـي

قولي: سعـد والله انـه غاليـاً جـدا
وياجعل فدوه شبابـي واخـر سنينـي

وانا باصـدق كلامـك واعتنـز بالله
وباقول: للنـاس مايعنيـك.. يعنينـي

******


الشاعر الفارس ناصر بن حمد آل خليفه


يعطيك العافيه اخوي عالموضوع الروووعه :good2:

a7la student
04-07-2009, 12:20 AM
http://www.anhaar.com/ar/data/images/news/categories/cat_129/naser.jpg

ناصر بن حمد آل خليفة

**********

يا حبـي أفـهم انك بخافـقي شي
وان العـيون اللـي تحبـك سهارى

يا ضـي عيـن اللي يحبك و يا ضي
كل الدروب اللـي بعينـي حيارى

انت الـذي ما يشبهك في الملا حي
ما ألـوم مـن سماك سيد العذارى

**********

الإمام الشآفعي ...

:flower:

BINT ALDERA
04-07-2009, 12:52 AM
اذا المـرء لا يرعـاك إلا تكلفـا
فدعـه ولا تكثـر عليـه التأسفـا
ففي الناس ابدال وفي الترك راحة
وفي القلب صبر للحبيب ولو جفا
فما كل من تهـواه يهـواك قلبـه
ولا كل من صافيته لك قـد صفـا
إذا لم يكن صفـو الـوداد طبيعـة
فلا خير في خـل يجـيء تكلفـا
ولا خير في خـل يخـون خليلـه
ويلقاه مـن بعـد المـودة بالجفـا

*******

الشاعر محمد السهلي

a7la student
04-07-2009, 01:02 AM
اذا المـرء لا يرعـاك إلا تكلفـا
فدعـه ولا تكثـر عليـه التأسفـا
ففي الناس ابدال وفي الترك راحة
وفي القلب صبر للحبيب ولو جفا
فما كل من تهـواه يهـواك قلبـه
ولا كل من صافيته لك قـد صفـا
إذا لم يكن صفـو الـوداد طبيعـة
فلا خير في خـل يجـيء تكلفـا
ولا خير في خـل يخـون خليلـه
ويلقاه مـن بعـد المـودة بالجفـا

أبيات اكثر من رائعة ...بصراحة كل ابيات الشافعي تَقطر حِكَما وموعظة ..غفر الله له ...


*******

محمد جار الله السهلي ..وهل يخفى القمر ..شآعر وأكثر من شاعر ..ويميزه بالنسبة لي إلقاءه :good2:


سأنتقي قصيدة ..أصعب سؤال ؟! ..واهديها للغالية ..زادني غروري ...:flower:

( اصعب سؤال ) اللي جوابه للأسف مثله ( سؤال ) !!

ما هو تفلسف !! الا موقف صار واسمع " ثاني بيت" :



البارحه يومه سأل : ( وش ذكرك ذيك الليال ؟ )

كان الجواب بكل بساطه : ( من متى اصلا نسيت ؟ )



ادري بان جمع ( الصعوبه والبساطه ) شي محال !!

لكنها صارت كذا ! واللي (( اهم )) اني دريت :



ان الحياه فبعد احبابك اذا جف الوصال

اتعيشها لو تقتنع انك خلااص اصبحت ( ميت !!)


لن تستمتعوا بها ..إلا عند سماعها منه ...

هنــــا (http://www.youtube.com/watch?v=JMhj_V9xmPg)



***********

الشآعر حمدان آل مكتوم ( فزآع )

:flower:

طالبه تاريخ
04-07-2009, 01:36 AM
ذووووق يـا a7la student :good2:

.................................................. ...


آبيـات للشـاعر / حمدان بن محمد بن راشد



تعال يا وجه السعد واشطب على الوجه البغيض ... يا حــيٌك وطلتــك في وجهي بعد يا حيٌـها

تنعشني انعاش الشفاء العاجل لقلب المريض ... يا أيــها . . تـدري يا لبٌـــيك وش يا أيٌـها؟

ما انته بزيٌ الناس واكتبها لك بخط عريض ... تبغيني احلف ؟ لا ورب البيت ما انت بزيٌها

ياللي غرامك في خفوقي من كثر قدره يفيض ... النفــس تندب حظها والعين تبــكي حيٌــها

من عَوَضْـكَ لْيا فقدتك وان وجد كيف استعيض ... وانت النهار وشمسه وشجرة غلاي وفيٌها

هاجرت واصبح زوالك فـ عيني يهاجرني وميض ... يا أول جــروحي دخيل الله من تاليٌـــها

أحيا حلى وصلك واموت بكل برد وكل قيض ... تظما مشاعر خافقي لك وانت سبٌة ريٌــها

لبيك ياللي من عشقتك قمت احس اني حظيظ ... يا مغويٍ نفسي ونفسي ذايبه من غيٌــها

أنا اعرف ان كل الليالي سود وألايام بيـض ... دامـك معي ماهمني في كثرها وشويٌـــها


.................................................. ..


خلـف بن مشعـان

مناير الدوحة
04-07-2009, 12:48 PM
يقولون العرب صدر الشمالي .. مايضيق بساع
وانا اقول الصدور اليوم .. ماعادت شماليه

بدت في داخلي ضيقه عجزت القالها مطلاع
تغيب . وترجع .. وترجع تغيب ... ومالها نيه



عبدالرحمن الرويس

BINT ALDERA
04-07-2009, 02:29 PM
كذا وأنا جالـس ومقهـور فالبيـت = كسرت باب الصمت لعيون الأصوات
وفتحـت شبّـاك المحبـة ونـاديـت = وينك حبيبي؟ قلتهـا عشـر مـرات
اشتقت لك 00 ناديت لك بس ماجيت = وأنا أحترق لك شوق في كل الأوقـات
فكّرت إنـي أتصـل بـك ودقيّـت = وأذكر أنـا رقمـك نهايتـه تسعـات
غريبة إنـك شفـت اسمـي وردّيـت = والأغرب إنـك لـي تـردّ التحيـات
لنّي قبـل مـدة غلطـت وتماديـت = في حق قلبك لكـن الحـب مامـات
أبيـك تعذرنـي إذا كنـت زلّـيـت = وابي تسامحنـي علـى كـل مافـات
وابي ليا منّـك مـن البعـد عانيـت = تـدق رقمـي ونتناصـف بالآهـات
وابي ليا منّك علـى النـت خشّيـت = تفتح شظايا الشعر وتشوف الأبيـات
دامـك تربّعـت بخفوقـي وتكّيـت = أكيد بكتب فيـك يامشغـل الـذات
وعذراً على الإزعاج لو كنت دقّيـت = في وقت ماهـو وقـت للإتصـالات

*****

فارس برزان ( حمد آل ثاني )

الدوسـ2006ـري
05-07-2009, 09:46 AM
ما ودي اصحى من محبتك وأفوق
مجبور أحبك غصب ماهو أختياري

يا بعد قلبي ليه .. يا نشوة الشوق
هجرك تعب قلبي وأدى انهياري


**************

محمد جار الله السهلي

مناير الدوحة
05-07-2009, 01:01 PM
يضيق صدري كل ما هبت علي مـن الجنـوب
نسايمـن مـا ملـت طعونـي وقلبـي ملهـا


وارقى على مرقاب حزني واتحـرى للغـروب
وامسـك جدايـل هالحيـاة المدبـرة وافلهـا


وأشوف كيف الليالي تدور في الوقت اللعوب
واجمع مسائل هالبشر فـي دفتـري واحلهـا


والعن ابو الحظ الردي واستغفر المولى واتـوب
واقول يالله انك تعين اللـي صبـر ثـم شلهـا


ياسعود قرب لي مدام الوقت والعمر محسـوب
واسمع ياخوك ابيات من جوفي نويـت اتلهـا


لا صارت الدعوة مابين ضلوع صدري والهبوب
باقولهـا واللـي عقـد روس الحبـال يحلهـا


وش عاد نرجي من زمن صارت به اكبر الذنوب
انك على الباطل سيوف الحـق تنـوي سلهـا


اسلامك اصبح متهم والنور غيـب ومحجـوب
ودروبهـم يـا كثرهـا ودروبنـا يـا قلـهـا


خوينا تصـلاه نـار الكفـر ونشوفـه يـذوب
وحنى نترجى من عجوز الغرب ترهـي ضلهـا


لا عاد به فزعة ولا غيـرة وحيلتنـا يـادوب
نشجب ونستنكـر عساهـا تنسمـع او علهـا


صار التنافس بالطرب من اولويـات الشعـوب
الغانيـة صفـق لهـا والراقصـه طبـل لهـا


والموضة تحاصر تقاليد العرب من كل صـوب
وتفـوح دلتنـا زعـل واعوانـهـم تذلـهـا


والكل منا يشوف نفسـه للتخـاذل مغصـوب
وحلوقنـا ميتـه عطـش يالله طلبتـك بلـهـا


يالله سترك من علومن في خواطرنـا تجـوب
رحمـاك سهلهـا علينـا دقهـا مـع جلهـا


وياسعود خذها من نمط حكي على لسان القلوب
اربع نصايح لحياتـك ياعسـى توصـل لهـا


المرجلة هي البلـد وافعـال يمنـاك الـدروب
الأدمـي يولـد غريـب وليـا تسنـع دلـهـا


والكايدة تبغى ولد مـا هـو بطمـاع وكـذوب
والرابـح اللـي نفسـه لربـه قـدر يذلـهـا


وترى الكرم عند العرب يغطـي الاف العيـوب
وانك بخيل تساوي عيـوب العـرب ذي كلهـا


واحذر تحسب إن كل بير بدنيتك به ما شـروب
وإذا تجاهلـت الـعـواذل بتـمـوت بغلـهـا


وانا بـودع راس مرقابـي إذا حـل الغـروب
وباقـول يالله انـك تعيـن صبـر ثـم شلها





بركآت الشمري

سيدالمحبين
05-07-2009, 01:08 PM
بركات الشمري

الصبح هذا من بياضك كساني ..
.................... بسمه لها عامين مامرّت شفاي !!

كن النسايم من شذاها أغاني ..
................... كن الأغاني من شذاها/ هداياي !!

هاتي يدينك مابقى لي مواني ..
................... فيني من اللي راح مايخجل الجاي !!

ودي معاك ارجع/ ونرجع ثواني !
................... لـ جروح طابت / للتناهيد / لـ غناي !!

خليني افقد في مكاني / مكاني !
.................. ودي أحس بـ لهفة الروح / وخطاي !!

الليلة بـ سكب مابقى من حناني !!
..................الليلة بشعل داخلك شمعة مناي !!

فتشت في صدري عليك / ولقاني !!
................. طفل ٍ يفضفض للعصافير ... شكواي !!

أنتي له أجمل من كلام .. المحاني !
................. وانتي له اصدق من دموعي وبلواي !!

شقيت ثوب الليل يوم احتراني ..!
................. صبح ٍ يطل ابـ مبسمه في زواياي !!

الليلة بـ رجع طفل مملي أماني !!
................. واشوفك أحلى ما ملكته من اشياي !!

ودي أرطّب كلمة ٍ في لساني ..
................ جفّت ..... ومعها جف ّ مايشبه الماي !!

معاك ابذكر ضحكة اللي نساني !!
............... لعلي أنسى ..ضيقة ٍ داخل حشاي !

معاك ودي أرجع إنسان ... ثاني !!
............... وارجع معك وياك من دون ... وياي !!!



مطلوب ( الشاعر حمد بن صالح )

مناير الدوحة
05-07-2009, 01:29 PM
آسف على اللي رآح وآسف على الجآي
وآسف على اللي صآر مني وسويت

أرجوك تسمح لي على كثرة أخطآي
وأرجوك تغفر زلتي يوم زليت

وآرجع ترآني رآجع لك من أقصآي
وإن مآقبلت برجعتي لك , توفيت !

آثرك معك صبر وعزيمة لفرقآي
وأنآ آحسب إن مآلك أمل لو تحديت

خآبرك لذنوبي ولخطآي نسّآي
معقول لك عدة ليآلي مآسجيت

جلست أفكر في غيآبك وش رضآي
حسيت , مدري وش أنآ فيه حسيت

حسيت في ذنبي وفي كبر بلوآي
وإن الفرآق يقول وينك آمسيت؟

آخطيت في نفسي وفي وصفة دوآي
وأنآ من جروح الزمن مآتشآفيت

حآولت آصلح غلطتي غير مآمدآي
حتى آعترفت إني تجآهلت وآخطيت

واللحين جيت مندفع لك من أقصآي
وإن مآقبلت بردتي لك , توفيييت !



عبدالله علوش

BINT ALDERA
05-07-2009, 02:37 PM
الصداقه مثل بستان وانت وما بذرت
يمكن إنها تشح وتبور وأنت تعلها

والله إنها كنز الأرباح لامني تجرت
أتحرى الزود فيها وأحاتي قلها

وكاني قصرت في حق صاحب .. ماكفرت!
يمكن إنها زلة مابغيت أزلها

بس لامني دريت إني أخطيت أعتذرت
ميزة ماكل رجل يزل يدلها



الشاعر طلال السعيد

a7la student
05-07-2009, 08:34 PM
http://www.up.7ail.net/files/15035.jpg

الشآعر / طلال السعيـد ..

**********

ليش تزعل وانت ماتعرف ظروفي
ليش ما تسمع كلامي للنهاية
اقتنع بالعذر ترضيكم حلوفي
والله ان اللي حصل ماهو برضاية
من وعدني بلتزم بالوعد يوفي
ليش تلعب بي وتلعب في هواية
وكان خنت العهد فالحكم معروفي
الخيانة بالعهود أكبر جناية

**********

الشآعر / فيصل الحلبوص

:flower:

غربة الأحزان
05-07-2009, 09:18 PM
أقــول شــي(ن) طــاري ببـالـي الـيـوم
شوفـوا مسـار الشـرق ضـايـع مـسـاره
أي والله ان الـهـون حـــال الـعــرب دوم
مافيـهـم الـلــي سـيـد(ن)فـي قـــراره

آلشــَآعرْ : مآجــَدْ سَلمآنْ آلخـَآلديْ

مناير الدوحة
05-07-2009, 11:07 PM
كنت بختآر أبيآت بس مآقدرت لأن القصيدة كلهآ روعة فحطيتهآ كآملة , والسموحة من رآعي الموضوع على طول الرد :marsa117:


انا لو غايتي الجمهور .. أخسبق حسبة الجمهور
ولكن آخر همومي .. أشـوف النـاس طربانـه
من الممكن يموت أعظم رجل .. متشرد و مغمور
وقد يحيا الحرامي فـي تـرف ويطـول بنيانـه
بعض الاحيان نحسد صاحب الجاه الثري المشهور
وهو يشفق على نفسه ويحـس العمـر زنزانـه
لقيت ان المصايب ما تجـي متسلسلـه بالـدور
وشفت ان المغنـي ينتحـر فـي نـزف ألحانـه
رخيص المشط في نظرة صبايـا مالهـن شعـور
كذلك يرخص العاشق في شعـب مـات وجدانـه
انا مشتاق لـك يـا ذكريـات الواقـع المكسـور
انا مشتاق إلى الماضـي إلـى فقـره وحرمانـه
إلى اللي ينام ويترجى من أمه ما تطفـي النـور
إلى طفل أكبر همومه .. يـروح لبيـت جيرانـه
ويفزع لا سمع صوت المدرس يجمـع الطابـور
مثل مـا ترعبـه قصـة عـن الجنيـة مرجانـة
ومن قده إذا امه تمدحـه وتقـول لـه (شطـور)
يجي يركـض يوريهـا بفخـر كراسـة ألوانـه
تقول امه ترى ربك خلـق بـر وسمـا وبحـور
ويسألها .. هو اللـي خالـق الككـاو سبحانـه ؟
هو اللي خالق ألعابي ؟ يطالعهـا وهـو مسـرور
وهي تبوسـه وتتبسـم وتتبـرك مـن أحضانـه
يساسرها .. أبي أدخل مـدارس ماعليهـا سـور
طفل مؤمن بـأن امـه مـدار الكـون وعنوانـه
انا ذاك الطفل .. من كان يتوقـع أدش قصـور ؟
أزلـزل قلـب ساكنهـا وأخلـع عنـه تيجـانـه
يسابقني دعا أمـي ويسايرنـي غنـا العصفـور
إلى مدرستـي أتمشـى ولـي نظـرات نعسانـه
طفولة ما توقعـت الكواكـب فـي فلكهـا تـدور
واصير السندباد اللي كبـر مـا شـاف أوطانـه
واصير العاشق التايه .. واصير الشاعر المغرور
ولا إنسانـه تفهمنـي .. ولا تسحرنـي إنسانـه
تعذبني التفاصيل الصغيـرة فـي وجيـه الحـور
احب أتأمل أوثان الجمال .. ومـا أعبـد أوثانـه
وغروب الشمس يربكني إذا نزل دمـوع النـور
إذا راح الشفـق الأحمـر ينـقـط دم شريـانـه
وإذا مات الشجر واقف .. وحاول عالمصير يثور
لأنـه يستحـق يعيـش ولكـن المطـر خـانـه
فهل ينسى الشجر أوراقه الخضرا وحكي الزهور ؟
وهل ينسى صدى البلبل وهو يبكي على اغصانه ؟
هل أشياء الطبيعة مثلنا تملـك حـزن وشعـور ؟
وهل هـذي المدينـة مثلنـا سكـرى وتعبانـه ؟
كبرت وصارت أسئلتي ثقيلة .. وقمت أمد جسور
مع التاريخ .. ولا زالت جميع أسئلتـي حيرانـه
وشاعر مـا يسافـر بالبشـر للعالـم المسحـور
عسـاه يريـح حروفـه .. أوالله يقطـع لسانـه



فهد المسآعد

قصيد الليل
06-07-2009, 03:36 AM
جـــــــــــا يشوف الحال كيف بعد ما هزه حنينه
وقبل يسألني سألته كيف حالك يالحبيب
قال انا كني غريب ضيع دروب المدينه
قلت انا كني مدينه تنتظر رجعة غريب



مساعد الرشيدي:8888:

الدوسـ2006ـري
06-07-2009, 03:11 PM
جيتك بقايا حي كل اكثرة مات
وصلت لك بـ..آخر رمق من حياتي

جيتك خوي الخوف في رحلة الذات
بين الرجا وظروفي القاسياتي

جيتك من الفرقا كثير التلفات
جيت انتحر في نجلك الناعساتي

جيتك مزيج ..جروح.. ودموع.. وأهات
نديم لعيون الاسف والشماتي

جيتك شظايا تشتعل شوق بسكات
ما ادري حزن مدري سعادة اسكاتي

جيتك لو انتي سابع المستحيلات
اللي يحبك يصنع المعجزاتي

جيت استجيرك من شمس المتهات
عيت تظللني تحتها عباتي

وابـ... أتعفى عقب عذاب المعاناة
على رصيف اشواقك الدافياتي

تلقفيني من ايدين التشتات
صيري بحلاة الروح قارب نجاتي

هلا غلا يمحى كدر كل مافات
يامزنت افراحي ومنبع هناتي



******


سلطان بن وسام الهاجري

ام كــادي
07-07-2009, 02:09 AM
قال أنا عند ظنك قلـت لا بلـه
أختلف فيك ظني نوبه ونوبـه

قال واللي سواتك يدمح الزلـه
قلت والغلطه اللي منك محسوبه

من بغاني على الشده رفيق له
لا يقصر بماجوبـي وماجوبـه

الرفيق المهجـن رفقتـه علـه
لابس لي عباة الـود مقلوبـه

لو يجامل معي والكره مشتلـه
المحردب تشوف الناس حردوبه

والشجاعه رجوله والردى ذلـه
لا تحن الحصان إلا من ركوبه

يارفيق يحـد السيـف ويسلـه
كل ما أقفى رفيقه حش عرقوبه

رفقة مالهـا مذهـب ولا ملـه
يالله العفو والغفـران والتوبـه


بنت العطا

رهينة حب
07-07-2009, 05:11 AM
فكرت عقبك وش حياتي بدونك ؛؛
لقيتها دمعه حزينـــه بلياك

حاولت في صمتي أكذب وأخونك ؛؛
لقيت صمتي عايش طيف ذكراك

***********

الراسيه

الدوسـ2006ـري
07-07-2009, 09:34 AM
اما تموت لظماي او تشربن كلي
والا نتلاقى وكلن يشرب الثاني
كم ليلة ما رشفت الماي ياخلي؟؟
يبسن حنايا الضلوع وجيت شفقاني
اهـرجك لا متى ياصاحبي قلي؟؟
الى متى الموت لا شفتك تغشاني

**********

ضيدان بن قضعان

%ذيب قطر%
07-07-2009, 02:40 PM
يامرحبا ترحيبة كلها لش *** تكسيش من راسش الى حد ماطاش

من قلب مهيوم بحبه صفالش *** يلعب به الغربي ليا سمع طرياش

يفرح لمن قالش كيف حالش *** لولا غلاش وحشمتش كان ما جاش

وانقلتي انه غايتش شف بالش *** كنه مللك يعرب من الطاش لطاش

يابري حالي وين مالي ومالش *** لا والله الا لي ولش لعن با الاش

من هامتي لمحزمي لش حلالش *** بيتش فدييتش واسكني باوسط الجاش

ام ابتلش بي وانا في شبالش *** غديت كني من شرا علته كاش

انا في وجه امش وابيش وخوالش *** ماجيت لى حاجه وعود على ماش


++++++++++++++++++++++++++++++++++++++++++++++++++ +++

بندر بن سرور

الدوسـ2006ـري
07-07-2009, 03:11 PM
يا مل قلـب كـل مـا مـات همّـه
دارت دواليب الدهـر ليـن تحييـه
فـرّاق شمـل النـاس عيّـا يلمـه
وقتن يشيب الراس من شايـة فيـه
أحدن ينـام و حـط راسـه بكمـه
و أحد تخم النوم عينـه و تخطيـه
و أحدن يحاول بالردى بنـت عمـه
و أحدن يحاول ستر عذرا عوانيـه


**************

(( محمد الاحمد السديري ))

ام كــادي
07-07-2009, 09:55 PM
كم واحد له غاية ماهرجها ..... يكنها لو هو للادنين محتاج

يخاف من عوج طوال عوجها ..... هرجة قفا يركض بها كل هراج

يقضب عليك المخطيه من حججها ..... حلو نباه وقلبه اسود من الصاج



حوقان المالكي (رحمه الله عليه)

alJo0o0o0ohra
07-07-2009, 11:35 PM
ياسيدي ادرى بحالك وانت تعباني

وان كان علمك تناقص ودي ازيده









\
/


الـفـرزدق

%ذيب قطر%
08-07-2009, 12:37 AM
وأطلس عسال وما كان صاحبا *** دعـَوت بنـاري مـَوهِـنا فأتـاني
فلما دنـا قلت ادن ،دونـك ، إنّني *** وإيـاك في زادي لـمشـتـركـان
فـَبـِتّ أقـُدّ الـزاد بـيـني وبـيـنــه *** على ضَـوء نـارٍ مـرّة ودخـان
فقـُلـت لـه لـمّـا تكشّـر ضاحكـا *** وقائـم سـيـفي من يدي بمكـان
تعـشّ فإن عاهدتني لا تخـونني *** نكن مثل من يا ذئب يصطحبان


+++++++++++++++++++++++++++++++++++++++++++++++++

راكان بن حثلين

alJo0o0o0ohra
08-07-2009, 12:45 AM
يا زيـن يللـي في ذراعـك نقاريـش
الحكم حكم الله وحكمـك على الـراس
إن شيتني حشـاش سيـد الحواشيـش
وإن شيتني حطـاب قـرب لي الفـاس

\
/


أحمـد الصـانع

غرفاوي قطر
08-07-2009, 01:06 AM
ياحادي الحلم .. .
عندي مانقص [ قدرك ] ،
في البال تبقى /
وهـ النسيان ..
مو حولك !

