لمبة مكتب ... رسمة بيد المهندي

[المهندي]

السلام عليكم ورحمة الله و بركاته
طبعا كلكم مستغربين شاللي خلاني ارسم هالرسمه
اكيد ماراح تكون من نفسي
هالرسمه من مقرر اسس رسم
الدكتور جا و حط لنا هالليت و قالنا يالله الكل يرسم من الجهة اللي هو قاعد فيها
طبعا انا اول مره ارسم معدن و الظلال و النور متعبيني صح
لكن انا حطيت الرسمه عشان تشوفون الظلال و تحكمون اذا اوكيه و لا
و انا ابي رايكم بصراحه

و تقبلوا تحياتي
http://members.lycos.co.uk/qatarugallery/up/pic/lump.jpg

[Ahmad]

راس اللمبة و القاعدة شوي يبيلهم ضبط.

الظلال عموماً اوكي، خصوصاً في النص الثاني من المعدن، صج رهيب.


تسلم يدك أخوي.

[مريم]

حلوه الرسمه اخوي تسلم ايدك ..
وبالضبط اللي قاله احمد نفسه اللي كنت بقوله ..
ومنتظرين رسومات جديده من المقرر ..
:)

عيدك مبارك
..

[نور الدنيا]

وااايد حلوه والفكره احلى ..
انا بعد اؤيد اخوي احمد في راس اللمبه ..
يالله ياخطيير ننتظر الجديد :)

[santos]

الله يعطيك العافيه

[المهندي]

احمد + مريم + نور الدنيا
مشكووووووووووورين على ردودكم الطيبه و انا كنت حاس انكم بتكلمون عن راس اللمبه
بس على فكره ترا اللمبه من نفسها جي عويه و القاعده مثل ما انا شفتها نسختها
و خبركم بعد لمبات الجامعه الله بالخير من اول مافتحوا الجامعه و هي موجوده
حتى انا قعدت افكر اقول ليش غطى الليت عوي !!!
قلت اكيد اكل عليه الزمان و شرب
خخخخخخخخخخ
بس المهم اني نسخته مثل ماهو جدامي بدون اي اضافات اللهم بس في الظلال يمكن
و مشكوووووورين مره ثانيه
و تقبلوا تحياتي

سانتوس
مشكوووور اخوي عالرد و التواصل
و تقبل تحياتي

[الفجر البعيد]

هلا اخوي..


كنت بقول للاخوان انهم مايحكمون على الرسم قبل لايشوفون الاصل.. ^_^


وطلع معاي حق لما قلت في ردك..


ترا اللمبه من نفسها جي



ملاحظتي على الظلال...ان الرسمه لازم تكون انور من جذي :) ولو اني اعتقد ان لون الورق نفسه ماثر..او ان هذا من السكانر .. !!!!!..


اكثر شي عجبني ظل القاعده.. لكن الظل الخفيف الي تحت العمود احس انه مب في محله..المفروض العكس..لان سقوط الضوء من اعلى..يعني المفروض مايكون في ظل تحت اللمبه مباشره..



تسلم يدك اخوي...


وفي انتظار جديدك... :)

[بوحسن]

تسلم يدك أخوي ..

المهندي

يعطيك الف عافيـه ..

والى الامام ..

[المهندي]

الفجر البعيد
يسلمووووووووو اختي عالرد و على الملاحظات
و بخصوص الملاحظه الأولى طبعاً و بكل تأكيد من السكنر :)
و بخصوص الملاحظه الثانيه الضوء ساقط عاللمبه من كذا جهه و اللمبه أصلاص مطفيه
و هالظلال اللي تحت العامود طبعا صحيح و مثل ما قلت لكم انا نسختها بالضبط
بس الله يسامح السكنر مب راضي يفهمني :)

بو حسن
مشكووووووور اخوي عالرد و التواصل و الله يعافيك حبيبي

و تقبلوا تحياتي

[Qatar Perfume]

مرحبا اخوي الرسمه وايد حلوه بس في شي الظل اللي في القاعده يبي له مسح شوي عشان الخطوط تبين لو تمسح بصبعك يبطلع اوكي تسلم يدك

[المهندي]

يسلموووووووووو عطر قطر عالرد و على الملاحظه و على فكره
ترا انا كنت اسوي جي و امسح بصبعي و شغلت الصبع صح (كرفته) :)
بس الدكتور جا و قالي الظل كذا يبين بدون حركه لازم تدخل الخطوط شوي لانها في الاخير هي رسمه مب صوره
فا اول شي مسحت بصبعي و عقب قمت اضيف الخطوط البسيطه داخل الظل
و هذي فكره اوصلها لكم من دكتور

و تقبلي تحياتي

[Qatar Perfume]

ههههههههههه حلوه ذي كرفت صبعك الله يعطيك العافيه

[Blue_pixy]

احم احم....جااااا دوري..."""نقد جااارح..لحد يزعل" :geek2:

اول شئ على قولة الدكتوره وفاء الحمد:يبييييييييييييييله زياده!...