لازلت واقف بـ وجه الريح ..
و ( أنتظرك ) ،
لو كنت عايش شعوري ؟
طحت ،
من .. . طولك !

بدر بن عبد المحسن

alJo0o0o0ohra
08-07-2009, 01:14 AM
في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..



\
/


سعد علوش

الدوسـ2006ـري
08-07-2009, 11:24 AM
اخر حركات التدلع والغنا
اللي اسمها(مها)وفي الدلع(مهاو)

فرفوره تسلف الشمس السنا
مغويه ويطرد وراها كل غاو

ان وقفت كل شي متباعد دنا
وكل شي متلخبط مع الوقفه تساو

واليا مشت؟ قال النمل: الله لنا
تقاو ياجوعي على صبري تقاو

ذروة ترف..ذروه غنج..ذروه هنا
جمالها مايستوعب وماينتقاو

في جنبها: نوره وعبير ومنى
شباب...وعند البل وكشختهم فراو

مخلوق لامنه انثنى يعني انثنى
كل الزوايا تستقيم اليا تزاو

يابوي شي لايوصف ولا ينجنا
يسبب لك جروح لايمكن تداو

مثال: لاجاعت وطال بها العنا
كل الحلاو اللي على هالارض جاو

هي جايعه؟؟ يارب تاكلني انا!!
هذي سواليف الحلاو...مع الحلاو

واليا كلت اطرف حلاوه من هنا
كل الحلاو يشوفها ويقول((وااو))!!!


******************

(( خليل الشبرمي ))

BINT ALDERA
08-07-2009, 03:04 PM
^^^^ :good2::good2:


وش اللي صار ما ندري .. ولا ندري وش اللي صار
ولا نـدري وش اللـي بالليـال المقبـلات يصيـر
تعلّمنا مـن اسـرار الحيـاة .. ان الحيـاة اسـرار
وتفسيـر الحقيقـه .. بالحقيقـه مالـهـا تفسـيـر
ومن غـدر الزمـن كـلٍ يقـول ان الزمـن غـدار
فكم ممسي على قمـة جبـل واصبـح بقاعـة بيـر
ومن مكر البشـر كـلٍ يقـول ابـن البشـر مكـار
فكم بالناس حامل مسك وكـم بالنـاس نافـخ كيـر
صحيح ان الصحيح اصبح خطـا والعـار ردّ العـار
ولكـن مالنـا حيلـه ولانقـوى عـلـى التغيـيـر
نشوف اللي نشوفه مـن مصايـب واليديـن قصـار
تحت رحمة رحيـم وفـي رجـا الله والـي التدبيـر
نسوق العِيـر بامـر الله ونمشـي لآخـر المشـوار
وعلـم الغيـب عنـد الله وبامـر الله تسيـر العِيـر
نعايـش وقتـنـا ونسـايـره ونـقـول ياسـتـار
علينـا تستـر بستـرك وبـامـرك يالله التيسـيـر
نفكـر بالليـالـي والليـالـي تفـخـت الافـكـار
ولازلنـا نفكـر كيـف ممكـن نتـرك التفكـيـر
وش اللي صار ماندري .. ولاندري وش اللي صـار
ولكـن كـل شـيٍ ممكـن انـه بالحيـاة يصـيـر


الشاعر الدكتور سعود بن عبدالله آل سعود

ام كــادي
08-07-2009, 04:25 PM
حنين وشوق واحلام كثيره والحقيقه عذب
حلاته في عذابه من دخل دنياه يشقا به

عظيم الحب وانت اعظم واناعظم من جرح في الحب
حياتي عطرها نفس الشعور الي من اسبابه




تركي الميزاني

الدوسـ2006ـري
09-07-2009, 10:17 AM
ماني مجازيك في صدك وهجرانك
ودعتك الله وتلقى .. واحدن ثاني

اتعبت الاعيان والاقدام من شانك
وانته ولا شي سويته على شاني

فزيت لك يوم قلت اسمك وعنوانك
لو كان ما تنتمي لأسمي وعنواني

ما جيت ادورك .. ولا اطق بيبانك
والا اترجاك مثل .. فلان وفلاني

انت الذي جيت لي .. واعلنت بلسانك
انك على شوفتي .. جايع .. وعطشاني

صدقت هرجك ولو مااثبت برهانك
واقبلت لك مندفع من كل وجداني

ما كنت افكر يجي في يوم نسيانك
وانساك وانته معاهدني مااتنساني

****************

(( حمدان المري ))

إماراتيه كول
09-07-2009, 11:56 AM
أقول بنسى وأحسب انـي نسيتـه

الحب الأول صعب نسيان راعيـه


عانيت في بعده كثـر مـا هويتـه

لا احتلت في قربه ولا نيب ناسيـه


لو اني أقـدر جيتـه كـان جيتـه

اللي بقوله آآآآه ويلي علـى أجيـه


بس البلا أنـي كلمـا جيـت بيتـه

أخذ ثلاث أيام مدري (شنـا) فيـه


ليل ونهـار وليـل واللـي قفيتـه

وأنا مابين أسمه ورقمـه وطاريـه


الله عطاني مـن غـلاه وعطيتـه

وغيره بغى مني ولانيـب معطيـه


قالوا هويتـه قلـت أأيـه هويتـه

قالوا تركته قلـت مانـي مخليـه


له منزل" في وسط روحـي بنيتـه

جدرانه ضلوعي وهو ساكن" فيـه


دورت له بيـن الضلـوع ولقيتـه

خلف الضلوع يبين(ماطى)خطاويه


واليوم لا أحتجت اللقا ماأحتريتـه

حتى ثره من بين الأضلاع ما حيه


ياجعـل يسقـى عادنـي لا بغيتـه

يغفى على ضلعين صدري وأصحيه


ما فيه شخص في حياتـي بكيتـه

الا الذي قد مـات مانيـب راجيـه


لكـن هـو حـي ومـع ذا رثيتـه

من قلبي اللي أحسـن الله تعازيـه:cry:


حملـت قلبـي بالهمـوم ورجيتـه

كني ما عرف الا غيابـه وأحاتيـه


أقـول بنسـى وأثرنـي مانسيتـه

الحب الأول صعب نسيان راعيـه







:wub:








|--*¨®¨*--|محمد المنهالي|--*¨®¨*--|

الدوسـ2006ـري
13-07-2009, 10:37 AM
حل في ليلة غيابك بالإمارات الركود
والشوارع والمداين ما بها غير الهبايب
والعلم حشمه لزايد كبر وصلى سجود
وانتكس معلن حداده قال للمغفور واجب


********************

(( خلف بن هذال ))

ام كــادي
13-07-2009, 07:07 PM
البارحه اللـــــيل ماغمضت به كـلـــــه أراقب الصبــــح جالــــــس واتـحرالـــه

أبعث شــــريط مضى وأطويه وافلــــه وأقــــول مــــن يحفظ التاريخ لجيالــــه

قل للــــــــــعراقي يفتش جعبته قلـــــه......... يلقابها شـــــيء مايطري علــــى بالـــه

الهم والغم والطاعــــــــــون والعلــــه.............. حقـــــــــه لحاله كفايــــــه حقه لحالـــه

من صفعة ذاقهــــــا بانت به الخلـــــه ...........يذكـــــــر هزيمة شهر شعبان وهلالـــه


(الراسيه)

الدوسـ2006ـري
14-07-2009, 11:50 AM
مليت وأنا أنتظـر ودي وماودّي *** مليت من كثر ما أحدك على الجيّـه
يافاهيا والهجر ماهوب مـن جـدّّي *** تو الهجـر تو مابانت مواريّـه
يوم أمطر الحب قلبك واقفٍ ضـدّي *** زعزع نفوذ الغلا وأشعل محانيّه
راح الغلا لعنبو جدك علـى جـدي *** يالعنبو الحب واللي يجيـب طاريّـه


******************

(( أسير الشوق ))

لونلي قطر
14-07-2009, 12:34 PM
ملـيـت مــن كـثـر المـلـل ملـيـت ................ حتى الملـل قـد مـل مـن صبـري
يالـيـت مــا تنـفـع مـعـه يـالـيـت .................... صار الحـزن هـو ليلـي وفجـري



( محمد جاَر اللهـ السهلي .. )

الدوسـ2006ـري
14-07-2009, 03:18 PM
البارحه يومه سأل : ( وش ذكرك ذيك الليال ؟ )

كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

ما كانت العبره تولجني اليامنك طريت ؟!

شفني قدرت احبس دموعي بس ( دمع القاف ) سال

ويا كبرها ساكت ولكن داخل اوراقي بكيت !!

عمر الحكي ما كان دافي لا ابتدى بقولة تعال

لجل اتجاهل رجفة حروفي اليامني حكيت ..


********************

(( حمد البريدي ))

الطبيب1
14-07-2009, 03:26 PM
لا تراهني علـى الفرقـااا ولا تخسـر رهانـك !!
دامني واقف بوجـه الوقـت .. وأتحـدى ظروفـي

تشهر سيوف الجفا عمدا" .. وظنك فـيّ ( خانـك )
بس انا حاشم غلاك .. ولا حشى ما اشهر سيوفـي

المشاعر ( بيت حاتم ) .. والمحانـي زعفرانـك !!
وانت /واشواق المحبه / وآخر آمالـي .. ضيوفـي

اقدع .. انفاس المحبه .. واطلق لعذري عنانـك !!
ما يوازي خوفك المكسور .. ربع اكسـور خوفـي

قد حلفت إني ابيك .. وعادنـي واقـف وزانـك !!
وابتعدت ورغم كل اللي جرى .. ضاعت حلوفي !!

الله اكبر .. ماسك ٍ دمعي .. قبل ينـزل عشانـك !!
وعادني بخفيه .. سالـت دمعتـي داخـل حروفـي

روح وابعد / بس والله .. إن مكانـك هـو مكانـك
ارقب ( رجوم الاماني ) .. بالأمل وآامد شوفـي !!

وكل ما غنى ( محمد ) .. والله واحشني زمانـك !!
قلت .. جعله الزين / كنه .. وايق ٍ في وسط جوفي


نايف بن عرويل " الصامل "

الدوسـ2006ـري
15-07-2009, 03:12 PM
فمـان الله ياضـي البـلاد وطعمهـا الحالـي
فمان الله ياضـي البيـوت وضـي ناضمهـا
كلامن مر بغيابـك قريتـه بالخـلا الخالـي
طوته البيد من حسـه وغيـر فـي معالمهـا
كلامن سابقـه دمـع ٍ علـى الخديـن همالـي
من عيـون ٍ شقاويـه تخلـت عـن تجهمهـا
يفوح من القهر دمعي واناما ارسلت مرسالـي
اجل وشلون لا بانت حروفـي فـي مقادمهـا
ابتذكر خطاك الـي تضحـى بآخـر آمالـي
وضف هموم هالدنيـا علـى قلبـي وليمهـا
ترى مايذبح الواحد يكود الجـرح مـن غالـي
وجرحك كل ما يطري على روحـي يئلمهـا
انا مدري وش اكتبلك ولا ادري ويش منوالـي
ولا ادري ليش انا انقالك بيوت الشعر وانضمها
وانا ادري منت سامعها وقلبك دالـه وسالـي
ولاكن دايماً بصخر علـى شانـك ملاحمهـا
والامن مربي طيفك وانا في مرقـب ٍ عالـي
بدون شعور ببنيهـا علـى شانـك وبهدمهـا


**************

(( مطلق بن شويه ))

alJo0o0o0ohra
23-07-2009, 03:37 AM
تهنّفـي بشـويـش ياشيـخـة الغـيـد
يامـا عليـك أتـوق يامـا و يـامـا
قدمْـك لا قبّـل ثـرا الـقـاع والحـيـد
خطوه على غيمه وخطوه على ( على ما )
تشربـك الارض وترتـويـك العناقـيـد
ليـن الغصـون مـن الهبايـب تـوامـا
ياضحكـة الوسمـي علـى غـرّة البيـد
لا قـام ضحضـاح السـراب إيتـزامـا
ميلـي بـعـودك للـقـاء والمواعـيـد
وأعتدلـي بطـاري مـواصـل و لامــا
وتسامـي وعــدّي حــدود التقالـيـد
وأنـا بصافـح راحـتـك وآتسـااااامـا
ننـثـر تبـاريـح الـولـه والتناهـيـد
ونجمـع سواليـف النـفـل والخـزامـا
قبلـة حـلا كلّـك مـن الإيــد لـلإيـد
ديمـومـةٍ منّـهـا الجـمـال إيتهـامـا
إطلالتـك ماكنّـهـا الاّ ضـحـا العـيـد
لا لاح نـوره فــي عـيـون اليتـامـا
لو ينكشف صبحك مـن الـراس للجيـد
ويبـيـن لـيـلٍ للهـبـوب إيتـرامـا
واللّـي خلقنـي مانـي بمطلـق عبـيـد
إن كـان ماضاعـت عـلـوم النشـامـا


\
/


فهـد المسـاعد

غرفاوي قطر
23-07-2009, 04:21 AM
أشتاق / لك
وأوقف على مطلع شعر قلته خبال وراق / لك
وأدوّرك
أنا أذكر أني قلت / لك
الشعر هذا مايليق ..
وجاوبت ِ : لكن لاق / لك

* * *

شيطانه أنتي
ماتحبي من بناتي الا بنتي اللي أنتي فيها بنتي
كم صار لك يابنتي
ماعاد بيّنتي
مدري ليه ! ..
يا أنتي كنتي منتي انتي يوم شفتك !
والا شفتك ..
يوم انتي منتي كنتي أنتي !

* * *

يا اجمل من عيون خل ٍ ينتظر خله
بغمازتين وسله
فيها سحاب وعيد
وطيور مبتله

* * *

آه لو تجي ..
تسقيني الحب الغزير
وأخذها بيديها وأطير ..
مدري لـ وين !؟
لكن أطير ..
ومتى ماينهكنا الهوى
أذوب وتذوب .. وتمرنا أسراب الغيوم
وأصير أنا غيمه
وتصير هي غيمه
وأسيل أنا فـ وادي
وتسيل في وادي
وأقول للمفرق :
محدٍ سأل عني أو مر من حولك
ويقول لي المفرق :
أسمع سراب أصوات فيها من هطولك
وأظنها كانت
لـ أهل ٍ ينادولك
وأصيح به : تكفى
يامفرق الوادي
أنا هنا مليت
مادلني أصحاب
ولا دلّني غادي
قبل انطفي وأجف
(خذني على بلادي)


سعد علوووش :s21:

alJo0o0o0ohra
23-07-2009, 04:39 AM
الطايش اللي محتمينه ما قـووه
كل العيون اللـي تحبـه باعتـه


أوفي شهوده ساع ما بيع جحدوه
وأغلا شموعه يوم قفـا ماعتـه


يهل السخافه واللقافـه جنبـوه
خلوه يخطـي دامنـي شماعتـه


خلـوه يجمـد ويتبعثـر كلبـوه
ما دامني في حكمه وفي طاعتـه


لأنه خليط من التغاضي والنبـوه
ومواقفة تبنـي علـى قناعتـه


قاسي ولو تضايقه ما قـال أوه
وقساوتـه آخـر دلـع مياعتـه


مدلـع خلقـه وناسـه دلعـوه
والنفس ما تشبع به اليا جاعتـه


يغيب ويدري أن المعاليق فقدوه
ويرجع بصوت جعلني ما ناعتـه


فلابث رقمه شاشة الجوال أتـوه
وأقول يا ربي تبـارك ساعتـه


جوالي ليا منه دق وقـال ألـوه
تذوب أذانـي علـى سماعتـه


لبيه يا كلماتـه ولا فـض فـوه
أموت في ضحكتـه وأستمتاعـه


لا تنشدوني ليه أحبـه أمشـدوه
حبه محببني وسبـب وداعتـه


من كثر ما أحبه أحب أمه وأبوه
بالمختصـر أحبهـم جماعـتـه


\
/


حمد السعيد

غرفاوي قطر
23-07-2009, 04:41 AM
كنت باطلع بس دامه حمد السعيد بشاارك لجله والله

والله انى كنت ألوم اللى يضيق أن غاب خله
لين جربت المحبه والفراق وقلت توبه


لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه

وأثر كلن فى حياته له تجارب مستقله
وانت لا تشره على مثلى وتبلا لك بحوبه

كان جابتك.. الحميه روح له تكفى وقله
لا يخلينى واذا وده يخفف من ذنوبه

يستخير وله غلا قلب صدوق مايمله
فدوة له كل قلبي من شماله لى جنوبه

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى بارده من برد فنجاله وزله
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بلادى مع شعارات العروبه

كل هاجوس يجيبه جعل شعرى فدوة له
وأعذابى كل ماجبت لى الجبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

بعد حمد السعيد

alJo0o0o0ohra
23-07-2009, 04:46 AM
:s21:


قصيدهـ يالج ـا ـامعي :s21:


\
/


يا الجامعي ويا الجامعيه بفرّج = عن خاطري بقول تكفى وتكفين
من بينكم بنزع سلوك التحرّج = وأبى تذكر ما مضالي من سنين
أيام كان الكحل فيها تبرّج = لكن حقيقه كانت أجمل من ألحين
أذكر وانا أجلس بآخر مدرّج = مدري كسل ولا عشان العزيزين
وكان الطموح وكان حلم التخرّج = وعشقن بدا من يومنا مستجدين
كان الطريق لمنطقتنا متعرّج= كانت مسافه ولازم نصب بانزين
وكنا نجي لكن عقب ما انتجرّج = مخالفات ونوصل من الاخيرين
لين انصدمنا بواقعن بالتدرّج = ماكو وظايف جن حنا ملايين
وإلي توظف صار مثل المهرّج = عكس التخصص وظفوه المسمين
والعشق راح ومع هالايام درّج = حلمن وتحقيقه قضيه فلسطين
يالجامعي فضفض همومك وفرّج = خلك على بدري ولاحق وبعدين
انطعتني يا الجامعي لا اتخرّج = خلك على هالوضع بين المزايين
يكفي اتمتع ناظرك بالتفرّج= وأحباب قلبك عند عينك اقريبين
قزر حياتك بالغزل والتهرّج = وعن الوظيفه مش بوزك من ألحين
خصوصا اسمك كان حروة مفرّج= والله لتبطي ما توظفت يا شين
يكفي على الوضع السياسي انعرّج = غلطاتنا والنفط سعره ترى زين
وضعن مرير وجعل ربك يفرّج = وابختصر دام المباحث قريبين

\
/


خليل الشبرمي

الدوسـ2006ـري
23-07-2009, 12:35 PM
قلت: حق .. وقال: لا بالله زيف
قلت: عندي ما يبرر موقفي

قال: كيف ؟ .. وقلت له: كيف كيف
بعد ذالمده تقول أنك وفي

زل صيف .. وزل صيف وزل صيف
من ثلاث سنين وينك مختفي ؟

كنت طيف وجيت طيف ورحت طيف
والأمل لا طال شمعه ينطفي

قال: أحبك .. قلت: حبك حب حيف
مااقبله لو كان حسنك يوسفي

ما معي للحرب لا حربه وسيف
من غرابيل الليالي مكتفي

وعطر باريسي وساعه من جنيف
ما تفيد .. ولا تغير موقفي


*******************

(( نواف الدبل ))

alJo0o0o0ohra
23-07-2009, 12:44 PM
لاجتمع بالبـال شعـرٍ معـه فكـرٍ نبيـه ... قلت سلّم لي على الليـل واللـي يرقـده
اتأمـل بالزحـم هالوجيـه وهالوجيـه ... كن بسماتـك تجـي وسطهـا مستقعـده
تنفض احساس الشعر بي .. عن بكرة ابيه ... كنـك اتغششنـي اول وثانـي مـفـرده
من ضحايا حيرتك.. يوم لا, ويـوم أيـه ... لا تعلقنـي بحبـلٍ , وتـرجـع تعـقـده
مثل غالي بعض الاوقات مـاودك تجيـه ... ومـا تحـس بقيمتـه غيـر لمـا تفقـده
تنثره من ويـن مـا شئـت ثـمٍ تحتويـه ... ثم تنثر كـل قطعـة تجـي علـى حـده
دام قلبـي ماخـذه ماخـذه.. قلّـي ابيـه ... خلّنـي اعطيـك قلـبٍ بحالـه جـيّـده
كيف ارضى و اتسلل ورا قلبك واجيـه ... كيف اقنع بالتسلـل وهـو لـه مصيـده
لا تفاضلني بغيري و انـا مالـي شبيـه ... خص لاجـات الموازيـن حيـل معقّـده
لارتفع سعر الدراهم على حساب الجنيـه ... حـظ قـومٍ يتعسـه عنـد قـومٍ يسعـده
ما يعاب اللي مسك شوكه وياكل فيليـه ... كيف ياكل فـي يمينـه .. وكـلٍ ينقـده
يعرف آداااب الأكـل ماكـلٍ ممـا يليـه ... قال حق الناس للناس , مـا طـوّل يـده
اتكلم مـن مـراره وحالـي لـك عليـه ... شايف ان الغيـره احيـان نـارٍ موقـده
لاطلبتك تلتفت, التفـت مـن غيـر ليـه ... تفهم اللـي اقصـده و اللغـات موحـده
لا تشد الحبل بالحيل لـي حاجـات فيـه ... جوّد انته من هنا , ومـن هنـاك اجـوّده
الصدف ما تجمع الناس بالشانـزي لزيـه ... والقلوب اتجمع الناس لـو هـي مبعـده

\
/


" تركي المريخي "

ام كــادي
23-07-2009, 03:10 PM
الناس ماتعطي من الخير ياهلال = الله كريم ويعطي الخير كله

ياصاحبي راحت سواليف وآمال = ياصاحبي بالله وصه وقله

حرف كتبته جاء من الطيب يختال = والشعر سيف في مجاله نسله

وقتٍ مضى كله مروات ورجال = يازين ذاك الوقت يازين دله

واليوم وقتٍ فيه نازل ورحال = أحد رضى بالوقت وأحد يمله

صارت سواليفهم عن القيل والقال = وان جاك طيبهم تقل فيه خله




عبدالله بن حمير القحطاني

alJo0o0o0ohra
24-07-2009, 06:08 AM
وين انت عندي لك كلام
دورت لـك ويــن اختـفـا
عقبك على الدنيا السلام
مــن قــال بالدنـيـا وفــا
وان دمت لي فالعمر دام
وان غبت فالذكـرى كفـا
طويت صفحـات الغـرام
ياجمـر فـي نــار وطـفـا
عام يجـي ويـروح عـام
ملـيـت حـرمـان وجـفــا
حـزيـن والدنـيـا ظـــلام
وابكي على ايـام الصفـا
تنـام وعينـي مــا تـنـام
تبـات وجفنـي مـا غـفـا
وان مت ردي لي سـلام
والموت حـق ومـن نفـا
وين انت عندي لك كلام
دورت لـك ويــن اختـفـا


\
/


خـالد الفيصل

ام كــادي
24-07-2009, 05:16 PM
ابي منه الخبر ويقول لله
لفى المرسول ماعين محله

قلبي تايه من العام الاول
الا يالله تيسر من يدله


(تركي المطيري)

الدوسـ2006ـري
26-07-2009, 10:26 AM
مانيب مجازيك في صدك وهجرانك
ودعتك الله وتلقى واحدن ثاني

اتعبت الاعيان والاقدام من شانك
وانته ولاشي سويته على شاني

فزيت لك يوم قلت اسمك وعنوانك
لو كان ماتنتمي لأسمي وعنواني

ماجيت ادورك ولا اطق بيبانك
ولا اترجاك مثل فلان وفلاني

انت الذي جيتني واعلنت بلسانك
انك على شوفتي جايع وعطشاني

صدقت هرجك ومنطوقك من لسانك
وقبلتلك مندفع من كل وجداني

ماكنت افكر يجي في يوم نسيانك
وانساك وانت معاهدني ما تنساني

الا بعد ما قريت الكذب بـ اعيانك
حاولت اوادعك وانسى كل ما كاني

خلاص ماني متعني على شانك
ودعتك الله وتلقى واحدن ثاني

*************

(( مدغم أبو شيـبه ))

BINT ALDERA
26-07-2009, 05:13 PM
سلام الله على أول من عزف جرحي من الأحباب
سلام فيه من عمق المحيط و عرضه و طوله

على الي قبل أعرفه ما انفتح للحب عندي باب
جميع أبواب قلبي ع الناس مقفوله

يصير البحر بعد الموج الأزرق كومتين تراب
و أنا أحبه و أحبه مثل حب الأرض لرجوله

أحبه و أعشقه و أغليه و الدنيا جناح ذباب
ما تسوى في عيوني هندبه كابه و مريوله

دموعي و ابتهالاتي و حسراتي عليه أسراب
يدور بها زمان الصمت من حوله ليا حوله

وقف بيني و بينه ما يسمى قسوة الأقرابر
و صار مواصله يا ناس لا جيتوه قولو له

****

الشاعره ( بخوت المريه )

shinichi
26-07-2009, 05:53 PM
أوه طلعت شاعرة ...وقايم سيطها ....

.

.

عجبني لها هذي الأبيات ...

العب المنكوس وارفع بصوتي ماعلي =من هل المنقود واهل العلوم الهينه

صح لسانش .... اللي يدور رضى الناس يتعب ...

ليته يناديني وانا بس اناديه = واجاوبه ياحسين ولو كان مره

:cry: .... أفا بس لا يكون حسين مب داري عنش ولا عن أراضيش !!

ياعلي ياخوي وين بدواني غــدو=لا خبـر ولا مـديد ولا قلبي بنيـس
راحوا العربان في شف قطعان البدو=في هوى الخلفات ماراوزوا يوم الخميس
نحف حالي ياعلي نحف مدراة السدو=وزوع قلي زوع حر (ن) إلى شاف القنيص

يسلمون الناس اللي يعرفون للبداوة .....^_^

المرسدس محلاه في طلعت ام حويض= اليا عطي ثالث جاوب السير شكمانه

:cus2: ولها باع في السيارات .... ما خلت شيء بنت الأجاويد ....

وخلاص ....

.

.

أما أنا مستغرب ليش تدورون شعراء برى .... ومخلين شعراء المنتدى....:chair:

أبي بيت شعر .....حق الشاعر ).( النظام العام).(.

تحياتي

بنت طلال
26-07-2009, 06:06 PM
ههههههــ من وين نجيب لك من اشعار النظام
ادري انه عنده <_< بس شنسوي
لكن اعتقد انه هالبيت من كتاباته :kkk:

( عزتي صارت أم وانا توّي شباب....هذي عزة النفس وهذي سواياها )


للشــاعر ، فهد معتوق (ساقي الشوق)

الدوسـ2006ـري
28-07-2009, 10:03 AM
كنت فيوم محبوبي ولكن مااظن نعود
وصل من قبل ماتوصل وانا ذاك الصبر عفته

ولكن تكفى صدقني ويشهد ربي المعبود
ترى ماخنتك بـغفله ولاكلمته وشفته

صراحه اهلي قالولي بأنه ولد اصل وجود
وجتني امه بالصوره وبكلمات المدح اخـته

سكت وقلت ايه فرصه مدام الجود بالموجود
وقاوا كل من حولي علامات الرضى سكته

وانا فكرت دام امه واخته ماعليهم زود
اكيد اني براضيهم اذا وافقت واخترته

واراضي اهلي واخواني مدام ان الفرح بقصود
عطيت الناس انا كلمه ومعاهم وقتي حددته

ولااقدر اغيرها ترى عند العـرب منقود
اوافق واعتذر باجر واقول الرأي غيـرته

************************

(( سعد ابن جدلان ))

رهينة حب
28-07-2009, 11:13 AM
انا وين ابلقى يالاجاويد فاعل خير

حريصٍ على سر المحبين لرسلته

امنول لو اصبر عام مابان بي تاثير

وهالحين حتى صبر يومين ماحتلته

انا مثل صقار ٍ تولع بحب الطير

ولف قلبه فروخ الصواريم وهبلته

تولعت في فرخٍ قضيبٍ يتل السير

ابي لمحةٍ من نظرة الحر واسبلته

*************

خالد المريخي ^_^

الدوسـ2006ـري
28-07-2009, 11:44 AM
ما بيّن بعينك على كثر ما جاك

لا واحسافة ليتني ما عطيتك

تخطي وأعذرك وأتحمل خطاياك

هويت غلطاتك كثر ما هويتك

ضحيت بالدنيا علشان دنياك

خليت كل اللي يبوني وجيتك

كنت بعيوني وين ما أطالع ألقاك

حتى لو غمضت عيني لقيتك

من كثر ما أحبك وأقدرك واهواك

ما أذكر اني في حياتي عصيتك

ولا فاد كل اللي أسويـه وياك

أتعبت قلبي ليتك تحس ليتك

والحين روح أرجوك ساعدني أنساك

لا تجي حتى لو اني بغيتك

وان مر في بالي بقايا لذكراك

بحاول أنساها مثل ما نسيتك


*********************

(( حمد السعيـد ))

ام كــادي
29-07-2009, 01:54 AM
أوه طلعت شاعرة ...وقايم سيطها ....

.

.



!!!!!!!!!!!!!!!!!!!!!!!!!!!!!!!!!!!!!

مو كأنها اهانه

سوسو قطر
29-07-2009, 02:03 AM
مات الجمر وقلوب الأحباب حيه
والموت لا ماتت قلوب الحبايــــب
العام كان لي من الأحباب ميه
وقت الرخا لكن جفوا بالنوايــــــب
لاهنت يا قلب شكى من خويه
كم راس من طعنات الأحباب شايب
مرات أقول أن الخبل يا هنيه
ولقيتهم يشكون من ظلم القرايــب
ومرات أقول أن النذل نارهم حيه
وأثر النذل في بعض الأوقات صايب
يانفس شيليها على السامريه
شيلة طرب ماعاد فيها طلايـــــــب
وش لي بتنبيه القلوب العميه
وحنا بهب الدنيا دروب وركايـــــــــب
أبتغزل في هذيك البنــــيــه
بنت تفـل القلب فل الذوايـــــــــــب
كم بعثرتني واجمعتني هنيه
بنفس المكان اللي جمعنا غرايــــب
يا ضعفها معهم وعندي قويه
منها غدا ثلثـــين قلبــي خرايــــــــب
مرباعها بين القلوب الشقيه
ومقياضــها بين الجروح القطايـــــــب
مأقول زينها يذبح بس هيه
تلفت لها قلــب عن الحــب تايــــــب
تلفت لها عود عن الحب تايب
ما أقو مغروره ولا هي حليه
فيها طلع طفـــل تبــــناه شايــــــب
جمال نجد وفتنة حايليه
وش جمع الثنـتين فيها عجايـــــــب
إليا أقبلت بين حسنات وسيئه
يا كثر ذنوبي بين طيب وغصايــــب
وإليا ادبرت فيّ دمعتين نديه
قلب معاها وقلب في الصدر ذايب
راح العمر مابين روحه وجيه
ياكثر غلطاتي ولانـــي بهايـــــــب
شب الجمر ما دام الأشواق حيه
وطف العتب والعمر ضحك ومصايب



خالد المريخي

alJo0o0o0ohra
29-07-2009, 03:29 AM
ما بيّن بعينك على كثـر مـا جـاك

لا واحسافـة ليتنـي مـا عطيـتـك

تخطي وأعذرك وأتحمـل خطايـاك

هويت غلطاتـك كثـر مـا هويتـك

ضحيـت بالدنيـا علشـان دنيـاك

خليـت كـل اللـي يبينـي وجيتـك

كنت بعيوني وين ما أطالـع ألقـاك

حتـى لـو غمضـت عينـي لقيتـك

من كثر ما أحبك وأقدرك واهـواك

ما أذكر اني فـي حياتـي عصيتـك

ولا فاد كـل اللـي أسويـه ويـاك

أتعبـت قلبـي ليتـك تحـس ليتـك

والحين روح أرجوك ساعدني أنساك

لا تجـي حتـى لـو انـي بغيـتـك

وان مر في بالـي بقايـا لذكـراك

بحـاول أنساهـا مثـل مـا نسيتـك


\
/

أحمـد الصـانع

shinichi
29-07-2009, 07:29 AM
!!!!!!!!!!!!!!!!!!!!!!!!!!!!!!!!!!!!!

مو كأنها اهانه

:cry: وين الإهانة !!!

هذي عندي مدحة ....أقصد معروفة .... ويمدحون شعرها ...:flower:

تحياتي

ام كــادي
29-07-2009, 09:31 PM
:cry: وين الإهانة !!!

هذي عندي مدحة ....أقصد معروفة .... ويمدحون شعرها ...:flower:

تحياتي



الاهانه طال عمرك في هالكلمه اللي قلتها

أوه طلعت شاعرة (واكيد معروفة دامها موجودة من قبل وهي ع ايام جدي )

..................... مايصير ياخوي هالكلام ..............


ع فكره

تراني ماني من اهلها ولا حتى من القبيلة عشان ماتقول تحيز بس لان لها مكانه

عظيمة في الشعر النبطي



حصل خير ياخوي يمكن انا فهمتك غلط

shinichi
29-07-2009, 09:41 PM
8 8

ما فهمت عليك ....

ع العموم آسفين ع الكلمة النابية ...

تحياتي:flower:

الدوسـ2006ـري
30-07-2009, 03:46 PM
الا شاعره ومعروفه .. ولها قصائد جداا جميله ...

يعطيكم العافيه على كل حال .. واذا الاخ شنسي ما كان يعرفها .. هو الآن عرفها .. معلومه وكانت جديده عليه .. وبس انتهى النقاش ما توصل لحد الاهانه لأي شااعر اي شاعره ..

وانتي ياا أم كادي ما تختارين الا الزين .. دائما راقيه ..

ألف شكر لكم .. اتمنى الاستمراريه ولا تحرموناا من أختياراتكم الحلوه :good2:

ام كــادي
31-07-2009, 12:03 PM
قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك..................... أحمد الصانع



بندر بن سرور

الدوسـ2006ـري
01-08-2009, 03:27 AM
يالله ياجال الامور المهمه = تجلا وهج قلب برا حال راعيه
البر دجته والبحر رحت يمه = يقطعك ياحظ على الله مساعيه
يوم ان ولد اللاش رزقه على امه = رزقي على اللي ميت القشع يحييه
يامل قلب كل ما مات همه = دارت دواليب الدهر لين تحييـه
فراق شمل الناس عيا يلمه = وقت يشيب الـراس من شايتن فيـه
احدن ينام وحاط راسه بكمه = واحدن تخم النوم عينه وتخطيـه


*************************************

(( مطرها يسبق رعدها )) حاب تبحثون في قصائدها مااأعرف عنها الكثير .. بس ابيكم تشوفون بأنفسكم

ام كــادي
03-08-2009, 12:23 AM
وين راح الرد

الدوسـ2006ـري
03-08-2009, 09:24 AM
وين راح الرد

شسالفه ؟؟

هاا عرفتووو هالشاعره .. حصلتووا لها قصايد والا لا ؟؟

Cute -Girl
04-08-2009, 12:19 PM
مطرها يسبق رعدها قصايدها وااااااااااااايد حلوه :good2:

وحده من قصايدها :^_^



لاعاد تنشدني عن الحال يا(----)
يكفيك شي(ن) ياصديقي تشوفه

الزود عاد بنقص والنقص في زود
والطيب ماعين كريم(ن) يضوفه

حتى الرضيع اللي قبل يوم مولود
من هول دنيانا همومه تحوفه

وحرف الشعر مابين طارد ومطرود
هذاك يحفر له وهذا يلوفه

ناسن تغني به على غير مقصود
ومن جورهم قفى لدرب النكوفه

الشعر له فرسان والفعل مشهود
خيالة القيفان عزه ونوفه

اللي لياغنو بالاشعار يا(----)
كن القصيده ياللزيم معزوفه

وانا طويت الحبل والوقت معدود
ماعاد لي رغبه ونفسي عيوفه

عن ساحة القيفان ببعد وباحود
مادام حرف القاف بارت ضروفه

انا ابيكم تبحثون عن قصايد الشاعر حمد البريدي:flower:

][ قـطـريـة ][
04-08-2009, 12:33 PM
حمـد البـريـدي ,, << أول مـرة أسـمع عـنـه ,,

ولـقييـت هـالقـصييـدة لـه ,,

,,

استح على وجهك
حمد البريدي(قطر)

رجعت لي هالحين .. آسف !! .. وين جاي ؟
ان كنت متناسي تراني .. ما نسيت
لا تقول متغير !! ولا تقول شبلاي !!
يغنيك صمتي لو سكت وما حكيت
لكن هالمره حكيت بلا حكاي
بارد لك باسلوبك وباقول ‏wait )‎‏ ‏)
توك تذكرني وتتذكر ( غلاي )!!
يعني ( صباح الخير ) ما كنك دريت
استنقدوني كل ربعي واصدقاي
وانت السبب في كل شطر وكل بيت
وش كان حبك لي وشوقك في لقاي
ويا كثر ما تاخذ ولا مره .. (عطيت)
مستحملك واتحملك .. لانك خطاي !!
وانا اعترف اني تسرعت .. وخطيت
ماهوب يكسر خاطري الا (وفاي ) !!
ودي لو ان ارضيه حتى لو بكيت
(استح على وجهك) اذا به بس ماي
وابعد وربي يسامحك لامن مشيت
واذا لقيت انسان وافي لك سواي
نعمة .. ولازم تحمد الله .. لو لقيت
كنت اعشقك ضايع !! وأحبك في عماي
والحين ( دربك سمح ) .. كفيت ووفيت

------------------------------------------------------

alJo0o0o0ohra
04-08-2009, 01:41 PM
وين آسمـ الشاعر :s23:

\
/

آنـا بحط عيل

الشاعر مبارك بن سيف ال ثاني

ام كــادي
04-08-2009, 09:44 PM
طبعا اول شي برد ع طلب اخوي الدوسري انا كتبته بس طار

المهم انا سمعت لها من فتره بس الاعلام مقصر في حقها شوي وهي والله اعجبتني بعض قصايدها

ولاهنت ياخوي الدوسري ع تذكيرك لنا لان والله في شاعرات من الجيل الجديد لكن ماحالفهم الحظ في الاعلام

واعجبتني قصيده لها بصوت (فاقد خوي)

الالف اناوالقـاف والليـل والهيـل
ونجم الثريا والهواجيـس وسهيـل

غنت لنـا الاشعـار ياعيـن ياليـل
في ساعتن فيها المخاليـق ممسيـن

والبـاء بلانـي ليـن قلبـه تـبـلا
لاقلت كـلا قـال حاشـا وكـلا

دام الهوى في عـرق قلبـك تجـلا
لا عاد تنشدني عن المشكلـه ويـن





وهذا الرابط للاستماع وللتحميل

http://www.4shared.com/file/114376606/74ab83b/__online.html

ام كــادي
04-08-2009, 10:09 PM
الله ع الاختيار ذكرتني بثالث ثانوي وقصيدة بقايا سفينه الغوص

وهذا الرابط فيه القصيدة ونبذة عنه وبوربوينت حلو الله يذكرك بالخير يالجوهرة


http://www.alyarmook.com/elessons/arabic/bakaya_safina.pps#261,1


اذكري ذاك الشراع
باسطا للريح ممدود الذراع
كجناح النورس الباهي البياض
هو والاعصار يمضي في صراع
وانظري تلك الحبال
يا ترى كل من يد قد مزقتها كالسيوف المرعبة
واذكري الماء الأجاج
ملحه القاسي
واذكري الشمس عليك
والسموم اللاهبه
تحرق الانسان فيك
والوجوه الشاحبه


الشاعر مبارك ال خليفه

الدوسـ2006ـري
06-08-2009, 11:59 AM
مقدر على وصلك من الحول للحول ** دامك مع سكة غيابك تعلقت
وماعاد عندي قلب يصبر ولا حول ** صبّرت نفسي صبر من فوق ماطقت
وعرفت معنى الهم بالفعل والقول ** وشبعت من طعمه كثر ماتذوقت
وشربت حزن وصرت بالحزن مثمول ** وللحين في سكرة حزن ما بعد فقت

**********************

(( غالب الشريف ))

][ قـطـريـة ][
06-08-2009, 12:27 PM
هـذه قـصيـدة للـشـآعـر غآلب الـشـريـف ,,

{ ...

شبيت نار الحب حرب وصار ذنب من الذنوب

خاصمتني وأنت الحكم والخصم وفيك الخصام

عرضتني شماتة الشمّات ولسان الكذوب

وخليتني مبدا هدف مكشوف لعيال الحرام

ويسوقني لك سايق الأشواق مع خط الجنوب

ويومني فيك أكثر اللوام عداك الملام

يا سكرة فيها دواي وداي يا طب القلوب

يا مبتدا رحلة عذاب الولف يا مسك الختام

يا مبسمٍ يشبه شعاع الشمس قدّام الغروب

اليا تبينّت وكشفت ويان من تحت اللثام

أجيك راضي بالمجي لا جيت وآروح مغصوب

أدمنت لذة حبك وجاني على شوفك هيام

أضيق وإن ضافت عليّ الدار ووساع الدروب

عقيت رجلي.. واحتديت العين عن الحلو المنام

....} ,,

الـشـآاعـر :

عـآيـض بـن هـدآاف الـقـحطـآانـي ,, :)

alJo0o0o0ohra
07-08-2009, 07:49 PM
أمـ كـايد صدق آيـامـ حلوهـ .. :flower:

\
/








يموت الشعور اللـي لـه النفـس نايبـه
الا شاح خير الوقـت وابـدى مصايبـه
تخيّرت في الامثال واخترت مـا مضـى
من اخـر زمانـي لاول الوقـت جايبـه
جزيـل النشيـد إلمـا طرالـه يحدّنـي
تسلّمت وصلـه عقـب دفعـة ضرايبـه
ضرايبهْ شغـل البـال والهـم والسهـر
ونتايجـهْ ميقـافٍ لـه النـاس هايبـه
عسى الله يعين اللي مـن الوقـت مبتلـى


ســــــالم السيــــــــــار

معاندة جرح
07-08-2009, 10:48 PM
سآفرالخنجر !


سافر الخنجر في عمري من يديك ..!


طعنتك تذبح .. وأنا أستنزف رضاك ..!

والله قبلك جيت وبي ثأر يبيك


وأثر دمي .. ديته خنجر غلاك ..!


محمــــد السهلـــــي

طالبه تاريخ
08-08-2009, 12:11 AM
لا صرت بايعني .. اشوفك على خير
مع السلامه .. دام ما به سلامه !!
قلت : انتهينا؟ قلت لك : خير يا طير !
ماني باول شخص يخسر غرامه
محذرك من قبلها الف تحذير
لا عفتني بيعيف قلبي هيامه ؟؟
مانيب ميّت لا ولا احتاج تبرير
صح الله لسانك .. ووفر كلامه
بسمعك .. حبكه .. وفكره .. وتصوير
وافهم عدل يا مدعي بالفهامه
وجه الشعر ( ابيض ) ويحتاج تغيير
ودي تزيّن هالقصيده ( علامه )
ماضيك ( الاسود ) بذكره دون تقصير
كذا يكون بخد هالشعر .. ( شامه !! )
يصدق معي تعبير .. ويخون تعبير
يا ضيعة الشاعر .. بوقت انسجامه !
يمكن خطا ادونك بالشعر ؟! مير
لو ما احترمتك ؟ للغرام احترامه !!
ما كان حبك غير بس طعنتك غير
علمتني معنى الندم والندامه
ما جاك مني اي زله وتقصير
كل ما خطيت اعاتبك .. بابتسامه ؟
حسبي على الذكرى اذا هبت عصير
ما عاد تنفع شرهتي والملامه
البال ( ضامي ) وقتها والحزن ( بير )
( خسرتك ) وهمي ( كسبت ) اهتمامه !!
والليل فازع لك كذا !! جاني مغير
ظلمتني واكثر ظلمني ظلامه
لا اقبل علي اوحييت صوت المسايير
وفزيت كل ضيف ٍ اقوم بمقامه
وليا عزم هالليل ( ضيقه وتفكير ! )
قلّي بربك كيف بقدر انامه ؟؟
ما فيه داعي للعتب والمعاذيرالغدر
( خال ) الجرح واطيّب ( عمامه ) !!
أما يجيب الله مطر .. تالي وخير ؟
ولا السلامه مااااشي مامن سلامه !!