يعني..كثر ازياده الرصاص...لا تخلي مساحات كبيره ما فيها درجات ...بمعنى آخر...كبّر مساحات الظل والنور!.

انا ما ادري اذا كنت تستخدم الرصاص العادي او علبه الوان الرصـــاص...لكن اذا ما جربت ترسم فيها..جرّب وبتنفعك..

والرســــم>>>>>اوكيـــــــــــــــــــــه...بس يبيلك تركّز شويه في الابعاد والاستقامه! :a7:

الله يذكر مقرر اسس رسم بالخير :crutch: ...كرّفووووني من كثر ما يقولون "زياده".."بعد رصاص اكثر"...لين ما عيزت..وقمت استخدم الفحم علشان ابين اقمج درجه ظل..ولطعت ثيابي من الرصاص... :mad1:
لكن الحمد لله طلعت بـــ(A+)...
قولوا ماشاء الله!!!! :s19:

[المهندي]

مرحباااااااااا بلوووووووووو .... ثانكس عالرد اختي و بخصوص ملاحظتج عن الابعاد ترا مثل ما قلت حق اللي قبلج انا نسخت الليت اللي جدامي مثل ماهو بالضبط لكن بعد ماوصلت لـ 100% لكن قريب جدا
و يسلموووووو عالرد اختي مره ثانيه و على الملاحظه اللي تدل على انج فنانه :)
و تقبلي تحياتي

[cat attack]

بو حسن :13:
طلعت فنان وانا ما ادري <= فنان بالمعنى الفني مب حمار بالمعنى اللغوي تعرفون اللغه العربيه ومقالبها المحترمه ................ :169:

وانا اؤيد كلام بيكسي يبيلها شوي رصاص بس ممكن نقول ملعقتين شاي :mad3:

[لحظة شوق]

ما قصرت وان شاء الله نشوف جديدك اخوي المهندي.........الرسمه حلووووووووه

[المهندي]

كات اتاك

شدخل بوحسن !!!! انا المهندي يبه وين رحتي !!! مب منج من القطو اللي عندج
خخخخخخخخخخخخخ
و انا عارف قصدج مايحتاي توضحين اكثر بس ياويلج مني ههههههههههههه

عنيدة قطر

مشكوووووووووره اختي عالرد و ان شاء الله راح تشوفون الجديد

و تقبلوا تحياتي

[cat attack]

تدري انطر منك الزفه ................اذا انا ماتنغشرت فيك مين بيسوي لك هاي الحركات الزعبوطيه ..............

[غجرية]

غرييييييبه ...بس حلوة .

[المهندي]

ماغريب إلا الشيطان يا غجرية
و مشكوووووره عالرد إختي
و تقبلي تحياتي

[فيــــصل]

فناااااااااااااااااااااااااااااااااااااااااااااااا ااااااااااااااااااااان

ماشاء الله عليك اخوي روعه الرسمه

[المهندي]

يسلموووووو اخوي فيصل
و مشكوووووور حبيبي على ردك

و تقبل تحياتي

[دنـــــدن]

ما شاء الله عليـــك....انـاا ابي ارسم ليـــت عوي ما عرفت هههههههههههههههههههههه

ما شاء الله عليك عيني عليك بارده ....الرسمه حلووه بس مادري لين تشوفها من بعيد تحس ان فيها شي امممممممممممممممم يعني امـا نقص أو تحتاج تعديل شووي.....

لكن عمومــا الرسمــه روعـــه :13:


تحياتي

دنـــدن

[المهندي]

مرحبا اختي دندن
مشكووووووره اختي عالرد
لا بالعكس تقدرين دشي الجامعه و بتشوفين كل شي عوي
خخخخخخخخخ
صحيح مافيها تفاصيل لأنها هي أصلا جي بدون تفاصيل

و تقبلي تحياتي