الشـاعر .. حمــد السعيــد

ام كــادي
08-08-2009, 08:04 PM
لا تخليني و أنا شفني شباب براس شايب
كان انت أقفيت مع هالناس محدن لديمي


مثل مال للهم سبه للفرح تبقى سبايب
انت يا فرحه و يا ضحكة و يا مدري شسمي


انت أخر ما بقى للي في الحيا من حبايب
في زمان ما نشد والله عن مدحي و ذمي


الزمن كم واحدن قبلي موريه العجايب
و المصيبه كنك اللي مع زماني صرت همي



موضي العجميه

alJo0o0o0ohra
08-08-2009, 08:11 PM
يا لله يا موصـل غريـب بـلاده يا مجري سفن البحر فوق الأمواج

تريح قلبـي فـي مضنـة فـواده إن كان ماطـاوع بناكـل هـراج


أمـي توصينـي تقـول الجـلادة وقلبي إذا جا طاري البدو ينفـاج



الشـاعر : محمد بن فهد الهاجري

الدوسـ2006ـري
09-08-2009, 09:43 AM
أزهليني يا قوافي ورحبي بي لا لفيت
واكتبي لي أرحب أرحب فوق صدر اللافته

لا نويتك يالقصايد ناوليني بيت / بيت
لجلها ذيك العيون الناعسات الخافته

**************************

(( محمد مريبد العازمي ))

طآآح آلحطب
10-08-2009, 07:42 AM
الموقف اللي جر حزن الطواريق
لو مايسلي خاطري مابديته
طعنه ولكن طعنةٍ(ن) في المعاليق
ماهوب جرح(ن) لاسمرني كويته
من أول اضحك لو على خاطري ضيق
واليوم ضاق الصدر واهتز بيته
حصاه طاحت من حصى قمة طويق
من بعدها رجم الغلا مارقيته
انام من طول السهر وأرجع افيق
واجمع خواطر ليلي اللي سريته



((تركي الميزاني))

بوينج777
10-08-2009, 09:15 AM
هذا البيت لتركي الميزاني في محاورته مع ملفي المورقي

الحب يا باشة العتبان ما يرحم × وله برطم دايما للعاشقين اشرم
يامل قلبن غدتبه نانسي عجرم × و الشاص عيا حلال القوم يلحقها

(( ياسر التويجري ))

alJo0o0o0ohra
10-08-2009, 11:40 PM
ياذكريـات الألـم لليـل موعـد منـام إليا متى خاطرك يجبر وقلبـي كسيـر
غنيت من جاوبت ورقاي طير الظـلام طيرٍ ربى في قفص صدري وعيا يطير
حلمي تساقـط ولكنـه تساقـط غمـام لين ازهر القاع ورد احمر وغنى العبير
حبيبتي والهواء يشـره وصـدك مـلام والعشق جمره وآهات الولـه زمهريـر
إليا متى والشـوارع تستضيـف اليتـام واطيافك الفي وانتـي لليتامـى هجيـر
مابين ظلمك وظلم الناس لـي بالكـلام اخترت ظلمك وابصبر والصبر فيه خير
تستاهلين المسافـه والصبـر والغـرام ومن كل شيٍ حلـو تستاهليـن الكثيـر
خذيت منك السهر خوذي جروح الهيام وإلا عطيني على الأقـل قلـبٍ كبيـر







\
/


الشـآعـر : ربيـع القلب

ام كــادي
11-08-2009, 03:39 AM
يعني لني صـــار لي في الشــعر كم معجبـه
وها ربيع القلب صاير ينطرى بين البنـــــــــــات

قلتي هذا طيب وكلـمه تشـــرقه وتـــــــــغربه
بعد ما خليتـــــــــــــه برجع له وأنا بنت الذوات


قويه كلماته ههه اعجبني اختيارك يالغلا



نايف العتيبي

الدوسـ2006ـري
12-08-2009, 10:13 AM
وش مزعجك يا غايت الروح وش فيك ** غصبن إظروفي يالغضي بعدتني
لا تنزعج يا زين ماني بناسيك ** مهما الليالي عن وصالك حدتني
والله لأرجع يا منى الروح وأرضيك ** لو الظروف القاسيات منعتني
أنت الذي على سري ابديك ** وغيرك من الخفرات لا ما شقتني
أنت الذي بغالي الروح نفديك ** ولا أبغى جميع الناس لو هي بغتني
أفز إلك واقف آليا حل طاريك ** وآليا ذكرتك دمعتي غرقتني
أنشد ظلام الليل عني وينبيك ** وأنشد نجومٍ بالسماء راقبتني


*****************

(( عبدالله السميري العتيبي ))

ام كــادي
13-08-2009, 09:52 AM
من منطلق صح و خطأ و مبدأ تبـي روح و تعـال
و مـن زآويـة طنـش تعيـش أيآمهـا و ليالهـا

يا ابن نجـم مـا للحمـول الكايـدات إلا الجمـال
ود الحمـول الكايـدة يـا ابـن نجـم تشتالـهـا

آرث على عد الروى و اعنز علـى صـم الجبـال
مالـي و مـال قصارهـا مالـي و مـال طوالهـا

اذا انخفض وزن الذهب و إلا رخص سعر الريـال
يـآ كثـر نـآس لا نعبرهـا و لا نلـجـا لـهـا

بس انت اعدك في الشدايد درع جمب و راس مال
لأنـك ولـد غالـب دروب المرجلـة و رجآلـهـا

على العموم الوضـع عـادي بيننـا و الشـك زال
بعض السوالف عنـك تكـرم لحيتـي و إسبالهـا



أصايل نجد

الدوسـ2006ـري
15-08-2009, 11:37 PM
مابقى في خاطري غير العتب
جرب الحرمان من عقب الحنان
عفت ظلمك يوم دورت السبب
مالقيت إلا الغدر منك استبان
لا تجادلنا تصنعت الغضب
ماتبي تسمع حقيقة لك تبان
دايم باللوم تلهبني لهب
تكتم احساسي وتسلبني الأمان
كنت أبيك العون صرت أبو لهب
يا كفاني الله شرك والزمان
ويوم طابت منك نفسي وانسحب
كل يوم ينتقص قدرك مكان
جيتني تطلب ومطلوب صعب
كيف أبرجع لك بعد كل الهوان
مارضت نفسي إتلبي لك طلب
رح تمنى الغير فات ابك الاوان

******************************

(( نواف بن فيصل .. أسير الشوق ))

رهينة حب
15-08-2009, 11:43 PM
تقول بي هم وانا أقول بن هم
تشكي وانا اشكي وكل منا له ظروف
محروم انا منها وهي غصب تحرم
لانبرة تاصل ولا ناظر يشوف
نموت ويبقى حبنا لايهدم
تعصف بنا الدنيا ونصمد لها وقوف

************

(( الشيخ ناصر بن حمد ال خليفه ))

ليمووونه حلوووة
15-08-2009, 11:59 PM
لا من ذكرتك يفزّ الشعر والقلب هاض
وآجر فيك القصايد وأحكم أوزانها


لعيون من خلّت الدنيا بياض فبياض
بنت ٍ تقول الحسن والزين .. عنوانها


ما هي من أهل الكويت و لا من أهل الرياض
السر مكتوم .. في قلبي .. على شانها


قلب ٍ كتم حبّها لين الهوى منه فاض
و بين الحنايا جداولها و وديانها


يا مهرة الواقع اللي ما لمسه افتراض
يا سيرة الحب يا دنياي وأركانها


موت ٍ لقيته بعينك وانت عينك حياض
كن المنايا و سهم العشق باحضانها


برق ٍ لمع في خدودك يوم شفته و ناض
كنّه يصوّر حياتي لحظة إيمانها


بإنك جميل وجمالك ما عليه اعتراض
و إن القصايد بوصفك .. يعجز لسانها






ناصر بن حمد آل خليفة


************************

فزااع ..

بنت طلال
16-08-2009, 12:06 AM
يا مسا السكّر على الغصن الرطيب
يعل تسقي ديرته وبل السحب

زارني والفكر ساري سري ذيب
قلت سبحان الذي ساق ووهب

قلت ياليل اللقا والشوق طيب
طيب لاصحاب الحسب واهل النسب

القوافي تنتخيني قبل اثيب
وما على سنّي من اشعاري عتب

إن بدعت الشعر سِنّي ما يعيب
من صغر سِنّي وانا قافي عجب

القوافي بَدعها حظ ونصيب
بس انا حظّي على القاف انتصب

إن صعب قافي ترى فالي يطيب
مطلب افكاري هو القاف الصعب

دامني في صغر سِنّي قبل اشيب
أملي الدنيا زغاريد وطرب

ما عليّه لو غدى شكٍ وريب
وش على الصادق إذا الحاسد كذب

alJo0o0o0ohra
16-08-2009, 12:22 AM
وين آسمـ الشـآعـر

آنـآ بحط عيل :s23: ..


آحمد الصـآنـع

الدوسـ2006ـري
18-08-2009, 04:44 PM
كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !

يا أعيش بـ وسط قلبك ونبني كل شي إنهِدَم . .
__________ وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !


************************************

(( مرشد البذال ))

alJo0o0o0ohra
18-08-2009, 04:58 PM
شف ماترى ياقلب واكتـم سـدودك
عن واحد ياخذ سـدودك ويشنـاك
خلك على الدنيا تعيـش بسعـودك
مالك غرض في عرف هذا وهذاك
على الخطايـا لاتقـوي جهـودك
العقل زين وسامـح اللـي تحـداك
ترى التسـرع بالخطـا مايـرودك
إلا بفعـل يخلفـك عـن نـوايـاك
لا تخلي الشيطـان دايـم يقـودك
ان طعت راي ابليس للشيـن وداك
خلك من الدنيـا نظيـف جـدودك
محد لسانـه فـي غيابـك تقفـاك
وليا مشيت الحق واجـد شهـودك
وليا هرجت الحـق كـل توحـاك
لا بد مـن يـوم تقضـي حـدودك
لا تخلفك دنيـاك والموعـد هنـاك
خلك ليا قضيـت تذكـر عهـودك
لا بد ما ترحـل وتقفـي مطايـاك
خل الذي ينصـى محلـك يـرودك
اليا شكى غيـرك تذكـر سجايـاك
خـل الفهامـه والعدالـه تسـودك
وليا حكمت الحق لا تظلـم إعـداك
بعض المصالح للمعاصـي تقـودك
وبعض المصالح يشهدن في خطاياك


\
/


ضيدان بن قضعان

₪°Senyorita°₪
18-08-2009, 05:19 PM
*·~-.¸¸,.-~*هزك الشوق *·~-.¸¸,.-~*





هيه يالي اغراك الليل واغراك النديم
هيه يالي هزك الشوق والمسرى ضياع
وقفي بين الخطأ والصراط المستقيم
وقفي بين التراحيب وكفوف الوداع
سولفي مثل المشاريه في صوت الحشيم
واسكتي مثل الشفايف لاطاح القناع
واضحكي مثل النواويير في روضة خريم
واغربي مثل المزاجات في غرب الرفاع
وابعدي مثل المتاهات في حلم اليتيم
واقربي بين السوالف وكتفي والذراع
وانظري لي نظرة الشوق للشي القديم
واغرقي بالدمع الازرق مضاليل وساع
واصبري مثل المسافات في صبر الحليم
واسمعي صوت الهوى يوم فليت الشراع
يوم صرتي عود ريحان ورضاي النسيم
واصبري يانجمة الصبح مال الصبح داع
قد طلبت الله وانا بين زمزم والحطيم
شوفتك ياغلا سميه لاصرتي رباع
العيون تجوع تجوع والله العظيم
والعشى في عيونك السود وعيوني جياع
ان عطيتي مايرد الكريم الا الئيم
وان بخلتي قلت تكفيني والدنيا متاع
اقبلي يامثل التباشير في وجه الكريم
وارحلي مثل التعازي على موت الشجاع




**********

<< تبي من قصآآيد (( حمد البريدي )) /،،،

الدوسـ2006ـري
19-08-2009, 03:25 PM
مرغوبة العاشق .. وغايـات المنـال
ودواء الجروح اللي تعسـر طبهـا !!
غيدا " بتول تحترف فـن الـدلال !!
ودك تقهوهـا .. قبـل لا تصبهـا !!
( في ابهتها طلعـة مضـاوي هـلال
احبهـا .. وآتوقهـا .. وآحبـهـا )
مخلوقة من زبد .. لو تلمسـه سـال
ونعومة حكاها .. كذا مـن ربهـا !!
وبنت الرجـال اللـي نسبهـا آل آل
قوم تنـوش المرجلـه .. وتذبهـا !!
واللي لا هب فوجهها ريـح الشمـال
قمت استشك !! ان الجنوب تهبهـا !!
الخصـر يرسـم انحـدرات التـلال
وردوفها .. من ثقلها تلعـب بهـا !!
يفوح منها المسـك والخمـر الحـلال
كنه علـى ذيـك الشفـاه يعبهـااا !!
وخدودها ورد شـذى عطـره خيـال
خلا ( فراشات الـورود ) تربهـاا !!
ولا قالت من الشوق يا عمري تعـال
شليت ذا الغتره وقمت اضـرب بهـا
فديتها اللي لا اوقفت مـن الاختيـال
تستنقص اللي يـوم تاقـف جنبهـا !!
أشوف فيها .. انها لي ( راس مـال )
وتشوف فيني .. ( فارس " مغرم بها )
مياسة القد !! وضفايرهـا طـوال !!
هي معجبه فيني وانـا معجـب بهـا
تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا
احبهـا ولغيرهـا .. مابـه مجـال !
وجميع مابي من ( غلا ) فـي لبهـا
مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!


******************************

(( حمد أل جميله ))

دنيا فانيه
20-08-2009, 10:04 AM
أشوف وقتي حزين ومظلم(ن) جوه
إلى متى والزمان الشيـن حادينـي
والهم في وسط صدري تشتعل ضوه
لا من شكيت العذاب الهم يكوينـي
وشفيه سلم الهواء مايملـك مـروه
وشلون قفيت عني وأنت تغلينـي؟؟
هذا غيابك يفـج الصـدر ويشـوه
يعذب الروح والأحـزان تدعينـي
بعدك يقول الشعر ياصاحبـي تـوه
قدام تكتب عيونك ليـه تبكينـي؟؟
وأقول دمعي على الصـدات ياقـوه
لا من ذكرتك يطيح الدمع من عيني
ما باقي إلا يصيح القلـب وينـوه
تعال.. تكفـا.. دخيلـك لا تخلينـي
القلب ينخاك هاك الميسـم وكـوه
يبغي عذابك لو أن حبـك معنينـي
ياقلب تكفا دخيلـك رح لـه وروه
روه من اسباب بعده وش جرا فيني
لو أن فرحة سنيني تعرف الخـوه
ماكان راحت معه والعمر يطوينـي
لا تحسب أن الليالـي دوم محلـوه
لا تقول لي ياحمد ماعـاد يمدينـي
أرجع دخيلك وسو اللي تبي سـوه
يفداك عمري وماتبغي من سنينـي
أكبر دليل الهـواء مايملـك مـروه
شف كيف خلا قصيدي فيك يرثيني


بن فطيس

الدوسـ2006ـري
24-09-2009, 11:06 AM
اعشق سميك فـي البزاريـن وادعيـه
واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
وصلك يخيـط الصـدر والبعـد يفريـه
ويابـري حالـي كـان صديـت بريـاه
ويلي علـى ادري حبنـا ويـش تاليـه
وويلي على ادري وش ورى الغيب ويلاه
عشـان اشـوف اذا محبتـك ..ترفيـه
والله لا اقفي عنـك.......و استغفـر الله


*************************

(( شالح ابن هدلان ))

₪°Senyorita°₪
24-09-2009, 10:03 PM
رثآآء الشآآآعر


*·~-.¸¸,.-~*شالح بن هدلان*·~-.¸¸,.-~*

في ابنه ذيب ( رحمهـ اللهـ )

ياربعنا يلي على الفطر الشيب ... عز الله انه ضاع منكم وداعه
رحتو على الطوعات مثل العياسب ... وجيتو وخليتو لقبي بضاعه
خليتو النادر بدار الاجانيب ... وضاقت بي الافاق عقب اتساعه
تكدرن لي صافيات المشاريب ... وبالعون شفت الذل عقب الشجاعه
ياذيب انا بوصيك لاتاكل الذيب ... كم ليلة عشاك عقب المجاعه
كم ليلة عشاك حرش العراقيب ... وكم شيخ قوم كزته لك ذراعه
كفه بعدوانه شنيع المضاريب ... ويسقي عدوه بالوغى سم ساعه
ويضحك ليا صكت عليه المغاليب ... ويلكد على جمع العدو باندفاعه
وبيته لجيرانه يشيد على الطيب ... والضيف يبني في طويل الرفاعه
جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب الخيل عرج مهاليب ... ياهل الرمك ماعاد فيهن طماعه
قالو تطيب وقلت وش لون ابا طيب ... وطلبت من عند الكريم الشفاعه
انا بنذر اللي من ربوعي يبا الطيب ... لاياخذ الا من بيوت الشجاعه
يجي ولدها مذرب كنه الذيب ... عز لابوه وكل ماقال طاعه
وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه

***************

( نآآصر الفرآآعنهـ )

alJo0o0o0ohra
26-09-2009, 04:40 AM
ياالغضي ما جيت ابارك لك على نيلك شهادة
..........جيت ابارك للشهادة نفسهـا ,مصافـح يدينـك
يا كبـر حـظّ الشهـادة فيـك يـا راعـي القـلادة
..........من يمينك أَخْذَت اللي مـا خذيتـه مـن يمينـك


\
/


المتنبي

A sleep walker
26-09-2009, 08:56 PM
وجاهلٌ مدهُ في جهلهِ ضحكي ,,حتى أتته يدٌ فراسةٌ وفمُ

إذا رأيـت نيـوب الـليـث بـارزة,,فلا تظـنن أن الـليـث يبتسمُ



...الأعشى"

alJo0o0o0ohra
27-09-2009, 02:44 AM
ألم تغتمضْ عيناكَ ليلةَ أرمدا

وبتَّ كما بات السليمُ مُسهَّدا

وما ذاكَ من عشق ِالنساءِ وإنما

تناسيتُ قبل اليوم خلة َمَهْددا

ولكنْ أرى الدهرَ الذي هو خائنٌ

إذا أصلحَتْ كفايَ عاد ، فأفسدا

كُهُولا ًوشُـَّباناً فـَقـَدْتُ وثروة ً

فلله هذا الدهرُ كَـيْدٌ ترددا

وما زلتُ أبغي المالَ مـُذ ْأنا يافعٌ

وليداً وكهلا ًحينَ شـِـْبتُ وأمردا


\
/

الـفـرزدق

راكان يتيم
03-10-2009, 06:38 AM
هذه القصيده قيلت في الامام علي بن الحسين (ع)
حج هشام بن عبد الملك فحاول أن يلمس الحجر الأسود فلم يستطع من شدة الازدحام فوقف جانباً، وإذا بالامام مقبلاً يريد لمس الحجر فانفرج له الناس ووقفوا جانباً تعظيماً له حتى لمس الحجر وقبله ومضى فعاد الناس الى ما كانوا عليه. فانزعج هشام وقال: من هذا؟ وصادف أن كان الفرزدق الشاعر واقفاً فأجابه هذا علي بن الحسين بن علي ثم أنشد فيه قصيدته المشهورة التي يقول فيها:

هذا الذي تعرف البطحاء وطاته....والبيت يعرفه والحل والحرم
هذا ابن خير الناس كلهم....هذا النقي الطاهر العلم
هذا ابن فاطمة,ان كنت جاهلة....يجده انبياء الله قد ختموا
وليس قولك من هذا بضائره العرب تعرف من انكرت والعجم
اذا راته قريش قال قائلها....الى مكارم هذا ينتهي الكرم
يغضي حياء ويغضي من مهبته...فلا يكلم الا حين يبتسم.....


مالك ابن الريب

₪°Senyorita°₪
05-10-2009, 11:08 PM
شاعر كان قاطعا للطريق حتى طلب منه أمير خراسان (حفيد الصحابي عثمان بن عفان أن يتوب ويستصحبه ، فأطاعه وحسنت سيرته حتى قتل في غزو) وقد قال قبل موته يرثي نفسه :




ألا ليتَ شِعري هل أبيتنَّ ليلةً * بجنب الغضَى أُزجي الِقلاصَ النواجيا
فَليتَ الغضى لم يقطع الركبُ عرْضَه * وليت الغضى ماشى الرِّكاب لياليا
لقد كان في أهل الغضى لو دنا الغضى * مزارٌ ولكنَّ الغضى ليس دانيا
ألم ترَني بِعتُ الضلالةَ بالهدى * وأصبحتُ في جيش ابن عفّانَ غازيا
وأصبحتُ في أرض الأعاديَّ بعد ما * أرانيَ عن أرض الآعاديّ قاصِيا
دعاني الهوى من أهل أُودَ وصُحبتي * بذي (الطِّبَّسَيْنِ) فالتفتُّ ورائيا
أجبتُ الهوى لمّا دعاني بزفرةٍ * تقنَّعتُ منها أن أُلامَ ردائيا
أقول وقد حالتْ قُرى الكُردِ بيننا * جزى اللهُ عمراً خيرَ ما كان جازيا
إنِ اللهُ يُرجعني من الغزو لا أُرى * وإن قلَّ مالي طالِباً ما ورائيا
تقول ابنتيْ لمّا رأت طولَ رحلتي * سِفارُكَ هذا تاركي لا أبا ليا
لعمريْ لئن غالتْ خراسانُ هامتي * لقد كنتُ عن بابَي خراسان نائيا
فإن أنجُ من بابَي خراسان لا أعدْ * إليها وإن منَّيتُموني الأمانيا
فللهِ دّرِّي يوم أتركُ طائعاً * بَنيّ بأعلى الرَّقمتَينِ وماليا
ودرُّ الظبَّاء السانحات عشيةً * يُخَبّرنَ أنّي هالك مَنْ ورائيا
ودرُّ كبيريَّ اللذين كلاهما * عَليَّ شفيقٌ ناصح لو نَهانيا
ودرّ الرجال الشاهدين تَفتُُّكي * بأمريَ ألاّ يَقْصُروا من وَثاقِيا
ودرّ الهوى من حيث يدعو صحابتي * ودّرُّ لجاجاتي ودرّ انتِهائيا
تذكّرتُ مَنْ يبكي عليَّ فلم أجدْ * سوى السيفِ والرمح الرُّدينيِّ باكيا
وأشقرَ محبوكاً يجرُّ عِنانه * إلى الماء لم يترك له الموتُ ساقيا
ولكنْ بأطرف (السُّمَيْنَةِ) نسوةٌ * عزيزٌ عليهنَّ العشيةَ ما بيا
صريعٌ على أيدي الرجال بقفزة * يُسّوُّون لحدي حيث حُمَّ قضائيا
ولمّا تراءتْ عند مَروٍ منيتي * وخلَّ بها جسمي، وحانتْ وفاتيا
أقول لأصحابي ارفعوني فإنّه * يَقَرُّ بعينيْ أنْ (سُهَيْلٌ) بَدا لِيا
فيا صاحبَيْ رحلي دنا الموتُ فانزِلا * برابيةٍ إنّي مقيمٌ لياليا
أقيما عليَّ اليوم أو بعضَ ليلةٍ * ولا تُعجلاني قد تَبيَّن شانِيا
وقوما إذا ما استلَّ روحي فهيِّئا * لِيَ السِّدْرَ والأكفانَ عند فَنائيا
وخُطَّا بأطراف الأسنّة مضجَعي * ورُدّا على عينيَّ فَضْلَ رِدائيا
ولا تحسداني باركَ اللهُ فيكما * من الأرض ذات العرض أن تُوسِعا ليا
خذاني فجرّاني بثوبي إليكما * فقد كنتُ قبل اليوم صَعْباً قِياديا
وقد كنتُ عطَّافاً إذا الخيل أدبَرتْ * سريعاً لدى الهيجا إلى مَنْ دعانيا
وقد كنتُ صبّاراً على القِرْنِ في الوغى * وعن شَتْميَ ابنَ العَمِّ وَالجارِ وانيا
فَطَوْراً تَراني في ظِلالٍ ونَعْمَةٍ * وطوْراً تراني والعِتاقُ رِكابيا
ويوما تراني في رحاً مُستديرةٍ * تُخرِّقُ أطرافُ الرِّماح ثيابيا
وقوماً على بئر السُّمَينة أسمِعا * بها الغُرَّ والبيضَ الحِسان الرَّوانيا
بأنّكما خلفتُماني بقَفْرةٍ * تَهِيلُ عليّ الريحُ فيها السّوافيا
ولا تَنْسَيا عهدي خليليَّ بعد ما * تَقَطَّعُ أوصالي وتَبلى عِظاميا
ولن يَعدَمَ الوالُونَ بَثَّا يُصيبهم * ولن يَعدم الميراثُ مِنّي المواليا
يقولون: لا تَبْعَدْ وهم يَدْفِنونني * وأينَ مكانُ البُعدِ إلا مَكانيا
غداةَ غدٍ يا لهْفَ نفسي على غدٍ * إذا أدْلجُوا عنّي وأصبحتُ ثاويا
وأصبح مالي من طَريفٍ وتالدٍ * لغيري، وكان المالُ بالأمس ماليا
فيا ليتَ شِعري هل تغيَّرتِ الرَّحا * رحا المِثْلِ أو أمستْ بَفَلْوجٍ كما هيا
إذا الحيُّ حَلوها جميعاً وأنزلوا * بها بَقراً حُمّ العيون سواجيا
رَعَينَ وقد كادَ الظلام يُجِنُّها * يَسُفْنَ الخُزامى مَرةً والأقاحيا
وهل أترُكُ العِيسَ العَواليَ بالضُّحى * بِرُكبانِها تعلو المِتان الفيافيا
إذا عُصَبُ الرُكبانِ بينَ (عُنَيْزَةٍ) * و(بَوَلانَ) عاجوا المُبقياتِ النَّواجِيا
فيا ليتَ شعري هل بكتْ أمُّ مالكٍ * كما كنتُ لو عالَوا نَعِيَّكِ باكِيا
إذا مُتُّ فاعتادي القبورَ وسلِّمي * على الرمسِ أُسقيتِ السحابَ الغَواديا
على جَدَثٍ قد جرّتِ الريحُ فوقه * تُراباً كسَحْق المَرْنَبانيَّ هابيا
رَهينة أحجارٍ وتُرْبٍ تَضَمَّنتْ * قرارتُها منّي العِظامَ البَواليا
فيا صاحبا إما عرضتَ فبلِغاً * بني مازن والرَّيب أن لا تلاقيا
وعرِّ قَلوصي في الرِّكاب فإنها * سَتَفلِقُ أكباداً وتُبكي بواكيا
وأبصرتُ نارَ (المازنياتِ) مَوْهِناً * بعَلياءَ يُثنى دونَها الطَّرف رانيا
بِعودٍ أَلنْجوجٍ أضاءَ وَقُودُها * مَهاً في ظِلالِ السِّدر حُوراً جَوازيا
غريبٌ بعيدُ الدار ثاوٍ بقفزةٍ * يَدَ الدهر معروفاً بأنْ لا تدانيا
اقلبُ طرفي حول رحلي فلا أرى * به من عيون المُؤنساتِ مُراعيا
وبالرمل منّا نسوة لو شَهِدْنَني * بَكينَ وفَدَّين الطبيبَ المُداويا
وما كان عهدُ الرمل عندي وأهلِهِ * ذميماً ولا ودّعتُ بالرمل قالِيا
فمنهنّ أمي وابنتايَ وخالتي * وباكيةٌ أخرى تَهيجُ البواكيا


نايف بن عروين

إماراتيه كول
06-10-2009, 12:05 AM
و ترانا ما تربينا على تنبيشـة الأكفـان..نذم الحي في وجهه وللي مـات غفرانـه

و إذا ساق الجهل واحد وقفنا ضده بشامان.. و لا خنـا و لا حنـا لعهـد الله خوانـه

ولا يأثر كلام اللي يشكك فالـو ء غلطـان..وانا شلون اوضحها لناس صدق عميانـه




الأصمعي ..

الدوسـ2006ـري
09-10-2009, 02:29 AM
المـــــاء والزهــر مـعا **** مع زهـــــر لحظ المقلي

وانــت يـا ســـيد لــي **** وســــيــدي ومــولـلـي

فــكم وكـــــم تيـمنـي**** جـــزيل عـقـــــيـقــلـي

قطـفـــتـه مـن وجــنة **** من لـثم ورد الخجــــلي

فـقـــــال :لا لا لا لا لا **** فـقـد غــدا مــــهرولـي

والخــــــود مالـت طربا **** من فعــــــل هذا الرجل

فـولوَلـت وولـــــــولـت **** ولــــي ولــي يا ويـلـلي

فـقلـت : لا تـــولـولي **** وبــيِّـنـــــي اللـؤلــؤ الـي

قالت : له حين كــــذا **** انهـــــــــض وجـد بالنقلي

وفـتـيــة ســقـونـــني **** من قــهـوة كــالعســلي


شـــمـمـتهـا بـأنـــفـي **** أزكــى من القـرنفـــلي

في وسط بستان حلي **** بـــزهــرٍ والسرور لـي

والعـود دنــــدن دنــلـي **** والطــبل طـبطب طبلـي

والسقف سقسق سقلي **** والرقـص قد طـاب الي


**************************************

(( خالد الفيصـل ))

طآآح آلحطب
09-10-2009, 05:40 PM
الى منه جفاك اللـي تـوده

ولاتدري وش اللي عنك صده

تجرع مالح العبرات واصبـر

ترى كثر الشكاوي ما تـرده

والى من الليالي عوّدت بـه

تغانم كـل فايـت واستـرده

حذار تنشغـل بعتـاب خلـك

ترى كثر العتب يمحي الموده

ليالي العمر لحظات قصيـرة

وما ودعـت منهـا لا تعـده

..........

"بدر بن عبدالمحسن"

فارس مهدي
09-10-2009, 05:48 PM
يه شهالموضوع ذي والله يجنن

انا ما ادري انا وين عنه

تسلم لي يا راعي الفكره ..

لي عودة

شكرا ..f.m

فارس مهدي
09-10-2009, 05:55 PM
ها قد عدتُ مجددا

لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها

*************************


طلال الرشيد ..


شكرا ..f.m

طآآح آلحطب
09-10-2009, 08:11 PM
حنا ولا من قلت حنا تحنا

كل الكلام بعطر تاريخ الاجداد

المجد هم وهام فينا وغنا

حتى علينا من على روس الاشهاد

يا كبر حظ الي نخانا و ثنا

نشد له فوق الفخر سرج وشداد

ان هلل التاريخ غطرف وطنا

وان سولفو عنا رجاجيل واجواد

وان بان لك شمس ترى ذيك حنا

نشرق مدام الظلم ظلما وحساد

يا بنت يمي كان رمشك تمنا

اشق لك ثوب السماء جود وعناد

واشدلك زمل جفن المعنا

واسري بوجهك لاغشى وجهي سهاد

يا حلو قدك يوم قدك تثنا

محدا تغنى فيك من خوف الالحاد

حنا البدو يابنت هذا لحنا

نحبك اكثر لاغدى حبك جهاد

وحنا البدو يا بنت لامن نخنا

بناتنا يثالث العيد الاعياد

وحنا البدو يابنت وان قلت حنا

فاح الكلام بعطر تاريخ الاجداد



.................

احمد الصانع

الدوسـ2006ـري
18-10-2009, 01:38 AM
تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!

****************************

(( سعد علوش ))

₪°Senyorita°₪
18-10-2009, 04:33 AM
إنت غيـــر..

حي منهو لا ذكرتـه دريـت أنـي بخيـر
صاحب لا شافنـي ضقـت منـه ضمنـي

يشتعل بي لين يطفا على العـرق الأخيـر
وأنثر له شـوق واليـا أنتثـرت أيلمنـي

يـا تنـداي الخليـه علـى طاقـة حريـر
يـا مخوفنـي وقاطـع رجـاي وممـنـي

يا أمل يا خيبتـه يـا متاهـه يـا مصيـر
خـل قلبـك لا تراخـا الزمـان أيزمنـي

ما بي الدنيا أبيك انت لانـك أنـت غيـر
جيت فحظانك طفل وأنت أبـوي وسمنـي

شوف فوق وغن بسمي على اللحن القصير
وخصني في كـل لمحـة غـرام وعمنـي

بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي

جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي


(نايف بن عروين)

بنت طلال
18-10-2009, 10:53 PM
البارحة كن الفضاء غرفـة انعـاش
.........................وانا المريض الـي حياتـه كسيفـه
والهـم ذيـب ٍ للمعاليـق عـراش
.....................والقلب شيخ ٍ واعضم الحزن ضيفـه
واليا نشدنـي واحـدٍ قلتلـه مـاش
..............................مابـه جديـدٍ للقـديـم بنضيـفـه
ياليتها ضيق ٍ فـالأرزاق واعتـاش
......................اعتاش لو ما القى بعمري وضيفـه
وليت السبب حب ٍ للأطراف رعـاش
.............................كـم ٍ وليـف ٍ ماحصلـه وليـفـه
مير البـلا لاشفـت للديـن نهـاش
.........................امن النفـوس الحاقـدات الضعيفـه
ومن عادتي لا جبتها جبتهـا كـاش
.........................والي زعل يزعل على كيـف كيفـه



فهد معتوق

الدوسـ2006ـري
19-10-2009, 02:31 AM
ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه


و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه


انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( أربعه فـ سته )

****************************************


(( الشاعر الكبير:: بدر بن عبدالمحسن ))

الطبيب1
19-10-2009, 12:51 PM
روائع البدر واااجد
بس هذي اقربها لنفسي :flower:



يسعد صباحك .. ليلنا تو ماجا
الشمس غابت واشرقت عندكم شمس

هى شمسنا اللي في جبينك تلاجا
والا قمرنا اللي فقدناه من امس

ليل السما برد وسحاب وعجاجا
يامن يشب النور في الخاطر العمس

انتى وانا لو كان منا نتناجــا
لاماطفت في خاطري شمعه الهمس

ياللى جرحتك مالجرحي علاجا
ادري الجروح النازفه تكره .. اللمس

بقول احبك وان عقدتى الحجاجا
لا قولها ثنتين واربع مع خمس

ويسعد صباحك يابعد كل ماجا
وماراح من عمري وانا في رجا الشمس



محمد الشمري..

حيآتي كلهآ لله
31-10-2009, 06:40 PM
دخيلك لا تخليني ولا تاخذ على الغيبه
ترى والله ما أقدر ولا أقوى على غيابك
صبرت وملّ صبري عقب ما كنت متهقوي به
نسيت إنّ الشتاء بارد وانا متعوّد ادفا بك !!
اهذري باسمك تصدّق وانا نايم اهذريبه
ترى توّي دريت إنّي اذوق الموت واحيا بك
غدا حالي مثل طفل(ن) فقد اغلا لعابيبه
تصوّرتك كما طفل(ن) وانا الغالي من العابك
غدا حالي مثل شاعر خذوا اروع مكاتيبه !!
ألا لو تكشف الخافي على العالم تماريبه !!
أنا متأكد إنّ اللي بقلبي يرضي اعجابك !!
أقول الصدق يا عمري .. ومقيول الكذب خيبه !!
أقول الحق ما كابر .. أحبك واعشق ترابك
دخيلك لا تخليني ولا تاخذ على الغيبه
ترى توّى دريت إنّي اذوق الموت بغيابك

الحميدي الشمري

الدوسـ2006ـري
08-11-2009, 11:32 PM
بكل برود تقول لي وش لونك *وانت إلي بنـظرة منك تقرآني
يعني تبي تتأكد من ظنـونك *تبي تعرف إن في شئ يخفاني
كل ما أشيك على تيلفونـك * ألقاني المجني علي والجـاني
أواه يا جرح ذبح مطعونـــك *خلاني أنزف كل دم شريانـــــي
وخلاني أشكي أورده يشكونــك * وخلاني وخلاني وخلانـي
خلاني مجنونك وانا مجنونــك *وسواس قام يوسوسة شيطاني
هو ليش ؟ لأني ما قدرت أصونك* ولا لأني واثــــق بخلانــــــي
ولا عشان إني عطشت مزونك*ولا عشان الأبيض من ألوانــي
لا صرت أراجع كهكهات عيونك* وشلون كانت تبتسم لأجفـاني
ولا صرت دلوعي كذا يسمونك * وإلحين ادورني ولا إلقانــي
ولا صرت أموت بكل لحظه دونك* ما عاد ألحق دنيتي وأمداني
ولا صرت أشوف الهم يصرخ عونك * ولا صار دمعي ينتثر مجانـي
عيوني إلي بلا سبب يبكونك* مع إني ما أذكر أحد قد بكانـــي
ولا صرت أشووف الكون كله كونك * يأخذني عن أقرب وأعز إخوانـي
آخر طلب وضلوعي يترجونك* وهالطلب يا روحي يا وجدانــي
تكفى أبي تعلمني كيف أخوونك* شوف الوفا وين الوفا ودانــــي


************************

(( السامر ))

ملاك قطريات
09-11-2009, 01:27 PM
الــدار لاكــدرت صـافــي مشـاربـهـا
مـاقـادنــي يـمـهــا شــفــاً ولا راده
اشـــوم عـنـهـا واخلـيـهـا واجـنـبـهـا
الذيـب يبـخـص مصـاديـره ومـيـراده
العـيـن ماتبـكـي الا مــن سبايـبـهـا
الـوقــت غـــلاب والـعـربـان نـقــاده
ســود الليـالـي كـثـيـرات عجايـبـهـا
تضحك عيال الخـدم وتزعـل السـاده
يـاعــل ربــــي يـعـديـنـا مصـايـبـهـا
عن ماجرى للعـرب ماهيـب نشـاده
احــدٍ يـصــدق بـهــا وحـــدٍ يكـذبـهـا
وابن الرخم يحتفل في عيـد ميـلاده
اعـــز نـفـسـي واعـزيـهـا واجـنـبـهـا
وكثر المجامل ترى ماهوب لي عاده
ان كـان نفـس الولـد نالـت مطالبـهـا
والا قـعـد مقـعـد الحـقـران مقـعـاده
بعـض الرياجيـل لـو تنتـف شواربـهـا
ان كان راسـه تخلـى الـزود وعنـاده
يمنـى تقصـر عـن الماجـوب عقبهـا
تستاهـل اللـوم دوم الــدوم وزيــاده


"بدر بن عبد المحسن "

computer girl
10-11-2009, 07:43 PM
كـل مااقــفـــــيـت نــــــادني تعـــــــــــــال

وكل مااقــبـــــلت عــــــــزم بالـرحـــــــيل

وكل مااجــــنـبت واعــــــدني شـمــــــــال

يااهــــل الحــــــب ضـــيعـت الـــــــــدلـيل

الحــــقـيقة غـــــــــدت مـــثـل الخـــــــيال

هـو عـــــــدوي وهـــــو اغــــلى خــــــليل

شفـــت انا الظـــــلم من بعـــض الـــــدلال

يجـــــــرح القــــــلب لو كـانه جـــــــــميل

اشهـــــــد ان الهــــــــوى مـابـه عــــــدال

هـــــو خـــــلى وانـا قــــــلـبي عـــــــــليل

وكل ماقـــــلـت له يـابــــــــن الحــــــــلال

المحــــــــبة عـــــــــطا وانـت بخـــــــــيل

الـتـفـت لـي وهــــــو عـجـــــــل وقــــــال

لـــــــــذة الحــــــــب في الشىً القـــــــليل
**********************8
شبيب بن عرار النعيمي

elkeTman
11-11-2009, 01:32 AM
نقطة نضام اخبرك عن غرامك == من قبل لانهي سيرة الحب وياك

لعيون عهدك والغلا وابتسامك == والصدق والعشره وشوقي لقياك

عزمت اعزي في وجودك عدامك==واكفنه في تربة الصد وانسااااك

ماني مقلل قيمتك واحترامك == لاني عشقتك بالوفا(حس وادراك)

كل الغلا يخضع لحضرة مقامك==(من الفه لالفه الى الفك وياك)



دآآيم السيـــــف

الدوسـ2006ـري
15-11-2009, 03:45 PM
الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظـر عـينه بهون
فـز له قـلبي وصفـق وارتعـد
لفني مثـل السحايب والمـزون
فـي عيوني برق وبقلبي رعد
نقض جروحي وجدد بي طعون
قلت : يكفي قالت:عيونه بعـد
وانعطف هاك الشعر فوق المتون
وانثنى عوده وقفى وابتعـد
اشغلتني نظرة العين الفتون
حيرتني بالتوعد والوعد
هي تمون العين والا ما تمون
لى خذت قلبي وقفت ياسعد


***************************

(( أسير الشوق ))

الطبيب1
17-11-2009, 12:39 PM
اقـوم مـن ليل واصبح على ليل

وما ادري النهار اللي يقولون وينه؟؟



مـشغلني اللي مشغل البال بالحيل

واخفت شعاع الشمس غرة جبينه



الـمترف الـلي لاعني بالمظاليل

واطـبق جـفونه بين عيني وبينه



لاجـله تـحديت البشر والذي قيل

ولاجله نذرت العمر واغلي سنينه



طرياه في شعري وصوت المواويل

واكـيد عـشاق الـسهر سامعينه



وذاكـراه فـي بالي وكل التفاصيل

هـو بـحري المواج وانا السفينه



امـوت بـه واموت به سيد الجيل

ويـفداه عـذال الهوي وحاسدينه



خـذو الـنهار وقضبوني يد الليل

مـادام لـيلي سـاكن وسط عينه





عبدالله بن علوش

elkeTman
19-11-2009, 02:46 AM
قال . ابا اشوف البحر وشلون ينســاب؟

وأبحـــــرت بفكـــــــاري معه في ليـــــونه





قال؟ ابشوف كلاب تلبسلها ثيـــاب؟

جبت اهل هرجن بالقفا .. يقنعـــــــونه




قال؟ ابي صحرا . مابها حبّة تراااب

نصّيته اثلن عارياتن غصــــــــونـــــــــه





قال؟ ابي ذيبن منكسـر منّه النــــاب

قلتله .. رجلن عزوته؟ يكـــــــرهـــــــونه





قال ابشوف اللي لياعاب؟ ماعاااب

قلتله رجلن .. ربعـــــــه ايقدّرونـــــــه







قال؟ ابشوف اللي تفتّحله ابواااب

وصّفـــــته اللي كل . بنكن زبــــــــونه





قال؟ ابي غضنن مرتوي .. مابه اعنــــاب

واشّرت للي لقمتــــــــه في سنـــــــــونه





قال ابي مخـــــلابن على كف مغــــلاب

قلتله ذاللي يقصر الهرج دونــــــــــــــــه






قال ابي محبوبن جلس ماله احبااااااب؟.

قلتله رجلن كاثرات ديـــــــــــــــــــونه







قال ابي نشبه؟ هاتلي نشبة انشـــــــاب؟

جبتله رجّالن لســـــــــالنه يخــــــــــــونه







قال ابغا وشمعنى زعل ماله اسباااااااب؟

قلت البشر معنى الزعل يجهـــــــــــــــلونه






قال ابي قلبن ينصحونه ولا تاااب؟

قلتله ذا قلبي ولا تنصــــــحونـــــــــه






قال ابغا اودّعكم مع النجم لاغاااااب

قلت الوداع فراااق .... مايرغبونــــــــه


بن فطيس

₪°Senyorita°₪
22-11-2009, 03:37 AM
*·~-.¸¸,.-~*قطر موطني *·~-.¸¸,.-~*



قطر موطني وانا مثل من تربو فيه ... راعي الابل وراعي المال والغيص والفلاح

رجال الى سمعو نداه اجمعوا لبيه ... تطيح الغتر والروس بس العلم ما طاح

سواعد الامير وفي المحافل فخر ووجيه ... ونارد حياض الموت كنحن خرز مسباح






حمد السعيد .. { ~

الدوسـ2006ـري
05-12-2009, 01:27 AM
الا ياقلب لاتشره عليه وليا متى غيره
يغيب براحته خله يروح لعالم النسيان

كفاك تدور اعذار لغيابه فضها سيره
تماديت بغلاه ومن تمادى بالغلا خسران

ابد مافي بدنيا بشر يستاهلك غيره؟
يغيب ولرجع ماكنك الا العاشق الولهان

انا ماقول لا ماقول مانت بشايفٍ خيره
وانا ماني بقايل صاحبك وافي ولاخوان

يقولون القمر لاغاب يضوي له على ديره
وانا اقول الحبيب ان غاب يضوي له على خلان

اجل شـ..أسباب هالغيبه وابي شـ..أسباب تاخيره
وابي ليه الجفاء ياقلب ؟؟ وانت بغيبته حيران

شهر واكثر و لاطرش عن غيابه معاذيره
ياليته لو تعذر بالظروف ( ولايمه ) غلطان

تعبت و لاطراله يتصل قل علها خيره
وش انت متعب حالك على واحد قليل احسان

يجي ميت ( وله ) لامن شكا وقته وتعزيره
واذا قفى على وجهه حبيبك ناقة عريمان

مع اللي ماله سبوق اتركه شوف واحدن غيره
وانا شوري عليك تلحقة في سبعه الشيطان

ذبحك الطيب ياقلبٍ تعذب من مقاديره
يعن كنك خفوقي خابرك ماتعرف النكران

تقاضي لعنبو جد الغلا ماتنفع الذيره
ترى من لا يتقاضى ياخفوقي من هالزمن ينهان

حبيبٍ ماصفى لك طيع شوري بدل بغيره
وانا شوري عليك تلحقه في سبعة الشيطان


*******************************

(( حمـد آل جميلـه ))

حيآتي كلهآ لله
06-12-2009, 05:23 PM
حبال الوصل بيده وعزم علـى جفـواه
علامه رحل وحبال الاشـواق ملويـه
لو أنه بغا قلبي فقلبـي علـى لامـاه
يسوق البشاير بـس يقـرب حراويـه
ولو انه بغا روحي فروحي بعـد تفـداه
يعـود تـرا حالـي تزايـد بـلاويـه
لو انه حسب كم مرتن قال صدري آآآآه
علي بالحرام ان يقلـب الجـور حنيـه
عسى اللي بلاني به مع الوقت بي يبلاه
على شان ينسى طاري البعـد موليـه
.
.
خلف المشعآن

الدوسـ2006ـري
12-12-2009, 09:18 PM
إن كنت تنشد يالمسيكي .. عن الحال
مالي على .. كتمانها عنك .. حيله

الصبر عن بوح الاحاسيس .. قتال
والبوح في بعض المواقف ، فشيله

لو كل مايطري على البال ينقال
ماكان شفت ان الثقيله .... ثقيله

ابطيت اكافح ضيقة البال بالبال
. وادفع بلا .. هاجوسها كل .. ليله

لين اقبلت مثل .. السحابه بهمال
تشفي غليل اللي .. تزايد غليله

طاحت ، ولاْوفق من حناياك منزال
وابطلبك .. يابدر ( تكمى ) المخيله

ان قيل ترعد .. قلهم : صوت زلزال
وان قيل تبرق .. شف لها ادناة حيله

مابي .. تناقلها هل القيل والقال
.. وتصير من بعد القصيره .. طويله

يابدر .. ماني عال .. لو صحتي عال
.. شفني من الصدمات نفسي عليله

اشيل حملٍ .. لو يشيلنه .. جبال
.. الله ، وامانه .. غير تصبح نثيله

أرمي .. من هموم الزمن .. واسحب أدبال
وانزل عن ( الجوكر ) وغيري يشيله

من كثر ماشفت بحياتي من انذال ....!!
.. بديت اشك ان النذاله ... فضيله

ماطاح من عيني رجل ..!! طاحوا .. رجال
ورجال ( يابن حنيف ) ماهي قليله

اقرب من اللي قالهم ضمن ماقال ..
راكان بن حثلين .. راعي الجزيله

( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله

سبحان منهو يابدر غيّر الحال ..!!
. .. وحط الجفا بين الخليل .. وخليله

الصبر عن بوح الاحاسيس .. قتال
والبوح في بعض المواقف ، فشيله


***************************

(( محمد مريبد العازمي ))

برستيج عالي
14-12-2009, 09:19 AM
ابديت علاقه وانتهيتك غرام من سقيتك قصيدي وانت بذرة غلا

... الخ


المحاضره بدت



محمد السهلـــــي

:s21:

الدوسـ2006ـري
04-01-2010, 01:54 PM
أسبوع مر .. ولا وصل منك مرسال !!
ياقو قلبك كيف تقطعني أسبوع ؟!

الجوع كافر .. وانت ماترحم الحال
وانا عليك من الوله ميتن جوع

يالي غيابك صعب يطري على البال
تركتني ضايق وحاير ومفجوع

ماكني الا: شايبن فاقد عيال
وماكنك الا: محرمن حق مشروع !!

يفوع لك قلبي ليا مر الأطلال
ياليت مالي قلب يشتاق ويفوع

حسبي عليك شلون قطعت الأمال
باااااموت لاصار الأمل فيك مقطوع

ياصاحبي .. ماكل نزال رحال
انت الحيا من وين مارحت متبوع !!

نسياني لزول بالاعماق يختال
اصعب على صاحبك من حبة الكوع

لو الثمن في شوفتك عمر رجال
كان الثمن من يوم ماغبت مدفوع !!

ولو القدر ماتم قوله ليا قال
ماضاق صدر ولا انحنى راس مرفوع

ياصاحبي عشقتني فعل وخصال
وانا عشقتك شعر واحساس وطبوع

وشلون تتركني كذا لـ.. اشهب اللال
وقدام عيني تجف ينبوع .. ينبوع !!

وانا عشانك جيت والغيم همال
اسيل الوديان و اداحم جموع

ماردني عنك سواليف عذال
تزعل علي ربوع وتقدر ربوع !!

كان المهم اعيشك جنون ووصال
ويكون لي كلمه ولي راي مسموع

واليوم ضاقت بي من الجال للجال
فرقاك تقصم ظهر .. وتحز وتلوع

لوجيت شفت الحال ماسرك الحال
في غيبتك ضايق وحاير ومفجوع !!

هذا غياب اسبوع وشلون لو طال
طالبك تكفى لا يطول عن اسبوع !!


***********************

الشاعر .. )( علي الغياثين المري )( ..

الطبيب1
06-01-2010, 12:45 PM
صوتلك غير مالقيـت للصـوت بـال ,, واقفيت ماكنك ياسيد العرب تسمعـه !

ليا رماني زماني مـن عيـون الرجـال ,, يفداك من طيحته لجل الغـلا ترفعـه !

لادق صدري غلاك وحار دمعي وسال ,, لاتلومنـي مابقالـي حاجـةً تردعـه !

حبل الرجاوي على كف الوفاء والوصال ,, أدخل على الله من صدتـك لاتقطعـه !

ياخيك حمل الهوى يكسر ظهور الجمـال ,, ضاقت علي ارض ربي وارض ربي سعه !

الحب دربً مع (تنـدا) وجالـه هيـال ,, ونفسك تسوق القدم واخاف لاتطلعه !

تمر ذكراك وتسيّـر علـي مـن شمـال ,, جنوبيً والشمـال ان هبتـه توجعـه !

بلاك منته بدار صاحبـك ويـش قـال ,, في ساعةً ترتويـه الضيقـه وتشبعـه !

تعال ياجعلنـي فـدوة عيونـك تعـال ,, الناس واجد لاكن ماله بغيـرك معـه !

كثر التغلي وعـذال الهـوى والليـال ,, تشتت الشمل مهمـا كـان ماتجمعـه !


سعيد بن مانع الرفيدي

خلف المريخي
07-01-2010, 12:27 AM
قــال الـــذي قـلـبـه يـزيــد إحـتـراقـه
الله واكــبـــر يـــازمـــان الـطـفــاقــه
قـبـل أمــس حـنـا نعـلـمـه بالـطـلاقـه
ونعلـمـه رمـــي الـسـهـم وانـزراقــه
ياأبـيـات شـعــري علـمـيـه بـرواقــه
واعـرف مـن اتكلـم ياجعـلـك لعـاقـه
ولاتـدخــل المـضـمـار دون اللـيـاقـه
ولا لا تقـرب صـوب درب الزلاقـه
متحـمـسٍ بالشـعـر ولافـيــك طـاقــه
وان كـان مثلـك جـمّـع الشـعـر بـاقـه
وحنـا عمـود الشـعـر وحـنـا رواقــه

ياسر التوجري

الدوسـ2006ـري
24-01-2010, 11:32 AM
نادي النصر احسن من ريال مدريد ***غصب على مدريد مع برشلونه
عن حب الاصفر حالف دوم ماأحيد ***وماحب غيره لو هم يقفلونه
يانصرنا رجع لنا فرحه العيد *** راحت ثمان سنينن مانعرف لونه
يانصرنا متى تهل الزغاريد *** متى علينا الفوز تقبل ضعونه
متى على الله ترفع الكأس بالإيد *** وتفرح جماهير سنين مغبونه
وخل الجزيرة تفتخر فيك وتشيد *** غصب على العبدي ومن يتبعونه
ونشوف ابو شامة يجر التناهيد *** وعجلان حائل طايرات عيونه
نبغى مثل شغل المهلهل وابو زيد *** خل الزناتي يذبحنه طعونه
تكفى ترى تكفى تهز الاجاويد *** تاصل لمجد ماقدروا ياصلونه
نبغى زمن ماجد ويوسف وابوسعيد*** ومحيسن الجمعان ماحلى فنونه

|************************|

(( "جديد" ابن فطيس ))

مناير الدوحة
24-01-2010, 12:34 PM
عقبال ياماخذ فـؤادي ميـة عـام
ضيعتني منك وانـا مـا اهتديتـك
لا ما نسيتك كيف بانساك مـا دام
ذكرى الفراق تهزني لـو نسيتـك
حبك قدر وانا على ديـن الاسـلام
مكتوب في وجه الجبين ورضيتـك
لك في الضمير الود والحشمه أتوام
ولي في ضميرك مثل ما أنا بغيتـك
ولك منزلٍ في نايف القلـب وخيـام
وذود الغـلا ترعـاه ولا شكيـتـك
يفطر عليك القلب وان فارقك صـام
والله لونك شـوك سـدره كليتـك
القلب طيرٍ لادعـي للهـوى حـام
والا انت وكره من كثـر ماهويتـك
كن العيون من النظر عقبـك ايتـام
وكني ماريت الا انت من يوم ريتك
وكنك معي وانا فقدتك مـن اعـوام
مـع الخيـال القـاك كنـي لقيتـك
من صعب وصلك ما تهنيتك احـلام
وان جابتك فزيت شـوق ومحيتـك
يعني وصالك صعب واهدافي اوهـام
يعنـي زرعتـك للقـدر ماجنيتـك
صبرك يقولون العرب كـل الايـام
يوم عليـك ويـوم لاجـاك جيتـك
ويا قلب ياللي ورثك اجـروح وآلام
بليتنـي ماهـو بانـا اللـي بليتـك
ولعتني من عادني في الهوى خـام
واسرفت بي وانا خطامـك عطيتـك
طعتك وزبدة طاعتـك هـم وهيـام
مالله كتب لي واستخرت وعصيتـك
لو للقلـوب اسـواق بايـع وسـوام
لا ابدلـك وان جيتنـي ماشريـتـك
والا انت ياللي جيش عينيك مقـدام
لا اقنعت منـك والرجـا مارجيتـك
كني سجين بين..افـراج ..واعـدام
وكنك سجن وانـا بنفسـي بنيتـك
تنبيك عن حالي محاصيـل الالهـام
وتخبرك نظراتـي نهـار التقيتـك
عقب الوصال اللي على عين من لام
قدهو يكفيني عن الوصـل صيتـك
وقدني الى مريت بالشـارع العـام
لديت من ما في الضميـر ودعيتـك
ادري ان صوتي ماقطع عشرة اقدام
وادري بي اعود الى مـن نصيتـك
ياشينهـا يامحنـيٍ راس الابـهـام
ماقدر على شوفك وانا عنـد بيتـك
الاعمار ما تضمن وانا اخاف الاحكام
أرثيك خـاف أودعـك مـا رثيتـك



محمد الحويمآني

alJo0o0o0ohra
24-01-2010, 12:39 PM
جيت أعشم بردنا.. بالصيف لكن..
الفصول الاربعة.. برد ورتابه!!
أهـ لا صار الغلا بالجرح ساكن
والخناجر كلها.. ربع وقرابه!!


الشـآعـر : حمد السعيد

الدوسـ2006ـري
31-01-2010, 03:23 PM
،، مجنون زعلاتك ،،


تزعل واراضيك واتلذذ بتزعيلك

تبي الصراحه انا مجنون زعلاتك


لاقمت تبعد وانا اقرب وادنيلك

وامسك طرف غترتي وامش دمعاتك


وتبدي تعاتب وانا كل انتبااهي لك

ما اسمعك شتقول انا عيني على شفاتك


وتعيد حجيك وتفرك حيل منديلك

وتخالطت صادق حروفك بوناتك


واحاول ارضيك ومدري منين ابديلك

واحتار واذكرك في بعض زلاتك


واسمعك ماكتبته بك واغنيلك

طاروقك اللي تحبه واكسر سكاتك


واستسمحك واعذرك واسمعك واشكيلك

واتلهف لبسمتك ورد ضحكاتك


يسرقني الوقت ولا يمديني احجيلك

كلام اللي تحفظته لشوفاتك


وقت الوعد فات وعيوني تراعيلك

وقفيت واشغلت القلب بلتفاتك


عيني على خطوتك والقلب يدعيلك

الله يحفظك من الحاسد وشماتك


تزعل واراضيك واتلذذ بتزعيلك

تبي الصراحه انا اعشق كل حالاتك


********************************

(( حمـدان المري ))

رهينة حب
31-01-2010, 03:30 PM
يا صاحبي لو على دنياك ما دامـت
لو تملك الأرض مغربها ومشرقهـا

لا تلتفت في كلام العـاذل الشامـت
شف اللي باقي من أحلامك وحققهـا

لو تدري الناس وش موزيك ما لامت
تسابقـت للعـذل واللـوم سابقـهـا

لا ارتاحت الناس في شفك ولا قامت
ما يدري بأسرار نفسك كود خالقهـا

تقول عيني لها يوميـن مـا نامـت
وأقـول شاللـي معنيهـا ومرهقهـا

عمر الغلا ما يجي بإحراق ومعامت
معامتٍ نفسـك بنفسـك ومحرقهـا

بعض المحبه طيورٍ كل مـا حامـت
ما مرها مـن الهبـوب الا مفرقهـا

وبعض المحبه طيورٍ كل ما شامـت
عن دارها كن جفا (المربى) يوثقهـا

إن طعتني خل جوالك على الصامت
وخذ قاعدة طنـش العالـم وطبقهـا

البنت مهما أعشقت وأشتاقت وهامت
لو قالـت أنـي أحبـك لا تصدقهـا

الا اللي من حبها لرضاك ما سامت
لو أنذرت عمرها من دون عاشقهـا

ذي اللي في حبها لا تفرح الشامـت
يـا تحبهـا صـدق والا لا تعلقهـا

وأغنم زمانك ترا الأيام مـا دامـت
تغااانم اللي بقـى دامـك مفارقهـا


****************************

(( حمد السعيد ))

alJo0o0o0ohra
02-02-2010, 09:21 PM
بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره

ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره
ياللي غيابك طال



أحمد الصانع ~

الدوسـ2006ـري
07-02-2010, 02:53 PM
تِصَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

أنا حبيتك .. وهالغلطه حبيبـي ما لَهَا تبرير
علاقة حُبْ مَجْنُونَـه .. ما بينْ أحزاني وبيني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّى النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد ينهيني.......


*******************************

(( جديد البـدر * بدر بن عبد المحسن * ))

الطبيب1
07-02-2010, 03:15 PM
سلطان جتـك نخيلهـا والعناقيـد
تستقبلك قبـل العقـل والقلايـد
.
يا مرحبا بالعشب .. بالروض والبيد
واللي عليهـا مـن قريـب ونايـد
.
انت الذي تضمى لشوفك مواعيـد
وانت الذي تشكي سفرك القصايـد
.
دس هالقلوب اللي فرشنا سجاجيد
وارتك ترى لك في الضماير وسايـد
.
ويا مرحبا يا شيخ .. يا عم .. يا سيد
يا غيث من يجري ويا نعـم جايـد
.
ويا مرحبا بالهـام والخـد والجيـد
مـن المعالـي والعلـوم المجـايـد
.
اليوم طاب النوم من عقب تسهيـد
وتبددت سحب الليالـي الشدايـد
.
سلطان جتـك نخيلهـا والعناقيـد
تستقبلك قبـل العقـد والقلايـد





لافي الغيداني

alJo0o0o0ohra
07-02-2010, 03:24 PM
يامكثرين الهرج لااسمع ولااجيب = تريحوا من فضلكم واسمحوا لي
تريحوا لاتلحقون المشاهيب = على الردى ماني شفوق عجولي
بالعقل والصبر ادب النفس تاديب = والا لها مده تصول وتجولي
خلج ترازم في سياج المحاديب = مافيهن اللي بالعقال معقولي
اشد وطية زور من شمخ النيب = اليا ضاع مفعو ل الحيل والحلولي
انا لاقلت ارتب القول ترتيب = حتى يجي كي على فك قولي
اليا ارسلت لافكار القريحه مناديب = ترايعن من عقب ماهن جفولي
لكن مالي من وراها مكاسيب = لو كان عشاق القشر صفقوا لي


المتنبي ~

الدوسـ2006ـري
10-02-2010, 03:02 PM
واحَرَّ قَلباهُ مِمَّن قَلبُهُ شَبِم ***** وَمَن بِجِسمي وَحالي عِندَهُ سَقَمُ
مالي أُكَتِّمُ حُبّاً قَد بَرى جَسَدي ******وَتَدَّعي حُبَّ سَيفِ الدَولَةِ الأُمَمُ
إِن كانَ يَجمَعُنا حُبٌّ لِغُرَّتِهِ****** فَلَيتَ أَنّا بِقَدرِ الحُبِّ نَقتَسِمُ
قَد زُرتُهُ وَسُيوفُ الهِندِ مُغمَدَتٌ ******وَقَد نَظَرتُ إِلَيهِ وَالسُيوفُ دَمُ
فَكانَ أَحسَنَ خَلقِ اللَهِ كُلِّهِمِ****** وَكانَ أَحسَنَ مافي الأَحسَنِ الشِيَمُ
فَوتُ العَدُوِّ الَّذي يَمَّمتَهُ ظَفَرٌ****** في طَيِّهِ أَسَفٌ في طَيِّهِ نِعَمُ
قَد نابَ عَنكَ شَديدُ الخَوفِ وَاِصطَنَعَت ******لَكَ المَهابَةُ مالا تَصنَعُ البُهَمُ
أَلزَمتَ نَفسَكَ شَيئاً لَيسَ يَلزَمُها ******أَن لا يُوارِيَهُم أَرضٌ وَلا عَلَمُ
أَكُلَّما رُمتَ جَيشاً فَاِنثَنى هَرَباً ****** تَصَرَّفَت بِكَ في آثارِهِ الهِمَمُ
عَلَيكَ هَزمُهُمُ في كُلِّ مُعتَرَكٍ ******وَما عَلَيكَ بِهِم عارٌ إِذا اِنهَزَموا
أَما تَرى ظَفَراً حُلواً سِوى ظَفَرٍ******تَصافَحَت فيهِ بيضُ الهِندِ وَاللِمَمُ
يا أَعدَلَ الناسِ إِلّا في مُعامَلَتي ******فيكَ الخِصامُ وَأَنتَ الخَصمُ وَالحَكَمُ
أُعيذُها نَظَراتٍ مِنكَ صادِقَةً ******أَن تَحسَبَ الشَحمَ فيمَن شَحمُهُ وَرَمُ
وَما اِنتِفاعُ أَخي الدُنيا بِناظِرِهِ****** إِذا اِستَوَت عِندَهُ الأَنوارُ وَالظُلَمُ
أَنا الَّذي نَظَرَ الأَعمى إِلى أَدَبي ******وَأَسمَعَت كَلِماتي مَن بِهِ صَمَمُ
أَنامُ مِلءَ جُفوني عَن شَوارِدِها ******وَيَسهَرُ الخَلقُ جَرّاها وَيَختَصِمُ
وَجاهِلٍ مَدَّهُ في جَهلِهِ ضَحِكي ******حَتّى أَتَتهُ يَدٌ فَرّاسَةٌ وَفَمُ
إِذا نَظَرتَ نُيوبَ اللَيثِ بارِزَةً ******فَلا تَظُنَّنَّ أَنَّ اللَيثَ مُبتَسِمُ
وَمُهجَةٍ مُهجَتي مِن هَمِّ صاحِبِها****** أَدرَكتُها بِجَوادٍ ظَهرُهُ حَرَمُ
رِجلاهُ في الرَكضِ رِجلٌ وَاليَدانِ يَدٌ ******وَفِعلُهُ ما تُريدُ الكَفُّ وَالقَدَمُ
وَمُرهَفٍ سِرتُ بَينَ الجَحفَلَينِ بِهِ ******حَتّى ضَرَبتُ وَمَوجُ المَوتِ يَلتَطِمُ
فَالخَيلُ وَاللَيلُ وَالبَيداءُ تَعرِفُني****** وَالسَيفُ وَالرُمحُ وَالقِرطاسُ وَالقَلَمُ
صَحِبتُ في الفَلَواتِ الوَحشَ مُنفَرِداً ******حَتّى تَعَجَّبَ مِنّي القورُ وَالأَكَمُ
يا مَن يَعِزُّ عَلَينا أَن نُفارِقَهُم ******وِجدانُنا كُلَّ شَيءٍ بَعدَكُم عَدَمُ
ما كانَ أَخلَقَنا مِنكُم بِتَكرُمَةٍ****** لَو أَنَّ أَمرَكُمُ مِن أَمرِنا أَمَمُ
إِن كانَ سَرَّكُمُ ما قالَ حاسِدُنا****** فَما لِجُرحٍ إِذا أَرضاكُمُ أَلَمُ
وَبَينَنا لَو رَعَيتُم ذاكَ مَعرِفَةٌ ****** إِنَّ المَعارِفَ في أَهلِ النُهى ذِمَمُ
كَم تَطلُبونَ لَنا عَيباً فَيُعجِزُكُم****** وَيَكرَهُ اللَهُ ما تَأتونَ وَالكَرَمُ
ما أَبعَدَ العَيبَ وَالنُقصانَ عَن شَرَفي****** أَنا الثُرَيّا وَذانِ الشَيبُ وَالهَرَمُ
لَيتَ الغَمامَ الَّذي عِندي صَواعِقُهُ****** يُزيلُهُنَّ إِلى مَن عِندَهُ الدِيَمُ
أَرى النَوى تَقتَضيني كُلَّ مَرحَلَةٍ****** لا تَستَقِلُّ بِها الوَخّادَةُ الرُسُمُ
لَئِن تَرَكنَ ضُمَيراً عَن مَيامِنِنا ******لَيَحدُثَنَّ لِمَن وَدَّعتُهُم نَدَمُ
إِذا تَرَحَّلتَ عَن قَومٍ وَقَد قَدَروا ******أَن لا تُفارِقَهُم فَالراحِلونَ هُمُ
شَرُّ البِلادِ مَكانٌ لا صَديقَ بِهِ ******وَشَرُّ ما يَكسِبُ الإِنسانُ ما يَصِمُ
وَشَرُّ ما قَنَصَتهُ راحَتي قَنَصٌ ******شُهبُ البُزاةِ سَواءٌ فيهِ وَالرَخَمُ
بِأَيِّ لَفظٍ تَقولُ الشِعرَ زِعنِفَةٌ ******تَجوزُ عِندَكَ لا عُربٌ وَلا عَجَمُ
هَذا عِتابُكَ إِلّا أَنَّهُ مِقَةٌ ******قَد ضُمِّنَ الدُرَّ إِلّا أَنَّهُ كَلِمُ


************************************

(( علي بن حمري ))

رهينة حب
16-02-2010, 11:59 PM
ياقل حالـي مـن بعـد فرقـاك قـل ً مايـزاد
ولبا عيون أللي علـى شانـي رهـت عبايـره

ما الله هداك تهاود الفرقـا ؟ولومابـه هـواد !
أرب قلبك فيه صبـره00 ؟لاعـدم صبايـره ..

لولاك ماكان الهوى فتـوى ومعرفتـك جهـاد
والعشق ديـن ً لـك صلواتـه ولـي شعايـره

جاهرتك بك وأنـا بعدهـا قابـلٍ حـر وبـراد
والحين ويش ألهـاك ؟ ياصـدري وياسرايـره

فاذا كتب ربـي علـي افـراق خـلان وبـلاد
فيا جعل يكتب بعدهـا ملقـى وخطـوة زايـره

عودي خضر واوصالك الساقي وفرقاك الجـراد
الله يعيـض التاجـر اللـي روّحـت تجايـره

***********************

(( جابر هايف العتيبي ))

مناير الدوحة
17-02-2010, 04:22 PM
يابوي ليه تبكي كل ما شافتك وعينـك لـي
تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحي؛
أجل بعد الرحيل أشلون في قبري توطينـي

يابوي لو تموت الناس ماتسوى دموعك ذي
وأنا يابوي ميت قبل أموت وأنت محيينـي

قسم بالله يابوي لجل عينك شربـت الغـي
جرعت الهم والحرمان وبحر الويل يسقيني

تحملت السنين اللي طوتني في عذابي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي
وتكفى قبل لا أتكفن .. يابوي فكلي عينـي

بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شوي
ووجهني لبيـت الله .. وقبلـه المصلينـي

وحط الطين وأدفني وعزاللـي يعـزي فـي
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعنـي
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي
تجي يمي تصب الما..على وجهي وتصحيني

تذكر جرة الموال وصوت فـي حبالـه كـي
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقـي هـي؛
تذكر كم قصيدة خافيه مـا بينـك وبينـي

تذكر كل شي كان وأذكـر يـوم جابر حـي
ولكـن أسالـك بالله يابـوي لا تبكيـنـي

===================================

ياناس حّنا من ضنا نجـد عتبـان
يشهد لنا التاريخ لـو قلـت حنّـا
حنا فياض ٍ وأن قسى الوقت ضلعان
حنّا البحـر مـدام هـالأرض منّـا
حنّا الرعـد حنّـا زلازل وبركـان
حنّـا دمـار الكـون لوقيـل عنّـا
حنّا شعاع الشمس والليل خسـران
حنّـا الليالـي لاأقبلـن مـا وطنّـا
حنّا غدير ٍ يعشقـه كـل ضميـان
حنّـا غـرام ٍ والـعـذارا هـونّـا
حنّا الكرم والطيب شايـب وشبّـان
حنّا عتيبه مـن لنـا المجـد غنّـا
حنّا سلاطيـن الجزيـره إلـى الآن
ماهمنّـا اللـي بالنوايـا أمتحـنّـا
حنّـا سيـوفٍ هابنـا كـل خـوان
حنا السنين الماضيـه مـن بكنّـا
حنّا السما لا صار بالأرض نقصان
بعد الوّلـي هالكـون منّـا وألنـا
حنّا هنا وأعـرف بلاكـان ماكـان
حنّـا هنـا وهنـاك كنّـا وإنّــا
حنّا وحنّا لوبغـى القـول برهـان
للمجـد والعّـزه سـوى أكتبّـنـا
شاعر وجيت من الفخر حيل طربان
دام الطـروق اللـي تغنّـا لحـنّـا
حنّا قصيده شامخه تحـت عنـوان
حنّـا عتيبـه وأنشـد الكـل عنّـا

عجبني هالشآعر :marsa117:

علي البريدي

مناير الدوحة
17-02-2010, 09:00 PM
^^
علي ! :huh:
علي مين ؟
آقصد حمد البريدي
قرّب الدوآم وآشتغلت حآلة الزهآيمر :t1:

alJo0o0o0ohra
17-02-2010, 09:04 PM
وآنـآ آقول من هـآي

شفتك بعد غيبه .. وحاولت احاكيـك
مهوب من قلبي ولا مـن جراتـه !!

بغيت اقول / فلان وازريـت اناديـك
وكني سمعت اسمـي معـا لالتفاتـه

فزيت من نومي وانـا اقـول لبيييـك
وآثرك رويا .. فـي منامـي وجاتـه

صفقت كف .. وقلت يا حلم يشوويـك
جددت لي جرح ٍ هنـى فـي مباتـه

يا اللي شريت البعد .. ما غاب طاريك
حتى لو ان البعـد .. سـوى سواتـه




الشـآعـر : ربيع القلب

Pure Lady
18-02-2010, 01:58 AM
راجع بدمع الذل تطلبني بحسن آآعامـــــــلك

لا ماطلبت..آمر.. وعد منّي ليال(ن) ســـــود



الشاعر عبدالله بن علوش

الدوسـ2006ـري
21-02-2010, 10:11 AM
((مفتوح ومسكر))


مفتوح ومسكر .. مسكر ومفتوح
تشوف رقمي وكن منت بتشوفه

شبعان وشايف خير .. وماني بمشفوح
واللي يبي شوفي فـ،،انا حب شوفه

بتروح قل باروح .. وبقولك روح
وما على وجه المقفي حسوفه

والا احساسي قدله سنين مجروح
من سيدة كل الزيان العزوفه

اللي لها كل الغلا .. قاع وسفوح
عند اسمها كل اسمن امره اطوفه

(صدقي لها) ولغيرها لعب ومزوح
والقلب كل اللي يجونه ضيوفه

ضيفن الى منه راح .. تبرا له الروح
وضيفن الى منه راح .. جعله ذلوفه

ولا انت ياراعي مسكر ومفتوح
مارييت الكذاب " كثرة حلوفه "


*** *** *** *** *** *** ***

(( حامـد زيد ))

Pure Lady
23-02-2010, 01:03 AM
الشعــــراء


مابقى الا سود الايام تحرمك الرقاد
كيف الاوهام اتجرأ اتسريك مغبون

من متى تجزع من الدمع وتخاف البعاد؟
من متى تقفي بك ظنون وتجيبك ظنون؟


صرت تاخذ كذبتي صدق، ومزاحي وكاد
لو بقول اني بخونك تحسب اني بخون


ماتعرف ان كل شاعر يهيم بكل واد؟
وانهم دايم يقولون مالا يفعلون؟

ابك انا لاقلت ابنساك وانكرت الوداد
والله اني مانسيتك وولاهم يحزنون


من جزع من صفعة الشمس يطمع بالبراد
ومن فقد وجهاته الخمس يلقى بك ركون


اعتبرها هفوة انسان او كبوة جواد
لو بتسمح فانت غالي ولو تجرح تمون


عد صداتك مروة وطعناتك ضماد
خلهن لاراحن طعون ولا ردن طعون


خنجرك يستاهل الطعن ومتوني شداد
ومنك يازين الخناجر ويا بخت المتون


ردلي حنية المزح باحساس الجماد
خلنا واحد يجي صلب والثاني حنون


موت فيني واندفن فيك بثياب الحداد
وان حييت أموت لرضاك واحيا بك بهون


مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون


ادري ان شجونك شجون واعنادك عناد
والبلا ان عنادك عناد وشجونك شجون


ربك اللي سخرك لي تقود وما تقاد
والله الخالق ولله في خلقه شؤون


ازرع ضلوعي من رضاك وابشر بالحصاد
لعنبو من جيت ترضيه وترد امحزون


بس تسوالك بلد ؟ قول تسوالك بلاد
انت كل العالم بكون ولحالك بكون


مابعد محبتك حب ومرادك مراد
غير كونك سيد حشاي تدري من تكون ؟


نعمتين اختصوا الخلق من جود الجواد
كافل الأرزاق من حيث مالا تعلمون


البنون ونعمة المال بعيون العباد
زينة الدنيا بلا شك في كل العيون


مثل زينة دنيتي بس عندي شي زاد
من عرفتك صاروا المال وانت والبنون


انتشي بك نشوة التيه لعناق الرشاد
وافزع الك فزعة القرم لشهاب الزبون


واحصنك تحصين الأرزاق عن درب الفساد
واعشقك عشق المظاليم لفراق السجون


لو تزيد الشوق جمرة تحولني رماد
لو يزيد العشق شعرة بوصل للجنون


خل هقواتك كبيرة ونظراتك بعاد
كانك انت بكبرك تهون من اللي ما يهون ؟


ازعلك وارهن حياتي تحت رحمة زناد
تهبى لا والله الا انت والموت تهبون


عاد اذا ما ارضاك هرجي ولا اللي قلت فاد
اننا لله وانا اليه راجعون


وانت باكر بتعرف على ناس جداد
والكلام يجيك من كل شكل وكل لون


لاتحسب ان كل كلمة بتسمعها وكاد
ولا تصدق هرج شاعر وتخدعك الظنون


دايم اعرف كل شاعر يهيم بكل واد
وان هم دايم يقولون ما لا يفعلون


حتى انا اللي قلت اعشقك وما اطيق البعاد
يمكن اطلع ماعشقتك



أحمـــد الصـــآانــــع

الدوسـ2006ـري
25-02-2010, 10:42 AM
:

الحَمد لله .. , أبَشْرِك .. . طابت عيوني !
ولو تِرجَعْ الدنيا فِيني والله مَـ أختارك

تِسْألنِي عَنْ حَالِتِي وفـ البُعد وشلوني ..!
آنا سَعِيد بغيابِك ..! وإنت شخبارك ..؟

شخبار جرحي معاك ؟ وآخر طعوني ..?
عطني جديدك .. وعلِّمني عن " أفكارك "

مجنون خِلقهـ وإنت .. تزوِّد جنوني !
محروق قلبي وإنت .. تزيد في نارك !!

مِنْ رحت عنِّي ولهيت بدنيتك دوني
ما عاد قلبي ( مُكانِك ) لا ولا دارك

علي تسأل غريبه ..!! ومنِّك " شجوني "
إنتَ " الوفا " مقاطِعِك , ما أعتقد زارك

يا كِثْرهم من نسوني .. واللِّي يطروني
وإن كان حبِّيت غيري ..؟ جِعْلَهْ مبارك !

إنت وحبيبك .. وربعك / ما تهموني
وفِّر كلامك ..
وأحاسيسك ..
وأعذارك

ما عدت أفكِّر بِوَصْلِك وأتْعِب ظنوني ..
هذاك أوَّل .. يِهمْنِي / أسْمَع أخبارك

وإن كان ظنِّك تِمِس بـ غيبتك " كوني " ؟
أعيش في الظلمه " شامخ " مابي أنوارك

ولو رجلي تعجز تشيل الهَم ومتوني
أموت ظامي .. ولا أترجى أمطارك !

راجع لي تسأل بـ كيف الحال وشلوني ..؟
تحسبها فرصه تقدِّم عذرك .. أزهارك

الحمد لله ..
بخير ونامت عيوني ..
وشلونك إنتَ وبعد فرقاي
...... شخبارك !؟

:



*** *** *** ***

خليل الشبرمي

Pure Lady
25-02-2010, 12:50 PM
،، ماينفــع التسديــد لا فاتت مواعيــد الســدآاد ،،





لاوالله الا .. لاتــجـي والـعـلـم خـــذ عــلـمٍ وكـــاد
حـبـك تـلاشـى وانـتهى .. والافـضل انـك مـاتعود

لالاتــحــاول مــابـقـى .. فـالـقـلـب لـــك ذرة وداد
يـالـلي رحـلـت وكــن مـالي بـالوجود ايـة وجـود

مـايـنـفـع الـتـسـديـد لافــاتــت مـواعـيـد الــسـداد
قـطّـع فـواتـير الـوفـا .. واحـرق مـلفات الـوعود

مــاهـي عـلـوم الـسـندباد وشـهـريار وشـهـرزاد
مــا لـلـجحود الـيـوم عـندي يـاجحود الا الـجحود

امـشي عـلى وضـح الـنقا المجرود واحب الحياد
ولا اداني انصاف الحلول ابدن ولا اخون العهود

صـابـر عـلى ضـيم الـدهر واجـاهد ايـامي جـهاد
والـعـمر يـنـقص والـليال الـسود مـاتنقص تـزود

مـن مـعركتْك ابـنسحب واسـحب جـنودي والعتاد
ولانـسـحاب احـيـاناً ارحــم مـن مـعاناة الـصمود

ولايـنـدمل جــرح الـبياض الـيا دنـا مـنه الـسواد
ولاتـطـيب الـعـله الـلـي بـيـن بـيـض وبـين سـود

كـنت اتـبعك حـافي قـدم وامشي على جمر وكداد
سـلـك الـحـرير يـقـودني ويـسـوقني ذعـذاع نـود

وتـعـبت انــادي يـاحـياة الــروح يــا كــل الـمـراد
ومـلـيت اقــول الـيـوم والا.. بـاكـر بـوصـلك تـجود

انـشـد مـجـاهيم الـلـيالي فــي ربـيـع وفـي جـماد
يــامـا عـلـشـانك سـهـرت الـلـيل والـعـالم رقــود

اسـهـر عـلى ذكـراك وعـيوني مـطاولها الـسهاد
وسـهـيل والـويـل وســواد الـلـيل يـاظـالم شـهود

صـــدك ذبـحـنـي والـجـفا قـطّـع مـعـاليق الـفـؤاد
يـالـلـي بـتـعـذيبي تـمـاديـت وتــجـاوزت الــحـدود

حـتى عـصافير الـوله فـالصدر مـن جـور الـبعاد
مـاتت عـلى هـدف الـضلوع اتـردد الحان الخلود

وحـتـى الـرسـايل لاجـتـك مــن كـبريائك والـعناد
صـارت جـنايز والـظروف اكـفان ودروجك لحود

عـذّبت قلبي واضطهدت الشوق بالهجر اضطهاد
لـيـن الـغـلا مــات ودفـنـته فـي جـراهيد الـصدود

لالا تـبـرر مـوقـفك واعـلـن عـلـى الـحب الـحداد
وتــرى الـبـكا مـايـنفع الـمـيّت ولا لـطـم الـخـدود

الــحــب شــــوق وجـاذبـيـه وانـقـيـاد بـــلا قــيـاد
وصـدق و وفـا واخـذ وعـطا ماله حدود ولا قيود

وكـلن عـلى مـا قـيل يـلقى مـازرع يـوم الـحصاد
واكيد من تزرع يمينه شوك ما يقطف ورود

والــيـوم لامــنـك بـغـيـت الـعـلم خــذ عـلـمٍ وكــاد
حـبك تـلاشى وانـتهى وان طـعت شوري ماتعود


،،،،،،،،،،


تركــي الميــزآانـــي

الدوسـ2006ـري
28-02-2010, 09:59 AM
"]


القصيده اللي حطيتيها مالها حل صراحه .. ذوووووق ورقي فالاختيار :good2:

**** **** **** **** ****

ياصاحبي واللي خلق نعمة السمع == إنك هنا بين المعاليق ثابت

ماجيتلك صدفة ولاجيتلي رمع == وإن غبت عني فرحتي معك غابت

غيري عبث فالحب بسياسة القمع == لكن لا ودت ولا يوم جابت

إلا محبك من عشق يحسن الجمع == ماشاب حبه لوقوى فيه شابت

والدمع هذا اللي تشوفه مهو دمع == اشعلت عيني لاجل اشوفك وذابت

واللي نزل منها على خدي الشمع == ارقد مدام الشوق فالقلب نابت


*** *** *** *** ***

(( خلف المشعان ))

alex.princess
10-03-2010, 10:53 AM
^^^^
:good2: رووووووووووووعة :good2:

..........................


بين العصر والمغرب على طريق الميه

طاحت عيني .. على اللي طاحت عليّه عينه

يوم التفتّ بجنبي .. بالمرتبه الخلفيه ...!!

والاّ .. الغزال الشارد .. مدري من اية طينه


شفت اللكزسباللكزس رقم اللوحه ري ي 100

قلت بقلبي ياقلبي : ( وينك والحلو وينه )


ضوٍ.. سطع واجهرني .. وقمت اتّقي بيديه

مدري بياض اللكزس .. مدري بياض يديـنه

اشرت له واشّر لي .. يعني فهم عليـه .. !!

بسالبخت ، والزحمه حالو مـابيني وبينه


قمت ازوي السوزوكي .. وامشي عليهاميه

لين البساتم طقن .. وانفقعت .. الماكينه

عيني عليهم راحو .. قبل اصفط الملويه

واتلى العهد بعيونه ( مخرج وسط المدينه )

راحت ياموسى راحت .. ليتك شفت ( العجيه )

ماهي مثل شوفاتكسودا ، وعرجا ، ومتينه

صيده .. ولكن طارت .. مالله .. كتبها ليّه

لو المناوي تنفع .. قلت : اتمنى حضــينه

( يانومةٍ بحضينه ).. تسوى الساحه الشعبيه

جعل الساحه الشعبيه .. ياخييّ فدوة عينه

..............................
(( فــــزاع ))

الدوسـ2006ـري
25-03-2010, 12:36 PM
قوم علم الصبح وش البارحه قلنا // خله يقول لعواذلنا تصافينا

حتى يعرفون يوم انَا تزاعلنا // نبغي نزود قهرهم لا تراضينا

حنا شربنا الغلا حتى تمايلنا // من نشوة الحب تدفعنا خطاوينا

نكسب تعاطف هل الحب بتعادلنا // وهروج حسادنا مااثرت فينا

ياما و ياما حكو لكن تجاهلنا // تلامس احساسنا يسبق خطاوينا

من بدهم في الوفاء حنا تاهلنا // كسرت يدين التجافي من تسامينا

يا بحر كان انت في موجك تساهلنا // بالحب نبحر ونمسي في موانينا

روض المحبين محمي في مداهلنا // وزهور الاشواق تنبت في مراعينا

حنا الشرف والنقا ونشرف اهلنا // عن الرذيله على النايف تعلينا

ياضامي الحب اروتنا مناهلنا // اذا طوانا هجير البعد تسقينا

والسالفه كلها يومن تزاعلنا // كله علشان يقهرهم تراضينا



*** *** *** *** ***

(( خالد الفيصل ))

الجوري_66
25-03-2010, 12:42 PM
يآآآآه حطيت شاعري المفضل خ خ خ


«®°·.¸.•°°·.¸¸.•°°·.¸.•°®»وبحط قصيدتي المفضله هاليومين

قلبي اللي لواه من الصّواديـف لاوي


جرّحته الليالـي والحظـوظ الرديّـه



والله أني بوسط الناس كنّي خَـلاوي



من يلوم المفَارِق عقب فرقـا خويّـه



أشهد أن المفَارَق من عظيم البـلاوي



مير هذا نصيبك يا العيـون الشقيّـه



اتجَلّد واقول انّي علـى البعـد قـاوي



والله أعلم بقلب(ن) فيه الأشواق حيّه



كيف راحت يا بوتركي حياتي شقاوي


وين درب السّعـاده والحيـاة الهنيّـه



ليت لأهل الهوى والحب قاضي دعاوي


كان أداعي عيون اللي فراقـه خطيّـه


كنّي المبلي اللـي قطّعتـه المكـاوي



كل مـا جـظّ بالونّـات زادوه كيّـه«®°·.¸.•°°·.¸¸.•°°·.¸.•°®»


الشاعر

بدر بن عبدالمحسن

ج ــامـــ ع ـية,,~
01-08-2010, 05:47 AM
( اوقات ):flower:

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..


أنا أبي _حامد زيــــــــــــــــــــــــــــــــــــــــــــــــ ــــد-:blush:.....!!

الدوسـ2006ـري
01-08-2010, 01:36 PM
من يوم فرقانا الى يومنا اليوم
مافات يوم الا وهي مشغلتني

إليا غفيت اشوفها في حلا النوم
واليا صحيت بكل الافكار جتني

عشقتها من قلب ميئس ومحروم
وتركتها يوم انها .. عاندتني

نار تشب بداخل القلب بسموم
حاولت اطفي ضوها واحرقتني

دنيا ثقيلة كلها هموم بهموم
كني حملت جبالها فوق متني


** ** ** ** ** **

// ..الأمير خالد بن يزيد .. //

^أبـو غـلآها^
01-08-2010, 03:34 PM
تعالي .. امس وخل نقعد إلى اليوم
ولاجا الوعد باكر نجي في وعدنا

نبي الوصل ياصاحبي .. دايم الدوم
مافيه يوم نقـــول : فيه ابتعــدنا

حتى لو بسبات .. تقبل مع النوم
حلمٍ .. يضم ارواحنا في جسدنا

الحب به معطي /وبه شخص محروم
ابـي أنا ويـاك .. نحيـا سعــدنا

ماهمني لو عقبها قيل مرحوم
حنا .. وجدنا الحب ثم انوجدنا

حنا جعلنا .. للهوى .. عرف وسلوم
ما دام من نهر الهوى .. قد وردنا

::::::::::::::::::::::::::::::::::::::::::::::::

{ متعب التركي }

الدوسـ2006ـري
05-08-2010, 03:55 PM
البارحة مدري وش اللي خذاني
يوم اجنبوا عني من الضيقة اشملت

جيت أتكلم بس عيا لساني
ماكني إلا مرتكب ذنب واخملت

الله يسامح من ذكرت ونسانيي
وأنا أدري إني لاذكرته تجملت

عانيت وأدري كل طيب يعاني
وعلى حساب طعوني الخضر جاملت

ياماخذوا مني ولا احدأ عطاني
من طيبتي في حق نفسي تساهلت

عزاي لامنه تجهم زماني
يممت وجهي للكريم وتوسلت

واللي يبي قربي وبعدي لقاني
أمشي على وضح النقاء ما تختلت

يامن سكنت اجمل زوايا كياني
ياما على نفسي عشانك تحاملت

مرات احس انك معي شخص ثاني
ومرات احس انك حبيبي وما زلت

لاتفرح انك دجت بين المحاني
لو ماتخون الذاكره ما تسللت

عشان ماضيك الجميل وعشاني
حاول تشيل من الوفا ربع ماشلت !!

ماني على خبرك حبيبي تراني
حتى عن اصغار الاماني تنازلت !!


*** *** *** *** *** *** ***

>> عبدالكريم الجباري <<

ليليز
10-08-2010, 09:17 AM
الجيب والقرناس
الجيب والقرناس وخوة هل الطيب
تسوى مجالست الحضر فالمدينه
ماسبّهم واعرف انا مابهم عيب
بس الهوى ياهل الهوى حد لينه
عزبه وخيمه والصحاري مضاريب
والتيس من قبل الضحى صالخينه
ومعلقينه من كراعه على الجيب
والبن الاشقر تونا حامسينه
شبّت حطب ماهي بشبة عياسيب
ارطا وعرفج يمنّا حاطبينه
واليا سنت شب الجروم اللواهيب
قام المقهوي قّرب الماء بدينه
ركّب دلال مجلدات المقاظيب
بغداد من سوق الحفر جالبينه
بيضن تلالا يطعمن المشاريب
تبعد عن انفوس العباد الغبينه
واليا احتمى ماهن يشيل المراكيب
يحط كيفن بالنجر طاحنينه
فنجال ونص وردهن يمه قريب
وجاب البريج وسكره في بطينه
وحطه على صفه هذيك المهاذيب
والبن فاح وركده في سكينه
وجاب الدلال الي يعرف المواجيب
ثنتين غير الي بهن عاملينه
مجنون كيف ورتب الامر ترتيب
حط البهاروريح هيله يازينه
ثم زلهن لين استوى باخر السيب
وحطه بناره ربنا لاتهينه
وقال اقدعوا تمر حلو توّه امجيب
اخلاص من دار الحسا محظرينه
ثم صب فنجاله ومابه عذاريب
والله على الفنجال تسلم يمينه
مجربن ماهوب يحتاج تجريب
اي والله انا كلنا مجربينه
مافيه ظيف وكل ابونا معازيب
والشاي خدر والورق حاكرينه
وعقب السوالف والقهاوي مطاليب
كل يناظر للمواتر بعينه
نبي نهيّف فوق روس المراقيب
وانفّرع القرناس لاجل السمينه
اليا خطفها خطفتن بالمخاليب
تبري النفوس الضيقات الحزينه
واليا انتهى المقناص جبنا مكاسيب
والحر الاشقر عقبها مبرقعينه
ونمشي ونلقا يمّنا فطر شيب
ومفرود يطرد من ورى امه تنينه
وسط النفود ولانمر الشخانيب
نخاف من ظرب الحصى فالمكينه
ووساع صدر ونطقنا بالتراحيب
واعقولنا هي العقول الرزينه
ياليت لي دورن بغوج الاطانيب
وانسى حضارات الخراب وسنينه
اخير من طرد البنات الرعابيب
واحدن تسمّع من عذابه ونينه
ممشاي صح وخوتي للاشانيب
رجل يصد اعن المراجل ياشينه

سعد بن علوش:m21:

الدوسـ2006ـري
20-09-2010, 03:35 PM
انت بتسافر حبيبي.. نعم سافر وغيب ؛؛
بس تقفي سم بالله على عقلي لا ماع ؛؛

لا ما اعلم ماني قادر أوادعك وأنت قريـب ؛؛
كيف وأنت بعيد تبغاني أقول الوداع ؛؛

بس لحظه قبل لأنسى.. لا تنسى ياللبيـب ؛؛
قل لما تملكه من مغريات ومن متاع ؛؛

إني احبك واحبك واحبك لين أشيب ؛؛
يعني لين أموت وأنا احبك للنخاع ؛؛

أحشمك بالحيل واغليك والشي الغريب ؛؛
إني اكره كل فكره تقــودك لانصياع ؛؛

كان ما لوصلنا إلا حل ... عيب ؛؛
كب حبي لك وسمه متاهات وخداع ؛؛

لأني اطهر من بيخسر على الدنيا حبيب ؛؛
ولأنك أنقى من وطت بطن رجله ظهر قاع ؛؛

كثر مايدعوني أهل الهـوى ولا أستجيب ؛؛
كثر ماصفق على بعدك ذراع بذراع ؛؛

آه .. لاوقفت من بين بتصيب وتخيب ؛؛
بين يدين المواليف وأفواه السباع ؛؛

وآه .. لامني ذكرت إن لك من ألمها نصيب ؛؛
وآه لامني ذكرت إن على وجهك قناع ؛؛

اشعر انه منخلق من عسل ورد وحليب ؛؛
واشعر إني كل ما أذكره مجموعة جياع ؛؛

ليت مالك في حياتك لا خوي ولا طليب ؛؛
كان بخشك وسط خافقي وأقول ضاع ؛؛

امحق الله..سعوا في ولف الهيام وقطع صيب ؛؛
من يبكي مقلتين الشجاع ابن الشجاع ؛؛

لو على البحرين شرهه ودمعات ونحيب ؛؛
كان ما خلتك تقفي عن حدود الرفاع ؛؛

ولو جنيف تحس بجرحي المر العطيب ؛؛
كان ما تخاذك مني .. وتعطيني ضياع ؛؛

*** *** *** *** ***

(( جارالله السهلي ))

الدوسـ2006ـري
22-09-2010, 09:38 AM
انت بتسافر حبيبي.. نعم سافر وغيب ؛؛
بس تقفي سم بالله على عقلي لا ماع ؛؛

لا ما اعلم ماني قادر أوادعك وأنت قريـب ؛؛
كيف وأنت بعيد تبغاني أقول الوداع ؛؛

بس لحظه قبل لأنسى.. لا تنسى ياللبيـب ؛؛
قل لما تملكه من مغريات ومن متاع ؛؛

إني احبك واحبك واحبك لين أشيب ؛؛
يعني لين أموت وأنا احبك للنخاع ؛؛

أحشمك بالحيل واغليك والشي الغريب ؛؛
إني اكره كل فكره تقــودك لانصياع ؛؛

كان ما لوصلنا إلا حل ... عيب ؛؛
كب حبي لك وسمه متاهات وخداع ؛؛

لأني اطهر من بيخسر على الدنيا حبيب ؛؛
ولأنك أنقى من وطت بطن رجله ظهر قاع ؛؛

كثر مايدعوني أهل الهـوى ولا أستجيب ؛؛
كثر ماصفق على بعدك ذراع بذراع ؛؛

آه .. لاوقفت من بين بتصيب وتخيب ؛؛
بين يدين المواليف وأفواه السباع ؛؛

وآه .. لامني ذكرت إن لك من ألمها نصيب ؛؛
وآه لامني ذكرت إن على وجهك قناع ؛؛

اشعر انه منخلق من عسل ورد وحليب ؛؛
واشعر إني كل ما أذكره مجموعة جياع ؛؛

ليت مالك في حياتك لا خوي ولا طليب ؛؛
كان بخشك وسط خافقي وأقول ضاع ؛؛

امحق الله..سعوا في ولف الهيام وقطع صيب ؛؛
من يبكي مقلتين الشجاع ابن الشجاع ؛؛

لو على البحرين شرهه ودمعات ونحيب ؛؛
كان ما خلتك تقفي عن حدود الرفاع ؛؛

ولو جنيف تحس بجرحي المر العطيب ؛؛
كان ما تخاذك مني .. وتعطيني ضياع ؛؛

*** *** *** *** ***

(( محمد جارالله السهلي ))

:good2:

Pure Lady
24-09-2010, 04:08 PM
لا صرت بايعني .. اشوفـك علـى خيـر
مـع السلامـه .. دام مـا بـه سلامـه !!



قلت : انتهينا؟ قلت لك : خير يـا طيـر !!
مانـي بـاول شخـص يخسـر غـرامـه



محـذرك مـن قبلـهـا الــف تحـذيـر
لا عفتنـي بيعيـف قلـبـي هيـامـه ؟؟



مانيـب ميّـت لا ! ولا احتـاج تبـريـر
صـح الله لسـانـك .. ووفــر كـلامـه



بسمعك .. حبكـه .. وفكـره .. وتصويـر
وافهـم عـدل يــا مـدعـي بالفهـامـه



وجه الشعـر ( ابيـض ) ويحتـاج تغييـر
ودي تـزيّـن هالقصـيـده ( عـلامـه )



ماضيك ( الاسود ) بذكـره دون تقصييـر
كذا يكون بخـد هالشعـر .. ( شامـه !! )



يصدق معـي تعبيـر .. ويخـون تعبيـر
يا ضيعة الشاعـر .. بوقـت انسجامـه !



يمكـن خطـا ادونـك بالشعـر ؟! ميـر
لو مـا احترمتـك ؟ للغـرام احترامـه !!



ما كان حبـك غيـر بـس طعنتـك غيـر
علمتـنـي معـنـى الـنـدم والنـدامـه



مـا جـاك منـي اي زلــه وتقصـيـر
كل ما خطيت اعاتبك .. بابتسامـه !!!!؟!



حسبي علـى الذكـرى اذا هبـت عصيـر
مـا عـاد تنفـع شرهـتـي والمـلامـه



البال ( ضامي ) وقتها والحـزن ( بيـر )
( خسرتك ) وهمي ( كسبـت ) اهتمامـه!!



والليل فازع لـك كـذا !! جانـي مغييـر
ظلمتـنـي واكـثـر ظلمـنـي ظـلامـه



لا اقبل علي اوحييـت صـوت المساييـر
وفزيـت كـل ضيـف ٍ اقــوم بمقـامـه



وليا عـزم هالليـل ( ضيقـه وتفكيـر ! )
قلّـي بربـك كيـف بـقـدر انـامـه ؟؟



مـا فيـه داعـي للعـتـب والمعـاذيـر
الغدر ( خال ) الجرح واطيّب ( عمامه ) !!



أما يجيـب الله مطـر .. تالـي وخيـر ؟
ولا السلامـه مـااااش مـامـن سـلامـه



،،،،،،،،،،،

مـحــمـــد بــن الـذيـــــب

طآآح آلحطب
26-09-2010, 08:11 PM
على خط جسر بقيق مريت جسر بقيق
وأنا غترتي من فوق راسي ورابطها
دوي الرعد في أذني دوي طايرات الميق
أبي ديرةٍ ماني بجاهل خرايطها
على شان من يحلم بزولي قبل ما يفيق
وإذا فاق ذاكرته على الحلم سلطها
معاه العذارى لو تهايط مسا وشريق
علي من غلاه إن قد يوقّف مهايطها
عليه الوصوف النادرة راكبة وتليق
تحوطه من زود الميانة وحوطها
كساير ذهبه اللي لها فالنحر تبريق
تغبطه على منحره والنحر غابطها
يا غصن الغلا يالله بالخير والتوفيق
تبا تغنم الفرصة معاي أو تفرطها
جدايله ما تدري وش المشط يابن زريق
تعرض على شهب الهبوب وتمشطها
أبسمعك بيتين ما هيب للتلفيق
وبيتين تصلح لك وبيتين سافطها
وبيتين يلحقها من المنتقد تحقيق
وبيتين ماتعجبك ولا تعابطها
ألذ الوصال مواصلك واحلا ما ذيق
عسل نحلته شفتك والثغر مسقطها
غرامك غصن جمره يفوح عليه بريق
ترفق على كبدي ترى البعد شاحطها
تخبر الدموع اللي سرت من عيونك ضيق
لقاها هدب عيني حزينة وقلطها
وقامت تجمع من على محجري وتويق
وإذا حولت ما عاد يمديه يلقطها
لكن ماعليها خوف خلق الدموع تريق
خدودي لدمعٍ من سبايبك باسطها
صغاير الأمور أشلها والكتوف تطيق
وعظايم الأمور تهزني وأتباسطها



خلف بـن هـذال

الدوسـ2006ـري
30-09-2010, 02:02 PM
قال الوداع وقلت يازين لالا
.................. ما هوب حق تغيب عني دقيقه
لك في صميم القلب قدر وجلالا
.................. وفراقكم يا روح روحي ما اطيقه
ما اطيق بعدك يا حسين الدلالا
.................. فرقى الشمل ولع بكبدي حريقه
عليك حالي ناحله بإنحلالا
.................. و النفس فيها يا ابن الاشراف ضيقه
يطوي على قلبي هموم تتالا
.................. صدفت من حبك جروح عميقه
واليوم انا ما ريد فيك المنالا
.................. اخذ كلام إللي كلامه حقيقه
وانا على وصلك كبير الآمالا
.................. وصل العشيق إللي وفى في عشيقه
سبحان من صورك جل و تعالى
.................. الجسم ناعم والملامس رقيقه
بيض تحت حمر الشفايا تلالا
.................. كن العسل يصنع من اطراف ريقه
اكظم إليا طري و جاله مجالا
.................. ما في يدي حيله و لا لي طريقه
إلا نهار يروح سيد الجمالا
.................. اخضع و ودعني عهود وثيقه
سافر و دمعه مثل وبل الخيالا
.................. و انا عيوني من دموعي غريقه
هل الهلال وهل عقبه هلالا
.................. و الروح في لاماه حرصه شفيقه
إن كان ناس و تدعوا الكمالا
.................. عودوا على حي جفى النوم ميقه
جفى المنام و صاب قلبه جفالا
.................. صار السهر عقب العداوة صديقه
بين الرجا و الياس و العهد طالا
.................. و الله يبور من يبور برفيقه
مشبوك و المشبوك امره محالا
.................. لا و هنيك يالطيور الطليقه
راعي الهوى عن الهوى ما يسالا
.................. يوم المحب أقل حاجه تضيقه


*** *** *** *** *** *** ***

جديد (( محمد ابن فطيس ))

مقبرة الاسى
04-10-2010, 08:51 AM
منـت بعلى خبري .. تغيـرت يآهيه
برد المساء ما عاد عانق حضورك

ما عادك أنت اياه .. ولا آعرف ليه
ولا عاد ذا شوقك .. ولا ذا بشعورك

عنيتني لـ درب العذاب .. ومساريه
وآنا آتعنى في رضاك / وسرورك

لا تسومني دمع الوفا .. صعب تشريه !!
بأيدك هدمت البيت والسور سورك

انا هديتك خافقي .. وأنت تهديه ؟؟
للحزن /والليل العتيم /.. وغرورك

ترى الهديه عيب تهدى .. وتنويه :
إن ما آحترمت العهد شـ يكون دورك

كنت اشتهي صوتك وآحبه واداريه
والحين ما آداني السواليف طورك

شبيت ضوي في رجا الغنج والتيه
وتشب ضو البعد .. يا شين جورك

(( الفي عليك بشوق وتقول ما فيه
ودك بوصلي بس يا كبر امورك ))

اللي بقلبي من غلا .. خذت باقيه ؟؟
رده علي تكفى .. أو اكفه شرورك

لا وا خساره ؟؟ .. يا فديتك ولبيه ؟؟
نهيتني يا قلب .. ما طعت شورك

يا مجرم جروح الغياب .. بـ تماديه
وقع على صك الوداع .. بـ حضورك

اهديتك الدنيا / وقلبي / وما فيه
ولا أنت تهديني خطاك .. وزهورك

وسلمتك .. زمام الهوى والمشاريه
وأنت تحفر لجروح صدك .. قبورك

احيه من جمر انتظاري و يا آحيه
لا ذكرتني بالمحبه .. عطورك ؟؟

يسقيك يا ذاك الغرام ولياليه
وابكى غرامي فيك وأبكي شعورك

تضحك معا قفاك .. لكن معا ليه ؟؟
اصبر على الايام ويجيك دورك

((,,ســـــــأألم سيـــــــــــــــأأر,,))

فاطِمَة ~
04-10-2010, 09:46 AM
’’ كل ماطار الفراش أعرف إن أمي طفت
يمه ويني ؟؟.. يمه .. يمه ويني
نامت سنيني علي تلتحف من برد عمري
مامعاي إلا عيونك .. تقطر الدمعه في بالي
تطفي البرد ويجيني زولك بداخل عيوني
أحضن عيوني وأنام
تهزهزي البرواز أدري ‘‘





فاروق جويدة.

الدوسـ2006ـري
12-05-2011, 01:04 PM
بغيت للشاعره: الراسيـه

Qatar 2022
18-06-2011, 01:28 AM
بغيت للشاعره: الراسيـه


الاياللي تحسبني ورى الشهره ابي انساق
انا ما انسقت للشهره ولا شهرتك تغويني
انا حواء وساقتني على تفاحتك الأشواق
ونا ديتك تطعّمها غريتك وانت تغريني
خرجنا للسعير وحتت غصون القصيد اوراق
ثمرها جمرةٍ بثت رماد الذاكره فيني
لبست من الورق ثوبا يعزز رغبة المشتاق
يداري ما يداري من ثمره ان صح تخميني




..............................

(( فهد المساعد .. ))

الدوسـ2006ـري
28-06-2011, 09:49 AM
^
^^
^^^


يا رفيف الماء .. وفجر العيـد .. وأحزان المواني
يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني
والكلام اللي بغيت أقول .. يحتاج ل سكينه !

شوفي الركن البعيد هناك .. كنه صدر حاني
هذا هو اللي يليق ب شاعر وبنت حزينه!

أنسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!

عندي الليلة كلام وصمت .. وأخاف الثواني
تظلمه .. أو تظلم اللي فيه كم ضاعت سنينه

بس لازم تسمعـين اللي أبي ولا تراني
لو ب أعيده لك .. نسيت .. ورحت أقول اللي تبينه

شي واحد قبل ما أبدأ .. ما أبي أي شي ثاني
يخطر ف بالك .. وأنا أكشف لك شعـور تجهلينه !

إن أنا .. وبكل ما تحمله "أحبك" من معاني
كنت،وراح أبقى أحبك .. لين .. مدري وش هو لينه !!

بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه

كل ما تطري علي فكرة هواك الأولاني
أشعر إني أنطعن مليون مره من يدينه!

أشعر إن عيونك.. الله ما خلقها إلا عشاني
كيف كانت تبتسم له؟!.. قولي إنك تخدعينه !!

صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه

حتى اسمك يـوم رحت أدلله .. حظي رماني..
بنفس الاسم اللي يقول .. بذمتك ماهي غبينه !؟

وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!

لا تظنينـي أناني .. لا .. أنا مانيب أناني
لو سلمت من الغرق . ب أموت فـي ظهـر السفينه!

يا إني ما أكمل وأعاني .. أو أكمل ثم أعاني..
كل ما اسمع طاري اسمه .. أو تجي عيني في عينه!

أينا كان الضحيه ؟.. وأينا اللي كان جاني ؟
مدري !.. ولكن قراري لازم إنك تقبلينه:

مثل مـا أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه!


-- * -- * -- * -- * -- * --

أبي لـ ، ، ،

(( حمد عبدلله البريدي ))

رهينة حب
28-06-2011, 12:22 PM
ياليت حبك دمع وابكي له الليل
وانساه قبل انام وانام واصحى
واصحى وانا ناسي جميع التفاصيل
من شوق ومعاتب وضحكا ومزحا
سحابة همومي بصدري لها سيل
خلت دموعي مثل وديان رفحا
ما امداك تنساني وانا شاعر الجيل
ياللي على صوتي شفوق وتوحا
باسامر جروحي واجر المواويل
واشل عن درب المحبين سمحا
بعض المشاعر صدق ماهيب تمثيل
وانا باغني لك من الصدق فصحى
لله درك لاتزد حفنة الكيل
حزني يقاتلني على كل فرحا
رفقا على قلب الفتي ايها (الايل)
اني ارى في نجل عينيك رمحا
يعني كذا من دون شرحا وتطويل
ذبحتني ياجعلك الزين ذبحا
عنيد واحبك واشوف الغرابيل
لو كنت اجمل وجه والطف واسحا
عذروب حبي لك يخليني اميل
واميل لين القلب عن غيرك انحا
خذوك مدري خذتهم قالوا وقيل
واقول ( حكي الناس ما منه ربحا )
خليتني يا باهي الطرف والويل
مشاعري مابين (موتى) و (جرحى)
موت الخفوق اهون ولا موتت الحيل
لا واشقى منهو على الدمع اضحى
مشكور ماتقصر ووفيت بالحيل
مرحا على هاللي تسويه مرحا
عزاك ياقلبي بقطع المواصيل
معاك من باقي محبيك جرحا
الدمع بللني ولا ابي مناديل
واللي كتبه الوقت لابد يمحا
ولاعاد تنشد عن دموع الرياجيل
يكفيكـ (ابن عدوان ) في حب (وضحى )


.........................................


(سعد علوش )

BINT ALDERA
28-06-2011, 03:03 PM
حي منهو لا ذكرتـه دريـت أنـي بخيـر
صاحب لا شافنـي ضقـت منـه ضمنـي


يشتعل بي لين يطفا على العـرق الأخيـر
وأنثر له شـوق واليـا أنتثـرت أيلمنـي


يـا تنـداي الخليـه علـى طاقـة حريـر
يـا مخوفنـي وقاطـع رجـاي وممـنـي

يا أمل يا خيبتـه يـا متاهـه يـا مصيـر
خـل قلبـك لا تراخـا الزمـان أيزمنـي


ما بي الدنيا أبيك انت لانـك أنـت غيـر
جيت فحظانك طفل وأنت أبـوي وسمنـي

شوف فوق وغن بسمي على اللحن القصير
وخصني في كـل لمحـة غـرام وعمنـي


بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي


جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي



*********

(فهـــــد بن مشعاب )

الدوسـ2006ـري
25-07-2011, 02:05 PM
يابنت انا ولد الرجال المناعير .. ماني بحي الله بشر تعشقينه ..
انتي من اهل الفخفخه والدنانير .. وانا بدوي بس أنولد في مدينه ..
الله عطاه احساس ويحب ويغير ..ماهو عشان تجين وتعذبينه .. !!
يامعلمين الزين من عاده صغير .. الموت خير من القهر والغبينه
شفتي غلا شيباننا للمغاتير ! .. كنه غلا شيبانكم للسفينه
احدن جنا منها قصور وسيايير .. واحدن جنا همه وفقره ودينه
يعني انا صيفي جنوب المناصير .. وانتي شمال جنيف ولا يمينه
شفتي شلون الفرق من دون تفكير .. ولا كلام الحق ماتسمعينه !!
ولا تبين يصير شي مهو يصير .. الي على سنّة محمد ودينه
يابنت حنا الي ندك الطوابير .. الا انكشت ستر الفتاه الحسينه
يعني اذا ضاقت عليك التفاسير .. ليه الزمن ماحطني وسط عينه
لان اصغر احلامي حليب العصافير .. من كثر ماحصلتي الي تبينه


*****************


(( مدغم ابوشيبه ))

FBH*ايتاليانو
05-09-2011, 10:23 AM
يامـعـشـر الـلــي عـلــى ضـــو الـقـمــر سـاهـريــن
مـامـرّكــم عــــود مــــوزٍ فــــي عــلــوّه ثــمـــر ؟! :blush:


*محمد آبن فطيس

همسة حب
08-09-2011, 01:03 AM
سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي


د.مانع سعيد العتيبة

FBH*ايتاليانو
08-09-2011, 10:53 AM
ماذا تبقى في يدي .. لأعيش منتظراً غـــــدي
آمال عمري كلها .. ضاعت مع الزمن الردي
أمســي ويومي خلّفا .. هذا الشقاء السرمدي

خالد الفيصل

الدوسـ2006ـري
14-09-2011, 11:08 AM
ليه أذا حبيتك اكثر..زدت قسوه
وأن دريت بحاجتي لك...زدت جفوه

وأن عطيتك من حياتي ماتريده..
ماكفاك / تحسب أن الحب...نزوه

والله أني ياأحب الناس..أحبك
والله أن الروح لو ترضيك..فدوه

والله أني تارك(ن) غيرك..وجيتك
مزعل الزعلان والعذال..عنوه

كل دقة قلب فيني لك قصيده
تكفي الدنيا مع الأحباب غنوه

وكل هاجس مايجيب إلا خيالك
سلوتي بالعمر في صحوة وغفوة

أجمع إحساسي وأشواقي وأجيلك
والبس ثياب الهوي والعشق كسوه

انتقيلك من سواليفي حسنها
والقصايد من غزلها...كل حلوه

وانثر العبرات والضحكات عندك
تاخذ اللي تلتقيلك فيه سلوى

وأذكر الله كل ماشاهدت حسنك
أشهد إنك فوق عرش الزين ذروه

ماقصدت بكل هذا أتجمل..
أو اقول اني احق الناس حظوه

أدري اني عادي ومافي ميزه
وادري اني كادحن..ماحاش ثروه

وأدري اني في خريف العمر ماضي
مابقي بيني وبين القبر خطوه

لكن إني صادقن فيما أقوله
واطلب من الله عن الزلات عفوه

:s21: من اروع ما قال


*** *** ***

(( بدر بن عبدالمحسن ))

ReEeM Qtr
14-09-2011, 04:59 PM
ظماي انت ومن يعشق ضماه غيري
جروحي انت ومن يكره دواه
اسقني لو ما ارتويت داوني لو ما شكيت
ماهقيت اني اعطش في حياتي لغيرك انت
مادريت ان مابه أغلى منك الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظار ..!
ياللي يسبقني زماني من عطش ليلي ونهاري
عطني موعد وانسى موعد
بس لا تهجر وتبعد
يا ظما قلبي لقلبي وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه لو تدري بشوقي
آه يا ظما الدنيا بعروقي


علي بن سالم الكعبي

MaHa.F
14-09-2011, 07:57 PM
مقبله تمشي ويتبعها الفضــول
تحظن أطــراف الجدايل شيلهـا
وفي لسان الحال نظرتها تقول
مرحبا بـحر المشــاعر سيــلها
واثقه في مشيها مثل الخيول
ما تعـبر كـل حـي بجيــــلها
الـتدلل ماخطا الخطوة خجـول
رايقـه كـن السحـاب يشيلها
صادق الاحساس بالخافي يجول
والقـوافي اسرجت له خيلها
تايه الاشعار في عرضٍ وطول
حايره فالوصف تشكي ويلها
الحسن فيها ابد هولٍ و هول
من الجبين الين وطيت رجلها
خدها البراق فالداجي يصول
والشعر ماخذ سواده ليلهــا

(الشآعر: محمد الفيصل)

ReEeM Qtr
19-09-2011, 03:25 AM
شوفي ياعيني الحنان
اللي عمري ماعرفته
صار لي مستني زمان
كان أمل غالي ونلته ..
أهدى لقلبي المنى
بدل عذابي بهنا ..
شوفي ياعيني الحنان
اللي عمري ماعرفته ..

حبيبي ياحبيبي
في هواك فرحي
وجرحي لو تغيب عني يا حبيبي
أساهر .. أساهر دمعتي في بعدك
وتمسح طلعتك حزني ..
شوفي شوفي شوفي .. شوفي ياعيني الحنان
اللي .. اللي عمري ماعرفته
صار لي مستني زمان
كان أمل غالي ونلته ..
أهدى لقلبي المنى
بدل عذابي بهنا ..
شوفي ياعيني الحنان
اللي عمري ماعرفته ..

ياواهب لقلبي .. لقلبي حنانك .. حنانك بحبك
ابوهب حياتي .. حياتي عشانك .. عشانك و حبك
في كل دقة في قلبي ..
بكل بسمة بعمري ..
بكل خطوة بدربي ..
في كل لحظة بتجري ..
شوفي شوفي شوفي .. شوفي ياعيني الحنان
اللي .. اللي عمري ماعرفته
صار لي مستني زمان
كان أمل غالي ونلته ..
أهدى لقلبي المنى
بدل عذابي بهنا ..
شوفي ياعيني الحنان
اللي عمري ماعرفته ..

" حامد زيد "

FBH*ايتاليانو
22-09-2011, 07:59 PM
امم ماسمع له وايد

ضاقت وساع الفيافي ، والوعد متن السفينة
للطريق اللي دعاني بعد أمان الله ..وأمانة
لا تناديني ..وصوني قلبك الله لا يهينه
لا يراهن في رجوعي لجل مايخسر رهانه

عبدالرحمن بن مساعد :s21: